#قصص_الأنبياء(٢)
#السيرة_النبوية
#الحلقة_مائة_وأربعة_عشر
#علامات_الساعة_الصغرى
#الجزء_الأول

كلامنا في الأجزاء الأخيرة إللي فاتت كان عن الغزوات والسرايا والمعاهدة مع قريش،
يعني نقدر نقول إننا كنا مركزين على العلاقات الخارجية للدولة الإسلامية😊
عايزين بقى نعيش شوية مع رسول الله ﷺ والصحابة في المدينة ونشوف رسول الله ﷺ كان بيعلمهم إيه عن الدين،
من الحاجات إللي رسول الله ﷺ كان بيعلمها للصحابة إنهم يؤمنوا بالغيب،
وكان من الغيب ده يوم القيامة ويوم القيامة هو اليوم إللي الناس هتُبعث فيه بعد الموت وتتحاسب على أعمالها،
وهو يوم محدش يعرف وقته امتى غير ربنا عز وجل، لا أنبياء ولا ملائكة، لكن اليوم ده هيأتي أكيد👌
ورسول الله ﷺ لما جاءه واحد من الأعراب يسأله متى الساعة رسول الله ﷺ قال له: ماذا أعددت لها،
فمش المهم إننا نعرف هي امتى لكن المهم إننا نستعد لها زي المسافر إللي بيستعد للسفر،

☆ملحوظة :
ميعاد يوم القيامة من الغيبيات الخمسة إللي لا يعلمها إلا الله، والغيبيات الخمسة دي هي :
◇يعلم إللي هيحصل للإنسان في حياته،
◇يعلم إللي في الأرحام من ذكر أو أنثى،
◇يعلم متى ينزل المطر ،
◇يعلم متى يموت الإنسان،
◇يعلم وقت الساعة أو يوم القيامة
"إِنَّ اللَّهَ عِندَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الْأَرْحَامِ ۖ وَمَا تَدْرِي نَفْسٌ مَّاذَا تَكْسِبُ غَدًا ۖ وَمَا تَدْرِي نَفْسٌ بِأَيِّ أَرْضٍ تَمُوتُ ۚ إِنَّ اللَّهَ عَلِيمٌ خَبِيرٌ "

ومع إننا منعرفش امتى بالضبط ميعاد يوم القيامة لكن ربنا أخبرنا عن علامات لليوم ده، وده من رحمة ربنا بعباده عشان ينتبهوا من غفلتهم ويستعدوا للقاء الله،
"فَهَلْ يَنْظُرُونَ إِلَّا السَّاعَةَ أَنْ تَأْتِيَهُمْ بَغْتَةً فَقَدْ جَاءَ أَشْرَاطُهَا "

فالعلامات دي زي بالضبط كده العلامات إللي بتكون على طريق المسافر،
لما نركب أي مواصلة ونشوف علامة مكتوب عليها فاضل كذا كيلو على المكان إللي احنا رايحينه فبنستعد للنزول كل ما نقرب للمكان ده،
يعني لو واحد ركب قطار ومدة سفره ساعتين أكيد هيبقى قاعد وواخد راحته بعكس لما يشوف علامة بتقول له خلاص انت نازل المحطة الجاية بيبدأ يستعد ويلم حاجاته عشان ينزل،
كذلك أشراط الساعة أو علامات الساعة، ربنا جعل لنا علامات عشان نستعد، عشان كل شوية نفتكر إن في يوم قيامة وإننا مهما عشنا فاحنا هنرجع لربنا في يوم من الأيام ونقف بين يديه ونتحاسب على كل صغيرة وكبيرة👌
فالهدف الرئيسي من علامات الساعة هو الاستعداد، مش إننا ننشغل بيها وتكون هي شغلنا الشاغل ونقعد ندور عليها😅

وعلامات الساعة بتنقسم لقسمين:
علامات ساعة صُغرى وعلامات ساعة كُبرى،
◇علامات الساعة الصغرى هى العلامات إللي بيتكرر حدوثها ومستمرة مش بتنقطع وبيكون بينها وبين يوم القيامة زمن،
ومش كل الناس بيحسوا بيها لأنها ممكن تحصل في مكان ومكان تاني لأ.

◇أما علامات الساعة الكبرى هي علامات غير مألوفة وعظيمة كل الناس بيحسوا بيها وبيشوفوها وبتكون قريبة جدا من يوم القيامة،
وكل العلامات بتيجي وراء بعضها زي حبات الخرز إللي في العقد إذا انقطع، شوفوا الحبات بتقع وراء بعضها إزاي بسرعة، كذلك علامات الساعة الكبرى بتيجي بسرعة وراء بعضها👌

قبل ما نتكلم بالتفصيل عن العلامات دي عايزة أفكركم بنقطتين :
♡أولا :
كل الكلام إللي هقوله عن علامات الساعة هو من الأحاديث الصحيحة فقط مش هجيب أي حديث من الأحاديث الضعيفة، وشرح الأحاديث هو كلام الصحابة والتابعين والعلماء يعني أنا فقط بنقل لكم الكلام لكن بأسلوب مُبسط مش أكثر،
وطبعا هتلاقوا في التعليقات كل المصادر إللي أنا بجيب منها المعلومات👇😊

♡ثانيا:
بأكد على إن الهدف من السيرة النبوية مش إننا نحكي قصة وخلاص،
أنا عايزاكم تعيشوا مع رسول الله ﷺ والصحابة وتعرفوا حياتهم كانت إزاي سواء وقت الغزوات والسرايا أو الحياة اليومية إللي كانوا بيعيشوها مع رسول الله ﷺ في المدينة بمشاكلهم وفرحهم وحزنهم عشان نحبهم ويبقى سهل علينا إننا نعمل زيهم على أد ما نقدر عشان ربنا يحشرنا معاهم يوم القيامة،
وكمان بالطريقة دي نقدر نتعلم الدين من رسول الله ﷺ زي ما كان بيعلمه للصحابة بكل بساطة😊

نكمل كلامنا عن علامات الساعة،
علامات الساعة الصغرى في منها إللي حصل وخلاص خلص وفي منها إللي حصل ومازال مستمر وفي منها إللي لسه محصلش،
رسول الله ﷺ قال للصحابة وهو بيكلمهم عن يوم القيامة :
"بُعِثْتُ أَنَا وَالسَّاعَة كَهَاتَيْن" وأشار بأصبعيه السبابة والوسطى✌
يعني رسول الله ﷺ بيقول للصحابة إن أول علامة من علامات الساعة الصغرى هي بعثته ﷺ،
والمسافة بين بعثته وبين قيام الساعة زي المسافة بين السبابة والوسطى كده✌
فهو النبي الأخير ومفيش أي أنبياء بعده وييجي بعده القيامة ونهاية الدنيا.

☆طبعا السؤال إللي محيرنا كلنا، إزاي يعني بعثة رسول الله ﷺ قريبة جدا من الساعة كده وعدّى دلوقتي أكثر من ألف وأربعمائة سنة ولسه مفيش حاجة حصلت والله أعلم فاضل لسه

#قصص_الأنبياء(٢)
#السيرة_النبوية
#الحلقة_مائة_وخمسة_عشر
#علامات_الساعة_الصغرى
#الجزء_الثاني

اتكلمنا المرة إللي فاتت عن أول عشر علامات من علامات الساعة الصغرى، وهم عالسريع كده :
بعثة رسول الله ﷺ وانشقاق القمر وموت رسول الله ﷺ، وفتح بيت المقدس ومُوتَان يصيب الأمة، واستفاضة المال، وظهور الفتن وظهور مُدعي النبوة، وانتشار الأمن والفتنة إللي تدخل بيوت العرب،
11◇هندخل في العلامة الحادية عشر وهي: خروج نار من أرض الحجاز، قال رسول الله ﷺ:
"لا تقوم الساعة حتى تخرج نار من أرض الحجاز، يضيء لها أعناق الإبل ببُصرى"
وقال في حديث تاني:
"لا تقوم الساعة حتى تخرج نار من رُومان أو رَكُوبة يضيء منها أعناق الإبل ببصرى"
والكلام ده معناه إن الأرض ستنشقّ ويخرج منها الحمم الملتهبة، وإن النار دي هتكون عظيمة لدرجة إن الناس في الشام هيشوفوها، وبُصرى هي مدينة حوران في سُوريا،
والعلامة دي حصلت فعلا في عهد الإمام النووي سنة ستمائة وأربع وخمسين للهجرة،
وفي علماء كثير تكلموا عنها زي الإمام القرطبي وابن كثير وغيرهم،
قالوا إن النار دي كان بدايتها إن حصل زلزال شديد جدا للأرض من ليلة الأربعاء لحد يوم الجمعة، لدرجة إن الناس إللي كانوا في السجد النبوي كانوا بيسمعوا صوت الحديد إللي في منبر رسول الله ﷺ من شدة الزلزلة،
وكانت الزلزلة دي لها صوت زي صوت الرعد القاصف، طبعا الناس كانوا في قمة الرعب😶
وبعد الزلزلة دي ظهرت نار كبيرة جدا قريبة من ديار بني قريظة قرب المدينة،
الناس إللي كانوا داخل المدينة كانوا شايفين النار دي كأنها عندهم داخل المدينة،
والنار كانت مرتفعة جدا في السماء وبقى في أودية تسيل بالنار والجبال بقت تسيل نار،
انتم أكيد شوفتم البراكين لما بتفور وتسيل بتعمل إيه في الصخور والجبال والأرض،
أهه إللي حصل ده كان فوران بركاني في منطقة الحَرّة وهي منطقة مليئة بالتكوينات البركانية السوداء،
والصخور البركانية دي اتكونت بسبب الأنشطة البركانية القديمة،
فرسول الله ﷺ تنبأ إن هيحصل نشاط بركاني قبل قيام الساعة، وفعلا بعد ما قال كده بستمائة سنة تحقق كلامه ﷺ،
وبعدين ييجي واحد ويتجرأ ويُكذب رسول الله ﷺ ويقول إنه مش رسول وإن هو إللي اخترع الدين وإن مفيش حاجة اسمها إله😑
هو في كذبة ممكن تقعد أكثر من ألف وأربعمائة سنة؟!!
طيب والحاجات إللي قال إنها هتحصل وفعلا حصلت وهتحصل ، كل ده برده صدفة أو كذب🙄
"وَجَحَدُوا بِهَا وَاسْتَيْقَنَتْهَا أَنْفُسُهُمْ ظُلْمًا وَعُلُوًّا "
الباحث عن الحق يكفيه دليل، وإللي عايز يمشي على هواه مش هتكفيه كل الأدلة على وجه الأرض 👌
"أَرَأَيْتَ مَنِ اتَّخَذَ إِلَٰهَهُ هَوَاهُ أَفَأَنتَ تَكُونُ عَلَيْهِ وَكِيلًا"

المهم، النار الكبيرة بقى يسيل منها أودية من نيران واتجهت ناحية المدينة وأهل المدينة فزعوا منها جدا ومبقوش عارفين يعملوا إيه،
ومع النار دي حصل كسوف للشمس وبعدها خسوف للقمر،
يعني آيات وراء بعضها والناس خايفة،
فبدأ الناس يتوبوا ويتركوا المعاصي، ويدعون الله عزوجل،
ويتقربوا إليه بالطاعات،
ودخل أهل المدينة إلى المسجد النبوي مستغفرين تائبين إلى ربهم تعالى، وبات الناس بين مصلٍّ وتالٍ للقرآن، وراكع وساجد،
واستمر ثوران البركان والنار المشتعلة ثلاثة أشهر وبعدين النار دي انطفأت،
وكل من ذكر النار دي من المؤرخين والعلماء يقول في آخر كلامه: ولا أقدر أشرح وصفها على الكمال،
يعني مع كل الوصف إللي وصفوه مش قادرين يعبروا النار دي عاملة إزاي من شدتها والأهوال إللي كانت فيها😮
طبعا وَصْف العلماء فيها كثير جدا مش هقدر أقوله كله، أنا قلت المختصر المفيد إللي عايز تفاصيل ووصف أكثر هيلاقي روابط في التعليقات ممكن يرجع لها😊👇

