የ7ኛ ክፍል "ማህበራዊ ሳይንስ" መፅሀፍ ላይ እስልምናን በተሳሳተ መንገድ የገለፁ አካላት በይፋ ወጥተው ይቅርታ መጠየቅ እንዳለባቸው ተገለፀ!
…
(ሀሩን ሚዲያ፥ ሰኔ 13/2016)
…
ሀሩን ሚድያ በሰባተኛ ክፍል "የማህበራዊ ሳይንስ"(Social Studies)መፅሀፍ  እስልምና በተሳሳተ መንገድ ስለገለፀው መፅሀፍ አስመልክቶ ለበርካታ ዓመታት በመምህርነት እና በስራ አስኬያጅነት ከቆዩት አብዱልፈታ ከበደ ጋር ቆይታ አርጎ ነበር ።
.
በቆይታቸው እንደገለፁት እንደዚህ አይነት መማሪያ መፅሀፎች ሲዘጋጁ በከፍተኛ ጥንቃቄ እና በተለይም የሀይማኖቱ ተከታዮችን በማማከር ሊዘጋጅ እንደሚገባ አፅንኦት ሰጥተው ተናግረዋል። እንደዚህ አይነት ስተት ሚፈጥረው እምነቱን ካለመረዳት ወይም ለእስልምና ባላቸው ጥላቻ ሊሆን እንደሚችል የጠቆሙ ሲሆን መደረግ ያለበትም መፅሀፉን ያዘጋጁት አካላት በግልፅ ወጥተው ህዝበ ሙስሊሙን ይቅርታ መጠየቅ አለባቸው ብለዋል።
.
የትምህርት ባለሙያው የመፍትሄ ሀሳብ ብለው ያስቀመጡት የሰባተኛ ክፍል የማህበራዊ ሳይንስ መፅሀፍ ተመልሶ እንደገና መታተም አለበት ያሉ ሲሆን ከዚህ በኋላም እንደዚህ አይነት ነገሮች እንዳይፈጠሩ የመፍትሄ አቅጣጫ መቀመጥ አለበት ሲሉ ከሀሩን ሚድያ ጋር በነበራቸው ቆይታ ተናግረዋል።
...
©ሀሩን ሚድያ
https://t.me/Seyfel_Islam

የኢትዮጲያ ሙስሊም የጤና ባለሙያዎች ማህበር "1ኛ "ጠቅላላ ጉባዔውንና ይፋዊ ምስረታውን የፊታችን እሁድ እንደሚያካሂድ ተገለፀ!
…
(ሀሩን ሚድያ ሰኔ 27/2016፤አዲስ አበባ)
.
የኢትዮጲያ ሙስሊም ጤና ባለሙያዎች ማህበር በአይነቱ ልዩ የሆነ የመጀመሪያ ጠቅላላ ጉባኤውን እና መመሥረቱን ይፋ የሚያደርግበት መርሀግብርን የፊታችን እሁድ በአዲስ አበባ በስካይ ላይት ሆቴል እንደሚካሄድ ከሀሩን ሚድያ ጋር ቆይታ ያደረጉት የማህበሩ አባላት ተናግረዋል።
.
ከመላው የኢትዮጲያ ክልሎች የተወጣጡ ሙስሊም የጤና ባለሙያዎች በተካተቱበት የፊታችን እሁድ ሰኔ 30/2016 ዓ.ል የሚያከናውን ሲሆን ሁሉም ኢትዮጲያዊ ሙስሊም የጤና ባለሙያዎች የዚህ ኢስላማዊ የጤና ማህበር አባል እንዲሆኑ እና በዝግጅቱ ላይ እንዲገኙ ጥሪ አቅርበዋል።
.
የኢትዮጲያ ሙስሊም የጤና ባለሙያዎች የተመሠረተበት ዓላማ በኢትዮጲያውያን ሙስሊሞች ላይ የሚስተዋሉ ዘርፈ ብዙ የህክምና ክፍተቶችን ለመቅረፍ ፣ ትላልቅ ኢስላማዊ የህክምና ተቋማቶችን ለመምስረት ፣  በሀገሪቱ የሚገኙ የህክምና ተቋማትን ለመደገፍ ፣ ሙስሊም የጤና ባለሙያዎችን በሙያቸው የበቁና  የተመሰገኑ ብሎም በዲናቸውም ጠንካራ እንዲሁኑ ለማስቻልእና ሌሎች ዘርፈ ብዙ ተግባራትን ለማከናወን እንደሆነ ከሀሩን ሚድያ ጋር በነበራቸው ቆይታ ዶክተሮቹ ገልፀዋል።
.
¤ሀሩን ሚዲያ ከጤና ባለሙያዎቹ ጋር ያደርግነውን ቆይታ በአላህ ፍቃድ በነገው ዕለት ወደናንተ ሚያደርስ ይሆናል።
…
©ሀሩን ሚድያ

የሰልማን አንደኛ ደረጃ ትምህርት ቤት በታላቅ ድምቀት ተመረቀ!
..
(ሀሩን ሚዲያ፦ሀምሌ 01/2016)
..
የአማራ ክልል የትምህርት ቢሮ ያወጣቸውን መመዘኛዎችን አሟልቶ የመማር ማስተማር ፍቃድ ያገኘው በወሎ ኮምቦልቻ ከተማ የሰልማን አንደኛ ደረጃ ትምህርት ቤት በታላቅ ድምቀት ተመረቋል።
.
ትምህርት ቤቱ እስከ ስድስተኛ ክፍል የማስተማር አቅም ያለው ቢሆንም በመጪው የትምህርት ዘመን ከኬጂ እስከ አራተኛ ክፍል ያሉ ተማሪዎችን ተቀብሎ የመማር ማስተማር ስራውን እንደሚጀምር ተገልጿል።
.
ሰልማን አንደኛ ደረጃ ትምህርት ቤት በማኅበረሰም ተሳትፎ የተሰራ ሲሆን ለግንባታውም 7.2 ሚሊየን ብር ወጭ ተደርጎበታል ተብሏል።
.
በምርቃት ስነሰረዓቱ ላይ የኮምቦልቻ ከተማ ትምህርት መምሪያ ም/ኃላፊ አቶ እብራሂም አብዱ የኮምቦልቻ ከተማ እስልምና ጉዳይ ስራ አስፈጻሚዎችን ጨምሮ ታላላቅ ሼኾች ኡስታዞች ጥሪ የተደረገላቸው እንግዶችና የአካባቢው ነዋሪዎች መገኘታቸውን አደም ሙሀመድ ከኮምቦልቻ ከተማ ያደረሰን መረጃ ያመላክታል።
.
©ሀሩን ሚዲያ