#верш
#госць
#таямніца

~
прачынаешся, зямля?
галоўнае, не засынай
не кідай нас зноў
у гэтым змаганні з вечнай зімой
сам-насам
у ворага ёсць гурбы снягоў
у нас толькі вера
ў тое, што гэтай ерассю
можна дагукацца да багоў
будучы простымі жыхарамі
планеты terra
то бок, "зямля"
не мая і не наша
нічыя, акрамя снягоў

#ADM
#рэк

Добры дзень)
Я хачу прапанаваць вам канал «Адукач», у якім вы зможаце знайсці цікавыя факты з фарбаванымі малюнкамі на беларускай мове

https://t.me/adukach_bel

#інтэрактыў
#навіны
#дзяўчына_якая_марыць
#тваёй_крывёю_я_напішу_свае_ймя
Прыйшоў час падвесьці вынікі нашай маленькай гульні.
Калі шчыра, ня думала, што так шмат людзей прымуць удзел.
Але я вельмі рада й спадзяюся, што падобных інтэрактываў будзе больш.

Пачнем з маёй любай гераіні – Мара Ўланава. Заняла першае месца.
Адна асоба сапраўды вымушае ейную губляць розум, дакладней згараць ад ятрасьці, якую па некаторым прычынам яна ня можа здаволіць. Галачкі таксама граюць важную роль. Таксама яна – беларуска, дакладней уцякачка. Наконт імені, яно мае двайное дно: 1) Відавочна, перакладаньне слова “мара” – “мечта”; 2) Ня так відавочна, імя багіні сьмерці Марэны, або Мары.

Андрэй Воўкаў. Заняў чацвёртае месца.
Азартныя гульні й рэлігія былі ў ягоным жыцьці з дзяцінства. Музыка з’явілася трохі паздней, але таксама грае важную роль, дапамагаючы ягонаму адцягнуцца. Удзельнічае ў музычным рок-блюз гурту “Гранд-Брындж”, грае на гітары. Марыць аб сабаку. Пэўнасьць – гэта адна з яскравых ягоных рыс.

Марыя Нейман. Заняла з Маркам трэцяе месца.
Сярод галоўных герояў яна – адзіная вядзьмарка. Але яна ніколі не разьбівала сэрдца, але аднойчы гэта адбылася з ейнай. Дарэчы, гэтая падзея ўплыла на ейную здольнасьць давяраць людзям вакол сябе. І яна пройдзе доўгі шлях, каб ня толькі вылякаваць сябе, але й паспрабаваць зразумець і, мабыць, прабачць таго чалавека. Ейнай больш спадабаецца правозіць час у адзіноце.

Эмілія Абрамава. Заняла другое месца.
Яна аптыміст, які знойдзе пазітыў нават у найдрэннай сітуацыі. Яна валодае й кіруе часткай сямейнага аптэчнага бізнесу.

Марк Нягода. Заняў з Марыей трэцяе месца.
Ён - 20 гадовы дэд інсайд)

Дарэчы, увесь гэты час я расьпавядала дакладна пра кожнага з іхніх у сваім асабістым тэлеграм каналу, па гэтаму калі вам спадабаўся гэты інтэрактыў, вы можеце далучыцца й пазнаць пра валадарнікаў улюбляных эстэтыкаў больш.

#песня
#пераклад
#Максім_Крывіч

«Мая абарона» (Грамадзянская Абарона),
пераклад Максіма Крывіча

Пластмасавы свет перамог.
Макет апынуўся мацней
Апошні астыў карабель,
Апошні стаміўся ліхтар.
А ў горле сапуць камякі ўспамінаў...

О-о, мая абарона!
Сонечны зайчык крыштальнага вока.
О-о, мая абарона!
Мячык жалобны бязглузднага свету,
Мячык жалобны дарэмнага свету!

Пластмасавы свет перамог!
Смяецца кардонны набат
Каму трэба лустачку летняга неба?

О-о, мая абарона!
Сонечны зайчык аслеплага свету!
О-о, мая абарона!
Мячык жалобны крыштальнага вока!
Зайчык жалобны бязглузднага вока!

Пластмасавы свет перамог.
Макет апынуўся мацней
Апошні астыў карабель,
Апошні стаміўся ліхтар.
А ў горле сапуць камякі ўспамінаў...

