ـ🌼🍃🌺🍃🌸🍃🌺🍃🌸
ـ🍃🌸🍃🌺🍃🌸
ـ🌺🍃🌸
ـ🍃 #روايـات_متألقات_بقـلم💫

روايات أديم الراشد ..
كاتبـة خليـجية ..

🌺 كـاتـبـة مـتميزة .. تألقت من خلال تسع روايات ..
وقد تم نشرهن كاملة للكاتبة
اديم الراشد التي تم نشرها بالقناة ..

الرواية الاولى1⃣👇📚
رواية مالي وطن في نجد إلا وطنها ..
أديم الراشد .. جيدة ...
😍تم نشرها مستند pdf 😍👇👇
https://t.me/ahgeelpdf/43157
تقييم الرواية 👈🏻 ⭐️⭐️⭐️



الرواية الثانية2⃣👇📚
رواية تهزمني السمراء وأنا ند فرسان .. أديم الراشد .. جيدة ...
😍تم نشرها مستند pdf 😍👇👇
https://t.me/ahgeelpdf/43159
تقييم الرواية 👈🏻 ⭐️⭐️⭐️⭐️



الرواية الثالثة3⃣👇📚
رواية لا غلاك أكبر ذنوبي ولا قلبي نبي .. اديم الراشد .. جيدة ..
😍تم نشرها مستند pdf 😍👇👇
https://t.me/ahgeelpdf/43161
تقييم الرواية 👈🏻 ⭐️⭐️⭐️⭐️



الرواية الرابعة4⃣👇📚
رواية ياما تجرعت المرارة عشانك .. أديم الراشد مميزة جدا ...
😍تريدها بارتات😍👇👇
https://t.me/ahgeel/28373
😍تريدها مستند pdf 😍👇👇
https://t.me/ahgeelpdf/43163
تقييم الرواية 👈🏻 ⭐️⭐️⭐️⭐️⭐️⭐️



الرواية الخامسة5⃣👇📚
رواية كئيب الليل ياطفلة يغيب الكل لا غبتي .. اديم الراشد .. جيدة ..
😍تريدها بارتات😍👇👇
https://t.me/ahgeel/34057
😍تريدها مستند pdf 😍👇👇
https://t.me/ahgeelpdf/43165
تقييم الرواية 👈🏻 ⭐️⭐️⭐️⭐️⭐️



الرواية السادسة6⃣👇📚
روايـة عيونك شوكة في القلب توجعني وأعبرها .. أديم الراشد .. جيدة جدا ..
😍تريدها بارتات😍👇👇
https://t.me/ahgeel/57390
😍تريدها مستند pdf 😍👇👇
https://t.me/ahgeelpdf/43190
تقييم الرواية 👈🏻 ⭐️⭐️⭐️⭐️



الرواية السابعة 7⃣👇📚
رواية بلا ميعاد .. اديم الراشد .. جيدة
😍تم نشرها مستند pdf 😍👇👇
https://t.me/ahgeelpdf/76414
تقييم الرواية 👈🏻 ⭐️⭐️⭐️⭐️



الرواية الـثامنة 8⃣👇📚
رواية عزاي انك رجاي العذب لو كل الدروب عثور ... أديم الراشد .. ممتازة جدا ..
😍تريدها بارتات😍👇👇
https://t.me/ahgeel/77347
😍تريدها مستند pdf 😍👇👇
https://t.me/ahgeel/77347
تقييم الرواية 👈🏻 ⭐️⭐️⭐️⭐️⭐️🌟



الرواية التاسعة9⃣👇📚
رواية أحبيني بلا عقد .. أديم الراشد .. مميزة جدا ..
😍تريدها بارتات😍👇👇
https://t.me/ahgeel/81413
😍تريدها مستند pdf 😍👇👇
https://t.me/ahgeelpdf/85927

تقييم الرواية 👈🏻 ⭐️⭐️⭐️⭐️⭐️⭐️


#طبعــــا👇👇 ..
1 ــ جميـع الـروايات باللهجـة الخليجية ..
2 ــ ثلاث روايات مميزة جدا ..
3 ــ جميع الروايات في مستنـدات pdf وفي بارتات..
4 _ تم تقييم الروايات بالنجوم بحسب الافضل ...