☆ملحوظة مهمة بقى،
النار إللي خرجت في أرض الحجاز دي غير النار إللي هتخرج في آخر الزمان وهتقود الناس إلى أرض المحشر،
دي حاجة ودي حاجة تانية خالص، النار التانية دي هتخرج من قعر عدن في اليمن وهي من علامات الساعة الكبرى وهنتكلم عنها إن شاء الله لما ييجي وقتها👌

12◇العلامة الثانية عشرة: ضياع الأمانة، جاء رجل من الأعراب وسأل رسول الله ﷺ عن ميعاد يوم القيامة فقال له رسول الله ﷺ:
" إذا ضُيِّعت الأمَانَة فانتظر السَّاعة. فقال الأعرابي :
كيف إضاعتها؟
قال: إذا وُسِّد الأمر إلى غير أهله فانتظر السَّاعة"
والكلام ده معناه إن الناس هييجي عليهم زمن يكونوا في مكان مش مكانهم ولا يستحقوا يكونوا فيه،
تلاقي رئيس دولة مينفعش للرئاسة، نلاقي مدرس بيشتغل في مدرسة مينفعش للتدريس، نلاقي موظف في مصلحة مينفعش للشغل ولكن أخذوا العمل عن طريق الواسطة والرشاوي والأمور غير المشروعة،
وطبعا للأسف احنا شايفين تضييع الأمانة في واقعنا عامل إزاي، وبنسمع عن إللي بيزور شهادات والرشاوي إللي بتندفع 😓
وهييجي يوم تُرفع الأمانة من قلوب الناس، والرجل إللي كان أمين في يوم من الأيام هيصحى ويبقى خائن وترفع الأمانة من قلبه،
وده هيحصل للي مبقاش يخشى الله وبقى إيمانه ضعيف، وخالط أهل الخيانة فبقى

#قصص_الأنبياء(٢)
#السيرة_النبوية
#الحلقة_مائة_وستة_عشر
#علامات_الساعة_الصغرى
#الجزء_الثالث

اتكلمنا في الجزئين إللي فاتوا عن خمسة عشر علامة من علامات الساعة الصغرى، هنتكلم عن ست علامات وراء بعض في حديث لرسول الله ﷺ وكلهم فعلا حصلوا ، قال رسول الله ﷺ:
" أخاف عليكم ستًّا:
إِمارة السفهاء، وسفك الدم، وبيع الحكم، وقطيعة الرحم، ونَشْواً يتخذون القرآن مزامير، وكثرة الشُّرَط"
هناخدهم واحدة واحدة، فالعلامة السادسة عشر هي:
16◇إمارة السفهاء:
قال رسول الله ﷺ لصحابي اسمه كعب بن عُجرَة:
أعاذك الله من إمارة السفهاء، قال كعب: وما إمارة السفهاء؟
قال رسول الله ﷺ:
أمراء يكونون من بعدي، لا يهتدون بهُدَاي، ولا يستَنُّون بسنتي، فمن صدّقهم بكذبهم وأعانهم على ظلمهم فأولئك ليسوا مني ولستُ منهم،
ولا يَرِدُون عليَّ حوضي، ومن لم يُصدقهم بكذبهم ولم يعنهم على ظلمهم فأولئك مني وأنا منهم وسَيِردون عليَّ حوضي"

والسفيه هو ناقص العقل الجاهل علما وعملا، فلما يكون واحد بالمواصفات دي ويتولى الإمارة هيقع في الكذب والخداع والظلم، ورسول الله ﷺ وصفهم بإنهم لا يتبعون سنته ومش بيعملوا زي ما كان بيعمل،
ونظرة واحدة على الواقع بتاعنا وانتم هتشوفوا أمثلة على الأمراء السفهاء إللي حاكمين المسلمين🙂
وطبعا لما يكون الحاكم سفيه ويبقى هو الآمر الناهي هيقود الناس لكل شر ويفتح عليهم أبواب الفتن،
يفتح عليهم أبواب الزنا وشرب الخمر والسرقة والاختلاط بين الرجال والنساء في كل مكان، وطبعا مش محتاجة أجيب لكم أمثلة انتم شايفين بعنيكم إللي بيحصل😓
فالأمراء السفهاء إللي حاكمين المسلمين دلوقتي وجودهم علامة من علامات الساعة الصغرى،
فرسول الله ﷺ بيحذر كعب وبيحذرنا سواء العلماء أو عوام الناس من إنهم يساعدهوهم ويصدقوهم ويعينوهم على ظلمهم وكذبهم وإلا فإن رسول الله ﷺ هيتبرأ من إللي هيعينهم ويتبعهم ومش بس مش هيشرب من حوض رسول الله ﷺ لأ ده حتى مش هيقرب من الحوض 👌

وطبعا لما الأمراء السفهاء يتولون أمور المسلمين النتيجة هتكون سفك الدماء وكثرة القتل، ودي العلامة السابعة عشر:
17◇سفك الدماء وكثرة القتل،
ورسول الله ﷺ بيقول في حديث تاني :
والذي نفسي بيده ليأتينَّ على الناس زمان لا يدري القاتل في أي شيء قَتل ولا يدري المقتول على أي شيء قُتل"
فبسبب كثرة القتل والتساهل فيه القاتل مش عارف هو قتل ليه ولا المقتول ليه قُتل،
كم مرة سمعنا إن فلان قتل ابن فلان عشان ينتقم منه،
أو الناس إللي كل يوم بتُقتل ظلما وعدوانا سواء في السجون أو في قصف أو في الشوارع أو...أو...
القتل دلوقتي بقى لأتفه الأسباب،
وهو ده كثرة الهَرْج إللي رسول الله ﷺ قال عليه في الحديث :
"يتقارب الزمان، وينقص العمل وفي رواية العلم، ويُلقى الشّح، وتظهر الفتن، ويكثر الهرج، قالوا: يا رسول الله أيُّما هو؟
قال: القتل القتل"
وهنا نتعلم فائدة مهمة، وهي نهتم بأمر العبادة في زمن الفتن والقتل،
قال رسول الله ﷺ : "العبادة في الهرج كهجرة إليّ"
يعني إللي يعبد ربنا في زمن الفتن والقتل والغفلة يأخذ أجر وثواب الهجرة إلى رسول الله ﷺ، والهجرة أعلى الطاعات منزلة عند الله عز وجل👌
والعبادة هي اسم جامع لكل ما يحبه الله من الأفعال الظاهرة والباطنة، الأفعال الظاهرة زي :
الصلاة والصياة والزكاة والحج والذكر وبر الوالدين والإحسان للجار وصلة الأرحام والوفاء بالعهود والأمر بالمعروف والنهي عن المنكر، ولبس الحجاب الشرعي الصحيح،
والأفعال الباطنة زي:
حب الله ورسوله وخشية الله والإنابة إليه وإخلاص الدين له والصبر لحكمه والشكر لنعمه والرضى بقضائه والتوكل عليه والرجاء لرحمته والخوف من عذابه،

◇بالنسبة لتقارب الزمان والشُّح هنتكلم عنهم إن شاء الله كمان شوية.

☆سؤال بقى : ليه العبادة في وقت الغفلة والفتن وكثرة القتل تعادل ثواب الهجرة إلى رسول الله ﷺ 🤔
◇أولا:
لأن الناس في الوقت ده بينشغلوا عن العبادة ويغفلوا عنها، ومحدش بيتفرغ لها غير الأفراد.
◇ثانيا :
الناس في زمن الفتن يتَّبعون أهواءهم، ولا يرجعون إلى دين؛ فحالهم بيبقى شبيه بحال الناس في الجاهلية،
فإذا انفرد واحد من بين الناس وتمسك بدينه وعبد ربه واتبع ما يرضيه وتجنب ما يغضبه كان بمنزلة مَن هاجر من بين أهل الجاهلية إلى رسول الله ﷺ مؤمنًا به، متبعًا لأوامره، مجتنبًا لنواهيه👌
◇ثالثا:
الفتن لما تنتشر بتنشغل بها القلوب، فإذا تعبّد ساعتها إنسان فده بيدل على إن قلبه منشغل بالله أكثر، وإن مكانة ربنا في قلبه أعظم، فساعتها أجره يكون أكبر.
فمحدش يستهين بأي عبادة يعملها في زماننا دلوقتي، افتكروا دايما الحديث:
" ّالعبادة في الهرج كهجرة إلي"

18◇العلامة الثامنة عشر زي ما جاءت في الحديث:
بيعُ الحكم، يعني إن الناس تتولى المناصب عن طريق الرشوة، والموضوع ده منتشر جدا في الفترة الأخيرة لحد ما بقى طبيعي عند الناس للأسف😞

19◇العلامة التاسعة عشر :
قطيعة الرحم وده عن طريق الأذى أو ترك الإحسان أو الهجر والإبعاد، والأمثلة في حياتنا كتير لو

#قصص_الأنبياء(٢)
#السيرة_النبوية
#الحلقة_مائة_وسبعة_عشر
#علامات_الساعة_الصغرى
#الجزء_الرابع

نكمل باقي علامات الساعة الصغرى،
31◇ العلامات الواحدة والثلاثون : قتال التُّرك،
قال رسول الله ﷺ:
"لا تقوم الساعة حتى تقاتلوا الترك، صِغار الأعْيُن، حُمْر الوجوه ذُلْفُ الأنوف كأن وجوههم المَجَان المُطَرّقة، ولا تقوم الساعة حتى تقاتلوا قوما نِعالهم الشعر"
والتّرك غير الأتراك إللي في زمننا دلوقتي، وشكلهم زي ما رسول الله ﷺ وصف، عينيهم ضيقة ووجوههم حمراء وأنوفهم صغيرة وغليظة،
ووجوههم مبطّطة وعريضة زي الترس إللي طُرق عليه بالحديد، والأوصاف دي تنطبق على التتار أو المغول،
وكانوا بيلبسوا في أقدامهم أحذية من الشعر، والتتار أو الترك قاتلهم المسلمون فعلا في معركة عين جالوت وانتصروا عليهم سنة ستمائة وثمانية وخمسون للهجرة،
وبعد ما تركوا بلاد المسلمين، لم يطاردهم المسلمون بعدها لأن رسول الله ﷺ قال :
" دَعُوا الْحَبَشَةَ مَا وَدَعُوكُمْ وَاتْرُكُوا التُّرْكَ مَا تَرَكُوكُمْ"
يعني ما دام الناس دي سايبينكم في حالكم ولم يعتدوا عليكم متروحوش أرضهم وتبدأوهم انتم بالقتال أو تستفزوهم للقتال،
لأن الحبشة أو أثيوبيا في زماننا دلوقتي أرضها وَعِرة وهيبقى صعب على المسلمين القتال فيها،
والترك بلادهم باردة وجند المسلمين كانوا من البلاد الحارة فهيبقى في مشقة جامدة عليهم لو حاربوهم،
ده غير إن الترك بأسهم شديد وقوتهم كبيرة وحقدهم شديد على المسلمين فعدم استفزازهم والبعد عنهم أَوْلى،
لكن لو الحبشة أوالترك اعتدوا على بلاد الإسلام فيجب على المسلمين القتال والدفاع عن أنفسهم👌
العلماء اختلفوا بقى، هل العلامة دي خلاص كده انتهت بقتال المسلمين للتتار ولاّ العلامة دي ممتدة وهيكون في قتال تاني قرب الساعة،
في فريق من العلماء قالوا إن خلاص العلامة دي انتهت وفريق تاني قال إن قريب من الساعة هيحصل قتال بين المسلمين وبين الترك مرة ثانية،
لأن رسول الله ﷺ قال في حديث تاني:
" تقاتلون بين يدي السَّاعَة قوماً نعالهم الشعر، كأن وجوههم المجان المطرقة، حُمْر الوجوه، صغار الأعين"
فاستدلوا من الحديث ده إن في معركة تانية هتحصل بين المسلمين والترك قريب الساعة والله أعلم.

