▫️استانبول
من سئودیگیم مرمر سینهلی یارین،
دئییرلر، قوینوندا یابانچی ال وار.
باخیب اوفوقلره، اوزاق یوللارا،
آغلاییرمیش ماوی گؤزلر، آخشاملار.
آه، ائی سولغون اوزلو، دالغین استانبول!
ماوی گؤزلری پک بایغین، استانبول!
منین سئودیگیم قیز دونیا گؤزلی،
اونا بو دونیادا ائش یارانمامیش.
دئییرلر، کؤنلونو فلک پوزالی،
سیرمالی تئللری هئچ دارانمانیش.
آه، ائی سولغون اوزلو، دالغین استانبول!
ماوی گؤزلری پک بایغین، استانبول!
قیریق دالا قونموش دون بالا بیر قوش،
«او»ندان خبر وئردی، گؤزوم یاشاردی.
گل زاواللی کؤنلوم، سورما نه اولموش!
سورما کی «سئودیگین کیملره واردی؟»!
آه، ائی سولغون اوزلو، دالغین استانبول!
ماوی گؤزلری پک بایغین، استانبول!
دئییرلر سئودیگیم «قیز قولّهسی»نده،
باخیرکن قیریلمیش روباب تئلینه،
اوچویورکن شئعیرین سئوداسیندا،
بیر ایلان ساریلمیش اینجه بئلینه.
آه، ائی سولغون اوزلو، دالغین استانبول!
ماوی گؤزلری پک بایغین، استانبول!
ائی یولوم اوستونده یوکسَلن داغلار،
گیزلی سئودا اوچون چیرپینان دنیز!
یول وئرین، یول وئرین! منیم دردیم وار،
ایتیردیم یولومو، قالدیم کیمسهسیز.
آه ائی سولغون اوزلو، دالغین استانبول!
ماوی گؤزلری پک بایغین استانبول!
بو قلبیمدن قوپان هر یانیق فریاد،
چکدیگیم دردلرین ترجومانیمی؟
یوخمودور، کیمسهدن کؤنلومه ایمداد؟
بو بختسیز سئودامین سون زامانیمی؟
آه، ائی سولغون اوزلو، دالغین استانبول!
ماوی گؤزلری پک بایغین، استانبول!
یارب، بیلمزمییدین قلبیمی سن ده،
کی قیردین سازیمین جانلی تئلینی؟
دوغویورکن یئنی بیر اومید منده،
نئچون مأیوس ائتدین توران ائلینی؟
آه، ائی سولغون اوزلو، دالغین استانبول!
ماوی گؤزلری پک بایغین، استانبول!
#احمد_جاواد
#شعر_اوجاغی
@SheirOcagi
من سئودیگیم مرمر سینهلی یارین،
دئییرلر، قوینوندا یابانچی ال وار.
باخیب اوفوقلره، اوزاق یوللارا،
آغلاییرمیش ماوی گؤزلر، آخشاملار.
آه، ائی سولغون اوزلو، دالغین استانبول!
ماوی گؤزلری پک بایغین، استانبول!
منین سئودیگیم قیز دونیا گؤزلی،
اونا بو دونیادا ائش یارانمامیش.
دئییرلر، کؤنلونو فلک پوزالی،
سیرمالی تئللری هئچ دارانمانیش.
آه، ائی سولغون اوزلو، دالغین استانبول!
ماوی گؤزلری پک بایغین، استانبول!
قیریق دالا قونموش دون بالا بیر قوش،
«او»ندان خبر وئردی، گؤزوم یاشاردی.
گل زاواللی کؤنلوم، سورما نه اولموش!
سورما کی «سئودیگین کیملره واردی؟»!
آه، ائی سولغون اوزلو، دالغین استانبول!
ماوی گؤزلری پک بایغین، استانبول!
دئییرلر سئودیگیم «قیز قولّهسی»نده،
باخیرکن قیریلمیش روباب تئلینه،
اوچویورکن شئعیرین سئوداسیندا،
بیر ایلان ساریلمیش اینجه بئلینه.
آه، ائی سولغون اوزلو، دالغین استانبول!
ماوی گؤزلری پک بایغین، استانبول!
ائی یولوم اوستونده یوکسَلن داغلار،
گیزلی سئودا اوچون چیرپینان دنیز!
یول وئرین، یول وئرین! منیم دردیم وار،
ایتیردیم یولومو، قالدیم کیمسهسیز.
آه ائی سولغون اوزلو، دالغین استانبول!
ماوی گؤزلری پک بایغین استانبول!
بو قلبیمدن قوپان هر یانیق فریاد،
چکدیگیم دردلرین ترجومانیمی؟
یوخمودور، کیمسهدن کؤنلومه ایمداد؟
بو بختسیز سئودامین سون زامانیمی؟
آه، ائی سولغون اوزلو، دالغین استانبول!
ماوی گؤزلری پک بایغین، استانبول!
یارب، بیلمزمییدین قلبیمی سن ده،
کی قیردین سازیمین جانلی تئلینی؟
دوغویورکن یئنی بیر اومید منده،
نئچون مأیوس ائتدین توران ائلینی؟
آه، ائی سولغون اوزلو، دالغین استانبول!
ماوی گؤزلری پک بایغین، استانبول!
#احمد_جاواد
#شعر_اوجاغی
@SheirOcagi
▫️آشیغین دردی
سوراراق اولدوزا، آیا،
آرارکن گؤزلریم سنی،
منیم کیمی بیر سئودایا،
دوشن گؤردوم بیر ده منی.
نه زامان کی اینساناوغلو،
آزار غوربت ائلده یولو،
منیم کیمی- گؤزلر دولو
یاشلا، سالاملار وطنی.
منجه دردین ان یامانی:
ایتیرمک درد آنلایانی.
هر یئتَنه سوردوم، هانی؟
گؤستر منه درد بیلَنی!
آه، ائی گؤزل ائلیم، گونوم!
دوشسه سنه بیر ده یؤنوم!
تانریم، اولسون ان سون گونوم،
گؤستر منه «جان» دئیَنی!
آیری دوشدوم من ائلیمله،
گئدن بولود! گئتمه، دینله!
آغلا منه اؤز دیلیمله،
ائل آشیغی سؤیلهینی!
آشیغین بیر ائل دردی وار،
«ائللر» اوخور، «ائللر» یازار.
من دوزهرم، زامان پوزار،
گؤز گؤتورمز بو گولشَنی.
#احمد_جاواد
#شعر_اوجاغی
@SheirOcagi
سوراراق اولدوزا، آیا،
آرارکن گؤزلریم سنی،
منیم کیمی بیر سئودایا،
دوشن گؤردوم بیر ده منی.
نه زامان کی اینساناوغلو،
آزار غوربت ائلده یولو،
منیم کیمی- گؤزلر دولو
یاشلا، سالاملار وطنی.
منجه دردین ان یامانی:
ایتیرمک درد آنلایانی.
هر یئتَنه سوردوم، هانی؟
گؤستر منه درد بیلَنی!
آه، ائی گؤزل ائلیم، گونوم!
دوشسه سنه بیر ده یؤنوم!
تانریم، اولسون ان سون گونوم،
گؤستر منه «جان» دئیَنی!
آیری دوشدوم من ائلیمله،
گئدن بولود! گئتمه، دینله!
آغلا منه اؤز دیلیمله،
ائل آشیغی سؤیلهینی!
آشیغین بیر ائل دردی وار،
«ائللر» اوخور، «ائللر» یازار.
من دوزهرم، زامان پوزار،
گؤز گؤتورمز بو گولشَنی.
#احمد_جاواد
#شعر_اوجاغی
@SheirOcagi
▫️کیمدیر بیزیم مینارهده
اذانلاری سوسدورانلار؟
«دوغرو یولا ساپما!» دئییب
قانلی ایرین قوسدورانلار؟
تکمهلهییب تورکوستانین
اَییلمهین باشلارینی،
کیملر چالدی بابالارین
اسکی مزار داشلارینی؟
کیمدیر قزئتله، کرپیجله،
موزئیلری دولدورانلار؟
اؤزوموزو حئیوان سانیب
یوردوموزا اود وورانلار؟
هانسی قانون اللرییله،
هانسی یاسا، هانسی یازی،
سؤیودلرین یئرلرینه
دیکدی سیبیر آکاسیاسی؟¹
هئچ بیر تاریخ گؤسترمزکن،
تورکون خائین اولدوغونو،
کیمدیر چالان تورک ارضینی،
تورک ائلینین وار-یوخونو؟
سنین کیمی کؤلگهسیندن قورخانلار،
سنین کیمی دوشوننلر، دویانلار.
