▫️یئل بابا
یئل بابا، داغیت چنی،
قوو دومانی چؤللردن!
آپار قاری، شاختانی،
بو سویوغو ائل‌لردن!
بولودلاری پارچالا،
قوی گؤی اوزو گؤرونسون!
قیشی چیخارت داغ باشینا!
قوی قوزئیه سورونسون!
گونش دائیم گولسون بیزه،
جامالیندان نور تؤکولسون!
دان اولدوزو ایشیق ساچسین،
فجیر آیدین، قوی سؤکولسون!
گوندوز گونه بویانسین!
یئر آلتیندا قاریشقالار،
چؤلده قوشلار اویانسین!
قوی آچیلسین بولاقلارین
بوز باغلامیش گؤز قاپاغی.
شیریلداسین آخان سولار،
قوی اریسین بوز دا، قار دا!
اوتلار چیخسین قار آلتیندان،
هر ماحالدا، هر دیاردا.
یئر ترله‌سین، بوغلار قالخسین،
توپا-توپا بولود کیمی!
سحر مئهی سیغال چکسین،
آرزو کیمی، اومود کیمی!
چؤل چاغیرسین، دوز سس‌لسین،
کؤرپه‌لری قوجاغینا!
قوجا ننه‌م کؤسؤو قویسون،
حیَطده‌کی اوجاغینا!
آ یئل بابا! آ یئل بابا!
قوی چاغلاسین سو-سئل، بابا!
#احمد_جاواد
#شعر_اوجاغی
@SheirOcagi
یئل بابا، داغیت چنی،
قوو دومانی چؤللردن!
آپار قاری، شاختانی،
بو سویوغو ائل‌لردن!
بولودلاری پارچالا،
قوی گؤی اوزو گؤرونسون!
قیشی چیخارت داغ باشینا!
قوی قوزئیه سورونسون!
گونش دائیم گولسون بیزه،
جامالیندان نور تؤکولسون!
دان اولدوزو ایشیق ساچسین،
فجیر آیدین، قوی سؤکولسون!
گوندوز گونه بویانسین!
یئر آلتیندا قاریشقالار،
چؤلده قوشلار اویانسین!
قوی آچیلسین بولاقلارین
بوز باغلامیش گؤز قاپاغی.
شیریلداسین آخان سولار،
قوی اریسین بوز دا، قار دا!
اوتلار چیخسین قار آلتیندان،
هر ماحالدا، هر دیاردا.
یئر ترله‌سین، بوغلار قالخسین،
توپا-توپا بولود کیمی!
سحر مئهی سیغال چکسین،
آرزو کیمی، اومود کیمی!
چؤل چاغیرسین، دوز سس‌لسین،
کؤرپه‌لری قوجاغینا!
قوجا ننه‌م کؤسؤو قویسون،
حیَطده‌کی اوجاغینا!
آ یئل بابا! آ یئل بابا!
قوی چاغلاسین سو-سئل، بابا!
#احمد_جاواد
#شعر_اوجاغی
@SheirOcagi
▫️دؤردآتلی یئنیجه گون
نووروز بایرامی
مینیب دؤرد آتینی، چاپیر دؤردنالا،
دوزلردن، چؤللردن گلیر یئنیجه گون.
«یئل»قانادلی، «اود»اورک‌لی، «سو»اوزلو،
یوللارین باغرینی دلیر، یئنیجه گون.
اؤلدورور سازاغی، قووور سویوغو،
یاشیل خالی ائدیر باغی، قوروغو.
بوی وئریب قالدیریر نازیک چوبوغو،
داغلاردان، سئل‌لردن گلیر یئنیجه گون.
«تورپاق»ا چاتینجا توختاییر بیر آز،
آرخادا قارلی قیش، اؤنده گوللو یاز.
گؤیَرمیش بنؤوشه، لچه‌یی اطلس،
قیرووو، قارینی سیلیر یئنیجه گون.
بو تورپاق جؤوهردیر باشدان، بینادان،
نه آتادان اولوب، نه ده آنادان.
آسیلی قالیبدیر اولو سمادان،
عطیرلی گوللردن گلیر، یئنیجه گون.
قاردان، بوزدان چیخان نرگیزلره باخ!
رنگیندن قان دامان او قیزلارا باخ!
یئنه حسرت چکن اولدوزلارا باخ!
اوشاق گؤزلرینده گولور یئنیجه گون.
ایسته‌یی، آمالی اوخ اوجوندادیر،
گوجو یئل گوجونده، سئل گوجونده‌دیر.
یئرین خبر آلسان، قیز بورجونده‌دیر،
اؤزونو گونه تن بیلیر یئنیجه گون.
#احمد_جاواد
#شعر_اوجاغی
@SheirOcagi
نووروز بایرامی
مینیب دؤرد آتینی، چاپیر دؤردنالا،
دوزلردن، چؤللردن گلیر یئنیجه گون.
«یئل»قانادلی، «اود»اورک‌لی، «سو»اوزلو،
یوللارین باغرینی دلیر، یئنیجه گون.
اؤلدورور سازاغی، قووور سویوغو،
یاشیل خالی ائدیر باغی، قوروغو.
بوی وئریب قالدیریر نازیک چوبوغو،
داغلاردان، سئل‌لردن گلیر یئنیجه گون.
«تورپاق»ا چاتینجا توختاییر بیر آز،
آرخادا قارلی قیش، اؤنده گوللو یاز.
گؤیَرمیش بنؤوشه، لچه‌یی اطلس،
قیرووو، قارینی سیلیر یئنیجه گون.
بو تورپاق جؤوهردیر باشدان، بینادان،
نه آتادان اولوب، نه ده آنادان.
آسیلی قالیبدیر اولو سمادان،
عطیرلی گوللردن گلیر، یئنیجه گون.
قاردان، بوزدان چیخان نرگیزلره باخ!
رنگیندن قان دامان او قیزلارا باخ!
یئنه حسرت چکن اولدوزلارا باخ!
اوشاق گؤزلرینده گولور یئنیجه گون.
ایسته‌یی، آمالی اوخ اوجوندادیر،
گوجو یئل گوجونده، سئل گوجونده‌دیر.
یئرین خبر آلسان، قیز بورجونده‌دیر،
اؤزونو گونه تن بیلیر یئنیجه گون.
#احمد_جاواد
#شعر_اوجاغی
@SheirOcagi
▫️تورپاغا باخ، تورپاغا!
سانکی قالخیر آیاغا.
بوخارلانیر نفَسی،
اویانیبدیر هوَسی.
قیزیل اؤکوز ترپنیر،
تورپاق سانکی دیل‌لنیر:
چمنیم هاردا قالدی؟
سمنیم هاردا قالدی؟
گئتدی قارلی یورغانیم،
گئتدی چنیم، دومانیم.
گلسین خالی-خالچالار،
یوللار بویو یونجالار!
قوی باغ اولسون، اکین اولسون،
منیم آنا اوجاغیم!
سپین اولسون، بیچین اولسون،
گولسون هر بیر بوجاغیم!
#احمد_جاواد
#شعر_اوجاغی
@SheirOcagi
سانکی قالخیر آیاغا.
بوخارلانیر نفَسی،
اویانیبدیر هوَسی.
قیزیل اؤکوز ترپنیر،
تورپاق سانکی دیل‌لنیر:
چمنیم هاردا قالدی؟
سمنیم هاردا قالدی؟
گئتدی قارلی یورغانیم،
گئتدی چنیم، دومانیم.
گلسین خالی-خالچالار،
یوللار بویو یونجالار!
قوی باغ اولسون، اکین اولسون،
منیم آنا اوجاغیم!
سپین اولسون، بیچین اولسون،
گولسون هر بیر بوجاغیم!
#احمد_جاواد
#شعر_اوجاغی
@SheirOcagi
▫️یازا خیطاب
نووروز چیخیب تاختینا،
گوللر دوشوب باختینا.
کوسا گلیر قاباغا،
نظر سالیر طاباغا.
چؤره‌یی یوخدور کوسانین،
خؤره‌یی یوخدور کوسانین.
آ کوسا، کوسا گلسَنه،
توربانی دولدورسانا!
کوسا دؤیور گؤزونو،
ایتیریبدیر اؤزونو.
اوجاق اوسته ساج قالیب،
بوتون قیشی آج قالیب.
تورباسینی اوزادیر،
هامی بیلیر، قایدادیر،
کوسایا پای وئریرلر،
کوسایا های وئریرلر.
بوز کئچی- ساققال آغا،
کوسانی چکیر ساغا.
دئییر دولدور توربانی،
سؤندور داها سوبانی.