32◇العلامة الثانية والثلاثون: توقف الجزية والخِرَاج
الجزية هي المال إللي بيدفعه الكفار للمسلمين لأنهم لم يدخلوا في الإسلام في مقابل الدفاع عنهم،
والخِرَاج يعني الإيجار إللي بيدفعه إللي بيستفيد من الأراضي الإسلامية بصفة عامة،
والجزية والخراج كانوا من أهم مصادر المال لبيت مال المسلمين،
فرسول الله ﷺ قال إن بعد ما المسلمين هيقعدوا زمن يحصّلوا الجزية والخراج هييجي يوم وهيتوقف المال ده بسبب استيلاء الكفار على ديار المسلمين في زمن معين،
إللي هو زماننا واحنا شايفين في عصرنا إزاي احتل الكُفَّار ديار الإسلام، وأذهبوا دولة الخلافة الإسلامية، وأبعدوا الشريعة الإسلامية عن الحكم،
ومش بس مبقوش يدفعوا الجزية ده كمان بقوا يأخذوا هم الأموال من المسلمين😞

33◇العلامة الثالثة والثلاثون : السلام على الخاصة،
يعني الواحد ميسلمش غير على إللي يعرفه فقط،
قال رسول الله ﷺ:
"إنَّ بَيْنَ يَدَيْ السَّاعَةِ: تَسْلِيمَ الْخَاصَّةِ، وَفُشُوَّ التِّجَارَةِ، حَتَّى تُعِينَ الْمَرْأَةُ زَوْجَهَا عَلَى التِّجَارَةِ، وَقَطْعَ الْأَرْحَامِ، وَشَهَادَةَ الزُّورِ، وَكِتْمَانَ شَهَادَةِ الْحَقِّ، وَظُهُورَ الْقَلَمِ"
مع إن رسول الله ﷺ قال :
"تقرأ السلام على من عرفت ومن لم تعرف"
والصفة دي من خير صفات الإسلام إللي وصى بها رسول الله ﷺ، وده حاصل في زماننا دلوقتي إلا نادرا، المسلمين يمشوا جنب بعض ومحدش يسلم على التاني،
لكن الصح إن المسلم إذا قابل حد يسلم عليه سواء كان يعرفه أو ميعرفوش👌

34◇العلامة الرابعة والثلاثون زي ما رسول الله ﷺ قال في الحديث : فُشُوّ التجارة حتى تعين المرأة زوجها على التجارة،
يعني انتشار التجارة بين الناس لدرجة إن المرأة هتساعد زوجها في تجارته،
في نساء مثلا تدخل مع زوجها بنسبة أو بمشاركة أو تدير له جزءاً من العمل، أو يفتح باسمها سجلاً تجارياً؛ لأنه موظف لا يستطيع فتح سجلاً قانونياً وهكذا،
احنا ممكن نكون شايفين الموضوع عادي لأنه منتشر جدا بقاله فترة، لكن انتشار التجارة وإعانة المرأة لزوجها على التجارة من علامات الساعة الصغرى،
والتجارة مش حاجة وحشة ولا إن المرأة تساعد زوجها ده حاجة وحشة،
المذموم هنا إن تكون التجارة هي الشغل الشاغل للرجل والمرأة وميهمهش التجارة دي حلال ولاّ حرام،
واحنا اتكلمنا المرة إللي فاتت عن الزمن إللي هييجي والناس مش هتبالي هل المال إللي بيحصلوا عليه حلال ولاّ حرام،
وده واضح جدا في زماننا دلوقتي،
التجارة منتشرة في كل مكان حتى على الإنترنت والنساء نفسها إما بتشتغل في التجارة أو بتساعد زوجها في تجارته👌

☆احنا اتكلمنا عن علامة قطع الأرحام المرة إللي فاتت،
فهناخد العلامة إللي بعد كده.

35◇العلامة الخامسة والثلاثون: شهادة ال

#قصص_الأنبياء(٢)
#السيرة_النبوية
#الحلقة_مائة_وثمانية_عشر
#علامات_الساعة_الصغرى
#الجزء_الخامس

اتكلمنا لحد دلوقتي عن خمسة وأربعين علامة من علامات الساعة الصغرى وكلهم اتحققوا وفي منهم إللي مستمر ولسه هيزيد مع الوقت،
نكمل باقي العلامات،
46◇العلامة السادسة والأربعون: ظهور موت الفجأة
قال رسول الله ﷺ : "إن من أمارات الساعة أن يظهر موت الفجأة"
وموت الفجأة معناه إن الإنسان يكون بصحته ولا يشكو من أي مرض وفجأة وبدون سابق إنذار يقع ميت،
واحنا شايفين فعلا في واقعنا إزاي موت الفجأة منتشر،
كثرت السكتات القلبية والجلطات والسكتات الدماغية،
ده غير حوادث السيارات،
واحد يكون راكب عربية رايح مشوار وفجأة يعمل حادثة ويموت،
ناس رايحين يصيفوا فجأة يغرقوا ويموتوا، وأمثلة كثيرة على موت الفجأة وخصوصا الفترة إللي فاتت ولسه هتزيد،
وخطورة موت الفجأة إن الواحد مش بيبقى عارف آخرته إيه ولا إيه آخر حاجة ممكن يكون هيعملها،
بعكس لو الإنسان مرض، مرضه ده بيخليه ينكسر لله ويفتكر نهايته فيبدأ يستعد للقاء الله،
ربنا يُعيذنا وإياكم من موت الفجأة🤲

47◇العلامة السابعة والأربعون : التماس العلم من الأصاغر
قال رسول الله ﷺ:
" إن من أشراط الساعة أن يُلتمس العلم عند الأصَاغِر "
والأصاغر هنا مش معناها إن العالم يكون صغير السن،
بالعكس ده ممكن يكون صغير في السن وهو نابغة وصاحب همة،
لكن المقصود بالأصاغر الجهلة إللي بيقولوا برأيهم ومعندهمش علم، يبقى الواحد منهم متعلمش أصلا ولا ترسّخ في العلم ومُتصدر الناس وهم مفكرينه صاحب علم والناس بتاخد منه العلم وهو أصلا جاهل ميفرقش عنهم حاجة إلا شيء بسيط فقط،
وانتم شايفين النوعيات دي مالية الفيس بكميات رهيبة إزاي،
كل واحد بيقول برأيه والناس ماشية وراه ومتابعين بالآلاف،
وفي معنى تاني للأصاغر وهو أهل البدع،
طبعا العلامة دي غير علامة انتشار الجهل ورفع العلم إللي اتكلمنا عنها في الجزء الخامس عشر👌

48◇العلامة الثامنة والأربعون : اتخاذ المساجد طُرقاً
قال رسول الله ﷺ:
" إن من أشراط الساعة: أن يمرّ الرجل بالمسجد لا يصلي فيه ركعتين"
وقال: " من اقتراب الساعة أن تُتّخذ المساجد طرقاً"
يعني المساجد هتكون مهجورة والرجل يعدي على المسجد وميصليش فيه، ومساجد الناس هيدخلوها مش عشان الصلاة لكن عشان السياحة والتقاط الصور لأنه متحف أو شيء أثري زي ما بيحصل في بعض البلدان في حاضرنا،
وفي مساجد الناس هيتخذوها طرق،
يعني الناس يدخلوا المسجد من باب ويخرجوا من بابه التاني عشان فقط يختصروا الطريق مش عشان يصلوا فيه أو يحضروا مجلس من مجالس العلم.

49◇العلامة التاسعة والأربعون : انتشار الكذب
قال رسول الله ﷺ:
" سيكون في آخر أمتي أُناس يحدثونكم ما لم تسمعوا أنتم ولا آباؤكم، فإياكم وإياهم"
وده يشمل الكذب على رسول الله ﷺ بنقل أحاديث عنه لم يقلها والناس تنشرها بدون ما يتأكدوا من صحتها وانتم شايفين الموضوع ده منتشر أد إيه على رسائل الماسنجر والواتس بالذات😶
وبرده الكذب في الكلام عموما سواء في النكت أو نقل الأخبار أو الكلام اليومي بين الناس،
وطبعا ساعد على انتشار الكذب شبكات التواصل الاجتماعي،
بقى الواحد يكذب الكذبة فتبلغ الآفاق شرقا وغربا👌

50◇العلامة الخمسون: تمني الموت لشدة البلاء.
قال رسول الله ﷺ:
" لا تقوم الساعة حتى يمر الرجل بقبر الرجل فيقول: يا ليتني مكانه"
يعني الإنسان هييجي عليه يوم يتمنى الموت بسبب كثرة الفتن وغلبة الباطل وأهله وظهور المعاصي والمنكرات،
فتمنيه الموت ساعتها لأنه خايف على نفسه من الانحراف وضياع دينه من كثرة الفتن وخصوصا لما يشوف ناس قعدت سنين ملتزمة بدين الله وفجأة تترك الالتزام وتقع في المعاصي جهارا نهارا،
فهيبقى بالنسبة له إنه يموت دلوقتي أحسن وهو لسه متمسك بدينه ويلقى الله على التمسك ده أحسن ما يعيش يوم زيادة ويقع في الفتنة،
ربنا يثبت قلوبنا على دينه ويحفظنا من الفتن ما ظهر منها وما بطن🤲

☆ممكن هنا نسأل سؤال، رسول الله ﷺ قال:
"لا يَتَمَنَّيَنَّ أَحَدُكُمْ الْمَوْتَ مِنْ ضُرٍّ أَصَابَهُ"
وفي الحديث إللي قلناه من شوية إن هييجي وقت والمؤمن يتمنى الموت ومفيش نهي عن كده، إزاي نوفق بين الحديثين🤔
الضر أو الابتلاء المقصود في الحديث هو الضرر أو الابتلاء الدنيوي، يعني واحد جاله مرض، أو ربنا ابتلاه بمصيبة من المصائب في الدنيا،
فهنا مينفعش يتمني الموت بسبب الابتلاء الدنيوي،
أما الحديث التاني بتاع تمني الموت في وقت الفتن وخوف المسلم على نفسه من إنه يفتن في دينه فده جائز،
ولا شك إن موت الإنسان بعيدا عن الفتن أحسن له من إنه يفتن في دينه حتى لو كان عمله قليل👌
قال رسول الله ﷺ:
"اثْنَتَانِ يَكْرَهُهُمَا ابْنُ آدَمَ : الْمَوْتُ ، وَالْمَوْتُ خَيْرٌ لِلْمُؤْمِنِ مِنْ الْفِتْنَةِ ، وَيَكْرَهُ قِلَّةَ الْمَالِ ، وَقِلَّةُ الْمَالِ أَقَلُّ لِلْحِسَابِ "
حتى عمر بن الخطاب رضي الله عنه دعا ربنا إنه يقبض روحه لما خاف على نفسه وقال:
"اللَّهُمَّ كَبِرَتْ سِنِّي ، وَض

#قصص_الأنبياء(٢)
#السيرة_النبوية
#الحلقة_مائة_وتسعة_عشر
#علامات_الساعة_الصغرى
#الجزء_السادس

وقفنا المرة إللي فاتت عند العلامة الثامنة والخمسون، نكمل في التاسعة والخمسون،
59◇العلامة التاسعة والخمسون : اقتتال فئتين عظيمتين من المسلمين،
قال رسول الله ﷺ:
" لا تقوم الساعة حتى تَقْتَتل فئتان عظيمتان، وتكون بينهما مقتلة عظيمة، ودعواهما واحدة"
والعلامة دي حصلت في أيام الصحابة، والفئتين العظيمتين إللي اقتتلوا كانتا فئة علي رضي الله عنه وفئة معاوية بن أبي سفيان رضي الله عنه،
والقتال ده كان بعد مقتل عثمان رضي الله عنه، وكان رأي علي رضي الله عنه إن لازم تتم البيعة الأول وتستقر الأوضاع وبعدين يقتص من قتلة عثمان رضي الله عنه،
أما معاوية رضي الله عنه فكان عايز يقتص من قتلة عثمان الأول لأن معاوية هو ولي الدم ومن حقه يطالب بالقصاص من قتلة عثمان رضي الله عنه،
وكانوا خلاص اتفقوا على حل يرضي الطرفين وانتهى الخلاف،
لكن واحد اسمه عبد الله بن سبأ اليهودي كان أظهر الإسلام عشان يثير الفتن بين المسلمين هو ومجموعة معاه من المنافقين معجبهمش الصلح إللي حصل بين علي ومعاوية رضي الله عنهما وعرف إن مادام حصل بينهم صلح يبقى مسألة وقت لحد ما يفضوا لهم ويقضوا عليهم،
ففي نفس الليلة إللي حصل فيها الصلح قسموا نفسهم نصين جزء راح في جيش علي وجزء راح في جيش معاوية،
وبدأت كل مجموعة تعتدي على جزء من الجيش وهم نايمين،
فعلي رضي الله عنه وجيشه ظنوا إن معاوية رضي الله عنه وجيشه غدر بيهم،
وفي نفس الوقت معاوية رضي الله عنه وجيشه ظنوا إن علي وجيشه غدروا بيهم وقامت الحرب بين الجيشين وحصل القتال😞
طبعا الموضوع له تفاصيل كثيرة لكن ده باختصار قصة قتال الفئتين العظيمتين من المسلمين.