اونوت اسکی گونو، اونوت!
باخ، گؤیدهکی قارا بولود،
مظلوملارین آهیدیر!
«دین» سؤیلهدیک، قورآنلارین
تبدیلینه یئلتندینیز.²
«دیل» سؤیلهدیک، فیکریمیزه
مزار اولدو قارا دنیز.
زنگین ایدیک، قورد اولدونوز،
یوردوموزا سالدیردینیز.
گؤزللرین کؤکسوندهکی
آلتونلاری چالدیردینیز.
سونرا بیزی آوروپادا وحشی دئیه یازین، پوزون
بونون دوغرو اولدوغونا ایناندینمی سنین اؤزون؟
سنین کیمی بیر چوخ میراث یئدیلر،
بیزه داها نهلر...نهلر ائتدیلر!
اونوت اسکی گونو، اونوت!
باخ، گؤیدهکی قارا بولود،
مظلوملارین آهیدیر!
بو ائللرین تورپاغینا، داشینا
چؤکن، اؤلموش ایگیدلرین یاسیدیر.
دومان دئییل، بو داغلارین باشینا
قونان، مظلوملارین آهی، واییدیر.
سؤیلهیینیز، هانسی یوردون بالاسی،
الینیزدن اؤلوم جامی ایچمهدی؟!
گؤسترینیز، هانسی مولکون هاواسی،
سیزین اوچون صافلیفیندان کئچمهدی؟!
سنین بالان بئشیگینده گولومسر،
ارَنلر یوردوندا آنجاق یئل اسر.
تورکوستاندان باشقا بیر چوخ یئرلر وار،
سیزه لعنت ائدیر، دارغین اوبالار.
اونوت اسکی گونو، اونوت!
باخ، گؤیدهکی قارا بولود،
مظلوملارین آهیدیر!
درده دوشموش اینساناوغلو یولوندا،
ائی حورییّت، درمان سنین الینده!
آسیلماغا محکوم اولان قارداشی،
قورتاراجاق فرمان سنین الینده.
یاد ائللرده اورک وئر حاق قولونا!
گونشلر ساچ زاواللینین یولونا!
#احمد_جاواد
¹- آغاج آدی، اقاقیا (Akasiya)
²- چالیشماق، جان آتماق (Yeltənmək)
#شعر_اوجاغی
@SheirOcagi
اذانلاری سوسدورانلار؟
«دوغرو یولا ساپما!» دئییب
قانلی ایرین قوسدورانلار؟
تکمهلهییب تورکوستانین
اَییلمهین باشلارینی،
کیملر چالدی بابالارین
اسکی مزار داشلارینی؟
کیمدیر قزئتله، کرپیجله،
موزئیلری دولدورانلار؟
اؤزوموزو حئیوان سانیب
یوردوموزا اود وورانلار؟
هانسی قانون اللرییله،
هانسی یاسا، هانسی یازی،
سؤیودلرین یئرلرینه
دیکدی سیبیر آکاسیاسی؟¹
هئچ بیر تاریخ گؤسترمزکن،
تورکون خائین اولدوغونو،
کیمدیر چالان تورک ارضینی،
تورک ائلینین وار-یوخونو؟
سنین کیمی کؤلگهسیندن قورخانلار،
سنین کیمی دوشوننلر، دویانلار.
اونوت اسکی گونو، اونوت!
باخ، گؤیدهکی قارا بولود،
مظلوملارین آهیدیر!
«دین» سؤیلهدیک، قورآنلارین
تبدیلینه یئلتندینیز.²
«دیل» سؤیلهدیک، فیکریمیزه
مزار اولدو قارا دنیز.
زنگین ایدیک، قورد اولدونوز،
یوردوموزا سالدیردینیز.
گؤزللرین کؤکسوندهکی
آلتونلاری چالدیردینیز.
سونرا بیزی آوروپادا وحشی دئیه یازین، پوزون
بونون دوغرو اولدوغونا ایناندینمی سنین اؤزون؟
سنین کیمی بیر چوخ میراث یئدیلر،
بیزه داها نهلر...نهلر ائتدیلر!
اونوت اسکی گونو، اونوت!
باخ، گؤیدهکی قارا بولود،
مظلوملارین آهیدیر!
بو ائللرین تورپاغینا، داشینا
چؤکن، اؤلموش ایگیدلرین یاسیدیر.
دومان دئییل، بو داغلارین باشینا
قونان، مظلوملارین آهی، واییدیر.
سؤیلهیینیز، هانسی یوردون بالاسی،
الینیزدن اؤلوم جامی ایچمهدی؟!
گؤسترینیز، هانسی مولکون هاواسی،
سیزین اوچون صافلیفیندان کئچمهدی؟!
سنین بالان بئشیگینده گولومسر،
ارَنلر یوردوندا آنجاق یئل اسر.
تورکوستاندان باشقا بیر چوخ یئرلر وار،
سیزه لعنت ائدیر، دارغین اوبالار.
اونوت اسکی گونو، اونوت!
باخ، گؤیدهکی قارا بولود،
مظلوملارین آهیدیر!
درده دوشموش اینساناوغلو یولوندا،
ائی حورییّت، درمان سنین الینده!
آسیلماغا محکوم اولان قارداشی،
قورتاراجاق فرمان سنین الینده.
یاد ائللرده اورک وئر حاق قولونا!
گونشلر ساچ زاواللینین یولونا!
#احمد_جاواد
¹- آغاج آدی، اقاقیا (Akasiya)
²- چالیشماق، جان آتماق (Yeltənmək)
#شعر_اوجاغی
@SheirOcagi
▫️چیرپینیردین، قارا دنیز!
چیرپینیردین، قارا دنیز،
باخیب تورکون بایراغینا!
«آه! -دئیَردین- هئچ اؤلمزدیم،
دوشه بیلسم آیاغینا»
آیری دوشموش دوست ائلیندن،
ایللر وار کی چارپار سینهن.
وفالیدیر گلدی-گئدن.
یول وئر تورکون بایراغینا!
اینجیلر تؤک گَل یولونا،
سیرمالار سپ ساغ-سونا!
فیرتینالار دورسون یانا!
سلام تورکون بایراغینا!
دوست ائلیندن اسن یئللر،
منه شعیر، سالام سؤیلر.
اولسون بیزیم بوتون ائللر،
قوربان تورکون بایراغینا!
یول وئر تورکون بایراغینا!
#احمد_جاواد
#شعر_اوجاغی
@SheirOcagi
چیرپینیردین، قارا دنیز،
باخیب تورکون بایراغینا!
«آه! -دئیَردین- هئچ اؤلمزدیم،
دوشه بیلسم آیاغینا»
آیری دوشموش دوست ائلیندن،
ایللر وار کی چارپار سینهن.
وفالیدیر گلدی-گئدن.
یول وئر تورکون بایراغینا!
اینجیلر تؤک گَل یولونا،
سیرمالار سپ ساغ-سونا!
فیرتینالار دورسون یانا!
سلام تورکون بایراغینا!
دوست ائلیندن اسن یئللر،
منه شعیر، سالام سؤیلر.
اولسون بیزیم بوتون ائللر،
قوربان تورکون بایراغینا!
یول وئر تورکون بایراغینا!
#احمد_جاواد
#شعر_اوجاغی
@SheirOcagi
▫️اوف، بو یول!
منیم یولوم یالانچی
گیردابلاردا دولموشدور.
ییخیلماماق بو یولدا
منه حارام اولموشدور.
ایمان ائتمک چتینمیش
بیر دوغرویا، یالانا.
هر کس انگل اولویور،
بیر ایماندا قالانا.
