ደቡብ አፍሪካ እስራኤል በጋዛ የዘር ማጥፋት ወንጀል እየፈፀመች መሆኑን ለተባበሩት መንግስታት ድርጅት አዲስ ማስረጃ አቀረበች

ደቡብ አፍሪካ እስራኤል በተከበበችው የፍልስጤም ግዛት በጋዛ ሰርጥ የዘር ማጥፋት ወንጀል እየፈፀመች ነው የሚለውን ውንጀላ ለማጠናከር ለተባበሩት መንግስታት ድርጅት ከፍተኛ ፍርድ ቤት አዲስ ማስረጃ አቅርባለች፡፡

አዲሱ ማስረጃ እስራኤል “በጋዛ የሚኖሩ ፍልስጤማውያንን በማዉደም የዘር ማጥፋት ስምምነቱን በመጣስ፣ በተለያዩ አጥፊ መሳሪያዎች በመግደሏ፣ ሰብአዊ ርዳታ እንዳያገኙ በማድረግ” የሚያሳዩ አዳዲስ መረጃዎችን ያካትታል ሲሉ የደቡብ አፍሪካው ፕሬዝዳንት ሲረል ራማፎሳ ተናግረዋል።ማስረጃው የሚያሳየው የእስራኤል ድርጊት ፍልስጤማውያንን አካላዊ ውድመት ላይ ያነጣጠረ እንዲሁም በአለም አቀፍ የፍትህ ፍርድ ቤት የተሰጠዉን ዉሳኔ “ቸል በማለት እና በመቃወም” ላይ ያነጣጠረ መሆኑን ተናግረዋል፡፡

እስራኤል “ረሃብን እንደ ጦርነት መሳሪያ እና የእስራኤል አላማን ለማሳካት በጅምላ ሞት እና ፍልስጤማውያንን በግዳጅ በማፈናቀል የጋዛን ህዝብ ለማራቆት እየተጠቀመች ነው” ሲል ከ750 ገፆች በላይ በዝርዝር የቀረቡትን ማስረጃዎች በማጣቀስ ቀርቧል፡፡የአዳዲስ ማስረጃዎች ምንነት ለህዝብ ይፋ ላይሆን ይችላል ብሏል።እስራኤል በጋዛ የዜጎችን ግድያ እያጠናከረች ባለችበት በዚህ ወቅት  “በሊባኖስ ተመሳሳይ የጥፋት መንገድ ለመከተል ያሰበች ይመስላል” ሲሉ ራማፎሳ ማስረጃን መመዝገብ ያስፈልጋል ሲሉ ተደምጠዋል፡፡

እስራኤል ለአዲሱ ማስረጃ በሚቀጥለው አመት ሀምሌ 28 ምላሹን ማቅረብ አለባት።ደቡብ አፍሪካ በ2023 መጨረሻ ላይ በሄግ በሚገኘው ፍርድ ቤት በእስራኤል ላይ የዘር ማጥፋት ወንጀል ክስ መስርታ፣ ካለፈው ጥቅምት ወር ጀምሮ ጋዛን ያለ እረፍት መደብደቧን አስታዉቃለች፡፡ቱርኪዬ፣ ኒካራጓ፣ ፍልስጤም፣ ስፔን፣ ሜክሲኮ፣ ሊቢያ እና ኮሎምቢያን ጨምሮ በርካታ ሀገራት በጥር ወር የክስ ሂደቱን ተቀላቅለዋል።