60◇العلامة الستون : عودة جزيرة العرب جنات وأنهارا،
قال رسول الله ﷺ:
" لَا تَقُومُ السَّاعَةُ حَتَّى تَعُودَ أَرْضُ الْعَرَبِ مُرُوجًا وَأَنْهَارًا"
الحديث ده بيدل على إن جزيرة العرب كانت في يوم من الأيام فيها أنهار وكانت أرض خضراء،
والإذاعة البريطانية الBBC نشرت في فبراير سنة 2015 تقرير بيقول إن جزيرة العرب كانت جنة خضراء من الغابات والحشائش،
وعلى حسب التقارير والأبحاث العلمية فإن جزيرة العرب هترجع مرة ثانية في يوم من الأيام مروجا وأنهارا زي ما رسول الله ﷺ أخبر👌
وفي مرة وقف رسول الله ﷺ عند أرض تبوك وكان معاه معاذ بن جبل فقال له رسول الله ﷺ:
" يوشك يا معاذ إن طالت بك حياة أن ترى ما هاهنا قد مليء جنانا"
وفعلا دلوقتي في أرض تبوك في مزارع كبيرة وضخمة مكنتش موجودة قبل كده ولسه المساحات هتزيد زي ما قال رسول الله ﷺ.

☆السؤال بقى، إزاي جزيرة العرب اتحولت من أرض مليانة أنهار وخضرة لصحراء جرداء😮

جزيرة العرب كانت جزء من قارة أفريقيا وبعدين انفصلت عنها، طبعا الكلام ده قعد ملايين السنين وتغييرات في القشرة الأرضية وحاجات كده لحد ما بقت جزيرة العرب صحراء😅
وكل ده بتقدير إلهي حكيم، عشان تكون جزيرة العرب مُمهدة لاستقبال الرسالة الخاتمة،
لأنها لو فضلت مروج وأنهار فارس والروم مكنوش هيسبوها وكانوا هيحتلوها،
ومهمة رسول الله ﷺ كانت هتبقى أصعب في الدعوة إلى الإسلام لأن فارس والروم كانوا هيحاربوا الإسلام بكل قوتهم،
وانعزال جزيرة العرب كان سبب في حماية الإسلام من العقائد المنحرفة زي عقيدة الفرس واليونان وغيرها،
ولو تفتكروا في الجزء الحادي عشر اتكلمنا بالتفصيل اشمعنى جزيرة العرب بالذات هي إللي ربنا اختارها عشان تكون فيها رسالة الإسلام فممكن تبقوا ترجعوا للجزء ده،
وفي التعليقات هتلاقوا رابط لحلقة اسمها لماذا جزيرة العرب، فيها شرح إزاي جزيرة العرب كانت جنات وأنهار وكله بالصور والخرائط،
بجد حلقة جميلة جدا هتعجبكم إن شاء الله😊👇
وجزيرة العرب هترجع تاني جنات وأنهار سواء عن طريق التدخل البشري في استصلاح الأراضي،
أو عن طريق المناخ، فالعلماء المشتغلون بالأرصاد والمناخ بيقولوا إن معالم الفترة الجليدية القادمة بدأت،
والاحتباس الحراري إللي بسببه الجليد بيذوب هيكون له تأثير على شبه الجزيرة العربية،
عامة مهما كان السبب فالنتيجة واحدة وهي إن أرض العرب هترجع جنات وأنهار، لكن الموضوع لسه هياخد له وقت👌

61◇العلامة الواحدة والستون : كثرة المطر وقلة النبات
قال رسول الله ﷺ:
" لا تقوم الساعة حتى يمطر الناس مطراً عامّاً، ولا تُنبت الأرض شيئاً"
والحديث معناه أن هييجي وقت السماء تمطر مطر كثير لكن ملوش أي فايدة ومفهوش بركة، وبالعكس هيكون فيه الضرر،
ولو لاحظتم في الفترة الأخيرة كل شوية نسمع عن أمطار غزيرة في أماكن مختلفة والأمطار دي تسبب فيضانات وانهيارات أرضية وضرر كبير للناس،
وكمان في الوقت الحالي المحاصيل الزراعية بقت أقل من الأول وده طبعا أدى لارتفاع أسعار المواد الغذائية،
فتقريبا والله أعلم دي بداية لعلامة كثرة الأمطار وقلة النبات،
وهيفضل الوضع كده لحدما تحصل العلامة إللي بعدها وهي:

62◇العلامة الثانية والستون: توقف نزول المطر

#قصة_نهاية_البداية_إيمان_شلبي
#الدار_الآخرة_بالعامية
#الحلقة_الثامنة
#علامات_الساعة_الصغرى
#الجزء_الأول_انظر_حَوْلك

وانت في قبرك بتُنَعّم أو بتتعذب؛ هتيجي عليك لحظة تسمع فيها صوت عظيم جدا، وساعتها روحك هترجع لجسدك وهتقوم من قبرك،
جاءت لحظة البعث إللي ياما ناس كتير كذّبوا بها!
وهتلاقي كل الناس من أول آدم عليه السلام لحد نهاية الدنيا قايمين هم كمان من قبورهم متوجهين لأرض المحشر عشان كل واحد يتحاسب على كل أعماله إللي عملها في الدنيا👌

لكن قبل ما نعرف أحداث اليوم العظيم ده《اليوم الآخر》هنرجع بالزمن شوية كده للدنيا عشان نشوف حصل فيها، والدنيا انتهت إزاي👌

انت لما كنت عايش في الدنيا؛ كنت بتسمع عن أحداث حصلت، وأحداث لسه هتحصل، وأحداث انت نفسك شوفتها بعينك، بس انت مكنتش مستوعب!
مكنتش مستوعب يعني إيه يوم القيامة!
يعني إيه إن يوم القيامة ده له علامات!
ويعني إيه إن العلامات دي فايدتها إنها تذكرك وتنبهك من غفلتك ومن الدوامة إللي انت كنت حاطط نفسك فيها، من دراسة لشغل لزواج لبيت لأولاد لمشاكل هنا وهنا و....و....

دوامة كنت عايش فيها مكنتش بتقف تفكر بس تفهم يعني إيه قول رسول الله ﷺ: "بُعِثْتُ أَنَا وَالسَّاعَة كَهَاتَيْن ✌"
《صحيح البخاري》
مكنتش فاضي تركز إن قطيعتك لعمتك أو خالتك أو خالك أو عمك بسبب أمور الدنيا دي في حد ذاتها من علامات الساعة👌

وبما إننا رجعنا للدنيا تاني فخلينا نقف كده ونركز ونفهم ونستوعب، يمكن حد ينتبه من غفلته ويعمل ليوم القيامة👌

يوم القيامة ده هو اليوم إللي انت وأنا وكل الناس هيُبعثوا فيه بعد الموت وهنتحاسب على أعمالنا،
ومفيش حد يعرف وقته امتى غير ربنا عز وجل، لا أنبياء ولا ملائكة ولا غيرهم، لكن اليوم ده هيأتي أكيد👌
ورسول الله ﷺ لما جاءه واحد من الأعراب يسأله متى الساعة؟ رسول الله ﷺ قال له: ماذا أعددت لها؟
فمش المهم إنك تعرف هو امتى، لكن المهم هو استعدادك لليوم ده، يا ترى جهزت له إيه؟
وخصوصا يعني إن قيامتك الصغرى ممكن تقوم في أي لحظة👌

ومع إننا منعرفش امتى بالضبط ميعاد يوم القيامة؛ لكن ربنا أخبرنا عن علامات لليوم ده،
وده من رحمة ربنا بعباده عشان واحد زيك كده عايش في الدوّامة بتاعته دي ينتبه من غفلته ويستعد للقاء الله، ربنا قال:
"فَهَلْ يَنْظُرُونَ إِلَّا السَّاعَةَ أَنْ تَأْتِيَهُمْ بَغْتَةً فَقَدْ جَاءَ أَشْرَاطُهَا "
《سورة محمد آية(18)》

انت عارف كده لما تكون مسافر وراكب أي مواصلة وتشوف علامة مكتوب عليها فاضل كذا كيلو على المكان إللي انت رايحه فبتستعد للنزول كل ما بتقرب للمكان ده؟
أهه العلامات إللي ربنا قال عليها زي بالضبط كده العلامات إللي انت بتشوفها على طريق السفر 👌
ربنا جعل لك علامات عشان تستعد،
عشان كل شوية لما تشوف علامة تفتكر إن في يوم قيامة،
وإنك مهما عشت؛ فانت ليك رب هترجع له في يوم من الأيام وهتقف بين إيده وهتتحاسب على كل صغيرة وكبيرة👌
وربك أخبرك إن في نوعين من العلامات:
علامات ساعة صُغرى وعلامات ساعة كُبرى،
◇علامات الساعة الصغرى هى العلامات إللي بيتكرر حدوثها ومستمرة مش بتنقطع وبيكون بينها وبين يوم القيامة زمن،
ومش كل الناس بيحسوا بيها لأنها ممكن تحصل في مكان ومكان تاني لأ.

◇أما علامات الساعة الكبرى فهي علامات غير مألوفة وعظيمة،
كل الناس بيحسوا بيها وبيشوفوها وبتكون قريبة جدا من يوم القيامة،
وكل العلامات دي بتيجي وراء بعضها زي حبات الخرز إللي في العقد إذا انقطع، شوف كده الحبات بتقع وراء بعضها إزاي بسرعة، كذلك علامات الساعة الكبرى بتيجي بسرعة وراء بعضها👌

علامات الساعة الصغرى في منها إللي حصل وخلاص خلص،
وفي منها إللي حصل ومازال مستمر وانت شايفه بعينك بس متعرفش إن ده من علامات الساعة الصغرى، وفي منها إللي لسه محصلش.

