#MUNOSABAT

🟢Fuqaro  B.Isroilovga tegishli boʻlgan Samarqand viloyati, Pastdargʻom tumani, Juma shahri, "Samarqand" mahallasi, Samarqand  koʻchasidagi 26-uyni rekonstruksiya qilish hamda oʻz hududidan qoʻshimcha bino va inshootlarni qurishga Pastdargʻom tumani Qurilish va uy-joy kommunal xoʻjaligi boʻlimining 2024-yil 20-yanvardagi ruxsatnomasi berilgan.

Mazkur hujjatga asosan Samarqand viloyati Qurilish va uy-joy kommunal xoʻjaligi bosh boshqarmasi tomonidan 2024-yil 2-fevralda arxitektura rejalashtirish topshirigʻi ishlab chiqilgan.

“MEZANA PROYEKT” MCHJ tashkiloti tomonidan ishlab chiqilgan loyiha hujjati Samarqand viloyati Qurilish va uy-joy kommunal xoʻjaligi boshqarmasi loyiha-smeta hujjatlarini kelishish boʻyicha arxitektura va shaharsozlik Kengashi ishchi organining 2024-yil 4-martdagi xulosasi bilan kelishib berilgan.

“MEZANA PROYEKT” MCHJ ishlab chiqqan loyiha hujjati “Shaharsozlik hujjatlarini ekspertiza qilish” respublika markazi Samarqand viloyati filiali tomonidan koʻrib chiqilib, 2024-yil 26-martda ekspertiza xulosasi olingan.

Samarqand viloyati Qurilish va uy-joy kommunal xoʻjaligi sohasida hududiy nazorat qilish inspeksiyasidan obyektda qurilish-montaj ishlarini boshlash uchun roʻyxatdan oʻtkazilgan.

✅ Oʻrganish jarayonida fuqaro B.Isroilov  tomonidan oʻzboshimchalik bilan “MEZANA PROYEKT” MCHJ tomonidan ishlab chiqilgan loyiha hujjatlariga amal qilmasdan, poydevor quyish uchun yer qazish ishlarini olib borganligi sababli qoʻshni xonadon poydevori ostidagi tuproqning choʻkishi natijasida turar-joyning bir qismi qulab tushganligi aniqlandi.

Mazkur holat yuzasidan soha vakillaridan iborat ekspertlarning oʻrganish natijalariga oid xulosasiga asosan yana qoʻshimcha maʼlumot taqdim qilinadi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube

#MUNOSABAT

📍Xorazm viloyati Gurlan tumani Pahlavon Mahmud koʼchasida joylashgan 3 qavatli koʼp xonadonli turar joy binosida “Oʼzbekiston savdo markazi” MChJ tomonidan qurilish-montaj ishlari amalga oshirilmoqda. Ushbu obyekt inspeksiyadan 2023-yil 23-yanvarda roʼyxatdan oʼtgan boʼlib, qurilish-montaj ishlari sifati nazoratga olingan.

Bugungi kunda binoning 3-qavatida gʼisht terish ishlari amalga oshirilmoqda. Loyiha boʼyicha gʼisht devorning qalinligi 510 mm boʼlib, kоlonna razmeri 400 mm qilib belgilangan.

Oʼrganish jarayonida gʼisht terish ishlarida vertikal, gorizontal choklar sifatsiz bajarilganligi hamda ijro texnik hujjatlari toʼliq yuritilmaganligi ma'lum bo'ldi. Ushbu kamchiliklar boʼyicha pudratchi tashkilotga 2024-yil 13-mayda tegishli qonunchilikka ko'ra maʼmuriy bayonnoma rasmiylashtirilgan.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube

#MUNOSABAT

🔴 Toshkent shahar Qurilish va uy-joy kommunal xo’jaligi sohasida hududiy nazorat qilish inspeksiyasi Mirobod tumani "Yuksalish" MFY Qoʼyliq 3-dahasi 38-uyda joylashgan qurilish obyekti bo’yicha ijtimoiy tarmoqlar orqali tarqalgan xabar yuzasidan quyidagilarni ma’lum qiladi:

Mazkur obyekt "MIKROKREDITBANK" aksiyadorlik tijorat banki tomonidan tegishli shaharsozlik hujjatlarisiz qurilayotgani aniqlangan, xususan, qurilish-montaj ishlarini boshlash uchun inspeksiyani xabardor qilish orqali belgilangan tartibda roʻyxatdan oʻtmagani ma’lum bo’ldi.

