• يا أصدقاء أنا عندي ٥ امتحانات عملي الأسبوع هاد وبخلّص..

انتظروني حتى أنتهي، وسنعود لحماسنا..

‏• لا تعاتب.. طالمَا الطرق التي تؤدي إلى رضاك معروفة، وشرحتها بأكثر من موقف.

وتظُن أنَّك لا تُعاقب بذنبك!

وأنتَ حُرمت قيام الليل، ووِردك من القرآن،
حُرمت السنن الرواتب، وانعقد لسانك عن ذكر الله!

طُبع على قلبك شيئًا فشيئًا وأنت لا تشُعر!

وتظُن أنَّك لا تُعاقب لأنك لست مُبتلى في دنياك!
وأي ابتلاء أشد من أن يُحرم الإنسان من الوصل مع الله؟

• ١/٦ يوم مميز (تخرج صديقة طفولتي "يمنى") 💕.

لا أظن أن هنالك فرحة أجمل من مشاركة من تحب نجاحه.. ولا أظن أيضاً أنني سأحظى يوماً بإهداءٍ كهذا 🌸.

أدعو اللّه أن تبقى صداقتنا تعانقُ السماء، وأن تتكلل خطواتنا دوماً بالسعادة والنجاح، برفقة بعضنا البعض.

• عندما تتعافى وتنضج، ستدرك أن:

- وضع الحدود ليس أنانية
- الخلاف ليس هجوما شخصيا
- رأي شخص آخر فيك، ليس انعكاسا لقيمتك
- الاهتمام ليس الحب دائما
- العناد لا يحمي صورتك الذاتية
- النميمة ليست تواصلا
- ما تعتقده ليس صحيحا دائما

#د_تيسير_حسون.

بكالورياا كيف حليتوا طمنوني ؟

هاد رابط لجلسة تحاورية بتخص طلاب الزراعة، عاملتها مهندسة أردنية بشكل مجاني وسجلت فيها أنا..♥️
اللي بحب يسجل يفوت عالاستمارة ويعبي البيانات، وخبروني منكن مين رح يسجل 😁♥️

وانشروا الرابط بين رفقاتكم المهندسين.

https://forms.gle/Thmzr9RDBM5H1QEM9

• في ظل هذا الجو الحار الذي لا تطيقه النفس
يا رب كن مع أخواتنا السوريين في المخيمات
كن مع أهلنا في غزة المشردين الصابرين
كن يا اللهُ يا رحيم مع من لا يملك بيتاً يحميه من الحرّ الشديد، اللهم آجرهم على مصابهم وتحملهم هذه الابتلاءات التي لا تحتملها الأنفس💔..

• تحدّثوا عن السودان.

لا حول ولا قوة إلا بالله العليّ العظيم. 💔

• نم مستغفرًا ❤️‍🩹.

• تحدي شهر من التدوين لتعزيز قيمة المسؤولية:

كل يوم منسأل حالنا سؤال ومنجاوب علىه على دفتر تدويننا..

رحلة جميلة مع شهري الجميل 💕.

#التدوين.

• لو كان يرزُقني بقدر عبادتي
ما ذُقتُ في دنيايَ شربة ماء!

• بتعرفوا إنو استهلاك السكر الأبيض بكميات كبيرة من أحد مسببات الاكتئاب ؟ 😁

كونوا كتار المسا لنتناقش سوا بهالموضوع
ونحكي عن الأضرار الكبيرة اللي بسببو..

ورح ندخل بتحدي مع بعض بيتعلق بموضوعنا..

كونوا جاهزين 🔥.

_
- رح يكون حديثنا أكتر من جزء مو دفعة وحدة 🔥.

• حبيت احكي عن الإيجابيات تبع قطع وتخفيف السكر قبل ما احكي عن سلبيات تناوله. ♥️

• رح تنصدموا غالباً من المعلومات اللي رح احكي عنها حالياً.. ركزوا معي 💕:

أغلبنا منستهلك السكريات خصوصاّ السكر الأبيض بصناعة الحلويات، وتحلية القهوة، الشاي.. وأغلب المشاريب، غير أكلات الطيبة والشوكلايات اللي ما منقدر نوقف أكلهن.

🍬 جربنا نسأل حالنا شي مرة شو تأثير السكر عأجسادنا؟ وليش آخر فترة أغلب الأطباء وإخصائي الأغذية عم يحكوا عن ضرورة قطع السكر أو التقليل منه؟

🍬 رح بلش بالحديث عن الإيجابيات، حتى نتشجع على التخفيف من كميات تناول السكر:

وهلأ.. رح اعرض أبرز 8⃣ إيجابيات بتم تحصيلها وقت نقلل تناول السكر، وآخر شي رح احكي كيف بخف الاكتئاب لما نقلل أكل السكر:

1⃣ رح تفقدي وزنك وحيكون في سهولة أكبر للحفاظ عليه:
وببداية الدايت، رح نشوف نزول كبير بالوزن.. لأن السكر بيربط ٤ جزيئات ماء، بينما الدهون بتربط جزيئة ماء واحدة، وبالتالي بكون الجسم فيه كميات ماء كبيرة نتيجة ربط السكر لهالماء.

بالإضافة وقت نقلل سكر، رح يتم حرق السكر الموجود بالدم ورح تقل كميات السكر الزايدة المخزنة بالجسم على شكل دهون.

