ከትላንት November1 ጀምሮ ከእስራኤል የጅምላ ፍጅት እና ከፍልስጢን ሙጃሂዶች ጋር በተያያዘ አልጀዚራ በሰበር ዜና የዘገባቸውን ዋናዋና ዜናዎች መራርጬ አቅሬቤላችኋለሁ።

▶️በተ/መ/ድ የ #ቦሊቪያ ልዑካን ጠንከር ያለ መልእክት አስተላልፏል።ከመግለጫቸው መካከል:
   √የፍልስጤም ህዝቦች ለረጅም ጊዜ በቅኝ ገዥ ሃይሎች ሲፈናቀሉ እና ከመሬታቸው ሲባረሩ ቆይተዋል።
  √የዜጎችን ግድያ እና የማንኛውንም ህዝብ ስቃይ አንቀበልም!
  √የፍልስጤማዊያን ህይወት የሌሎች የአለም ዜጎች ህይዎት አስፈላጊነት ጋር እኩል ነው!    √የፍልስጤም ህዝብ ዘግናኝ የሆነ የዘር ማጥፋት ወንጀል ተፈፅሞበታል!
  √ለፍልስጤም ህዝብ ሰላም እና የራስን እድል በራስ የመወሰን መብት ለመስጠት የተደረገው ጥረት ሁሉ በቂ አልነበረም!
  √እስራኤል በጋዛ ነዋሪዎች ላይ የጅምላ ግድያ(Genocide)እየፈፀመች፣ትምህርት ቤቶችን እና ሆስፒታሎችን እያወደመች፣ምግብ እና ውሃ እየከለከለች በሰው ልጆች ላይ ከባድ የጦር ወንጀል እየፈፀመች ሲሆን፣ወንጀለኞች በአለም አቀፍ ፍትህ ፊት መቅረብ አለባቸው ያለ ሲሆን፣ #የቦሊቪያ_መንግስት_ግን_ከዛሬ_ጀምሮ_ከእስራኤል_ጋር_ዲፕሎማሲያዊ_ግንኙነታችንን_ለማቆም_ወስነናል‼”ብሏል!!
በተጨማሪም የተባበሩት መንግስታት ድርጅት ፍልስጤም በተባበሩት መንግስታት ጠቅላላ ጉባኤ ውስጥ #ሙሉ_አባል_ሃገር ሆና እንድትቀላቀል መፍቀድ አለበት በማለትም አሳስቧል!እናመሰግናለን #ቦሊቪያ!
▶️የ #ደቡብ አፍሪካ መንግስት እስራኤል የፍልስጤም ህጻናትን በመግደል በአለም አቀፍ ህግ ጥሰት ላይ ምርመራ እንዲካሄድ ጠይቋል!የምንግዜም የፍልስጢን አጋር #ደቡብአፍሪካ እናመሰግናለን!
▶️አለም አቀፍ የእስልምና ሊቃውንት እና ተቋማት የአል-አዝሃር ሼክ የራፋህ መንገድ እንዲከፈት ግፊት እንዲያደርጉ ጠየቁ።
▶️የአል-ቃሳም ብርጌድ የ"አል-አሲፍ" ቶርፔዶ በአል-አቅሳ የጎርፍ መጥለቅለቅ ወቅት ለመጀመሪያ ጊዜ ጥቅም ላይ ከዋለ በኋላ የሚያሳይ ቪዲዮ አውጥቷል።
▶️የ #ሊቢያ ፕሬዚዳንታዊ ምክር ቤት ኃላፊ በጋዛ ውስጥ ለሚገኙ ሲቪሎችና ሆስፒታሎች የህክምና ፣ የምግብ እና የነዳጅ እርዳታ ፍሰት ለማረጋገጥ እርምጃዎች መወሰድ አለባቸው ያለ ሲሆን፣የእስረኞችን ፋይል በተመለከተ የግብፅ እና የኳታርን ጥረት እንደግፋለን በማለት አክሏል።
▶️የስኮትላንድ ጠቅላይ ሚንስትር ሃምዛ የሱፍ በዓለም ህዝብ ቸልተኝነት በጋዛ #ጃባሊያ ካምፕ ባሉ ንፁሀን ወንዶች፣ ሴቶች እና ህፃናት ሞት የተሰማውን ጥልቅ ሀዘን ገልፇል።
▶️ሮይተርስ የዩኤስ ፕሬዝዳንት ጆ ባይደን በዱባይ በህዳር ወር መጨረሻ ሊካሄድ በታሰበው የ COP28 የአየር ንብረት ጉባዔ ላይ አይገኙም ብሏል።ምን አገባን?

