▫️عشق اوچون تشکّور ائدیرم.
تشکّور ائدیرم،
منه ایلک دفعه عشقی داددیردیغین اوچون،
منه، سئوه‌رک یاشاماغی اؤیرتدیگین اوچون،
حیاتا سیم‌سیخی ساریلماغی گؤستردیگین اوچون.
تشکّور ائدیرم،
منه سئوگینی، حسرتی، آجینی داددیردیغین اوچون،
منی قیسقانج و نازلی بیر قیز ائتدیگین اوچون،
منه بیر باخیشینلا حیاتی توزپمبه* گؤستردیگین اوچون.
تشکّور ائدیرم،
آز دا اولسا منه قلبینده بیر یئر آییردیغین اوچون،
منی بیرآزجیق دا اولسا سئودیگین اوچون،
منه اونودولمازلیغی قانیتلادیغین اوچون.
تشکّور ائدیرم،
گؤزلریمی آچدیغین اوچون.
سون کز تشکّور ائدیرم،
قلبیمده قاپانمایاجاق بیر یارا آچدیغین اوچون.
بو تشکّورلر آز بئله.
#اومید_یاشار_اوغوزجان
*آچیق پمبه رنگی (چوخ گؤزل)
#شعر_اوجاغی
@SheirOcagi
تشکّور ائدیرم،
منه ایلک دفعه عشقی داددیردیغین اوچون،
منه، سئوه‌رک یاشاماغی اؤیرتدیگین اوچون،
حیاتا سیم‌سیخی ساریلماغی گؤستردیگین اوچون.
تشکّور ائدیرم،
منه سئوگینی، حسرتی، آجینی داددیردیغین اوچون،
منی قیسقانج و نازلی بیر قیز ائتدیگین اوچون،
منه بیر باخیشینلا حیاتی توزپمبه* گؤستردیگین اوچون.
تشکّور ائدیرم،
آز دا اولسا منه قلبینده بیر یئر آییردیغین اوچون،
منی بیرآزجیق دا اولسا سئودیگین اوچون،
منه اونودولمازلیغی قانیتلادیغین اوچون.
تشکّور ائدیرم،
گؤزلریمی آچدیغین اوچون.
سون کز تشکّور ائدیرم،
قلبیمده قاپانمایاجاق بیر یارا آچدیغین اوچون.
بو تشکّورلر آز بئله.
#اومید_یاشار_اوغوزجان
*آچیق پمبه رنگی (چوخ گؤزل)
#شعر_اوجاغی
@SheirOcagi
▫️بیر گون آنلارسان.
یوخولارین قاچار گئجه‌لری،
هئچ بیر تهر صوبح اولماغی بیلمز.
دیکیلر گؤزلرین تاواندا بیر نؤقطه‌یه
دلی ائدن بیر اوغولتودور، باشلار قولاقلاریندا
نه چارشاب حالدان آنلار، نه یاستیق،
گیرمز پنجره‌‌لردن گؤزله‌دیگین آیدینلیق
قاپانیب یاتاغینا، چاره‌سیزلیگینه آغلارسان
اونون اونودا بیلمه‌دیگین خیالی،
سیقارادان درین بیر نفس چکمیشجه‌سینه دولار ایچینه.
سئومک نه ایمیش، بیر گون آنلارسان.
بیر گون آنلارسان اصلینده هر شئیین بوش اولدوغونو،
شرَفین، فضیلتین، یاخشیلیغین، گؤزللیگین.
گون گلر ده، سسینی بیر دفعه‌جیک ائشیتمک اوچون
وورارسان باشینی سویوق داش دیوارلارا
بؤیویَر گئت‌گئده اینجیمیش‌لیگین، قیریلمیشلیغین
آنلارسان تا دریندن چاره‌سیز قالمیشلیغین آجیسینی.
سئومک نه ایمیش، بیر گون آنلارسان.
بیر گون آنلارسان اللرینین نه ایشه یارادیغینی
نئچون یارادیلدیغینی،
بو اییرنج دونیایا نه‌دن گلدیگینی.
اوزون-اوزون سئیر ائدرسن ده آینالاردا گؤزللیگینی
بوشونا کئچیب گئدن ایللرینه یانارسان
دولار گؤزلرین، ایچین بورخولار.
سئومک نه ایمیش، بیر گون آنلارسان.
بیر گون آنلارسان دادینی سئویلن دوداقلارین،
سئویلن گؤزلرین یئتیشیلمزلیگینی.
او هئچ گؤزلَنمه‌ین ساعات گلدی می،
دوشر ساچلارین اؤنونه، آما بم‌بیاض.
اوزانار گؤی‌اوزونه اللرین، آما چاره‌سیز،
آما یورغون،
آما بیتکین.
بیر زامان کئچمیش گونلرین یوخوسونا گیرَرسن،
سونرا دوزولر بیر-بیری آردینجا آجی گئرچک‌لر،
سئومک نه ایمیش، بیر گون آنلارسان.
بیر گون آنلارسان خیال قورماغی،
گؤزله‌مه‌یی،
اومید ائتمه‌یی.
بیر چیرکلی کؤینک کیمی چیخاریب آتماغین گلر
بوتون ووجودونو ساران او قورخونج گئجه‌نی.
لعنت ائدرسن یاشادیغینا
کئچمیشدن نه قالمیشسا، ییرتیب آتارسان،
او زامان بیر چیچک بؤیویَر قبریمده اؤز-اؤزونه.
سنی سئودیگیمی، ایشده او گون آنلارسان.
#اومید_یاشار_اوغوزجان
#شعر_اوجاغی
@SheirOcagi
یوخولارین قاچار گئجه‌لری،
هئچ بیر تهر صوبح اولماغی بیلمز.
دیکیلر گؤزلرین تاواندا بیر نؤقطه‌یه
دلی ائدن بیر اوغولتودور، باشلار قولاقلاریندا
نه چارشاب حالدان آنلار، نه یاستیق،
گیرمز پنجره‌‌لردن گؤزله‌دیگین آیدینلیق
قاپانیب یاتاغینا، چاره‌سیزلیگینه آغلارسان
اونون اونودا بیلمه‌دیگین خیالی،
سیقارادان درین بیر نفس چکمیشجه‌سینه دولار ایچینه.
سئومک نه ایمیش، بیر گون آنلارسان.
بیر گون آنلارسان اصلینده هر شئیین بوش اولدوغونو،
شرَفین، فضیلتین، یاخشیلیغین، گؤزللیگین.
گون گلر ده، سسینی بیر دفعه‌جیک ائشیتمک اوچون
وورارسان باشینی سویوق داش دیوارلارا
بؤیویَر گئت‌گئده اینجیمیش‌لیگین، قیریلمیشلیغین
آنلارسان تا دریندن چاره‌سیز قالمیشلیغین آجیسینی.
سئومک نه ایمیش، بیر گون آنلارسان.
بیر گون آنلارسان اللرینین نه ایشه یارادیغینی
نئچون یارادیلدیغینی،
بو اییرنج دونیایا نه‌دن گلدیگینی.
اوزون-اوزون سئیر ائدرسن ده آینالاردا گؤزللیگینی
بوشونا کئچیب گئدن ایللرینه یانارسان
دولار گؤزلرین، ایچین بورخولار.
سئومک نه ایمیش، بیر گون آنلارسان.
بیر گون آنلارسان دادینی سئویلن دوداقلارین،
سئویلن گؤزلرین یئتیشیلمزلیگینی.
او هئچ گؤزلَنمه‌ین ساعات گلدی می،
دوشر ساچلارین اؤنونه، آما بم‌بیاض.
اوزانار گؤی‌اوزونه اللرین، آما چاره‌سیز،
آما یورغون،
آما بیتکین.
بیر زامان کئچمیش گونلرین یوخوسونا گیرَرسن،
سونرا دوزولر بیر-بیری آردینجا آجی گئرچک‌لر،
سئومک نه ایمیش، بیر گون آنلارسان.
بیر گون آنلارسان خیال قورماغی،
گؤزله‌مه‌یی،
اومید ائتمه‌یی.
بیر چیرکلی کؤینک کیمی چیخاریب آتماغین گلر
بوتون ووجودونو ساران او قورخونج گئجه‌نی.
لعنت ائدرسن یاشادیغینا
کئچمیشدن نه قالمیشسا، ییرتیب آتارسان،
او زامان بیر چیچک بؤیویَر قبریمده اؤز-اؤزونه.
سنی سئودیگیمی، ایشده او گون آنلارسان.
#اومید_یاشار_اوغوزجان
#شعر_اوجاغی
@SheirOcagi
▫️داغ کوله‌یی
قدَرده سندن آیری دوشمک ده وار ایمیش؛
دوغروسو بونو هئچ دوشونمه‌میشدیم.
سنی تانیمادان،
هله سنی بؤیله دلی-دیوانه سئومه‌دن،
«یالنیزلیق گؤزل‌دیر» دئییردیم.
«آل باشینی قاچ بو شهردن!
اوفوقده بیر جیزگی کیمی گؤردویون داغلارا،
کوله‌یین یۏد قوخولارینی داشیدیغی دنیزلره گئت!
گئت، گئده بیلدیگین یئره گئت!» دئییردیم.
اویسا کی، سندن قاچیلمازمیش؛
یوخلوغونا بیر گون بئله دایانیلمازمیش، بیلمیردیم.
یئنه ده دایانماغا چالیشیرام ایشده،
گؤزلرینه بنزه‌ین بیر چؤل چیچه‌یی قوپاریرام؛
کئچن بولودلارا سسلنیرم اللرین دئیه.
کولک گؤزل بیر قوخو گتیرمیش‌سه،
«ساچلارینی اوخشاییب گلمیشدیر» دئیه‌رک، اووونورام.
سنینله بیر باشقا زامانی یاشاماق،
بیر باشقا زاماندا سنی یاشاماق...
هر شئیدن اؤنجه سن،
البتّه سن،
موطلقا سن!
ایستر اوزاقلاردا اول،
ایستر یانیمدا دور!
سن اول یئتر کی بو زامان ایچینده.
من اولماسام دا اولار.
سنی بیر یوماغا ساریییرام ایللردیر، بیتمیرسن.