О-о, мая абарона!
Мячык жалобны аслеплага свету!
О-о, мая абарона!
Сонечны зайчык крыштальнага вока!
О-о, мая абарона!
О-о, мая абарона!

Мая абарона!

https://www.instagram.com/p/Cg9namhMKSh/?igshid=YmMyMTA2M2Y=

#верш
#каханне #жанчына
#вікця_жытнік

ты тады нічога не ведала
што значылі дотыкі
і ўсмешкі
ты ўсё яшчэ не ведаеш

не разумееш
наколькі шчырымі былі тыя слёзы
мы здаецца былі побач
але ты была так далёка

ты была маёй марай
маім святлом
надзеяй

усім здалося
што ў апошнюю гадзіну
пачалося жыццё
а мне - што скончылася

я думала што згубіла цябе
думала да нашай сустрэчы
вечнасць

а ты зрабіла да мяне крок
і другі
і трэці

я хацела быць асцярожнай
абачлівай
ты вымусіла мяне
я прызналася

дыханне зацінае
я баялася твайго адказа
а ты не адказала
дзіўная

зараз я разумею
ты проста не ведала
ты ўсё яшчэ не ведаеш
што гэта значыла

столькі часу мінула
ты і зараз са мной
але
мы не разам
мне здаецца
ты ўсё яшчэ так далёка

і сэрца ўсё яшчэ ные
калі ты іншую завеш
каханай

вікця жытнік

#малюнак
#журавіна
Вось яшчэ адна паштоўка, з натхняльнікам нашай эмблемы

#ADM

Усё так) Сімвал на нашай аватарцы, які мы выкарыстоўваем — гэта абноўлены Знак Скарыны, на якім былі выяўлены прамяністае Сонца з прытуленым справа маладзіком-месяцам. 🌛🌞

Мяркуецца, што гэтым, магчыма, сімвалізавалася сонечнае зацьменне 1486-га года, і што Скарына такім чынам паказваў год свайго нараджэння. З гэтым, аднак, спрачаецца думка, паводле якой сонца — сімвал асветы, святла, цяпла, вечнасці, а малады месяц — росту і маладосці.

І менавіта другі варыянт мы выбралі як той, што цалкам раскрывае нашую думку:
🌞 — святло і вечнасць беларускай культуры і думкі;
🌛 — маладосць і рост сучаснага мастацтва, нашай ідэі, нашага руху наперад.

Злучэнне мінулага і сучаснага — вось, што сімвалізуе наш Знак Скарыны. 🌛🌞

#навіны #ТоЯ

Вітаю, даражэнькія! Давайце знаёміцца бліжэй 🌸

Я — Тоя. Хтосьці з вас мяне ведае як мастачку, хтосьці — як аўтарку перасьпеваў, таму сёньня я пазнаёмлю вас са старонкамі, на якіх квітнее мая творчасьць 🍒

1. Мой канал у тыктоку. Тут вы знойдзеце як перасьпевы й аўтарскія песьні, так і сьмешныя відэа

2. Тэлеграм-канал з пэрсанажамі й сусьветам. Коміксы, лор, канцэпт-арт, мэмы, цікавыя зьвесткі пра пэрсанажаў і замалёўкі

3. Суполка з малюнкамі. Яскравыя малюнкі, сьмешныя мэмы. Пляную яе таксама весьці па-беларуску

4. Суполка зь песьнямі. Аўтарскія, перасьпевы, калябарацыі. „Дэмкі“ й афіцыйныя рэлізы

5. Ужо больш за два гады я агучваю й перакладаю фільмы, сэрыялы й мультфільмы на беларускую мову. Некаторыя зь іх можна паглядзець на сайце праекту Лагодны Цмок www.la-cmok.me. Пазьней там зьявяцца й іншыя агучаныя відэа з маім удзелам

Вы можаце падтрымаць мяне грашыма празь Яндэкс Мані: 4100117230215207

Буду ўдзячная за ўсякую дапамогу!

