🌹AZIIZAA🌹
Seenaa Jireenyaa Ajaa'ibaa
✍by Abdulaziz Ahmeddiin
#Kutaa_6ffaa!

Otuma teenyee haasofnuu ijoolleen dhufuu jalqabanii jiru. Tasa sagalee "Azu Assalaamu Aleeykum " jedhu dhagaye. Oljedhee ilaallaan jamaali. An rifadheen callise. Sa'aadaan garuu "wa Aleeykum selam Warahmatullaahi Wabarakaatuhu" jettee deebifteef. Kan nama dhibu immoo Caaltuunis isa wajjiin dhufte, firummaan isaanii kun tasa naaf hin galle. Kunis isii gahuu dinnaan "maali ati salaamtaa hin deebiftuu?, moo tuffiidha?" naan jette. Maaliif akka tahe hin beeku caaltuu jibbaan jira, "nu keessaa namni tokko deebifnaan ni gaha" jedheen jalaa callise. Sadan isaanii achumatti dhiiseen deemee daree barnoota (kilaasii) seenee taa'e. Jamaal gara daree isaa deeme. Sa'aadaa fi Caaltuun wal qabatanii dhufan. Sa'aadaan dhaabbattee ijoollee haaraa harra dhufan dubbisaa jirti. Gidduun Caaltuun daftee dhuftee na biraan teeyse. An isumahuu argaa jibbaan jira. Sagalee gad-qabattee natti haasaa jalqabde , "Yaa Azuu !! Jamaal hedduu si jaalata, halkanii fi guyyaa waanuma keeti yaada, naguma daree seene malee takka barachaa hin jiru, bifaanis bareedaadha, dafii osoo inni hin miidhamne deebii kenniif" jettee ammaas xalayaa haaraa takka natti kennitee kaatee bakka isiitti deemte.

Guyyicha barnoota muraasa barannee yeroon galle, barsiisonni muraasni waan hin dhufiniif. Ergan manatti galee booda xalayicha baneen dubbise. Jechoota mimmi'aawoo, barreeyfama mimmiidhagaa, suura tokko tokko itti dabaluun hedduu faayee erge. Garuu ammas miira haaraatu natti dhagahame.
Jechoonni kunniin yeroon salaatus qalbii keessa na deddeebi'uu jalqabe. Galgalas yaadda'aan bule. Barii subhiin osoo hin gahin ka'een wudu'a guuttadhee xiqqoo quraana qara'e. Yeroo subhiin gahus raka'aa lamaan sunnaa salaateen du'aa'ii godhadhe. Xiqqoo yaadni narraa hir'ate.
Ganamaan m/barumsaa deeme. Akka carraa ta'ee sa'aadaan hin dhufne. Caaltuu fi Jamaal wajjiin dhufan. Harra kophaatti na argatan. Jamaal dhufee "Assalaamu Aleeykum " naan jedhe , sagalee xiqqeeyseen "Wa Aleeykum selam " jedhee gabaabsee deebiseef. "Maali faxara(ciree) hin nyaannee"? naan jette Caaltuun. "Lakki nyaadhe " jedheen callise. Jamaalis fuuldura koo gad-taa'ee waa'ee barnoota na gaafachuu eegale. Anis gaaffii hundaafuu deebii gabaabaa "ee, akkasi, lakki....." deebisuufii malee ol jedheetuu hin ilaalu.

