​​🌿Ҳар қандай ҳолатда ҳам ҳотиржамликни ўзингиз учун сақлашга харакат қилинг. Атроф сиз кутган натижани бермаслиги мумкин. Баъзан бу тушунмовчиликлар шок ҳолатга олиб келади.

🌿Кимдир тентаклик даражасигача ўйловсиз ишлар қилган бўлса, бу сизни олдингизга қўйган мақсад ва ҳаёт ритмингизга таъсирини ўтқизишига йўл қўйманг.

🌿Одамлар, одамийлик чегарасидан чиқишида, сизнинг ўз чегарангиздан чиқишига сабабчи бўладиган ҳолатларда ўзингизни қўлга олинг.

🌿Инсон ўзгармайди! Ич ичидан ўша қалби билан характери билан қолаверади. Фақатгина атроф муҳит ва шароитга мослашиш учун маълум бир вақт ўзини ўзгартириб туради.

🌿Ҳар бир синовни, факт деб қабул қилинг! Баъзан дўст деб ўйлаганингиз душман қилолмаган ишни уддасидан чиқади. Бу эса сизга эмас, айнан ўша дўстингизга бу дунёни синовидир.

🌿Иложи борича виждонан тўғри яшашга харакат қилинг. Сиз яқин бўлиб, узоқ бўлганларингиз бир кун келиб худди сиздек йўл тутишади. Сиз қанақа баҳоналарни ҳаёт учун ўзингизни оқлаш учун ўйлаб топсангиз, ҳаёт ҳам ўз баҳонасини олдингизга кўндаланг қилиб қўяди.

🍀Манзилгача ҳалол ва пок бўлишга харакат қилинг.

Sh. Jumaqulovna

© ️ ПСИХОЛОГИЯ ВА ТАФАККУР‌‌

Инсонлар ўзларининг психологик муаммоларини бирданига ҳал қилишолмайди, чунки улар бу муаммоларни асл илдизини сезишмайди.

Биз ҳаётимиздаги ноқулайликлар билан яшашга мослашиб борамиз. Биз бунга қачонки бир хилликдаги турмуш тарзимизда вужудга келган "портлаш эффекти" дагина эътибор қаратамиз, яъни :

✔️Хавотирга тушган одамлар кучли ваҳима ҳужумига дуч келишганида;

✔️Перфекционистлар хато қилиб қўйиш қўрқуви туфайли, ҳаётидаги қисман ҳаракатсизликни ҳаёт мамот тугаши сифатида қабул қилишдан чарчашганида;

✔️Қарамликка мойил инсонлар қарамликларига қул бўлиб қолиши,шундан бошқа мавзу ҳаёлга келтирмасликлари, ҳамда ўз мавзусидан бошқа нарсалар ҳақида ўйлашни тўхтатиб қўйишдек қулликдан қутилишмоқчи бўлишганида;

👌Бунга олиб келмаслик учун ҳаёт, бизга қандай қилиб ўзимизни авайлашни ўргатмайди! Бунга ҳаётни ўзи босқичма босқич тайёрлайди.

🌿Қачонки, бу мажбуриятлардан чарчаб ўзингизни бу ҳолатингиздан ўзгартирмоқчи бўлганингизда ҳақиқий ўзлик учун кураш пайдо бўлади...

Ўзингизни англаш, фақат битта ҳолатда - бу муаммони тўхтатишга уринаётганда аниқ бўлади.

Shahnoza Jumaqulovna

Ишончингиздан фойдаланишдими?

Демак ўша инсонда сиздаги тўғриликка эҳтиёжи бор.

Алданганингизни сезган бўлсангиз, сизда ёлғонга иммунитет шаклланибди.

Ҳар ваъда берган ва ҳар ваъдасини бузган аслида, сизники каби иродага муҳтождир.

Ҳар муносабатни баҳолаш шарт эмас.

