▫️آنا ایتیرنده
قویمایین تکلنیب تنها قالماغا،
بئله آندا خاطیرهلر سس ائدیر.
کؤنول اوخشاماغا، هایان اولماغا،
بیر تئلئفون زنگی... او دا بس ائدیر.
دردینی سوروشون، حالینی سورون،
نییه گؤرمورسونوز اورهیی دولوب؟
سورغویلا، سؤاللا سیز اونو یورون،
او اؤزو ده بیلمیر اونا نه اولوب.
بیر اود ذرّهسیدیر گؤزلرینده یاش،
باخمایین دانیشیر، باخمایین گولور!
باشیما گلیبدیر، بیلیرم، قارداش!
آناسی اؤلَنین دونیاسی اؤلور.
قهَردن اوشویور آغیزلاردا دیل،
سینیق کؤنوللرده سینیر سسیمیز.
اللی ده، آلتمیش دا ائله یاش دئییل،
آنا ایتیرنده قوجالیریق بیز.
خیاللار الینده اسیر قالیریق،
کؤسووو کول اولان اوجاق اولوروق.
آنا ایتیرنده یئتیم قالیریق،
آنا ایتیرنده اوشاق اولوروق.
بیر آنا شکلی ده اووودور بیزی،
دوغما دا، اوزاق دا یاخینا گلیر.
غفیل لپهلنیر عؤمرون دنیزی،
اینسان دالغالارلا باش-باشا قالیر.
قهَردن اوشویور آغیزلاردا دیل،
سینیق کؤنوللرده سینیر سسیمیز.
اللی ده، آلتمیش دا ائله یاش دئییل،
آنا ایتیرنده قوجالیریق بیز.
#طالع_حمید
#شعر_اوجاغی
@SheirOcagi
قویمایین تکلنیب تنها قالماغا،
بئله آندا خاطیرهلر سس ائدیر.
کؤنول اوخشاماغا، هایان اولماغا،
بیر تئلئفون زنگی... او دا بس ائدیر.
دردینی سوروشون، حالینی سورون،
نییه گؤرمورسونوز اورهیی دولوب؟
سورغویلا، سؤاللا سیز اونو یورون،
او اؤزو ده بیلمیر اونا نه اولوب.
بیر اود ذرّهسیدیر گؤزلرینده یاش،
باخمایین دانیشیر، باخمایین گولور!
باشیما گلیبدیر، بیلیرم، قارداش!
آناسی اؤلَنین دونیاسی اؤلور.
قهَردن اوشویور آغیزلاردا دیل،
سینیق کؤنوللرده سینیر سسیمیز.
اللی ده، آلتمیش دا ائله یاش دئییل،
آنا ایتیرنده قوجالیریق بیز.
خیاللار الینده اسیر قالیریق،
کؤسووو کول اولان اوجاق اولوروق.
آنا ایتیرنده یئتیم قالیریق،
آنا ایتیرنده اوشاق اولوروق.
بیر آنا شکلی ده اووودور بیزی،
دوغما دا، اوزاق دا یاخینا گلیر.
غفیل لپهلنیر عؤمرون دنیزی،
اینسان دالغالارلا باش-باشا قالیر.
قهَردن اوشویور آغیزلاردا دیل،
سینیق کؤنوللرده سینیر سسیمیز.
اللی ده، آلتمیش دا ائله یاش دئییل،
آنا ایتیرنده قوجالیریق بیز.
#طالع_حمید
#شعر_اوجاغی
@SheirOcagi
▫️گلمهیهجهییک.
اولدوزو گؤیلردن ائنن گؤرموشوک،
یانان اوجاقلاری سؤنن گؤرموشوک،
بیز هانسی گئدَنی دؤنن گؤرموشوک؟
بیر ده بو دونیایا گلمهیهجهییک.
آغین آغ رنگی وار، قارانین قارا،
عبث آلداتماسین شیرین خولیالار،
گؤزلر دیکیلمهسین سونسوز یوللارا!
هر شئیین اوّلی، بیر ده سونو وار.
بیرین بیر تکراری، اونون اونو وار،
بیر ده بو دونیایا گلمهیهجهییک.
عشقین آلوووندا بیز کول اولاریق،
عؤمرون سئحیرینده بیر گول اولاریق،
دئییریک، گولوروک، نه قدر واریق،
اونسوز دا یوخلوغون اوزو قارادی،
بیر ده بو دونیایا گلمهیهجهییک.
#طالع_حمید
#شعر_اوجاغی
@SheirOcagi
اولدوزو گؤیلردن ائنن گؤرموشوک،
یانان اوجاقلاری سؤنن گؤرموشوک،
بیز هانسی گئدَنی دؤنن گؤرموشوک؟
بیر ده بو دونیایا گلمهیهجهییک.
آغین آغ رنگی وار، قارانین قارا،
عبث آلداتماسین شیرین خولیالار،
گؤزلر دیکیلمهسین سونسوز یوللارا!
هر شئیین اوّلی، بیر ده سونو وار.
بیرین بیر تکراری، اونون اونو وار،
بیر ده بو دونیایا گلمهیهجهییک.
عشقین آلوووندا بیز کول اولاریق،
عؤمرون سئحیرینده بیر گول اولاریق،
دئییریک، گولوروک، نه قدر واریق،
اونسوز دا یوخلوغون اوزو قارادی،
بیر ده بو دونیایا گلمهیهجهییک.
#طالع_حمید
#شعر_اوجاغی
@SheirOcagi
▫️عؤمرو بیتیردیم.
آدینی، عونوانینی،
یئرینی-یوردونو بیلمهدیگیم گؤزل!
غفیلدن نه شیرین قهقهه چکدین!
کؤکسوم غوبارلاندی،
ایتیردیگیم گولوشلری قایتاردین منه.
دوز بیر عؤموردو گزیرم او گولوشلری،
اونو هاردا ایتیرمیشدیم، بیلمیرم.
کولکلر قانادیندا،
قوشلار دیمدیگیندهمی گتیردی، بیلمیرم.
سن گولدون، من سئویندیم،
گلدین، ایتیردیگیمی تاپدیم،
گئتدین- تاپدیغیمی ایتیردیم...
بیر گولوشو گزه-گزه،
دوز بیر عؤمرو بیتیردیم.
#طالع_حمید
#شعر_اوجاغی
@SheirOcagi
آدینی، عونوانینی،
یئرینی-یوردونو بیلمهدیگیم گؤزل!
غفیلدن نه شیرین قهقهه چکدین!
کؤکسوم غوبارلاندی،
ایتیردیگیم گولوشلری قایتاردین منه.
دوز بیر عؤموردو گزیرم او گولوشلری،
اونو هاردا ایتیرمیشدیم، بیلمیرم.
کولکلر قانادیندا،
قوشلار دیمدیگیندهمی گتیردی، بیلمیرم.
سن گولدون، من سئویندیم،
گلدین، ایتیردیگیمی تاپدیم،
گئتدین- تاپدیغیمی ایتیردیم...