Dhiisee biraa deemuuf Caaltuun darettis najala dhufuun isii hin oolu, haasaa isii irra kanuma Jamaal naaf wayya jedheen taa'e. "Yaa Sa'aadaa!! Maalumaaf hafte harra" jedheen of keessatti ofiin guungume.
Gidduu gidduun ol jedheen fuula keessa ilaaluu jalqabe, dhuguma bareedaadha. Keessumaa Mallattoon sujuudaa adda isaa irra jiru hedduu na hawwate. Gidduun bilbilamee jennaan gara daree deemne.
Caaltuun daftee bakka sa'aadaa na bira teeyse. Barsiisaan pireedii tokkoffaa harras hin jiru. Carraa kana argattee haasaa jalqabde. "Kan alattuu jibbantu mana nama wajjiin gala " jedhama mitii, anis filannoo biraa waananiin hin qabneef wajjiin haasawuu jalqabe. Waa'ee Jamaal deddeebiftee kaniin beekuu olitti natti himti.
Anis gidduun "ati jaalallee ni qabdaa?" Jedheen gaafadhe. Xiqqoo rifattee daftee seeqattee........#Kutaan_7ffaan itti fufa!!
Yaadaaf @AbdiiBiyyaa
@Kennaapost @Kennaapost
T.me/Kennaapost

​22/09/2016
#Hubachiisa

#Qormaata_kutaa_6ffaafi_8ffaairratti dhimmoota #xiyyeeffannoo_barbaadan:-
----------------------

Biiroon Barnootaa Oromiyaa seenaa keessatti isa jalqabaafi adda ta'e barattoota miiliyoona 1.4 ol ta'aniif qormaata Naannoo kennuuf qophii xumureera.
Qormaata Naannoo kan fudhatan barattoota #kutaa_6ffaa 731,955 #kutaa_8ffaan immoo, 672,500, #walitti_barattoota 1,404.455 yoo ta'an,
#Caamsaa 29-30/2016fi #Waxabajjii 4-5/2016tti walduraa duubaan qormaata kan kennu ta'uun beekameera.

#Baay'inni #barattoota_qormaata_fudhachuuf_qophaa'anii (kutaa 6fi 8 qofti) lakkoofsa biyyoota addunyaa hedduu(#Jibuutii_dabalatee_baay'ina #ummata_biyyoota_70 ol ta'an kan caaludha.

Akka naannootti barattoota heddummina hanganaa qaban qoruu jechuun humna namaa, maallaqaafi meeshaalee hedduun kan irratti dhangala'e ta'uun beekamaadha.

Kanaafuu, Qormaatni kun akka galma gahu hawaasni, maatiin baratttootaa, caasaan mootummaa sadarkaan jiru, qaamni nageenyaa sadarkaan jiru, abbootiin Gadaa, haadholiin Siinqee, abbootiin amantii, caasaan barnootaa sadarkaan jiru, qaamni waraqaa qormaataa geejjibsaa jiru, qaamni waraqaa qormaataafi iddoo qormaataa hordofu hundi #firiin_barattoota_keenyaa_akka_jalaa_hin_qisaasamne qormaatni raabsamee, kennameefi waraqaan deebii qormaataa hanga Biiroo Barnootaatti deebi'utti, #keessattuu_Gumiin_Tiraansiformeeshiinii_Barnootaa_Oromiyaa_sadarkaan_jirru_hundi_xiyyeeffannoo_olaana_kennuun_hordofuu qabna.

#Xiyyeeffannoowwan;
#Waraqaan_qormaataa_yeroo geejjibamu_konkolaataa irratti/bakka kuufamutti roobni akka hin tuqne, bakka wanti waraqaa nyaatu hinjirre(hantuuta),fi kkf hin jirre taa'uu qaba.
#Qormaatni_hannaaf_akka_hin-saaxilamne,
#Iddoon_Qormaatni_itti_kennamu nagaa kan qabuufi waca hin qabne.
#Qormaata_booda,_waraqaan_deebii of eeggannoon saamsamee gara BBO akka dhufu hordoffii wal irraa hincinne gochuu milkaa'inaaf haa hojjannu..

#CARRAA_GAARII !

-BBO-

🔔 You Tube Official 🔔 - https://www.youtube.com/@Oromiaeducationbureau. |

👍 Facebook  Official 👍 - https://www.facebook.com/biiroobarnootaaoromiyaa/

📖 New curriculum 📖 - https://t.me/oeb_book_store