‼️Беларусь сярод лідараў па колькасці зняволеных літаратараў

‼️Беларусь заняла сёмае месца сярод краін з найбольшай колькасцю зняволеных літаратараў па выніках 2021 года.

Такі рэйтынг утрымліваецца ў новай справаздачы PEN America – паведамляе Беларускі ПЭН-цэнтр.

У адным шэрагу з Беларуссю стаяць Кітай, М’янма, Саудаўская Аравія, Іран, Турцыя, Эрытрэя ды іншыя дзяржавы.

У дакуменце ўзгадваюцца прозвішчы дзесяці беларускіх аўтараў, у тым ліку Андрэя Пачобута, Алеся Бяляцкага, Мікалая Дзядка, Аляксандра Фядуты і Мікалая Папекі.

📷 TASS

#зняволеныя #літаратары #Пачобут #Бяляцкі #Дзядок #Фядута #Папека

🤍❤️🤍Створаны стыкерпак у падтрымку палітзняволеных жанчын

Масавы жаночы пратэставы рух паўстаў 12 жніўня ў 2020 годзе, калі ў Менску беларускі ў белым упершыню сталі ў счэпку. На жаль, шмат хто з іх цяпер за кратамі, адзначае прадстаўніца "Майстэрні" Дар’я Рублеўская:

- Мы захапляліся тым, якія яны моцныя, іх памкненнем штосьці мяняць. Мы ўсё яшчэ захапляемся тым, як яны працягваюць працаваць на змены ў грамадстве. Наш салідарны абавязак у тым, каб падтрымліваць жанчын, якія апынуліся за кратамі.

📌Таму “Майстэрня” прапануе дасылаць палітзняволеным жанчынам паштоўкі салідарнасці разам са стыкерпакам — наборам пяшчотных налепак, які валанцёры "Майстэрні" будуць укладаць у лісты.

📷 Радыё Рацыя

#стыкерпак #Рублеўская #Майстэрня #лісты #зняволеныя