سونرا دا گل گوله‌شک،
دیلیمیزله یئر ائشک!
کوسا باخیر کئچییه،
اوره‌یینه خوف دوشور،
تئز آرادان سوروشور،
کئچییه ال ائده‌رک.
قاری ننه گله‌رک،
دئییر قیشی اؤتوردوک،
گئدیب یازی گتیردیک.
یازا چیخدی اوغلاغیم،
قیش گؤزونه بارماغیم!
قارینین گلیر سؤزو،
کئچینین چوخ خوشونا.
دؤوره دوروب... نووروزون
دولانیرلار باشینا.
#احمد_جاواد
#شعر_اوجاغی
@SheirOcagi
نووروز چیخیب تاختینا،
گوللر دوشوب باختینا.
کوسا گلیر قاباغا،
نظر سالیر طاباغا.
چؤره‌یی یوخدور کوسانین،
خؤره‌یی یوخدور کوسانین.
آ کوسا، کوسا گلسَنه،
توربانی دولدورسانا!
کوسا دؤیور گؤزونو،
ایتیریبدیر اؤزونو.
اوجاق اوسته ساج قالیب،
بوتون قیشی آج قالیب.
تورباسینی اوزادیر،
هامی بیلیر، قایدادیر،
کوسایا پای وئریرلر،
کوسایا های وئریرلر.
بوز کئچی- ساققال آغا،
کوسانی چکیر ساغا.
دئییر دولدور توربانی،
سؤندور داها سوبانی.
سونرا دا گل گوله‌شک،
دیلیمیزله یئر ائشک!
کوسا باخیر کئچییه،
اوره‌یینه خوف دوشور،
تئز آرادان سوروشور،
کئچییه ال ائده‌رک.
قاری ننه گله‌رک،
دئییر قیشی اؤتوردوک،
گئدیب یازی گتیردیک.
یازا چیخدی اوغلاغیم،
قیش گؤزونه بارماغیم!
قارینین گلیر سؤزو،
کئچینین چوخ خوشونا.
دؤوره دوروب... نووروزون
دولانیرلار باشینا.
#احمد_جاواد
#شعر_اوجاغی
@SheirOcagi
▫️گلدی باهار.
آیدین اولسون گؤزلرینیر،
گلدی باهار گوله-گوله.
گئدر، قیشدان قالماز بیر ایز،
گلدی باهار گوله-گوله.
اولدو باهار گوله-گوله.
چیخسین کفَندن طبیعت!
یاز یاغیشی بؤیوک نعمت.
قوی اولسون یئر اوزو جنّت!
گلدی باهار گوله-گوله،
اولدو باهار گوله-گوله.
«یامان گونون عؤمرو آزدیر»،
مؤوسوم‌لرین گولو یازدیر.
اولدو باهار گوله-گوله،
گلدی باهار گوله-گوله.
بؤیوک درددیر وطن دردی،
بو قیش سیزه آغیر گلدی،
گلین، قوشلار! یازدیر ایندی.
اولدو باهار گوله-گوله،
گلدی باهار گوله-گوله.
توپلاییب بیر دسته چیچک،
دی گلین مکتبه گئدک،
تنبل‌لیگه لعنت ائدک!
اولدو باهار گوله-گوله،
گلدی باهار گوله-گوله.
#احمد_جاواد
#شعر_اوجاغی
@SheirOcagi
آیدین اولسون گؤزلرینیر،
گلدی باهار گوله-گوله.
گئدر، قیشدان قالماز بیر ایز،
گلدی باهار گوله-گوله.
اولدو باهار گوله-گوله.
چیخسین کفَندن طبیعت!
یاز یاغیشی بؤیوک نعمت.
قوی اولسون یئر اوزو جنّت!
گلدی باهار گوله-گوله،
اولدو باهار گوله-گوله.
«یامان گونون عؤمرو آزدیر»،
مؤوسوم‌لرین گولو یازدیر.
اولدو باهار گوله-گوله،
گلدی باهار گوله-گوله.
بؤیوک درددیر وطن دردی،
بو قیش سیزه آغیر گلدی،
گلین، قوشلار! یازدیر ایندی.
اولدو باهار گوله-گوله،
گلدی باهار گوله-گوله.
توپلاییب بیر دسته چیچک،
دی گلین مکتبه گئدک،
تنبل‌لیگه لعنت ائدک!
اولدو باهار گوله-گوله،
گلدی باهار گوله-گوله.
#احمد_جاواد
#شعر_اوجاغی
@SheirOcagi
▫️قارینین بورجو
یاز گلمیشدی، قیش گئتمیشدی،
گون چیخمیشدی، اوت بیتمیشدی.
قاری ننه سئوینمیشدی،
اوغلاق‌لاری یازا چیخمیش.
یاز هله‌لیک تزه گلمیش،
قیش هله‌لیک تزه چیخمیش.
قاری ننه قارلی قیشین،
قار کورکونو توللامیشدی.
آرخاسینجا دؤنمز دئیه،
بیر سؤیوش ده یوللامیشدی:
«یازا چیخدی اوغلاقلاریم،
قیش گؤزونه بارماقلاریم!»
دئمه‌گینن او قارت قیشین،
بیر حیله‌سی وارمیش هله؛
بیر فسادی، بیر توفانی،
بیر فیتنه‌سی وارمیش هله:
قلبی تمیز گؤزل یازدان،
تک اوچ‌جه گون او بورج آلمیش؛
بو اوچ گونده چووغون سالمیش،
گؤرونمه‌میش توفان سالمیش،
شاختا سالمیش، بوران سالمیش؛
او سئویملی اوغلاق‌لاری،
چؤلده توتوب اؤلدورموشدو.
او، قارییا عیبرت اوچون،
اؤز ضربینی بیلدیرمیشدی.
چوخ یاخشی کی کئچی هله،
چیخماییبمیش او گون چؤله؛
قاری ننه آغلادیقجا،
دئییرمیش کی «هئچ چکمه غم!
قیش اوچ اوغلاق آپاردی‌سا،
من بئش اوغلاق وئره‌جه‌یم.»
یاز یولوندا جانین وئرمیش-
اوچ چپیشین بئش باجیسی،
اوینایاراق چیخدی چؤله.
قاری ننه گوله-گوله،
دئدی: «گئت، گئت، ائی قارلی قیش!
آتدیم سنین دالینجا داش.
اوچ اوغلاغیم بیل، بئش اولار،
بیر آز کئچر، اون بئش اولار.
سن نه ائتدین سؤیله، منه؟!
آنجاق پیسلیک قالدی سنه.
یازا چیخار اوغلاقلاریم،
قیش گؤزونه بارماقلاریم!»
#احمد_جاواد
#شعر_اوجاغی
@SheirOcagi
یاز گلمیشدی، قیش گئتمیشدی،
گون چیخمیشدی، اوت بیتمیشدی.
قاری ننه سئوینمیشدی،
اوغلاق‌لاری یازا چیخمیش.
یاز هله‌لیک تزه گلمیش،
قیش هله‌لیک تزه چیخمیش.
قاری ننه قارلی قیشین،
قار کورکونو توللامیشدی.
آرخاسینجا دؤنمز دئیه،
بیر سؤیوش ده یوللامیشدی:
«یازا چیخدی اوغلاقلاریم،
قیش گؤزونه بارماقلاریم!»
دئمه‌گینن او قارت قیشین،
بیر حیله‌سی وارمیش هله؛
بیر فسادی، بیر توفانی،
بیر فیتنه‌سی وارمیش هله:
قلبی تمیز گؤزل یازدان،
تک اوچ‌جه گون او بورج آلمیش؛
بو اوچ گونده چووغون سالمیش،
گؤرونمه‌میش توفان سالمیش،
شاختا سالمیش، بوران سالمیش؛
او سئویملی اوغلاق‌لاری،
چؤلده توتوب اؤلدورموشدو.
او، قارییا عیبرت اوچون،
اؤز ضربینی بیلدیرمیشدی.
چوخ یاخشی کی کئچی هله،
چیخماییبمیش او گون چؤله؛
قاری ننه آغلادیقجا،
دئییرمیش کی «هئچ چکمه غم!
قیش اوچ اوغلاق آپاردی‌سا،
من بئش اوغلاق وئره‌جه‌یم.»
یاز یولوندا جانین وئرمیش-
اوچ چپیشین بئش باجیسی،
اوینایاراق چیخدی چؤله.
قاری ننه گوله-گوله،
دئدی: «گئت، گئت، ائی قارلی قیش!
آتدیم سنین دالینجا داش.
اوچ اوغلاغیم بیل، بئش اولار،
بیر آز کئچر، اون بئش اولار.
