ـ🌼🍃🌺🍃🌸🍃🌺🍃🌸
ـ🍃🌸🍃🌺🍃🌸
ـ🌺🍃🌸
ـ🍃 #روايـات_متألقات_بقـلم💫

روايات أديم الراشد ..
كاتبـة خليـجية ..

🌺 كـاتـبـة مـتميزة .. تألقت من خلال تسع روايات ..
وقد تم نشرهن كاملة للكاتبة
اديم الراشد التي تم نشرها بالقناة ..

الرواية الاولى1⃣👇📚
رواية مالي وطن في نجد إلا وطنها ..
أديم الراشد .. جيدة ...
😍تم نشرها مستند pdf 😍👇👇
https://t.me/ahgeelpdf/43157
تقييم الرواية 👈🏻 ⭐️⭐️⭐️



الرواية الثانية2⃣👇📚
رواية تهزمني السمراء وأنا ند فرسان .. أديم الراشد .. جيدة ...
😍تم نشرها مستند pdf 😍👇👇
https://t.me/ahgeelpdf/43159
تقييم الرواية 👈🏻 ⭐️⭐️⭐️⭐️



الرواية الثالثة3⃣👇📚
رواية لا غلاك أكبر ذنوبي ولا قلبي نبي .. اديم الراشد .. جيدة ..
😍تم نشرها مستند pdf 😍👇👇
https://t.me/ahgeelpdf/43161
تقييم الرواية 👈🏻 ⭐️⭐️⭐️⭐️



الرواية الرابعة4⃣👇📚
رواية ياما تجرعت المرارة عشانك .. أديم الراشد مميزة جدا ...
😍تريدها بارتات😍👇👇
https://t.me/ahgeel/28373
😍تريدها مستند pdf 😍👇👇
https://t.me/ahgeelpdf/43163
تقييم الرواية 👈🏻 ⭐️⭐️⭐️⭐️⭐️⭐️



الرواية الخامسة5⃣👇📚
رواية كئيب الليل ياطفلة يغيب الكل لا غبتي .. اديم الراشد .. جيدة ..
😍تريدها بارتات😍👇👇
https://t.me/ahgeel/34057
😍تريدها مستند pdf 😍👇👇
https://t.me/ahgeelpdf/43165
تقييم الرواية 👈🏻 ⭐️⭐️⭐️⭐️⭐️



الرواية السادسة6⃣👇📚
روايـة عيونك شوكة في القلب توجعني وأعبرها .. أديم الراشد .. جيدة جدا ..
😍تريدها بارتات😍👇👇
https://t.me/ahgeel/57390
😍تريدها مستند pdf 😍👇👇
https://t.me/ahgeelpdf/43190
تقييم الرواية 👈🏻 ⭐️⭐️⭐️⭐️



الرواية السابعة 7⃣👇📚
رواية بلا ميعاد .. اديم الراشد .. جيدة
😍تم نشرها مستند pdf 😍👇👇
https://t.me/ahgeelpdf/76414
تقييم الرواية 👈🏻 ⭐️⭐️⭐️⭐️



الرواية الـثامنة 8⃣👇📚
رواية عزاي انك رجاي العذب لو كل الدروب عثور ... أديم الراشد .. ممتازة جدا ..
😍تريدها بارتات😍👇👇
https://t.me/ahgeel/77347
😍تريدها مستند pdf 😍👇👇
https://t.me/ahgeel/77347
تقييم الرواية 👈🏻 ⭐️⭐️⭐️⭐️⭐️🌟



الرواية التاسعة9⃣👇📚
رواية أحبيني بلا عقد .. أديم الراشد .. مميزة جدا ..
😍تريدها بارتات😍👇👇
https://t.me/ahgeel/81413
😍تريدها مستند pdf 😍👇👇
https://t.me/ahgeelpdf/85927

تقييم الرواية 👈🏻 ⭐️⭐️⭐️⭐️⭐️⭐️


#طبعــــا👇👇 ..
1 ــ جميـع الـروايات باللهجـة الخليجية ..
2 ــ ثلاث روايات مميزة جدا ..
3 ــ جميع الروايات في مستنـدات pdf وفي بارتات..
4 _ تم تقييم الروايات بالنجوم بحسب الافضل ...

