#JARAYON

    ❕ Ishchi guruhi a’zolari Bekobod shahridagi  boshqaruv tashkilotlari faoliyati va ular xizmat ko‘rsatadigan hududlar holatini o‘rgandilar. Dastlabki manzil "Nur Classik Servis" boshqaruv servis kompaniyasi bo‘ldi. Kompaniyaning 40 nafarga yaqin ishchi xodimi bugungi kunda 170 ta ko‘p qavatli uyga samarali xizmat ko‘rsatib kelmoqda. Kompaniya faoliyati samarali yo‘lga qo‘yilgan bo‘lib, ko‘p qavatli uylarning hududiga alohida e’tibor qaratilgan. Aholi vakillari mutasaddilar  bilan bo‘lgan suhbatda xizmat ko‘rsatish sifatidan mamnun ekanliklarini bildirdilar. O‘yingohlarda bolalar gavjum, ko‘p qavatli uylar atrofi ham ozoda.
    🟪 Ikkinchi  "Kommunal Tex Servis Konsult"  boshqaruv tashkiloti faoliyati ham qoniqarli, deb topildi. Aholi qulayligi uchun kompaniyada barcha imkoniyatlar yaratilgan. 24/7 ish rejimidagi dispetcherlik faoliyati ishlab turibdi. Kompaniyaning moddiy-texnika bazasi ham shakllantirilgan. Mutasaddilar ikkala kompaniya vakillariga faoliyati salmog‘ini yanada kengaytirish, qo‘shimcha servis xizmatlar turini ko‘paytirish bo‘yicha zarur tavsiyalar berdilar.
      Shaharda ta’bni xira qiluvchi manzaralar ham yo‘q emas. Ushbu manzilda ham chiqindi muammosi aktual. Ishchi guruh rahbari Sherzod Hidoyatov mazkur masalalarni bartaraf etish bo‘yicha shahar mas’ullari bilan muhokamalar o‘tkazdi. Ishni tizimli ravishda amalga oshirish,  chiqindi muammosi bilan kurashishga aholini ham undash maqsadida targ‘ibot ishlarini amalga oshirish lozimligi ta’kidlandi.

Rasmiy sahifalarimizga a'zo bo'ling👇
|Web| Instagram|Facebook|Telegram| Youtube|

#Inson_aziz_xotira_muqaddas

    🕊  Tinchlik so‘zi har bir o‘zbek oilasi uchun alohida ma’noga ega. Bugungi to‘kin-sochinlik, baxt va farovonlikka tasavvur qilib bo‘lmaydigan mashaqqatlar, bobolarimiz tomonidan keltirilgan ulkan qurbonliklar orqali erishilgan.
      O‘zbekiston Respublikasining har bir fuqarosi buyuk ajdodlarimizning ozodlik yo‘lida ko‘rsatgan jasorati va keltirgan qurbonligini g‘urur bilan eslaydi.
     📝 Bugun 9-may kuni - Xotira va qadrlash kuni munosabati bilan Qurilish va uy-joy kommunal xo‘jaligi vazirligi rahbariyati boshchiligidagi xodimlar poytaxtimizdagi Xotira maydonida bo‘ldi. Ular ikkinchi jahon urushida jon fido qilgan hamyurtlarimiz yodiga hurmat bajo keltirib, Motamsaro ona haykali poyiga gulchambarlar qo‘ydilar.

Rasmiy sahifalarimizga a'zo bo'ling👇
|Web | Instagram| Facebook |Telegram | Youtube|

#Inson_aziz_xotira_muqaddas

🇺🇿 Millat va xalq tarixiy xotira tuygʻusi bilan barhayotdir!

Bugun butun mamlakatimiz bo'ylab keng nishonlanayotgan 9-may Xotira va qadrlash kuni munosabati bilan "Shaharsozlik hujjatlari ekspertizasi" DUK bosh direktori Mirabbos Inoyatov boshchiligidagi xodimlar Toshkent shahridagi "Birodarlik qabristoni" memorial majmuasida bo'ldilar. Katta iftixor va bugungi kunga shukronalik hissi bilan majmuadagi Motamsaro ona haykali poyiga gulchambar qo'yildi. Vatanimiz erki yo'lida jon fido qilgan yurtdoshlarimiz xotirasiga hurmat bajo keltirildi.

Urush va ayriliqlardan qaddi bukilgan, o'zbek xalqining dard-u tashvishlari, mushtipar onalar uqubatining timsoli hisoblangan Mutamsaro ona haykali qarshisida tinchlik-osoyishtalik, qadr tushunchasining mohiyatini yanada teranroq anglash mumkin.

Bugungi ibratli kun xotirjam o'tayotgan har onimizning qadriga yetishga, yurtimizning porloq kelajagi yo'lida munosib hissa qo'shishga da'vat etadi.

Rasmiy sahifalarimizga a'zo bo'ling👇
|Web | Instagram| Facebook |Telegram | Youtube|

#Inson_aziz_xotira_muqaddas

❗️“Matonat madhiyasi” yodgorlik majmuasi poyiga gulchambar qo‘yildi

9 may – Xotira va qadrlash kuni munosabati bilan Toshkentdagi G‘alaba bog‘ida vazirlik va idoralar, davlat va jamoat tashkilotlari vakillari “Matonat madhiyasi” yodgorlik majmuasi poyiga gulchambarlar qo‘yish tadbirida ishtirok etishdi.

Ushbu marosimda Toshkent shahar qurilish va uy-joy kommunal xo‘jaligi boshqarmasi xodimlari ham ishtirok etdi.  

➡️Bugun jamoamiz hamda faxriy arxitektorlarimiz bilan “Matonat madhiyasi” yodgorlik majmuasi poyiga gulchambar qo‘ydik, – deydi Toshkent shahar qurilish va uy-joy kommunal xo‘jaligi boshqarmasi boshlig‘i Saidjon To‘xtayev.  Yuragimizda urushda matonat ko‘rsatgan ota-bobolarimizga nisbatan hurmat-ehtirom va faxr tuyg‘usi yana bir bor jo‘sh urdi. Chinakam jasorat, bir necha yuz minglab o‘zbek o‘g‘lonlarining yurt sha'ni uchun kurashgani bugungi mustaqillik shamoli esayotgan zaminda yashayotgan har birimizning ko‘nglimizdan ularga bo‘lgan xotira va e'zozni mangu muhrlaydi desak, mubolag‘a bo‘lmaydi.

Rasmiy sahifalarimizga a'zo bo'ling👇
|Web | Instagram| Facebook |Telegram | Youtube|