چاره‌سیزلیگیم گون کیمی آشیکار.
سو اولوب چئشمه‌لردن آخان گؤزللیگین،
اینجه‌لیگین اوزومه ووران ایشیق.
سن گونش قدر ایستی،
طبیعت قدر گئرچک.
سن باغچالاردا چیچک‌لر آچدیران،
سودان، هاوادان، گونَشدن بؤیوک وارلیق.
سن، ایچیمده او تک سئوگی،
سن، گؤره بیلدیگیم تک آیدینلیق.
بیر نفس ده منیم اوچون آل
هاواسیزلیقدان اؤلدورمه منی!
بولودلارا، اولدوزلارا منیم اوچون ده باخ!
«سوسادیم» دئییرم‌سه، بیر اودوم سو ایچمه‌لیسن!
من یورولدوم‌سا، سن اویومالیسان!
اللریم سئویلمک ایسته‌ییر،
ساچلاریم اوخشانماق ایسته‌ییر،
دوداقلاریم اؤپولمک ایسته‌ییر، آنلامالیسان!
آغاجلارین یاشیلی قالمادی،
گؤی‌اوزونون ماویسی یوخ.
بو داغلار، او داغلار دئییل،
کوله‌یینده ککلیک‌اوتو قوخوسو یوخ.
کیم بو چاره‌سیز آدام؟
بو قان چاناغی گؤزلر کیمین؟
نئچه گئجه‌دیر یوخوسو یوخ، گوندوزو یوخ،
گئجه‌سی یوخ،
یوخ،
یوخ!
آنلادیم:
سنسیز یاشانماز بو دونیادا،
ایمکانی یوخ!
#اومید_یاشار_اوغوزجان
#شعر_اوجاغی
@SheirOcagi
قدَرده سندن آیری دوشمک ده وار ایمیش؛
دوغروسو بونو هئچ دوشونمه‌میشدیم.
سنی تانیمادان،
هله سنی بؤیله دلی-دیوانه سئومه‌دن،
«یالنیزلیق گؤزل‌دیر» دئییردیم.
«آل باشینی قاچ بو شهردن!
اوفوقده بیر جیزگی کیمی گؤردویون داغلارا،
کوله‌یین یۏد قوخولارینی داشیدیغی دنیزلره گئت!
گئت، گئده بیلدیگین یئره گئت!» دئییردیم.
اویسا کی، سندن قاچیلمازمیش؛
یوخلوغونا بیر گون بئله دایانیلمازمیش، بیلمیردیم.
یئنه ده دایانماغا چالیشیرام ایشده،
گؤزلرینه بنزه‌ین بیر چؤل چیچه‌یی قوپاریرام؛
کئچن بولودلارا سسلنیرم اللرین دئیه.
کولک گؤزل بیر قوخو گتیرمیش‌سه،
«ساچلارینی اوخشاییب گلمیشدیر» دئیه‌رک، اووونورام.
سنینله بیر باشقا زامانی یاشاماق،
بیر باشقا زاماندا سنی یاشاماق...
هر شئیدن اؤنجه سن،
البتّه سن،
موطلقا سن!
ایستر اوزاقلاردا اول،
ایستر یانیمدا دور!
سن اول یئتر کی بو زامان ایچینده.
من اولماسام دا اولار.
سنی بیر یوماغا ساریییرام ایللردیر، بیتمیرسن.
چاره‌سیزلیگیم گون کیمی آشیکار.
سو اولوب چئشمه‌لردن آخان گؤزللیگین،
اینجه‌لیگین اوزومه ووران ایشیق.
سن گونش قدر ایستی،
طبیعت قدر گئرچک.
سن باغچالاردا چیچک‌لر آچدیران،
سودان، هاوادان، گونَشدن بؤیوک وارلیق.
سن، ایچیمده او تک سئوگی،
سن، گؤره بیلدیگیم تک آیدینلیق.
بیر نفس ده منیم اوچون آل
هاواسیزلیقدان اؤلدورمه منی!
بولودلارا، اولدوزلارا منیم اوچون ده باخ!
«سوسادیم» دئییرم‌سه، بیر اودوم سو ایچمه‌لیسن!
من یورولدوم‌سا، سن اویومالیسان!
اللریم سئویلمک ایسته‌ییر،
ساچلاریم اوخشانماق ایسته‌ییر،
دوداقلاریم اؤپولمک ایسته‌ییر، آنلامالیسان!
آغاجلارین یاشیلی قالمادی،
گؤی‌اوزونون ماویسی یوخ.
بو داغلار، او داغلار دئییل،
کوله‌یینده ککلیک‌اوتو قوخوسو یوخ.
کیم بو چاره‌سیز آدام؟
بو قان چاناغی گؤزلر کیمین؟
نئچه گئجه‌دیر یوخوسو یوخ، گوندوزو یوخ،
گئجه‌سی یوخ،
یوخ،
یوخ!
آنلادیم:
سنسیز یاشانماز بو دونیادا،
ایمکانی یوخ!
#اومید_یاشار_اوغوزجان
#شعر_اوجاغی
@SheirOcagi
▫️ایمکانسیز عشق
فالچی قادین یالان سؤیله‌ییر، یالان:
«بیزی بیر-بیریمیز اوچون یاراتمیش تانریمیز.»
نئجه مومکون دئییل‌سه اولدوزلاری گؤی‌اوزوندن توپلاماق،
اؤیله‌سینه ایمکانسیز بیر شئی‌دیر عشقیمیز.
قۇرۇدو کؤلگه‌سینده اوتوردوغوموز آغاجلار،
باغچالاردا سئودیگین چیچک‌لر قالمادی.
ساده‌جه خاطیره‌لرده‌دیر ابدی اولان.
واز کئچه بیلمه‌دیگیمیز،
اونودا بیلمه‌دیگیمیز...
اونلار بئله، بیزه یار اولمادی.
اونوت مندن قالان نه وارسا!
اونوتماق یالنیزلیغین تسلّی'سی‌دیر.
گونشی بیر قدح شراب کیمی ایچیب-
دلیجه‌سینه سرخوش اولماق،
ان گؤزل طرفی‌دیر ایمکانسیزلیغین.
اومیدلریمیز فیرتینالی دنیزلر اورتاسیندا بیر لیماندا قاییق‌دیر ایندی.
دالغالار دونَنکیندن داها ظالیم،
کولک داها آجیماسیز.
نه بولود وار اوفوقلرده، نه گمی.
مؤوسوملر توز پمبه دئییل،
گوندوزلر گئجه‌دیر، گئجه‌لر زیندان.
گونشین چیخماسینی گؤزله‌مک، بوشونا.
بوشونا آرتیق، مدد اومماق داش قلبلی زمانه‌دن.
اینان کی، قیریلمیش بیر آینا کیمی پارام‌پارچا، قیریق-تؤکوک‌دور عشقیمیز!
چاره‌سیزلیگیم، اومیدسیزلیگین ماهنیسی.
ماهنی‌لارین ان ایچلیسی، ان حوزونلوسودور
بؤیوک عشقیمیز.
#اومید_یاشار_اوغوزجان
#شعر_اوجاغی
@SheirOcagi
فالچی قادین یالان سؤیله‌ییر، یالان:
«بیزی بیر-بیریمیز اوچون یاراتمیش تانریمیز.»
نئجه مومکون دئییل‌سه اولدوزلاری گؤی‌اوزوندن توپلاماق،
اؤیله‌سینه ایمکانسیز بیر شئی‌دیر عشقیمیز.
قۇرۇدو کؤلگه‌سینده اوتوردوغوموز آغاجلار،
باغچالاردا سئودیگین چیچک‌لر قالمادی.
ساده‌جه خاطیره‌لرده‌دیر ابدی اولان.
واز کئچه بیلمه‌دیگیمیز،
اونودا بیلمه‌دیگیمیز...
اونلار بئله، بیزه یار اولمادی.
اونوت مندن قالان نه وارسا!
اونوتماق یالنیزلیغین تسلّی'سی‌دیر.
گونشی بیر قدح شراب کیمی ایچیب-
دلیجه‌سینه سرخوش اولماق،
ان گؤزل طرفی‌دیر ایمکانسیزلیغین.
اومیدلریمیز فیرتینالی دنیزلر اورتاسیندا بیر لیماندا قاییق‌دیر ایندی.
دالغالار دونَنکیندن داها ظالیم،
کولک داها آجیماسیز.
نه بولود وار اوفوقلرده، نه گمی.
مؤوسوملر توز پمبه دئییل،
گوندوزلر گئجه‌دیر، گئجه‌لر زیندان.
گونشین چیخماسینی گؤزله‌مک، بوشونا.
بوشونا آرتیق، مدد اومماق داش قلبلی زمانه‌دن.
اینان کی، قیریلمیش بیر آینا کیمی پارام‌پارچا، قیریق-تؤکوک‌دور عشقیمیز!
چاره‌سیزلیگیم، اومیدسیزلیگین ماهنیسی.
ماهنی‌لارین ان ایچلیسی، ان حوزونلوسودور
بؤیوک عشقیمیز.
#اومید_یاشار_اوغوزجان
#شعر_اوجاغی
@SheirOcagi
▫️عشق ایدی او.
عشق ایدی او، دَییشدیرن بوتون گئجه‌لریمی.
عشق ایدی او، منی دوروب یئنی‌له‌ین.
او ایدی، دویغولو ائدن سرت اللریمی.
او ایدی، دؤرد نالا گئدیشیمه «دور!» دئین.
بیر بیچاغین کسکین اوزونده قان لکه‌سی‌یدیم،
عشق ایدی یئنه منی یویوب آریدان سو.
بؤیله آغ، پاک اولاجاغیمی بیلیرمی‌یدیم-
ایچیمده آچماسایدی او سئومک دویغوسو؟!
من بیر دوستاغام ایندی سئوگییه، کؤنوللو.
چؤزمه‌یین اللریمی، زنجیرلریم قالسین!
گؤرسون پرانقالاریم* او دوغاجاق گونو،
و بو دونیایا عشق دولو شعرلریم قالسین!
سنینله هر یئرده گؤزل، هر زامان یئنی،
ایسته‌مم... سنسیز خاطیرلاماسینلار منی!