بیر گولوشو گزه-گزه،
دوز بیر عؤمرو بیتیردیم.
#طالع_حمید
#شعر_اوجاغی
@SheirOcagi
▫️من اوشاق اولاندا
ناغیللار شیپ-شیرین،
داستانلار بال ایدی،
عؤمور بیر آرزویدو،
خوش خیال ایدی،
من اوشاق اولاندا.
تر-تمیز گؤی اوزونده
گزیشن آغ بولودلار،
بولود دئییل
اوچان خالچا ایدی
گزن شال ایدی،
من اوشاق اولاندا.
منیم گؤزومده اوندا،
بیر آز بؤیوک آداملار،
نییه قوس-قوجا؟
نییه هر شئی تاپماجا
هر شئی بیر سؤال ایدی،
من اوشاق اولاندا؟
#طالع_حمید
#شعر_اوجاغی
@SheirOcagi
ناغیللار شیپ-شیرین،
داستانلار بال ایدی،
عؤمور بیر آرزویدو،
خوش خیال ایدی،
من اوشاق اولاندا.
تر-تمیز گؤی اوزونده
گزیشن آغ بولودلار،
بولود دئییل
اوچان خالچا ایدی
گزن شال ایدی،
من اوشاق اولاندا.
منیم گؤزومده اوندا،
بیر آز بؤیوک آداملار،
نییه قوس-قوجا؟
نییه هر شئی تاپماجا
هر شئی بیر سؤال ایدی،
من اوشاق اولاندا؟
#طالع_حمید
#شعر_اوجاغی
@SheirOcagi
▫️نه یاخشی شاعیر یاراندیم!
قیزیندیم عؤمورون فصیللرینه،
ایچیمده سؤنسم ده، ایچیمده یاندیم.
سنه مینّتدارام، قیسمتیم! سنه.
نه یاخشی دونیادا شاعیر یاراندیم!
آرزو ائلهمهدیم بوللور سارایی،
کیمسهنین ییغدیغی، سونا قالماییب.
شاعیرلیک تانرینین وئرگیسی، پایی،
شاعیرلر سئوگیدن شاعیر اولماییب.
اوغورسوز سئوگیلر کیمه نه وئردی،
عؤمره کدردن، غمدن ساوایی؟
هر گونوم دویغولو، قایغیلی کئچدی،
دئمیرم ایللریم اوچدو هاوایی.
اکدیم سطیر-سطیر یازدیغیم آندا،
اکینچی تورپاغا توم اکن کیمی.
آریلار چیچکده بال آختاراندا،
من ده درد آختاردیم سو چکن کیمی.
غمی غم ایچینده بلهمک اولور،
احتیاج الیمی مین دفعه سیخدی.
گلن گلهجکدی، نئیلهمک اولور؟-
قیسمتیم قارشیما بو دوندا چیخدی.
اورهییم کؤکلَندی خوش دویغولارلا،
منیم سؤز باغیما «گولشن» دئدیلر.
نادانلار سؤزومو قانماسالار دا،
عاریفلر سؤزومه «احسن!» دئدیلر.
دؤندو یوخولارا، دؤندو عؤمور-گون،
جانین آغریسینی جان اؤزو بیلر.
گؤردولر یانیرام ائل-اوبا اوچون،
«شاعیر اولان گرک یانا!» دئدیلر.
آلوووم باشیمدا، توستوم ایچیمده،
عؤمر ائتدیم دوغمالار، یادلار ایچینده.
دئمیرم یاشادیم ظولوم ایچینده،
دئییرم اریدیم اودلار ایچینده.
#طالع_حمید
#شعر_اوجاغی
@SheirOcagi
قیزیندیم عؤمورون فصیللرینه،
ایچیمده سؤنسم ده، ایچیمده یاندیم.
سنه مینّتدارام، قیسمتیم! سنه.
نه یاخشی دونیادا شاعیر یاراندیم!
آرزو ائلهمهدیم بوللور سارایی،
کیمسهنین ییغدیغی، سونا قالماییب.
شاعیرلیک تانرینین وئرگیسی، پایی،
شاعیرلر سئوگیدن شاعیر اولماییب.
اوغورسوز سئوگیلر کیمه نه وئردی،
عؤمره کدردن، غمدن ساوایی؟
هر گونوم دویغولو، قایغیلی کئچدی،
دئمیرم ایللریم اوچدو هاوایی.
اکدیم سطیر-سطیر یازدیغیم آندا،
اکینچی تورپاغا توم اکن کیمی.
آریلار چیچکده بال آختاراندا،
من ده درد آختاردیم سو چکن کیمی.
غمی غم ایچینده بلهمک اولور،
احتیاج الیمی مین دفعه سیخدی.
گلن گلهجکدی، نئیلهمک اولور؟-
قیسمتیم قارشیما بو دوندا چیخدی.
اورهییم کؤکلَندی خوش دویغولارلا،
منیم سؤز باغیما «گولشن» دئدیلر.
نادانلار سؤزومو قانماسالار دا،
عاریفلر سؤزومه «احسن!» دئدیلر.
دؤندو یوخولارا، دؤندو عؤمور-گون،
جانین آغریسینی جان اؤزو بیلر.
گؤردولر یانیرام ائل-اوبا اوچون،
«شاعیر اولان گرک یانا!» دئدیلر.
آلوووم باشیمدا، توستوم ایچیمده،
عؤمر ائتدیم دوغمالار، یادلار ایچینده.
دئمیرم یاشادیم ظولوم ایچینده،
دئییرم اریدیم اودلار ایچینده.
#طالع_حمید
#شعر_اوجاغی
@SheirOcagi
▫️اگر باریشساق...
ساچلارینا سپهلنن،
قار اولسایدی،
اونو نفَسیمله اریدردیم من.
یاناغینا سوزولن یاش
غمدن، قهَردن اولسایدی،
سنی اوشاق کیمی کیریدردیم من.
ساچلارینا هوپان آغلار
توز اولسایدی،
اونو کیرپیگیمله سوپورَردیم من.
یوللار آیریجیندا چاشیب قالسایدین،
بیر واخت ائوینیزه اؤتوردویومتک،
سنی او گونلره اؤتورَردیم من.
اوردا دانیشاردیق نهدن دانیشساق،
اوردا باریشاردیق، اگر باریشساق.
#طالع_حمید
#شعر_اوجاغی
@SheirOcagi
ساچلارینا سپهلنن،
قار اولسایدی،
اونو نفَسیمله اریدردیم من.
یاناغینا سوزولن یاش
غمدن، قهَردن اولسایدی،
سنی اوشاق کیمی کیریدردیم من.
ساچلارینا هوپان آغلار
توز اولسایدی،
اونو کیرپیگیمله سوپورَردیم من.
یوللار آیریجیندا چاشیب قالسایدین،
بیر واخت ائوینیزه اؤتوردویومتک،
سنی او گونلره اؤتورَردیم من.
