• اليوم طلعت عالسطح عالساعة ٥ وما نزلت لل٧ وكان في إنجاز زراعي كبير ومتعب.
- شو زرعت؟
خيار / قرع / بطيخ / خس أحمر / فليفلة قرون طويلة / فليفلة حدة صغيرة.
وأنتظرُ النتيجة الجميلة، يا رب يظبطوا 💕.
وبعدين كان في مهمة صعبة ومقرفة
أنهيتا وبكرا رح احكيلكن عنها، مشان أشرحها علمياً وتستفيدوا مو بس أسرد كلام، ومشان ورجيكن بالصور كمان.
وهي السما هيك كانت قبل ما انزل..
يا الله شو حلوة، القمر، اللون والغيوم.
ومنظر البيوت اللي باينين من عالجبل.
#تجربة.
#زراعة 🌱.
- شو زرعت؟
خيار / قرع / بطيخ / خس أحمر / فليفلة قرون طويلة / فليفلة حدة صغيرة.
وأنتظرُ النتيجة الجميلة، يا رب يظبطوا 💕.
وبعدين كان في مهمة صعبة ومقرفة
أنهيتا وبكرا رح احكيلكن عنها، مشان أشرحها علمياً وتستفيدوا مو بس أسرد كلام، ومشان ورجيكن بالصور كمان.
وهي السما هيك كانت قبل ما انزل..
يا الله شو حلوة، القمر، اللون والغيوم.
ومنظر البيوت اللي باينين من عالجبل.
#تجربة.
#زراعة 🌱.
• عم احكيلكن عن شوية تجارب عملتا بالبيت، كلها رح احكي عنها بالقناة بإذن الله 💕.
وكلها عنجد حلوة، سواء كان الإنسان عندو اهتمام بالموضوع أو لاء، حلو تنعرف كثقافة عامة.
بس خَلِّص تحضير السماد اللي عم ساويه حاليا، رح انشرلكن عنو أول شي 😁♥️.
#تجربة.
#مايا_بركات.
@MayaDreamer.
وكلها عنجد حلوة، سواء كان الإنسان عندو اهتمام بالموضوع أو لاء، حلو تنعرف كثقافة عامة.
بس خَلِّص تحضير السماد اللي عم ساويه حاليا، رح انشرلكن عنو أول شي 😁♥️.
#تجربة.
#مايا_بركات.
@MayaDreamer.
• وهاد السماد اللي كنت عم حضرو اليوم، واللي بيتكون من:
- ميّة زر منقوع
- قشور موز
- ٣ تمرات
- قهوة
- قرفة
مندمج هالخليط سوا وبغمرو بالمي، ومنحركو ومنتركو بالوعاء يومين تقريباً بعد ما نغطيه (مشان ما تطلع روائح بشعة)، وبعدين وقت الاستخدام بخففو بالمي، يعني ما بستخدمو مباشرة لأن تقيل..
وهي صار عنا سماد طبيعي بدون أي مواد كيميائية ♥️.
رح احكي كل يوم عن فائدة من فوائد أحد المكونات المُضافة... واليوم حديثي رح يكون عن القرفة وفوائدها للنبات:
📍 يساعد بحماية النبات من الفطريات والصدأ.
📍 طارد للنمل.
📍 تساعد في زيادة نمو الجذور وبالتالي فهي تمنح النباتات قوة إضافية وقدرة أكبر على امتصاص المغذيات من التربة.
📍 مطهر لجروح النباتات في حال قمت عن طريق الخطأ بقطع جزء من النبات أو جرحه دون قصد.
- وهالمقال فيه فوائد كمان، وكتير حلو ومفيد:
https://morningchores.com/cinnamon-in-the-garden/
#تجربة.
#زراعة.
#سماد.
- ميّة زر منقوع
- قشور موز
- ٣ تمرات
- قهوة
- قرفة
مندمج هالخليط سوا وبغمرو بالمي، ومنحركو ومنتركو بالوعاء يومين تقريباً بعد ما نغطيه (مشان ما تطلع روائح بشعة)، وبعدين وقت الاستخدام بخففو بالمي، يعني ما بستخدمو مباشرة لأن تقيل..
وهي صار عنا سماد طبيعي بدون أي مواد كيميائية ♥️.
رح احكي كل يوم عن فائدة من فوائد أحد المكونات المُضافة... واليوم حديثي رح يكون عن القرفة وفوائدها للنبات:
📍 يساعد بحماية النبات من الفطريات والصدأ.
📍 طارد للنمل.
📍 تساعد في زيادة نمو الجذور وبالتالي فهي تمنح النباتات قوة إضافية وقدرة أكبر على امتصاص المغذيات من التربة.