#اومید_یاشار_اوغوزجان
* آغیر جزا وئریلمیش توتوقلولارین آیاقلارینا تاخیلان قالین زنجیر
#شعر_اوجاغی
@SheirOcagi
عشق ایدی او، دَییشدیرن بوتون گئجه‌لریمی.
عشق ایدی او، منی دوروب یئنی‌له‌ین.
او ایدی، دویغولو ائدن سرت اللریمی.
او ایدی، دؤرد نالا گئدیشیمه «دور!» دئین.
بیر بیچاغین کسکین اوزونده قان لکه‌سی‌یدیم،
عشق ایدی یئنه منی یویوب آریدان سو.
بؤیله آغ، پاک اولاجاغیمی بیلیرمی‌یدیم-
ایچیمده آچماسایدی او سئومک دویغوسو؟!
من بیر دوستاغام ایندی سئوگییه، کؤنوللو.
چؤزمه‌یین اللریمی، زنجیرلریم قالسین!
گؤرسون پرانقالاریم* او دوغاجاق گونو،
و بو دونیایا عشق دولو شعرلریم قالسین!
سنینله هر یئرده گؤزل، هر زامان یئنی،
ایسته‌مم... سنسیز خاطیرلاماسینلار منی!
#اومید_یاشار_اوغوزجان
* آغیر جزا وئریلمیش توتوقلولارین آیاقلارینا تاخیلان قالین زنجیر
#شعر_اوجاغی
@SheirOcagi
▫️عشقدن اؤنجه
گونلردن بیر گون،
یا بازار ائرته‌سی، یا آراگون،
سون قوروشوما قدر ایچه‌جه‌یم؛
یئنه خاطیریمه سن گله‌جکسن،
اوتوروب آغلایاجاغام.
#اومید_یاشار_اوغوزجان
#شعر_اوجاغی
@SheirOcagi
گونلردن بیر گون،
یا بازار ائرته‌سی، یا آراگون،
سون قوروشوما قدر ایچه‌جه‌یم؛
یئنه خاطیریمه سن گله‌جکسن،
اوتوروب آغلایاجاغام.
#اومید_یاشار_اوغوزجان
#شعر_اوجاغی
@SheirOcagi
▫️آجیلار دنیزی
من آجیلار دنیزینده بوغولموشام،
ائشیتمه‌رم گمی فیتلرینی، قاغایی چیغلیقلارینی.
دالغالار هر گون بیر باشقا قییی‌یا آتار منی،
آنلارام یوسونلارین منیم اوچون آغلادیقلارینی.
اؤلویَم چوخدان، بیر باخسانا گؤزلریمه!
گؤر ایچینده‌کی او قانلی شوشه قیریقلارینی!
بو نه قارانلیق، بو نه زیندان گئجه بؤیله!
بوتون گمیلر سؤندورموش ایشیقلارینی.
من آجیلار دنیزی اولموشام، یاخینلاشما!
سولاریم دوزلو، سولاریم ایلان زهری.
باخسانا، هر کس ایچیمه تؤکموش آرتیقلارینی!
بو قارانلیق بیتسه آرتیق، بیر آی دوغسا!
بیر دلی کولک قوپسا،
آلیب گؤتورسه ایللرین ایچیمده بوراخدیقلارینی!
#اومید_یاشار_اوغوزجان
#شعر_اوجاغی
@SheirOcagi
من آجیلار دنیزینده بوغولموشام،
ائشیتمه‌رم گمی فیتلرینی، قاغایی چیغلیقلارینی.
دالغالار هر گون بیر باشقا قییی‌یا آتار منی،
آنلارام یوسونلارین منیم اوچون آغلادیقلارینی.
اؤلویَم چوخدان، بیر باخسانا گؤزلریمه!
گؤر ایچینده‌کی او قانلی شوشه قیریقلارینی!
بو نه قارانلیق، بو نه زیندان گئجه بؤیله!
بوتون گمیلر سؤندورموش ایشیقلارینی.
من آجیلار دنیزی اولموشام، یاخینلاشما!
سولاریم دوزلو، سولاریم ایلان زهری.
باخسانا، هر کس ایچیمه تؤکموش آرتیقلارینی!
بو قارانلیق بیتسه آرتیق، بیر آی دوغسا!
بیر دلی کولک قوپسا،
آلیب گؤتورسه ایللرین ایچیمده بوراخدیقلارینی!
#اومید_یاشار_اوغوزجان
#شعر_اوجاغی
@SheirOcagi
▫️آیریلارکن
دینله، سئودیگیم! بو آیریلیق ساعاتی‌‌دیر.
دونیا وار اولاندان بری، چیرکین و سویوق.
ارکن ایچه‌جه‌ییمیز بیر درمان کیمی،
دادی دوداقلاریمیزدا آجیمسی، بۇرۇق*
بو ساعاتدا گؤزیاشلاری، یمین‌لر،
بوش بیر تسلّی‌دیر ایناندیغیمیز.
پرده قاپانماقدا، فیلیم بیتمکده،
ایشده، او هئچ بیتمه‌یه‌جک ساندیغیمیز.
گؤرورسن، دانیشاجاق بیر شئییمیز قالمادی،
ساده‌جه باخیشلاریمیزدا حوزون.
ایشده آیریلیق بو؛ هئچ گؤزله‌مه‌دیگیمیز،
او، ایکیز قارداشی اؤلومون.
آنلاییرام، بیر داها گؤروشمه‌یه‌جه‌ییک،
بو سون گؤروشمه‌میزدیر سنینله.
یئنی بیر حیاتا باشلایاجاقسان آرتیق،
اونونلا، او یئنی سئوگیلین‌له.
آنلاییرام آرتیق، او اؤپه‌جک اللرینی،
قولاغینا آسقی او فیسیلدایاجاق.
ایچینده بیر پئشمانلیقدان باشا
مندن اثر قالمایاجاق.
سیقارانی سؤندور، قالخا بیله‌ریک.
اون آددیم سونرا یوللاریمیز آیریلمالی!
ساقین، آغلاما و بیر شئی سؤیله‌مه منه!
اینسان آیریلارکن بئله، بؤیوک اولمالی!
#اومید_یاشار_اوغوزجان
* ککره-گس
#شعر_اوجاغی
@SheirOcagi
دینله، سئودیگیم! بو آیریلیق ساعاتی‌‌دیر.
دونیا وار اولاندان بری، چیرکین و سویوق.
ارکن ایچه‌جه‌ییمیز بیر درمان کیمی،
دادی دوداقلاریمیزدا آجیمسی، بۇرۇق*
بو ساعاتدا گؤزیاشلاری، یمین‌لر،
بوش بیر تسلّی‌دیر ایناندیغیمیز.
پرده قاپانماقدا، فیلیم بیتمکده،
ایشده، او هئچ بیتمه‌یه‌جک ساندیغیمیز.
گؤرورسن، دانیشاجاق بیر شئییمیز قالمادی،
ساده‌جه باخیشلاریمیزدا حوزون.
ایشده آیریلیق بو؛ هئچ گؤزله‌مه‌دیگیمیز،
او، ایکیز قارداشی اؤلومون.
آنلاییرام، بیر داها گؤروشمه‌یه‌جه‌ییک،
بو سون گؤروشمه‌میزدیر سنینله.
یئنی بیر حیاتا باشلایاجاقسان آرتیق،
اونونلا، او یئنی سئوگیلین‌له.
آنلاییرام آرتیق، او اؤپه‌جک اللرینی،
قولاغینا آسقی او فیسیلدایاجاق.
ایچینده بیر پئشمانلیقدان باشا
مندن اثر قالمایاجاق.
سیقارانی سؤندور، قالخا بیله‌ریک.
اون آددیم سونرا یوللاریمیز آیریلمالی!
ساقین، آغلاما و بیر شئی سؤیله‌مه منه!
اینسان آیریلارکن بئله، بؤیوک اولمالی!
#اومید_یاشار_اوغوزجان
* ککره-گس
#شعر_اوجاغی
@SheirOcagi
▫️آیریلانلار اوچون
یوللاریمیز بورادا آیریلیر،
آرتیق بیر-بیریمیزه ایکی اؤزگه‌ییک.
هر نه قدر آجی اولسا، نه قدر گوج اولسا،
هر شئیی... هه، هر شئیی اونوتمالی‌ییق.
هر کدرین تسلّیسی تاپیلار، اوزولمه!
اینسان نه قدر سئوسه اونودا بیلر.
مؤوسوملر گلر کئچر، ایللر کئچر،
سن ده اونودارسان بیر گون گلر.
هئچ یاشامامیشجاسینا، هئچ سئومه‌میشجه‌سینه،
اونودارسان، او گونلریمیزی، گئجه‌لریمیزی،
او گونلرجه، گئجه‌لرجه سئویشمه‌لریمیزی.
هر شئیی... هه، هر شئیی اونودا بیلرسن،
حتّی بوتون یازدیقلاریمی سطیر-سطیر.
قالارسا، ایچینده بیر درین سؽزؽ قالار.
#اومید_یاشار_اوغوزجان
#شعر_اوجاغی
@SheirOcagi
یوللاریمیز بورادا آیریلیر،
آرتیق بیر-بیریمیزه ایکی اؤزگه‌ییک.
هر نه قدر آجی اولسا، نه قدر گوج اولسا،
هر شئیی... هه، هر شئیی اونوتمالی‌ییق.
هر کدرین تسلّیسی تاپیلار، اوزولمه!
اینسان نه قدر سئوسه اونودا بیلر.
مؤوسوملر گلر کئچر، ایللر کئچر،
سن ده اونودارسان بیر گون گلر.
هئچ یاشامامیشجاسینا، هئچ سئومه‌میشجه‌سینه،
اونودارسان، او گونلریمیزی، گئجه‌لریمیزی،
او گونلرجه، گئجه‌لرجه سئویشمه‌لریمیزی.
هر شئیی... هه، هر شئیی اونودا بیلرسن،
حتّی بوتون یازدیقلاریمی سطیر-سطیر.
قالارسا، ایچینده بیر درین سؽزؽ قالار.