سن نه ائتدین سؤیله، منه؟!
آنجاق پیسلیک قالدی سنه.
یازا چیخار اوغلاقلاریم،
قیش گؤزونه بارماقلاریم!»
#احمد_جاواد
#شعر_اوجاغی
@SheirOcagi
▫️ماییس
من هر ایلده بیر ماییسا،
پک چوخ اومیدلر باغلارام.
هر گله‌جک ماییس اوچون،
نئیسان آغلار، من آغلارام.
دوشدوم چورلوق بیابانا،
سیغینامام بیر اینسانا.
گؤزل ماییس، اومید سانا!
هر یان آغلار، من آغلارام.
باخ دومانا داغ باشیندا،
درده دوشموش گول یاشیندا.
جوشموش گؤزلر، یاز باشیندا
دومان آغلار، من آغلارام.
سنسیز بیر گول، یا بیر شئعیر،
هاردان منی ممنون ائدیر!
سورسا بیر کس «دردین نه‌دیر؟»
سوران آغلار، من آغلارام.
آچمازمی گول ساغدا، سولدا؟
گؤرونمزمی بیاض آل'دا؟
سنسیز بؤیله، یاری یولدا،
قالان آغلار، من آغلارام.
اولمادان آخشام آذانی،
یولا چیخارت یول آزانی!
کسمیش یولو درد توفانی،
کاروان آغلار، من آغلارام.
سجّاده‌یه آلین سورتَن،
بیرلیکده بیر جنّت گؤرن:
حاق یولوندا «خلیل» وئرن،
قوربان آغلار، من آغلارام.
بوش چیخارسا بونجا امک،
بابالارجا بو نه دئمک؟
قدَرمی‌دیر، یوخسا فلک؟
دونیا آغلار، من آغلارام.
خوش هر ماییس باتماز یاسا،
هر زامان‌می منه تازا؟!
او گون ده بیر گون اولماسا،
ویجدان آغلار، من آغلارام.
#احمد_جاواد
#شعر_اوجاغی
@SheirOcagi
من هر ایلده بیر ماییسا،
پک چوخ اومیدلر باغلارام.
هر گله‌جک ماییس اوچون،
نئیسان آغلار، من آغلارام.
دوشدوم چورلوق بیابانا،
سیغینامام بیر اینسانا.
گؤزل ماییس، اومید سانا!
هر یان آغلار، من آغلارام.
باخ دومانا داغ باشیندا،
درده دوشموش گول یاشیندا.
جوشموش گؤزلر، یاز باشیندا
دومان آغلار، من آغلارام.
سنسیز بیر گول، یا بیر شئعیر،
هاردان منی ممنون ائدیر!
سورسا بیر کس «دردین نه‌دیر؟»
سوران آغلار، من آغلارام.
آچمازمی گول ساغدا، سولدا؟
گؤرونمزمی بیاض آل'دا؟
سنسیز بؤیله، یاری یولدا،
قالان آغلار، من آغلارام.
اولمادان آخشام آذانی،
یولا چیخارت یول آزانی!
کسمیش یولو درد توفانی،
کاروان آغلار، من آغلارام.
سجّاده‌یه آلین سورتَن،
بیرلیکده بیر جنّت گؤرن:
حاق یولوندا «خلیل» وئرن،
قوربان آغلار، من آغلارام.
بوش چیخارسا بونجا امک،
بابالارجا بو نه دئمک؟
قدَرمی‌دیر، یوخسا فلک؟
دونیا آغلار، من آغلارام.
خوش هر ماییس باتماز یاسا،
هر زامان‌می منه تازا؟!
او گون ده بیر گون اولماسا،
ویجدان آغلار، من آغلارام.
#احمد_جاواد
#شعر_اوجاغی
@SheirOcagi
▫️مارش
میلّتیمین تاریخینه،
شن-شؤهرت اکمه‌لی‌یم!
بو قارشیدا یاد قالایا،
بیر آل بایراق دیکمه‌لی‌یم!
دوشمن‌لره گؤستردیم کی،
منیم کیمی عسگری یوخ!
منیم قیلینج وورمادیغیم،
دونیانین هئچ بیر یئری یوخ!
ایسمارلادیم نیشانلیما:
من «توران»ا گئدییوروم.
قارداشیمی قورتارماغا،
«تورکوستان»ا گئدییوروم.
بایراغیما خائین باخان،
خائین گؤزه من تیکانام.
وورولورسام کؤلگه‌سینده،
حالال اولسون اونا قانیم!
شهید اولسام، دوست ائلینده
منه مزار قازیلسین دا!
قازاندیغیم یئرین آدی،
خاقان'یما یازیلسین دا!
#احمد_جاواد
#شعر_اوجاغی
@SheirOcagi
میلّتیمین تاریخینه،
شن-شؤهرت اکمه‌لی‌یم!
بو قارشیدا یاد قالایا،
بیر آل بایراق دیکمه‌لی‌یم!
دوشمن‌لره گؤستردیم کی،
منیم کیمی عسگری یوخ!
منیم قیلینج وورمادیغیم،
دونیانین هئچ بیر یئری یوخ!
ایسمارلادیم نیشانلیما:
من «توران»ا گئدییوروم.
قارداشیمی قورتارماغا،
«تورکوستان»ا گئدییوروم.
بایراغیما خائین باخان،
خائین گؤزه من تیکانام.
وورولورسام کؤلگه‌سینده،
حالال اولسون اونا قانیم!
شهید اولسام، دوست ائلینده
منه مزار قازیلسین دا!
قازاندیغیم یئرین آدی،
خاقان'یما یازیلسین دا!
#احمد_جاواد
#شعر_اوجاغی
@SheirOcagi
اوشاق شعری
▫️قوق-قولو-قو
«قوق-قولو-قو!» خوروز اؤتر،
بیزه دئیر «یوخو یئتر!
تنبل‌لری سئومم اصلا،
هایدی گئدین ایش باشینا!
قالخین آرتیق، یئتر یوخو!
ایشچی قیر'ا¹ یوللانمالی،
چاپا²، ساپان³ قوللانمالی!
اکمک لازیم بوغدا، آرپا،
دونیا گؤزلر سندن غیدا.
قوق-قولو-قو، قوق-قولو-قو،
صاباح اولدو، یئتر یوخو»
ظریف اوشاق، خوروز دینله!
نه خوش اؤتر، نه شن اؤتر!
«باشلا -دئییر- درسلرینه
تنبل اولما، یوخو یئتر!»
قوق-قولو-قو، قوق-قولو-قو،
گون یوخوسو فنا یوخو.
#احمد_جاواد
¹- دوزن، چؤل
²- تیرَشته، آلاق‌کئش
³- کوتان، خؽش
#شعر_اوجاغی
@SheirOcagi
▫️قوق-قولو-قو
«قوق-قولو-قو!» خوروز اؤتر،
بیزه دئیر «یوخو یئتر!
تنبل‌لری سئومم اصلا،
هایدی گئدین ایش باشینا!
قالخین آرتیق، یئتر یوخو!
ایشچی قیر'ا¹ یوللانمالی،
چاپا²، ساپان³ قوللانمالی!
اکمک لازیم بوغدا، آرپا،
دونیا گؤزلر سندن غیدا.
قوق-قولو-قو، قوق-قولو-قو،
صاباح اولدو، یئتر یوخو»
ظریف اوشاق، خوروز دینله!
نه خوش اؤتر، نه شن اؤتر!
«باشلا -دئییر- درسلرینه
تنبل اولما، یوخو یئتر!»
قوق-قولو-قو، قوق-قولو-قو،
گون یوخوسو فنا یوخو.
#احمد_جاواد
¹- دوزن، چؤل
²- تیرَشته، آلاق‌کئش
³- کوتان، خؽش
#شعر_اوجاغی
@SheirOcagi
▫️داغلار
دردلی سینه‌نده‌کی اسکی جیغیرلار،
اینسان ایزلرینه بنزر، آ داغلار!
بو آغیرباشلیجا باخیشین منه،
قانلی افسانه‌لر سؤیلر، آ داغلار!
اوخونماز اولموشدور داشلاردا یازی،
لال اولوب قالمیشدیر عاشیغین سازی.
گئدردی دردیمین بلکه بیر آزی،
سؤیلَتسه‌یدی سنی بیر ار، آ داغلار!
سینه‌نده حئسابسیز داستان دوزولموش،
چوخ آهلار چکیلمیش، گؤزلر سوزولموش،
یوللاردا بیر عاشیق یامان اوزولموش،
دردینه بیر درمان ایستر، آ داغلار!