دمتم بود متـابعين قناتنا ..
📚 روايات مستندات pdf 📚

#نتمنـى_لكم_قراءة_ممتــعة ..

🍃 @ahgeelpdf 💫
🌺🍃🌸
🍃🌸🍃🌺🍃🌸
🌼🍃🌺🍃🌸🍃🌺🍃🌸

هلا ..
وكل عام وانتم بخير ..
وعيدكم مبارك يالغوالي ..
عندي ملاحظة بسيطة عدد الاعضاء تجاوز 1000 مشترك بس لما اشوف تفاعلكم تفاعل ضعيف مع الرواية .. ابيكم تتفاعلوا مع جميع البارتات ..

@riwait_221
{ رواية انتي حمول الوقت وانا سندها }
(البارت السادس )

ابو فزاع: سم
ابو سند: جينا اليوم نطلب يدك بنتنا خزاري لولدك سند
سكتوا كل اللي يسولفون وابتسمت ام شايع
والتفت فزاع لسند اللي رد له ابتسامه يطمنه
ابو فزاع: بنتك وحلالك وولدنا وعطيناه
ام شايع: اجل مبروك
ابو سند :ياعله سعيد ومبارك
التفتوا لسند: مبروك ياسند
ابتسم سند ابتسامه عريضه :الله يبارك فيكم عقبال الباقين
مجاهد بشويش: سمعنا وسلمنا
ضحك فزاع: على خير
ابو سند : ان شاء الله العرس قريب
ام شايع : وش رايكم عقب اسبوعين
انصدم سند والتفت لابوه وقال: مايمدينا
ابو سند : وليه مايمدي وش ورانا
ارتبك سند بس هدى نفسه وهو مستعد ومبسوط وعادي وده يتزوج بس ماتوقع بهالسرعه : يعني نجهز امورنا
فزاع: راي من راي سند نأخر شوي
ابو سند بصرامه : اخرنا بما فيه الكفايه
ابو فزاع: اذا عندك وانا عمك شي علمني نرتبه سوا
سند ببتسامه: ماعندي الا سلامتك
ام سند بفرح :باذن الله مايحتاج شي بنقوم بالعرس اللي يشرف ويبيض الوجه
ام شايع : ان شاء الله هذا عرس الغالي والغاليه
ابتسموا كلهم بفرح الا سند يسمعهم وهم يقررون
وكان هادي كل شي تمام لين حس المووضوع صار جدي وحس انها خطوه قويه
ابتسم لفزاع اللي همس: فيك شي
سند : فرحان
فزاع: ما هقيته ؟
سند انحرج: افا
فزاع : قم ابيك
قاموا والتفت فزاع: سند انا خويك وسندك ان كان فيه شي يمنعك علمني
سند : افا وش يمنعني يا فزاع
فزاع: لا تقول اختي وماتقدر تقولي
سند بضحك: لا والله تمون على رقبتي بس مافيني شي كل السالفه ماهقيت ابوي يبي الفكه مني بهالسرعه
فزاع بضحك : خست عنده خلاص ، الله يتمم
سند : يعني انت اللي ماشاء الله ماخست
ضحك فزاع: نص خياس ماكملت
ضحك سند وصد يناظر الطرف الثاني من البيت وده يعرف كيف بيبدا
_______.
في بيت ابو مقبل
جهزت هيا العشاء واتجهت للباب تفتح لابوها مقبل ابتسمت وهي تاخذ اغراض ابوها: قواك الله يبه
ابو مقبل : الله يقويتس ويبقيتس يابنتي
مقبل : وانا مالي قوه
جت ام مقبل وهي تهلل بحب : الا لك الله يقويك والله يحيك ولعيني يخليك
مقبل : اييه ايييه هذا الكلام العدل
ابتسم ابو مقبل بخفيه وقال : ايييه الله يخلي لي بنيتي
ابتسمت هيا: ويخليك لبنيتك ويخلي لك امي
مقبل : طبعاً ولدكم برا الحسبه
ابو مقبل : الله يخليه لمريته اللي بتاخذه وتريحنا
ضحك مقبل ولفت ام مقبل بفرح: قل انك نويت تعرس
مقبل : على يدينتس
ام مقبل : ابشر ابشر بعزك ادور لك ازين بنيه وازوجك اياها
هيا : زين انك نويت نبي نفرح ونرقص
مقبل : باذن الله
ابو مقبل: يلا يلا عشاكم برد
#أنتي_حمول_الوقت_وأنا_سندها
@riwait_221
#أنتي_حمول_الوقت_وأنا_سندها
___.
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