دمتم بود متـابعين قناتنا ..
📚 روايات مستندات pdf 📚

#نتمنـى_لكم_قراءة_ممتــعة ..

🍃 @ahgeelpdf 💫
🌺🍃🌸
🍃🌸🍃🌺🍃🌸
🌼🍃🌺🍃🌸🍃🌺🍃🌸

تم نشر خمسة الف وثلاثمائة وسبعة عشر رواية في مستندات الى قناتنا روايات مستندات pdf ..

وسيتم نشر روايات جديدة وحصرية على قناتنا بنهاية هذا الشهر ..
انتظروووونا ..
لاتنسوا دعوة اصدقائكم للاشتراك بالقناة ..
رابط قناتنا بالتلجرام 👇👇👇
https://t.me/+RtOlt_RqcXln9R9P

رواية جديدة سيتم عرضها لكم خلال الايام القادمة للكاتبة اﺩيم الراشد ..
{ روايـة انتي حمول الوقت وأنا سندها }
وذالك على قناة👇👇
روايات أديم الراشد
https://t.me/riwait_221
#أنتي_حمول_الوقت_وأنا_سندها

روايـة انتي حمول الوقت وأنا سندها
بقلم الكاتبة : أديم الراشد
اذا شفت تفاعلكم قوووي سنبدا بنشرها قريبا

واين التفاعل ..

{ رواية انتي حمول الوقت وأنا سندها }
( الكاتبة : أديم الراشد )
رواية جديدة سيتم عرضها لكم خلال الايام
وذالك على قناة👇👇
روايات أديم الراشد
لقراءة الرواية من البداية اضغط هنا 👇👇
https://t.me/riwait_221

" رواية انتي حمول الوقت وانا سندها "
مساء الخييييير والنور والنوير♥️
حبيت اقولكم اني ماطولت ادور الفكره وماطولت افكر بالشخصيات والاسماء لاني من كثر الشوق صرت افكر فيها حتى بنفسي لكن كان التردد فالعوده وقرار العوده والحمدلله رجعت ..
‎اليوم الحمدلله قررت انزل لكم اول بوست عن روايتي العاشره : (أنتي حمول الوقت.. وأنا سندها)♥️
‎روايتنا هالمره بيكون فيها امور نوعاً ما مختلفه ورح تشوفون معي في البدايات
‎وبما إن قبل كل روايه انزل بوست تعريفي عنها هالبوست بيكون تعريفي يعني
‎نبتدي بأسم الروايه واتوقع انه معروف ومفهوم لكن مافيه مانع من الشرح
‎و المختصر من الاسم هو ( ان في كل وقت من حياتنا فيه حمل ثقيل وفي ضغوطات وفيه صعوبات كبيره ولازم اللي تحملها يكون قوي وكفو لهالحمل وكلنا ندري عشان يعيش هالحمل ونجمعها حمول وهي يعني هموم لازم سند قوي يسندها )
‎وزي ماقلت كثير اشياء بتختلف لكن مثل ما اتفقنا نمطنا وااحد زي ما تعودنا بسيط وخفيف وقريب لمنطقنا وروحنا الحلوه♥️
.
.
‎شرحت لكم اللي عندي والحين صار دوركم تخمنون القصه وتعطوني توقعاتكم♥️🥺
.
.‎محبتكم أديم الراشد✍
#أنتي_حمول_الوقت_وأنا_سندها
وذالك على قناة روايات أديم الراشد
https://t.me/riwait_221

حساب الكاتبة اديم الراشد @riwait_221

رواية "انتي حمول الوقت .. وأنا سندها.."
🔴( تنبيه هام جداً )
( احداث الروايه قديمة جداً تعود لزمن قديم زمن العيش في القرى والحياة البسيطه .. تعود لحياة تحكمها عادات وتقاليد قديمه ولكن صعبه وتنفيذها امر واجب مايختلف عليه اثنين .. )
.
#شخصيات رواية { انتي حمول الوقت وانا سندها }