بیر عاشیق دئییر کی: بیلمم نه‌دن‌سه،
آشارکن کاروانلار بیر داغی کسه،
اوخویوردو قیزلار وئریب سس-سسه:
اوزاق می سوره‌جک سفر، آ داغلار؟!
هر کئچن میلّتدن قالمیش بیر اولوس،
سونرا ووروشمالار، غوغالار سونسوز،
سن ایسترسن سؤیله، ایستر ایسن سوس!
بیلیرسن اونلاری ازبر، آ داغلار!
کئچرکن ایگیدلر کۆردن، آراسدان،
چیخاردی سینه‌نده قیلینجلار پاسدان.
ایندی من آنلامام توتدوغوم یاسدان،
یوخمودور اونلاردان اثر، آ داغلار!
گؤردون چارپیشارکن سۏیلار، اویماقلار،
اویناردی گؤیلرده قانلی میزراقلار.
صاحیبی غوغادا اؤلموش قیسراقلار،
گؤردون‌مو نه یانیق کیشنر، آ داغلار؟!
قولاق وئرن بیلیر اسکی داستانا،
ایگیدلر سالدیریب هره بیر یانا.
بویاندیقجا هر ایل قارلارین قانا،
نه جانلار گئتمیشدیر هدر، آ داغلار!
کئچرکن او جوشقون ائلخان اوردوسو،
دۇیدۇمۇ اوره‌یین اؤلوم قورخوسو؟
اَییلمه‌میش باشین، سؤزون دوغروسو،
اَییلن یاشاماز، اؤلر، آ داغلار!
آلتون معدنی‌‌دیر بو یوخسول اؤلکه،
نه‌یین سالدیرمیشدیر عربی تورکه؟
یئرلی ایگیدلرین سسی‌دیر بلکه-
قالمیشدیر قوینوندا، گورلار، آ داغلار؟!
پوزولموش قالالار، تؤکولموش قانلار،
یالچین قایالاردان دوشموش اینسانلار،
مزار داشلاریندا اسکی داستانلار،
سن وارکن، شاهیدی نه‌ائیلر، آ داغلار!
او زاماندان سنین دردلی‌دیر باشین،
آغلار گؤرونوردو تورپاغین، داشین.
او دردلی گونلرده یوخدو یولداشین،
یالقیزلیق ان بؤیوک کدر، آ داغلار!
نه‌دیر او قاینایان غم باخیشیندا،
کؤیلو قیزلارینین چاتیق قاشیندا؟
بو دارغینلیق نه‌دیر بو گنج یاشیندا،
آچ، دردلی قلبینی گؤستر، آ داغلار!
#احمد_جاواد
#شعر_اوجاغی
@SheirOcagi
دردلی سینه‌نده‌کی اسکی جیغیرلار،
اینسان ایزلرینه بنزر، آ داغلار!
بو آغیرباشلیجا باخیشین منه،
قانلی افسانه‌لر سؤیلر، آ داغلار!
اوخونماز اولموشدور داشلاردا یازی،
لال اولوب قالمیشدیر عاشیغین سازی.
گئدردی دردیمین بلکه بیر آزی،
سؤیلَتسه‌یدی سنی بیر ار، آ داغلار!
سینه‌نده حئسابسیز داستان دوزولموش،
چوخ آهلار چکیلمیش، گؤزلر سوزولموش،
یوللاردا بیر عاشیق یامان اوزولموش،
دردینه بیر درمان ایستر، آ داغلار!
بیر عاشیق دئییر کی: بیلمم نه‌دن‌سه،
آشارکن کاروانلار بیر داغی کسه،
اوخویوردو قیزلار وئریب سس-سسه:
اوزاق می سوره‌جک سفر، آ داغلار؟!
هر کئچن میلّتدن قالمیش بیر اولوس،
سونرا ووروشمالار، غوغالار سونسوز،
سن ایسترسن سؤیله، ایستر ایسن سوس!
بیلیرسن اونلاری ازبر، آ داغلار!
کئچرکن ایگیدلر کۆردن، آراسدان،
چیخاردی سینه‌نده قیلینجلار پاسدان.
ایندی من آنلامام توتدوغوم یاسدان،
یوخمودور اونلاردان اثر، آ داغلار!
گؤردون چارپیشارکن سۏیلار، اویماقلار،
اویناردی گؤیلرده قانلی میزراقلار.
صاحیبی غوغادا اؤلموش قیسراقلار،
گؤردون‌مو نه یانیق کیشنر، آ داغلار؟!
قولاق وئرن بیلیر اسکی داستانا،
ایگیدلر سالدیریب هره بیر یانا.
بویاندیقجا هر ایل قارلارین قانا،
نه جانلار گئتمیشدیر هدر، آ داغلار!
کئچرکن او جوشقون ائلخان اوردوسو،
دۇیدۇمۇ اوره‌یین اؤلوم قورخوسو؟
اَییلمه‌میش باشین، سؤزون دوغروسو،
اَییلن یاشاماز، اؤلر، آ داغلار!
آلتون معدنی‌‌دیر بو یوخسول اؤلکه،
نه‌یین سالدیرمیشدیر عربی تورکه؟
یئرلی ایگیدلرین سسی‌دیر بلکه-
قالمیشدیر قوینوندا، گورلار، آ داغلار؟!
پوزولموش قالالار، تؤکولموش قانلار،
یالچین قایالاردان دوشموش اینسانلار،
مزار داشلاریندا اسکی داستانلار،
سن وارکن، شاهیدی نه‌ائیلر، آ داغلار!
او زاماندان سنین دردلی‌دیر باشین،
آغلار گؤرونوردو تورپاغین، داشین.
او دردلی گونلرده یوخدو یولداشین،
یالقیزلیق ان بؤیوک کدر، آ داغلار!
نه‌دیر او قاینایان غم باخیشیندا،
کؤیلو قیزلارینین چاتیق قاشیندا؟
بو دارغینلیق نه‌دیر بو گنج یاشیندا،
آچ، دردلی قلبینی گؤستر، آ داغلار!
#احمد_جاواد
#شعر_اوجاغی
@SheirOcagi
▫️آییلاجاق یوردون اوغولو، قیزی.
من بیر عاشیغام کی، بو چالدیغیم ساز،
دومانلی داغلارا سس سالاجاقدیر.
آغلاتدیغیم تئلده اینله‌ین آواز،
ائلین خاطیرینده چوخ قالاجاقدیر.
دوغرایاجاق سسیم داغدا دومانی،
دینله‌یه‌جک منی داغین چوبانی.
من سوردوغوم زامان: «سئودیگیم هانی؟»،
طبیعت دَییشیب یاز اولاجاقدیر.
قورخوتماییر منی بو آنمایانلار،
اسرافیل صوروندان اویانمایانلار.
گؤستردیگیم یولا اینانمایانلار،
بو یئنی دونیادا آد آلاجاقدیر.
من شاهید توتورام آیی، اولدوزو،
آییلاجاق یوردون اوغولو، قیزی.
اویانکی ائللرین اؤزبک، قیرغیزی،
بو یئنی درگاها یول بولاجاقدیر.
#احمد_جاواد
#شعر_اوجاغی
@SheirOcagi
من بیر عاشیغام کی، بو چالدیغیم ساز،
دومانلی داغلارا سس سالاجاقدیر.
آغلاتدیغیم تئلده اینله‌ین آواز،
ائلین خاطیرینده چوخ قالاجاقدیر.
دوغرایاجاق سسیم داغدا دومانی،
دینله‌یه‌جک منی داغین چوبانی.
من سوردوغوم زامان: «سئودیگیم هانی؟»،
طبیعت دَییشیب یاز اولاجاقدیر.
قورخوتماییر منی بو آنمایانلار،
اسرافیل صوروندان اویانمایانلار.
گؤستردیگیم یولا اینانمایانلار،
بو یئنی دونیادا آد آلاجاقدیر.
من شاهید توتورام آیی، اولدوزو،
آییلاجاق یوردون اوغولو، قیزی.
اویانکی ائللرین اؤزبک، قیرغیزی،
بو یئنی درگاها یول بولاجاقدیر.
#احمد_جاواد
#شعر_اوجاغی
@SheirOcagi
▫️وطنداش
فلاکت قایغیسی چکر باشینا،
کیم کی یاردیم ائتمز اؤز قارداشینا.
قونشودا گؤز یاشی و آجلیق دردی،
یاردیما بورجلودور هر اینسان فردی.
سن گؤزله‌مه هر شئی فلکدن اولسون!
چوخ اولسون، آز اولسون، اورَکدن اولسون!
سنین ده قلبینده بیر آلوو اولسون!