تعرف إن من علامات الساعة الصغرى إللي حاصلة دلوقتي وانت شايفاها وشايف الناس حواليك بتقع فيها هي:
《ظهور الفتن》👌
والفتن جمع فتنة، والفتنة يعني الابتلاء والاختبار، فبيحصل للناس اختبارات كثيرة تُزلزل الإيمان في القلوب،
وانت نفسك ممكن تكون مريت بابتلاء واختبار حسيت فيه إن قلبك بيتزلزل من شدة البلاء ده👌
رسول الله ﷺ بيقول عن الفتن:
"إنَّ بينَ يديْ الساعةِ فِتَنًا كقطعِ الليلِ المظلمِ...."
《صحيح ابن ماجه》
يعني الفتنة في شدتها وقوتها زي الليل شديد السواد،
ورسول الله ﷺ بيتكلم عن سواد الليل إللي هو شافه بتاع الصحراء إللي مفهوش أي ضوء خالص مش سواد الليل بتاعنا إللي الأنوار مخلية له ضوء فالواحد يستأنس بيه،
سواد الليل بتاع الصحراء مرعب فعلا، ولو انت سافرت بالليل في طريق صحراوي من غير ضوء على الطريق هتعرف معنى قِطَع الليل المظلم،

#قصة_نهاية_البداية_إيمان_شلبي
#الدار_الآخرة_بالعامية
#الحلقة_التاسعة
#علامات_الساعة_الصغرى
#الجزء_الثاني

عارف لما تبقى ماشي في الشارع وعينك تقع《فجأة》على بنت لابسة ملابس ضيقة ومبينة زينتها وأجزاء من جسدها؟
أهه التبرج إللي البنات بتعمله ده من علامات الساعة الصغرى👌
بمعنى إن《ظهور النساء الكاسيات العاريات》ده من علامات الساعة الصغرى،
ومعنى الكاسيات العاريات إن النساء دول لابسين ملابس؛ لكنها ضيقة ومفصّلة لأجسادهن فكأنها عارية أو لابسين ملابس خفيفة رقيقة مبينة لأجسامهن والجديد في عصرنا بقى و بقينا شايفينه؛ إن النساء بتلبس المقطع ومبينة جسمها،
وللأسف الصنف ده قال عنه رسول الله ﷺ:
صِنْفَان مِنْ أَهْلِ النَّارِ لَمْ أَرَهُمَا: وذكر منهم:
"نِسَاءٌ كَاسِيَاتٌ عَارِيَاتٌ مُمِيلَاتٌ مَائِلَاتٌ، رُؤُوسُهُنَّ كَأَسْنِمَةِ الْبُخْتِ الْمَائِلَةِ"《رواه مسلم》
تخيل إن النساء دول مكنوش موجودين أيام الجاهلية؟!
رسول الله ﷺ مشفهمش في حياته حتى قبل الإسلام، فلك أن تتخيل كمية الانحدار إللي وصل إليه تبرج النساء👌
ورسول الله ﷺ بيقول إن النساء إللي وَصْفُهم كده؛ لو ماتوا من غير 《توبة》هيكونوا من أهل النار والعياذ بالله😓
لأن إللي بيعملوه ده كبيرة من الكبائر، والكبيرة هي:
"هي التي وَرَد فيها وعيد خاص أو حَدٌّ في الدنيا أو عذاب في الآخرة"
يعني لما احنا اتكلمنا عن الناس إللي هيتعذبوا في القبر زي آكل الربا،
ده كان عمل كبيرة من الكبائر لأن له وعيد خاص زي ما شرحنا وشوفنا عذابه كان عامل إزاي،
أو السرقة مثلا، هي كبيرة من الكبائر لأن لها حَد في الدنيا وهو قطع يد السارق،
وكذلك التبرج وعدم لبس الحجاب الشرعي الصحيح هو كبيرة من الكبائر؛ لأن له عذاب في الآخرة وهو إن النساء دول هيكونوا من أهل النار👌
فانت لو ليك أخت أو زوجة أو بنت أو أي واحدة من محارمك مش لابسة حجاب شرعي ووصفهم زي ما جاء في حديث رسول الله ﷺ كده؛ انصحهم بالحُسنى إنهم يلتزموا بالحجاب الشرعي عشان ميدخلوش في حديث رسول الله ﷺ👌

¤طبعا مش محتاجة أفكرك بإنك لا يجوز لك إنك تقعد تبص للبنت المتبرجة👀
يجب عليك غض البصر مهما كانت هي لابسة إيه👌
ورسول ﷺ اتسأل عن نظر الفجأة فأمر بصرف النظر،
يعني تُدِير وجهك ولا تنظر مرة ثانية،
ومش معنى إن البنت لابسة اللبس المتبرج ده؛ يبقى ده مبرر ليكِ إنك متغضش بصرك عنها،
أيوة هي هتاخد ذنب التبرج وعدم طاعة ربنا بإنها لم تلبس الحجاب الشرعي؛
لكن انت برده هتتحاسب لو قعدت تبص عليها ومصرفتش نظرك عنها👌

وبما إن نساء كتير بقوا كاسيات عاريات وبيمشوا في الشوارع بالمنظر ده ورجال كتير بيشوفوهم؛ فالنتيجة الطبيعية لكده ظهور علامة تانية من علامات الساعة الصغرى وهي《انتشار الزنا》؛ لأن أعظم فتنة على الرجال هي النساء👌
فالشاب يشوف البنت فيعجب بجسدها فيحاول يوقعها في حباله باسم الحب وما شابه حتى يحصل ما لا يُحمد عقباه👌
وانتشار الزنا من العلامات إللي ظهرت بطريقة مرعبة في الفترة الأخيرة،
وبقى في مُجاهرة بالعلاقات المحرمة إللي المفروض إنها حصلت في السر حتى على مواقع التواصل الاجتماعي والموضوع للأسف بقى عادي جدا عند الناس إلا من رحم الله،
تخيل إن الزنا هينتشر وسط الناس لحد ما يوصلوا إنهم يستحلّوه والعياذ بالله😞
قال رسول الله ﷺ:
"ليكونن من أمتي أقوام يستحلُّون الحِرَ والحرير والخمر والمعازف"
《حديث صحيح-أخرجه البخاري موصولا》
والحِرَ معناه الزنا،
ولو انت متابع هتلاقي إن في زماننا دلوقتي الشاب له صاحبة والبنت لها صاحب إلا من رحم الله،
لأ وبيتفاخروا ويعلنوا ده وسط الناس، وبتخرج مع صاحبها عادي ويعملوا قصاد الناس ما يفعل الرجل مع زوجته في خلوتهم،
مع إن زمان كان نادرا لما تشوف بنت ماشية مع شاب،
ولو حصل؛ بتبقى مكسوفة وحاسة إنها بتعمل حاجة غلط،
لكن دلوقتي الآية اتعكست وبقى الطبيعي إن البنات يكون لهن أصحاب شباب،
وياريت الموضوع هيقف لحد هنا، ده هييجي اليوم إللي الرجل هيزني بالمرأة في الشارع كده علنا عادي ومحدش هيكلمه،
وهيكون أحسن واحد ساعتها هو إللي هيقول له :
لو إنك تزني بيها وراء الجدار أحسن!
متخيل إنه مش بينكر الزنا!
ده بيقول له ازني بس روح وراء الجدار مش في وسط الشارع،
وده كلام رسول الله ﷺ، قال:
"والذي نفسي بيده لا تفنى هذه الأمة حتى يقوم الرجل إلى المرأة فيَفْتَرِشُها في الطريق فيكون خِيَارهم يومئذ من يقول لو وَاريتها وراء هذا الحائط"《السلسلة الصحيحة》

أنا شخصيا لما كنت بسمع الحديث ده زمان كنت بستغرب إزاي ممكن الحال يوصل للدرجة دي!
لحد ما شفت الحال إللي وصلنا له وكل ده كان بالتدريج،
الشيطان مش بيزهق، هو بيحط البذرة ويفضل يرعاها ومعندوش مشكلة إنه يحصد الزرع بتاعه في الجيل إللي بعده👌
ربنا يعافينا ولا يجعلنا نحن ولا ذرياتنا بذرة أو حصاد😞

#قصة_نهاية_البداية_إيمان_شلبي
#الدار_الآخرة_بالعامية
#الحلقة_العاشرة
#علامات_الساعة_الصغرى
#الجزء_الثالث_السعيد_مَن_وُعِظَ_بغيره

قاعد انت في أمان الله كده تلاقي حد من أصحابك بعت لك رسالة بتقولك:
عايز تطرد الشيطان من البيت: اكتب سورة يس في ورقة وانقعها في جردل مية لحد تاني يوم، وأول ما الشمس تطلع رش المية دي في أركان البيت،
وبكده تقضي على الشياطين إللي عندك في البيت👌

انت طبعا هتستغرب الكلام، وتبعت رسالة لصاحبك تسأله، إيه يابني إللي انت باعته ده؟ جبت الكلام ده منين😳
فهيقول لك أصل في شيخ هو إللي قال لي كده،
طب الشيخ جاب الكلام ده منين؟
يقولك أصل هو مجرّب وهو عارف الحاجات دي،
فطبعا انت على طول هتعرف إن الشيخ إللي صاحبك بيقول عليه ده كذاب ودجال،
والناس دي انتشرت أوي اليومين دول، وظهور الناس دي وانتشارهم من علامات الساعة الصغرى👌
قال رسول الله ﷺ:
"سَيَكونُ في آخِرِ أُمَّتي أُناسٌ يُحَدِّثُونَكُمْ ما لَمْ تَسْمَعُوا أنتُمْ ولا آباؤُكُمْ، فإيَّاكُمْ وإيَّاهُمْ" 《صحيح مسلم في المقدمة》
وفي رواية تانية قال ﷺ:
"يَكونُ في آخِرِ الزَّمانِ دَجَّالُونَ كَذَّابُونَ، يَأْتُونَكُمْ مِنَ الأحادِيثِ بما لَمْ تَسْمَعُوا أنتُمْ، ولا آباؤُكُمْ،
فإيَّاكُمْ وإيَّاهُمْ، لا يُضِلُّونَكُمْ، ولا يَفْتِنُونَكُمْ"
《صحيح مسلم في المقدمة》

فرسول الله ﷺ بيحذرك منهم وبيقولك ابعد عنهم عشان متقعش في الفتنة ومتبعدش عن الحق بسبب خداعهم وكذبهم،
ويدخل في الحديث إللي قلناه ده؛ الكذب على رسول الله ﷺ،
وده عن طريق نقل أحاديث عنه ﷺ لم يقُلها والناس تنشرها بدون ما يتأكدوا من صحتها،
زي كده لما واحد ييجي يقولك كل سنة وانت طيب بمناسبة دخول شهر ربيع،
فانت طبيبعي بتسأله: ليه يعني المباركة؟
فيقول لك أصل النبي قال:
"من يبارك الناس بهذا الشهر الفضيل ، يحرم عليه النار"
وطبعا الكلام ده غير صحيح ورسول الله ﷺ مقلش الكلام ده أساسا،
وهتلاقي بقى حاجات زي كده كتير، والموضوع ده منتشر أوي على رسائل الماسنجر والواتس بالذات،
وكمان من علامات الساعة الصغرى انتشار الكذب في الكلام عموما بين الناس، سواء في النكت أو نقل الأخبار أو الكلام اليومي بينهم،.

وطبعا ساعد على انتشار الكذب شبكات التواصل الاجتماعي،
بقى الواحد يكذب الكذبة فتبلغ الآفاق شرقا وغربا👌
وطبعا مش محتاجة أفكرك بعذاب إللي يكذب الكذبة فتبلغ الآفاق،
انت شوفت بنفسك👀
فخد بالك بقى من كلامك وانت بتسمع لمين وبتنقل إيه👌

◇كل شوية تسمع عن جريمة قتل عشان سبب تافه،
كم مرة سمعت إن فلان قتل ابن فلان عشان ينتقم منه،
أو سمعت عن الناس إللي كل يوم بتُقتل ظلما وعدوانا سواء في السجون أو في قصف أو في الشوارع أو...أو...
وانت مستغرب وبتقول إيه كمية الاستهانة بأرواح الناس دي؟!