اول الشخصيات:
أم شايع : أم ابو سند وابو فزاع
شخصيه قويه لكن حقانيه تؤمن بالعادات والتقاليد وتحب احفادها وكلمتها ماتصير ثنتين
___.
بيت ابو سند ..
ابو سند : شخصية معروفه بالقبيله قوي الشخصيه له هيبته له حضوره وله كلمه ماتصير ثنتين في كل القبيله وعلى كل شخص ( يشتغل هو وعياله في للاقمشه )
ام سند : انسانه قويه وسليطه غضبها نار وكرهها دمار لها حضور واضح وكلمة قويه حنيتها لعيالها فقط
سند : الابن الاكبر يمين ابوه وسنده اشهر من النار على راس علم فالقبيله تهابه القبايل وشجاعانها قوي لكن له جانب يميل للحق 30
سند يشيل في قلبه خصلة الشعر يقصد ويغني ابيات لكن حسب مشاعره ولانها تمس مشاعره يخفيها
وصفه ( كان طويل يتصف بجسم رجولي لكن يميل للنحف اكثر ، عيونه الواسعه حاده يرعب لونها الاسود اللي يحاوط اطراف رموشه وعدسته ، يميل للون الحنطي الغامق ، حواجبه يجمعها شعر بسيط جدا لكن تعطيه هيبه وجمود ، باقي ملامحه حاده اخذها من حدة ابوه
كان يعرف بشنبه الكثيف بدون عوارض ، شعره اسود كثيف )
مجاهد : الاخ الاصغر لسند يتشابه معاه فالقوه ولكن ينهزم لعصبيته وغروره وكبريائه 24
( كانت عيونه سوداء ناعسه، شعره اسود مموج ، حواجبها سسودا كثيفه شوي له لحيه وشنب خفيفه له ملامح هاديه ،شعره اسود، طويل وعريض )
ثريا : البنت الكبيره فيها عقل يختلف عن باقي اهلها فيها هدوء وفيها حب لكل الناس عمرها26
( كان شعرها البني لين نصف ظهرها ، عيونها تشبه عيون سند في سوادها لكن عينها الناعسه انعم ،خشمها حاد حواجبها مرسومه ، وجهها ممتلي ، جسمها يميل لنحف، بيضا البشره )
ساره : البنت الوسطى طبعاً كان العقل في طريق وفي طريق اللزم ماعليها تضحك وتوسع صدرها تحب صوتها وتحب تغني
(عيونها واسعه لونها عسلي اطرفها اسود ، حواجبها يجمعها شعر خفيف جداً ، شعرها للكتف اسود وناعم
ملامحها حاده ، حنطية البشره البشره ، جسمها نحيف )
عمرها 22
مزون : الاخت الصغيرره لكن فيها من صفات امها وابوها كثير فيها قوه وعنجهيه عمرها 17
( عيونها ناعسه عسليه ، شعرها بني طويل ، نحيفه وقصيره ، حواجبها مرسومه ، بشرتها بيضا )
___.
ابيكم تفاعل ناااار
وذالك على قناة روايات أديم الراشد👇
https://t.me/riwait_221
حساب الكاتبة اديم الراشد @riwait_221
الشخصيات سيتم نشرها بالمساء

ملاحظة اذا شفت التفاعل قوووي سنبدا بنشرها بكرة ..
طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

@riwait_221
تابع شخصيات رواية " انتي حمول الوقت وانا سندها "