በግንቦት ወር ከፍተኛው ፍርድ ቤት እስራኤል በደቡባዊ ጋዛ ራፋህ ከተማ የምታደርገውን ጥቃት እንድታቆም አዟል። ከጥቅምት 7 ቀን 2023 ጀምሮ ወደ 43,000 የሚጠጉ ፍልስጤማውያን በተለይም ህጻናት እና ሴቶች የተገደሉ ሲሆን 100,000 በላይ የሚሆኑት ደግሞ ቆስለዋል፡፡እስራኤል የዘር ማጥፋት ቅስቀሳዎችን እራሷን ለመከላከል የምትወስደዉ እርምጃ አስመስላ አቅርባለች ሲሉ ራማፎሳ ተናግረዋል። አለም አቀፉ ማህበረሰብ በጋዛ እየደረሰ ያለውን አደጋ ለማስቆም  ፣ጥፋቱ እና ስቃዩ ሊቀጥል በርካታ የተባበሩት መንግስታት አካላት እርምጃዎች እና ጣልቃገብነቶች ቢኖሩም እስራኤል አለም አቀፍ ግዴታዎችን ባለመወጣት ነዉ ሲሉ አክለዋል፡፡

በስምኦን ደረጄ
#ዳጉ_ጆርናል

" በአስቸኳይ ተማሪዎቹ መብታቸው ተጠብቆ ወደ ትምህርት ገበታቸው ተመልሰው ያመለጣቸው ትምህርት ይካካስ " - ከፍተኛ ምክር ቤቱ

ካለፋት ሁለት ሳምንታት ወዲህ በአዲስ አበባ በሚገኙ አንዳንድ ትምህርት ቤቶች ውስጥ ሙስሊም ሴት ተማሪዎች ላይ በአለባበሳቸው ምክንያትና በእምነታቸው ላይ ያነጣጠረ ከእለት ወደ እለት እየሰፋ ያለ ጫናና እንግልት እየተከሰተ መኖሩን የአዲስ አበባ እስልምና ጉዳዮች ከፍተኛ ምክር ቤት አሳውቋል።

ከፍተኛ ምክር ቤቱ ይህን ያሳወቀ ለከተማው ትምህርት ቢሮ በላከው ደብዳቤ ነው።

" ችግሩ ከተፈጠረበት ቀን ጀምሮ ትምህርት ቤቶቹ በሚገኙበት ወረዳና ክ/ከተማ የመጅሊስ መዋቅሮቻችን አመራር አማካኝነት ችግሩን ለመፍታት ጥልቅ ውይይት በማድረግ ጥረት ተደርጓል " ብሏል።

" በዚህም መሰረት ከተወሰኑ ት/ት ቤቶች ጋር በተደረገ ስምምነት ተማሪዎች ወደ ትምህርት ገበታቸው እንዲመለሱ ተደርጎ የነበረ ሲሆን ከቀናት በኋላ ግን ከውይይቱ ስምምነት በመውጣት ተማሪዎችን ማስክ እንኳ ቢሆን እድርገው እንዳይገቡ ተከልክለዋል " ሲል ምክር ቤቱ ገልጿል።

እነዚህ ትምህርት ቤቶች እነማን እንደሆኑ በዝርዝር ያለው ነገር የለም።

በጉዳዩ ላይ ሰሞኑን ከከተማው ትምህርት ቢሮ ኃላፊዎች ጋር ውይይት ሲያደርግ እንደነበርም አስታውሷል።

ምክር ቤቱ " የአዲስ አበባ ት/ት ቢሮ ባወጣው የተማሪዎች የዲሲፒሊን መመሪያ ውስጥ አንድም ቦታ ላይ ክልከላ የሌለበት አለባበስ ስለመሆኑ ባደረግነው ውይይት ተማምነናል " ብሏል።

" ይህ ሆኖ ሳለ በአንዳንድ ኃላፊነት በጎደላቸው አመራሮች ምክንያት ችግር በሚፈጥር መልኩ እየተሄደበት ያለው አካሄድ ተማሪዎችን ከትምህርት ገበታቸው ያላግባብ እንዲታገዱ መደረጉና የስነ-ልቦና ጫና መፈጠሩ የየትኛውም ህግ ድጋፍ የሌለውና ህዝበ ሙስሊሙንና መንግስትን ለማጋጨት የሚደረግ ጥረት መሆኑን መገንዘብ ያስፈልጋል " ሲል አክሏል።

" ስለሆነም በአስቸኳይ መፍትሄ እንዲሰጥና ተማሪዎቹም መብታቸው ተጠብቆ ወደ ትምህርት ገበታቸው ተመልሰው ያመለጣቸው ትምህርት እንዲካካስላቸው " ሲል አሳስቧል።