#اومید_یاشار_اوغوزجان
#شعر_اوجاغی
@SheirOcagi
▫️عشقه دؤنوش
دؤنه بیلمک او دؤنوشو اولمایان یوللاردان،
سورَکلی بیر آلدانیش، بیر داها، بیر داها.
هئچ بیتمه‌یه‌جک گئجه‌لردن بیر صاباحا
چیخا بیلمک و سئومک دورمادان، اوسانمادان.
دانیشماق...دانیشماق گؤزلرله، فیسیلتی‌لارلا،
دۇیماق، سئحیرلی سیجاقلیغینی بیاض اللرین،
هر کئچن دقیقه وار اولدوغونو آنلاماق اوچون،
یاشاماق آرزو دولو دوداقلاردا، ماهنیلاردا.
اونوتماق نه وارسا کؤتولوکدن یانا،
ائنمک سئویلن گؤزلرین درینلیگینه
اؤیله موتلو، اؤیله سرخوش...
آلا بیلدیگین قدر،
مین ایل ایچمک او سولاردان دویا-دویا.
هر گون اونا قاچماق داغلاردان، تپه‌لردن،
هر یئرده، هر زامان اونسوز ائده‌مه‌مک.
او ان دادلی خیال، ان بؤیوک گئرچک،
آنلارسان داشان او گونلردن، گئجه‌لردن.
سونرا بیر گون او بوتون قارانلیقلاری ییرتماغین گلر
باشینی آلیب گئتمه‌یین گلر اوزاق دنیزلره.
آرتیق هر شئی بوش و یالان.
سئودین ده بیر کره،
هر یئریندن بیر بوخار حالیندا او یوکسَلر.
سن یوخسان آرتیق، آنلا یئراوزونده بیر او وار،
اونون اللری وار، گؤزلری، دوداقلاری.
آنلارسان تنین بسله‌دیگی زامان تورپاقلاری،
و هله سئوَرسن زامان بیتینجه‌یه قدر.
یئنیدن وار اۏلوش‌دور، یا دا بیر باشقا طۆرلو اۏلوش‌دور بو،
چوخ آلدانمالاردان سونرا بیر عشقه دؤنوش‌دور بو.
#اومید_یاشار_اوغوزجان
#شعر_اوجاغی
@SheirOcagi
دؤنه بیلمک او دؤنوشو اولمایان یوللاردان،
سورَکلی بیر آلدانیش، بیر داها، بیر داها.
هئچ بیتمه‌یه‌جک گئجه‌لردن بیر صاباحا
چیخا بیلمک و سئومک دورمادان، اوسانمادان.
دانیشماق...دانیشماق گؤزلرله، فیسیلتی‌لارلا،
دۇیماق، سئحیرلی سیجاقلیغینی بیاض اللرین،
هر کئچن دقیقه وار اولدوغونو آنلاماق اوچون،
یاشاماق آرزو دولو دوداقلاردا، ماهنیلاردا.
اونوتماق نه وارسا کؤتولوکدن یانا،
ائنمک سئویلن گؤزلرین درینلیگینه
اؤیله موتلو، اؤیله سرخوش...
آلا بیلدیگین قدر،
مین ایل ایچمک او سولاردان دویا-دویا.
هر گون اونا قاچماق داغلاردان، تپه‌لردن،
هر یئرده، هر زامان اونسوز ائده‌مه‌مک.
او ان دادلی خیال، ان بؤیوک گئرچک،
آنلارسان داشان او گونلردن، گئجه‌لردن.
سونرا بیر گون او بوتون قارانلیقلاری ییرتماغین گلر
باشینی آلیب گئتمه‌یین گلر اوزاق دنیزلره.
آرتیق هر شئی بوش و یالان.
سئودین ده بیر کره،
هر یئریندن بیر بوخار حالیندا او یوکسَلر.
سن یوخسان آرتیق، آنلا یئراوزونده بیر او وار،
اونون اللری وار، گؤزلری، دوداقلاری.
آنلارسان تنین بسله‌دیگی زامان تورپاقلاری،
و هله سئوَرسن زامان بیتینجه‌یه قدر.
یئنیدن وار اۏلوش‌دور، یا دا بیر باشقا طۆرلو اۏلوش‌دور بو،
چوخ آلدانمالاردان سونرا بیر عشقه دؤنوش‌دور بو.
#اومید_یاشار_اوغوزجان
#شعر_اوجاغی
@SheirOcagi
▫️منه بیر ماهنی سؤیله!
اؤزله‌دیم سسینی، نه اولور دانیش!
بیر گول آچدیر زامانلارین اؤته‌سیندن!
قارانلیقلار ایچینده‌یم، قاپ‌قارایام، بوگون گل!
گؤی ماویسیندن، دنیز ماویسیندن
منه بیر ماهنی سؤیله!
ایچیمده بیر شئی قیمیلداییر،
گؤزلریم قان چاناغی،
یورغونام، یوخوسوزام،
بیر باخسانا نه حالدایام، دلی-دیوانه!
یارالی‌یام، چاره‌سیزم، اومیدسیزم.
منه بیر ماهنی سؤیله!
یاغیش اول یاغ اوستومه، گونش اول ایسیت!
تؤکول قارانلیغیما ایشیقلار کیمی!
آل منی، ان اوزاقلارا گؤتور!
سسین آخسین ایچیمده بیر پینار کیمی،
منه بیر ماهنی سؤیله!
بوتون رنگلری قات بیر-بیرینه،
تۆند بیر نارؽنجؽ گتیر کئچن یایدان!
بیر توک کیمی، بیر باهار بوداغی کیمی
خفیفدن، اینجه‌دن، گؤزلدن، ان بیاضدان،
منه بیر ماهنی سؤیله!
یاغان قار نئجه حزین یاغار بیلیرسن،
قورشونی بیر گؤی‌اوزوندن، آغلاماقلی؛
ایشده اؤیله‌یم، قاپ‌قارایام، بوگون گل!
ان حوزونلو سسین‌له، ان ائتکیلی،
منه بیر ماهنی سؤیله!
#اومید_یاشار_اوغوزجان
#شعر_اوجاغی
@SheirOcagi
اؤزله‌دیم سسینی، نه اولور دانیش!
بیر گول آچدیر زامانلارین اؤته‌سیندن!
قارانلیقلار ایچینده‌یم، قاپ‌قارایام، بوگون گل!
گؤی ماویسیندن، دنیز ماویسیندن
منه بیر ماهنی سؤیله!
ایچیمده بیر شئی قیمیلداییر،
گؤزلریم قان چاناغی،
یورغونام، یوخوسوزام،
بیر باخسانا نه حالدایام، دلی-دیوانه!
یارالی‌یام، چاره‌سیزم، اومیدسیزم.
منه بیر ماهنی سؤیله!
یاغیش اول یاغ اوستومه، گونش اول ایسیت!
تؤکول قارانلیغیما ایشیقلار کیمی!
آل منی، ان اوزاقلارا گؤتور!
سسین آخسین ایچیمده بیر پینار کیمی،
منه بیر ماهنی سؤیله!
بوتون رنگلری قات بیر-بیرینه،
تۆند بیر نارؽنجؽ گتیر کئچن یایدان!
بیر توک کیمی، بیر باهار بوداغی کیمی
خفیفدن، اینجه‌دن، گؤزلدن، ان بیاضدان،
منه بیر ماهنی سؤیله!
یاغان قار نئجه حزین یاغار بیلیرسن،
قورشونی بیر گؤی‌اوزوندن، آغلاماقلی؛
ایشده اؤیله‌یم، قاپ‌قارایام، بوگون گل!
ان حوزونلو سسین‌له، ان ائتکیلی،
منه بیر ماهنی سؤیله!
#اومید_یاشار_اوغوزجان
#شعر_اوجاغی
@SheirOcagi
▫️گؤزله‌ین‌لر اوچون
بیر آیاق سسی ائشیدیرم
قاپییا قاچیرام،
«گلن سنسن‌می؟» دئیه.
بیر قارا ساچ گؤرورم،
اوره‌ییم بورخولور،
آغلاماغیم گلیر.
هر شئی منه سنی خاطیرلادیر.
گؤی‌اوزونه باخسام،
گؤزلرینین مینلرجه‌سینی گؤره‌رم.
بیر یئل دَیسه اوزومه،
اللرینی دوشونمه‌دن ائده‌مم.
یاندیردیغیم بوتون سیقارالارین
توستولری سنه بنزر.
دادی سندن گلر،
یئدیگیم مئیوه‌لرین،
ایچدیگیم ایچکی‌لرین.
و ایچیمده‌کی بو دایانیلماز سیخینتی،
بو بنزَرسیز حۆزۆن،
سنی گؤزله‌دیگیم اوچوندور.
رسمینه باخا‌بیلمز اولدوم،
یوخولاردان قورخورام آرتیق،
اوتانیرام اوتاغیمداکی بوتون اشیالاردان.
بو کاناپه، هله ده گلیب اوتورمانی گؤزله‌ییر،
بو آینا، قارشیسیندا گؤزللیگینی سئیر ائتمه‌نی.
بو قدح دوداقلارینا دَیه بیلمک اوچون دورور ماسادا.
و بو ساعات، گلدیگین آندا
دورا بیلر سئوینجیندن.
زامان چیلدیرا بیلر،
چونکی منیم دونیامدا اؤلومسوزلوک
سنی سئومک دئمک‌دیر.
بیر اوشاق دوغولماغی گؤزلر،
بیر آغیر خسته اؤلمه‌یی.
بیتکی‌لر یاغیش و گونشی گؤزلر،
یالنیز بیر قادین، سئویلمه‌یی.
و دوشون کی بیر کیشی، ایچینده بوتون گؤزله‌ین‌لرین قورخوسو و اومیدی،
سنی گؤزلر،
آسیلماغی گؤزله‌ین بیر اعدام محکومو کیمی!
سن گلینجه‌یه قدر،
پنجره‌م قاپالی دوراجاق،
کولک گلمه‌سین دئیه.
آرتیق پرده‌لری آچمایاجاغام،
گون ایشیغی گیرمه‌سین دئیه.
سونرا قهر اولاجاغام بو قارانلیقدا،
بو درین یالنیزلیقدا.