بيت ابو فزاع
اخو ابو سند
ابو فزاع :على نمط ابو سند نفس الشخصيه والاختلاف بمدى القوه والصرامه ومهما قسى ابو فزاع ما يطاوعه قلبه على عياله ( يشتغل في التمور )
ام فزاع : متوفيه
فزاع : انسان حنون وطيب ومنصف وحقاني يغير الغلط لحق ومهما كان مايسكت عن الحق صاحب سند وقريب لصفاته ٣٠
( عيونه ناعسه لكن لونها يميل لزيتي ( نسبة لعيون امه) ،شعره بني خفيف ، متوسط الطول وعريض الاكتاف ، ملامحه هاديه ،ابيض البشره
خزاري : اخت فزاع حبيبه وطيبه كل شي بقلبها على لسانها وفيها قوه وفيها حب للحق عمرها٢٤
( قصيره ورويانه شوي ،شعرها مابين الاسود والبني ، عيونها عسلي يميل للاخضر ، بيضا البشره ملامحه ناعمه وهاديه)
___.
بيت ابو مقبل :
ابو مقبل : مثل كل الاباء في عصره قوي له هيبته له وجوده متقيد بالعادات والتقاليد ولا يمكن انها ترفض عنده او حتى يفكرون برفضها ( يشتغل في المفروشات )
ام مقبل : لينة وحنينه لها قلب طيب لكن لها اوامر قويه وطاعه لابو مقبل عجيبه لها هيبة الامهات ولها طاعات الزوجات
مقبل : الابن الاكبر هادي طيب لكن فيه عزة البدوي اللي مايقبل الاهانه من احد وله جانب عصبي يحرقه دايماً عمره : 25
(طويل وعريض الاكتاف ، شعره بني غامق ، ملامحه اغلبها طويل عيونه واسعه لونها بني ، حواجبه عريضه
اسمر شوي )
هيا : البنت الوحيده ربتها امها على الطاعه والتضحيه ربتها على المسؤوليه والخضوع لكل امر لكن من قبل التربيه كانت شخصية هيا طيبه تحب الخير وتخاف
من الشر بسيطه ومرحه عمرها24
( شعرها اسود طويل ، عيونها بني ناعسه ، طويله جسمها معتدل مابين النحف والامتلاء ، حنطيه اللون
رموشها معكوفه ، ملامحها ناعمه )
___.
.‎محبتكم أديم الراشد✍
#أنتي_حمول_الوقت_وأنا_سندها
وذالك على قناة روايات أديم الراشد
https://t.me/riwait_221

حساب الكاتبة اديم الراشد @riwait_221

تابع شخصيات رواية " انتي حمول الوقت وانا سندها "
@riwait_221

ابو سعد
ابو سعد وام سعد متوفين من فتره ومافيه الا سعد وعزوف اخوان
سعد : شاب هادي متوسط الطول ابيض البشره عريض شوي ملامح هاديه عيونه واسعه لونها بني
شعره اسود له شنب ولحيه خفيفه عمره 28
عزوف : دبوبه شوي بيضا وشعرها اسود لين كتفها عيونها واسعه لونها بني قصيره شوي
ودمها خفيف وروحها حلووه عمره23)
___.
باقي الشخصيات
بنتعرف عليهم في الاحداث ..
___.
مستعدين نبداء
ابيكم تفاعل قوي منشان نبدا
#ملاحظة اذا شفت التفاعل قوووي سنبدا بنشرها بكرة ..
طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