اوردا دانیشاردیق نهدن دانیشساق،
اوردا باریشاردیق، اگر باریشساق.
#طالع_حمید
#شعر_اوجاغی
@SheirOcagi
▫️گؤلده سحر
خیال منی یئنه چکیب آپاریر،
سولار کوکرهییرلر، سولار داشیرلار.
نه صؤحبت قورتاریر، نه سؤز قورتاریر،
لپهلر نه شیرین پیچیلداشیرلار!
گؤله سپیلدیکجه قیزیل شفقلر،
قیزیلی رنگ آلیر آغ قاغاییلار.
بوردا اوشاق کیمی دوغولور سحر،
بوردا سحرلرین اؤز آناسی وار.
یاریر بولودلاری ظریف اوفوقلر،
قیزیل تارلا کیمی قیزاریر سولار.
نئجه مئهریباندی هر گلن سحر،
اوزو تبسّوملو، گؤزو گولومسر.
بو شیلتاق دالغالار اؤزونو یوروب،
قاچیب ساحیللرده دینجهلهجکدی.
بیر ظولمت گئجهنین بطنیندن دوغوب-
ان شیرین، ان کؤورک گون گولهجکدی.
#طالع_حمید
#شعر_اوجاغی
@SheirOcagi
خیال منی یئنه چکیب آپاریر،
سولار کوکرهییرلر، سولار داشیرلار.
نه صؤحبت قورتاریر، نه سؤز قورتاریر،
لپهلر نه شیرین پیچیلداشیرلار!
گؤله سپیلدیکجه قیزیل شفقلر،
قیزیلی رنگ آلیر آغ قاغاییلار.
بوردا اوشاق کیمی دوغولور سحر،
بوردا سحرلرین اؤز آناسی وار.
یاریر بولودلاری ظریف اوفوقلر،
قیزیل تارلا کیمی قیزاریر سولار.
نئجه مئهریباندی هر گلن سحر،
اوزو تبسّوملو، گؤزو گولومسر.
بو شیلتاق دالغالار اؤزونو یوروب،
قاچیب ساحیللرده دینجهلهجکدی.
بیر ظولمت گئجهنین بطنیندن دوغوب-
ان شیرین، ان کؤورک گون گولهجکدی.
#طالع_حمید
#شعر_اوجاغی
@SheirOcagi
▫️گله-گلمهیه
داها کوچهنیزه گلمهیهجهیم،
داها سندن اؤترو اؤلمهیهجهیم.
باهارین گلیشی، پاییزین کؤچو،
هئچ نهیین فرقینده اولمایاجاغام.
یادیندا قالیبمی دنیز ساحیلی،
غریب قاغایینین او هیچقیرتیسی؟
نهلر سؤیلهمیردی عشقیمین دیلی،
گاه بمی، گاه زیلی، گاه قیشقیرتیسی!
سویوق عؤمروموزدن اسن کولکلر،
سولاری تیترهده، یا تیترتمهیه.
اورک حؤکم ائلهیه «حیسّیم یوخ» دئیه،
«طالع» او یئرلره گله- گلمهیه.
#طالع_حمید
#شعر_اوجاغی
@SheirOcagi
داها کوچهنیزه گلمهیهجهیم،
داها سندن اؤترو اؤلمهیهجهیم.
باهارین گلیشی، پاییزین کؤچو،
هئچ نهیین فرقینده اولمایاجاغام.
یادیندا قالیبمی دنیز ساحیلی،
غریب قاغایینین او هیچقیرتیسی؟
نهلر سؤیلهمیردی عشقیمین دیلی،
گاه بمی، گاه زیلی، گاه قیشقیرتیسی!
سویوق عؤمروموزدن اسن کولکلر،
سولاری تیترهده، یا تیترتمهیه.
اورک حؤکم ائلهیه «حیسّیم یوخ» دئیه،
«طالع» او یئرلره گله- گلمهیه.
#طالع_حمید
#شعر_اوجاغی
@SheirOcagi
▫️دولانیریق بیز.
ساعات عقربینده اؤتور عؤمور، گون،
ساعات دائیرهسینده فیرلانیریق بیز.
بیزی فیرلاتسا دا بو یئر کورهسی،
یئرین ده باشینا دولانیریق بیز.
او درین دریایا ناحاق داش آتدیق،
چوخ دا اؤیونمهیک: قوردوق، یاراتدیق.
بیز هاردان گلیردیک، هارایا چاتدیق!
آللاه اومیدینه دولانیریق بیز.
ایلیشیب قالیریق حاقدا، ناحاقدا،
یئریمیز هاردادیر- باشدا، آیاقدا؟
اوکئآنلار، دریالار دورولاشماقدا،
هله تزه-تزه بولانیریق بیز.
«عؤمور» دئدیگیمیز بو قیلوقالدا،
آخیر بیر سئودادی، ازل بیر سئودا.
بیر گون کول اولاجاق گؤرهسن او دا،
ناحاقدان اودلارا قالانیریق بیز؟
#طالع_حمید
#شعر_اوجاغی
@SheirOcagi
ساعات عقربینده اؤتور عؤمور، گون،
ساعات دائیرهسینده فیرلانیریق بیز.
بیزی فیرلاتسا دا بو یئر کورهسی،
یئرین ده باشینا دولانیریق بیز.
او درین دریایا ناحاق داش آتدیق،
چوخ دا اؤیونمهیک: قوردوق، یاراتدیق.
بیز هاردان گلیردیک، هارایا چاتدیق!
آللاه اومیدینه دولانیریق بیز.
ایلیشیب قالیریق حاقدا، ناحاقدا،
یئریمیز هاردادیر- باشدا، آیاقدا؟
اوکئآنلار، دریالار دورولاشماقدا،
هله تزه-تزه بولانیریق بیز.
«عؤمور» دئدیگیمیز بو قیلوقالدا،
آخیر بیر سئودادی، ازل بیر سئودا.
بیر گون کول اولاجاق گؤرهسن او دا،
ناحاقدان اودلارا قالانیریق بیز؟
#طالع_حمید
#شعر_اوجاغی
@SheirOcagi
▫️من ائله بیلیردیم قوجالمایاجام.
دوشونوردوم: ایللر گئری دؤنهجک،
گنجلیک اولدوز کیمی گؤیدن ائنهجک،
نه آلوو سؤنهجک، نه اود سؤنهجک،
من ائله بیلیردیم قوجالمایاجام.
کؤنلومده بیر دلی عشقین هوَسی،
دیلیمده محبّت، سئوگی نغمهسی،
دئمه یول گئدیرمیش واختین دوهسی،
من ائله بیلیردیم قوجالمایاجام.
دوستلار اینجیییرلر، گؤروشمهییرم،
یاخشینی، یامانی بؤلوشمهییرم،
کؤنوللر اینجیدیب قلبه دَییرم،
من ائله بیلیردیم قوجالمایاجام.