▶️#አል-አዝሀር በ #ጀባሊያ የተካሄደውን እልቂት አስመልክቶ ጠንከር ያለ መግለጫ አውጥቷል፡በመግለጫው“የጽዮናውያን ተግባር ወደ ጨካኝ ተኩላነት ተቀይሮ ህፃናትን፣ሴቶችን እና ንፁሃንን በመግደልና ሥጋቸውን በመብላት እየተደሰቱ ይገኛሉ”ያለ ሲሆን፣ በመቃብራቸው ውስጥ እንዳሉት ሙታን ዝምታ የዓለም አቀፉን ማህበረሰብ ቸልተኝነት ተችቷል።አል-አዝሃር በዓለም ዙሪያ ላሉ ሙስሊሞች ለጋዛ ሰዎች እንዲፀልዩም እንዲህ በማለትጥሪ አቅርቧል:“አንተም ሙስሊም ሆይ! የትም ብትሆን ከሶላትህ በኋላ የነቢይህን ዱዓ ማድረግን አትርሳ!
اللهم يامنزل الكتاب ومجري السحاب وسريع الحساب وهازم الاحزاب اهزمهم وزلزلهم وانصرنا عليهم
የሚለውን ዱዓ እንድናበዛም አሳስቧል።
▶️ግብፅ የጋዛ ስደተኞችን እንድትቀበል የአውሮጳ ሀገራት ጫና እንዲያደርጉ #ኔታንያሆ ጠይቋል!ከመጋረጃ ጀርባ ምን እየሆነ ነው?(ግብፅ የጋዛ ኗሪዎችን በሲናይ በረሃ ለማስፈር ከእስራኤልና አሜሪካ ጋር ድብቅ ስምምነት አላት እየተባለ ይታማል!ወደፊት የምናየው ይሆናል!
▶️የ #ቺሊ ፕሬዝዳንት እስራኤል በጋዛ ባደረሰችው ተቀባይነት የሌለው የአለም አቀፍ የሰብአዊ ህግ ጥሰት ምክንያት የሀገራቸውን አምባሳደር ከቴል አቪቭ መጥራታቸውን አስታውቀዋል‼
የአረብ ሃገራት የት ናቸው?
#ShameOnYouArabCountries!
▶️የኮሎምቢያ ፕሬዝዳንት “በእስራኤል የሚገኘውን አምባሳደራችንን ለምክክር ልጠራ ወስኛለሁ፤እስራኤል በፍልስጤም ህዝብ ላይ እየደረሰች ያለውን እልቂት ካላቆመች እዚያ መቆየት አንችልም”‼ብሏል!!ThankYouColombia!