سيتم نشر خمسة بارتات بالمساء. .
انتظرووونا 😊😊

@riwait_221
{ رواية انتي حمول الوقت وانا سندها }
(البارت الاول )
في بيت ابو مقبل
وقف ابو مقبل وهو ينفض شماغه بعد الفطور: الحمدلله الذي رزقنا واطعمنا
التفت لمقبل :فز ياولد شف شغلك ولا تبطي
مقبل : ابشر يبه ابشر
ام مقبل : عوّد قبل ماتطيح الشمس يايمه
مقبل: ابشري
ام مقبل : يلا يا هيا لمي الفطور وسنعي البيت
هيا : ابشري
فزت هيا تلم السفره وعينها على مقبل وقبل يطلع ركضت له : مقبل
مقبل:سمي
هيا : ابي فلوس معك؟
مقبل: معي لكن وش تبين فيها
هيا: يبي يجي فرقنا الحين وبتقضى لي شوي منه( فرقنا : صاحب بسطه يدور ويبيع على القبايل)
مقبل:اييه ابشري بعزتس وانا اخوتس اشتري اللي ودتس فيه واستانسي خليتس ازين بنات القبيله
ضحكت هيا بفرح : ياعلي ما ذوق حزنك يابعد اهلي
اخذت هيا القروش وراحت تلم السفره وتخلص الشغل قبل يجي فرقنا وتطير الطيور بأرزاقها عصبت طرحتها على راسها ( كنوع من انواع الجديه فالشغل ) وانطلقت وهي تغني اغنيتها المفضله لحجاب :
تجري بي الاقدار من دون مختار
‏واصبر ولو بانت علي الهزيعه
وكملت وهي تدندن لين انتهت ووقفت على صوت فرقنا لللي ينادي ويسوق لبضاعته
( معنا الزين لزينات معنا الحنا والنقشات معنا كحله وملفع زين وثويبات ( تصغير ثوب ) لترفات ( الجميلات المترفات )
ركضت بعد ما لبست جلالها وطلعت وهي فرحانه وتقلب بالبضايع : بكم هالقطعه يا فرقنا
ضحك فرقنا والتتفت لها: لو سعرها مليون لاخت مقبل يرخص الغالي
صدت ببتسامه وقالت : عطني هالقطعه وعطني ملفع لامي وعطني كحله
فرقنا : ابشري
بدا يطلعها وهيا فرحانه تحسب الفلوس واللي بقى ربطته بطرحتها
ولكن مثل البرق جات عزوف ووقفت وهي تعدل برقعها: ماهيب هيييينه الدله العصلا( تقصد النحيفه وهي هيا )
ضحكت هيا : جاكم القضاء المستعجل وش عندتس غبرتي علينا
ضحكت عزوف وهي تمسح طرحتها عن الغبار : شفت فرقنا رفرف قلبي احب الزين( تقصد الاشياء الحلوه) والزين مايحبني
هيا : واخزياه ياجهير وشلون الزين مايحبتس
عزوف: وشلون يحبني وانا منتثره شحومي لازم اصير عصا عشان يزين علي كل شي
ضحكت هيا بحب: ياجهير انتي اللي تزينين الللبس
عزوف: ياكذبتس ، فرقنا عطني قطعه
ضحك فرقنا: ماعندي قطع الا متر ومتر ونص وانتي اخبر بعمرتس يبي لتس طااقه ( لفة قماش كامل)
طالعته عزوف بحقد ودفت طاولته وطاح كل شي وتركته يهاوش وضحكت بإنتصار
لحقتها هيا وهي تضحك وجلسوا يتقهوون وعزوف كالعاده تحش بكل من يمر
___.
@riwait_221
#أنتي_حمول_الوقت_وأنا_سندها
___.
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

@riwait_221
{ رواية انتي حمول الوقت وانا سندها }
(البارت الثاني )