በሌላ በኩል ፥ የአዲስ አበባ ከተማ እስልምና ጉዳዮች ከፍተኛ ምክር ቤት ከተማሪዎች ጋር ውይይት ማድረጉን አመልክቷል።

ሰሞኑን በአንዳንድ ትምህርት ቤቶች ውስጥ በሙስሊም ሴት ተማሪዎች አለባበስ ምክንያት ችግሮች መከሰታቸው ፤ በዚህም ተማሪዎቹ ለ3 ሳምንታት ያህል ከትምህርት ገበታቸው እንደተስተጓጎሉ ተገልጿል።

እነዚህን ተማሪዎችን የሚወክሉ ከአዲስ ከተማ ት/ቤቶች የተውጣጡ ተማሪዎች በተሳተፉበት በዛሬው ውይይት ፦

° ከትምህርት ገበታቸው የተለዩ ተማሪዎች ወደ ትምህርታቸው እንዲመለሱ ተጠይቋል።

° በትምህርት ቤቶቹ ውስጥ ሙስሊም ሴት ተማሪዎችንና አለባበሳቸውን መነሻ በማድረግ እየተስተዋለ ያለው አግላይነትና ከትምህርት የማራቅ ተግባር ዘላቂ መፍትሔ ሊሰጠው ይገባል ተብሏል።

° ዛሬ ከአለባበስ ጋር ተያይዞ የተነሳው ጥያቄ ነገ ወደ ሌላ የእምነቱ የስርዓተ አምልኮ ላይ ተሸጋግሮ ችግር ይፈጥራል የሚል ስጋት ገብቶናል ያሉ ተማሪዎቹ የተነሳውን ችግር ከወዲሁ እንዲፈታ አሳስበዋል።

የምክር ቤት አመራሮቹ ምን አሉ ?

➡️  ምክር ቤቱ የተፈጠረውን ችግር ለመፍታት ጉዳዩ ከተከሰተ ቀን ጀምሮ ከፍተኛ ትኩረት ሰጥቶ እየተንቀሳቀሰ መሆኑን ገልጸዋል።

➡️ ሙስሊሙ በሚታወቅበት ሰላም ፈላጊነቱ ምክንያት እስካሁን የነበሩ ጉዳዮችን በሕግ አግባብ ማሳለፍ መቻሉን ገልጸዋል። አሁንም  በአዲስ ከተማ ክ/ከተማ አንዳንድ ትምህርት ቤቶች የተከሰተውን ችግር በተለመደው የሕግ አግባብ እልባት ለማስገኘት እየተሰራ መሆኑን አሳውቀዋል።

➡️ ሰሞኑንም ሆነ ከዚህ በፊት የተስተዋሉ ችግሮች መፍትሔ ያገኙ ዘንድ መላው ሙስሊም፣ ተማሪዎችና መሪው ተቋም መጅሊስ የተለመደ ሕጋዊ አካሄዱን አጠናክሮ እንደሚቀጥል በውይይቱ ወቅት ተነስቷል።

ከተማሪዎቹ ጋር በነበረው ውይይት የም/ ቤቱ ዋና ስራ አስኪያጅ አቶ ሪያድ ጀማል ፤ የትምህርትና ስልጠና መመሪያ ዳይሬክተር ኡስታዝ ሀሰን አሕመድ እና የመምሪያው ክፍል ኃላፊ የሆኑት ዶ/ር መሐመድ በድር ተገኝተው ነበር።

@Esat_tv1
@Esat_tv1

በኒቃባቸው ምከንያት ከትምህርት ገበታ ታግደው የነበሩ ተማሪዎች ወደትምህርት ገበታ እንድመልሱ ከስምምነት መድረሱን የአዲስአበባ መጅሊስ ገለፀ!