Shu bois inspeksiya tomonidan "MIKROKREDITBANK" aksiyadorlik tijorat bankiga noqonuniy qurilish ishlarini to’xtatish bo’yicha 2024-yil 20-mayda ogohlantirish xati  yuborildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#MUNOSABAT

📍Toshkent shahar,  Olmazor  tumani,  “Chinobod” MFYda “AL-HADID GROUP” MChJ tomonidan qurilayotgan ko’p qavatli turar-joy binosi Toshkent shahar  Qurilish va uy-joy kommunal xo‘jaligi sohasida hududiy nazorat qilish  inspeksiyasi tomonidan o'rganildi va quyidagi choralar ko’rildi:

Jumladan, 2024-yilning 28-may kuni obyektda  montaj qilish maqsadida olib borilayotgan  yer ishlari joyida  to’xtatildi va qurilish egasi Q.Olimovga tegishli yozma ko'rsatma berildi hamda belgilangan tartibda hujjatlar rasmiylashtirilmaguniga qadar qurilish ishlarini olib bormaslik to’g’risida kafolat xati olindi.

Yana shuni ma'lum qilamizki, joriy yilning 31-yanvar kuni hududiy inspeksiya mutaxassislari o'rganish maqsadida obyektga borganlarida Q.Olimov chaqirtirilgan, ammo u kelmagan. Holat yuzasidan mahalla raisi hamda profilaktika inspektori ishtirokida dalolatnoma tuzilgan. Mas'ulning yashash manziliga qurilish-montaj ishlarini to’xtatish yuzasidan o'sha kunning o'zida ogohlantirish xati berilgan va  ishlar to’xtatilgan. Shuningdek, O’zbekiston Respublikasi Vazirlar Mahkamasining tegishli qaroriga asosan Olmazor tuman hokimligi ishchi komissiyasiga  2023-yil 14-noyabrda  va 2024-yil 31-yanvarda takroran tegishli xatlar yuborilgan.

2024-yilning 14-fevral kuni esa  Olmazor tuman prokuraturasiga “AL-HADID GROUP” MCHJ tomonidan noqonuniy ravishda olib borilayotgan qurilish ishlariga huquqiy baho berish, tegishli chora ko’rish bo'yicha  xat taqdim qilingan.

Maʼlumot uchun, amaldagi qonunchilik hujjatlarida nazarda tutilgan qurilish sohasidagi ruxsat berish tartib-taomillarida, inspeksiya aniqlangan huquqbuzarliklarni bartaraf etish boʻyicha kamida ikkita koʻrsatma bajarilmagan taqdirda qurilish-montaj ishlarini toʻxtatib qoʻyish va demontaj ishlarini amalga oshirish toʻgʻrisida daʼvo bilan sudga murojaat qilish vakolatiga ega ekanligi belgilab qoʻyilgan.
   
Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#MUNOSABAT

🏢 Ko’p kvartirali uylarga xizmat ko’rsatuvchi boshqaruv organlari bilan shartnoma tuzmaslik mulkdorlarni majburiyatdan ozod etadimi?