مش عايزة أصدمك وأقولك إن في ناس بتتقتل مش عارفة هي اتقتلت ليه، وفي ناس بتقتل مش عارفة هي بتقتل ليه😞
لكن أحب أقولك متستغربش، قلة التزام الناس بالدين وتمسكهم بيه الناس أدى إلى:《سفك الدماء وكثرة القتل》
ودي علامة تانية من علامات الساعة الصغرى،
قال رسول الله ﷺ :
"والَّذي نَفسِي بيدِه ، ليَأتِيَنَّ علَى النَّاسِ زمانٌ لا يَدرِي القاتِلُ في أيِّ شيءٍ قَتَلَ، و لا يدرِي المقتولُ في أيِّ شيءٍ قُتِلَ"
《صحيح الجامع》
وانتشار القتل ده هو كثرة الهَرْج إللي رسول الله ﷺ قال عليه في الحديث:
"يَتَقارَبُ الزَّمانُ، ويَنْقُصُ العَمَلُ، ويُلْقَى الشُّحُّ، وتَظْهَرُ الفِتَنُ، ويَكْثُرُ الهَرْجُ قالوا: يا رَسولَ اللَّهِ، أيُّمَ هُوَ؟ قالَ: القَتْلُ القَتْلُ."
《صحيح البخاري》

♡لكن في وسط الإحباط واليأس ده في بشارة من رسول الله ﷺ 👌
قال رسول الله ﷺ :
"الْعِبادَةُ في الهَرْجِ كَهِجْرَةٍ إلَيَّ"
《صحيح مسلم》

يعني لما انت تعبد ربنا في زمن الفتن والقتل والغفلة؛ هتاخذ أجر وثواب الهجرة إلى رسول الله ﷺ، والهجرة هي أعلى الطاعات منزلة عند الله عز وجل👌
انت ممكن تستغرب وتقول ليه يعني الأجر العظيم ده؟
هقولك أنا السبب إللي خلى العبادة في زمن الفتن والقتل والغفلة تساوى أجر الهجرة إلى رسول الله ﷺ 👌
◇أولا:
لأن الناس في الوقت ده بينشغلوا عن العبادة ويغفلوا عنها، ومحدش بيتفرغ لها غير الأفراد.
◇ثانيا :
الناس في زمن الفتن يتَّبعون أهواءهم، ولا يرجعون إلى دين؛ فحالهم بيبقى شبيه بحال الناس في الجاهلية،
فإذا انفرد واحد من بين الناس وتمسك بدينه وعبد ربه واتبع ما يرضيه وتجنب ما يغضبه؛ كان بمنزلة مَن هاجر من بين أهل الجاهلية إلى رسول الله ﷺ مؤمنًا به، متبعًا لأوامره، مجتنبًا لنواهيه👌
◇ثالثا:
الفتن لما تنتشر بتنشغل بها القلوب، فإذا تعبّدت إلى الله ساعتها فده بيدل على إن قلبك منشغل بالله أكثر، وإن مكانة ربنا في قلبك أعظم، فساعتها أجرك يكون أكبر.

#قصة_نهاية_البداية_إيمان_شلبي
#الدار_الآخرة_بالعامية
#الحلقة_الحادية_عشرة
#علامات_الساعة_الصغرى
#الجزء_الرابع

سمعت عن ثواب إللي بيحفظ القرآن وبدأت تحفظ؛ بس عايز حد تسمع منه القرآن عشان القرآن يثبت في دماغك ويبقى سهل عليك مراجعته؛ فبدأت تبحث عن تسجيلات للقرآن فاتفاجئت إن في قُرّاء بيغنوا مش بيقرأوا قرآن😳
متتفاجئش؛ لأن ظهور《نَشْواً أو نشئاً يتخذون القرآن مزامير》من علامات الساعة الصغرى 👌
قال رسول الله ﷺ:
"أخاف عليكم ستًّا: وذكر منها: نَشْوًا يتخذون القرآنَ مزاميرَ"
《صحيح الجامع》
يعني ناس بدل ما يقرأوا القرآن للتدبر بقوا يتغنوا بيه بالألحان زي المزمار😞
وده منتشر جدا زي ما انت شوفت كده، وبقى دلوقتي القراء بيتعلموا علم اسمه علم المقامات عشان يقرأوا بيه القرآن،
أيوة مطلوب تحسين الصوت لكن مش معنى تحسين الصوت القراءة بالألحان،
فعشان متفهمش غلط: المذموم هنا هو إللي بيغنى وبيُخرِج الحرف عن وضعه ويزيد وينقص عشان يتوافق مع اللحن،
وممكن الناس تُقدّم الشخص إللي بيتغنى ده حتى وإن كان أقلهم فقها وعلما؛ لأن غرضهم الوحيد إنهم يستمتعوا بالألحان دي زي ما رسول الله ﷺ قال:
"يُقَدِّمُونَ الرجلَ ليس بأفقهِهِمْ و لا َأعْلَمِهِمْ، مايُقَدِّمُونَهُ إلَّا لِيُغَنِّيَهُمْ"
《السلسلة الصحيحة》
فانت خد بالك وفرّق بين تحسين القراءة وتجميل الصوت والخشوع والحزن وده مطلوب؛ وبين إن الإنسان يُشابه في قراءته أهل الفسق والأغاني وده إللي مش مطلوب👌
طبعا زمانك بتسأل عن باقي الستة إللي رسول الله ﷺ خايف علينا منهم 👀
لكن قبل ما أشرح باقي الست علامات؛ خليني أقول لك عن علامة من علامات الساعة الصغرى مرتبطة بالقرآن وهي:
《أخذ الأجر على القرآن》
قال رسول الله ﷺ:
"مَنْ قرأَ القرآنَ فلْيسألِ اللهَ بهِ ، فإنَّهُ سَيجِيءُ أقوامٌ يَقرؤُونَ القرآنَ ، يَسألُونَ بهِ الناسَ"《صحيح الجامع》
ودول الناس إللي بيقعدوا يقرأوا القرآن في العزاء وعلى المقابر والمناسبات في مقابل المال،
لكن الأصل إنك تقرأ القرآن لطلب الأجر من الله👌

وطبعا هتسأل هنا عن حكم المُحفظين إللي بيحفظوا الأطفال القرآن مقابل المال، هل ده جائز أو لأ؟
بصراحة الموضوع فيه خلاف كبير بين العلماء، في إللي قال بتحريمه وفي إللي قال إنه يجوز، وكل فريق له أدلته،
فانت لو عايز تعرف تفصيل المسألة تقدر تبحث بنفسك؛ لأن صعب أفصّل الموضوع هنا.

نرجع بقى لحديث رسول الله ﷺ ونشوف الحديث على بعضه ونشرحه👌
قال رسول الله ﷺ:
"أخاف عليكم ستًّا : إمارةَ السُّفهاءِ ، و سفكَ الدَّمِ ، و بيعَ الحُكمِ ، و قطيعةَ الرَّحِمِ ، و نَشْوًا يتخذون القرآنَ مزاميرَ ، و كثرةَ الشُّرَطِ"
《صحيح الجامع》

أول حاجة رسول الله ﷺ ذكرها هي:
إمارة السفهاء:
والسفيه ده هو ناقص العقل؛ الجاهل عِلما وعملا،
فلما يكون واحد بالمواصفات دي ويتولى الإمارة هيقع في الكذب والخداع والظلم،
وطبعا لما يكون الحاكم سَفِيه ويبقى هو الآمر الناهي هيقود الناس لكل شر ويفتح عليهم أبواب الفتن،
يفتح عليهم أبواب الزنا وشرب الخمر والسرقة والاختلاط بين الرجال والنساء في كل مكان وغيرها وغيرها من أبواب المعاصي،
والأمراء دول قال عنهم رسول الله ﷺ إنهم مش بيتبعوه ﷺ ولا بيتبعوا سنته.
أما بقى الناس إللي بتتبع الأمراء السفهاء دول ويصدقوهم ويعينوهم على ظلمهم؛ فقد تبرأ منهم رسول الله ﷺ،
ومش بس مش هيشربوا من حوض رسول الله ﷺ؛ لأ ده حتى مش هيقرّبوا أصلا من الحوض👌
شوف كده رسول الله ﷺ قال إيه لصحابي اسمه كعبُ بنَ عُجرةَ👌
قال رسول الله ﷺ: "أعاذك اللهُ من إمارة السفهاءِ"
يعني ربنا يحميك ويحفظك من إمارة السفهاء،
فقال كعب: وما إمارةُ السفهاءِ ؟
قال له رسول الله ﷺ:
أمراءٌ يكونون بعدي ، لايهتدون بهديِي ، ولايستنُّون بسُنَّتي ،
فمن صدَّقهم بكذبهم ، أعانهم على ظلمهم ، فأولئك ليسوا مني ، ولست منهم ، ولا يَرِدُون عليَّ حَوضي .
ومن لم يُصدِّقْهم بكذبهم ، ولم يُعِنْهم على ظُلمِهم ، فأولئك مني وأنا منهم ، وسيرِدُون عليَّ حَوْضي"
《صحيح الترغيب》
طبعا مش محتاجة أجيب لك أمثلة، انت شايف بعنيك إللي بيحصل🙂
فخد بالك بقى لتكون من الناس إللي بتصدق أو بتُعِين الأمراء السفهاء على ظلمهم سواء بالقول أو بالفعل وانت مش حاسس👌

وطبعا لما الأمراء السفهاء يتولُّون أمور المسلمين؛ النتيجة هتكون
الاستِهْتارُ بحُرْمةِ الدِّماءِ وبالتالي سفك الدماء وكثرة القتل، ده غير إن عوام الناس أصلا هيبقى عندهم استهانة بالقتل، وهيشجعهم على ده إن مفيش قَصاص من القاتِلِ،
فهينتشر القتل حتى لا يدري القاتل فيما قَتَل ولا المقتول فيما قُتِل زي ما قلت لك المرة إللي فاتت👌

والحاجة الثالثة إللي في حديث رسول الله ﷺ وهي من علامات الساعةالصغرى:《بيعُ الحُكمِ》
يعني إن الناس تتولى المناصب عن طريق الرشوة، والموضوع ده منتشر جدا في الفترة الأخيرة لحد ما بقى طبيعي عند الناس للأسف😞

#قصة_نهاية_البداية_إيمان_شلبي
#الدار_الآخرة_بالعامية
#الحلقة_الثانية_عشرة
#علامات_الساعة_الصغرى
#الجزء_الخامس_عليك_بتقوى_الله_وحُسن_الخُلق

ماشي مع أصحابك لقيت واحد منهم بيهزر وراح شاتم شتيمة سيئة وقال كلام بذيء،
فراح واحد تاني رد عليه بكلام بذيء برده وقام أصحابك كلهم ضاحكين!
وانت واقف وسطهم مستغرب!
هو إيه إللي يضحك في الكلام الفاحش البذيء ده؟!
وللأسف لقيت إن أغلب الشباب بقوا كده حتى البنات، إلا من رحم الله،
لكن لما تعرف إن ظهور الفُحش والتفاحش من علامات الساعة الصغرى مش هتستغرب،
قال رسول الله ﷺ:
"لا تقوم الساعة حتى يظهر الفُحْش والتَّفاحُش"
《صححه الألباني السلسلة الصحيحة》
والفُحش معناه:
كل ما يُشتَد قبحه من الذنوب والمعاصي قولاً أو فعلاً.
اما التفاحش فهو تبادل الفحش أو إظهاره،
زي الألفاظ البذيئة المُبتذلة إللي سمعتها من أصحابك أو بتسمعها في الشارع وبقت موجودة كل مكان حتى على مواقع التواصل حتى بين البنات والأطفال،
وتحس كأن في تنافس بين الناس: مين إللي يتفحّش في الألفاظ أكثر ولا حول ولا قوة إلا بالله 😞

◇من علامات الساعة الصغرى إللي بقت منتشرة حولك؛
انتشار التجارة بين الناس لدرجة إن المرأة هتساعد زوجها في تجارته👌
قال رسول الله ﷺ:
"إنَّ بَيْنَ يَدَيْ السَّاعَةِ:
...فُشُوَّ التِّجَارَةِ، حَتَّى تُعِينَ الْمَرْأَةُ زَوْجَهَا عَلَى التِّجَارَةِ..."
《السلسلة الصحيحة》
بتسمع انت إن في نساء تدخل مع زوجها بنسبة أو بمشاركة أو تدير له جزءًا من العمل،
أو إن الزوج يفتح باسمها سجلاً تجارياً؛ لأنه موظف لا يستطيع فتح سجلاً قانونياً، وهكذا،
والتجارة عامة مش حاجة وحشة ولا إن المرأة تساعد زوجها ده حاجة وحشة؛ لأ،
هو المذموم هنا إن التجارة تكون هي الشغل الشاغل للرجل والمرأة وميهمهش التجارة دي حلال ولّا حرام،
ولو بصيت كده حولك هتلاقي إن التجارة منتشرة في كل مكان حتى على الإنترنت والنساء نفسها إما بتشتغل في التجارة أو بتساعد زوجها في تجارته،
الشاهد من الكلام يعني إن مش كل علامات الساعة لازم تكون حاجة مذمومة؛ لأ،
بعثة رسول الله ﷺ كانت أول علامة من علامات الساعة الصغرى،
ودي حاجة في حد ذاتها نعمة كبيرة جدا، فبعثته كانت رحمة للعالمين ﷺ👌