▶️አሜሪካዊው አሳቢ #ኖርማን_ፍሊንስታይን“የሆሎኮስት ኢንዱስትሪ” የተሰኘው መጽሐፍ ደራሲ ሲሆን ዓለም አቀፉ ፍርድ ቤት #እስራኤልን እና የፕሬዚዳንት #ባይደንን አስተዳደር በዘር ማጥፋት ወንጀል ማውገዝ ይኖርበታል በማለት ተናግሯል!
▶️የዲሞክራቲክ ተወካይ ኮሪ ቡሽ በጃባሊያ እልቂት ላይ አስተያየት ሲሰጡ “ይህ የጦር ወንጀል ነው፣በመሆኑም ዋሽንግተን እነዚህን ጭካኔዎች በገንዘብ መደገፏን መቀጠል የለባትም፣ስለዚህ አፋጣኝ የተኩስ አቁም መኖር አለበት!”ብሏል።
▶️የጃፓን ጠቅላይ ሚኒስትር በመካከለኛው ምስራቅ ሀገራት የተፈጠረውን ውጥረት ለማርገብ እና የተረጋጋ የኃይል አቅርቦትን ለማረጋገጥ ዲፕሎማሲያዊ ጥረት ለማድረግ እፈልጋለሁ ብሏል።ምን አይነት ዲፕሎማሲ?
▶️የፍልስጤም ቴሌኮሙኒኬሽን ኩባንያ "ፓልቴል"በጋዛ ሰርጥ ውስጥ ያሉ ሁሉም የመገናኛ እና የኢንተርኔት አገልግሎቶች በድጋሜ ሙሉ ለሙሉ መቋረጣቸውን አስታውቋል።
▶️በ #ደቡብኮሪያ ዋና ከተማ #ሲኦል በሚገኘው የእስራኤል ኤምባሲ ፊት ለፊት በጋዛ ላይ የሚደርሰውን ጥቃት ለመቃወም እና ጦርነቱ እንዲያበቃ ለመጠየቅ ሰልፍ ተደርጓል።
▶️የወራሪው ጦር ጦርነቱ ከተጀመረበት ጊዜ አንስቶ የኛ ሃይሎች ከ11,000 በላይ የአሸባሪ ድርጅቶችን ኢላማዎች በጋዛ ላይ ጥቃት አድርሰዋል።
▶️ሂዩማን ራይትስ ዎች እስራኤል በጋዛ ላይ የጀመረችው የቦምብ ጥቃት እና ከበባ በአካል ጉዳተኞች ላይ ከፍተኛ ኪሳራ አስከትሏል ብሏል።
▶️የቻይና የውጭ ጉዳይ ሚኒስቴር ቃል አቀባይ በጋዛ የሚፈጸመው ግድያ ከመቆሙ በፊት የስንት ንፁሃን ህይወት መጥፋት አለበት?ሲል ጠይቋል።
▶️የኩዌት ውጭ ጉዳይ ሚኒስቴር በተከበበው የጋዛ ሰርጥ በሚገኘው የጃባሊያ ካምፕ ላይ ወራሪው ሀይል የጀመረውን ያልታጠቁ ሰላማዊ ዜጎችን የማጥቃት ተግባር በጥብቅ እናወግዛለን ያለ ሲሆን፣ባለፈው አርብ በወጣው የተባበሩት መንግስታት ጠቅላላ ጉባኤ ውሳኔ መሰረት አፋጣኝ የተኩስ ማቆም እና ሰብአዊ እርቅ እንዲደረግ እንድሁም የአለም አቀፉ ማህበረሰብ እና የፀጥታው ምክር ቤት ኃላፊነታቸውን እንዲወጡ እና ፍልስጤማውያንን ለመጠበቅ እና የጥቃት አዙሪት እንዲቆም በፍጥነት እንዲንቀሳቀሱ እንጠይቃለን ብሏል።
▶️የእስራኤል የውጭ ጉዳይ ሚኒስቴር ቦሊቪያ ከእኛ ጋር ያላትን ግንኙነት ለማቋረጥ መወሰኗ ለሽብርተኝነት እና ለኢራን አገዛዝ እጅ መስጠት ነው በማለት ብስጭቱን ገልፇል።
▶️ለሮይተርስ እንደዘገበው ኳታር በግብፅ፣ሀማስ እና እስራኤል መካከል ከዋሽንግተን ጋር በማስተባበር የራፋህ ድንበር አቋራጭን ዛሬ ለመክፈት ስምምነት ላይ ለመድረስ እያስታረቀች ነው ብሏል።አንድ ምንጭ ለሮይተርስ እንደተናገረው የኳታር ስምምነት በድርድር ላይ ካሉ ሌሎች ጉዳዮች ለምሳሌ ታጋቾችን ከመፍታት ወይም ከሰብአዊ እርቅ ስምምነት ጋር የተገናኘ አይደለም ብሏል።
#𝓐𝓫𝓭𝓮𝓵𝓪𝔃𝓲𝔃_𝓑𝓲𝓷𝓜𝓾𝓱𝓪𝓶𝓶𝓮𝓭
https://t.me/Seyfel_Islam
https://Ummalife.com/AbdelazizBinMuhammed