@riwait_221
{ رواية انتي حمول الوقت وانا سندها }
(البارت السابع )

قربوا يتعشون وام مقبل تعدد البنات اللي حطت عينها عليهم وابو مقبل يقبل ويرفض ومن بعده مقبل
_______.
وفي بيت ابو فزاع
بعد العشاء وبعد ما الكل هدا وفرشوا بينامون
عند البنات الكل كان حول ام شايع ويسمعون سوالفها الحلوه وقصصها
ساره: جده يعني صدق هالقصص صارت في وقتكم
ام شايع : اكيد صدق ولا وشوله اعلمتس بها
مزون : ههههههه فشلتها
ضربتها ام شايع بعصاها: اصه اصه يالملسونه
خزاري بضحك: طيب ياجده لازم يعني يتزوجون اكثر من مره
ام شايع: ماهوب لازم لكن الناس قبل تبي تزوج بناتها يبونهم يعيشون يتعلقون في رقبة اي احد يكفيهم شر البرد والجوع
ثريا: يالله حمدلله على النعمه
ام سند: اي والله الحمدلله على النعمه
ضحكت ساره: خزاري خايفه ان سند يتزوج عليها بدري ياحبيبتي على هالخوف
ضحكوا كلهم على خزاري اللي تفشلت لكن قلبت الموضوع ساره وهي تأشر لجدتها: وش اسمها ياجده قصيدتس اللي تغنينها دايم
ضحكت ام شايع وتصفق بحب وضحك تقصد على نفس الموضوع تمازح فيه خزاري : خزاري يا أم عين وعين من شافتس طلق الثنتين طلق عجوز وبنيه
مايبي غير الريميه
ضحكت ساره اللي ترقص وتلفح: وانا ياجده اقصدي في برقص
ام سند : اهجدي يابنت فضحتينا
ام شايع: خليها خليها انا ابيها توسع صدري هاذي شبيهتي
ضحكت ساره وهي تفل جديلتها: يلا فليت شعري
ضحكت ام شايع وغنت: ساره بنت ابوها .. ياسبعةٍ خطبوها .. واحد يعد الدرهم .. وواحد يقول لواحد ياليتي صبي ابوها ..
ضحكت ساره بحماس : وييين ياحظي هالسبعه
رمتها امها بالفنجال وتخبت ساره بضحك
مزون : وانا ياجده
ام شايع :ابشري .. مزون يابنت بنوت يا جعلها ماتموت لين ترعى الغنم ثم تبني البيوت
كشرت مزون : ليه ياجده بتخليني ارعى الغنم والبيوت امدحيني زين
ضحكت ام شايع: عشان لسانتس طويل يبي له تقصير
صدت مزون بتكشير
وقالت ثريا : وانا ما قلتي لي
ام شايع: عاد انتي عين السيح ابشري
اللي يبي "ثريا"، يرقى ..يسعى لين السماء الزرقا
يرقى يدور أبوها، يطلب ام رقبة عنقا .. ام الشامه وكحله سوداء ..وفي شوف بنيتنا الزينه .. يفرح قلبه وتسعد عينه ..
صفقوا كلهم ووضحكت ساره بحيا
وقالت ام شايع: يلا يلا باكر الجمعه نبي ننام بدري
هدوا الكل وناموا
_______.
ومن بكره
بدا اليوم من جديد وفي بيت ابو مقبل ما صدقت هيا انها تلم سفرة الفطور وانطلقت اخذت عباتها لفت على امها : يمه تكفين بروح لعزوف
ام مقبل : اقول اهجدي وين بتروحين هالحزه
هيا : ضاق صدري بروح لها شوي واجي ماني متاخره
ام مقبل : جمعه يا بنت الحلال جمعه

