▫️بیر درددن یورولموشام،
کی منیم دردیم دئییل...

#احمد_شاملو
#شعر_اوجاغی
@SheirOcagi

▫️کیم دئییبدی،
من، یئر اوزونده قالان سونونجو بیلگینم؟
من، گئجه‌نین ایستواسیندا دوران،
دونیانین بوتون سولارینین دورولوغوندا بوغولان،
شیطانلیغینین گؤرونوشو، بیر اولدوزون قایناغی‌ اولان،
او گؤزل غولام...

یئر کوره‌‌سینین سونوندا بیر کولبه‌م وار؛
اوردا
تورپاغین آیاغینین یئرده اولماسی،
ایلغیمین دانسی کیمی
سوسوزلوق یالانینا
دایانیر.

اینسان و تانری قووشاغیندا،
هه،
تورپاق و بوشلوق قووشاغیندا، دایانیق‌سیز بیر کولبه‌م وار؛
و قارانلیق اوچوروما کئچن بیر کولک
سویوق و سؤنوک ائیوانیما
سوپورگه چکیر.

یوکسک روتبه‌لی کؤله‌لری گؤرموشم من،
اوجا سارایلاردا،
بویونلاریندا قیزیلدان خالتالاری وار ایمیش.
و قوچاق بیر خالق گؤرموشم
جیریق گئیسی‌لرده
ماهنی اوخویاراق،
پیادا، اؤلوم دوزاغینا گئدیردیلر.

منیم ائویم دونیانین سونوندا دیر
تورپاق و
بوشلوق قووشاغیندا.

بیزه دئمیشدیلر:
«او قوتسال کلمه‌نی
اؤیره‌ده‌جه‌ییک سیزه؛
آنجاق اونون اوچون
جان سیخان بیر ایشگنجه‌یه
دؤزمه‌نیز گرکیر.»

دؤزولمز جزایا او قدر دؤزدوک،
هه،
قوتسال سؤزوموز،
هرحالدا،
حافیظه‌دن سیلیندی...

#احمد_شاملو
#شعر_اوجاغی
@SheirOcagi