-ሀሩን ሚዲያ፣ጥቅምት 21/2017፣አዲስአበባ

የአዲስ አበባ ከተማ እስልምና ጉዳዮች ከፍተኛ ምክር ቤት ሰሞኑን በከተማችን በሚገኙ አንዳንድ ትምህርት ቤቶች ከሙስሊም ሴት ተማሪዎች አለባበስ ጋር በተያያዘ የተፈጠረውን ችግር ለመፍታት በመዋቅሮቻችን አማካኝነት በየደረጃው ተከታታይ ውይይቶችን ሲያደርግ መቆየቱ ገልጿል።

በትላንትናው እለት ጥቅምት 20/2016 የከፍተኛ ምክር ቤታችን ከፍተኛ አመራሮች እና ስራ አስፈፃሚዎች የአዲስ አበባ ከተማ አስተዳደር ሰላምና ጸጥታ ቢሮ ኃላፊ፣የአ/አ ከተማ ፓሊስ ኮሚሽን ኮሚሽነር እንዲሁም የከተማዋ ትምህርት ቢሮ ኃላፊዎች በተገኙበት በጉዳዩ ላይ ሰፋ ያለ ውይይት አድርገዋል።

በዚሁም መሰረት ችግሩ በተደጋጋሚ እየተከሰተ ያለና ዘላቂ መፍትሔ የሚያሻው ከመሆኑ አንጻር የአ/አ እስልምና ጉዳዮች ከፍተኛ ምክር ቤት ከፌደራል መጅሊስ እንዲሁም ከሚመለከታቸው የመንግስት አካላት ጋር በመሆን በጉዳዩ ላይ ዘላቂ እልባት የሚያመጣ የመፍትሔ ሀሳብ እንዲያቀርብ ከስምምነት ተደርሷል ተብሏል።

ከያዝነው ወር መጀመሪያ አካባቢ ጀምሮ ከትምህርት ገበታቸው የተገለሉ ተማሪዎችን በተመለከተ ግን በጊዜያዊነት ከመገለላቸው በፊት ይስተናገዱ በነበረበት ሁኔታ ወደ ትምህርት ገበታቸው እንዲመለሱና ትምህርታቸውን እንዲከታተሉ ከስምምነት ተደርሷል።

ከፍተኛ ምክር ቤታችን ቀሪውን ስራ በትኩረት የሚያከናውን ሲሆን በውይይቱ የተካፈሉ የከተማዋ ከፍተኛ የመንግስት ኃላፊዎች በሙሉ ችግሩን ለመፍታት ላሳዩትን ተነሳሽነት በከተማዋ ሙስሊም ማህበረሰብ ስም ላቅ ያለ ምስጋናችንን እናቀርባለን ሲል የአዲስ አዲስ አበባ መጅሊስ በማህበራዊ ትስስር ገፁ ባስተላለፈው መልክት አስተዋቋል።

©ሀሩን ሚዲያ

الخوف ليس من الموت فأنت ميت
لكن الخوف من القبر وظلمته والصراط وزلته والميزان وخفته والعذاب وشدته
لا تدري نفس بأي أرض تموت
اللهم احسن خاتمتنا وتجاوز عنا
وغفر لمن سبقونا وتجازوز عنهم

የታሰሩ ሙስሊም ተማሪዎች ዜና!
እለተ ማክሰኞ ጥቅምት 2017
----------------------------

   በኒቃብ ጉዳይ ከታሰሩት የአዲስ ከተማ ት/ቤት ሙስሊም ተማሪዎች መካከል አንዱ የሆነው ተማሪ አሚር አ/ከሪም ዛሬ ፍርድ ቤት ቀርቦ ነበር፤ ተማሪ አሚር በት/ቤት ውስጥ ት/ቱን በአግባቡ በመከታተል እና ተማሪዎች በአካዳሚም ይሁን በዲናዊ ህይወታቸው የተሻሉ እንዲሆኑ በመምከር የሚታወቅ አርአያ ተማሪ ሲሆን፤ ከት/ቤቱ ሙስሊም ተማሪዎች ጋር አብሮ እህቶቻችን ለምን ኒቃብ መልበስ ይከለከላሉ ብሎ በሰላማዊ መንገድ በመጠየቁ ብቻ ት/ቤቱ በከፈተው የውሸት ክስ እለተ አርብ በትምህርት ገበታ ላይ እያሉ ስም ዝርዝራቸው ለፖሊስ ተሰጥቶ በየክፍላቸው እየተዞረ ከተለቅሙት ሙስሊምች ተማሪዎች አንዱ ነበር።