في بيت ابو سند
وقف ساره وهي ترفع البخور وتدور على امها وتغني وتضحك : شاقني ريح البخور يوم بانت الاجوديه
ام سند في حلاها كانها غزال ريميه
ضحكت ثريا : شوهتي الكلمات
طنشتها ام سند ومشت وضحكت ساره : شوهت ولا ماشوهت ماعطتني وجهه
دخل سند وهو يضحك : ماتجملتي فيها من ذا الصبح
ساره : ما تلقون مثلي يصبحكم بصوته ويمسيكم به
مجاهد : مانبي نلقى انا مدري امي متوحمه على طقاقه ولا وشو
مزون : ياحسافة حملها بس
ساره : بالله؟؟
ام سند : وهي صادقه لا فايده ولا عايده بس تغنين
سند : خلوووها خلوها تغني اللي تبي
ضحكت ساره: اااه يا سند هالدنيا والله انك تبري العله
سند : يلا اجل ابري علتي وعطيني فطور
ساره: ابشر انت تامر وانا ألبي
مجاهد : ساحرها انت؟
ضحك سند : سحر اخوي
جاء ابو سند وسكتوا كلهم وجهز الفطور وافطروا ووقف ابو سند : يلا كلٍ يشوف شغله واصبحوا بخير
الكل : ابشر
راح ولفت ساره بضحك وهمس : الا انا ودي اسال جدتي و توحمت عليه يوم جابت ابوي ياربي ما يضحك
ام سند : هذا لللي بقى لتس تعذربين ابوتس
ساره: ماعذربته هاذي امنيه ابيها تحقق
سند : ودي اقولك بحلمتس بس يمكن تصير معجزه
مجاهد : ولا سحر مثل سحركم
ضحكت ثريا: وهو صادق
مزون : ليته يسمع
ساره: اذا نا فتنتي ماهوب سامع
سند : خلاص يلا كلٍ يخلص اموره
انتشروا يشوفون شغلهم وكل واحد له مساره اللي يرتاح له
___.
في بيت ابو فزاع
كانت خزاري تجهز الفطور وجدتها عندها بالمطبخ وهي تدق بعكازها الارض وتغني لخزاري وتضحك وهي تحب خزاري حيل: يازين الثوب وراعييته
وطويل الشعر محنيته
خزاري ياغصن البان
وعيونتس عيون الغزلان
ضحكت خزاري اللي كانت ترقص : ياكبر حظي بتس ياجدتي
ضحكت جدتها: انا والله اللي ياكبر حظي دامتس بنيتي اللي ماجابها بطني وصرتي اغلى من عيالي
خزاري : الله عوضني بتس بدال امي اللي ما شفتها
فزاع : ياهملالي عز الله ما افطرنا دام طار الغزل قايم بينكم
ضحكت ام شايع: تعال تعال لو ما تغار كان حنا بخير
فزاع: تراني يتييم بعد لميني مثلها
حضنته ام شايع: نلمك ليه ما نلمك
خزاري : هذا والله الدلع اللي مانتهنى به
ابو فزاع: مابعد جهز فطوركم
فز فزاع ووقف : مدري عن بنتك
خزاري : جهز يا عيوني الثنتين جهز
ابو فزاع: تسلم عيونتس يلا يا ابوك عجلي
اقبل على امه يحب راسها: كيف اصبحتي ياميمتي
ام شايع : بخيرٍ عساك بخير
ابو فزاع: حمدلله
ام شايع: اليوم اعزم ابو سند للعشاء
ابو فزاع : ابشري على خشمي
ام شايع: تسلم
انتهى فطورهم بهدوء التفت لفزاع: يلا يلا ورانا شغل
فزاع : ابشر
.
@riwait_221
#أنتي_حمول_الوقت_وأنا_سندها
___.
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