Ҳар баҳони қийматини, уни қўйган ўқитувчигина билади.

Узатилган қўллар ол деб эмас, бер деб чўзиладиган сонияларда ўзингизни йўқотиб қўйманг.

Sh. Jumaqulovna

​​Доимий қурбон ролида юргувчи ва доимий бировларни ёнида айбдорлик ҳиссини ўзига сингдирган ота оналар , худди ўзига ўхшаган қурбон бўлувчи ўзини севмайдиган фарзандларни дунёга келтиришади.

Ўз ўзингизни бошқаринг. Инсонларни ёнида бўлар бўлмасга ўзингизни айбдор ҳис қилманг. Бу ҳис шунчалик ўзингизга бўлган баҳони ҳамда ҳурматни йўқ қилади.

Айбдорлик ҳисси, ўзингизни эркин тутишдан ва ўзингизни англашдан тўсиб қўяди.
Буларга, тинимсиз узр сўраш,ҳафа қилдимми деб сиқилиш, кетиб қолсачи, келмай қолсачи, ёмон кўриб қолсачи, мени деб бўлсачи, каби ҳаддини унутган ортиқча қавс ичидаги андишадир.

Ҳеч бўлмаса орқангиздан қоладиган авлодингиз учун ҳам, ўзингизни қайта кашф қилинг.
Бўлмаса,фарзандларингиз ҳам ўзининг бу ортиқча қурбон бўлишларидан депрессияга ва стресс ҳолатларига тушушлари мумкин.

Йўқ дейишни айтолмаганларидан, умри бўйи ичидаги менини синдириб ўтишади.

Ҳар қандай ёшда ҳам ўзингизни қайтадан кашф қилинг. Ёш шунчаки рақамдир. Йиллар эса тажриба йўлидир.

Англаб туриб, амалда сиз қўлламасангиз,фарзандингиз ҳам қўллашига умидвор бўлманг.

Sh. Jumaqulovna

© ️ ПСИХОЛОГИЯ ВА ТАФАККУР‌‌

​​Ҳаракат муваффақиятнинг калитидир!

Инсоннинг ҳар қандай оғир ёки имтиҳонли вақтларидан олиб чиқувчи кўмакчи куч бу ҳаракатдир! Агар ҳаракат бўлмаса, қалбимизга ҳар ҳил шубҳалар, ўйловлар ва кераксиз ёпишқоқ фикрлар кириб келаверади. Бунинг натижасида мақсадимизга эришишда ёки яшашимизга нисбатан ички қўрқув пайдо бўлади.

Ҳар қандай натижага фақат ҳаракат билан эришиш мумкин.

Ҳоҳлаганча орзу қилишимиз, режалар тузишимиз мумкин, қилиб ўтган бўлган хатоларимизни ёки кимнидир хатоларини қайта таҳлил қилишимиз ва уларни бартараф қилиш усулларини ишлаб чиқишимиз мумкин, аммо биз ҳаракат қилмасак.... биз кутган, режамиздаги натижаларга эриша олмаймиз!

Аксинча, агар биз қайсидир истагимизга эришишда тайёр бўлмасак-да, билимларимиз саёзроқ бўлса ҳам, бу истагимизни амалга оширишдаги шошилинч ҳаракатимиз ҳам муваффақиятга эришишдаги бошланғич имкониятига сабабчи бўлади!

Сизни мақсадингиз ҳақида ўйлашдан ва пухта режалаштиришдан ишларингизни қайтаришни истамайман.

Аммо кейинги босқич, амал қилиш ва харакат бўлади! Чунки амалга оширилмаса, ҳар қандай режалар бефойда ва вақтни бекорга сарфлашдир.

Ҳаракат - барча ғалабаларнинг бошланғич дебочасидир!

Shahnoza Jumaqulovna

© ️ ПСИХОЛОГИЯ ВА ТАФАККУР‌‌

​​Мухаббат нима....