غفیل هشَم اولدو سونبوللو زمین،
باشیمدان چکیلمیر کدریم، غمیم،
اوشاقلیق دوستلاریم، گنجلیک همدمیم
من ائله بیلیردیم قوجالمایاجام.
کؤچ ائتدی قارداشیم، کؤچ ائتدی باجیم،
بیر الدن توتانا قالیب علاجیم.
نهلر پیچیلدامیر آغاران ساچیم!
من ائله بیلیردیم قوجالمایاجام.
عؤمور بیر گیزلیجه پروریش ائتدی،
«طالع!» جاوانلیغی قاچیردین، گئتدی،
دؤورهنه ایشیقلار ساچیردین، گئتدی،
سن ائله بیلیردین قوجالمایاجان.
#طالع_حمید
#شعر_اوجاغی
@SheirOcagi
دوشونوردوم: ایللر گئری دؤنهجک،
گنجلیک اولدوز کیمی گؤیدن ائنهجک،
نه آلوو سؤنهجک، نه اود سؤنهجک،
من ائله بیلیردیم قوجالمایاجام.
کؤنلومده بیر دلی عشقین هوَسی،
دیلیمده محبّت، سئوگی نغمهسی،
دئمه یول گئدیرمیش واختین دوهسی،
من ائله بیلیردیم قوجالمایاجام.
دوستلار اینجیییرلر، گؤروشمهییرم،
یاخشینی، یامانی بؤلوشمهییرم،
کؤنوللر اینجیدیب قلبه دَییرم،
من ائله بیلیردیم قوجالمایاجام.
غفیل هشَم اولدو سونبوللو زمین،
باشیمدان چکیلمیر کدریم، غمیم،
اوشاقلیق دوستلاریم، گنجلیک همدمیم
من ائله بیلیردیم قوجالمایاجام.
کؤچ ائتدی قارداشیم، کؤچ ائتدی باجیم،
بیر الدن توتانا قالیب علاجیم.
نهلر پیچیلدامیر آغاران ساچیم!
من ائله بیلیردیم قوجالمایاجام.
عؤمور بیر گیزلیجه پروریش ائتدی،
«طالع!» جاوانلیغی قاچیردین، گئتدی،
دؤورهنه ایشیقلار ساچیردین، گئتدی،
سن ائله بیلیردین قوجالمایاجان.
#طالع_حمید
#شعر_اوجاغی
@SheirOcagi
▫️اوچور، دورنالار اوچور.
گؤیلر ناخیش-ناخیش؛ قانادلانیبلار،
هاردا اوشویوبلر، هاردا یانیبلار؟
یورغون بولودلار دا قانادلانیبلار،
اوچور دورنالار، اوچور.
گؤیلر بیلیرمی کی یولجوسو کیمدی؟
بولود بیلیرمی کی ایسلادیر کیمی؟
آلیر، کاروانینا چکیر ایچیمی،
اوچور، دورنالار اوچور.
بیر غریب، بیر اوزاق نغمه اوجالیر،
کیم گئدیر، نه گئدیر- حسرتی قالیر.
اورکمی آپاریر، للَکمی سالیر؟
اوچور، دورنالار اوچور...
داش آتما هر یئتَنه!
گولو اک گولبیتَنه!
بو وطندن او وطنه،
اوچور، دورنالار اوچور.
#طالع_حمید
#شعر_اوجاغی
@SheirOcagi
گؤیلر ناخیش-ناخیش؛ قانادلانیبلار،
هاردا اوشویوبلر، هاردا یانیبلار؟
یورغون بولودلار دا قانادلانیبلار،
اوچور دورنالار، اوچور.
گؤیلر بیلیرمی کی یولجوسو کیمدی؟
بولود بیلیرمی کی ایسلادیر کیمی؟
آلیر، کاروانینا چکیر ایچیمی،
اوچور، دورنالار اوچور.
بیر غریب، بیر اوزاق نغمه اوجالیر،
کیم گئدیر، نه گئدیر- حسرتی قالیر.
اورکمی آپاریر، للَکمی سالیر؟
اوچور، دورنالار اوچور...
داش آتما هر یئتَنه!
گولو اک گولبیتَنه!
بو وطندن او وطنه،
اوچور، دورنالار اوچور.
#طالع_حمید
#شعر_اوجاغی
@SheirOcagi
▫️یاشاماق
دئدیلر فیلانکس غفیلدن اؤلدو،
دئدیم تعجّوبلو نه وار بورادا؟
اینسان دوغولاندان اَریییب گئدیر،
یانیر آتشلرده، آخیر سولاردا.
یول گلیر، یول گئدیر او، دایانماییر،
تویا دا گئدنده اؤلومه گئدیر،
وایا دا گئدنده اؤلومه گئدیر.
عیش-عشرت دالینجا یوللاناندا دا،
اینسان هاردان بیلسین ظولومه گئدیر؟
ازلدن-آخیرا سئوینَن کیمدی،
آرزولار دوشونور، خیاللار قورور.
شیرین ده، آجی دا عؤمره قنیمدی،
اینسان قوردوغونو اؤزو اوچورور.
«وار» گزیر، بیلیر کی وار قالان دئییل،
لوت گلن، دونیادان لوت ده گئدهجک.
اجل بیر حقیقت، او یالان دئییل،
اینسانی اؤز نفسی پئشمان ائدهجک.
یاراندیم، کئف چکدیم دونیا غمیندن،
آدام وار نه کدر، نه درد بؤلوشور.
شاعیرین اؤلومو اؤز قلمیندن،
شاهلارین اؤلومو تاجیندان دوشور.
حقیقت گزیریک، حقیقت نهده؟
قازانیر سونونجو ظولمونو اینسان.
ایچینده مرحمت گزدیرمهسه ده،
یانیندا گزدیریر اؤلومونو اینسان.
بیزدن ان شیرینی ایستهدی اؤلوم،
گاه ائنیشدن چیخیر، گاه دیکدن دوشور.
هر عؤمرون سونوندا نؤقطهدی اؤلوم،
او، قاشین آلتیندا کیپریکدن دوشور.
هره قاباغینا چکدیکجه کؤزو،
شیریندن بئزاردی بالتوتان بارماق.
اؤلمهیه نه وار کی؟! آساندیر دوزو،
یاشاماق چتیندی، بیرجه یاشاماق.
#طالع_حمید
#شعر_اوجاغی
@SheirOcagi
دئدیلر فیلانکس غفیلدن اؤلدو،
دئدیم تعجّوبلو نه وار بورادا؟
اینسان دوغولاندان اَریییب گئدیر،
یانیر آتشلرده، آخیر سولاردا.
یول گلیر، یول گئدیر او، دایانماییر،
تویا دا گئدنده اؤلومه گئدیر،
وایا دا گئدنده اؤلومه گئدیر.
عیش-عشرت دالینجا یوللاناندا دا،
اینسان هاردان بیلسین ظولومه گئدیر؟
ازلدن-آخیرا سئوینَن کیمدی،
آرزولار دوشونور، خیاللار قورور.