هر گون یئنی بیر اومید،
هر گون یئنی بیر خبر.
آنجاق دونیا اسگیدی،
حاق و دوغرو نه گزر؟!
اینسانیّت، بیر کیتاب
هر اوخویان یالانچی.
گوج، بیر حیات مئیدانی
هر بیر گوجلو تالانچی.
یازیق بیر چوخ محکوملار
هر بیر سؤزه اینانمیش.
سونرا باخمیش، قیزاران
شفق دئییل، قان ایمیش.
گؤی اوزونون شیمشهیی،
ایلدیریمی، یاغمورو،
سویوتمادی، بو اینسان-
قانی ایچن دمیری.
ائی آللاهیم! یانیلتدین
هر بیر دوغرو آددیمی.
یوخسا، یوخسول دونیادان
عدالتین قالخدیمی؟
ائی دینلینین، دینسیزین
ایناندیغی سون قووّت!
قالمادیمی سنده ده
اینسانلارا مرحمت؟
من کی بیلمک ایستردیم
کیملر آغلار، کیم گولر.
اونونچوندور ائتمیشدیر
فلک منی دربهدر.
آراییرکن تسلّی
باخدیم ماوی گؤیلره.
تاپامادیم بیر نؤقطه،
چیخامادیم بیر یئره.
من سؤیلهدیم دردیمی
تازه یاشیل یارپاغا.
داها دردیم بیتمهدن
او سریلدی تورپاغا.
نه یوخسولدور طبیعت!
عؤمرو نه آز چیچهیین!
یازیق باغبان سنه! کی،
بوشا چیخدی عملین.
بئزدیم آرتیق، قهر اولسون!
موردارلاشدی بو عصیر.
یاخشی گونلر کئچمَکده،
تؤوبه اؤلوم گتیریر.
#احمد_جاواد
#شعر_اوجاغی
@SheirOcagi
منیم یولوم یالانچی
گیردابلاردا دولموشدور.
ییخیلماماق بو یولدا
منه حارام اولموشدور.
ایمان ائتمک چتینمیش
بیر دوغرویا، یالانا.
هر کس انگل اولویور،
بیر ایماندا قالانا.
هر گون یئنی بیر اومید،
هر گون یئنی بیر خبر.
آنجاق دونیا اسگیدی،
حاق و دوغرو نه گزر؟!
اینسانیّت، بیر کیتاب
هر اوخویان یالانچی.
گوج، بیر حیات مئیدانی
هر بیر گوجلو تالانچی.
یازیق بیر چوخ محکوملار
هر بیر سؤزه اینانمیش.
سونرا باخمیش، قیزاران
شفق دئییل، قان ایمیش.
گؤی اوزونون شیمشهیی،
ایلدیریمی، یاغمورو،
سویوتمادی، بو اینسان-
قانی ایچن دمیری.
ائی آللاهیم! یانیلتدین
هر بیر دوغرو آددیمی.
یوخسا، یوخسول دونیادان
عدالتین قالخدیمی؟
ائی دینلینین، دینسیزین
ایناندیغی سون قووّت!
قالمادیمی سنده ده
اینسانلارا مرحمت؟
من کی بیلمک ایستردیم
کیملر آغلار، کیم گولر.
اونونچوندور ائتمیشدیر
فلک منی دربهدر.
آراییرکن تسلّی
باخدیم ماوی گؤیلره.
تاپامادیم بیر نؤقطه،
چیخامادیم بیر یئره.
من سؤیلهدیم دردیمی
تازه یاشیل یارپاغا.
داها دردیم بیتمهدن
او سریلدی تورپاغا.
نه یوخسولدور طبیعت!
عؤمرو نه آز چیچهیین!
یازیق باغبان سنه! کی،
بوشا چیخدی عملین.
بئزدیم آرتیق، قهر اولسون!
موردارلاشدی بو عصیر.
یاخشی گونلر کئچمَکده،
تؤوبه اؤلوم گتیریر.
#احمد_جاواد
#شعر_اوجاغی
@SheirOcagi
▫️چیلله شرقیسی
قاباغی یازدیر چیللهنین،
عؤمرو آزدیر چیللهنین.
یئر بورونور آغ قارا،
تسلیم اولور باهارا.
آغ بایراقلی قیش گئدیر،
آل بایراقلی یاز گلیر.
ناغیلچیلار خوش گئدیر،
اوزان، آشیق، ساز گلیر.
بؤیوک چیلله چیخمامیش،
کیچیک چیلله گلمهمیش،
«بوز آی» چاپیر آتینی،
بیلیر قیشین ذاتینی.
بنؤوشه آچیب گلیر،
یاتاغی تورپاق اولور،
چیچهیی یارپاق اولور.
خان چوبانین آرزوسو،
گلیر قومرال قوزوسو.
یاغیش روزی گتیریر،
نووروز گلیب یئتیریر.
قووّت دولور قوللارا،
ائللر چیخیر یوللارا.
دورنالاری گؤزلهییر،
بولبول گولو ایزلهییر.
شاختا، بوران سوووشور،
یئر دوزَلدیب قدّینی،
گؤزل یازا قوووشور.
#احمد_جاواد
#شعر_اوجاغی
@SheirOcagi
قاباغی یازدیر چیللهنین،
عؤمرو آزدیر چیللهنین.
یئر بورونور آغ قارا،
تسلیم اولور باهارا.
آغ بایراقلی قیش گئدیر،
آل بایراقلی یاز گلیر.
ناغیلچیلار خوش گئدیر،
اوزان، آشیق، ساز گلیر.
بؤیوک چیلله چیخمامیش،
کیچیک چیلله گلمهمیش،
«بوز آی» چاپیر آتینی،
بیلیر قیشین ذاتینی.
بنؤوشه آچیب گلیر،
یاتاغی تورپاق اولور،
چیچهیی یارپاق اولور.
خان چوبانین آرزوسو،
گلیر قومرال قوزوسو.
یاغیش روزی گتیریر،
نووروز گلیب یئتیریر.
قووّت دولور قوللارا،
ائللر چیخیر یوللارا.
دورنالاری گؤزلهییر،
بولبول گولو ایزلهییر.
شاختا، بوران سوووشور،
یئر دوزَلدیب قدّینی،
گؤزل یازا قوووشور.
#احمد_جاواد
#شعر_اوجاغی
@SheirOcagi
▫️بوز آی*
گاه بوزاریر، گاه قیزاریر،
گاه قیزاریر، گاه بوزاریر.
گونش چیخیر، تئز ده باتیر،
یازلا-قیشین آراسیندا.
هاوا مئیخوش، هاوا سرین،
قیشلا-یازین آراسیندا.
بو نه قیشدیر، بو نه یازدیر؟
سویوق چوخدور، ایستی آزدیر.
گونش دوغور؛ بس گونشین،
او ایستیسی هاردا قالیب؟
او هنیری، حرارتی،
یوخسا اوندان قیش می آلیب؟
سویوق، شاختا یئره هوپوب،
ایشلهمیشدیر ایلیگینه.
شئهلر دؤنوب قیروو اولوب،
سپهلنیب یئر اوزونه.
قار دا، بوز دا یاغیش تکین،
چیسَک تکین تئز-تئز یاغیر.
قاری ننه اتهیینی،
بولود کیمی تئز-تئز سیخیر.
قارا بولود دورولاشیر،
پامبیق کیمی دومآغ اولور.
قارا یاغیش آغ یاغیشا،
یاغا-یاغا اورجاح اولور.
قوشلار دامین حاصاریندان،
یوواسینی سؤکور داها.
آغاجلارین کلّهسینده،
یئنی یووا تیکیر داها.
قونور کؤهنه اوولاغینا،
سانکی چیخیر یایلاغینا.
هامی یازا حاضیرلاشیر،
سیغیرچینلار قاققیلداشیر.
دورنا کؤچو سمت گؤتورور،
کاروان چکیب کؤهنه یوردا.
بولبوللر ده تئز-تئز اؤتور،
او قوروقدا، بو قوروقدا.
بوز آی دؤنوب قیزاردیقجا،
بوز بولبوللر ساری اولور.
ایلک چیچهیی قوخلایان دا،
بال توپلایان آری اولور.