@riwait_221
#أنتي_حمول_الوقت_وأنا_سندها
___.
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

@riwait_221
{ رواية انتي حمول الوقت وانا سندها }
(البارت الثامن )

ام مقبل : جمعه يا بنت الحلال جمعه
هيا : شوي شوي وبعدين تونا الساعه9 واهلها مب فيه
ام مقبل : بكيفتس
لبست هيا وطلعت متجهه لبيت ابو سعد ودقت الباب وهي حاطه يدها على راسها من حر الشمس
وانفتح الباب وكان سعد : من
تفشلت هيا: ابي عزوف
ابتسم سعد من قبله : حياتس الله يا هيا اسفرت وانورت اقلطي عن الشمس
ابتسمت هيا بخفيه: الله يسلمك
سعد بصوت عالي :عزووووف عزووووف
جت عزوف : وش بلاك تصارخ
سعد : هيا تبيتس
طلع وهو وده مايطلع دخلت هيا بإرتباك وهي تقرص عزوف بحرج
عزوف : شفيتس تقرصيني شسويت
هيا: يافشلتي الحين يقول وش تبي مع القوايل
ضحكت عزوف بمكر: والله لو تمشين على راسه ماقال شي تمونين يا هيا
لفت هيا وهي تحاول ماتصدق تلميحاتها مع انها واضحه
عزوف : علىم خالتي
هيا : مبسوطه وتدور عروس لمقبل
عزوف : ماشاء الله نوى يتزوج
هيا: ابوي مصمم يزوجه
عزوف : ازين له اشغلنا وهو كل شهر يقول بيعرس
ضحكت هيا : يازين قلبه مقبل مثل القطنه
تنهدت عزوف بضحك: يعني تبيني احبه وانجرح اذا تزوج
ضحكت هيا: لا تكفين الحب يعذب وانا ما ابيتس تعذبين
عزوف : هو من ناحية يعذب يعذب بس يعذب لان مقبل يمس الموضوع بطرف
هيا بضحك: حرام عليتس
لفت عزوف بضحك: يصير خير وش بتشربين بس
هيا : شاهي ؟
عزوف : مابي بشرب قهوه
هيا: انا اجي عندتس عشان تمصخريني؟
عزوف : خلص شاهينا اقول لسعد يجيب؟
هيا حست بمغص: لا بشرب قهوه
ضحكت عزوف بصوت عالي وكملت شغلها وهي تحب تقهر هيا
اما هيا ماتبي للموضوع طاري
_______.!
وفي بيت ابو فزاع
صحى سند على صوتهم وهم يصحونه للفطور
ام شايع : وخزياااه يا ابو فزاع هونا ماعاد نبي نزوج بنتنا واحد رقود ( كثير النوم)
ضحك سند بفشله : تعب ياجده ولا انا شقردي
ام شايع بمزح: ماعاد نبيك اثبت نفسك ولا هونا
اتجهه سند لنار المشبوبه بضحك يبي يحيها ويثبت نفسه لكن مسكه فزاع وهو يضحك: ابد استريح انا واسطتك
ابو فزاع: من قبل وساطتك انت
ضحك فزاع بفشله وقالت ام شايع: نقبلها لعيونه
رجع سند وجلس جنبها بحب وهو يبوس يدها: جعلنا فداك ياجده
ام شايع : ياعلك ماتشوف الكدر ياعوينتي وياعلك ما تذوق الضيم
الكل : امين
مجاهد بضحك : شكل جني القصيد طلع عند جدتي
ام شايع وهي تضربه بخفه: لا لا ماعاد عندي قصيد خلصته على بنياتي