Мухаббат қўл ушлашмай ҳаё билан боғларда ўтган суҳбатдир...

Мухаббат келин салом рўмоли остидан уялиб нигоҳни кўтарганда дуч келган оловдек ёнган тикилиб турган куёв кўзларидир...

Мухаббат.. Ҳамма ҳамма ишларни тугатиб.. Дарвоза олдига югуриб чиқиб, узоқдан совуқда келаётган таниш ўша унга азиз энг суюкли чеҳра.. оддий костюмдаги у учун энг келишган уйга қайтаётган дунёдаги тенги йўқ ягона ҳалолидир...

Мухаббат... Ҳомиладорликда танлаб топилмас қиммат, энг оҳирги пулларга олинган қишдаги помидордир)))... Бу помидорни мазза қилиб еяётган жуфтига завқ билан қараётган куёвнинг меҳрли севгига тўла кўзларидир...

Мухаббат... Уч кун сафарга кетган, аммо турмушига етти йил бўлса ҳамки,,, келганида юраклари гупуллаган нозик елкалардир..

Мухаббат ёрини сочларини ҳидлаб пешанасидан ўпиб, кўзларини юмиб туриб, узоооқ бағрига босган куёв қучоғидир...

Мухаббат неча тун тонггача жуфтини... хаста музлаган оёқларини қўллари орасида иситишдир...

Мухаббат кетаман деганда тили.. дили мани кетқизма ушлаб қол, авайла ва асра деган ўтинчдир...

Мухаббат эътиборсизлик ниқобидаги соғинчдир..

Мухаббат лафздир...

Мухаббат ҳар доим ҳам изҳор қилинмаган юракни тубидаги энг чиройли кўрсатилмаган ҳалол неъматдир...

Sh. Jumaqulovna

© ️ ПСИХОЛОГИЯ ВА ТАФАККУР‌‌

Дуо кучи!!!

Ҳамиша уйғоқ бўл ўғлим!!!

Баъзида кибр, "ғурур" либосида ёки ниқобида кириб мияни тинч қўймаскан... Уни кетидан ҳалак қалбниям кишанлаб қўйвормаскан.

Қани энди бу кибрланган ўйлар билсайди, қанчалик имконият бу йўлда исроф ва увол бўлганини...

Нима қибди? Топталгандек бўлган бўлсангиз? Нима қибди эзилган бўлсангиз? Туринг!!!

Вақт сизни кутмайди, аямайди..
Вақт турганни ва эплаганни, улгурганнигина қўллаб Фаҳрий ёрлиқ беради!

Нима қибди? Бу усул ўхшамаса бошқасини қўллаймизда😊😉

Shahnoza Jumaqulovna

БАРАКА...ўлчови белгиланмаган эҳсондир!
Бизнинг қанча даромад кўриб , қанчасини сарф қилишимизни хисоб-китобида ҳам эмас. Айнан ёзилган миқдорларда ҳам эмас.
БАРАКА бу юракдан илинган, қиймати муҳим бўлмаган илинишни мукофотидир.
ЭҲСОН ҳеч қачон хисоб китобли бўлмайди....

ЭҲСОННИ ЯРАТГАННИ ЎЗИ КУТИЛМАГАНДА ЮРАККА СОЛАДИ.
Буни Номи ҳалқ тилида оддийгина ОДАМГАРЧИЛИК дейилади.

Самимийлик бўлган қалблар билан туташ бўлишни Аллоҳ хамиша насиб қилсин.

Shahnoza Jumaqulovna

Сизни, сиздаги фикрлармас, балки сиздаги харакат сайқаллайди!

Умрингиз бўйи бир жойда туриб ҳаёлан келажагингиз ҳақида ширин орзулар,режалар қилишингиз мумкин аммо бу ҳаёллар ва режалар амалда шу бугунни ўзида мақсад сари харакатини бошламас экан. На сизга, на келажагингизга мисқолдек фойдаси бўлмайди. Режалар тузишдек қобилиятни харакат деб номланган амалиёти бўлмас экан, вақтимиз эртага деб номланган баҳоналар қўлида увол кетади..