ومع انتشار التجارة طبيعي إن الأسواق هتكون أكثر وتكون قريبة من بعضها سواء كانت الأسواق على أرض الواقع أو حتى من خلال الانترنت،
ولو لاحظت في الفترة الأخيرة هتلاقي مثلا مول فتح في مكان وجنبه على طول أو قريب منه مول تاني😕
《فتقارب الأسواق》بالطريقة دي وغيرها من الطُّرق من علامات الساعة الصغرى،
قال رسول الله ﷺ:
"يُوشِكُ أن لا تقومَ الساعةُ ؛ حتى يُقبَضَ العلمُ ، وتظهرَ الفتنُ ، ويكثُرَ الكذبُ ، ويتقاربَ الزمانُ، وتتقاربَ الأسواقُ"
《صحيح الموارد》
فانت لازم تنتبه كل ما تشوف علامة من علامات الساعة عشان تستعد وتفكر نفسك دايما إن الدنيا هتفنى في يوم من الأيام وهتقابل في النهاية الإله الخالق وساعتها مش هينفعك غير عملك👌

◇تخيل بقى إن من علامات الساعة الصغرى: ظهور السيارات ووسائل النقل الحديثة!
ودي هي أشباه الرِّحالِ إللي ذكرها رسول الله ﷺ في الحديث،
قال رسول الله ﷺ:
" سَيَكُونُ فِي أُمَّتِي رِجَالٌ يركبون عَلَى سُرُجٍ كَأَشْبَاهِ الرِّحالِ، ينزلون على أبواب المساجد، نساؤهم كَاسِيَاتٍ عَارِيَاتٍ..."
《مسند الإمام أحمد》
وكلمة أشباه الرحال يعني مركوبات جديدة الناس هتركبها لم يرها رسول الله ﷺ،
وقال:
"سَيَكُونُ فِي آخِرِ هَذِهِ الْأُمَّةِ رِجَالٌ يَرْكَبُونَ عَلَى الْمَيَاثِرِ حَتَّى يَأْتُوا أَبْوَابَ مَسَاجِدِهِمْ"《حسنه الألباني》

والْمَيَاثِرِ معناها السروج العظيمة، والسِّرج معناه الحاجة إللي بيتم وضعها على ظهر الدابة عشان الإنسان يركب عليها، زي سرج الحصان،
فبالجمع بين الأحاديث تقدر تفهم إن المقصود بالرواحل دي هي السيارات وما شابهها،
وانت أكيد شوفت كتير إزاي إن الرجل ممكن ينزل من السيارة على باب المسجد للصلاة وزوجته معاه في السيارة كاسية عارية،
أو إنه يأتي للصلاة بسيارته في يوم الجمعة فقط ولا يصلي من الصلوات غيرها فلا تظهر ثمرة الصلاة عليه من حيث الأمر بالمعروف والنهي عن المنكر؛ لأن الصلاة في الأصل أنها تنهى عن الفحشاء والمنكر،
فبالرغم من مجيئه للصلاة؛ هتلاقي إن زوجته أو ابنته كاسية عارية وهذا من المنكرات العظيمة؛ لأن رسول الله ﷺ قال إن الكاسيات العاريات من أهل النار👌

وعلى فكرة انت ممكن لو جيت تنصحه وتكلمه هيقولك أنا سألت شيخ وقال لي عادي مفيش مشكلة، والمسكين ده للأسف مش عارف إن الشيخ إللي سأله ده واحد من《الأصاغر》👌
قال رسول الله ﷺ:

#قصة_نهاية_البداية_إيمان_شلبي
#الدار_الآخرة_بالعامية
#الحلقة_الثالثة_عشرة
#علامات_الساعة_الصغرى
#الجزء_السادس

◇"بُعِثْتُ أَنَا وَالسَّاعَة كَهَاتَيْن"✌وأشار رسول الله ﷺ بأصبعيه السبابة والوسطى.《صحيح البخاري》

حديث عن رسول الله ﷺ بتسمعه كتير هنا وهنا وانت مش فاهم معناه، ولعلك بتتساءل أصلا:
هو إزاي يعني بعثة رسول الله ﷺ قريبة جدا من الساعة كده وعدّى دلوقتي أكثر من ألف وأربعمائة سنة ولسه مفيش حاجة حصلت والله أعلم فاضل لسه كمان كم سنة على ما يأتي يوم القيامة؟!
بس لأن انت مطحون في دوامة الحياة؛ فمش لاقي وقت تقف وتفكر وتبحث وتعرف.
فدي فرصة إنك تعرف إجابة سؤالك👌
رسول الله ﷺ بيقولك إن أول علامة من علامات الساعة الصغرى هي بعثته ﷺ،
والمسافة بين بعثته وبين قيام الساعة زي المسافة بين السبابة والوسطى كده✌
فهو النبي الأخير ومفيش أي أنبياء بعده، وييجي بعده القيامة ونهاية الدنيا.
وإجابة سؤالك بكل بساطة هي إنك لازم تراعي النسبة الزمنية،
يعني الحساب الزمني في حياتك الدنيا غير الحساب الزمني عند ربنا، مش ربنا بيقول إن اليوم عنده كألف سنة عندك؟
قال تعالى:
"وَإِنَّ يَوْمًا عِندَ رَبِّكَ كَأَلْفِ سَنَةٍ مِّمَّا تَعُدُّونَ"
《الحج آية (47)》
يبقى ده معناه إن الألف وأربعمائة سنة دول يادوب ميجوش يوم ونص عند ربنا، وربنا نفسه قال:
"إِنَّهُمْ يَرَوْنَهُ بَعِيدًا۩وَنَرَاهُ قَرِيبًا "
《المعارج آية(6-7)》
فهو بالنسبة لك انت بعيد عشان العامل الزمني مختلف عندك، لكن هو قريب عند ربنا،
يعني لو افترضنا جدلًا يعني إن عُمر الدنيا لسه فيه كمان ألف وأربعمائة سنة يعني كده المجموع ثلاثة آلاف سنة تقريبا،
فيكون الزمن عند الله ثلاثة أيام فقط👌
ده غير إن الزمن الباقي من الدنيا بالنسبة للأمم السابقة زمن قليل، يعنى لو مثلا ميعاد قيام الساعة هو وقت غروب الشمس؛
فالأمم السابقة قعدت في الدنيا من وقت الفجر لحد وقت العصر،
وأمة الإسلام كان وقتها من العصر لحد المغرب،
قال رسول الله ﷺ:
"إِنَّمَا بَقَاؤُكُمْ فِيمَا سَلَفَ قَبْلَكُمْ مِنْ الْأُمَمِ كَمَا بَيْنَ صَلَاةِ الْعَصْرِ إِلَى غُرُوبِ الشَّمْسِ"《رواه البخاري 》
فالفترة بعد العصر حتى غروب الشمس فترة قليلة جدا بالنسبة للفترة الزمنية من الفجر للعصر، وهو ده حال الباقي من الدنيا👌

فدي كده كانت أول علامة من علامات الساعة الصغرى إللي حصلت من زمان وانت مشفتهاش؛ ومع ذلك يجب عليك إنك تؤمن بيها لأنها من الغيب👌

◇"اقْتَرَبَتِ السَّاعَةُ وَانْشَقَّ الْقَمَرُ"《القمر آية(1)》
بتعدي عليك الآية دي وانت بتقرأ القرآن أو سمعتها مرة من قارئ بيقرأ القرآن وانت مش عارف قصتها إيه، ولا إيه هي حكاية انشقاق القمر دي؟
شوف،
رسول الله ﷺ إللي انت آمنت ببعثته كان بُعث في قوم مشركين يعبدون مع الله آلهة أخرى، فبدأ يدعوهم إلى عبادة الله وحده وترك عبادة الآلهة دي،
فالمشركين بعد حوارات طويلة وسنين من العناد كانوا عايزين معجزة من رسول الله ﷺ عشان يثبت لهم إنه رسول من عند الله،
فقالوا لرسول الله ﷺ احنا عايزين نشوف معجزة،
انت مجبتش ولا معجزة، مع إن رسول الله ﷺ أتى بمعجزات كثيرة وأولها وأعظمها القرآن،
لكن رسول الله ﷺ مقعدش يجادلهم ويقولهم مانا قلتلكم حادثة الإسراء وجبتلكم الدليل،
وقلت لكم على حادثة الصحيفة إللي أكلتها دودة الأرض و..و..
هو مقعدش يعدد لهم، قال لهم لو أنا خليت القمر ينشق نصفين تُؤمنوا؟
وكانت الليلة دي القمر بدر، فقالوا له: أه طبعا نؤمن😲
فدعا الله إنه يشق له القمر فانشق القمر نصفين 🌛🗻🌜
وكان جبل أبي قُبيس بينهم،
فلما شافوا المنظر قالوا : سَحرنا محمد😑
وكذّبوا بالمعجزة إللي شافوها قصاد عينهم،
فقال واحد فيهم طيب لو هو سحرنا؛ فأكيد مش هيقدر يسحر الناس إللي برة مكة،
خلونا نسأل الناس إللي جايين من السفر عن إيه أكثر حاجة عجيبة شافوها في سفرهم ده،
فلما جاء الناس من السفر وسألوهم؛ قالوا لهم: في ليلة شفنا فيها القمر مقسوم نصين😳
فقال أهل مكة: ده سحره وصل لخارج مكة، وسحر الناس😲
☆طبعا لا تعليق🤐

فنزلت آيات القرآن:
"اقْتَرَبَتِ السَّاعَةُ وَانْشَقَّ الْقَمَرُ ۩ وَإِنْ يَرَوْا آيَةً يُعْرِضُوا وَيَقُولُوا سِحْرٌ مُسْتَمِرٌّ ۩ وَكَذَّبُوا وَاتَّبَعُوا أَهْوَاءَهُمْ وَكُلُّ أَمْرٍ مُسْتَقِرٌّ"
《القمر آية 1⬅️3》
ودي كانت قصة العلامة الثانية من علامات الساعة الصغرى: انشقاق القمر👌

◇العلامة الثالثة من علامات الساعة الصغرى إللي حصلت وانت مشفتهاش هي موت النبي ﷺ،
وموت رسول الله ﷺ هو أكثر شيء مؤلم ممكن أن يمر به الإنسان، فإن كل مصيبة تهون بعد مصيبة موت رسول الله ﷺ،حتى إن رسول الله ﷺ قال:

#قصة_نهاية_البداية_إيمان_شلبي
#الدار_الآخرة_بالعامية
#الحلقة_الرابعة_عشر
#علامات_الساعة_الصغرى
#الجزء_السابع_وهم_في_غفلة_معرضون