سنین ده بورجون وار، سن ده اینسانسان.
چون کی «وولقا» بویو نه وار، سنین‌دیر،
او آج قالان، او اینسانلار سنین‌دیر.
دوزولموش یوللارا آجلار کاروانی،
کاروان‌لا برابر آغلار، سنین‌دیر.
یاخین گل، یاخینسان، اوزاقدان باخما!
او گؤز یاشلاری کی آخار، سنین‌دیر.
وطنداش، شریک اول اونون دردینه!
او گؤز کی یوللارا باخار، سنین‌دیر.
#احمد_جاواد
#شعر_اوجاغی
@SheirOcagi
فلاکت قایغیسی چکر باشینا،
کیم کی یاردیم ائتمز اؤز قارداشینا.
قونشودا گؤز یاشی و آجلیق دردی،
یاردیما بورجلودور هر اینسان فردی.
سن گؤزله‌مه هر شئی فلکدن اولسون!
چوخ اولسون، آز اولسون، اورَکدن اولسون!
سنین ده قلبینده بیر آلوو اولسون!
سنین ده بورجون وار، سن ده اینسانسان.
چون کی «وولقا» بویو نه وار، سنین‌دیر،
او آج قالان، او اینسانلار سنین‌دیر.
دوزولموش یوللارا آجلار کاروانی،
کاروان‌لا برابر آغلار، سنین‌دیر.
یاخین گل، یاخینسان، اوزاقدان باخما!
او گؤز یاشلاری کی آخار، سنین‌دیر.
وطنداش، شریک اول اونون دردینه!
او گؤز کی یوللارا باخار، سنین‌دیر.
#احمد_جاواد
#شعر_اوجاغی
@SheirOcagi
▫️آزربایجانا
جوشموشدو اوره‌ییم، شیشمیشدی باشیم،
ظولمکار اولموسان آخیدیب یاشیم.
ائی گؤزل وطنیم، ائی داغیم-داشیم!
بیر سازیم اولسایدی، سؤیلردیم سنه.
نه گوجدور آیریلیق، دۏیمامیش یاردان!
آرتیردی دردیمی هر کئچن کاروان.
دۇیسایدیم سسینی بیر یانیق تاردان،
بیلمزسن نه سؤیلر، نئیلردیم سنه!
بوغار دریاسیندان بیر قۏشون سسی،
سؤیلر کی: کؤنلونون یوخمو گئجه‌سی؟
سنسیز کی، ایلهامین گلمز نفسی!
گلسه‌یدی، شاعیرلیک ائیلردیم سنه.
کسمیشدی یولونو کئچیلمز داغلار،
منیمله برابر اورمانلار آغلار.
ائی گؤز ایشله‌دیکجه گؤرونن باغلار!
عهد ایله بیر سلام گؤندردیم سنه.
#احمد_جاواد
#شعر_اوجاغی
@SheirOcagi
جوشموشدو اوره‌ییم، شیشمیشدی باشیم،
ظولمکار اولموسان آخیدیب یاشیم.
ائی گؤزل وطنیم، ائی داغیم-داشیم!
بیر سازیم اولسایدی، سؤیلردیم سنه.
نه گوجدور آیریلیق، دۏیمامیش یاردان!
آرتیردی دردیمی هر کئچن کاروان.
دۇیسایدیم سسینی بیر یانیق تاردان،
بیلمزسن نه سؤیلر، نئیلردیم سنه!
بوغار دریاسیندان بیر قۏشون سسی،
سؤیلر کی: کؤنلونون یوخمو گئجه‌سی؟
سنسیز کی، ایلهامین گلمز نفسی!
گلسه‌یدی، شاعیرلیک ائیلردیم سنه.
کسمیشدی یولونو کئچیلمز داغلار،
منیمله برابر اورمانلار آغلار.
ائی گؤز ایشله‌دیکجه گؤرونن باغلار!
عهد ایله بیر سلام گؤندردیم سنه.
#احمد_جاواد
#شعر_اوجاغی
@SheirOcagi
▫️آغلاییردیم، گولورم.
آرخاداشلار! دؤرد یانیما باخدیقجا،
آغلاییردیم، آغلاییردی ایرماقلار.
یورد اوغلونون گؤز یاشلاری آخدیقجا،
آغلاییردیم، آغلاییردی تورپاقلار.
بیر ال منیم بوغازیمی سیخیردی،
یول وئرمزدی دئیَم، گولم، دانیشام.
گؤزوم یاشی سۇلار کیمی آخیردی،
یورد اوغلویلا قویماز ایدی تانیشام.
قوجا ایگید اۇلۇسۇمۇن اوروجون
گؤز اؤنونده ساسؽق¹ اللر کسدیکجه،
آخیردی منیم ده اوزه گؤز یاشیم.
آغلاییردیم دوشگونلری گؤردوکجه
آغلاماقدا چوخ آز ایدی یولداشیم.
اۏیاتسیزلار² بیزه دلی دئیردی،
قاچار ایدی مندن بوتون تانیشیم.
چیلدیر-چیلدیر باخیب منه گولردی،
ایندی ایسه دَییشیلدی هپ ایشلر.
اوندا باخیب بیزه دلی دئینلر،
گؤرورلر کی باشقالاشمیش گئدیشلر.
من گولورم، گولور بیزه گولن‌لر.
آی یورد اوغلو، آغلایانلار کئچنده،
ایستر ایدی بو گون سنی گولدورسون!
ساری اوزلو دایدۇلاری³ گؤر سن ده،
قویما بیر ده ایشیغینی سؤندورسون!
اسیرگه‌دی بو گون سنی یارادان،
اؤز یوردونو وئردی سنین الینه.
دایدۇلاری چیخارتمیسان آرادان،
ساقین، بیر ده ساتاشماسین گؤزونه!
گؤسترمه‌سن بوندان سونرا سن ارلیک،
بئش گون چکمز یوردون-یووان داغیلار.
قارداش کیمی ائیله‌مه‌سن هپ بیرلیک،
یئنه گیرر تورپاغینا یاغی‌لار.
#احمد_جاواد
¹- موردار- چیرکین
²- آبؽر- حیا (Oyat)
³- شارلاتان- حیله‌گر (Daydu)
#شعر_اوجاغی
@SheirOcagi
آرخاداشلار! دؤرد یانیما باخدیقجا،
آغلاییردیم، آغلاییردی ایرماقلار.
یورد اوغلونون گؤز یاشلاری آخدیقجا،
آغلاییردیم، آغلاییردی تورپاقلار.
بیر ال منیم بوغازیمی سیخیردی،
یول وئرمزدی دئیَم، گولم، دانیشام.
گؤزوم یاشی سۇلار کیمی آخیردی،
یورد اوغلویلا قویماز ایدی تانیشام.
قوجا ایگید اۇلۇسۇمۇن اوروجون
گؤز اؤنونده ساسؽق¹ اللر کسدیکجه،
آخیردی منیم ده اوزه گؤز یاشیم.
آغلاییردیم دوشگونلری گؤردوکجه
آغلاماقدا چوخ آز ایدی یولداشیم.
اۏیاتسیزلار² بیزه دلی دئیردی،
قاچار ایدی مندن بوتون تانیشیم.
چیلدیر-چیلدیر باخیب منه گولردی،
ایندی ایسه دَییشیلدی هپ ایشلر.
اوندا باخیب بیزه دلی دئینلر،
گؤرورلر کی باشقالاشمیش گئدیشلر.
من گولورم، گولور بیزه گولن‌لر.
آی یورد اوغلو، آغلایانلار کئچنده،
ایستر ایدی بو گون سنی گولدورسون!
ساری اوزلو دایدۇلاری³ گؤر سن ده،
قویما بیر ده ایشیغینی سؤندورسون!
اسیرگه‌دی بو گون سنی یارادان،
اؤز یوردونو وئردی سنین الینه.
دایدۇلاری چیخارتمیسان آرادان،
ساقین، بیر ده ساتاشماسین گؤزونه!
گؤسترمه‌سن بوندان سونرا سن ارلیک،
بئش گون چکمز یوردون-یووان داغیلار.
قارداش کیمی ائیله‌مه‌سن هپ بیرلیک،
یئنه گیرر تورپاغینا یاغی‌لار.
#احمد_جاواد
¹- موردار- چیرکین
²- آبؽر- حیا (Oyat)
³- شارلاتان- حیله‌گر (Daydu)
#شعر_اوجاغی
@SheirOcagi
▫️کؤلگه‌م ایله من
بیر گون بئزدیم، من کؤلگه‌مه دئدیم کی:
«بسدیر داها، ال گؤتور بیر یاخامدان!