@riwait_221
#أنتي_حمول_الوقت_وأنا_سندها
___.
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

@riwait_221
{ رواية انتي حمول الوقت وانا سندها }
(البارت التاسع )

ام شايع وهي تضربه بخفه: لا لا ماعاد عندي قصيد خلصته على بنياتي
فزاع: اييييه ياحظ بنياتك كل الدلع لهم وحنا يا مقرود لك الله
مجاهد : وهو صادق
ابو سند بإستهزاء: تبون الدلع؟ وانتم رجال يوقف التيس على زندك انت وياه ؟ عجيب
اعتدل سند وهو مايحب ابوه يعذربه بشي وبضحك :ياكبرها عند الله يا اهل الشوارب
فزاع : والله خلوني بتدلع انا يتيم واميمتي ماتت ماشبعت من حضنها بعوضها بجدتي
ام شايع : تسوى عيونها الثنتين والله
مجاهد: ايه يحق له وهو بيتدلع بعد اسبوعين وانت تدلع من جدتي وانا لي الله
ام سند اللي قاعده بطرف المجلس بغطاها : افا انت لك الله ثم لك امك
مجاهد: كفو كفو
ابو فزاع: وخروا عن امي بس اوجعتوها
مجاهد بمزح: عمي تغار؟
ابو فزاع: وشو له اغار انا مخلي له سوري من الدلع ( يقصد لللي بقى وراه)
فزاع بضحك : المهم حنان
ابو سند :اشبع حنان وحنا بنتيسر
ابو فزاع: وين وانا اخوك
ابو سند : بنتغدا ونمشي ورانا شغل
ابو فزاع: الله يسهل امركم
ابو سند : تبين شي ياميمتي
ام شايع:سلامتك ياعل عيني ماتبكيك
تغدوا وشالوا اغراضهم ماشين واقبل سند بهمس لفزاع وضحك: انتبه على الاهل
دفه فزاع بضحك : توكل على الله
ابو سند : مشيينا ياولد مشينا
تحركوا بسرعه وطلعوا وهم يضحكون والتفت سند بهدوء للباب اليمين كان يناظره يدري خزاري وراه وحان يدري انها جميله ابتسم وهو يفكر فاليوم اللي بيجمعهم
فالطرف الثاني كانت خزاري تناظر بهدوء تعرف سند حافظته حفظ ماتعرف تحدد مشاعرها له لكن تدري وتيقن انها معه بتكون بأمان
_______.
في بيت ابو سند بعد ماوصلوا
كانوا البنات يرتبون المكان وقربت ساره لثريا وهي تقول : اقول ثريا
ثريا: كفاني الله شرتس وش فيتس
ساره: وش فيني
ثريا: اعرفففففك ماتكلمين بشويش الا عندك مصيبه
ضحكت ساره ولفت : ماعندي شي بس افكر في شي
ثريا: يعني مصييبه قولي
ساره : ليش مجاهد ما ياخذ خزاري ليش سند
ثريا: سوير وش هالكلام سامعه شي انتي ؟
ساره : لا بس اقول ليه سند
ثريا: مايبي لها قاريٍ يقرا سند الكبير
ساره : يعني فزاع بيخطبتس لانتس الكبيره
دق قلب ثريا برعب: وشو ؟ وش تخربطين انتي اعترفي وش سامعه اخلصي علي
ساره: والله ماسمعت شي بس يعني هذا وضع عمي وابوي
ثريا : ماني مرتاحه لتس تكلمي ؟
_______.
وفي قهوة سعد
كان جالس وهو لف بيالة الشاهي ويناظر لونها الاحمر بهدوء وتمعن لكن قطع حبل افكااره مقبل اللي ضرب الطاوله قدامه بغضب وصرخ في وجهه : الحين عرفتك على حقيقتك
.
@riwait_221
#أنتي_حمول_الوقت_وأنا_سندها
___.
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

@riwait_221
{ رواية انتي حمول الوقت وانا سندها }
(البارت العاشر )

