• جبتو وأنا ما كتير مركزة وفعلياً ما أنا نقيتو لأن كان عقلي مو معي وأنا عم جيبو.. بس إنو رايق ولطيف ما 🥰💜؟!

#التدوين.

• أسئلة للتدوين المسائي 🩷:

#التدوين.

• خطّة الشّهر -لكل حدا دخل جديد للقناة- نتعلّم شغلات جديدة من خلال الفقرات الآتية :

#بودكاست "منوعات من اختياري"
#كنوز "للداعية مصطفى حسني"
#التدوين اليومي "لرؤية مستقبلية واحدة"
#كان_خلقه_القرآن " من حياة النّبي ﷺ.
#عبادات "أي شي بساعد عالاستقرار الروحي".
#محمد_غنايم "فيديوهات مفيدة جداً"
بالإضافة لفقرات منوعة بتحوي صور توضيحية وفيديوهات مفيدة وبوستات بكتبا أنا.

- ملاحظات :
- لا تأجلوا شي مشان ما رح يتراكموا عليكن.
- خصصوا وقت من الساعة للساعة ونص
لتشوفوا كل شي وتستفيدوا بأكبر قدر.
- ممكن تسجلوا كل شي استفدوا منًو ع دفتر عندكن متل ما عم ساوي أنا.
- فيكن ترجعوا لكل شي بالقناة فيه هاشتاغ عن طريق الضغط عليه، مشان سُّهولة البحث عليكن.

وبتمنالكن الخير Dreamers
لا تنسوني من دعواتكن 🧡🌾.

• لازلت من بداية السنة حتى الآن ملتزمة بعادة التدوين قبل النوم، وهذه بشارة لطيفة أنني بدأت أُكوّن عادة تخفف عني مشاعري الثقيلة، غير المفهومة..

مدونتي عبارة عن مُذاكّرات، وفي داخلها أحاول شرح مشاعري لنفسي التي سيطرت عليّ، والتساؤل عن السبب الذي دفعني لهذا الشعور، ولهذه الطريقة بالتعبير عنه، وأعمل على إيجاد حلولاً وتصرفات أفضل تنقذني في المرات القادمة.

#التدوين.

• كيفية التدوين بشكل صحيح:

ببداية رحلتي مع التدوين.. واللي صرلها تقريباً تمن شهور (فيها فترات تقطيع كبيرة)، كنت اكتب فيها ومو دائماً ارتاح.. بس لما عرفت الطريقة الصحيحة للتدوين بلش شوي يفرق معي، وصرت شوف النتائج بشكل أفضل بالإضافة إنو قدرتك على معرفتك بنفسك بتصير أوضح، وبصير في نتيجة إيجابية من كتابة أفكاركم وبتصير رحلة تطوير الذات أعمق وأحلى.

#التدوين 💕.

• تحدي شهر أيار من التدوين لتعزيز قيمة الرضا.

رح نلتزم مع بعض بالتدوين على دفاترنا، ونحكي سوا عن النتيجة اللي وصلنا إلها، وهل فعلاً عرفنا نعزز الرضا بشخصياتنا؟

وقبل ما نجاوب عأي سؤال، نحن بحاجة نفكر منيح لنعرف عن حالنا شي جديد ونفهم نحن مين 💕.

#التدوين.

• هاد دفتر تدويني الجديد 💕.
هداك صرلو سنة كاملة، كتير أيام ما كتبت فيها، فهلأ رح حاول استغل الوضع وما قصّر.

رح ابدأ فيه من هالشهر من الأسئلة، بالإضافة لكتابة مشاعري بعد كل موقف بصير معي، لاستنتج السبب اللي خلاني اتصرف بهالطريقة.

الطريقة هي بالتدوين، بتخليكم تكتشفوا أشياء كتيرة عن حالكن، مثلاً شو بتحبوا؟ شو بدايقكن؟ لو صار معكن موقف معين شو أنسب حل وتصرف لهالموقف..

بالإضافة إنو بتقدروا تتابعوا تحركاتن عن طريق الكتابة، بحيث تكتبوا يومياً شو بتتوقعوا من أنفسكن اليوم، شو الأشياء اللي لازم تأنجزوها، وكيف هالخطوات الصغيرة رح تقربكن من أهدافكن..

وأنتو؟ ورجوني دفاتركن، ولو كانت دفاتر عادية 💘.

#التدوين.

• تحدي شهر حزيران من التدوين لتعزيز قيمة المسؤولية:

كل يوم منسأل حالنا سؤال ومنجاوب علىه على دفتر تدويننا..

رحلة جميلة مع شهري الجميل 💕.