گئجه-گوندوز ایشین-پئشه‌ن یوخمودور؟
چکیلمزسن بیر دقیقه آرخامدان.
اوف دئمه‌رم، آیلار-ایللر اۇزۇنۇ
من گؤرمه‌سم او موبارک اۆزۆنۆ.»
کؤلگه‌م دئدی: «ائی وفاسیز، سنینله
بیر ساعاتدا گلمه‌دیک‌می دونیایا؟!
دادسیز عؤمرو نه ائیلردیم؟ ازلدن-
من سنینچون دوشمه‌دیم می غوغایا؟!
ائه، بیلسن ده، بیلمه‌سن ده عئینی‌ییک،
منه قالسا بیز آیریلان دئییلیک.»
#احمد_جاواد
#شعر_اوجاغی
@SheirOcagi
بیر گون بئزدیم، من کؤلگه‌مه دئدیم کی:
«بسدیر داها، ال گؤتور بیر یاخامدان!
گئجه-گوندوز ایشین-پئشه‌ن یوخمودور؟
چکیلمزسن بیر دقیقه آرخامدان.
اوف دئمه‌رم، آیلار-ایللر اۇزۇنۇ
من گؤرمه‌سم او موبارک اۆزۆنۆ.»
کؤلگه‌م دئدی: «ائی وفاسیز، سنینله
بیر ساعاتدا گلمه‌دیک‌می دونیایا؟!
دادسیز عؤمرو نه ائیلردیم؟ ازلدن-
من سنینچون دوشمه‌دیم می غوغایا؟!
ائه، بیلسن ده، بیلمه‌سن ده عئینی‌ییک،
منه قالسا بیز آیریلان دئییلیک.»
#احمد_جاواد
#شعر_اوجاغی
@SheirOcagi
▫️«گنجه»لی دوستلاریما
آرادی جانیمیز غوربتده یار'ی
کؤنول آرزولاییر دوغما دیاری.
بو یای گلدیم بیزیم داغلارا ساری،
دئدیم کی کئچیریم یاز'ی، موختصر.
ییغیلدی عاریفلر، سؤز آنلایان‌لار،
دئدیم: «داها گئتدی غوصّه زهریمار.
یئریم یاشیل داغلار، دوست وار، آشنا وار،
خوش کئچه‌جک چوخو-آزی، موختصر».
اومدوم کی دوشه‌جک اسکی گون یادا،
گلین‌تک گزه‌جک مجلیسده باده،
ذؤوق و حظّ اولاجاق حددن زیاده،
اوخوناجاق شعیر، یازی، موختصر.
آنجاق منیم روحوم- سئوگیلی «گنجه»،
گؤرن کیمی بیزی، باشلادی رنجه.
بوردا کؤنول قیرماق اولوب اَیلنجه،
قالمادیم بو یایدان راضی، موختصر.
بیر گون زمانه‌نین شئیخی-نژادی،
قویدو بوینوموزا «خودپسند» آدی.
البت قوهوم اوچون سورورلار یادی،
چکیلمز کی یادین نازی، موختصر.
اولدو اسکی حامام، اسکی تاس یئنه،
تا بیرینجی گوندن باشلاندی «ایینه».
آنلامادی دوست نه، نئشترله‌مک نه!
گؤردوم حوقّا عاصی قاضی، موختصر.
ذؤوق آلان بیر دوستوم ادبیاتدان،
گاه ایتدن دم ووردو، گاه دا کی آتدان.
خولاصه، فرقیمیز اولمادی یاددان،
هۆرکۆتدۆم اؤردکی، قازی، موختصر.
او قدر ایچدیم کی دیشلَمه چایی،
بیلینمز حئسابی، توتولماز سایی.
خالوغلو، عموغلو، باجوغلو، دایی،
قوپ‌قورو قوروموش تازی، موختصر.
«نارزان»ین اوستونده گونده بیر کره،
کؤهلَن دوه کیمی چؤکردیک یئره.
باشلاردیق باخماغا «ایگیرمی بیر»ه،
آتمیشدی صؤحبتی، سازی، موختصر.
آللاهین نادانی، ائششک ناشیسی،
بیر یئرین کی اولدو دسته‌باشیسی،
قیریلار شیشه‌سی، سینار کاشیسی،
داها اوزاتمایین سؤزو، موختصر!
«کیشی‌یم» دئیه‌رک یئددی-سککیزی،
پولسوز گؤروب قویوب قاچدیلار بیزی.
گئدرمی سینه‌مدن بو دردین ایزی؟!
قاچدیلار هم دازی، وازی موختصر.
جبرِ نفٛس ائیله‌دیم، یازدیم یوموشاق:
«کیشی‌یم» دئمه‌سین هر اوشاق-موشاق!
یاخشیدیر بونلاردان بیر قاتی¹ قورشاق²
لاچین³ ائتمک اولماز بیزی، موختصر.
#احمد_جاواد
¹- برک- سرت
²- قاییش
³- اووچو و ییرتیجی بیر قوش- شاهین
#شعر_اوجاغی
@SheirOcagi
آرادی جانیمیز غوربتده یار'ی
کؤنول آرزولاییر دوغما دیاری.
بو یای گلدیم بیزیم داغلارا ساری،
دئدیم کی کئچیریم یاز'ی، موختصر.
ییغیلدی عاریفلر، سؤز آنلایان‌لار،
دئدیم: «داها گئتدی غوصّه زهریمار.
یئریم یاشیل داغلار، دوست وار، آشنا وار،
خوش کئچه‌جک چوخو-آزی، موختصر».
اومدوم کی دوشه‌جک اسکی گون یادا،
گلین‌تک گزه‌جک مجلیسده باده،
ذؤوق و حظّ اولاجاق حددن زیاده،
اوخوناجاق شعیر، یازی، موختصر.
آنجاق منیم روحوم- سئوگیلی «گنجه»،
گؤرن کیمی بیزی، باشلادی رنجه.
بوردا کؤنول قیرماق اولوب اَیلنجه،
قالمادیم بو یایدان راضی، موختصر.
بیر گون زمانه‌نین شئیخی-نژادی،
قویدو بوینوموزا «خودپسند» آدی.
البت قوهوم اوچون سورورلار یادی،
چکیلمز کی یادین نازی، موختصر.
اولدو اسکی حامام، اسکی تاس یئنه،
تا بیرینجی گوندن باشلاندی «ایینه».
آنلامادی دوست نه، نئشترله‌مک نه!
گؤردوم حوقّا عاصی قاضی، موختصر.
ذؤوق آلان بیر دوستوم ادبیاتدان،
گاه ایتدن دم ووردو، گاه دا کی آتدان.
خولاصه، فرقیمیز اولمادی یاددان،
هۆرکۆتدۆم اؤردکی، قازی، موختصر.
او قدر ایچدیم کی دیشلَمه چایی،
بیلینمز حئسابی، توتولماز سایی.
خالوغلو، عموغلو، باجوغلو، دایی،
قوپ‌قورو قوروموش تازی، موختصر.
«نارزان»ین اوستونده گونده بیر کره،
کؤهلَن دوه کیمی چؤکردیک یئره.
باشلاردیق باخماغا «ایگیرمی بیر»ه،
آتمیشدی صؤحبتی، سازی، موختصر.
آللاهین نادانی، ائششک ناشیسی،
بیر یئرین کی اولدو دسته‌باشیسی،
قیریلار شیشه‌سی، سینار کاشیسی،
داها اوزاتمایین سؤزو، موختصر!
«کیشی‌یم» دئیه‌رک یئددی-سککیزی،
پولسوز گؤروب قویوب قاچدیلار بیزی.
گئدرمی سینه‌مدن بو دردین ایزی؟!
قاچدیلار هم دازی، وازی موختصر.
جبرِ نفٛس ائیله‌دیم، یازدیم یوموشاق:
«کیشی‌یم» دئمه‌سین هر اوشاق-موشاق!
یاخشیدیر بونلاردان بیر قاتی¹ قورشاق²
لاچین³ ائتمک اولماز بیزی، موختصر.
#احمد_جاواد
¹- برک- سرت
²- قاییش
³- اووچو و ییرتیجی بیر قوش- شاهین
#شعر_اوجاغی
@SheirOcagi
▫️هجو
اؤزلری محروم‌کن فیضِ ادبدن،
گوناهی بیزلرده گؤرن‌لره باخ!
پارلاییب بیر زامان، دوشدولر دبدن،
بازارا یئنی مال وئرن‌لره باخ!
هله بیری واردیر «کیشی‌دیر، کیشی»،
برَلدیب گؤزونو، آغاردیب دیشی.