  በዛሬው እለት በዋለው ችሎት አቃቢህጉ ት/ቤቱን በማስረበሽ እና የት/ቤት ንብረትን በማውደም የሚል የውሸት ክስ በተማሪ አሚር አ/ከሪም ላይ ያቀረበ ሲሆን ከአዲስ አበባ መጅሊስ ተወክሎ የቆመለት ጠበቃ ሁሴንም በችሎቱ ላይ ባቀረበው ብርቱ ክርክር የዋስ መብቱ ተጠብቆ በመጨረሻም በ5ሺ ብር ዋስ እንዲፈታ ተወስኗል፤ በቅድሚያ አላህን እናመሰግናለን በመቀጠል ለአዲስ አበባ መጅሊስ እና ለጠበቃ ሁሴን ምስጋናችን ይድረስ።

  ይህ በእንዲህ እንዳለ ተማሪ ነቢል እና ተማሪ ሰሚር በመጪው ሀሙስ ፍርድ ቤት የሚቀርቡ ሲሆን የክስ መዝገብ ላይ ስማቸው ሰፍሮ ያልተያዙ ሙስሊም ተማሪዎች አሁንም ድረስ በፖሊስ እየተፈለጉ በመሆኑ ሁሉም የት/ቤታችን ሙስሊም ተማሪዎች በነፃነት የመማር መብታቸው ተከብሮ ወደ ቀድሞው የትምህርት ገበታቸው እስኪመለሱ ድረስ ሁሉም ሙስሊም የሚችለውን አስፈላጊ ትብብር እንዲያደርግልን በአላህ ስም እንጠይቃለን።

ኒቃቧንም ትለብሳለች‼️
ትምህርቷንም ትማራለች‼️

©የአዲስ ከተማ ሙስሊም ተማሪዎች ጀመዐ

ለምንድን ነው ስደውል ያላነሳሽው?
አስተማሪ ታሪክ
~
ለሆነ ጉዳይ ለሶስት ቀናት መንገድ ወጣሁ። ሌላኛው ሃገር እንደደረስኩ ሚስቴንና አንድ ልጄን ደህንነታቸውን ለማስረገጥ ደወልኩ። ከዚህ በፊት ከነሱ ተለይቼ አላውቅም። እነሱም መራቄን አያውቁትም። ካገባሁ ሶስት አመቴ ነው። የሆነ ሆኖ ስልኬ አልተነሳም። ስልኬ ከእጄ ሳይነጠል ሶስት ቀናት አለፉ። ያለ ግነት በየ እሩብ ሰዓቱ ቢበዛ በየ ግማሽ ሰዓት እደውላለሁ። ምላሽ የለም።

በሃይለኛ ተበሳጨሁ። ወንድሜ እና እህቴ ላይ ደወልኩ። የትንሿን ቤተሰቤን ደህንነት እንዲያረጋግጡልኝ ጠየቅኳቸው። ሰላም እንደሆኑ ነገሩኝ። አላመንኳቸውም።

የሚስቴ እናት (አክስቴ) ላይ ደወልኩ። ሰላም እንደሆኑ ነገረችኝ። ስልካቸውን እንደምጠብቅ ነገርኳት። ብጠብቅ ብጠብቅ አንድም የሚደውል የለም።
ሶስቱ ቀናት ረጃጅም ሶስት ወራት ያክል ሆነው አለፉ። አንዳንዴ ቁጣዬ ከውስጥ ሲገነፍል ይሰማኛል። ሌላ ጊዜ በሁኔታው በጣም እየተገረምኩ ምክንያቱን ለማወቅ እሞክራለሁ።