في القرن السابع الهجري سنة ستمائة وأربع وخمسين للهجرة
حصل زلزال شديد جدا للأرض في المدينة وما حولها،
واستمر الزلزال ده من ليلة الأربعاء لحد يوم الجمعة، لدرجة إن الناس إللي كانوا في المسجد النبوي كانوا بيسمعوا صوت الحديد إللي في منبر رسول الله ﷺ من شدة الزلزلة،
وكانت الزلزلة دي لها صوت زي صوت الرعد القاصف، وطبعا الناس كانوا في قمة الرعب😶
وبعد الزلزلة دي ظهرت نار كبيرة جدا قريبة من دِيار بني قريظة قُرب المدينة،
الناس إللي كانوا داخل المدينة كانوا شايفين النار دي كأنها عندهم داخل المدينة،
والنار كانت عظيمة ومرتفعة جدا في السماء النار لدرجة إن الناس في مدينة بُصرى إللي في الشام شافوا ظل النار دي، وبُصرى هي مدينة حُوران حاليا في سُوريا،
وبقى في أودية تسيل بالنار والجبال بقت تسيل نار باتجاه المدينة،
انت أكيد شوفت البراكين لما بتفور وتسيل بتعمل إيه في الصخور والجبال والأرض👌
أهه إللي حصل ده كان فوران بركاني في منطقة الحَرّة وهي منطقة مليئة بالتكوينات البركانية السوداء،
والصخور البركانية دي اتكونت بسبب الأنشطة البركانية القديمة،
والنار الكبيرة بقى يَسِيل منها أودية من نيران واتجهت ناحية المدينة وأهل المدينة فزعوا منها جدا ومبقوش عارفين يعملوا إيه،
ومع النار دي حصل كسوف للشمس وبعدها خسوف للقمر،
يعني آيات وراء بعضها والناس خايفة،
فبدأ الناس يتوبوا ويتركوا المعاصي، ويدعون الله عزوجل،
ويتقربوا إليه بالطاعات،
ودخل أهل المدينة إلى المسجد النبوي مستغفرين تائبين إلى ربهم، وبات الناس بين مصلٍّ وتالٍ للقرآن، وراكع وساجد،
واستمر ثوران البركان والنار المشتعلة ثلاثة أشهر وبعدين النار دي انطفأت،
أهه إللي حصل ده هو علامة من علامات الساعة الصغرى إللي أخبر عنها رسول الله ﷺ في الحديث:
"لا تقوم الساعة حتى تخرج نار من أرض الحجاز، يُضيء لها أعناق الإِبل ببُصرى"
《رواه البخاري ومسلم》
وقال في حديث تاني:
"لا تقوم الساعة حتى تخرج نار من رُومان أو رَكُوبة يُضيء منها أعناق الإبل بِبُصرى"
《رواه الطبراني في المعجم الكبير》

وتكلم عن العلامة دي علماء كثير، زي الإمام النووي والإمام القرطبي وابن كثير وغيرهم،
وكل مَن ذَكر النار دي من المؤرخين والعلماء؛ يقول في آخر كلامه: ولا أقدر أشرح وصفها على الكمال،
يعني مع كل الوصف إللي وصفوه مش قادرين يعبروا النار دي عاملة إزاي من شدتها والأهوال إللي كانت فيها👌
طبعا وَصْف العلماء فيها كثير جدا مش هقدر أقوله كله، أنا قلت لك المختصر المفيد، انت ممكن تبقى ترجع لكلام العلماء لو حبيت.

تخيل بقى إن بعد ما رسول الله ﷺ قال إن هيحصل النشاط البركاني ده قبل قيام الساعة، وفعلا يتحقق ما قاله بعدها بستمائة سنة؛
ييجي واحد ويتجرأ ويُكذّب رسول الله ﷺ ويقول إنه مش رسول وإن هو إللي اخترع الدين وإن مفيش حاجة اسمها إله😑
يعني بالعقل، هو في كذبة ممكن تقعد أكثر من ألف وأربعمائة سنة؟!!
طيب والحاجات إللي قال إنها هتحصل وفعلا حصلت سواء في الزمن الماضي أو في الحاضر والكل شايفها بعينه، ده غير إللي لسه هيحصل في المستقبل؛ كل ده برده صدفة أو كذب🙄
"وَجَحَدُوا بِهَا وَاسْتَيْقَنَتْهَا أَنْفُسُهُمْ ظُلْمًا وَعُلُوًّا"
《النمل آية(14)》
الباحث عن الحق يكفيه دليل، وإللي عايز يمشي وراء هواه مش هتكفيه كل الأدلة على وجه الأرض 👌
"أَرَأَيْتَ مَنِ اتَّخَذَ إِلَٰهَهُ هَوَاهُ أَفَأَنتَ تَكُونُ عَلَيْهِ وَكِيلًا"
《الفرقان آية(43)》

☆ملحوظة مهمة عشان ميحصلش لخبطة،
النار إللي خرجت في أرض الحجاز دي، غير النار إللي هتخرج في آخر الزمان وهتقود الناس إلى أرض المحشر،
دي حاجة ودي حاجة تانية خالص، النار التانية دي هتخرج من قعر عدن في اليمن وهي من علامات الساعة الكبرى وهتعرفها بالتفصيل إن شاء الله لما ييجي وقتها👌

بعد العلامة دي بأربع سنين؛ حصلت علامة ثانية من علامات الساعة الصغرى، وهي《قتال التُّرك》

◇سمعت عن المغول؟
ناس كده عنيهم ضيقة ووجوههم حمراء وأنوفهم صغيرة وغليظة، ووجوههم مبطّطة وعريضة زي التِّرس إللي طُرق عليه بالحديد؟
أهه الناس دي اسمهم التُّرك،
خد بالك، بقول التّرك مش الأتراك إللي عايشين في تركيا في زمننا دلوقتي، في فرق بين الاتنين👌
قال رسول الله ﷺ:
" لَا تَقُومُ السَّاعَةُ حَتَّى تُقَاتِلُوا التُّرْكَ صِغَارَ الْأَعْيُنِ حُمْرَ الْوُجُوهِ ذُلْفَ الْأُنُوفِ كَأَنَّ وُجُوهَهُمْ الْمَجَانُّ الْمُطْرَقَةُ ، وَلَا تَقُومُ السَّاعَةُ حَتَّى تُقَاتِلُوا قَوْمًا نِعَالُهُمْ الشَّعَرُ"

#قصة_نهاية_البداية_إيمان_شلبي
#الدار_الآخرة_بالعامية
#الحلقة_الخامسة_عشر
#علامات_الساعة_الصغرى
#الجزء_الأخير_المهدي

عارف نهر الفرات إللي في العراق؟
النهر ده هييجي عليه اليوم إللي هيقل فيه ماؤه، أو المجرى بتاعه هيتغير وهيظهر من داخله جبل من ذهب،
وبسبب ظهور الجبل ده هيحصل قتال عظيم عليه، لدرجة إن من كل مائة رجل هينجو رجل واحد فقط ويموت تسعة وتسعون،
قال رسول الله ﷺ:
"لا تقوم الساعة حتى يُحسَر الفرات عن جبل من ذهب، يقتتل الناس عليه فيُقتل من كل مائة تسعة وتسعون، ويقول كل رجل منهم: لعلي أكون أنا الذي أنجو"
《رواه مسلم》
تخيل إن الناس هتبقى عارفة حديث رسول الله ﷺ ومع ذلك هيروحوا يقتتلوا عليه وهيموت من كل مائة تسعة وتسعون إنسان، وكل واحد بيقول في نفسه لعلي أكون أنا الشخص إللي هينجو من المائة!
العلامة دي من علامات الساعة الصغرى إللي لسه محصلتش،
فخد بالك بقى واعمل بوصية رسول الله ﷺ لو ظهر الجبل ده في زمنك، قال رسول الله ﷺ:
"فمن حضره فلا يأخذ منه شيئاً"
《رواه البخاري ومسلم》

وعشان تبقى عارف وميختلطش عليك الأمر؛
المقصود بالذهب في حديث رسول الله ﷺ هو الذهب الأصفر المعروف؛
لأن في ناس غلطوا وقالوا إن الذهب هنا معناه الذهب الأسود إللي هو البترول، والكلام ده غير صحيح؛
لأن البترول لا يكون جبل فوق الأرض،
البترول بيُستخرج من باطن الأرض، والأصل حمل ألفاظ الشارع على ظاهرها،
يعني لما ييجي الشرع بلفظ معين يبقى هو فعلا ده المعنى المقصود، إلا لو في استثناء، فلما يقول ذهب يبقى هو فعلا الذهب الأصفر👌

انت ممكن تستغرب وتقول: إزاي يعني الناس هتبقى عارفة حديث رسول الله ﷺ وإن الموضوع فيه موت ومع ذلك هتروح عشان تاخد من الذهب؟!!
لكن لو انت لو بصيت حولك؛ هتلاقي إن بالرغم من انتشار فيروس كورونا وتحذير الأطباء للناس؛ والناس فعلا شايفة أقارب لهم أو ناس يعرفوهم بيموتوا بسبب الفيروس ده؛ مش فارق معاهم وعايشين عادي جدا ومش بياخدوا احتياطات السلامة منه،
وكل واحد مفكر إنه بعيد كل البعد عن إنه يتصاب،
فهي عقلية الناس واحدة، كله مفكر إن كل إللي حواليه ممكن يتصابوا لكن هو لأ، هو هيكون الناجي من وسط الناس دي كلها👌

◇في بقى علامتين من علامات الساعة الصغرى لسه برده مظهروش، والعلماء اختلفوا في وقت ظهورهم، في علماء قالوا إن ظهورهم هيكون بعد زمن المهدي وعيسى عليه السلام،
وفي فريق تاني قال إن ظهورهم هيكون قبل المهدي،
لكن مفيش دليل بيؤكد أو بيقول وقت ظهورهم بالضبط،
كلها اجتهادات العلماء،
لكن الأكيد إنهم هيظهروا؛ وده إللي يهمك تعرفه،
فخليني أقول لك عن العلامتين دول قبل ما تعرف قصة المهدي وباقي علامات الساعة الكبرى.

العلامتين هما: ظهور الجَهْجَاه وظهور القحطاني،
◇الأول : ظهور الجَهْجَاه،
قال رسول الله ﷺ:
" لا يذهب الليل والنهار حتى يملك رجل من الموالي يقال له: الجَهْجَاه"《صحيح سنن الترمذي》
والحديث معناه إن في مَلك هيحكُم المسلمين يُقال له الجهجاه،
وكلمة مَوْلى معناها العبد المُحرر أو الحَليف،
فالجهجاه ده إما هو عبد محرر أو من حلفاء المسلمين إللي انضم لهم وبقى عِزُّه من عزهم،
وده إللي نعرفه عنه فقط، رسول الله ﷺ لم يذكر صفاته ولا امتى هيخرج ولا فترة حكمه أد إيه🤷‍♂️

◇الثاني: خروج القحطاني:
قال رسول الله ﷺ:
"لا تقوم الساعة حتى يخرج رجل من قَحْطَان يسوق الناس بعصاه"
《رواه البخاري ومسلم》
والقحطاني ده رجل من الأحرار؛ لأن نَسَبه إلى قحطان الذي تنتهي إليه أنساب أهل اليمن،
وهو رجل مسلم صالح يحكم بالعدل، أما جملة يسوق الناس بعصاه فهي بتدل على قوته وسطوته وإنه يحمل الناس على الدين،
يعني يَغصبهم على الإلتزام بالدين والناس ستنقاد له زي ما راعي الغنم بيقود الغنم بعصاه،
وهو شديد ويقسو على أهل المعصية من الناس👌
والقحطاني غير الجهجاه وهو ده القول الصحيح؛ لأن في علماء بيقولوا إن القحطاني والجهجاه رجل واحد.

كده انت عرفت معظم علامات الساعة الصغرى،
في علامات تانية لكنها جاءت في أحاديث ضعيفة أو أحاديث مُختلف في صحتها،
فاحنا هنا هنكتفي بالعلامات إللي جاءت في الأحاديث الصحيحة
وهنبدأ نتكلم عن علامات الساعة الكبرى،
وعلامات الساعة الكبرى عشر علامات هي:
1◇خروج المسيح الدجال
2◇نزول عيسى بن مريم عليه السلام
3◇خروج يأجوج ومأجوج
4◇طلوع الشمس من مغربها
5◇الدخان
6◇خروج دابة الأرض
7◇ خسف بالمشرق
8◇خسف بالمغرب
9◇خسف بجزيرة العرب
10◇ نار تخرج من اليمن تطرد الناس إلى محشرهم

عن حُذَيْفَةَ بْنِ أَسِيدٍ الْغِفَارِيِّ رضي الله عنه قَالَ :
اطَّلَعَ النَّبِيُّ ﷺ عَلَيْنَا وَنَحْنُ نَتَذَاكَرُ فَقَالَ:
مَا تَذَاكَرُونَ ؟ قَالُوا : نَذْكُرُ السَّاعَةَ ،