#Kuz_qish

KUZ QISH MAVSUMIGA TAYYORGARLIK ISHLARI

📍 Jizzax shahar "Sayiljoyi" va "Toshloq" mahalla fuqarolari yig‘ini hududidagi ko‘p kvartirali uylarga  xizmat ko‘rsatuvchi “Ta’mirlash-tiklash tts” MCHJ boshqaruv tashkiloti tomonidan 2025-2026-yillar kuz-qish davrini betalafot o‘tkazish maqsadida 5 ta ko‘p kvartirali uyning tom qismi, 71 ta elektr shitlarni ta’mirlash, 33,1 kv.m framuga oynalarini yangilash, 112 ta aqlli yoritgichlar o‘rnatish va yerto‘la qismidagi kommunikatsiya tarmoqlarini yangilash shlari amalga oshirilmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🔠 Fuqarolar murojaatlari o‘rganilmoqda

Bugun Toshkent shahar Qurilish bosh boshqarmasida tuman qurilish bo‘limi mutaxassislari ishtirokida navbatdagi fuqarolar qabuli bo‘lib o‘tdi. Tadbir aholi murojaatlari bilan ishlash tizimini yanada takomillashtirish hamda takroriy murojaatlarning oldini olish maqsadida tashkil etildi.

Qurilish va loyihalashtirish bilan bog‘liq masalalarga aniqlik kiritish istagida boshqarmaga 30 ga yaqin fuqaro o’z muammolari bilan murojaat qildi. Ularning masalalari soha mutaxassislari tomonidan atroflicha o‘rganildi. Natijada 26 nafar murojaatchiga huquqiy tushuntirishlar va zarur maslahatlar berildi.

Shuningdek, kelib tushgan murojaatlarning bir qismi tegishli tashkilotlarga yo‘naltirildi. Bitta murojaat esa bevosita joyiga chiqib o‘rganish uchun nazoratga olindi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

📌 Davlat-xususiy sheriklik asosida oqova suv tizimini boshqarish: masʼullar uchun oʻquv seminari tashkil etildi

🏘 Bugun Qurilish va uy-joy kommunal xoʻjaligi vazirligida videokonferensaloqa shaklida oʻquv seminari boʻlib oʻtdi. Unda vazirlikning tegishli boshqarmalari mutaxassislari, viloyat hokimliklari hamda hududiy boshqarmalar masʼullari, shuningdek, sohada faoliyat yuritayotgan tashabbuskor tadbirkorlar ishtirok etdi.

Oʻquv seminari Oʻzbekiston Respublikasi Prezidentining 2025-yil 17-mart kuni oʻtkazilgan yigʻilishi bayoniga muvofiq oqova suv tizimlarini rivojlantirish va davlat-xususiy sheriklikni keng joriy etish yuzasidan berilgan topshiriqlar ijrosi doirasida tashkil etildi.

Tadbirni Xalqaro hamkorlik va Jahon savdo tashkiloti bilan ishlash hamda davlat-xususiy sheriklik va investitsiya loyihalarini shakllantirish boshqarmasi boshligʻi R.Habibullayev ochib berdi. U oʻz chiqishida mazkur topshiriqning maqsadi va dolzarbligi, xususan, davlat-xususiy sheriklik orqali kommunal xizmatlar sifatini oshirish yoʻnalishidagi ustuvor vazifalar haqida soʻz yuritdi.

⌛ Shuningdek, tadbirda Ichimlik va oqova suv tizimlarini ekspluatatsiya qilish va rivojlantirish boshqarmasi mutaxassisi B.Ortiqov tomonidan Markazlashgan oqova suv xizmatlari bilan taʼminlanmagan shahar va tumanlarga davlat-xususiy sheriklik asosida taklif etilayotgan zamonaviy oqova suv tozalash texnologiyalari haqida batafsil tushuntirishlar berildi.

Seminarda Xalqaro hamkorlik va Jahon savdo tashkiloti bilan ishlash hamda DXSH va investitsiya loyihalarini shakllantirish boshqarmasi boshligʻi oʻrinbosari SH.Zakirov ham ishtirok etdi. U oʻz soʻzida oqova suv tizimini davlat-xususiy sheriklik asosida boshqaruvga berishning huquqiy asoslari, amalga oshirish tartibi hamda bu orqali erishiladigan iqtisodiy va ekologik samaralar haqida maʼlumot berdi.

Shuningdek, Shahrixon va Yangiyoʻl tumanlari tajribasi asosida ishlab chiqilgan amaliy yondashuvlar ishtirokchilar eʼtiboriga havola etildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🟢 Oʻzbekiston Respublikasi Prezidentining 2024-yil 4-dekabrdagi “Jamoaviy sport turlarini rivojlantirish va iqtidorli yoshlarni saralab olish tizimini takomillashtirish chora-tadbirlari toʻgʻrisida”gi PQ-421-son qarori ijrosini taʼminlash hamda vazirlik xodimlari o'rtasida sogʻlom turmush tarzini targʻib qilish maqsadida Qurilish va uy-joy kommunal xoʻjaligi vazirligi va tizim tashkilotlari mutaxassislari oʻrtasida futbol mashgʻulotlari doimiy oʻtkazib kelinmoqda.

Bugun ham xodimlar futbol boʻyicha oʻtkazilishi rejalashtirilgan "Rahbar kubogi" musobaqasiga qizg’in tayyorgarlik ko’rishdi. Albatta, bu kabi sport musobaqalari xodimlarning salomatligini mustahkamlash va sportga bo‘lgan qiziqishini yanada oshirishda muhim omildir.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|