Shahnoza Jumaqulovna

Ишлатилган билимгина кучга эга бўлади! Айнан китобларда ўқилган билимларни ўзигина куч бермайди, самара кўрсатмайди агар уни амалда қўллаб кўрмасангиз. Амалда ишлатмасангиз. Фойдаланмасангиз.

Психолог Шахноз

Ҳар қандай қайтадиган манзилингизга оборадиган изларни ўчирманг. Энг юқори чўққида минг атроф гўзал кўринмасин, узоқ туриб бўлмайди. Вақти-ки ерга сокинликка талпинади, қўмсайди одам. Шундай экан қайтадиган манзилингизга ўт қўйиб кетманг. Кибр қилиб кетманг. Жаҳл қилиб кетманг. Ўрнингизни бўш қолдириб кетманг. Ҳар ўринга ўтиришни истагувчилар топилади.

Сиз ўрнатган қонунлар бир кун келиб ўз кучини йўқотиб,ўрнига янги қонунлар ижро бўлади.

Изингизни қайтганингизда тополмасангиз билингки, у билан қадрингиз ҳам, ҳурматингиз ҳам йўқолган бўлади. Ҳар сафар ҳам қайтганлар қучоқ очиб кутилмайди.

Ўзлигингни унутма!

Shahnoza Jumaqulovna

​​Низолашувчанлик даражасини аниқлаш сўровномаси

Мазкур сўровнома шахсга низолашувчанлик хусусияти қанчалик хос эканини аниқлашга хизмат қилади.
Йўриқнома: Сизга 8 та савол тақдим этилади. Ҳар бир саволдаги варианлардан бирини танланг.

1. Жамоат транспортида бошланиб кетган тортишувга сизнинг муносабатингиз қандай бўлади?

А) Иштирок этаман;
Б) Қайси томонни ҳақ деб билсам, унинг олдини олиб, бирор нарса дейман,
В) Фаол аралашиб, бутун зарбани ўзимга оламан.

2. Мажлисларда раҳбариятни танқид қилиб чиқасизми?

А) Йўқ;
Б) Етарли асосга эга бўлсам, танқид қиламан;
В) Ҳар қандай сабаб билан нафақат раҳбариятни, балки унинг олдини олганларни ҳам танқид қиламан.

3. Дўстларингиз билан тез – тез тортишиб турасизми?

А) Ҳафа бўлмайдиганлари билан тортишаман;
Б) Фақат айрим жиддий масалаларда тортишаман;
В) Тортишув менга сув ва ҳаводек зарур.

4. Яқинда келиб, навбат бошига суқилиб кираётган кишига муносабатингиз қандай бўлади?

А) Ичимдан норози бўламан-у, индамайман;
Б) Эътироз билдираман;
В) Ўзим навбат бошига туриб, одамларни тартибга чақираман.

5. Уйда дастурхонга тузи паст таом тортилганда, реакциянгиз қандай бўлади?

А) Арзимаган нарсани деб дод –вой солмайман;
Б) Индамай туздонни оламан;
В) Пичинг қиламан, овқатланишдан намойишкорона бош тортаман.

6. Кўчада ёки транспортда оёғингизни босиб олишса, реакциянгиз қандай бўлади?

А) Айбдор одамга кинояли қараб қўяман;
Б) Икки оғиз эътироз билдираман;
В) Бисотимдаги ҳамма “чиройли” сўзларни тўкиб сочаман.

7. Яқинларингиздан бири сизга ёқмайдиган нарса ҳарид қилганда реакциянгиз қандай бўлади?

А) Индамай қўя қоламан;
Б) Қисқача фикр билдириб қўяман;
В) Танқид қилиб ташлайман.