شیرین ده، آجی دا عؤمره قنیمدی،
اینسان قوردوغونو اؤزو اوچورور.
«وار» گزیر، بیلیر کی وار قالان دئییل،
لوت گلن، دونیادان لوت ده گئدهجک.
اجل بیر حقیقت، او یالان دئییل،
اینسانی اؤز نفسی پئشمان ائدهجک.
یاراندیم، کئف چکدیم دونیا غمیندن،
آدام وار نه کدر، نه درد بؤلوشور.
شاعیرین اؤلومو اؤز قلمیندن،
شاهلارین اؤلومو تاجیندان دوشور.
حقیقت گزیریک، حقیقت نهده؟
قازانیر سونونجو ظولمونو اینسان.
ایچینده مرحمت گزدیرمهسه ده،
یانیندا گزدیریر اؤلومونو اینسان.
بیزدن ان شیرینی ایستهدی اؤلوم،
گاه ائنیشدن چیخیر، گاه دیکدن دوشور.
هر عؤمرون سونوندا نؤقطهدی اؤلوم،
او، قاشین آلتیندا کیپریکدن دوشور.
هره قاباغینا چکدیکجه کؤزو،
شیریندن بئزاردی بالتوتان بارماق.
اؤلمهیه نه وار کی؟! آساندیر دوزو،
یاشاماق چتیندی، بیرجه یاشاماق.
#طالع_حمید
#شعر_اوجاغی
@SheirOcagi
▫️ائی باهار، آناما اوخشاتدیم سنی!
باهارین نفَسی دَیدی اوزومه،
ائله بیل آنامین نفسی ایدی.
قاپیدا قایغیلی بیر قوش اوخودو،
نغمهسی آنامین نغمهسی ایدی.
اسدی سرین-سرین خفیف کولکلر،
دورنالار گؤیلردن بیر کؤچ سالدیلار.
اوچدوقجا هاوادا گؤی کپنکلر،
قیزیلی شفقلر یارپاقلادیلار.
لالهلی دوزلرین رنگی قیرمیزی،
چیچکلی چؤللرین ناخیشی مین-مین.
یاغیش تیترهدنده کؤرپه یارپیزی،
ساندیم شاه داماری اسدی قلبیمین.
ائله بیل سمادا آلیشدی اودلار،
شیمشکلر اوینادی، ایلدیریم چاخدی.
گؤیده گؤزلرینی سیخدی بولودلار،
یئرده چیچکلرین گؤز یاشی آخدی.
ائی باهار، قارشیما گولراوز چیخدین،
آناما اوخشاتدیم، آناما سنی.
روحوما هوپدوروب، کؤکسومه سیخدیم،
سنین نفَسینی، سنین نغمهنی.
عشقینله کؤکلدیم شاعیر عشقیمی،
کؤچدو طراوتین دویغولاریما.
آنام یوخولارا دؤندویو کیمی،
سن ده دؤنرمیسن یوخولاریما؟
بیر حسرت اوشودور نهدن قلبیمی؟
الیمین آلتیندا سینهم اوجاقدی.
نفسین آنامین نفسی کیمی،
بیر پاییز گیزلیجه سویویاجاقدی.
گؤز دیکیلی قالیب سونسوز یوللارا،
دویغولار اورهیین تویو، یاسیدی.
دئمه، آنام هارا، بس باهار هارا؟!
اینسان طبیعتین بیر پارچاسیدی.
هر کؤچن یارپاغین گؤینَکدی یئری،
سیزلایان بوداقلار بیر ده ایسینمز.
باهار قاییداجاق، دؤنهجک گئری،
آنامین سفری سونسوز، توکَنمز.
بیر چیینیمده سئوینج، بیر چیینیمده غم،
قویمادیم ایچیمده اومیدلر اؤله.
دئییرم بیر زامان بو باهار کیمی،
آنام دا دونیایا تزهدن گله.
ائی باهار، آناما اوخشاتدیم سنی،
هیجرانمی دولاشدی، دئ، یوللارینا؟!
سن هله، سن هله هئچ گلمهمیشدن،
هاراسا کؤچوردون خیاللاریمدا.
#طالع_حمید
#شعر_اوجاغی
@SheirOcagi
باهارین نفَسی دَیدی اوزومه،
ائله بیل آنامین نفسی ایدی.
قاپیدا قایغیلی بیر قوش اوخودو،
نغمهسی آنامین نغمهسی ایدی.
اسدی سرین-سرین خفیف کولکلر،
دورنالار گؤیلردن بیر کؤچ سالدیلار.
اوچدوقجا هاوادا گؤی کپنکلر،
قیزیلی شفقلر یارپاقلادیلار.
لالهلی دوزلرین رنگی قیرمیزی،
چیچکلی چؤللرین ناخیشی مین-مین.
یاغیش تیترهدنده کؤرپه یارپیزی،
ساندیم شاه داماری اسدی قلبیمین.
ائله بیل سمادا آلیشدی اودلار،
شیمشکلر اوینادی، ایلدیریم چاخدی.
گؤیده گؤزلرینی سیخدی بولودلار،
یئرده چیچکلرین گؤز یاشی آخدی.
ائی باهار، قارشیما گولراوز چیخدین،
آناما اوخشاتدیم، آناما سنی.
روحوما هوپدوروب، کؤکسومه سیخدیم،
سنین نفَسینی، سنین نغمهنی.
عشقینله کؤکلدیم شاعیر عشقیمی،
کؤچدو طراوتین دویغولاریما.
آنام یوخولارا دؤندویو کیمی،
سن ده دؤنرمیسن یوخولاریما؟
بیر حسرت اوشودور نهدن قلبیمی؟
الیمین آلتیندا سینهم اوجاقدی.
نفسین آنامین نفسی کیمی،
بیر پاییز گیزلیجه سویویاجاقدی.
گؤز دیکیلی قالیب سونسوز یوللارا،
دویغولار اورهیین تویو، یاسیدی.
دئمه، آنام هارا، بس باهار هارا؟!
اینسان طبیعتین بیر پارچاسیدی.
هر کؤچن یارپاغین گؤینَکدی یئری،
سیزلایان بوداقلار بیر ده ایسینمز.
باهار قاییداجاق، دؤنهجک گئری،
آنامین سفری سونسوز، توکَنمز.
بیر چیینیمده سئوینج، بیر چیینیمده غم،
قویمادیم ایچیمده اومیدلر اؤله.
دئییرم بیر زامان بو باهار کیمی،
آنام دا دونیایا تزهدن گله.
ائی باهار، آناما اوخشاتدیم سنی،
هیجرانمی دولاشدی، دئ، یوللارینا؟!
سن هله، سن هله هئچ گلمهمیشدن،
هاراسا کؤچوردون خیاللاریمدا.