@riwait_221
{ رواية انتي حمول الوقت وانا سندها }
(البارت الثالث )
.
في محل ابو سند
كان سند جالس وهو يتقهوى ويناظر الناس اللي رايحين جاين ومجاهد اللي فعلاً يجاهد فالاقشمه والزباين
وقف سند اول ماشاف عمه ابو فزاع : هلا يامرحبا
ابو فزاع: المهلي مايولي شلونك ياسند
سند : على ماتحب يا عمي علومكم علوم جدتي
ابو فزاع : بخير الحمدلله وانا جاي مرسول من جدتك وين ابوك
سند : راح لشيخ بيتقهوى عنده وبيرجع تقهوو لين يجي
ابو فزاع : لا لا مامعي وقت لكن سلم على ابوك وقوله حياكم الله جميع للعشاء الليله وامي تنتظركم
سند : ابشر
ابو فزاع: بشرت بالجنه
سند : وياك
طلع ابو فزاع ولف عليه مجاهد بعد ماراحوا الزباين: تهقى جدتي عندها شي؟
سند :شي؟ مثل وش
مجاهد : مدري ماتنادي ابوي كذا الا فيه موضوع
سند : يارجال امر الله هين وش بيكون فيه
مجاهد : يمكن عشان بنت عمك ودها تحرك الموضوع وتعرس انت وياها وتخلص
ضحك سند : ان قاله الله خير وبيصير العرس بدون تدخلات
مجاهد : ودي انك ماتعرس
سند : هذا اللي ماعرفنا له
ضحك مجاهد : يعني مابي ينفتح علي باب
سند : ماعليك ماعليك قرب وباعد لييين الله يفرجها
سكتوا على دخول ابوهم : سلام عليكم
الكل: وعليكم السلام
سند : توه عمي موجود ويدورك
ابو سند : عسى خير
سند : يقول جدتي تعزمك للعشاء اليوم
اخذ ابو سند نفس : اكيد تبي تنادي محيرين بنتهم ولا جيناهم( يقصد ان بنت العم لولد عمها )
سند نزل راسه: على امرك يبه اللي تبي يصير
ابو سند: جهز نفس الليله نبي نبت فالامر
سند : تم
ضحك مجاهد على سند اللي صد ببتسامه خفيفه وهو مايدري كيف بيستقبل هالحياه
___.
في محل ابو مقبل
كان مقبل شاد حيله ويشتغل في شغله وهاذي حياته شغله
ابو مقبل : ما ودك تحرك دمك ونزوجك
ترك مقبل اللي في يده والتفت بضحك : مانيب قايل لا بس منهي اللي تستاهلني
ابو مقبل: بيوت القبيله مليانه بنات طب وتخير
مقبل : اللي بتطب هي امي والا انا فصلوا وانا اللبس
ابو مقبل: خير وخيره ان شاء الله اجل لا عودنا علم امك
مقبل : ابشر
ترك مقبل اللي بيده وطلع وهو ينزل كمومه وقف عند القهوه اللي قريب محلهم ودخل وهو يقول : صبحت بالسعد يا سعد
سعد: صبحت بالنور والخير والرضا
وضحكوا مع بعض وكملو: والسعد
سعد: اقلط قهوتك زاهبه
.
.
@riwait_221
#أنتي_حمول_الوقت_وأنا_سندها
___.
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

@riwait_221
{ رواية انتي حمول الوقت وانا سندها }
(البارت الرابع )

سعد: صبحت بالنور والخير والرضا
وضحكوا مع بعض وكملو: والسعد
سعد: اقلط قهوتك زاهبه
مقبل : قصدك قهوة المعرس
سعد : يارجال الخلا بس من عرفتك وانت بعرس ولا بعد اعرست
ضحك مقبل وهو يحب يمزح: وش اسوي مالقيت اللي افرح قلبها واخطبها
سعد: قصدك تعل قلبها
مقبل : شوي بس
سعد : هالمره صامل
مقبل: الشايب صامل ولا انا مرتاح ومريح
سعد: يا خوي اذا حصل لك عرس اعرس هاذي ماتصير الا بعد حب خشوم
مقبل : بيقوله الله وبنعرس جميع
ضحك سعد وصد : اعوذ بالله بتخطبني
ضحك مقبل وهو يعرف مزح سعد زين: ياعلّي ما اربح كان باخذك
سعد : حمدلله ماني ببنت ويغصبوني عليك
صد مقبل يضحك : استغفرلله
سعد : اي والله
مقبل: الاكيد شد حيلك انت بعد
ابتسم سعد بخفا وبعينه يخايل هيا : خلني لين اجهز قصري ويليق بأميرته ثم اخطب
ضحك مقبل : ياضيييمها خايبة الحظ
كان سعد يكن حبه لهيا لنفسه ومستحيل يصرح به ابد وضحك وهو يشتغل وده يجي هاليوم اللي بيجمعهم وعيا لا يجي
___.
وفي الليل في بيت ابو سند
كانت حالة استنفار والكل يجهز الا ساره اللي جالسه وتناظر سند
التفت سند : سلامٍ قول من رب رحيم وش بلاك تخزيني لك ساعه
ساره : افكر فيك
سند: وش تفكرين به ؟
ساره: ان تزوجت بتغلي خزاري اكثر منا؟
التفت سند بتحديق: ماهقيت هالأسئله لتس هذا كلام مزون
ضحكت ساره: يعني تقدر تقول هي اساس السالفه
سند : اي والله ادري
ساره: هو انا احب خزاري واغليها واموت عليها بس ودي اعرف بتغليها اكثر
سند : الحين ماهي بنت عمكم وتحبونها وبتحبكم يعني اذا تزوجتها وش بيختلف
ساره: ولا شي بحبها اكثرر
ضحك سند : كفو
جت ثريا : يلا ابوي ينادي
طلعوا كلهم متجهين لبيت ابو فزاع