ሸይጧን አስፈሪ ጉትጎታዎችን ደግሞ ደጋግሞ ያመጣብኛል። ቀናቱ አለፉ። ወደ ሃገሬ ተመለስኩ። እግሬ እንደረገጠ ወደ ቤቴ ነበር የበረርኩት። እንደደረስኩ በሩን አንኳኳለሁ። እሱም ሳይበቃኝ ደወሉን ላይ በላይ እደውላለሁ። ባለቤቴ በሩን ከፈተች። ከነ ሙሉ ውበቷ፣ ከነ ሙሉ ድምቀቷ። ባማረ በደመቀ ሁኔታ ተቀበለችኝ። ከባድ አጋጣሚ ነበር። ልጄ ከኋላዋ አለ። አይኖቹ በደስታ ይጨፍራሉ። ሊያቅፈኝ እየሮጠ መጣ። እኔ እንደደነዘዘ ሰው ሆኛለሁ። ሰበቡም ጠፋኝ። በፍጥነት በቁጣዬ ቦታ ግርምት ተተካ።

ባለቤቴን የዚህ ሁሉ ቸልትኝነት ምክንያቱ ምን እንደሆነ ጠየቅኳት። ጉዞዬን አቋርጬ በፍጥነት ልመለስ ተቃርቤ ነበር። አጉል ጥርጣሬ ከያቅጣጫው ወሮኝ ነበር።
ባለቤቴ ተረጋግታ መለሰችልኝ። "ለእናትህ ደውለሃል?" አለችኝ። ለምን እንደጠየቀችኝ ምክንያቷ ባይገባኝም እንዳልደወልኩ ነገርኳት። ንግግሯ ገዳይ ነበር ። እንዲህ አለችኝ፡ "በነዚህ ቀናት ውስጥ ስሜትህ ምን እንደሆነ አየህ አይደል? የእናትህም ስሜት ይሄው ራሱ ነው፣ ለቀናት ሳትደውልላት ስትቆይ። ናፍቆት ለብልቧት፣ ስጋት ገብቷት እሷ ካልደወለች በቀር አንተ ደውለህ ድምጿን አትሰማም። ይሄን ጉዳይ በተደጋጋሚ ላስረዳህ ሞክሬያለሁ። የምትረዳ ግን አልሆንክም። ክቡር ባለቤቴ! ከዚህ የተሻለ መልእክቴን የማደርስበት መንገድ አላገኘሁም።

እድሜዋ ትንሽ ዐቅሏ ግን ትልቅ የሆነችዋን ሚስቴን አፈርኳት። አንገቴን ደፋሁ። ትምህርቱ በሚገባ ነው የደረሰኝ። የመኪናዬን ቁልፍ እያቀበለችኝ ወደ ጀሮዬ ጠጋ ብላ "ጀነትህ እየጠበቀችህ ነው" አለችኝ።

እድሜ ልኬን የማልረሳውን ትምህርት ከጠቢቧ ሚስቴ ተምሬ ወደ መጀመሪያዋ ውዴ ወደ እናቴ ሄድኩኝ። ፀፀት በማይጠቅምበት ቀን ከመፀፀት ነፍሴን ስላተረፈችኝ ውለታዋን መቼም አልረሳም። ለዚች ጠቢብና አስተዋይ ሚስት ምስጋና ይገባታል። አሳምራ ኮትኩታ ላሳደገቻት እናቷ ምስጋና ይገባታል። እሷን ለመረጠችልኝ እናቴ ምስጋና ይገባታል።

እሷን ሰበብ አድርጎ በእዝነቱ ከእንቅልፌ ያነቃኝ ጌታ ምስጋና ይገባዋል።

እናቴ! እናታቶቻችሁ ! በዱንያ ያሉ ጀነቶቻችን ናቸው። ሌላው ቢቀር በየቀኑ በመደወል እንኳ ቢሆን አትርሷቸው። ይሄ ትንሹ ነገር ነው። ልቦቻቸው እኛን ይጠብቃሉ። ለኛ ዱዓእ ያደርጋሉ። በየ ሰዓቱ ስለኛ ይጨነቃሉ። እያሰቡ እየተጨነቁም ደጋግመው በመደወል እንዳይረብሹን በመስጋት ከመደወል ይታቀባሉ። ባሎቻችሁን፣ ሚስቶቻችሁን ወላጆቻቸውን እንዲያስቡ በማስታወስ አግዙ።