#طالع_حمید
#شعر_اوجاغی
@SheirOcagi
▫️بیر عؤمورده،
بیر گیزلی سئوگی یاشادیلار،
گؤروشدولر گیزلی،
بو دونیانین سئوینجینی، غمینی،
بؤلوشدولر گیزلی.
ایکی قلبین چیرپینتیلارینی،
ائشیتدیلر، دویدولار گیزلی.
اوغرون-اوغرون کئچدیلر،
اینسانلارین آخینیندان.
نه مجلیسلرده بیرگه گؤروندولر،
نه کوچهده، یولدا بیرگه آددیم آتدیلار.
نه تویا، نه شنلیگه گئتدیلر،
نه بیرلیکده شکیل چکدیردیلر.
واخت اولدو، صوبحهدک
او بوردا، بو اوردا یاتمادیلار،
هامینی آلداتدیلار.
تکجه اورکلرینی آلداتمادیلار،
بو محبّت اوغرولاری.
#طالع_حمید
#شعر_اوجاغی
@SheirOcagi
بیر گیزلی سئوگی یاشادیلار،
گؤروشدولر گیزلی،
بو دونیانین سئوینجینی، غمینی،
بؤلوشدولر گیزلی.
ایکی قلبین چیرپینتیلارینی،
ائشیتدیلر، دویدولار گیزلی.
اوغرون-اوغرون کئچدیلر،
اینسانلارین آخینیندان.
نه مجلیسلرده بیرگه گؤروندولر،
نه کوچهده، یولدا بیرگه آددیم آتدیلار.
نه تویا، نه شنلیگه گئتدیلر،
نه بیرلیکده شکیل چکدیردیلر.
واخت اولدو، صوبحهدک
او بوردا، بو اوردا یاتمادیلار،
هامینی آلداتدیلار.
تکجه اورکلرینی آلداتمادیلار،
بو محبّت اوغرولاری.
#طالع_حمید
#شعر_اوجاغی
@SheirOcagi
▫️داغ چایی
سیلدیریم* داشلارین
سرت قایالارین،
توتوب اللریندن
اتکلریندن،
آخیر داغ چایی.
ال اوزادیب
ساغ ساحیلدن
سول ساحیلدن،
چیچک دریر.
دنیزه تلسیر،
سونسوز دنیزه.
داغلار اوجا،
دنیز نهنگ.
بئله کوکرهیهسن،
بئله داشاسان!
بیر اوجادان آیریلاندا،
بیر اوجایا قوووشاسان!
#طالع_حمید
* چیلپاق، دیک و اوجا (Sıldırım)
#شعر_اوجاغی
@SheirOcagi
سیلدیریم* داشلارین
سرت قایالارین،
توتوب اللریندن
اتکلریندن،
آخیر داغ چایی.
ال اوزادیب
ساغ ساحیلدن
سول ساحیلدن،
چیچک دریر.
دنیزه تلسیر،
سونسوز دنیزه.
داغلار اوجا،
دنیز نهنگ.
بئله کوکرهیهسن،
بئله داشاسان!
بیر اوجادان آیریلاندا،
بیر اوجایا قوووشاسان!
#طالع_حمید
* چیلپاق، دیک و اوجا (Sıldırım)
#شعر_اوجاغی
@SheirOcagi
▫️اؤزوم بیله-بیله
سنی سوراقلادیم، سنی آختاردیم،
دولاندیم یاخینی، گزدیم اوزاغی.
سن منیم سون آرزوم، حسرتیم اولدون،
بونو مندن یاخشی کیم بیلدی آخی؟!
ائله «منیم» دئدیم، منیم اولمادین،
کؤنلومه، روحوما آخیب دولمادین،
ساکیت حیاتیما کسیلدین قنیم-
اوزاق اولدوز کیمی، گؤزَلیم منیم.
هر سحر، هر آخشام یولوندا دوردوم.
کوچهنیزده بیتن سالخیم سؤیودون،
اورکک تئللرینی اوخشادیم، هؤردوم،
اونا اورک وئردیم؛ او، سن دئییلسن.
بلکه حسرتیم ده اوچوب گئدردی،
سؤیودتک اوستومه بیر یول اَییلسن.
یوخ، ایندی بونو دا ایستهمیرم من،
گؤزومدن دوشرسن بیر گون اییلسن.
آرخانجا کؤلگهتک سورونهسییم،
اؤزوم بیله-بیله منیم دئییلسن.
#طالع_حمید
#شعر_اوجاغی
@SheirOcagi
سنی سوراقلادیم، سنی آختاردیم،
دولاندیم یاخینی، گزدیم اوزاغی.
سن منیم سون آرزوم، حسرتیم اولدون،
بونو مندن یاخشی کیم بیلدی آخی؟!
ائله «منیم» دئدیم، منیم اولمادین،
کؤنلومه، روحوما آخیب دولمادین،
ساکیت حیاتیما کسیلدین قنیم-
اوزاق اولدوز کیمی، گؤزَلیم منیم.
هر سحر، هر آخشام یولوندا دوردوم.
کوچهنیزده بیتن سالخیم سؤیودون،
اورکک تئللرینی اوخشادیم، هؤردوم،
اونا اورک وئردیم؛ او، سن دئییلسن.
بلکه حسرتیم ده اوچوب گئدردی،
سؤیودتک اوستومه بیر یول اَییلسن.
یوخ، ایندی بونو دا ایستهمیرم من،
گؤزومدن دوشرسن بیر گون اییلسن.
آرخانجا کؤلگهتک سورونهسییم،
اؤزوم بیله-بیله منیم دئییلسن.
#طالع_حمید
#شعر_اوجاغی
@SheirOcagi
▫️باغیشلاماز.
اولارمی بو عشقی سالماماق یادا؟
حئسابی حئسابا قاتما هئچ زامان!
چیینینده خالقینین الی وارسا دا،
او الی چیینیندن آتما هئچ زامان!
آلوولارا چاخیل، اودلارا قالان،
گونشه اوز چئویر، آیدان دالدالان،
خالقا اوز چئویرمه، خالق باغیشلاماز!
تانری بخشیشیییک، دوغولوروق بیز.
آتا چؤرهییله، آنا سودویله،
گوجلنیر دیزیمیز، وورور قلبیمیز.
ناخلف یارانساق میندن بیریمیز،
آتا باغیشلایار، آنا اونودار،
خالقا خیانتی خالق باغیشلاماز.
اونسوز دا قیسادیر عؤمرون مؤهلتی،
خالقدان اوزاقلاردا گزمه شؤهرتی،
گؤزلهسن، سن اوندان گؤزله حؤرمتی!
دولانیب گیزلینده، گزیب خلوتی،
آدینا ناحاقدان یازسان تؤهمتی،
آللاه باغیشلایار، خالق باغیشلاماز.
#طالع_حمید
#شعر_اوجاغی
@SheirOcagi
اولارمی بو عشقی سالماماق یادا؟
حئسابی حئسابا قاتما هئچ زامان!
چیینینده خالقینین الی وارسا دا،
او الی چیینیندن آتما هئچ زامان!