#የዛሬው_የፍርድቤት_ውሎ!
✍𝓐𝓫𝓭𝓮𝓵𝓪𝔃𝓲𝔃 𝓑𝓲𝓷𝓜𝓾𝓱𝓪𝓶𝓶𝓮𝓭
https://t.me/Seyfel_Islam

⏺መቀመጫውን በኔዘርላንድ ዋና ከተማ #ሄግ ያደረገው ዓለም አቀፉ የፍትህ ፍርድ ቤት እስራኤል በጋዛ ላይ በፈፀመችው የዘር ማጥፋት ወንጀል ምክናየት #ደቡብ_አፍሪካ ባቀረበችው ክስ ላይ ዛሬ January 26/2024 ብይን ሰጥቷል።
“በጋዛ ቀጣይነት ያለው የህይወት መጥፋት በእጅጉ ያሳስበናል!” በማለት የጀመረው ፍርድቤቱ፣ “ደቡብ አፍሪካ እስራኤል በጋዛ ላይ የዘር ማጥፋት ወንጀል ፈፅማለች በማለት ያቀረበችውን ክስ ውድቅ ለማድረግ እስራኤል ያቀረበችው የመከላከያ ክርክር ተቀባይነት አላገኘም!” ብሏል።
“ከ93% በላይ የሚሆነው የጋዛ ሰርጥ ህዝብ ምግብ ማግኘት አልቻለም፤ፍልስጤማውያን የዘር ማጥፋት ወንጀልን ለመከላከል በወጣው ስምምነት መሰረት #ጥበቃ የሚያስፈልጋቸው ጎሳዎች ናቸው!”በማለት የደቡብ አፍሪካን ክስ ተጋርቷል።
የፍርድቤቱ ዳኛ በማስከተልም “በእስራኤል ላይ የቀረበውን የዘር ማጥፋት ወንጀል  ክስ ውድቅ አናደርግም፣ክሱን ውድቅ ለማድረግ እስራኤል ያቀረበችው ጥያቄ ተቀባይነት ሊኖረው አይችልም!”ብለዋል።
“በጋዛ ያሉ ፍልስጤማውያንን ከዘር ማጥፋት ድርጊቶች የመታደግ መብታቸውን አረጋግጠናል!”ያሉት የፍርድቤቱ ዳኛ፣
“አሁን ባለው ሁኔታ በጋዛ ምግብ እና ውሃን ጨምሮ መሰረታዊ ፍላጎቶችን የማግኘት እድል የለም!”ብለዋል።

ለዚህ ውሳኔያቸው እንደግብአት የተጠቀሟቸውን ተጨማሪ መረጃዎችንም የጠቀሱት የፍርድቤቱ ፕሬዝዳንት፣
“በጋዛ ሰርጥ እየደረሰ ስላለው የሰብአዊ ሁኔታ መባባስ የ #UNRWA መግለጫም ከግምት ውስጥ አስገብተናል።በተጨማሪም የተባበሩት መንግስታት ዋና ፀሃፊ በጋዛ ሰርጥ በሲቪሎች ላይ የደረሰው ጉዳት #የጦር_ወንጀል መሆኑን አመልክቷል።”በማለት ለደቡብ አፍሪካ ክስ አጋዥ መረጃዎችን ጠቃቅሰዋል።
ሌላው ቢቀር የእስራኤል መከላከያ ሚንስትር ጦርነቱ እንደተጀመረ በሚድያ ቀርቦ “ከሰው መሰል እንስሳት ጋር እየተዋጋን ነው”በማለት የተናገረውን ፀያፍ ንግግር እንኳን ብንወስድ፣በደቡብ አፍሪካ የቀረበውን ክስ ፍርድ ቤቱ ውድቅ ማድረግ አይችልም ብለዋል።
ሁሉም በጋዛ ግጭት ውስጥ ተሳታፊ የሆኑ ወገኖች አለም አቀፍ የሰብአዊ ህግጋትን እንዲያከብሩ እና ታጋቾቹን ያለ ምንም ቅድመ ሁኔታ እንዲፈቱ ያሳሰቡት የዓለም አቀፉ ፍትህ ችሎት ፕሬዝዳንት
በመጨረሻም“እስራኤል በጋዛ ነዋሪዎች ላይ ከግድያ፣ጥቃት እና ውድመት ጋር የተያያዙ #ሁሉንም ነገሮች ለማስወገድ #ቃል_መግባት አለባት!”በማለት ደቡብ አፍሪካ በእስራኤል ላይ ያቀረበችውን ክስ ተቀብሎ በጋዛ ላይ የሚደርሰውን የዘር ማጥፋት መከላከል እንድትችል ጠይቋል።