بوز آی قیشی سیخیشدیریر،
یازا یئنی یوللار آچیر.
قیشدان سونرا گلن یازا،
چؤللر گئنیش قوللار آچیر.
خونچا توتوب ائل-اوبالار،
سانکی یازی ایزلهییرمیش.
دوزلر بویو خالی سرمیش،
سانکی گلین گؤزلهییرمیش.
#احمد_جاواد
* خالق اینانجینا گؤره فئورالین 19-دان 20-نه کئچن گئجه، آزربایجاندا کیچیک چیلله اؤز یئرینی «بوز آی Boz Ay»ا وئریر. بوز آی عادتا فئورالین 20-دن باشلاییب مارت آیینین 21-ده باشا چاتیر. بو آیدا هاوالار بعضاً مولاییم، بعضاً ده شاختالی کئچیر. بونا گؤره ده ائل آراسیندا «بوز آی بوزارا-بوزارا کئچیر» دئیه بیر دئییم وار.
#شعر_اوجاغی
@SheirOcagi
گاه بوزاریر، گاه قیزاریر،
گاه قیزاریر، گاه بوزاریر.
گونش چیخیر، تئز ده باتیر،
یازلا-قیشین آراسیندا.
هاوا مئیخوش، هاوا سرین،
قیشلا-یازین آراسیندا.
بو نه قیشدیر، بو نه یازدیر؟
سویوق چوخدور، ایستی آزدیر.
گونش دوغور؛ بس گونشین،
او ایستیسی هاردا قالیب؟
او هنیری، حرارتی،
یوخسا اوندان قیش می آلیب؟
سویوق، شاختا یئره هوپوب،
ایشلهمیشدیر ایلیگینه.
شئهلر دؤنوب قیروو اولوب،
سپهلنیب یئر اوزونه.
قار دا، بوز دا یاغیش تکین،
چیسَک تکین تئز-تئز یاغیر.
قاری ننه اتهیینی،
بولود کیمی تئز-تئز سیخیر.
قارا بولود دورولاشیر،
پامبیق کیمی دومآغ اولور.
قارا یاغیش آغ یاغیشا،
یاغا-یاغا اورجاح اولور.
قوشلار دامین حاصاریندان،
یوواسینی سؤکور داها.
آغاجلارین کلّهسینده،
یئنی یووا تیکیر داها.
قونور کؤهنه اوولاغینا،
سانکی چیخیر یایلاغینا.
هامی یازا حاضیرلاشیر،
سیغیرچینلار قاققیلداشیر.
دورنا کؤچو سمت گؤتورور،
کاروان چکیب کؤهنه یوردا.
بولبوللر ده تئز-تئز اؤتور،
او قوروقدا، بو قوروقدا.
بوز آی دؤنوب قیزاردیقجا،
بوز بولبوللر ساری اولور.
ایلک چیچهیی قوخلایان دا،
بال توپلایان آری اولور.
بوز آی قیشی سیخیشدیریر،
یازا یئنی یوللار آچیر.
قیشدان سونرا گلن یازا،
چؤللر گئنیش قوللار آچیر.
خونچا توتوب ائل-اوبالار،
سانکی یازی ایزلهییرمیش.
دوزلر بویو خالی سرمیش،
سانکی گلین گؤزلهییرمیش.
#احمد_جاواد
* خالق اینانجینا گؤره فئورالین 19-دان 20-نه کئچن گئجه، آزربایجاندا کیچیک چیلله اؤز یئرینی «بوز آی Boz Ay»ا وئریر. بوز آی عادتا فئورالین 20-دن باشلاییب مارت آیینین 21-ده باشا چاتیر. بو آیدا هاوالار بعضاً مولاییم، بعضاً ده شاختالی کئچیر. بونا گؤره ده ائل آراسیندا «بوز آی بوزارا-بوزارا کئچیر» دئیه بیر دئییم وار.
#شعر_اوجاغی
@SheirOcagi
▫️مارش
میلّتیمین تاریخینه،
شان-شؤهرت اکمهلییم!
بو قارشیدا یاد قالایا،
بیر آل بایراق دیکمهلییم!
دوشمنلره گؤستردیم کی،
منیم کیمی عسگری یوخ.
منیم قیلینج وورمادیغیم،
دونیانین هئچ بیر یئری یوخ.
ایسمارلادیم* نیشانلیما،
من تورانا گئدییوروم.
قارداشیمی قورتارماغا،
تورکوستانا گئدییوروم.
بایراغیما خائین باخان،
خائین گؤزه من تیکانام.
وورولورسام کؤلگهسینده،
حالال اولسون اونا قانیم.
#احمد_جاواد
* تاپشیرماق (İsmarlamaq)
#شعر_اوجاغی
@SheirOcagi
میلّتیمین تاریخینه،
شان-شؤهرت اکمهلییم!
بو قارشیدا یاد قالایا،
بیر آل بایراق دیکمهلییم!
دوشمنلره گؤستردیم کی،
منیم کیمی عسگری یوخ.
منیم قیلینج وورمادیغیم،
دونیانین هئچ بیر یئری یوخ.
ایسمارلادیم* نیشانلیما،
من تورانا گئدییوروم.
قارداشیمی قورتارماغا،
تورکوستانا گئدییوروم.
بایراغیما خائین باخان،
خائین گؤزه من تیکانام.
وورولورسام کؤلگهسینده،
حالال اولسون اونا قانیم.
#احمد_جاواد
* تاپشیرماق (İsmarlamaq)
#شعر_اوجاغی
@SheirOcagi
▫️دؤرد چرشنبه
بیرینجی چرشنبه
آچیلدی هاوا،
قورتاردی داعوا.
گئتدی قیش،
گلدی یاز.
دوغدو گونش،
بیتدی آیاز.
چؤله چیخدی،
قویون-قوزو.
گولدو یئنه،
گؤیون اوزو.
گولدو یئنه،
یئرین اوزو.
دوزلر یئنه چیچک آچدی،
گونش قوودو، سویوق قاچدی.
سویوق قارلا ایستی گونش،
یازدا قیشین داعواسیدیر.
گؤرن دئییر:
اوزه دیَن مئیخوش مئه ده،
گؤزل یازین هاواسیدیر.
#احمد_جاواد
#شعر_اوجاغی
@SheirOcagi
بیرینجی چرشنبه
آچیلدی هاوا،
قورتاردی داعوا.
گئتدی قیش،
گلدی یاز.
دوغدو گونش،
بیتدی آیاز.
چؤله چیخدی،
قویون-قوزو.
گولدو یئنه،
گؤیون اوزو.
گولدو یئنه،
یئرین اوزو.
دوزلر یئنه چیچک آچدی،
گونش قوودو، سویوق قاچدی.
سویوق قارلا ایستی گونش،
یازدا قیشین داعواسیدیر.
گؤرن دئییر:
اوزه دیَن مئیخوش مئه ده،
گؤزل یازین هاواسیدیر.
#احمد_جاواد
#شعر_اوجاغی
@SheirOcagi
|شعر اوجاغی|
▫️دؤرد چرشنبه بیرینجی چرشنبه آچیلدی هاوا، قورتاردی داعوا. گئتدی قیش، گلدی یاز. دوغدو گونش، بیتدی آیاز. چؤله چیخدی، قویون-قوزو. گولدو یئنه، گؤیون اوزو. گولدو یئنه، یئرین اوزو. دوزلر یئنه چیچک آچدی، گونش قوودو، سویوق قاچدی. سویوق قارلا ایستی گونش، یازدا قیشین…
▫️دؤرد چرشنبه
ایکینجی چرشنبه
بولاقلارین گؤزو آچیق،
اورمانلارین اوزو آچیق،
دورنالاردیر اوچوب گلن،
قاققیلداشا-قاققیلداشا.
چایلار آخیر دریالارا،
شاققیلداشا-شاققیلداشا.
دومان قالخیر گؤیه دوغرو،
مئشهلرین نظریندن.
بوزلار دوشور پارچا-پارچا،
شوشهلرین اوزَریندن.
پوچورلاییر یاواش-یاواش،
آغاجلارین بوداقلاری.