آلوولارا چاخیل، اودلارا قالان،
گونشه اوز چئویر، آیدان دالدالان،
خالقا اوز چئویرمه، خالق باغیشلاماز!
تانری بخشیشیییک، دوغولوروق بیز.
آتا چؤرهییله، آنا سودویله،
گوجلنیر دیزیمیز، وورور قلبیمیز.
ناخلف یارانساق میندن بیریمیز،
آتا باغیشلایار، آنا اونودار،
خالقا خیانتی خالق باغیشلاماز.
اونسوز دا قیسادیر عؤمرون مؤهلتی،
خالقدان اوزاقلاردا گزمه شؤهرتی،
گؤزلهسن، سن اوندان گؤزله حؤرمتی!
دولانیب گیزلینده، گزیب خلوتی،
آدینا ناحاقدان یازسان تؤهمتی،
آللاه باغیشلایار، خالق باغیشلاماز.
#طالع_حمید
#شعر_اوجاغی
@SheirOcagi
▫️آتامین شکلی
بیر یاندا ساعاتین دمیر عقربی،
بیر یاندا زامانین سولاری آخیر.
باشیمین اوستونده آتامین شکلی،
گؤزلری گؤزومون ایچینه باخیر.
منیم ایش اوتاغیم، منیم اؤز دونیام،
کیتابلار، واراقلار سؤزوم-صؤحبتیم.
بوردا چارپیشیرام هر سحر، آخشام،
خیالدی، سؤالدی عؤمور مؤهلتیم.
دونَنده نه قالدی؟ -بیر حسرت یئری،
آنلار، دقیقهلر سانلی، چکیلی.
زامان اؤتوشدومو- قاییتمیر گئری،
منه نهلر دئمیر آتامین شکلی!
آتالی آنلار دا خاطیره اولور،
آنالی دونیا دا خاطیره اولور.
ائله زامان گلیر، ائله واخت گلیر،
گؤردویون رؤیا دا خاطیره اولور.
شکیل منه باخیر ساغدان، سولومدان،
او، منیم عؤمرومو-گونومو ساییر.
مئهریبان-مئهریبان توتور قولومدان،
بیر آرزو قورتاریر، بیری باشلاییر.
واختین حئسابینی ایستهییر مندن،
آرزولار سئودالی، عؤمور ایستکلی.
داها چوخدان چیخیب شکیللیگیندن،
آتامین اؤزودو آتامین شکلی.
واختی ساکیت-ساکیت سئیر ائلهسک ده،
واخت گلیر سوکوتدا هارای قوپاریر.
آتامین شکیلی توتوب الیمدن،
منی هارالارا چکیب آپاریر!
اینانا بیلمیرم عؤمرون حؤکمونه،
کؤنلومه اوشاقلیق هوَسی گلیر.
آتامین شکلینین قاچیر اوستونه،
آتامین اوغلونون نوهسی گلیر.
سیزدهدیر معناسی اوزاشان* آنین،
شکیللر، شکیللر، سیر-سوراقسینیز!
باشینا دولانیم قوجا دونیانین،
بیز قورتاران یئرده سیزلر وارسینیز!
#طالع_حمید
* اوزاقلاشان
#شعر_اوجاغی
@SheirOcagi
بیر یاندا ساعاتین دمیر عقربی،
بیر یاندا زامانین سولاری آخیر.
باشیمین اوستونده آتامین شکلی،
گؤزلری گؤزومون ایچینه باخیر.
منیم ایش اوتاغیم، منیم اؤز دونیام،
کیتابلار، واراقلار سؤزوم-صؤحبتیم.
بوردا چارپیشیرام هر سحر، آخشام،
خیالدی، سؤالدی عؤمور مؤهلتیم.
دونَنده نه قالدی؟ -بیر حسرت یئری،
آنلار، دقیقهلر سانلی، چکیلی.
زامان اؤتوشدومو- قاییتمیر گئری،
منه نهلر دئمیر آتامین شکلی!
آتالی آنلار دا خاطیره اولور،
آنالی دونیا دا خاطیره اولور.
ائله زامان گلیر، ائله واخت گلیر،
گؤردویون رؤیا دا خاطیره اولور.
شکیل منه باخیر ساغدان، سولومدان،
او، منیم عؤمرومو-گونومو ساییر.
مئهریبان-مئهریبان توتور قولومدان،
بیر آرزو قورتاریر، بیری باشلاییر.
واختین حئسابینی ایستهییر مندن،
آرزولار سئودالی، عؤمور ایستکلی.
داها چوخدان چیخیب شکیللیگیندن،
آتامین اؤزودو آتامین شکلی.
واختی ساکیت-ساکیت سئیر ائلهسک ده،
واخت گلیر سوکوتدا هارای قوپاریر.
آتامین شکیلی توتوب الیمدن،
منی هارالارا چکیب آپاریر!
اینانا بیلمیرم عؤمرون حؤکمونه،
کؤنلومه اوشاقلیق هوَسی گلیر.
آتامین شکلینین قاچیر اوستونه،
آتامین اوغلونون نوهسی گلیر.
سیزدهدیر معناسی اوزاشان* آنین،
شکیللر، شکیللر، سیر-سوراقسینیز!
باشینا دولانیم قوجا دونیانین،
بیز قورتاران یئرده سیزلر وارسینیز!
#طالع_حمید
* اوزاقلاشان
#شعر_اوجاغی
@SheirOcagi
▫️قارا قارغا
قارا قارغا، سنین نئچه یاشین وار؟!
یوردا گلدیم، سن ده گلدین غفیلدن.
نهلر کئچدی خیالیمدان، بیلهسن!
ایللر اؤتور، اوخویورسان هله سن،
قارا قارغا، سنین نئچه یاشین وار؟!
هر آغاجین قوینو سنه بیر خانا،
بوردا منی گؤزلهیَردی بیر آنا.
کؤنلون اولسون کؤنلوم کیمی ویرانا!
قارا قارغا، سنین نئچه یاشین وار؟!
چمن ایدی بو یئرلرین یانی بس،
سن گؤردویون او اینسانلار هانی بس؟
آوازیندان زارا گلدیم؛ بسدی، بس!
قارا قارغا، سنین نئچه یاشین وار؟!
یئرده گزیب، گؤیده قاناد چالیرسان،
گۆذارینی هارا گلدی سالیرسان.
بیز گئدیریک، سن سونرایا قالیرسان،
قارا قارغا، سنین نئچه یاشین وار؟!
هیجران نهدی بیلمهمیسن هله سن،
اؤلدوم گئتدیم، سنی گؤروم اؤلهسن!
گرک ائله من گلنده گلهسن،
قارا قارغا، سنین نئچه یاشین وار؟!
اوشومهسه تر چیچکلر سولارمی؟
بختوَر گول لچهیینی یولارمی؟
اوچ یوز ایل ده عؤمور سورمک اولارمی؟
قارا قارغا، سنین نئچه یاشین وار؟!