ከ0ረብኛ የተመለሰ
የብዙዎቻችን በተለይም የወንዶች ችግር ነውና እንድንማርበት ብታሰራጩት ባረከላሁ ፊኩም።
(ኢብኑ ሙነወር፣ ጥቅምት 26/ 2017)
=
የቴሌግራም ቻናል፦
https://t.me/IbnuMunewor

በመሃል አዲስ አበባ እምብርት ፒያሳ ላይ  የሚገኘው ጥንታዊው የሙስሊም ት/ቤት የመጀመሪያው አወሊያ ሊፈርስ መሆኑ ተሰማ!

- ሀሩን ሚዲያ፣ ጥቅምት 26/2017

ጥቅምት 24/2017 ዓ.ል በአወሊያ አዳራሽ በነበረው የወላጆች ስብሰባ ስለ አወሊያ የፒያሳው ቅርንጫፍ 1ኛ ደረጃ ት/ቤት ወቅታዊ ሁኔታ በትምህርት ዙሪያ በተጠራ ስብሰባ በበርካታ ወላጆች ጠንከር ያሉ ጥያቄዎች ሲነሱ እንደነበር ተሰምቷል።

ወላጆቹ ካነሷቸው ጥያቄዎች መካከልም ልጆቸው የት/ቤታቸው የመፍረስ አደጋ ስጋት እንደፈጠረባቸው አንስተው ስለጥንታዊ ተቋማቸው ወቅታዊ ሁኔታ ዘርዘር ያሉ ጥያቄዎችን በማንሳት ማብራሪያ እንዲሰጣቸው ለተቋሙ አስተዳደር ጥያቄ አቅርበዋል። 

በጉዳዩ ላይ ለወላጆች ማብራሪያ የሰጡት የአወሊያ ስራ አስኪያጅ አቶ ሰይድ አስማረም ጉዳዩ እውነት እንደሆነ አረጋግጠው በሂደቱ ላይ ግን ጉዳዩን የሚከታተል በኢትዮጵያ እስልምና ጉዳዮች ጠቅላይ ም/ቤት ስር አምስት አባላት ያሉት በኡስታዝ አቡበከር አህመድ ሰብሳቢነትና በኡስታዝ ካሚል ሸምሱ ም/ሰብሳቢነት የሚመራ ኮሚቴ ክትትል እየተደረገበት እንደሆነ ስራ አስኪያጁ ለሬዲዮ ነጃሺ ገልጸዋል።

ኮሚቴው ከተዋቀረ ከ2 ወራት በላይ እንዳስቆጠረ ያወሱት ስራ አስኪያጁ ከመንግስት አካላት ጋር የቅርብ ጊዜ ስብሰባውን ያለፈው አርብ ጥቅምት 22/2017 እንዳደረገ አብራርተዋል። ስራ አስኪያጁ ``ሙስሊሙ የመንግስትና የልማት ደጋፊ`` መሆኑን ገልጸው ኮሚቴው ተለዋጭ ቦታ ለመረከብ አማራጭ ቦታዎችን እያማተረና የስምምነት ጫፍ ላይ እንደደረሰ`` አውስተዋል።

ስራ አስኪያጁ በገለጻቸው ት/ቤቱ በ2016 የት/ት ዘመን ክልላዊ ፈትና 100% የ6ኛ እና 8ኛ ክፍል ተማሪዎችን በማሳለፍ ውጤታማ የሆነ ት/ቤት ሲሆን በክ/ከተማ ደረጃም የዋንጫ ሽልማት እንዳገኘ ገልጸዋል።