📹 Batafsil video orqali tanishing.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#MUNOSABAT

Bugun ijtimoiy tarmoqlarda “Samarqandda qo‘shni yana kotlovan kavlab, qo‘shnisining uyini qulatdi” sarlavhasi ostida tarqalgan video tasvirlar yuzasidan Qurilish va uy-joy kommunal xo‘jaligi vazirligi quyidagilarni ma'lum qiladi:

Avvalo ta'kidlash joizki, tarqatilayotgan materialda holatning aynan Samarqand viloyatida sodir bo‘lganini izohlovchi biror ma'lumot keltirilmagan. Shuningdek, diqqat bilan tinglansa, tasvir ortida insonlarning chet tilida so‘zlashayotganini ham eshitish mumkin.

Tezkor o‘rganish ishlari davomida Samarqand viloyati Qurilish va uy-joy kommunal xo‘jaligi Bosh boshqarmasi tomonidan viloyatning birorta hududida uy-joy qulashi bilan bog‘liq hodisa ro‘y bermaganligi aniqlangan.

Shu o‘rinda yolg'on axborot tarqatganlik uchun qonunchilikda tegishli jazo choralari belgilanganligini eslatib o'tamiz.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#MUNOSABAT

📱 Bugun telegram ijtimoiy tarmog'ida "Qo‘qon shahrida joylashgan ko‘p qavatli uylardan birida yashovchi ayol yosh bolasi bilan liftda qamalib qolib, hushidan ketdi" sarlavhasi bilan tarqalgan video murojaat yuzasidan quyidagilarni ma'lum qilamiz:

Ayni vaqtda Farg‘ona viloyati Qurilish va uy-joy kommunal xo‘jaligi Bosh boshqarmasi hamda boshqarmaning Qo‘qon shahar bo‘limi, Qo'qon shahar hokimligining mas'ul xodimlaridan iborat tezkor ishchi guruh tashkil etilib, mazkur masala joyida o‘rganilmoqda.

O‘rganishlar natijasi yuzasidan qo‘shimcha axborot beriladi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#MUNOSABAT

🚨 Ijtimoiy tarmoqlarda "Toshkent viloyatidagi turar joy binosi cho‘kdi", - deb talqin qilingan ushbu holat aslida Namangan viloyatida aniqlangan.

Mazkur holat Namangan viloyati Qurilish va uy-joy kommunal xoʻjaligi sohasida hududiy nazorat qilish inspeksiyasi xodimlari tomonidan oʻrganib chiqilgan.

Mazkur holatga ichimlik suvi tarmog‘ida yuzaga kelgan nosozlik sabab bo‘lgan. Suv sizib chiqib, binoning ikki yon tomonida to‘planishi natijasida turar joy atrofidagi beton yo‘lak (otmoska)larda cho‘kish hosil bo‘lgan va granit plitalar binoning poydevoridan ko‘chgan.

Asosi va yerto‘la qismi o‘rganilganda esa yon va to‘suvchi devorlarda yorilish hamda pol qismida cho‘kish holatlari kuzatilmagan.

🛑 Quruvchi tomonidan muammo aniqlanishi bilan joyida binoning ikki yon tomon yo‘lagidagi cho‘kish holati bartaraf etilib, beton yo‘laklari qayta taʼmirlangan hamda sokol qismidagi poydevordan ko‘chgan granit plitalar joyiga o‘rnatilib, holat bartaraf etilgan.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#MUNOSABAT

🔴 Toshkent shahar Qurilish va uy-joy kommunal xo‘jaligi sohasida hududiy nazorat qilish inspeksiyasi Chilonzor MFY Chilonzor ko‘chasi 29-uy manzilida joylashgan qurilish obyekti bo’yicha ijtimoiy tarmoq orqali tarqalgan murojaat yuzasidan quyidagilarni ma’lum qiladi:

- monitoringlar davomida mazkur manzilda “FUTURE GROWTH” MCHJ tomonidan tegishli shaharsozlik hujjatlarisiz, belgilangan tartibda inspeksiyadan roʻyxatdan oʻtmasdan qurilish ishlarini olib borayotgani aniqlandi.