⏺በመቀጠል ደግሞ ውሳኔውን በተመለከተ ከተለያዩ ሃገራት፣መሪዎችና ድርጅቶች የተሰጡ አስተያየቶች የተወሰኑትን እንይ።
👌በዛሬው የፍ/ቤት ውሳኔ ላይ አስተያየት የሰጡት የደቡብ አፍሪካው ፕሬዝዳንት ጀግናው #ሲሪል_ራማፎዛ “የዛሬው የአለም አቀፍ ፍርድ ቤት ውሳኔ የፍትህ ድል ነው።የአለም አቀፍ ፍርድ ቤት ውሳኔ ደቡብ አፍሪካ በእስራኤል ላይ ቅሬታዋን ማቅረቧ ትክክል እንደነበር አረጋግጧል!”ያሉ ሲሆን፣“የአለም አቀፍ ፍርድ ቤት ውሳኔ እና የወሰዳቸውን እርምጃዎች በደስታ እንቀበላለን!”ብለዋል።
ፕሬዝዳንት ራማፎዛ በማስከተልም “እስራኤል ዛሬ በአለም አቀፉ ማህበረሰብ ፊት ቆማለች!ስለዚህ በፍልስጤማውያን ላይ የምትፈጽመው #ወንጀል በግልፅ ይታያል!”ብለዋል።
በመጨረሻም ፕሬዝዳንት ራማፎዛ፣“ከአለም አቀፍ ፍትህ ውሳኔ በኋላ በጋዛ የተኩስ አቁምን ለማሳካት እና የሁለት ሀገር መፍትሄን ለማምጣት ድርድር ለመጀመር የጋራ ጥረት መደረግ አለበት!”ብለዋል።
👌የደቡብ አፍሪካ የአለም አቀፍ ግንኙነት ሚኒስትር “በሺዎች የሚቆጠሩ ፍልስጤማውያን ሲገደሉ እያየን ዝም ብሎ መመልከት ብቻ አልቻልንም!”በማለት ደቡብ አፍሪካ ክሱን ለመመስረት የተገደደችበትን ፍፁም #ሰብዓዊነት የገለፀ ሲሆን፣
“ፍርድ ቤቱ #የተኩስ_አቁም_ውሳኔ_ቢያወጣ #ደስ_ባለን_ነበር!”በማለት ውሳኔው የጅምላ ጭፍጨፋ እንድቆም እንጅ የተኩስ አቁም እንድደረግ ውሳኔ ባለማሳለፉ የተሰማቸውን ቅሬታ ተናግረዋል።
👌የደቡብ አፍሪካ የውጭ ጉዳይ ሚኒስትርም በበኩሉ በጋዛ ውስጥ #የተኩስ_አቁም ከሌለ በስተቀር የዓለም አቀፍ ፍርድቤት ትእዛዝ ተፈፃሚ ይሆናል ብሎ እንደማያስብ ስጋቱንና ቅሬታውን የገለፀ ሲሆን “ለማንኛውም ግን ይሄም ቢሆን የፍትህ ፍርድ ቤቱ ውሳኔዎች እስራኤል ለአለም አቀፍ ህግ ያላትን ቁርጠኝነት #ለመገምገም ጠቃሚ ምልክት እና ፈተና ነው!”ብሏል።
በመጨረሻም “ደቡብ አፍሪካ #ፍልስጤማውያን ትክክለኛ ፍትህ እስከሚያገኙ ድረስ #ከጎናቸው ስለምትቆም በፍፁም #ተስፋ_እንዳይቆርጡ እንጠይቃቸዋለን!”በማለት #ደቡብ_አፍሪካ ምን አይነት የሰብአዊነት ውሃልክ እንደሆነች በአለምህዝብ ፊት ፍልስጤማዊያን መቸም ሊረሱት የማይችሉት ልብ የሚነካ መግለጫ የሰጠው የደቡብ አፍሪካ የውጭ ጉዳይ ሚኒስቴር፣ራሷን ብቸኛ የሰብአዊ መብት ተሟጋች አድርጋ ስታቀርብ የነበረችውና በጋዛ የዘርማጥፋት ወንጀል #ቀጥተኛ ተሳታፊ የሆነችውን እጅግ መጥፎና አስመሳይ #አሜሪካ ብሎ ሀገር ፕሬዝዳንት ጆባይደን“በጋዛ ህይወትን ለማዳን በሚያበረክተው ማንኛውም የሰብአዊ ስራ ላይ መርዳት አለባቸው!”በማለት በአሽሙር ነካ አድርጎታል!
👌ሌላኛው ስለዛሬው የፍርድቤት ውሳኔ ሀሳብ የሰጠው የደቡብ አፍሪካ አቃቤ ህግ ቡድን“ሁሉም ሀገራት የዛሬውን የፍትህ ፍርድ ቤት ውሳኔ እንዲያከብሩ እንጠይቃለን፤ፍርዱ ማንም ሰው ከህግ በላይ እንዳልሆነ ለእስራኤል ግልፅ መልእክት ነው!”ብሏል።
👌አሁንም ከደቡብ አፍሪካ ሳንወጣ በዛሬው የፍርድቤት ውሳኔ ዙሪያ ሀሳብ የሰጡት የደቡብ አፍሪቃ የፍትህ ሚኒስትር በበኩላቸው“እስራኤል የአለም አቀፍ ፍርድ ቤት ውሳኔን ታከብራለች ብለን ተስፋ እናደርጋለን!”ያሉ ሲሆን በማስከተልም “እኛ ደቡብ አፍሪካዊያን የዘር ማጥፋት ኮንቬንሽኑ ተከላካይ በመሆናችን
የቀድሞ ፕሬዝዳንት ኔልሰን ማንዴላ በመቃብራቸው ውስጥ ፈገግ የሚሉ ይመስሉናል!”በማለት ባደረጉት ሰብአዊነትና የሞደላቸውን የደቡብ አፍሪካ የነፃነት ታጋይና የመጀመሪያው ፕሬዝዳንታቸውን ኔልሰን ማንደላ ራእይ እውን በማድረጋቸው የተሰማቸውን ደስታ ገልፀዋል።