ይህ ቦታ በዓለም አቀፍ የሙስሊም ሊግ ዋና ጸሃፊና በአዲስ አበባ ከንቲባ የጠ/ም/ቤቱ ባሉበት የዛሬ ዓመት ገደማ በአዲስ መልክ እንዲገነባ የ900,0000,000 /የዘጠኝ መቶ ሚሊዮን/ ብር የ19 ወለል (ፎቅ) ግንባታ ሊሰራበት የመሰረተ-ድንጋይ እንደተጣለበት በበርካታ ሚዲያዎች መዘገቡን በዛሬው ዕለት በነበረው ገለጻ ተወስቷል።

ለዚሁ አዲሱ ግንባታ ከሚያስፈልገው ተጨማሪ 5ሺ ካሬ ገደማም የአዲስ አበባ መሬት ማኔጅመንት በስሩ ከሚያስተዳድራቸው ቦታዎች ከ3ሺህ ካሬ በላይ የሚሆነውን ቦታ መስጠቱን የመሰረት ድንጋዩ በጣለበት ዕለት ከንቲባዋ ይፋ ማድረጋቸው አይዘነጋም።

© ሀሩን ሚዲያ

ኔታንያሁ የመከላከያ ሚኒስትሩን ዮአቭ ጋላንትን በማሰናበት በምትኩ የውጭጉዳይ ሚኒስትር የነበረውን እስራኤል ካትዝን የመከላከያ ሚኒስትር ሲያደርግ ጌዲዮን ሳርን ደግሞ የውጭ ጉዳይ ሚኒስትር አድርጎ ሾሟቸዋል።
لعنة الله عليهم

በሀዲያ ዞን አንሌሞ ወረዳ በምዕራብና ምስራቅ አንሌሞ ቀበሌ  8 ሙስሊሞች መታሰራቸው የአካባቢው ሙስሊም ነዋሪዎች ለሀሩን ሚዲያ ገለፁ!

- ሀሩን ሚዲያ ደቡብ ስቱዲዮ፣ ጥቅምት 26/2017

በሀዲያ ዞን አንሌሞ ወረዳ በምዕራብና ምስራቅ አንሌሞ ቀበሌ በሱመያ፣ በአረዕልዶ እና በሃያት መስጅዶች ትብብር አዘጋጅነት የዳዕዋና የአንድነት ፕሮግራም በሚካሄድበት ወቅት 8  ሙስሊሞች በጸጥታ አካላት ተወስደው መታሰራቸውን የአካባቢው ሙስሊም ነዋሪዎች ለሀሩን ሚዲያ ደቡብ ስቱዲዮ ባደረሱት መረጃ ገልፀዋል።

ሙስሊም ነዋሪዎቹ እንዳሉት ከሆነ ከዚህ ቀደም በሁለት መስጂድ መሃል ቤተ-ክርስቲያን ለመገንባት ጥረት ሲያደርጉ የነበሩ የፕሮቴስታንት እምነት ተከታዮች ጋር አለመግባባት ተፈጥሮ ጉዳዮ በመንግስት የጸጥታ አካላት እና የሀዲያ ዞን የሃይማኖት ፎረም ጉዳዩን እየተከታተለ ያለ ቢሆንም አፋጣኝ ምላሽ ባለመገኘቱ የሀዲያ ባህላዊ በሽምግልና መሰረት በ"ሌሞ" እየታየ እንደሆነ ጠቅሰውልን ነገር ግን አሁን በዚህ ጉዳይ አስታከው ይህን ዳዕዋ ባዘጋጀንበት ወቅት ተጠብቆ ሙስሊሞቹ ታስረውብናል ሲሉ አስረድተዋል።

- ሀሩን ሚዲያ ደቡብ ስቱዲዮ ሙስሊሞቹ ለምን እንደታሰሩ የአንሊሙ ወረዳ የመንግስት ኃላፊዎችን ለማግኘት ጥረት እያደረገ ሲሆን በቀጣይ ተጨማሪ መረጃዎችን ወደእናንተ እየተከታተለ የሚያደርስ ይሆናል።

© ሀሩን ሚዲያ