یاخشیجا تاپیلیب پئشه‌سی، ایشی،
بیزیم آرخامیزجا هورن‌لره باخ!
دئییر: «یازدیغینیز بو نه حیات‌دیر؟!»
چؤمچه‌یه ال توتان قول‌دور، قاناددیر.
دئدیگی کیفلَنمیش، فیکری بویات‌دیر،
اؤزونو ایرَلی سۆرن‌لره باخ!
دۆن بیری هایقیردی: «چالدیغیم سازدیر،
خزانیم تاپیلماز، گونلریم یازدیر.»
باخدیم، رنگی سولغون، روحو دا آزدیر،
دوست-یاد آراسینا گیرن‌لره باخ!
دئییر: «اوچورورسان بیزیم دؤولتی،
بو بؤیوک بینانی، بو سلطنتی.»
دولاییب الینه بوتون میلّتی،
خالقینا یون جوراب هؤرن‌لره باخ!
دئییر: «تالاییبسیز بیزیم ائللری،
بوم‌بوش قویموسونوز بؤیوک چؤللری.»
مئتردن اوزون‌دور اوزون دیللری،
باغ-بوستان بئجَریب درن‌لره باخ!
آرپاسین بؤلَنمز ایکی اولاغین،
قاپی دالیندادیر اوزون قولاغی.
دالدادا گیزلنیب، دانوس* یازماغی،
اوزده سینه‌سینه ووران‌لارا باخ!
ساغدان دا، سولدان دا یوکسلیر سسلر،
دوغما قارداشینا نیفرین‌لر بسلر.
«جاوید»ی، «جاواد»ی سئومه‌ین کس‌لر،
اونلارین یئرینده دوران‌لارا باخ!
یازیب پوزدوغونوز، نه‌دیر سؤزونوز؟
بو بیزیم اۆزۆمۆز، سیزین اۆزۆنۇز.
گلیب نه ائتدینیز -دئیین- اؤزونوز؟!
صنعت کئشیگینده دوران‌لارا باخ!
بیز آیدان آری‌ییق، سودان دورویوق،
گونشین ذرّه‌سی، حاقّین نورویوق.
اونا-بونا باخیب بولاییب قویروق،
بیزدن حاقّ و حئساب سوران‌لارا باخ!
صنعت کئشیگینده دوران‌لارا باخ!
#احمد_جاواد
* خبرچی‌لیک
#شعر_اوجاغی
@SheirOcagi
اؤزلری محروم‌کن فیضِ ادبدن،
گوناهی بیزلرده گؤرن‌لره باخ!
پارلاییب بیر زامان، دوشدولر دبدن،
بازارا یئنی مال وئرن‌لره باخ!
هله بیری واردیر «کیشی‌دیر، کیشی»،
برَلدیب گؤزونو، آغاردیب دیشی.
یاخشیجا تاپیلیب پئشه‌سی، ایشی،
بیزیم آرخامیزجا هورن‌لره باخ!
دئییر: «یازدیغینیز بو نه حیات‌دیر؟!»
چؤمچه‌یه ال توتان قول‌دور، قاناددیر.
دئدیگی کیفلَنمیش، فیکری بویات‌دیر،
اؤزونو ایرَلی سۆرن‌لره باخ!
دۆن بیری هایقیردی: «چالدیغیم سازدیر،
خزانیم تاپیلماز، گونلریم یازدیر.»
باخدیم، رنگی سولغون، روحو دا آزدیر،
دوست-یاد آراسینا گیرن‌لره باخ!
دئییر: «اوچورورسان بیزیم دؤولتی،
بو بؤیوک بینانی، بو سلطنتی.»
دولاییب الینه بوتون میلّتی،
خالقینا یون جوراب هؤرن‌لره باخ!
دئییر: «تالاییبسیز بیزیم ائللری،
بوم‌بوش قویموسونوز بؤیوک چؤللری.»
مئتردن اوزون‌دور اوزون دیللری،
باغ-بوستان بئجَریب درن‌لره باخ!
آرپاسین بؤلَنمز ایکی اولاغین،
قاپی دالیندادیر اوزون قولاغی.
دالدادا گیزلنیب، دانوس* یازماغی،
اوزده سینه‌سینه ووران‌لارا باخ!
ساغدان دا، سولدان دا یوکسلیر سسلر،
دوغما قارداشینا نیفرین‌لر بسلر.
«جاوید»ی، «جاواد»ی سئومه‌ین کس‌لر،
اونلارین یئرینده دوران‌لارا باخ!
یازیب پوزدوغونوز، نه‌دیر سؤزونوز؟
بو بیزیم اۆزۆمۆز، سیزین اۆزۆنۇز.
گلیب نه ائتدینیز -دئیین- اؤزونوز؟!
صنعت کئشیگینده دوران‌لارا باخ!
بیز آیدان آری‌ییق، سودان دورویوق،
گونشین ذرّه‌سی، حاقّین نورویوق.
اونا-بونا باخیب بولاییب قویروق،
بیزدن حاقّ و حئساب سوران‌لارا باخ!
صنعت کئشیگینده دوران‌لارا باخ!
#احمد_جاواد
* خبرچی‌لیک
#شعر_اوجاغی
@SheirOcagi
▫️گلمیشم پامبیقلار دیاریندان.
گلیشیم یاخیندادیر،
پامبیقلار دیاریندان.
آغ دونلو تارلالاردان،
سلاملار گتیرمیشم.
اؤلکه‌میزده سو باسان،
بیر قاریش یئر قالمامیش.
بو ایل داها هوس‌له،
اکمیشم، بیتیرمیشم.
من بو گونون «روستم»ی،
یوخسوللوق بیر اژداها.
ییخاراق اژداهانی،
چیخدیم پولاد نرلرله.
قوی گؤرسون بوتون دونیا،
قوی گؤرسونلر بیر داها!
قوی منه دوست دئیَنلر،
سئوینسین هونریم‌له!
من تارلادا ار کیمی،
چالیشیب ووروشارکن،
دوستلاریم چوخالیرسا،
دوشمنیم ده وار هله.
پامبیغیمین هر شاخی،
دوشمن گؤزونه تیکان.
سرحدّین خاریجینده،
بو داغلاردان او یانا،
گؤز تیکن‌لر ده واردیر،
تارلامین ایپَگینه.
اونلارین حدّی وارسا،
بیر باخسینلار بو یانا.
الیمده‌کی دیرمیغی،
تاخارام ببه‌یینه!
آرخام سنه دایانمیش،
یاخشی، یامان گونومده.
آلیرلار معدنینده،
چالیشان ایشچی یولداش!
کیمدن قورخوم وار منیم-
سن وار ایکن اؤلکه‌مده؟!
آی منه پول گؤسترن،
بیلیکلی فهله قارداش!
من بیر خبر دئییرم،
یاندی بیر آز اورگیم.
دوست آغزیندان ائشیتدیم
دئییرلر «کسیرین وار».
#احمد_جاواد
#شعر_اوجاغی
@SheirOcagi
گلیشیم یاخیندادیر،
پامبیقلار دیاریندان.
آغ دونلو تارلالاردان،
سلاملار گتیرمیشم.
اؤلکه‌میزده سو باسان،
بیر قاریش یئر قالمامیش.
بو ایل داها هوس‌له،
اکمیشم، بیتیرمیشم.
من بو گونون «روستم»ی،
یوخسوللوق بیر اژداها.
ییخاراق اژداهانی،
چیخدیم پولاد نرلرله.
قوی گؤرسون بوتون دونیا،
قوی گؤرسونلر بیر داها!
قوی منه دوست دئیَنلر،
سئوینسین هونریم‌له!
من تارلادا ار کیمی،
چالیشیب ووروشارکن،
دوستلاریم چوخالیرسا،
دوشمنیم ده وار هله.
پامبیغیمین هر شاخی،
دوشمن گؤزونه تیکان.
سرحدّین خاریجینده،
بو داغلاردان او یانا،
گؤز تیکن‌لر ده واردیر،
تارلامین ایپَگینه.
اونلارین حدّی وارسا،
بیر باخسینلار بو یانا.
الیمده‌کی دیرمیغی،
تاخارام ببه‌یینه!
آرخام سنه دایانمیش،
یاخشی، یامان گونومده.
آلیرلار معدنینده،
چالیشان ایشچی یولداش!
کیمدن قورخوم وار منیم-
سن وار ایکن اؤلکه‌مده؟!
آی منه پول گؤسترن،
بیلیکلی فهله قارداش!
من بیر خبر دئییرم،
یاندی بیر آز اورگیم.