8. Лотореяда омадингиз чопмаса, бунга қандай муносабатда бўласиз?

А) Ўзимни хеч нарса бўлмагандай кўрсатаман, аммо ичимда бошқа ўйнамасликка ўзимга ваъда бераман;
Б) Ҳафалигимни беркитмайман ва бир кунмас оламимни олмасам бўлмайди деб ўйлаб қўяман;
В) Анчагача кайфиятим бузуқ бўлиб юраман.

© ️ ПСИХОЛОГИЯ ВА ТАФАККУР‌‌

Натижаларни ҳисоблаш.

Ҳар бир “А” вариант – 4 балл
Ҳар бир “Б” вариант – 2 балл
Ҳар бир “В” вариант – 0 балл

Натижаларни талқин этиш

22 – 32 балл. Сиз тинчликсевар, низолардан осонлик билан чиқиб кетадиган, уйда ҳам, ишда ҳам тортишувли вазиятлардан ўзини олиб қочадиган одамсиз. Шунинг учун одамлар сизни мослашувчан инсон, деб билади. Унутманг, вазият тақазо қилганда принципиалликни намоён этиш ҳам ҳурматга лойиқ хусусият.

12 – 20 балл. Сиз низолашувчанроқ одамсиз, бироқ иложсиз ҳолатлардагина низога киришасиз. Сиз вақти келганда амалингиз ва дўстларингизни йўқотиб қўйишдан қўрқмай ўз фикрингизни қаттиқ туриб имоя иласиз. Бунда обод – аҳлоқ меъёрларидан четга чиқмайсиз, одамни ҳақорат қилмайсиз. Шунинг учун одамлар сизни ҳурмат қилишади.

0 – 11 балл. Баҳс, мунозара, тортишув – сиз нафас оладиган ҳаво. Бошқаларни танқид қилишни яхши кўрасиз, аммо сизни танқид қилганларни тириклай “еб юборишга” тайёрсиз. Вазминликнинг етишмаслиги ва қўрслик одамларни сиздан бездиради. Дўстларингиз кўпми? Кўп бўлишини истасангиз, характерингиз устида ишланг.

Эрта билан кейин деган сўзни луғатимиздан ўчирамиз😉

Бугун қилмаган эртага чала қилади.

Ҳозир қилмаган, кейинга баҳона топади.

Баъзида инсонни вазиятини, аниқ сабабини билмай туриб, ўткинчи гумонларга ва ташқаридан келган бир томонлама хабарларга ишониб чиқарилган тез хулосалар хатоларга олиб келиши мумкин. Баъзан кўз ҳам алдайди.
Баъзан қулоқ ҳам алдайди.
Қалбимиз ва ақлимизга таяниб хулоса чиқарайлик.

Инсон ҳаётни дарсларида ёши улғайса ҳар бир дарснинг моҳияти ва мазмунини тушуниб бораркан.

✔️Рақобатдошлик йўқолиб, бошқаларнинг муваффақиятларидан чин дилдан хурсанд бўлишни ўрганарканмиз.

✔️Ўзингизнинг чегараларингиз ва имкониятларингизни яхшироқ била бошлайсиз

✔️Йўқотилган вақтлар ҳам аслида тажриба бўлганлигини ҳотиржамлик билан қабул қила бошлайсиз.

✔️Кичик нарсаларга ҳам болаларча хурсанд бўлишни ўрганарканмиз.

✔️Бир коса ейдиган овқатингизни уч кунга тақсимлашдек ошқозон кўникмасига кўникар эканмиз.

✔️"Қандай қилиб эгаллаш" ҳақида эмас, балки қандай қилиб бўлишиш ҳақида кўпроқ ўйлай бошлаймиз. Ва бу кутилмаганда катта натижалар бера бошлаши руҳий ҳотиржамликка олиб келаркан.

Sh. Jumaqulovna