👌በዛሬው የፍርድቤት ውሳኔ ዙሪያ አስተያየታቸውን ከሰጡ የሀገራት መሪዎች መካከል #የስፔን ጠቅላይ ሚኒስትር ሲሆን፣
“የዓለም አቀፉን የፍትህ ፍርድ ቤት ውሳኔ በደስታ እንቀበላለን!እናም የተለያዩ አካላት ፍርድቤቱ ያወጣቸውን ጊዜያዊ እርምጃዎች ተግባራዊ እንዲያደርጉ እንጠይቃለን!”ብሏል።
ፕሬዝዳንቱ በማስከተልም“ጦርነቱ እንዲቆም፣ታጋቾቹ እንዲፈቱ እና ከእስራኤል ጎን ለጎን #የፍልስጤም_መንግሥት እንዲመሰረት ጥሪያችንን እንቀጥላለን!”ብሏል።

👌ሌላኛው ሀሳባቸውን የሰጡት #የአየርላንድ የውጭ ጉዳይ ሚኒስትር ሲሆኑ እርሳቸውም “የአለም አቀፍ ፍርድ ቤት ውሳኔዎችን በደስታ እንቀበላለን! እናም ይህንን ግጭት ማስቆም በሁሉም ወገኖች ሊተገበር የሚገባው ቅድሚያ የሚሰጠው ጉዳይ ነው!”ብለዋል።

👌ከዛሬው የፍ/ቤት ውሳኔ በኋላ ሀሳባቸውን ካስተላለፉት መሪዎች መካከል #የቤልጂየም ጠቅላይ ሚኒስትር በበኩላቸው “እስራኤል በአለም አቀፍ የፍትህ ፍርድ ቤት ትዕዛዝ ውስጥ ያሉትን ጊዜያዊ እርምጃዎች ሙሉ በሙሉ እንድትተገብር እንጠይቃለን!”ብለዋል።

👌 #የስኮትላንድ ጠቅላይ ሚኒስትር በበኩሉ“የፍትህ ፍርድ ቤቱ ትዕዛዝ ግልጽ ነው!እናም በጋዛ ያለው ግድያ እና ውድመት መቆም አለበት!”ብሏል።

አለም አቀፉ የፍትህ ፍርድ ቤት #ደቡብ_አፍሪካ በእስራኤል ላይ የመሰረተችውን የዘር ማጥፋት ወንጀል ክስ ለመቀላቀል #ከሜክሲኮ ጥያቄ እንደቀረበለት አስታወቀ።

የፍርድ ቤቱ መግለጫ እንደሚለው፣ ሜክሲኮ እ.ኤ.አ. በ1948 የተባበሩት መንግስታት የዘር ማጥፋት ወንጀል መከላከልና መቅጣት ስምምነትን በመጣስ ደቡብ አፍሪካ በእስራኤል ላይ ያቀረበችውን ክስ እንድትቀላቀል ጠይቃለች።
#አልጀዚራ
https://t.me/Seyfel_Islam