@riwait_221
#أنتي_حمول_الوقت_وأنا_سندها
___.
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇

@riwait_221
{ رواية انتي حمول الوقت وانا سندها }
(البارت الخامس )

وفي بيت ابو فزاع
ماكانت خزاري تدري وش السالفه وتجهز كعادتها لين دخل فزاع وهو يقول : خزاري بنت
لفت بهمس : بسم لله وش فيك
فزاع : للحين ما لبستي
خزاري : لبسي هذا هو وش فيه
فزاع :مافيه شي لكن وانا اخوتس انتي الليله بتصيرين عروس
شهقت خزاري برعب : وشلون عروس
فزاع : سمعت جدتي تقول ان اليوم عمي بيخطب رسمي يعني لازم تكونين كاشخه
ارتبكت خزاري بس ضحكت بحب: يا بعد الدنيا يا فزاع ياعلي ما انحرم منك ياللي معوضني عن كل شي
ضحك فزاع: افا عليك انا لك عون يلا يلا برتب الصينيه وانتي بسرعه اجهزي
راحت خزاري وجلس فزاع يرتب وهو مبتسم يحب اخته ويبي يكون لها كل شي ام وابو واخو واخت وكل شي
التفت على اصواتهم وطلع وهو مبتسم على صوت ابوه للي يرحب : ياهلا يالله حيهم
ابو سند : تحيى وتدوم وانا اخوك، مسيتي بالخير يا يمه
ام شايع :مسيت بالرضا والسرور
اقبلو كلهم يسلمون عليها وهدى صوت المجلس وقعدوا والتفتت ام شايع تقول: لازم نناديكم ولا ماتجون اللهم ياكافي
ابو سند: ولله يا يمه اشغال وانتي عارفه
ام شايع : ايه اشغال لكن ماتقطعون
ابو سند : ابشري ابشري مالتس الا طيبة الخاطر
ابو فزاع: كانك بتطيب خاطرها تنام عندنا الليله وبكره جمعه مافيه اشغال
ام شايع: اييه ولا مايطيب خاطري
ابو سند: تم تم
بهمس في زواية المجلس قالت ساره بضحك: خزارييوه جايين بنخطبتس
ضحكت خزاري بحيا : ماجبتي شي جديد
مزون : ويومتس عارفه وشوله رازه وجهتس وجالسه
خزاري بفشله: وين اروح
ثريا ضربت مزون بشويش: ماعليتس منها اجلسي
قامت خزاري بفشله وراح للمطبخ
ثريا: خير انتي لسانتس متبري منتس
ساره: تبيني اقوم امعط شوشتها
صدت مزون اللي ماتشوف انها غلطت وقامت ساره ولحقت خزاري : خزاري وش بتس رحتي
خزاري : مزون صادقه مايصير اجلس
ساره: سوي نفستس مادريتي واجلسي وش فيها
دفتها بخفه وضحكة: خلي سند يقر عينه
ضحكت خزاري بحرج: يا ثقل دمتس
ساره بضحك: خزاري في ذمتس تحبين سند
خزاري بصد: وش ذا الحكي
ساره: مافيها شي دامه بيصير رجلتس ودام كلٍ يدري انتي له وهو لتس
خزاري : مافضيت احب
ساره : بس بتحبينه لايغرك كلامهم عنه ولا يغرك ملامحه تراه اجودي
ضحكت خزاري بخوف : الله العالم
ساره: واالله مكذب عليتس
سكتوا اول ماجو البنات وكملوا سوالف عاديه
___.
وفي مجلس ابو فزاع
قال ابو سند بعد ما التفت لسند : اقول وانا اخوك
ابو فزاع: سم

@riwait_221
#أنتي_حمول_الوقت_وأنا_سندها
___.
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