Дзярждэп ЗША назваў выбары ў Беларусі фіктыўнымі
Дзярждэпартамент ЗША выступіў з заявай з нагоды мясцовых і парламенцкіх выбараў у Беларусі.

У ёй гаворыцца, што выбары прайшлі «ў атмасферы страху» і «не могуць быць названыя дэмакратычнымі».
«Злучаныя Штаты асуджаюць фіктыўныя парламенцкія і мясцовыя выбары рэжыму Лукашэнкі, якія завяршыліся сёння ў Беларусі. Выбары прайшлі ў атмасферы страху, у якой ніякія выбарчыя працэсы не могуць быць названыя дэмакратычнымі», — гаворыцца ў прэс-рэлізе афіцыйнага прадстаўніка Дзярждэпартамента Мэцью Мілера.
«Усе незалежныя палітычныя дзеячы былі альбо затрыманыя, альбо высланыя. Усім незалежным палітычным партыям было адмоўлена ў рэгістрацыі. Беларусы, якія знаходзяцца за мяжой, маглі галасаваць толькі ў выпадку вяртання ў Мінск, дзе іх, хутчэй за ўсё, чакалі б рэпрэсіі. Гэтыя злоўжыванні фактычна замарозілі сапраўдную палітычную дзейнасць і палітычны дыскурс унутры Беларусі. Рэжым не дазволіў Арганізацыі па бяспецы і супрацоўніцтву ў Еўропе назіраць за выбарамі, што яшчэ больш абмежавала празрыстасць, якая неабходная для правядзення свабодных і справядлівых выбараў», — гаворыцца ў заяве.
ЗША заклікалі рэжым Лукашэнкі спыніць рэпрэсіі, вызваліць палітвязняў і пачаць дыялог з праціўнікамі.

Далучайся і будзь з намі ✍️ https://t.me/parlamentbel
Беларусь і яе грамадзяне заслугоўваюць лепшага

#бязвыбары #ясьгаспадар #фальсіфікацыі #заява #зша

Жэсць, канешне, але падаецца, што параненае вуха Трампа ужо чуе скрып палавіцаў Белага дома.
Выстрал, які можа істотна змяніць хаду выбарчай кампаніі ў ЗША.

#выбары#трамп #зша #замах