📍 مطهر لجروح النباتات في حال قمت عن طريق الخطأ بقطع جزء من النبات أو جرحه دون قصد.
- وهالمقال فيه فوائد كمان، وكتير حلو ومفيد:
https://morningchores.com/cinnamon-in-the-garden/
#تجربة.
#زراعة.
#سماد.
• لما عرفت إنو فينا من قشطة اللبن نعمل سمن عربي استغربت!
مع إنو -غالباً- هيّ معروفة عند أغلبية الأشخاص القديمة، واللي بتعتمد عتصنيع الأغذية بالبيوت.
كانت تجربة عظيمة، كالعادة كانت ردة فعلي ما بتنوصف بس فعلاً لقيت صار عندي قوام السمنة!
- المهم وقت كنا نجيب لبن، صرت آخد القشطة اللي عالوجه وخبيها بالتلاجة، حتى تجمعوا وصاروا قدر نص كاسة.
وبس صارت الكمية مناسبة:
حطيت الكاسة اللي فيها القشطة بالخلاط مع كاسة لبن + كاسة مي.
وبلشت اخفق شوي شوي.. حتى بلش الدهن اللي باللبن ينفصل.
وحسب دراستي: هالعملية إسمها "الخض" اللي بتخلي حبيبات الدهن تنفصل عن باقي المكونات وتتجمع عالسطح بسبب انخفاض كثافتها.
وبعد ما تجمعت القشطة عالسطح وانفصلت، جمعتها بصحن وصفّيتها من السائل منيح (اللي طلع اسمو الشنينة أو الدو)، وحركتا شوي للقشطة قام صار قوامها بجنن!
وبعد ما حفظتها بالتلاجة صارت بتجنن، تركتلكن صورتها..
واليوم حتّى جربتها مع البيض المسلوق، وطلعت فعلاً طيبة ودسمة، بس ما كترت خوفاً من الطعم، بس طلع ظريف.
أي وبس هيك!
أحلى شي عم يصير هلأ، لما أعرف معلومة جديدة وطبقها، لذة رؤية النتيجة عم تفرحني كتير كتير 💕.
#تجربة.
#تغذية.
مع إنو -غالباً- هيّ معروفة عند أغلبية الأشخاص القديمة، واللي بتعتمد عتصنيع الأغذية بالبيوت.
كانت تجربة عظيمة، كالعادة كانت ردة فعلي ما بتنوصف بس فعلاً لقيت صار عندي قوام السمنة!
- المهم وقت كنا نجيب لبن، صرت آخد القشطة اللي عالوجه وخبيها بالتلاجة، حتى تجمعوا وصاروا قدر نص كاسة.
وبس صارت الكمية مناسبة:
حطيت الكاسة اللي فيها القشطة بالخلاط مع كاسة لبن + كاسة مي.
وبلشت اخفق شوي شوي.. حتى بلش الدهن اللي باللبن ينفصل.
وحسب دراستي: هالعملية إسمها "الخض" اللي بتخلي حبيبات الدهن تنفصل عن باقي المكونات وتتجمع عالسطح بسبب انخفاض كثافتها.
وبعد ما تجمعت القشطة عالسطح وانفصلت، جمعتها بصحن وصفّيتها من السائل منيح (اللي طلع اسمو الشنينة أو الدو)، وحركتا شوي للقشطة قام صار قوامها بجنن!
وبعد ما حفظتها بالتلاجة صارت بتجنن، تركتلكن صورتها..
واليوم حتّى جربتها مع البيض المسلوق، وطلعت فعلاً طيبة ودسمة، بس ما كترت خوفاً من الطعم، بس طلع ظريف.
أي وبس هيك!
أحلى شي عم يصير هلأ، لما أعرف معلومة جديدة وطبقها، لذة رؤية النتيجة عم تفرحني كتير كتير 💕.
#تجربة.
#تغذية.
• اليوم.. كان عبارة عن يوم اللاشيء
واستسلمت للملل بشكل كامل لصارت الساعة ٦..
آخر الشي اكتشفت انو مستحيل اتحمل هيك، فطلعت عالاسطوح وكملت شغل فيه، لأن صرلي يومين عم رتبو مشان صورلكن كل نباتاتي فيه وهيك
واشتغلت بالتربة وجهزت دولاب تاني وزرعت فيه بطاطا.. لأن بَرعَمو البطاطايات عندي من فترة صغيرة.
وزرعت بأصيصين بذرتين بطيخ كمان،
ورجعت زرعت من جديد خس أحمر
وزرعت كمان ٣ بذور دوار شمس بذري
صار كتير حلو الاسطوح والله، وهاد ألطف إنجاز عم عيش معو كل يوم.. خصوصاً إنو أغلب النباتات عندي بدأت تأزهر، وقربت تعقد الثمار ♥️.