دوست آغزیندان ائشیتدیم
دئییرلر «کسیرین وار».
#احمد_جاواد
#شعر_اوجاغی
@SheirOcagi
▫️ایشچی
دمیردن قوللارین، داشدان دوروشون،
بوغولموش رنگین‌له، چکیج ووروشون،
بوغونوق سسینده جانلانان ووقار،
ووقارلا گزیور دیاربه‌دیار.
اون بئش ایل اولدو، گؤرن‌لر بیلیر،
کؤهنه دونیا بیر گون یالانلار قوسدو.
میلیونلارجا خالقین سوسدو ویجدانی،
اَیری‌لر هایقیردی، دوغرولار سوسدو.
اوجالدی جلّادین امر و فرمانی،
کسیلن باشلارین تؤکولدو قانی.
دَییشدی هر شئیین اسکی معناسی،
قاسیرغالار چؤکدو، ایلدیریم چاخدی
چوخالدی دونیانین ماتمی، یاسی،
تانریلار دونیایا یئنیدن باخدی.
دؤندو دومانلارا یوکسلن آهلار،
عشقین ماتمینی توتدو گوناهکار
چوخدان چیچک گؤروب گولمه‌ین چؤللر،
بوزلو، قارلی چؤللر بیتیردی لاله.
اوغورسوز بیر قووّت چؤکوب هر یئره،
الینده بیر سوسلو، قانلی پیاله.
درمان ظنّ ائله‌ییب دوشدویو درده،
سئونلر ده ایچدی، سئومه‌ین‌لر ده.
وارلینین گلیری، خالقین زیانی،
بیرلشیب ایکیسی- بیر اولدو آدی.
میلیون اینسانلارین قوسدوغو قانی،
بئش-آلتی سرسری ایچیب دویمادی.
ایلدیریملی بیر سس، بیر سیجاق نفس،
سؤیله‌دی دونیایا: «داها بسدی، بس!»
بشر دردلرینین درمانی بیردیر،
دوغرو بیر یول آنجاق گله‌جکده‌دیر.
#احمد_جاواد
#شعر_اوجاغی
@SheirOcagi
دمیردن قوللارین، داشدان دوروشون،
بوغولموش رنگین‌له، چکیج ووروشون،
بوغونوق سسینده جانلانان ووقار،
ووقارلا گزیور دیاربه‌دیار.
اون بئش ایل اولدو، گؤرن‌لر بیلیر،
کؤهنه دونیا بیر گون یالانلار قوسدو.
میلیونلارجا خالقین سوسدو ویجدانی،
اَیری‌لر هایقیردی، دوغرولار سوسدو.
اوجالدی جلّادین امر و فرمانی،
کسیلن باشلارین تؤکولدو قانی.
دَییشدی هر شئیین اسکی معناسی،
قاسیرغالار چؤکدو، ایلدیریم چاخدی
چوخالدی دونیانین ماتمی، یاسی،
تانریلار دونیایا یئنیدن باخدی.
دؤندو دومانلارا یوکسلن آهلار،
عشقین ماتمینی توتدو گوناهکار
چوخدان چیچک گؤروب گولمه‌ین چؤللر،
بوزلو، قارلی چؤللر بیتیردی لاله.
اوغورسوز بیر قووّت چؤکوب هر یئره،
الینده بیر سوسلو، قانلی پیاله.
درمان ظنّ ائله‌ییب دوشدویو درده،
سئونلر ده ایچدی، سئومه‌ین‌لر ده.
وارلینین گلیری، خالقین زیانی،
بیرلشیب ایکیسی- بیر اولدو آدی.
میلیون اینسانلارین قوسدوغو قانی،
بئش-آلتی سرسری ایچیب دویمادی.
ایلدیریملی بیر سس، بیر سیجاق نفس،
سؤیله‌دی دونیایا: «داها بسدی، بس!»
بشر دردلرینین درمانی بیردیر،
دوغرو بیر یول آنجاق گله‌جکده‌دیر.
#احمد_جاواد
#شعر_اوجاغی
@SheirOcagi
▫️فضولی
اوفوق‌لرده گونش سؤندو بیر آخشام چاغی،
چوخ اوغورسوز بیر قارانلیق چؤکدو دونیایا.
گؤرونجه کی سؤنمکده‌دیر صنعت اوجاغی،
او یالواردی، هم سیغیندی «طبعِ والا»یا.
اؤز کیمسه‌سیز تورپاغینا باخدی «فضولی»،
بیر سؤنمه‌ین شیمشک اولدو، چاخدی فضولی.
چۇلغامؽشکن قونشولاری شنلیک، اَیلنجه،
سوسموش ایدی دوغما یوردون صؤحبتی، سازی.
آغ‌ساققال‌لی هر قوجایا، سئودالی گنجه،
اؤیردن‌لر چوخالمیشدی راز و نیازی.
ائل دردینین درمانینی تاپدی فضولی،
اونونچون‌دور بؤیوک شاعیر اولدو فضولی.
چکمک اوچون او بوشلوغا یئنی بیر پرده،
ایش قالمیشدی بیر سئویملی، پارلاق اولدوزا.
علمِ عورفان قازانماغا گئتدیگی یئرده،
اسیر اولدو، عاشیق اولدو بیر قومرال قیزا.
ایلهامینی او قومرالدان آلدی فضولی،
سوسموش ائله بیر یئنی سس سالدی فضولی.
کؤمک ائتدی او جوشقونا بیر گؤزل پری،
اوووتماغا دردلرینی غم اؤلکه‌سینده.
گؤزل‌لیگه تاپیندیغی او گوندن بری،
بیر باشقالیق دۇیولماقدا اونون سسینده.
چوخ دوغرودور، سئودیگیندن یاندی فضولی،
سئودیگیندن دردی ده خوش ساندی فضولی.
دؤرد یوز ایل‌دیر توتولموشدور بیر آدسیز درده،
اومماقدادیر یالنیز اوندان دردینه چارا.
دؤرد یوز ایل‌دیر هم‌وطنیم اولان یئرلرده،
هر بیر سئوَن غزل یازار سئوگیلی یارا.
جام ایچیلن ایاق‌چا*یا دؤندو فضولی،
شاعیرلره بیر ایچیم مئی سۇندو فضولی.
#احمد_جاواد
* شراب پیاله‌سی
#شعر_اوجاغی
@SheirOcagi
اوفوق‌لرده گونش سؤندو بیر آخشام چاغی،
چوخ اوغورسوز بیر قارانلیق چؤکدو دونیایا.
گؤرونجه کی سؤنمکده‌دیر صنعت اوجاغی،
او یالواردی، هم سیغیندی «طبعِ والا»یا.
اؤز کیمسه‌سیز تورپاغینا باخدی «فضولی»،
بیر سؤنمه‌ین شیمشک اولدو، چاخدی فضولی.
چۇلغامؽشکن قونشولاری شنلیک، اَیلنجه،
سوسموش ایدی دوغما یوردون صؤحبتی، سازی.
آغ‌ساققال‌لی هر قوجایا، سئودالی گنجه،
اؤیردن‌لر چوخالمیشدی راز و نیازی.
ائل دردینین درمانینی تاپدی فضولی،
اونونچون‌دور بؤیوک شاعیر اولدو فضولی.
چکمک اوچون او بوشلوغا یئنی بیر پرده،
ایش قالمیشدی بیر سئویملی، پارلاق اولدوزا.
علمِ عورفان قازانماغا گئتدیگی یئرده،
اسیر اولدو، عاشیق اولدو بیر قومرال قیزا.
ایلهامینی او قومرالدان آلدی فضولی،
سوسموش ائله بیر یئنی سس سالدی فضولی.
کؤمک ائتدی او جوشقونا بیر گؤزل پری،
اوووتماغا دردلرینی غم اؤلکه‌سینده.
گؤزل‌لیگه تاپیندیغی او گوندن بری،
بیر باشقالیق دۇیولماقدا اونون سسینده.
چوخ دوغرودور، سئودیگیندن یاندی فضولی،
سئودیگیندن دردی ده خوش ساندی فضولی.
دؤرد یوز ایل‌دیر توتولموشدور بیر آدسیز درده،
اومماقدادیر یالنیز اوندان دردینه چارا.
دؤرد یوز ایل‌دیر هم‌وطنیم اولان یئرلرده،
هر بیر سئوَن غزل یازار سئوگیلی یارا.
جام ایچیلن ایاق‌چا*یا دؤندو فضولی،
شاعیرلره بیر ایچیم مئی سۇندو فضولی.
#احمد_جاواد
* شراب پیاله‌سی
#شعر_اوجاغی
@SheirOcagi