و گونلرجه، گئجه‌لرجه هایقیراجاغام «هارداسان؟» دئیه، هارداسان؟
بیر گون بو قاپیدان سن گیره‌جکسن، بیلیرم.
تئز-گئج بو گؤزله‌ییشین بیر سونو گله‌جک.
ایللرجه سونرا، اؤلدویوم گون بئله، گلسن،
بوتون بو گؤزله‌ییشیمی و اولدوغومو اونودوب
اوشاقلار کیمی سئوینه‌جه‌یم،
قالخیب ساریلاجاغام اللرینه،
اوزون-اوزون آغلایاجاغام.
#اومید_یاشار_اوغوزجان
#شعر_اوجاغی
@SheirOcagi
بیر آیاق سسی ائشیدیرم
قاپییا قاچیرام،
«گلن سنسن‌می؟» دئیه.
بیر قارا ساچ گؤرورم،
اوره‌ییم بورخولور،
آغلاماغیم گلیر.
هر شئی منه سنی خاطیرلادیر.
گؤی‌اوزونه باخسام،
گؤزلرینین مینلرجه‌سینی گؤره‌رم.
بیر یئل دَیسه اوزومه،
اللرینی دوشونمه‌دن ائده‌مم.
یاندیردیغیم بوتون سیقارالارین
توستولری سنه بنزر.
دادی سندن گلر،
یئدیگیم مئیوه‌لرین،
ایچدیگیم ایچکی‌لرین.
و ایچیمده‌کی بو دایانیلماز سیخینتی،
بو بنزَرسیز حۆزۆن،
سنی گؤزله‌دیگیم اوچوندور.
رسمینه باخا‌بیلمز اولدوم،
یوخولاردان قورخورام آرتیق،
اوتانیرام اوتاغیمداکی بوتون اشیالاردان.
بو کاناپه، هله ده گلیب اوتورمانی گؤزله‌ییر،
بو آینا، قارشیسیندا گؤزللیگینی سئیر ائتمه‌نی.
بو قدح دوداقلارینا دَیه بیلمک اوچون دورور ماسادا.
و بو ساعات، گلدیگین آندا
دورا بیلر سئوینجیندن.
زامان چیلدیرا بیلر،
چونکی منیم دونیامدا اؤلومسوزلوک
سنی سئومک دئمک‌دیر.
بیر اوشاق دوغولماغی گؤزلر،
بیر آغیر خسته اؤلمه‌یی.
بیتکی‌لر یاغیش و گونشی گؤزلر،
یالنیز بیر قادین، سئویلمه‌یی.
و دوشون کی بیر کیشی، ایچینده بوتون گؤزله‌ین‌لرین قورخوسو و اومیدی،
سنی گؤزلر،
آسیلماغی گؤزله‌ین بیر اعدام محکومو کیمی!
سن گلینجه‌یه قدر،
پنجره‌م قاپالی دوراجاق،
کولک گلمه‌سین دئیه.
آرتیق پرده‌لری آچمایاجاغام،
گون ایشیغی گیرمه‌سین دئیه.
سونرا قهر اولاجاغام بو قارانلیقدا،
بو درین یالنیزلیقدا.
و گونلرجه، گئجه‌لرجه هایقیراجاغام «هارداسان؟» دئیه، هارداسان؟
بیر گون بو قاپیدان سن گیره‌جکسن، بیلیرم.
تئز-گئج بو گؤزله‌ییشین بیر سونو گله‌جک.
ایللرجه سونرا، اؤلدویوم گون بئله، گلسن،
بوتون بو گؤزله‌ییشیمی و اولدوغومو اونودوب
اوشاقلار کیمی سئوینه‌جه‌یم،
قالخیب ساریلاجاغام اللرینه،
اوزون-اوزون آغلایاجاغام.
#اومید_یاشار_اوغوزجان
#شعر_اوجاغی
@SheirOcagi
▫️من سنی سئودیم‌می؟
من سنی سئودیم‌می؟ سئودیم، کیمه نه؟
توتدوم، تا ایچیمه اوتورتدوم سنی.
آلدیم، اوخشادیم ساچلارینی، اؤپدوم.
ایچدیم اودوم-اودوم گؤزللیگینی.
من سنی سئودیم‌می؟ سئودیم البتّه،
منده‌یدی اؤزلم‌لرین ان قورخونجو.
چیلدیریردیم؛ سن نه قدر اوزاقسان!
عشق دئییل، هئچ دۏیمایان بیر شئیدی بو.
من سنی سئودیم می، سئودیم دوغروسو.
سئودیکجه تاماملاندیم، بوتون‌لندیم.
بیری واردی آغلایان، گئجه‌لرجه.
بیری واردی سنه توتقون، او مندیم.
من سنی سئودیم می؟ سئودیم؛
ان بؤیوک،
ان سولمایان گوللر آچدی ایچیمده.
عؤمرومو دیَرلی قیلان بیر شئیدین،
سن منیم بۏز، بولانیق گنجلیگیمده.
من سنی سئودیم می، سئودیم، اؤیله یا،
بیر جیزگی‌یه چاتدیم سنینله برابر،
و بیر گون اورادا ایتیردیم سنی.
من سنی سئودیم می؟ سئودیم...
#اومید_یاشار_اوغوزجان
#شعر_اوجاغی
@SheirOcagi
من سنی سئودیم‌می؟ سئودیم، کیمه نه؟
توتدوم، تا ایچیمه اوتورتدوم سنی.
آلدیم، اوخشادیم ساچلارینی، اؤپدوم.
ایچدیم اودوم-اودوم گؤزللیگینی.
من سنی سئودیم‌می؟ سئودیم البتّه،
منده‌یدی اؤزلم‌لرین ان قورخونجو.
چیلدیریردیم؛ سن نه قدر اوزاقسان!
عشق دئییل، هئچ دۏیمایان بیر شئیدی بو.
من سنی سئودیم می، سئودیم دوغروسو.
سئودیکجه تاماملاندیم، بوتون‌لندیم.
بیری واردی آغلایان، گئجه‌لرجه.
بیری واردی سنه توتقون، او مندیم.
من سنی سئودیم می؟ سئودیم؛
ان بؤیوک،
ان سولمایان گوللر آچدی ایچیمده.
عؤمرومو دیَرلی قیلان بیر شئیدین،
سن منیم بۏز، بولانیق گنجلیگیمده.
من سنی سئودیم می، سئودیم، اؤیله یا،
بیر جیزگی‌یه چاتدیم سنینله برابر،
و بیر گون اورادا ایتیردیم سنی.
من سنی سئودیم می؟ سئودیم...
#اومید_یاشار_اوغوزجان
#شعر_اوجاغی
@SheirOcagi
Forwarded from اتچ بات
▫️منی اونوتما!
بير گون گلر ده اونودارميش اینسان،
ان سئوديگی خاطيره‌لری بئله.
باری سن هر گئجه يورغون سس ايله،
ساعات اون ايکينی ووردوغو زامان
منی اونوتما!
چونکی من هر گئجه او ساعاتلاردا
سنی ياشار، سنی دوشونورم
خيال ايچينده پريشان یئریییرم،
سن ده قارانليغين سوسدوغو يئرده
منی اونوتما!
او ساعاتلاردا سپيلر گولوشون
بير اوووج سو کيمی ايچيمه، ائی يار!
سنين ده باشيندا او چیلغین کولک
دلی اسرسه بير گون،
منی اونوتما!
من آياغيمدا چاريق، اليمده عصا
سنين اوچون بو يوللارا دوشموشم.
ايل‌لرجه سونرا سنه دؤنوشوم
بير محشر گونونه ده راست گلسه،
منی اونوتما!
هله قالیرسا ياشيل پالتارین،
اونو بير گون منيم اوچون گئی!
ساخسينداکی پمبه قرنفيلده شئه
و باغچاندا يورغون بير قوش گؤرسن
منی اونوتما!
بؤيوک آجيلارلا آلوولانديغيم گون،
چوخ اوزاقلاردا دا اولسان، يئنه گل!
بو اؤلرجه‌سينه سئوديگينه گل!
نه اولار تانرييا قووشدوغوم گون
منی اونوتما!
#اومید_یاشار_اوغوزجان
#شعر_اوجاغی
@SheirOcagi
بير گون گلر ده اونودارميش اینسان،
ان سئوديگی خاطيره‌لری بئله.
باری سن هر گئجه يورغون سس ايله،
ساعات اون ايکينی ووردوغو زامان
منی اونوتما!
چونکی من هر گئجه او ساعاتلاردا
سنی ياشار، سنی دوشونورم
خيال ايچينده پريشان یئریییرم،
سن ده قارانليغين سوسدوغو يئرده
منی اونوتما!
او ساعاتلاردا سپيلر گولوشون
بير اوووج سو کيمی ايچيمه، ائی يار!
سنين ده باشيندا او چیلغین کولک
دلی اسرسه بير گون،
منی اونوتما!
من آياغيمدا چاريق، اليمده عصا
سنين اوچون بو يوللارا دوشموشم.
ايل‌لرجه سونرا سنه دؤنوشوم
بير محشر گونونه ده راست گلسه،
منی اونوتما!
هله قالیرسا ياشيل پالتارین،
اونو بير گون منيم اوچون گئی!
ساخسينداکی پمبه قرنفيلده شئه
و باغچاندا يورغون بير قوش گؤرسن
منی اونوتما!
بؤيوک آجيلارلا آلوولانديغيم گون،
چوخ اوزاقلاردا دا اولسان، يئنه گل!
بو اؤلرجه‌سينه سئوديگينه گل!
نه اولار تانرييا قووشدوغوم گون
منی اونوتما!
#اومید_یاشار_اوغوزجان
#شعر_اوجاغی
@SheirOcagi
Telegram
attach 📎
▫️بیر گئجه آنسیزین گله بیله‌رم.
بو قدر اورَکدن چاغیرما منی!
بیر گئجه آنسیزین گله بیله‌رم.
منی گؤزله‌ییرسن، اۇیۇمامیشسان،
سئوینجدن قاپیندا اؤله بیله‌رم.
بلکه ده حیاتا یئنی باشلارام،
ایچیمده کۆل‌لنن قۏر آلوولانار.