مئهدن اسیر حزین-حزین،
گول-چیچهیین یارپاقلاری.
درهده سئل قیژیلداییر،
شن آریلار ویزیلداییر.
هر یاندان خوش آواز گلیر،
سولار دئییر: یاز... یاز گلیر.
#احمد_جاواد
#شعر_اوجاغی
@SheirOcagi
ایکینجی چرشنبه
بولاقلارین گؤزو آچیق،
اورمانلارین اوزو آچیق،
دورنالاردیر اوچوب گلن،
قاققیلداشا-قاققیلداشا.
چایلار آخیر دریالارا،
شاققیلداشا-شاققیلداشا.
دومان قالخیر گؤیه دوغرو،
مئشهلرین نظریندن.
بوزلار دوشور پارچا-پارچا،
شوشهلرین اوزَریندن.
پوچورلاییر یاواش-یاواش،
آغاجلارین بوداقلاری.
مئهدن اسیر حزین-حزین،
گول-چیچهیین یارپاقلاری.
درهده سئل قیژیلداییر،
شن آریلار ویزیلداییر.
هر یاندان خوش آواز گلیر،
سولار دئییر: یاز... یاز گلیر.
#احمد_جاواد
#شعر_اوجاغی
@SheirOcagi
▫️یئل بابا
یئل بابا، داغیت چنی،
قوو دومانی چؤللردن!
آپار قاری، شاختانی،
بو سویوغو ائللردن!
بولودلاری پارچالا،
قوی گؤی اوزو گؤرونسون!
قیشی چیخارت داغ باشینا!
قوی قوزئیه سورونسون!
گونش دائیم گولسون بیزه،
جامالیندان نور تؤکولسون!
دان اولدوزو ایشیق ساچسین،
فجیر آیدین، قوی سؤکولسون!
گوندوز گونه بویانسین!
یئر آلتیندا قاریشقالار،
چؤلده قوشلار اویانسین!
قوی آچیلسین بولاقلارین
بوز باغلامیش گؤز قاپاغی.
شیریلداسین آخان سولار،
قوی اریسین بوز دا، قار دا!
اوتلار چیخسین قار آلتیندان،
هر ماحالدا، هر دیاردا.
یئر ترلهسین، بوغلار قالخسین،
توپا-توپا بولود کیمی!
سحر مئهی سیغال چکسین،
آرزو کیمی، اومود کیمی!
چؤل چاغیرسین، دوز سسلسین،
کؤرپهلری قوجاغینا!
قوجا ننهم کؤسؤو قویسون،
حیَطدهکی اوجاغینا!
آ یئل بابا! آ یئل بابا!
قوی چاغلاسین سو-سئل، بابا!
#احمد_جاواد
#شعر_اوجاغی
@SheirOcagi
یئل بابا، داغیت چنی،
قوو دومانی چؤللردن!
آپار قاری، شاختانی،
بو سویوغو ائللردن!
بولودلاری پارچالا،
قوی گؤی اوزو گؤرونسون!
قیشی چیخارت داغ باشینا!
قوی قوزئیه سورونسون!
گونش دائیم گولسون بیزه،
جامالیندان نور تؤکولسون!
دان اولدوزو ایشیق ساچسین،
فجیر آیدین، قوی سؤکولسون!
گوندوز گونه بویانسین!
یئر آلتیندا قاریشقالار،
چؤلده قوشلار اویانسین!
قوی آچیلسین بولاقلارین
بوز باغلامیش گؤز قاپاغی.
شیریلداسین آخان سولار،
قوی اریسین بوز دا، قار دا!
اوتلار چیخسین قار آلتیندان،
هر ماحالدا، هر دیاردا.
یئر ترلهسین، بوغلار قالخسین،
توپا-توپا بولود کیمی!
سحر مئهی سیغال چکسین،
آرزو کیمی، اومود کیمی!
چؤل چاغیرسین، دوز سسلسین،
کؤرپهلری قوجاغینا!
قوجا ننهم کؤسؤو قویسون،
حیَطدهکی اوجاغینا!
آ یئل بابا! آ یئل بابا!
قوی چاغلاسین سو-سئل، بابا!
#احمد_جاواد
#شعر_اوجاغی
@SheirOcagi
▫️دؤردآتلی یئنیجه گون
نووروز بایرامی
مینیب دؤرد آتینی، چاپیر دؤردنالا،
دوزلردن، چؤللردن گلیر یئنیجه گون.
«یئل»قانادلی، «اود»اورکلی، «سو»اوزلو،
یوللارین باغرینی دلیر، یئنیجه گون.
اؤلدورور سازاغی، قووور سویوغو،
یاشیل خالی ائدیر باغی، قوروغو.
بوی وئریب قالدیریر نازیک چوبوغو،
داغلاردان، سئللردن گلیر یئنیجه گون.
«تورپاق»ا چاتینجا توختاییر بیر آز،
آرخادا قارلی قیش، اؤنده گوللو یاز.
گؤیَرمیش بنؤوشه، لچهیی اطلس،
قیرووو، قارینی سیلیر یئنیجه گون.
بو تورپاق جؤوهردیر باشدان، بینادان،
نه آتادان اولوب، نه ده آنادان.
آسیلی قالیبدیر اولو سمادان،
عطیرلی گوللردن گلیر، یئنیجه گون.
قاردان، بوزدان چیخان نرگیزلره باخ!
رنگیندن قان دامان او قیزلارا باخ!
یئنه حسرت چکن اولدوزلارا باخ!
اوشاق گؤزلرینده گولور یئنیجه گون.
ایستهیی، آمالی اوخ اوجوندادیر،
گوجو یئل گوجونده، سئل گوجوندهدیر.
یئرین خبر آلسان، قیز بورجوندهدیر،
اؤزونو گونه تن بیلیر یئنیجه گون.
#احمد_جاواد
#شعر_اوجاغی
@SheirOcagi
نووروز بایرامی
مینیب دؤرد آتینی، چاپیر دؤردنالا،
دوزلردن، چؤللردن گلیر یئنیجه گون.
«یئل»قانادلی، «اود»اورکلی، «سو»اوزلو،
یوللارین باغرینی دلیر، یئنیجه گون.
اؤلدورور سازاغی، قووور سویوغو،
یاشیل خالی ائدیر باغی، قوروغو.
بوی وئریب قالدیریر نازیک چوبوغو،
داغلاردان، سئللردن گلیر یئنیجه گون.
«تورپاق»ا چاتینجا توختاییر بیر آز،
آرخادا قارلی قیش، اؤنده گوللو یاز.
گؤیَرمیش بنؤوشه، لچهیی اطلس،
قیرووو، قارینی سیلیر یئنیجه گون.
بو تورپاق جؤوهردیر باشدان، بینادان،
نه آتادان اولوب، نه ده آنادان.
آسیلی قالیبدیر اولو سمادان،
عطیرلی گوللردن گلیر، یئنیجه گون.
قاردان، بوزدان چیخان نرگیزلره باخ!
رنگیندن قان دامان او قیزلارا باخ!
یئنه حسرت چکن اولدوزلارا باخ!
اوشاق گؤزلرینده گولور یئنیجه گون.
ایستهیی، آمالی اوخ اوجوندادیر،
گوجو یئل گوجونده، سئل گوجوندهدیر.
یئرین خبر آلسان، قیز بورجوندهدیر،
اؤزونو گونه تن بیلیر یئنیجه گون.
#احمد_جاواد
#شعر_اوجاغی
@SheirOcagi
▫️تورپاغا باخ، تورپاغا!
سانکی قالخیر آیاغا.
بوخارلانیر نفَسی،
اویانیبدیر هوَسی.
قیزیل اؤکوز ترپنیر،
تورپاق سانکی دیللنیر:
چمنیم هاردا قالدی؟
سمنیم هاردا قالدی؟
گئتدی قارلی یورغانیم،
گئتدی چنیم، دومانیم.
گلسین خالی-خالچالار،
یوللار بویو یونجالار!
قوی باغ اولسون، اکین اولسون،
منیم آنا اوجاغیم!
سپین اولسون، بیچین اولسون،
گولسون هر بیر بوجاغیم!