2⃣ رح تزيد مناعتك، وبالتالي رح يبطل في نزلات برد كتير ورح تبطل تمرض كتير متل قبل.

3⃣ رح تلاحظ تحسن بصحتك العقيلة والمعرفية:
ولأن زيادة نسبة السكر في الدم.. ممكن تسبب التهاب بالدماغ.. وبالتالي لما نقلل سكر، رح يبطل في تأثير سيء على ذاكرتنا، ورح تتحسن صحتنا الإدراكية والوظيفية بالدماغ.

4⃣ رح تتحسن بشرتك، ورح يخف ظهور حب الشباب والبثور والطفح الجلدي والندبات والبقع على بشرتك.. وهالشي بسبب تدمير السكر لمادة الكولاجين المتواجدة بالبشرة واللي بتعطيها النضارة.. وبالتالي بس خففنا سكر رح تبطل البشرة باهتة ومترهلة وفيها ندوب.

5⃣ رح تبطل تجوع كتير، وما رح تكون شره للأكل، ورح تستقر رغبتك بالأكل:
زيادة محتوى السكر بالدم، خصوصاً عند الأشخاص اللي عندهم سمنة أول اللي عندهم مقاومة للأنسولين ( الأنسولين: هو هرمون بساعد الجسم على إدخال السكر إلى الخلايا لما يكون في سكر كتير بجسمنا) فلما الأنسولين ما عاد يقدر ينظم السكر بالدم.. رح يضعف عمل هرمون تاني بسموه اللبتين، وهالهرمون وظيفتو إرسال إشارات للدماغ عن (إيمتى وأديش لازم ناكل)..
فهون رح نصير ناكل أكتر من قبل.. ويصير عنا شراهة ورغبة كبيرة بتناول السكر!

6⃣ رح تصير مستويات الطاقة عندك أكبر!
وبالتالي رح يخف الإرهاق اللي بيجي ولو بدون عمل بدني صعب، ورح يبطل في تعب بدون سبب.

7⃣ رح يتنظم نومك ويتحسن:
لأن زيادة السكر بالجسم رح ترفع هرمونات التوتر بالدم، وهاد الشي بأثر عالنوم، وممكن يسبب "تعرق ليلي".. وبالتالي تقليل السكريات، رح يحفز النوم بشكل أفضل.

8⃣ رح يتحسن مزاجك، ورح يخف الاكتئاب، لأن السكر بيعطي دفعة طاقة بشكل سريع ومباشر، وبالتالي بيعطي شعور بالسعادة مؤقت ورح يصير جسمنا يطلب سكر أكتر لينبسط أكتر.. أما لما نقلل سكر، رح تتحسن صحتنا النفسية ورح نحس بسعادة بعد قطع السكر بأسبوعين تقريبا..

🍬 ورح اختم الكلام، بسبب ارتباط السكر الأبيض بالاكتئاب:

• السكر الأبيض حتى صار أبيض تم تكريره وتنقيته كتير حتى صار هيك، وبالتالي في دراسة حكت عن الأشخاص اللي بتستهلك الأطعمة المصنعة والمكررة بإنهم أكتر عرضة للاكتئاب.
• متخيلين إنو السكر بسبب إدمان أكتر من الكوكايين!
لأن السكر بيعطي حلاوة شديدة، قام بحفز مركز المكافأة بالدماغ وقد تكون هالمتعة اللي عطانا ياها السكر أكتر من الكوكايين.
فمنصير بدنا ناكل سكر أكتر ومنصير مدمنين ولما ما نقدر ناكل مننزعج ومنكتئب
• اللي بسبب الاكتئاب هو نوع الكربوهدرات اللي مناكلها، مو الكمية.. وبعد أبحاث وجدنا إنو قد تكون السكريات البسيطة هي أحد أسباب الاكتئاب... بينما السكر اللي بالفواكه مفيد جداً.

وبعد كل هالكلام.. يا ترى قادرين تسيطروا على رغبتكم بتناول السكر.. وتبلشوا تخففوا؟

- #مايا_بركات 🍀.

#يتبع.
#تغذية.

• بتعرفوا شو أحلى شي بهالشهر؟

إنو قرب يوم عرفة 💕

حرفياً هو يوم الأمنيات..
كنت كاتبة هديك السنة ورقة
فيها تقريباً ٣٠ دعاء وأمنية لادعي فيهن
وعنجد دعيت من قلبي..
ونسيت القصة بعد ما خلص هداك اليوم..

فمن فترة شهر ونص لقيت الورقة
وعم اقرأ دعواتي اللي دعيتهن..
فلقيت ١٥ دعوة مستجابة! ♥️♥️♥️
وفي كم قصة ما كملوا..
قلت سبحان الله، فعلاً الخيرة فيما اختاره الله.
وكتير حسيت انو واو وطار قلبي..

- يوم عرفة بـ ١٥/٦
جهزوا أدعيتكم من هلأ..
واستحضروا الثقة بالله بقلوبكم
وخبوا الورقة للسنة الجاية..

ومشان الصيام.. ببلشوا العشر من الجمعة هي
والجو كتير بخوّف وشوب!
يا رب نقدر نصومهن، أو نصوم منهن
وطبعاً صيام عرفة هو سنة مؤكدة
ما حدا يضيعو أبداً أبداً
بكفّر السنة اللي قبلو والسنة اللي بعدو ♥️.

#عبادات.
#عرفة.