باخارسان، هئچ گئتمم، کؤله‌ن اولارام،
بلکه ده سئوَرسن منی، کیم بیلیر.
«قال!» دئسن، داغلارجا سئوه‌رم سنی،
بیر دنیز اولارام آیاقلاریندا.
عشق بو، اؤزله‌ییش بو؛ هئچ بللی اولماز،
قلبیم دورا بیلر دوداقلاریندا.
یا دا اونودارام کیم اولدوغومو،
خاطیرلامام بلکه آدیمی بئله.
بلکه ده چیلدیریب دلی اولارام،
سنه قوووشمانین هیَجانی‌یلا.
عشق بو؛ بیلینر می هارایا چاتیر؟!
نه دوردورور اؤزله‌یَنی، سئوَنی.
باخارسان، آنسیزین گله بیله‌رم،
بو قدر اورَکدن چاغیرما منی!
#اومید_یاشار_اوغوزجان
#شعر_اوجاغی
@SheirOcagi
بو قدر اورَکدن چاغیرما منی!
بیر گئجه آنسیزین گله بیله‌رم.
منی گؤزله‌ییرسن، اۇیۇمامیشسان،
سئوینجدن قاپیندا اؤله بیله‌رم.
بلکه ده حیاتا یئنی باشلارام،
ایچیمده کۆل‌لنن قۏر آلوولانار.
باخارسان، هئچ گئتمم، کؤله‌ن اولارام،
بلکه ده سئوَرسن منی، کیم بیلیر.
«قال!» دئسن، داغلارجا سئوه‌رم سنی،
بیر دنیز اولارام آیاقلاریندا.
عشق بو، اؤزله‌ییش بو؛ هئچ بللی اولماز،
قلبیم دورا بیلر دوداقلاریندا.
یا دا اونودارام کیم اولدوغومو،
خاطیرلامام بلکه آدیمی بئله.
بلکه ده چیلدیریب دلی اولارام،
سنه قوووشمانین هیَجانی‌یلا.
عشق بو؛ بیلینر می هارایا چاتیر؟!
نه دوردورور اؤزله‌یَنی، سئوَنی.
باخارسان، آنسیزین گله بیله‌رم،
بو قدر اورَکدن چاغیرما منی!
#اومید_یاشار_اوغوزجان
#شعر_اوجاغی
@SheirOcagi
▫️میلیون دفعه «آیتن»
من، بیر «آیتن»دیر دوشوب دیلیمه،
اوه، نه یاخشی!
«آیتن»لی ایچکی‌لر ایچیب سرخوش اولورام،
نه گؤزل!
خوشوما گئتمیرسه دنیزلرین رنگی،
بیر آز «آیتن» قاتیرام، گؤزل‌لشیر.
ماهنیلار سؤیله‌ییرم، شعرلر یازیرام «آیتن» اوستونه.
ساعاتیم، هر زامان یا «آیتن»ه بئش دقیقه قالیر،
یا دا «آیتن»ی بئش دقیقه کئچیر.
هر یانا باخسام، گؤردویوم او.
گؤزومو یومسام، فیکریمدن «آیتن» کئچیر.
مندن سوروشسانیز،
مؤوسوملردن «آیتن»ده‌ییک،
گونلردن «آیتن»ائرته‌سی‌‌دیر.
اودور گون-گون منی یاشادان.
اونون عطری بوروموشدور کوچه‌لری،
اونون گؤزلری‌دیر شفقده گؤردویوم،
آخشام قیزیل‌لیغیندا اونون دوداقلاری.
باشقا قادینی اؤومه‌یین یانیمدا، اینجییه‌رم!
«آیتن»ی اؤوه‌جکسینیز، نه اعلا!
اوتورا بیلرسینیز،
بیر قدح ده سیزینله ایچه‌ریک «آیتن»لی،
ایکی صؤحبت ائده‌ریک.
اونو سیز ده سئوَرسینیز منیم کیمی،
آما غارت یوخ!
«آیتن»ی سیزه بوراخمارام.
جیبیمده بیر اون لیرام وار،
اونو آلین گرَکیرسه!
آلین، تک قات البیسه‌می سیزه وئریم!
من «آیتن»ی دوشونورم، اوشومه‌رم.
اوچ یول آدینی تکرارلارام، قارنیم دۏیار.
پولسوزلوق دا بیر شئی‌می؟!
اؤلوم بئله پیس دئییل «آیتن»سیزلیک قدر.
اونا اوغرامایان گمیلر باتسین!
اوندان کئچمه‌ین ترن‌لر دئوریلسین!
اونو سئومه‌ین اورک داش کسیلسین!
قاپانسین اونو گؤرمه‌ین گؤزلر!
اونو اؤومه‌ین دیللر قوروسون!
ایکی دفعه ایکی= دؤرد... الده وار «آیتن».
بوندان سونرا دونیادا عشقین آدی «آیتن» اولسون!
#اومید_یاشار_اوغوزجان
#شعر_اوجاغی
@SheirOcagi
من، بیر «آیتن»دیر دوشوب دیلیمه،
اوه، نه یاخشی!
«آیتن»لی ایچکی‌لر ایچیب سرخوش اولورام،
نه گؤزل!
خوشوما گئتمیرسه دنیزلرین رنگی،
بیر آز «آیتن» قاتیرام، گؤزل‌لشیر.
ماهنیلار سؤیله‌ییرم، شعرلر یازیرام «آیتن» اوستونه.
ساعاتیم، هر زامان یا «آیتن»ه بئش دقیقه قالیر،
یا دا «آیتن»ی بئش دقیقه کئچیر.
هر یانا باخسام، گؤردویوم او.
گؤزومو یومسام، فیکریمدن «آیتن» کئچیر.
مندن سوروشسانیز،
مؤوسوملردن «آیتن»ده‌ییک،
گونلردن «آیتن»ائرته‌سی‌‌دیر.
اودور گون-گون منی یاشادان.
اونون عطری بوروموشدور کوچه‌لری،
اونون گؤزلری‌دیر شفقده گؤردویوم،
آخشام قیزیل‌لیغیندا اونون دوداقلاری.
باشقا قادینی اؤومه‌یین یانیمدا، اینجییه‌رم!
«آیتن»ی اؤوه‌جکسینیز، نه اعلا!
اوتورا بیلرسینیز،
بیر قدح ده سیزینله ایچه‌ریک «آیتن»لی،
ایکی صؤحبت ائده‌ریک.
اونو سیز ده سئوَرسینیز منیم کیمی،
آما غارت یوخ!
«آیتن»ی سیزه بوراخمارام.
جیبیمده بیر اون لیرام وار،
اونو آلین گرَکیرسه!
آلین، تک قات البیسه‌می سیزه وئریم!
من «آیتن»ی دوشونورم، اوشومه‌رم.
اوچ یول آدینی تکرارلارام، قارنیم دۏیار.
پولسوزلوق دا بیر شئی‌می؟!
اؤلوم بئله پیس دئییل «آیتن»سیزلیک قدر.
اونا اوغرامایان گمیلر باتسین!
اوندان کئچمه‌ین ترن‌لر دئوریلسین!
اونو سئومه‌ین اورک داش کسیلسین!
قاپانسین اونو گؤرمه‌ین گؤزلر!
اونو اؤومه‌ین دیللر قوروسون!
ایکی دفعه ایکی= دؤرد... الده وار «آیتن».
بوندان سونرا دونیادا عشقین آدی «آیتن» اولسون!
#اومید_یاشار_اوغوزجان
#شعر_اوجاغی
@SheirOcagi
▫️اینسان بیر دفعه اؤلر.
اولدوغوم هر یئرده، ایتیریرم سنی.
یانی‌باشیمدا اولدوغون اولور بعضاً،
یا دا من اولورام سسسیزجه گؤزلرینده.
بیر یارپاق ترپنیر خفیفدن،
بو سسسیزلیک، بیر قاسیرغا باشلانغیجی،
دنیزین کوکره‌مه‌یه حاضیرلانیشی.
بو، آسلانلارین ساری، وحشی گؤزلرینده‌کی اؤلوم پاریلتیسی،
بو، بیر یئرده اریمک، بیردن‌بیره یوخ اولماق بلکه ده.
و سونرا سوسماق، سوسماق یوزایللر بویو،
منی اونوتدوغون بیر اوزاق چیزگیده.
بزک سوردویوم بویا دئییل آرتیق،
گؤزلریمین قیرمیزی قان رنگی‌دیر.
ان قارادان داها قارا یوخ،
اویسا ان بیاض ایدین سن گئجه‌لریمده.
او منه ان یاخین رنگ ایدی توک کیمی،
شیدّتلی سیجاقلیغینی جیزاردیم دووارلارا.
عطرین عجیبه بیر شئی ایدی، اوشاقسی،
سونرا نئچه قاتلی بیر گول کیمی‌یدی، بایغین.
گئجه‌نین ان توتقون‌لاشدیغی او یئرده
دوشردی اللریمه، دارماداغین...
اوخویان بیر اسحاق قوشودور ایندی،
خبر گتیریر اؤلوملردن.
دینله!
یاشاماق، بیر قروپ عسگردی قارشیمدا؛
«آتش ائتمه‌یین -دئییرم- بیر دئیه‌جه‌ییم وار!
گؤزلریمی باغلامایین!
سون دفعه گؤرمک ایسته‌ییرم اینسانی، گؤیو، گونشی، دنیزلری.
و بو سون اؤلوموم اولسون -دئییرم- بیر داها اؤلدورمه‌یین منی!
کیبریتیم ایسلانمیش،
سیقارام یانمیر.
نه اولور بیر آتش وئرین!
بو ایلک آلدانیشیم دئییل،
بو ایلک سؤنوشو دئییل اومیدلریمین.
من بو دنیزین سون قیییسی‌یام.
بیر شوشه قیریلدی اوزاقدا
تا اوزاقدا، ایچیمده بیر شوشه قیریلدی.
بوتون شعرلریم آنلامسیزدیر ایندی،
رسیملر رنگسیز، ماهنیلار روحسوز،
هئچ بیر شئی آرتیق اووودا بیلمز منی.
باخین! بیر چاغ دئوریلیر ایچیمده، سرسفیل.