#احمد_جاواد
#شعر_اوجاغی
@SheirOcagi
سانکی قالخیر آیاغا.
بوخارلانیر نفَسی،
اویانیبدیر هوَسی.
قیزیل اؤکوز ترپنیر،
تورپاق سانکی دیللنیر:
چمنیم هاردا قالدی؟
سمنیم هاردا قالدی؟
گئتدی قارلی یورغانیم،
گئتدی چنیم، دومانیم.
گلسین خالی-خالچالار،
یوللار بویو یونجالار!
قوی باغ اولسون، اکین اولسون،
منیم آنا اوجاغیم!
سپین اولسون، بیچین اولسون،
گولسون هر بیر بوجاغیم!
#احمد_جاواد
#شعر_اوجاغی
@SheirOcagi
▫️یازا خیطاب
نووروز چیخیب تاختینا،
گوللر دوشوب باختینا.
کوسا گلیر قاباغا،
نظر سالیر طاباغا.
چؤرهیی یوخدور کوسانین،
خؤرهیی یوخدور کوسانین.
آ کوسا، کوسا گلسَنه،
توربانی دولدورسانا!
کوسا دؤیور گؤزونو،
ایتیریبدیر اؤزونو.
اوجاق اوسته ساج قالیب،
بوتون قیشی آج قالیب.
تورباسینی اوزادیر،
هامی بیلیر، قایدادیر،
کوسایا پای وئریرلر،
کوسایا های وئریرلر.
بوز کئچی- ساققال آغا،
کوسانی چکیر ساغا.
دئییر دولدور توربانی،
سؤندور داها سوبانی.
سونرا دا گل گولهشک،
دیلیمیزله یئر ائشک!
کوسا باخیر کئچییه،
اورهیینه خوف دوشور،
تئز آرادان سوروشور،
کئچییه ال ائدهرک.
قاری ننه گلهرک،
دئییر قیشی اؤتوردوک،
گئدیب یازی گتیردیک.
یازا چیخدی اوغلاغیم،
قیش گؤزونه بارماغیم!
قارینین گلیر سؤزو،
کئچینین چوخ خوشونا.
دؤوره دوروب... نووروزون
دولانیرلار باشینا.
#احمد_جاواد
#شعر_اوجاغی
@SheirOcagi
نووروز چیخیب تاختینا،
گوللر دوشوب باختینا.
کوسا گلیر قاباغا،
نظر سالیر طاباغا.
چؤرهیی یوخدور کوسانین،
خؤرهیی یوخدور کوسانین.
آ کوسا، کوسا گلسَنه،
توربانی دولدورسانا!
کوسا دؤیور گؤزونو،
ایتیریبدیر اؤزونو.
اوجاق اوسته ساج قالیب،
بوتون قیشی آج قالیب.
تورباسینی اوزادیر،
هامی بیلیر، قایدادیر،
کوسایا پای وئریرلر،
کوسایا های وئریرلر.
بوز کئچی- ساققال آغا،
کوسانی چکیر ساغا.
دئییر دولدور توربانی،
سؤندور داها سوبانی.
سونرا دا گل گولهشک،
دیلیمیزله یئر ائشک!
کوسا باخیر کئچییه،
اورهیینه خوف دوشور،
تئز آرادان سوروشور،
کئچییه ال ائدهرک.
قاری ننه گلهرک،
دئییر قیشی اؤتوردوک،
گئدیب یازی گتیردیک.
یازا چیخدی اوغلاغیم،
قیش گؤزونه بارماغیم!
قارینین گلیر سؤزو،
کئچینین چوخ خوشونا.
دؤوره دوروب... نووروزون
دولانیرلار باشینا.
#احمد_جاواد
#شعر_اوجاغی
@SheirOcagi
▫️گلدی باهار.
آیدین اولسون گؤزلرینیر،
گلدی باهار گوله-گوله.
گئدر، قیشدان قالماز بیر ایز،
گلدی باهار گوله-گوله.
اولدو باهار گوله-گوله.
چیخسین کفَندن طبیعت!
یاز یاغیشی بؤیوک نعمت.
قوی اولسون یئر اوزو جنّت!
گلدی باهار گوله-گوله،
اولدو باهار گوله-گوله.
«یامان گونون عؤمرو آزدیر»،
مؤوسوملرین گولو یازدیر.
اولدو باهار گوله-گوله،
گلدی باهار گوله-گوله.
بؤیوک درددیر وطن دردی،
بو قیش سیزه آغیر گلدی،
گلین، قوشلار! یازدیر ایندی.
اولدو باهار گوله-گوله،
گلدی باهار گوله-گوله.
توپلاییب بیر دسته چیچک،
دی گلین مکتبه گئدک،
تنبللیگه لعنت ائدک!
اولدو باهار گوله-گوله،
گلدی باهار گوله-گوله.
#احمد_جاواد
#شعر_اوجاغی
@SheirOcagi
آیدین اولسون گؤزلرینیر،
گلدی باهار گوله-گوله.
گئدر، قیشدان قالماز بیر ایز،
گلدی باهار گوله-گوله.
اولدو باهار گوله-گوله.
چیخسین کفَندن طبیعت!
یاز یاغیشی بؤیوک نعمت.
قوی اولسون یئر اوزو جنّت!
گلدی باهار گوله-گوله،
اولدو باهار گوله-گوله.
«یامان گونون عؤمرو آزدیر»،
مؤوسوملرین گولو یازدیر.
اولدو باهار گوله-گوله،
گلدی باهار گوله-گوله.
بؤیوک درددیر وطن دردی،
بو قیش سیزه آغیر گلدی،
گلین، قوشلار! یازدیر ایندی.
اولدو باهار گوله-گوله،
گلدی باهار گوله-گوله.
توپلاییب بیر دسته چیچک،
دی گلین مکتبه گئدک،
تنبللیگه لعنت ائدک!
اولدو باهار گوله-گوله،
گلدی باهار گوله-گوله.
#احمد_جاواد
#شعر_اوجاغی
@SheirOcagi
▫️قارینین بورجو
یاز گلمیشدی، قیش گئتمیشدی،
گون چیخمیشدی، اوت بیتمیشدی.
قاری ننه سئوینمیشدی،
اوغلاقلاری یازا چیخمیش.
یاز هلهلیک تزه گلمیش،
قیش هلهلیک تزه چیخمیش.
قاری ننه قارلی قیشین،
قار کورکونو توللامیشدی.
آرخاسینجا دؤنمز دئیه،
بیر سؤیوش ده یوللامیشدی:
«یازا چیخدی اوغلاقلاریم،
قیش گؤزونه بارماقلاریم!»
دئمهگینن او قارت قیشین،
بیر حیلهسی وارمیش هله؛
بیر فسادی، بیر توفانی،
بیر فیتنهسی وارمیش هله:
قلبی تمیز گؤزل یازدان،
تک اوچجه گون او بورج آلمیش؛
بو اوچ گونده چووغون سالمیش،
گؤرونمهمیش توفان سالمیش،
شاختا سالمیش، بوران سالمیش؛
او سئویملی اوغلاقلاری،
چؤلده توتوب اؤلدورموشدو.
او، قارییا عیبرت اوچون،
اؤز ضربینی بیلدیرمیشدی.
چوخ یاخشی کی کئچی هله،
چیخماییبمیش او گون چؤله؛
قاری ننه آغلادیقجا،
دئییرمیش کی «هئچ چکمه غم!
قیش اوچ اوغلاق آپاردیسا،
من بئش اوغلاق وئرهجهیم.»
یاز یولوندا جانین وئرمیش-
اوچ چپیشین بئش باجیسی،
اوینایاراق چیخدی چؤله.
قاری ننه گوله-گوله،
دئدی: «گئت، گئت، ائی قارلی قیش!
آتدیم سنین دالینجا داش.
اوچ اوغلاغیم بیل، بئش اولار،
بیر آز کئچر، اون بئش اولار.
سن نه ائتدین سؤیله، منه؟!
آنجاق پیسلیک قالدی سنه.
یازا چیخار اوغلاقلاریم،
قیش گؤزونه بارماقلاریم!»