Holat yuzasidan inspeksiya tomonidan noqonuniy qurilish ishlarini to‘xtatish bo‘yicha 2024-yil 17-mayda bajarilishi majburiy bo‘lgan yozma ko‘rsatma berilgan hamda ushbu qonunbuzilish holati bo’yicha MJtKning 99-moddasi 7-qismi bilan ma’muriy jazo qo’llanilgan.

Shundan so’ng ham O’zbekiston Respublikasi Vazirlar Mahkamasining 2020-yil 20-avgustdagi 496-sonli qaroriga zid ravishda qurilish-montaj ishlari davom ettirilganligi hamda inspeksiyadan belgilangan tartib orqali ro’yxatdan o’tmaganligi bois joriy yilning 8-avgust kuni takroran yozma ko’rsatma rasmiylashtirilganligi ma’lum qilinadi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#MUNOSABAT

✅“GENERALISSIMUS” telegram kanali orqali mamlakatimizda faoliyat yuritayotgan quruvchilar nomidan e’lon qilingan murojaat yuzasidan quyidagilarni ma’lum qilamiz:

🔗 Amaldagi Qurilish va uy-joy kommunal xo‘jaligi vazirligi qoshidagi "Shaffof qurilish" milliy axborot tizimi Qurilish-pudrat tashkilotlarining elektron reyting platformasida pudrat tashkilotining tashkil topgan yiliga 5 yil bo‘lganlarga maksimal ball belgilangan.

Elektron reyting platformasining havolasida Qurilish-pudrat tashkilotlari elektron reytingining yangi mezon talablari loyihasi (hali amalda qo‘llanmagan) joylashtirilgan. Bugungi kunda ushbu mezon talablari bo‘yicha pudrat tashkilotlarining munosabatlari qabul qilinib, asoslangan takliflar inobatga olinmoqda. Mazkur takliflar orasida 5 yil tajribaga ega pudrat tashkilotlari uchun maksimal ball berishni saqlab qolish ham qayd etilgan.

📌 Ma’lumot uchun: Qurilish-pudrat va loyiha-qidiruv tashkilotlari elektron reytingining mezon talablari pudrat hamda loyiha tashkilotlari bilan maslahatlashgan holda, ularning taklif va e’tirozlari o‘rganilgandan so‘ng amaliyotga joriy etiladi.

Mamlakatimizda tadbirkorlikni rivojlantirish va ularning faoliyatiga ko’maklashish maqsadida qator ishlar amalga oshirilmoqda. Shu ma’noda tadbirkorlar tomonidan yo’llangan murojaatda ko’rsatilgan taklif va mulohazalar qabul qilinishini bildiramiz.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#MUNOSABAT

📹 “Youtube” platformasi orqali “Qonun doirasida” nomi ostida e’lon qilingan lavhalarda ko‘rsatilgan holatlar yuzasidan sohaga daxldor mas’ullar o’rganish ishlarini olib bordi.

Xorazm viloyatidagi qurilish obyektlari bilan bog’liq asl vaziyat bilan quyidagi havolada batafsil tanishishingiz mumkin.

➡️Havola👈

Ta’kidlash lozimki, murojaatda ko’rsatilgan har bir obyektda qonunchilikda belgilangan tartibda monitoring ishlari amalga oshirilib, nazorat tadbirlariga qat’iy yondoshib kelingan.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#MUNOSABAT
 
✅ Toshkent shahar Qurilish va uy-joy kommunal xo‘jaligi sohasida hududiy nazorat qilish inspeksiyasi joriy yilning 24-avgustida “Troll.uz” telegram kanalida Yunusobod tumani “G'ayratiy” MFY Ahmad Donish ko’chasida joylashgan 7-son shahar klinik shifoxonasini rekonstruksiya qilish obyektining bino ustunlari bo‘yicha qilingan videolavha yuzasidan quyidagilarni ma’lum qiladi:

Holat bo'yicha inspeksiya mutaxassislari tomonidan joyiga chiqib o'rganildi. Jarayonda qurilish obyektida bir qator kamchiliklar aniqlandi va bartaraf etilishi majburiy bo'lgan yozma ko'rsatmalar berildi. Xususan, sifatsiz qurilish materiallari yuzasidan tegishli taqdimnoma chiqarildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#MUNOSABAT

📌 Xabar berganimizdek, kuni kecha Axborot va ommaviy kommunikatsiyalar agentligida Qurilish va uy-joy kommunal xo’jaligi vazirligining navbatdagi “Ko'p kvartirali uy-joylarni kuz-qish mavsumiga tayyorlash yuzasidan amalga oshirilayotgan ishlar” mavzusidagi matbuot anjumani bo’lib o’tdi.

Mazkur tadbir o’tkazilishi bo’yicha e’lon joriy yilning 8-avgust kuni vazirlikning rasmiy kanallarida berilgan bo’lib, unda barcha OAV vakillari, blogerlar hamda jamoatchilik faollari taklif qilingan.

😄 Qalampir.uz nashriga ko’ra matbuot anjumaniga nashr muxbiri kiritilmagan.

Ta’kidlash lozimki, AOKA bilan hamkorlikda tashkil etilgan ushbu anjumanda ishtirok etish uchun jurnalistlar ro’yxati vazirlik tomonidan shakllantirilmagan. Binoga jurnalistlarni kiritish yoxud kiritmaslik ham vazirlik vakolatidagi vazifa emas.

Videolavhada muxbirning tadbirda jurnalistlar soni kam ekanligi ta’kidlangan. Ammo anjumanda 10 dan ziyod OAV vakillari ishtirok etib, ularning aksariyati o’zlarining savollariga mas’ullardan javob olishga muvaffaq bo’ldilar.

Ta’kidlash kerakki, matbuot anjumani tanqidiy masalalar tahlili va qizg’in muhokamalarga boy tarzda o’tdi. Shu bois vazirlik “achchiq savollardan qo’rqdimi”, - deya ta’kidlangan fikrni asossiz deb hisoblaymiz. Vazirlik mas’ullari hamisha jurnalistlar, blogerlar hamda keng jamoatchilik uchun ochiq bo’lishga intiladi va o’zaro hamkorlikni yuksak qadrlaydi.

🔴 Yana bir bor eslatib o’tamiz, vazirlik jurnalistlar bilan muloqotga doimo tayyor! Har qanday savol va takliflaringiz bilan bizga murojaat qilishingiz mumkin.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#MUNOSABAT

😄 Toshkent shahar Qurilish va uy-joy kommunal xoʻjaligi sohasida hududiy nazorat qilish inspeksiyasi Chilonzor tumani Novza koʻchasidagi qurilish obyekti boʻyicha kun.uz saytida eʼlon qilingan videolavha yuzasidan quyidagilarni maʼlum qiladi:

Ushbu obyektdagi qurilish ishlari “RUNA INTERNATIONAL TRADING INC” MCHJ tomonidan amalga oshirilmoqda. Pastki qavatlari savdo va maishiy xizmat koʻrsatish majmuasidan iborat koʻp kvartirali turar joy obyektida qurilish-montaj ishlari Vazirlar Mahkamasining 200-sonli qarori talablariga zid ravishda, yaʼni inspeksiyadan qurilish-montaj ishlarini boshlash uchun xabardor qilish tartibi orqali roʻyxatdan oʻtmagan holda boshlab yuborilgan.

🚨 Oʻrganishlar davomida hudud atrofi profnastil bilan oʻralib, yer ishlari tegishli qoida va meʼyorlarga amal qilinmagan holda olib borilayotganligi aniqlangan va bu bo'yicha MCHJ rahbariga qurilish-montaj ishlarini toʻxtatishga doir ogohlantirish xati yuborilgan.

Hozirda mazkur holat nazoratga olingan boʻlib, qoʻshimcha maʼlumot taqdim qilinadi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|