في بيت ابو سند
ثريا : ماني مرتاحه لتس تكلمي ؟
ساره : والله مافيني شي بس سمعت امي تكلم مع جدتي اليوم وقالت جدتي ان شاء الله خير
ثريا: وشو خيره عطيني الزبده
ساره بقلق: الزبده ان امي رايحه تقول لجدتي قولي لفزاع ياخذ وحده من بناتي مايصير يطلعن برا وهو موجود
شهقت ثريا برعب : نعععم ،امي ليش تقول كذا ؟ وراها بايعتنا
ساره:مدري بس انقهرت انغبنت حسيت انها رمتنا رمي
ثريا: لا لا هالحكي ماينسكت عنه
ساره: وش بتقولين لها ان شاء الله
ثريا: بقول مانبي ماهو غصب ، تدرين وش معنى هالكلام
ساره : ادري وادري انه لو صار وخطبنا فزاع وتزوج وحده منا وصار شي بيقول اهلتس رامينتس علي
ثريا:لله يسامحك يايمه
سكتوا برعب من جرأة امهم وكيف تقول كذا وكأنهم علل على قلبها وكيف بيرفضون ولد عمهم وخصوصاً فزاع اللي احسن مايكون لكن كرامتهم فالموقف صعب يتنازلون وكيف بيطلعون من هول الامر اللي امهم رمتهم فيه
_______.
وفي قهوة سعد
يبس ريق سعد ما عرف وش يرد ووش يقول اختبص وخاف ان مقبل عرف انه يحب هيا بردت اطرافه وعرق ماعرف يرد بس رجع من تفكيره كيف يبرر على صوت ضحكت مقبل اللي ضرب كتفه بضحك وقال: وش بلاك خفت امزح معك
حس سعد بدوخه لثواني ومقبل مازال يضحك : وش فيك شكلك مسوي شي صدق
سعد اللي كان ناوي يكب العفش كله بس حمد لله وقال بتوتر : خوفتني مدري وش علتك
مقبل بضحك: كنه عندك بلا وخايف منه
سعد: وش عندي يعني
مقبل وقف ضحك والتفت : عطنا شاهي بس
سعد : ابشر
كان سعد مهلوك مرعوب مايدري وين يودي نفسه لكن تمالك نفسه ورجع جلس بعد ما طلب الشاهي
_______.
العصر
في بيت ابو مقبل
جت ام مقبل : هيا ياهيا اسمعي
هيا: سمي يمه
ام مقبل : وش رايتس ب مها بنت ابو سالم
هيا : لمقبل يعني؟
ام مقبل : ايه لمقبل لابوتس مثلاً
ضحكت هيا بفشله: ايه ماعليها حلوه
ام مقبل : شلون ماعليها
هيا : خلينا منها يمه ليه ماتخطبين له عزوف
ام مقبل: وشو عزوف ؟
هيا : ايه عزوف وش زينها
ام مقبل : لا لا ماتجي
هيا : ليه ؟
ام مقبل : تعرفين اخوتس يبي له وحده حلوه وعزوف ماهي ذاك الزود
ضاق صدر هيا ولفت: حرام عليك يمه والله وش ملحها وبعدين ترضين احد يقول عني هالحكي
ام مقبل: وش اللي ارضاه ولا ما ارضاه هذا زواج ماهو لعبه وانتي تعرفين مقبل مابي ادخل البنت بحياه وبكره مايقبلها ويصير ذنبها برقبتي بدور له اللي يبيها بشروطه وخلاص اصلا الشرهه علي اللي اسالتس
قامت وتركتها ولفت هيا ضايقه ماتدري وش تقول ودها عزوف تاخذ مقبل ولا ودها انه ينكسر قلبها لو ما رضى بها مقبل
.
.
#نوقف هنا ونكمل معاكم قريبا ..
@riwait_221
#أنتي_حمول_الوقت_وأنا_سندها
___.
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

رابط البداية لـ "روايــة أنتي حمول الوقت وانـا سنـدها 👇
https://t.me/riwait_221/2129