#احمد_جاواد
#شعر_اوجاغی
@SheirOcagi
یاز گلمیشدی، قیش گئتمیشدی،
گون چیخمیشدی، اوت بیتمیشدی.
قاری ننه سئوینمیشدی،
اوغلاقلاری یازا چیخمیش.
یاز هلهلیک تزه گلمیش،
قیش هلهلیک تزه چیخمیش.
قاری ننه قارلی قیشین،
قار کورکونو توللامیشدی.
آرخاسینجا دؤنمز دئیه،
بیر سؤیوش ده یوللامیشدی:
«یازا چیخدی اوغلاقلاریم،
قیش گؤزونه بارماقلاریم!»
دئمهگینن او قارت قیشین،
بیر حیلهسی وارمیش هله؛
بیر فسادی، بیر توفانی،
بیر فیتنهسی وارمیش هله:
قلبی تمیز گؤزل یازدان،
تک اوچجه گون او بورج آلمیش؛
بو اوچ گونده چووغون سالمیش،
گؤرونمهمیش توفان سالمیش،
شاختا سالمیش، بوران سالمیش؛
او سئویملی اوغلاقلاری،
چؤلده توتوب اؤلدورموشدو.
او، قارییا عیبرت اوچون،
اؤز ضربینی بیلدیرمیشدی.
چوخ یاخشی کی کئچی هله،
چیخماییبمیش او گون چؤله؛
قاری ننه آغلادیقجا،
دئییرمیش کی «هئچ چکمه غم!
قیش اوچ اوغلاق آپاردیسا،
من بئش اوغلاق وئرهجهیم.»
یاز یولوندا جانین وئرمیش-
اوچ چپیشین بئش باجیسی،
اوینایاراق چیخدی چؤله.
قاری ننه گوله-گوله،
دئدی: «گئت، گئت، ائی قارلی قیش!
آتدیم سنین دالینجا داش.
اوچ اوغلاغیم بیل، بئش اولار،
بیر آز کئچر، اون بئش اولار.
سن نه ائتدین سؤیله، منه؟!
آنجاق پیسلیک قالدی سنه.
یازا چیخار اوغلاقلاریم،
قیش گؤزونه بارماقلاریم!»
#احمد_جاواد
#شعر_اوجاغی
@SheirOcagi
▫️ماییس
من هر ایلده بیر ماییسا،
پک چوخ اومیدلر باغلارام.
هر گلهجک ماییس اوچون،
نئیسان آغلار، من آغلارام.
دوشدوم چورلوق بیابانا،
سیغینامام بیر اینسانا.
گؤزل ماییس، اومید سانا!
هر یان آغلار، من آغلارام.
باخ دومانا داغ باشیندا،
درده دوشموش گول یاشیندا.
جوشموش گؤزلر، یاز باشیندا
دومان آغلار، من آغلارام.
سنسیز بیر گول، یا بیر شئعیر،
هاردان منی ممنون ائدیر!
سورسا بیر کس «دردین نهدیر؟»
سوران آغلار، من آغلارام.
آچمازمی گول ساغدا، سولدا؟
گؤرونمزمی بیاض آل'دا؟
سنسیز بؤیله، یاری یولدا،
قالان آغلار، من آغلارام.
اولمادان آخشام آذانی،
یولا چیخارت یول آزانی!
کسمیش یولو درد توفانی،
کاروان آغلار، من آغلارام.
سجّادهیه آلین سورتَن،
بیرلیکده بیر جنّت گؤرن:
حاق یولوندا «خلیل» وئرن،
قوربان آغلار، من آغلارام.
بوش چیخارسا بونجا امک،
بابالارجا بو نه دئمک؟
قدَرمیدیر، یوخسا فلک؟
دونیا آغلار، من آغلارام.
خوش هر ماییس باتماز یاسا،
هر زامانمی منه تازا؟!
او گون ده بیر گون اولماسا،
ویجدان آغلار، من آغلارام.
#احمد_جاواد
#شعر_اوجاغی
@SheirOcagi
من هر ایلده بیر ماییسا،
پک چوخ اومیدلر باغلارام.
هر گلهجک ماییس اوچون،
نئیسان آغلار، من آغلارام.
دوشدوم چورلوق بیابانا،
سیغینامام بیر اینسانا.
گؤزل ماییس، اومید سانا!
هر یان آغلار، من آغلارام.
باخ دومانا داغ باشیندا،
درده دوشموش گول یاشیندا.
جوشموش گؤزلر، یاز باشیندا
دومان آغلار، من آغلارام.
سنسیز بیر گول، یا بیر شئعیر،
هاردان منی ممنون ائدیر!
سورسا بیر کس «دردین نهدیر؟»
سوران آغلار، من آغلارام.
آچمازمی گول ساغدا، سولدا؟
گؤرونمزمی بیاض آل'دا؟
سنسیز بؤیله، یاری یولدا،
قالان آغلار، من آغلارام.
اولمادان آخشام آذانی،
یولا چیخارت یول آزانی!
کسمیش یولو درد توفانی،
کاروان آغلار، من آغلارام.
سجّادهیه آلین سورتَن،
بیرلیکده بیر جنّت گؤرن:
حاق یولوندا «خلیل» وئرن،
قوربان آغلار، من آغلارام.
بوش چیخارسا بونجا امک،
بابالارجا بو نه دئمک؟
قدَرمیدیر، یوخسا فلک؟
دونیا آغلار، من آغلارام.
خوش هر ماییس باتماز یاسا،
هر زامانمی منه تازا؟!
او گون ده بیر گون اولماسا،
ویجدان آغلار، من آغلارام.
#احمد_جاواد
#شعر_اوجاغی
@SheirOcagi
▫️مارش
میلّتیمین تاریخینه،
شن-شؤهرت اکمهلییم!
بو قارشیدا یاد قالایا،
بیر آل بایراق دیکمهلییم!
دوشمنلره گؤستردیم کی،
منیم کیمی عسگری یوخ!
منیم قیلینج وورمادیغیم،
دونیانین هئچ بیر یئری یوخ!
ایسمارلادیم نیشانلیما:
من «توران»ا گئدییوروم.
قارداشیمی قورتارماغا،
«تورکوستان»ا گئدییوروم.
بایراغیما خائین باخان،
خائین گؤزه من تیکانام.
وورولورسام کؤلگهسینده،
حالال اولسون اونا قانیم!
شهید اولسام، دوست ائلینده
منه مزار قازیلسین دا!
قازاندیغیم یئرین آدی،
خاقان'یما یازیلسین دا!
#احمد_جاواد
#شعر_اوجاغی
@SheirOcagi
میلّتیمین تاریخینه،
شن-شؤهرت اکمهلییم!
بو قارشیدا یاد قالایا،
بیر آل بایراق دیکمهلییم!
دوشمنلره گؤستردیم کی،
منیم کیمی عسگری یوخ!
منیم قیلینج وورمادیغیم،
دونیانین هئچ بیر یئری یوخ!
ایسمارلادیم نیشانلیما:
من «توران»ا گئدییوروم.
قارداشیمی قورتارماغا،
«تورکوستان»ا گئدییوروم.
بایراغیما خائین باخان،
خائین گؤزه من تیکانام.
وورولورسام کؤلگهسینده،
حالال اولسون اونا قانیم!
شهید اولسام، دوست ائلینده
منه مزار قازیلسین دا!
قازاندیغیم یئرین آدی،
خاقان'یما یازیلسین دا!
#احمد_جاواد
#شعر_اوجاغی
@SheirOcagi
اوشاق شعری
▫️قوق-قولو-قو
«قوق-قولو-قو!» خوروز اؤتر،
بیزه دئیر «یوخو یئتر!
تنبللری سئومم اصلا،
هایدی گئدین ایش باشینا!
قالخین آرتیق، یئتر یوخو!
ایشچی قیر'ا¹ یوللانمالی،
چاپا²، ساپان³ قوللانمالی!
اکمک لازیم بوغدا، آرپا،
دونیا گؤزلر سندن غیدا.
قوق-قولو-قو، قوق-قولو-قو،
صاباح اولدو، یئتر یوخو»
ظریف اوشاق، خوروز دینله!