سون شاعیر ده قیردی سون قلمینی.
ایلک مشعلی کیم یاندیردی بو قارانلیقدا؟
کیم ایدی منیم زیندان گؤزلریمی آیدینلادان؟
سئویلمک می؟!
او، ان ایلکین چاغلارین سون آرتیغی،
بیر ماغارا دووارینداکی ان اسکی رسیم.
یا سئومک؟!
هئچ سؤنمه‌دن بیر عؤمور بویو سئومک؟
او، منیمسه‌دیگیم ان گؤزل خوی،
ییخیلدیقجا توتوندوغوم بوداق بو بوشلوقدا،
او، ان اینسانجیل گئرچه‌ییم منیم.
من هپ بؤیله یوزایللر بویو سئودیم،
چاغ‌لار بویو.
قاپ‌قارانلیق بیر گئجه‌یدی یاشادیغیم، سئوینجه.
اللریمی آختاراردیم، تاپا بیلمزدیم چوخ گون.
بیر گیزله‌ین وار ایدی منی،
بیر توتان وار ایدی،
سنه یاخینلاشا بیلمزدیم.
آنلایا بیلمه‌دیگیم قورخولار وار ایدی ایچیمده.
هپ بؤیله سنینله سنسیز قالاردیم من.
بیر قیویلجیم سؤنرکن،
بیر یانارداغ پاتلاردی ایچیمده.
قوی ایندی من یالنیز اؤلوم،
وور اللریمی، چؤره‌ییمی آل!
دیکسینر منی کیم گؤرسه سنسیز،
اوتانار یالنیزلیغیم منه باخدیقجا.
آینالار می؟
هانی، هاردالار؟
کیم بیلیر نئچه یوزایل اولدو اؤزومو گؤرمه‌‌یه‌لی؟
آدیم می؟! نه ایدی؟
بس‌بللی اونوتموشام.
هایدی وور،
هایدی اؤلدور،
قورتار منی ازیلمکدن، چورومکدن!
هایدی گل، آچدیم قوللاریمی،
بیر زامان اؤلمه‌یه واختیم می وار ایدی سنی سئومکدن؟
سن ایچیمده بؤیوین بیر سسسیزلیک ایدین،
منی من ائدن ان دورو ایرماق ایدین،
ان گؤزلی ایدین موزاییک‌لرین.
سنینله ماوی‌یدی گؤی‌اوزوم،
چیچک‌لریم سنده گؤیَرَردی.
سن بام‌باشقا بیر دونیا یارادیردین،
سولاریمدان، گونشیمدن، کوله‌ییمدن.
باخ، نئجه ده هر شئی دَییشدی بیردن-بیره!
ایندی بو قارانلیقلاردا یاپایالنیز،
ماوی-ماوی بیر رسیم آغلار دووارلاریمدان.
من بیر توخومام،
آل منی تورپاغا اک یئنیدن!
هارداسان، هانی نه اولدون؟
آنتیک بیر قادین باشی‌یدین،
یوخسا بیر دنیز می‌یدین اسکیدن؟
یوسونلارین قورودومو، اؤلدومو بالیقلارین؟
هانی بیر «نئفئرتیتی»* یاشامیشدی اسکی «میصیر»دا،
یوخسا او ایدین سن؟
هایدی، آنلات منه، نه ایدین؟!
بلکه ده اوزاق، بیلینمز بیر نؤقطه‌یدین سن،
اؤیکومه گیرمه‌سه‌یدین.
اینسان بیر دفعه اؤلر،
هر گون اؤلن، ایچیمیزده‌کی اومیدلریمیزدیر.
پارام‌پارچا اولموش سئوگیلردیر.
هر آلدانیش،
یئنی بیر آلدانیشا حاضیرلار بیزی.
زامانلا رنگلر دَییشر،
دونوقلاشار آنیلار.
سیلینر اوستوموزدن، گؤزل اولان نه وارسا.
گؤرَر ایچینده‌کی بوتون خیاللارین اولدوغونو، اینسان یاشارسا.
و بیر گون اینسان دا اؤلر چمن کیمی، یارپاق کیمی.
سارسیلار یئراوزو یئریندن،
دئوریلن قوجا بیر آغاج‌دیر سانکی.
دورار یورغون قلبیمیزین آتیش‌لاری،
ال-آیاق کسیلر،
گؤز اؤلر، دوداق اؤلر، قان اؤلر.
سوسار ایچیمیزده ایللر بویو چالان چالغی،
بوتون تئللر سس وئرمز اولار،
آجیلار توختار،
و بیر گون بیتر بو چیرکین اویون،
پرده ائنر.
#اومید_یاشار_اوغوزجان
* میصیر کرالیچاسی، فرعونون قادینی
#شعر_اوجاغی
@SheirOcagi
اولدوغوم هر یئرده، ایتیریرم سنی.
یانی‌باشیمدا اولدوغون اولور بعضاً،
یا دا من اولورام سسسیزجه گؤزلرینده.
بیر یارپاق ترپنیر خفیفدن،
بو سسسیزلیک، بیر قاسیرغا باشلانغیجی،
دنیزین کوکره‌مه‌یه حاضیرلانیشی.
بو، آسلانلارین ساری، وحشی گؤزلرینده‌کی اؤلوم پاریلتیسی،
بو، بیر یئرده اریمک، بیردن‌بیره یوخ اولماق بلکه ده.
و سونرا سوسماق، سوسماق یوزایللر بویو،
منی اونوتدوغون بیر اوزاق چیزگیده.
بزک سوردویوم بویا دئییل آرتیق،
گؤزلریمین قیرمیزی قان رنگی‌دیر.
ان قارادان داها قارا یوخ،
اویسا ان بیاض ایدین سن گئجه‌لریمده.
او منه ان یاخین رنگ ایدی توک کیمی،
شیدّتلی سیجاقلیغینی جیزاردیم دووارلارا.
عطرین عجیبه بیر شئی ایدی، اوشاقسی،
سونرا نئچه قاتلی بیر گول کیمی‌یدی، بایغین.
گئجه‌نین ان توتقون‌لاشدیغی او یئرده
دوشردی اللریمه، دارماداغین...
اوخویان بیر اسحاق قوشودور ایندی،
خبر گتیریر اؤلوملردن.
دینله!
یاشاماق، بیر قروپ عسگردی قارشیمدا؛
«آتش ائتمه‌یین -دئییرم- بیر دئیه‌جه‌ییم وار!
گؤزلریمی باغلامایین!
سون دفعه گؤرمک ایسته‌ییرم اینسانی، گؤیو، گونشی، دنیزلری.
و بو سون اؤلوموم اولسون -دئییرم- بیر داها اؤلدورمه‌یین منی!
کیبریتیم ایسلانمیش،
سیقارام یانمیر.
نه اولور بیر آتش وئرین!
بو ایلک آلدانیشیم دئییل،
بو ایلک سؤنوشو دئییل اومیدلریمین.
من بو دنیزین سون قیییسی‌یام.
بیر شوشه قیریلدی اوزاقدا
تا اوزاقدا، ایچیمده بیر شوشه قیریلدی.
بوتون شعرلریم آنلامسیزدیر ایندی،
رسیملر رنگسیز، ماهنیلار روحسوز،
هئچ بیر شئی آرتیق اووودا بیلمز منی.
باخین! بیر چاغ دئوریلیر ایچیمده، سرسفیل.
سون شاعیر ده قیردی سون قلمینی.
ایلک مشعلی کیم یاندیردی بو قارانلیقدا؟
کیم ایدی منیم زیندان گؤزلریمی آیدینلادان؟
سئویلمک می؟!
او، ان ایلکین چاغلارین سون آرتیغی،
بیر ماغارا دووارینداکی ان اسکی رسیم.
یا سئومک؟!
هئچ سؤنمه‌دن بیر عؤمور بویو سئومک؟
او، منیمسه‌دیگیم ان گؤزل خوی،
ییخیلدیقجا توتوندوغوم بوداق بو بوشلوقدا،
او، ان اینسانجیل گئرچه‌ییم منیم.
من هپ بؤیله یوزایللر بویو سئودیم،
چاغ‌لار بویو.
قاپ‌قارانلیق بیر گئجه‌یدی یاشادیغیم، سئوینجه.
اللریمی آختاراردیم، تاپا بیلمزدیم چوخ گون.
بیر گیزله‌ین وار ایدی منی،
بیر توتان وار ایدی،
سنه یاخینلاشا بیلمزدیم.
آنلایا بیلمه‌دیگیم قورخولار وار ایدی ایچیمده.
هپ بؤیله سنینله سنسیز قالاردیم من.
بیر قیویلجیم سؤنرکن،
بیر یانارداغ پاتلاردی ایچیمده.
قوی ایندی من یالنیز اؤلوم،
وور اللریمی، چؤره‌ییمی آل!
دیکسینر منی کیم گؤرسه سنسیز،
اوتانار یالنیزلیغیم منه باخدیقجا.
آینالار می؟
هانی، هاردالار؟
کیم بیلیر نئچه یوزایل اولدو اؤزومو گؤرمه‌‌یه‌لی؟
آدیم می؟! نه ایدی؟
بس‌بللی اونوتموشام.
هایدی وور،
هایدی اؤلدور،
قورتار منی ازیلمکدن، چورومکدن!
هایدی گل، آچدیم قوللاریمی،
بیر زامان اؤلمه‌یه واختیم می وار ایدی سنی سئومکدن؟
سن ایچیمده بؤیوین بیر سسسیزلیک ایدین،
منی من ائدن ان دورو ایرماق ایدین،
ان گؤزلی ایدین موزاییک‌لرین.
سنینله ماوی‌یدی گؤی‌اوزوم،
چیچک‌لریم سنده گؤیَرَردی.
سن بام‌باشقا بیر دونیا یارادیردین،
سولاریمدان، گونشیمدن، کوله‌ییمدن.
باخ، نئجه ده هر شئی دَییشدی بیردن-بیره!
ایندی بو قارانلیقلاردا یاپایالنیز،
ماوی-ماوی بیر رسیم آغلار دووارلاریمدان.
من بیر توخومام،
آل منی تورپاغا اک یئنیدن!