«عؤمور کئچدی، قوجالیرام ها» دئمه!
یاخشی-یامان گؤردویونه «قا» دئمه!
گؤردویونو، آمان گوندو، تا دئمه!
قارا قارغا، سنین نئچه یاشین وار؟!
#طالع_حمید
#شعر_اوجاغی
@SheirOcagi
قارا قارغا، سنین نئچه یاشین وار؟!
یوردا گلدیم، سن ده گلدین غفیلدن.
نهلر کئچدی خیالیمدان، بیلهسن!
ایللر اؤتور، اوخویورسان هله سن،
قارا قارغا، سنین نئچه یاشین وار؟!
هر آغاجین قوینو سنه بیر خانا،
بوردا منی گؤزلهیَردی بیر آنا.
کؤنلون اولسون کؤنلوم کیمی ویرانا!
قارا قارغا، سنین نئچه یاشین وار؟!
چمن ایدی بو یئرلرین یانی بس،
سن گؤردویون او اینسانلار هانی بس؟
آوازیندان زارا گلدیم؛ بسدی، بس!
قارا قارغا، سنین نئچه یاشین وار؟!
یئرده گزیب، گؤیده قاناد چالیرسان،
گۆذارینی هارا گلدی سالیرسان.
بیز گئدیریک، سن سونرایا قالیرسان،
قارا قارغا، سنین نئچه یاشین وار؟!
هیجران نهدی بیلمهمیسن هله سن،
اؤلدوم گئتدیم، سنی گؤروم اؤلهسن!
گرک ائله من گلنده گلهسن،
قارا قارغا، سنین نئچه یاشین وار؟!
اوشومهسه تر چیچکلر سولارمی؟
بختوَر گول لچهیینی یولارمی؟
اوچ یوز ایل ده عؤمور سورمک اولارمی؟
قارا قارغا، سنین نئچه یاشین وار؟!
«عؤمور کئچدی، قوجالیرام ها» دئمه!
یاخشی-یامان گؤردویونه «قا» دئمه!
گؤردویونو، آمان گوندو، تا دئمه!
قارا قارغا، سنین نئچه یاشین وار؟!
#طالع_حمید
#شعر_اوجاغی
@SheirOcagi
▫️کؤهنه سویودوجو
زامانا قوووشور ساعات دا، آن دا،
اوزاق حقیقتلر یاخین خیالدی.
کؤهنه سویودوجو یول کناریندا،
یادیما غملی بیر حئکایه سالدی.
«شمکیر»ده اولموشدو چوخ ایللر اوّل،
خیالا گلنده، فیکیر ده چاشیر.
دونَنه یئتمهییر اوزاندیقجا ال،
اورک یوکلنَنده، واخت یاخینلاشیر.
اینسانا هر زامان گولمور آرزولار،
کیم دئییر اوشاقلیق درددن اوزاقدی؟
عؤمرون باهاری وار، عؤمرون قیشی وار،
گون وار کی گونئیدی، گون وار سازاقدی.
قایغیسیز اوشاقلار، غمسیز اوشاقلار،
گیزلنپاچ اوینادی گونون بیر گونو.
کیم بیلیر قارشیدا آخی نهلر وار،
کیم اؤنجهدن بیلیر، دئ، اؤلدویونو؟!
بیری کول دالیندا، بیریسی آغاج،
هرهسی بیر یاندا دالدالاندیلار.
ایندی تاپاجاغام! تئز اول، گیزلن، قاچ!
هر ساده سؤزده ده بیر ضابیطه وار.
بیردن قاناد چالیر اؤلوم ملهیی،
کؤهنه سویودوجو سانکی «گل!» دئییر.
قوپور فیرتیناسی، اسیر کولهیی،
اینسانا سون سؤزو تک اجل دئییر.
کؤهنه سویودوجو- اؤلوم بئشیگی،
قاچیب بو بئشیکده گیزلنیر اوشاق.
دوستلاری آختاریر ائوی، ائشیگی،
اؤلوم هاردا تاپیر- اجله بیر باخ!
چؤلدن آچیلایدی گرک قاپیسی،
گیزلنَن جان وئریر، تاپان لنگیییر.
بوردا یورغون دوشور اوشاقلار هامسی،
اوردا «اؤلدوم!» دئییب، نفس تنگیییر.
اونودا بیلمیرم بو حئکایهنی،
آتینی هر یئرده چاپیبدی اؤلوم.
ایشه باخ- ان گوجلو او گیزلهننی،
باغلی صاندیقدا دا تاپیبدی اؤلوم.
#طالع_حمید
#شعر_اوجاغی
@SheirOcagi
زامانا قوووشور ساعات دا، آن دا،
اوزاق حقیقتلر یاخین خیالدی.
کؤهنه سویودوجو یول کناریندا،
یادیما غملی بیر حئکایه سالدی.
«شمکیر»ده اولموشدو چوخ ایللر اوّل،
خیالا گلنده، فیکیر ده چاشیر.
دونَنه یئتمهییر اوزاندیقجا ال،
اورک یوکلنَنده، واخت یاخینلاشیر.
اینسانا هر زامان گولمور آرزولار،
کیم دئییر اوشاقلیق درددن اوزاقدی؟
عؤمرون باهاری وار، عؤمرون قیشی وار،
گون وار کی گونئیدی، گون وار سازاقدی.
قایغیسیز اوشاقلار، غمسیز اوشاقلار،
گیزلنپاچ اوینادی گونون بیر گونو.
کیم بیلیر قارشیدا آخی نهلر وار،
کیم اؤنجهدن بیلیر، دئ، اؤلدویونو؟!
بیری کول دالیندا، بیریسی آغاج،
هرهسی بیر یاندا دالدالاندیلار.
ایندی تاپاجاغام! تئز اول، گیزلن، قاچ!
هر ساده سؤزده ده بیر ضابیطه وار.
بیردن قاناد چالیر اؤلوم ملهیی،
کؤهنه سویودوجو سانکی «گل!» دئییر.
قوپور فیرتیناسی، اسیر کولهیی،
اینسانا سون سؤزو تک اجل دئییر.
کؤهنه سویودوجو- اؤلوم بئشیگی،
قاچیب بو بئشیکده گیزلنیر اوشاق.
دوستلاری آختاریر ائوی، ائشیگی،
اؤلوم هاردا تاپیر- اجله بیر باخ!
چؤلدن آچیلایدی گرک قاپیسی،
گیزلنَن جان وئریر، تاپان لنگیییر.
بوردا یورغون دوشور اوشاقلار هامسی،
اوردا «اؤلدوم!» دئییب، نفس تنگیییر.
اونودا بیلمیرم بو حئکایهنی،
آتینی هر یئرده چاپیبدی اؤلوم.
ایشه باخ- ان گوجلو او گیزلهننی،
باغلی صاندیقدا دا تاپیبدی اؤلوم.
#طالع_حمید
#شعر_اوجاغی
@SheirOcagi