نه خوش اؤتر، نه شن اؤتر!
«باشلا -دئییر- درسلرینه
تنبل اولما، یوخو یئتر!»
قوق-قولو-قو، قوق-قولو-قو،
گون یوخوسو فنا یوخو.
#احمد_جاواد
¹- دوزن، چؤل
²- تیرَشته، آلاقکئش
³- کوتان، خؽش
#شعر_اوجاغی
@SheirOcagi
▫️قوق-قولو-قو
«قوق-قولو-قو!» خوروز اؤتر،
بیزه دئیر «یوخو یئتر!
تنبللری سئومم اصلا،
هایدی گئدین ایش باشینا!
قالخین آرتیق، یئتر یوخو!
ایشچی قیر'ا¹ یوللانمالی،
چاپا²، ساپان³ قوللانمالی!
اکمک لازیم بوغدا، آرپا،
دونیا گؤزلر سندن غیدا.
قوق-قولو-قو، قوق-قولو-قو،
صاباح اولدو، یئتر یوخو»
ظریف اوشاق، خوروز دینله!
نه خوش اؤتر، نه شن اؤتر!
«باشلا -دئییر- درسلرینه
تنبل اولما، یوخو یئتر!»
قوق-قولو-قو، قوق-قولو-قو،
گون یوخوسو فنا یوخو.
#احمد_جاواد
¹- دوزن، چؤل
²- تیرَشته، آلاقکئش
³- کوتان، خؽش
#شعر_اوجاغی
@SheirOcagi
▫️داغلار
دردلی سینهندهکی اسکی جیغیرلار،
اینسان ایزلرینه بنزر، آ داغلار!
بو آغیرباشلیجا باخیشین منه،
قانلی افسانهلر سؤیلر، آ داغلار!
اوخونماز اولموشدور داشلاردا یازی،
لال اولوب قالمیشدیر عاشیغین سازی.
گئدردی دردیمین بلکه بیر آزی،
سؤیلَتسهیدی سنی بیر ار، آ داغلار!
سینهنده حئسابسیز داستان دوزولموش،
چوخ آهلار چکیلمیش، گؤزلر سوزولموش،
یوللاردا بیر عاشیق یامان اوزولموش،
دردینه بیر درمان ایستر، آ داغلار!
بیر عاشیق دئییر کی: بیلمم نهدنسه،
آشارکن کاروانلار بیر داغی کسه،
اوخویوردو قیزلار وئریب سس-سسه:
اوزاق می سورهجک سفر، آ داغلار؟!
هر کئچن میلّتدن قالمیش بیر اولوس،
سونرا ووروشمالار، غوغالار سونسوز،
سن ایسترسن سؤیله، ایستر ایسن سوس!
بیلیرسن اونلاری ازبر، آ داغلار!
کئچرکن ایگیدلر کۆردن، آراسدان،
چیخاردی سینهنده قیلینجلار پاسدان.
ایندی من آنلامام توتدوغوم یاسدان،
یوخمودور اونلاردان اثر، آ داغلار!
گؤردون چارپیشارکن سۏیلار، اویماقلار،
اویناردی گؤیلرده قانلی میزراقلار.
صاحیبی غوغادا اؤلموش قیسراقلار،
گؤردونمو نه یانیق کیشنر، آ داغلار؟!
قولاق وئرن بیلیر اسکی داستانا،
ایگیدلر سالدیریب هره بیر یانا.
بویاندیقجا هر ایل قارلارین قانا،
نه جانلار گئتمیشدیر هدر، آ داغلار!
کئچرکن او جوشقون ائلخان اوردوسو،
دۇیدۇمۇ اورهیین اؤلوم قورخوسو؟
اَییلمهمیش باشین، سؤزون دوغروسو،
اَییلن یاشاماز، اؤلر، آ داغلار!
آلتون معدنیدیر بو یوخسول اؤلکه،
نهیین سالدیرمیشدیر عربی تورکه؟
یئرلی ایگیدلرین سسیدیر بلکه-
قالمیشدیر قوینوندا، گورلار، آ داغلار؟!
پوزولموش قالالار، تؤکولموش قانلار،
یالچین قایالاردان دوشموش اینسانلار،
مزار داشلاریندا اسکی داستانلار،
سن وارکن، شاهیدی نهائیلر، آ داغلار!
او زاماندان سنین دردلیدیر باشین،
آغلار گؤرونوردو تورپاغین، داشین.
او دردلی گونلرده یوخدو یولداشین،
یالقیزلیق ان بؤیوک کدر، آ داغلار!
نهدیر او قاینایان غم باخیشیندا،
کؤیلو قیزلارینین چاتیق قاشیندا؟
بو دارغینلیق نهدیر بو گنج یاشیندا،
آچ، دردلی قلبینی گؤستر، آ داغلار!
#احمد_جاواد
#شعر_اوجاغی
@SheirOcagi
دردلی سینهندهکی اسکی جیغیرلار،
اینسان ایزلرینه بنزر، آ داغلار!
بو آغیرباشلیجا باخیشین منه،
قانلی افسانهلر سؤیلر، آ داغلار!
اوخونماز اولموشدور داشلاردا یازی،
لال اولوب قالمیشدیر عاشیغین سازی.
گئدردی دردیمین بلکه بیر آزی،
سؤیلَتسهیدی سنی بیر ار، آ داغلار!
سینهنده حئسابسیز داستان دوزولموش،
چوخ آهلار چکیلمیش، گؤزلر سوزولموش،
یوللاردا بیر عاشیق یامان اوزولموش،
دردینه بیر درمان ایستر، آ داغلار!
بیر عاشیق دئییر کی: بیلمم نهدنسه،
آشارکن کاروانلار بیر داغی کسه،
اوخویوردو قیزلار وئریب سس-سسه:
اوزاق می سورهجک سفر، آ داغلار؟!
هر کئچن میلّتدن قالمیش بیر اولوس،
سونرا ووروشمالار، غوغالار سونسوز،
سن ایسترسن سؤیله، ایستر ایسن سوس!
بیلیرسن اونلاری ازبر، آ داغلار!
کئچرکن ایگیدلر کۆردن، آراسدان،
چیخاردی سینهنده قیلینجلار پاسدان.
ایندی من آنلامام توتدوغوم یاسدان،
یوخمودور اونلاردان اثر، آ داغلار!
گؤردون چارپیشارکن سۏیلار، اویماقلار،
اویناردی گؤیلرده قانلی میزراقلار.
صاحیبی غوغادا اؤلموش قیسراقلار،
گؤردونمو نه یانیق کیشنر، آ داغلار؟!
قولاق وئرن بیلیر اسکی داستانا،
ایگیدلر سالدیریب هره بیر یانا.
بویاندیقجا هر ایل قارلارین قانا،
نه جانلار گئتمیشدیر هدر، آ داغلار!
کئچرکن او جوشقون ائلخان اوردوسو،
دۇیدۇمۇ اورهیین اؤلوم قورخوسو؟
اَییلمهمیش باشین، سؤزون دوغروسو،
اَییلن یاشاماز، اؤلر، آ داغلار!
آلتون معدنیدیر بو یوخسول اؤلکه،
نهیین سالدیرمیشدیر عربی تورکه؟
یئرلی ایگیدلرین سسیدیر بلکه-
قالمیشدیر قوینوندا، گورلار، آ داغلار؟!
پوزولموش قالالار، تؤکولموش قانلار،
یالچین قایالاردان دوشموش اینسانلار،
مزار داشلاریندا اسکی داستانلار،
سن وارکن، شاهیدی نهائیلر، آ داغلار!
او زاماندان سنین دردلیدیر باشین،
آغلار گؤرونوردو تورپاغین، داشین.
او دردلی گونلرده یوخدو یولداشین،
یالقیزلیق ان بؤیوک کدر، آ داغلار!
نهدیر او قاینایان غم باخیشیندا،
کؤیلو قیزلارینین چاتیق قاشیندا؟
بو دارغینلیق نهدیر بو گنج یاشیندا،
آچ، دردلی قلبینی گؤستر، آ داغلار!
#احمد_جاواد
#شعر_اوجاغی
@SheirOcagi