#التدوين.

• 5 أسئلة للتدوين الصباحي:


#التدوين ✨.

• يا صباح البدايات الجديدة، مع شهر جديد.. لتعزيز قيمة المرونة.

الأشخاص الجدد بقناتي، هاد تحدي تدوين لهالشهر
وكل شهر في إلو تحدي.. لتعزيز قيمة معينة.



كل يوم منجاوب عسؤال ع دفتر خاص للتدوين، بس منتذكر إنو هالدفتر إلنا نحن، لهيك ضروري نكون صادقين مع حالنا لنكتشف أشياء جديدة عننا ♥️.

#التدوين.

• تحدي شهر آب لتعزيز قيمة التعاطف.

إلي زمان ما دونت، فاللي لسا ملتزم بالعادة هي تحدي هالشهر صار بين إيديكم..

وكوننا بحرب كبيرة نفسية تجاه اللي عم يصير بهالعالم، فبظن نحن بحاجة نرجع نحدد قيمنا بشكل صحيح، نعرف شو هو التعاطف بالنسبة إلنا؟ وإيمتى لازم يكون وكيف لازم يظهر..

بدعي الله يرزقنا أيام هادية هالشهر ويرزقنا خير يعود عالكل.. ويكون شهر نصر وعز لكل بلد إسلامي.

#التدوين.

• تحدي شهر أيلول لتعزيز قيمة الاستقلالية.

(التحدي هو عبارة عن أسئلة لمدة هشهر، كل يوم بتجاوبوا عسؤال ع دفتر عندكن بعد ما تفكروا كتير فيه، هالشي بعزز فهمكن لذاتكن أكتر).

حابة هالشهر لما لاقي سؤال حلو، اسمع إجاباتكم عالقناة.

#التدوين.

• التدوين هو أروق فرصة لنتواصل مع أنفسنا.

كتبت فوق ال٧ صفحات اليوم، كنت بحاجة احكي مع حالي شوي، أعرف هالأيام عن مشاعري أكتر، وكيف ممكن ارتاح كل ما مرقت بفترة ضغط.

كتبت مهامي الضرورية اللي قد ما كنت مرهقة ما لازم توقف، متل الفروض والقرآن..

وكتبت الأمور اللي أنا ملتزمة فيهن، وما فيي اعتذر عنهن، وحطيت أمور رح تريحني بعد ما انتهي من كل الأمور هي..

وكتبت كل شي شاغل بالي هالفترة، وما ضروري الزم حالي فيه هلأ..

ومبارح اكتشفت أثناء حديثي مع الآنسة الآء صفة عند مايا موجودة فيها، بس كنت مفكرة إني لوقت طويل إنو ما عندي ياها، وبس رجعت لطفولتي اتذكرت عنها أشياء حلوة وكتبت اليوم كل شي خطر ببالي عن هالقصة، وفعلاً حتكون مُساعِدة لطور هالصفة من جديد بعد ما فقدتها.

وأدركت مبارح وأنا بالطريق شعور مرافقني يوميًا وأنا مو عرفانة إنو هو من الأسباب اللي مخليتني كون زعلانة هالفترة، وفعلاً عالضغط ما كنت قدرانة سيطر عليه متل عادتي.

ضروري يكون عنا قعدة مع حالنا كل كم يوم، ضروري نفهم حالنا ليش عم نعصب وليش زعلانين، وليش تعبانين هالفترة أكتر من غير فترات..

#التدوين هو من الوسائل الحلوة لنتحرر من الضغط اللي منتعرض إله يوميًا 🍂.

• تحدّي شهر أكتوبر لتعزيز شعور الأمان.

🔸 من اليوم..
معنا 3 أشهر كاملة قبل نهاية السنة
3 أشهر يعني 90 يوم.. 💥

مدة رائعة وكفيلة لنقلب حياتنا للأحسن لمجرد الالتزام بعادات صغيرة بشكل مستمرّ.. بالإضافة للوعي بتغيير عقليتنا إنو نحن فعلاً رح نلتزم وناويين نتغير لأفضل نسخة من أنفسنا في الجانب " الديني، النفسي، الشخصي، العقلي..."

🔸 محور التحدّي (تعزيز الامان) إجا بوقتو،
خصوصاً مع الأحداث اللي نحن فيها..

استغلوه لتجاوبوا كل يوم على سؤال ✔️.

فكروا بالسؤال منيح، بعدين اكتبوا على دفتر تدوينكم الإجابة، التدوين هو فرصتك لتتعرف أكتر على نفسك، فاستغل هالفرصة ♥️.

#التدوين.