بكرا إن شاء الله بس صار جاهز بدي ورجيكن كتير شغلات، وعن صدفة حلوة صارت كمان أثناء زراعتي.. وشو النباتات اللي خسرتها وحاولت فيها من جديد.
#زراعة.
#تجربة.
واستسلمت للملل بشكل كامل لصارت الساعة ٦..
آخر الشي اكتشفت انو مستحيل اتحمل هيك، فطلعت عالاسطوح وكملت شغل فيه، لأن صرلي يومين عم رتبو مشان صورلكن كل نباتاتي فيه وهيك
واشتغلت بالتربة وجهزت دولاب تاني وزرعت فيه بطاطا.. لأن بَرعَمو البطاطايات عندي من فترة صغيرة.
وزرعت بأصيصين بذرتين بطيخ كمان،
ورجعت زرعت من جديد خس أحمر
وزرعت كمان ٣ بذور دوار شمس بذري
صار كتير حلو الاسطوح والله، وهاد ألطف إنجاز عم عيش معو كل يوم.. خصوصاً إنو أغلب النباتات عندي بدأت تأزهر، وقربت تعقد الثمار ♥️.
بكرا إن شاء الله بس صار جاهز بدي ورجيكن كتير شغلات، وعن صدفة حلوة صارت كمان أثناء زراعتي.. وشو النباتات اللي خسرتها وحاولت فيها من جديد.
#زراعة.
#تجربة.
• كلنا سمعنا عن فوائد زيت إكليل الجبل (الرزوماري) للشعر.. وهالبوست خصيصًا لكل حدا عم يعاني من تساقط الشعر وعدم كثافته..
حضرت هالزيت ببيتي من تلت أشهر، وكتير استفدت عليه.. وفعلاً بيعطي سماكة للشعر حلوة، وبغذّيه كتير.
الطريقة باختصار: استخلاص الزيوت العطرية من إكليل الجبل (علمتني ياها صيدلانية حلوة عندي بالقناة)..
١. منجيب إكليل الجبل (يُفضّل يكون من شتلة، وما يكون ناشف من البزورية، بس قرأت عن الموضوع وقال بيظبط المجفف).
٢. منحطها بقطرميز زجاج ومنعبيه زيت (شو ما كان نوع الزيت بيمشي الحال، بس أنا استخدمت زيت الزيتون).
٣. منعبي مي بطنجرة صغيرة، ومنحط بقلبها القطرميز اللي فيه إكليل الجبل والزيت ومنسكرو بإحكام.
٤. منترك الطنجرة عالنار ربع ساعة من بعد ما بلشت المي تغلي.
٥. مناخد القطرميز، منسكرو بقصدير، أو كيس أسود عاتم، ومنخبيه لمدة ٢٠ يوم تقريباً بمكان معتم كمان.
وبعدين منستخدم الزيت كل أسبوع مرة أو مرتين حسب طبيعة فروة الراس (جافة / دهنية ) 😁♥️.
والفوائد الكتيرة للزيت موجودة بالصورة فوق.
#تجربة.
حضرت هالزيت ببيتي من تلت أشهر، وكتير استفدت عليه.. وفعلاً بيعطي سماكة للشعر حلوة، وبغذّيه كتير.
الطريقة باختصار: استخلاص الزيوت العطرية من إكليل الجبل (علمتني ياها صيدلانية حلوة عندي بالقناة)..
١. منجيب إكليل الجبل (يُفضّل يكون من شتلة، وما يكون ناشف من البزورية، بس قرأت عن الموضوع وقال بيظبط المجفف).
٢. منحطها بقطرميز زجاج ومنعبيه زيت (شو ما كان نوع الزيت بيمشي الحال، بس أنا استخدمت زيت الزيتون).
٣. منعبي مي بطنجرة صغيرة، ومنحط بقلبها القطرميز اللي فيه إكليل الجبل والزيت ومنسكرو بإحكام.
٤. منترك الطنجرة عالنار ربع ساعة من بعد ما بلشت المي تغلي.
٥. مناخد القطرميز، منسكرو بقصدير، أو كيس أسود عاتم، ومنخبيه لمدة ٢٠ يوم تقريباً بمكان معتم كمان.
وبعدين منستخدم الزيت كل أسبوع مرة أو مرتين حسب طبيعة فروة الراس (جافة / دهنية ) 😁♥️.
والفوائد الكتيرة للزيت موجودة بالصورة فوق.
#تجربة.
Dreamer 🌏💜
Photo