Устоз отангдек улуғ

Ҳар бир соҳанинг етук мутахассиси аввалам, бор яхши устоз тарбиясида шаклланади.

Энергетика тизимида ҳам устоз-шогирт ананасига узоқ йиллардан буён амал қилиб келинган.

Бу борада “Наманган ҳудудий электр тармоқлари корхонаси” АЖда ўзига ҳос мактаб шаклланган десак муболаға бўлмайди.

1 октябрь – Ўқитувчи ва мураббийлар кунига. Шу муносабат билан тизимда ишлаб нафақага чиққан ҳамда соҳада фаолият юритаётган устоз энергетиклар шогиртлари томонидан йўқланди. 550 нафар устозларга эсдалик совғалари топширилиб, уларнинг суҳбатидан бахраманд бўлинди.

Фатхиддин ота Шералиев 96 ёшда. У Наманган энергетика тизими яралишида ўзининг катта меҳнати билан ҳисса қўшган. Бугун у ўзининг невара шогиртлари келиб, ҳолидан хабар олганидан жуда мамнилигини билдирди ва дуои фотихалар қилди.

"Наманган ҲЭТК" АЖ Матбуот хизмати

Шавкатжон Абдураззақов Наманганга коронавирусга қарши курашда кўмаклашиш учун келган россиялик шифокорларни қабул қилди

Вилоят ҳокими Шавкатжон Абдураззақов Наманганга коронавирусга қарши курашда кўмаклашиш учун келган россиялик шифокорларни қабул қилди.

Улар икки ҳафта давомида Наманганда бўлиб, коронавирусни даволашга ихтисослашган барча шифохоналарда бўлди. Бу ерда беморларни соғайтириш жараёнларида иштирок этишди. Ҳамкасблар билан мулоқотда бўлиб, ўзаро тажриба алмашишди.

Вилоят раҳбари ўз миссиясини якунлаётган россиялик шифокорларга миннатдорлик билдириб, уларни келгуси йили Наманганда ўтказилиши режалаштирилаётган 60-Халқаро гуллар фестивалига таклиф қилди.

Россиялик шифокорларга вилоят ҳокимлигининг эсдалик совғалари топширилди.

Вилоят ҳокими Наманган шаҳридаги "Чорсу" бозорида яратилган шароитлар билан танишди

Вилоят ҳокими Шавкатжон Абдураззақов Наманган шаҳридаги "Чорсу" деҳқон бозорида бўлиб бу ерда яратилган шароитлар билан танишди

Бозордаги нарх-наволар билан қизиқиб, сотувчилар ҳамда фуқаролар билан мулоқотда бўлди.

Мутасаддиларга "Чорсу" деҳқон бозоридаги шароитларни янада яхшилаш юзасидан тегишли кўрсатмалар берилди.