هارداسان، هانی نه اولدون؟
آنتیک بیر قادین باشی‌یدین،
یوخسا بیر دنیز می‌یدین اسکیدن؟
یوسونلارین قورودومو، اؤلدومو بالیقلارین؟
هانی بیر «نئفئرتیتی»* یاشامیشدی اسکی «میصیر»دا،
یوخسا او ایدین سن؟
هایدی، آنلات منه، نه ایدین؟!
بلکه ده اوزاق، بیلینمز بیر نؤقطه‌یدین سن،
اؤیکومه گیرمه‌سه‌یدین.
اینسان بیر دفعه اؤلر،
هر گون اؤلن، ایچیمیزده‌کی اومیدلریمیزدیر.
پارام‌پارچا اولموش سئوگیلردیر.
هر آلدانیش،
یئنی بیر آلدانیشا حاضیرلار بیزی.
زامانلا رنگلر دَییشر،
دونوقلاشار آنیلار.
سیلینر اوستوموزدن، گؤزل اولان نه وارسا.
گؤرَر ایچینده‌کی بوتون خیاللارین اولدوغونو، اینسان یاشارسا.
و بیر گون اینسان دا اؤلر چمن کیمی، یارپاق کیمی.
سارسیلار یئراوزو یئریندن،
دئوریلن قوجا بیر آغاج‌دیر سانکی.
دورار یورغون قلبیمیزین آتیش‌لاری،
ال-آیاق کسیلر،
گؤز اؤلر، دوداق اؤلر، قان اؤلر.
سوسار ایچیمیزده ایللر بویو چالان چالغی،
بوتون تئللر سس وئرمز اولار،
آجیلار توختار،
و بیر گون بیتر بو چیرکین اویون،
پرده ائنر.
#اومید_یاشار_اوغوزجان
* میصیر کرالیچاسی، فرعونون قادینی
#شعر_اوجاغی
@SheirOcagi
▫️بیاض گؤیرچین
سوزولوب ماوی گؤیلردن یئره دوغرو،
اوموزوما بیر بیاض گؤیرچین قوندو.
آلدیم الیمه، اوصول-اوصول اوخشادیم،
سئودیم، گنجلیگیمی یئنیدن یاشادیم.
بم‌بیاض‌دی توکلری، اؤیله پارلاق‌دی،
آچسام اللریمی بیردن اوچاجاقدی.
اَییلدیم قولاغینا «دور، گئتمه!» دئدیم،
دالغالی گؤزلریندن اؤپمک ایسته‌دیم.
دۇیدۇم اوووجلاریمدا سیجاقلیغینی،
دۇیدۇم، مندن ایللرجه اوزاقلیغینی.
چیرپینان قلبینی دینله‌دیم بیر سوره،
و اوچماق ایسته‌دیم اونونلا گؤیلره.
آغ گؤیرچینین ایٖری گؤزلری واردی،
گؤزل‌لیگیندن فیشقیران بیر پیناردی.
سویوق سولاریندان ایچدیم، سرین‌لدیم،
چاغلایان بیر نهرین سسینی دینله‌دیم.
بلکه بۇیدۇ سئومک، حیات بلکه بۇیدۇ،
ایشیل-ایشیل‌دیم، گؤزلریم دوپ-دولویدو.
بیر نغمه یوکسَلدی سئوینجدن و حظدن،
بیر نغمه یوکسلدی، گؤزَلدن، بیاضدان.
اوزاتدی سئوگی‌یله پمبه قاقا'سینی*،
بیردن اؤیرندیم حیاتین معناسینی.
قدَرده سئوگینی سنده تاپماق وارمیش،
سنینله بیر جوت گؤیرچین اولماق وارمیش.
#اومید_یاشار_اوغوزجان
* دیمدیک
#شعر_اوجاغی
@SheirOcagi
سوزولوب ماوی گؤیلردن یئره دوغرو،
اوموزوما بیر بیاض گؤیرچین قوندو.
آلدیم الیمه، اوصول-اوصول اوخشادیم،
سئودیم، گنجلیگیمی یئنیدن یاشادیم.
بم‌بیاض‌دی توکلری، اؤیله پارلاق‌دی،
آچسام اللریمی بیردن اوچاجاقدی.
اَییلدیم قولاغینا «دور، گئتمه!» دئدیم،
دالغالی گؤزلریندن اؤپمک ایسته‌دیم.
دۇیدۇم اوووجلاریمدا سیجاقلیغینی،
دۇیدۇم، مندن ایللرجه اوزاقلیغینی.
چیرپینان قلبینی دینله‌دیم بیر سوره،
و اوچماق ایسته‌دیم اونونلا گؤیلره.
آغ گؤیرچینین ایٖری گؤزلری واردی،
گؤزل‌لیگیندن فیشقیران بیر پیناردی.
سویوق سولاریندان ایچدیم، سرین‌لدیم،
چاغلایان بیر نهرین سسینی دینله‌دیم.
بلکه بۇیدۇ سئومک، حیات بلکه بۇیدۇ،
ایشیل-ایشیل‌دیم، گؤزلریم دوپ-دولویدو.
بیر نغمه یوکسَلدی سئوینجدن و حظدن،
بیر نغمه یوکسلدی، گؤزَلدن، بیاضدان.
اوزاتدی سئوگی‌یله پمبه قاقا'سینی*،
بیردن اؤیرندیم حیاتین معناسینی.
قدَرده سئوگینی سنده تاپماق وارمیش،
سنینله بیر جوت گؤیرچین اولماق وارمیش.
#اومید_یاشار_اوغوزجان
* دیمدیک
#شعر_اوجاغی
@SheirOcagi
▫️عشق می‌یدی او؟
عشق می‌یدی او؟ عشقیمسی بیر شئی می‌یدی؟
نه‌یدی، چکیب اؤزونه منی باغلایان؟
قانادان دوداغیمی، تنیمی داغلایان،
اللری تا ایچیمده او دئو می‌یدی؟
اتیمه بیر آلوو دَیمیشجه‌سینه،
نئجه ده یاخاردی اؤپدویو زامان!
بیر سو کیمی آخیب گئتدی اوووجلاریمدان،
یورغونام ایندی مین ایل سئومیشجه‌سینه.
هانی او یالنیز منیم اولان گول، قیرمیزی،
گؤزلریمین اؤنونده آچیلان سونسوز باغچا؟
هانی او وار اولمالاریمیز اؤپوشدوکجه،
او دلیجه سۆردۆرمه‌لر یاشانتیمیزی؟
هئچ دۏیماماق اویسا، تنه، قوخویا، عشقه،
ساریلدیقجا گوجلَنمک، بوتون‌لنمک.
قودورموش آرزولارلا زامانی یئنمک.
و ان دالدالاردا گؤروشمک قورخا-قورخا.
کیمی گون اوتانماق اوتلاردان، چمن‌لردن،
کیمی گئجه میخلاماق گؤزلریمیزی دووارا.
چاتماق اوچون او سئوگی‌یله آچیلمیش قوللارا،
آپ‌آنسیز دوشمک یوکسک‌لردن بیر یئردن.
او ایدی ایشده آلیشدیغیم، اؤزله‌دیگیم ایندی ده،
سئوگی‌جه بیر توتقو، عشقیمسی بیر یاخینلیق.
اووونماق...قیریق-تؤکوک آنیلارلا آرتیق،
کیم بیلیر؟ او گئجه‌لر یاشانمادی بلکه ده.
#اومید_یاشار_اوغوزجان
#شعر_اوجاغی
@SheirOcagi
عشق می‌یدی او؟ عشقیمسی بیر شئی می‌یدی؟
نه‌یدی، چکیب اؤزونه منی باغلایان؟
قانادان دوداغیمی، تنیمی داغلایان،
اللری تا ایچیمده او دئو می‌یدی؟
اتیمه بیر آلوو دَیمیشجه‌سینه،
نئجه ده یاخاردی اؤپدویو زامان!
بیر سو کیمی آخیب گئتدی اوووجلاریمدان،
یورغونام ایندی مین ایل سئومیشجه‌سینه.
هانی او یالنیز منیم اولان گول، قیرمیزی،
گؤزلریمین اؤنونده آچیلان سونسوز باغچا؟
هانی او وار اولمالاریمیز اؤپوشدوکجه،
او دلیجه سۆردۆرمه‌لر یاشانتیمیزی؟
هئچ دۏیماماق اویسا، تنه، قوخویا، عشقه،
ساریلدیقجا گوجلَنمک، بوتون‌لنمک.
قودورموش آرزولارلا زامانی یئنمک.
و ان دالدالاردا گؤروشمک قورخا-قورخا.
کیمی گون اوتانماق اوتلاردان، چمن‌لردن،
کیمی گئجه میخلاماق گؤزلریمیزی دووارا.
چاتماق اوچون او سئوگی‌یله آچیلمیش قوللارا،
آپ‌آنسیز دوشمک یوکسک‌لردن بیر یئردن.
او ایدی ایشده آلیشدیغیم، اؤزله‌دیگیم ایندی ده،
سئوگی‌جه بیر توتقو، عشقیمسی بیر یاخینلیق.
اووونماق...قیریق-تؤکوک آنیلارلا آرتیق،
کیم بیلیر؟ او گئجه‌لر یاشانمادی بلکه ده.
#اومید_یاشار_اوغوزجان
#شعر_اوجاغی
@SheirOcagi
▫️چیخماز کوچه
بیر داها دونیایا گلسم،
یئنه سنی سئوردیم،
منی اوزه‌سن دئیه،
منی دلی-دیوانه ائده‌سن دئیه...
بیلیرم،
سن ده بیر داها دونیایا گلسن،
یئنه منی سئومزدین،
قهریمدن اؤلوم دئیه.
#اومید_یاشار_اوغوزجان
#شعر_اوجاغی
@SheirOcagi
بیر داها دونیایا گلسم،
یئنه سنی سئوردیم،
منی اوزه‌سن دئیه،
منی دلی-دیوانه ائده‌سن دئیه...
بیلیرم،
سن ده بیر داها دونیایا گلسن،
یئنه منی سئومزدین،
قهریمدن اؤلوم دئیه.
#اومید_یاشار_اوغوزجان
#شعر_اوجاغی
@SheirOcagi