#верш
#вікця_жытнік

маё жыццё прысвечана табе
я не магу яго не аддаць
ты лепш ведаеш што табе трэба
падкажы
сэрца нудзіць ад думак нядобрых
і ад самоты
як можна быць шчаслівым
не аддаўшы сябе
не зрабіўшы чагосці для цябе
мая любоў
маё адзінае шчасце
як мне цябе ашчаслівіць?
я толькі дзяўчо
я нават яшчэ не жанчына
непрачытаныя кніжкі
каханне - першае і апошняе
прапушчаныя урокі
усё здаецца звычайнае
а слёзы мае па табе
і боль у грудзях
і кіпень крыві
ты не самотная
я з табою
мы знойдзем выйсце
а не мы дык іншыя
не першыя і не апошнія
усю сваю любоў
спалім разам з сэрцам
каб асвяціць твой шлях
мы ўратуем цябе
беларусь

#малюнак
#журавіна

Усё, мяне гэта ўжо дастала!
У кожнага па 3 лора, 5 коміксаў і 17 графічных раманаў
А я, чым горш...
Спадарства, я сегодня прэзэнтую мой невялічкі графічны раман. Ён раскажа вам аб гісторыі аднаго з горадоў нашай краіны. Пакажа вам міфы і лягенды гэтага горада

#верш
#вікця_жытнік
16+


асенняй марознаю ноччу
пад небам натхнёна-высокім
лічу колькі зор за мной сочыць
лічу да цябе колькі крокаў
я хачу каб ты бачыў мяне
бачыў плечы мае і спіну
сцёгны грудзі і
вочы мае
і кранаў каб пяшчотна
адзіную
я хачу каб ты цалаваў
вусны шыю далоні гарачыя
толькі мроя дурная мая
больш нічога б не перайначыла

#верш #Май_Верас_Цалаваў

з 39 па 41
прайшло ўсяго два гады.
два гады, якія
прапускаюцца ў школьных падручніках,
два гады, што цягнуцца ў адзін абзац,
два гады, якія нібыта не пра нас.
з д в а ц ц а ц ь ч а ц ь в ё р т а г а
па ш а с н а ц ц а т а г а
прайшло 112 дзён пра якія
ўжо пішуць кнігі
112 дзён якія
цягнуцца забранымі гарадамі
шыльдамі са зьмененай літарай "і"
скрадзенымі пралкамі
тысячамі галасоў якія насцярожана шэпчуць:
"нешта сьвісьціць"
і тысячамі галасоў якія ўжо нічога ня шэпчуць.
112 дзён гэта ня 10, ня 5
і нават ня два гады,
але што такое час,
калі гэты час пра нас.

16 чэрвеня 2022

тг-канал: https://t.me/mien_harbata

#верш
#Nichto_Absalutna

Ваяўнічы эскапізм

Сталая дэпрывацыя жаданьняў ды патрэбаў,
У сьвет заніжаных чаканьняў скрозь пустэчы
У галовах і вачах. З абвіслых плечаў,
Упадзе твая туга ды стане мечам.
І няхай жыве vr, бухло ды грэчка.
Ты ўратуеш сябе сам ды не навечна...

За акно кінь позірк свой,
Там ліхтары даўно загасьлі.
Ты ня вернесься дамоў,
"Бо табе бракуе часу"
Вось адмаза.

Ты забыўся на свой дом і ня знойдзеш у гугл-мапах,
Ні наежджаных дарог, ні сну, ні мараў.
І хоць валісься ўжо з ног, верыш адразу
Усім сустрэчным, хто чакаў тваёй паразы.
Эскапізм зжарэ нас усіх бяз ценю жалю.
Бо мы ўсе яшчэ сьляпыя кацяняткі,
Невядома, скуль ідзем,
Невядома, ці прыдзем,
Але пэўна зьберажэм сваю бязважкасьць.

#верш
#госць
#ананімна

***
Колькі каштуе воля?
А колькі каштуе жыццё?
Кватэра, льготы і мора –
Вось кошт для народа твайго.

Колькі каштуюць слёзы,
Што матуля ноччу пралье,
Валадаркі каля, як у марозы,
Хоць не час яшчэ быць зіме?

Колькі каштуе краіна,
У якой мы зараз жывём?
Газ і нафта. Не крыўдна,
Што за гэта ўсё мы памром?

А колькі каштуюць вочы
Маленькага хлопчыка ў дзень,
Калі ён дазнаўся: ад бацькі
Застаўся яго толькі цень?

28.07.2020

#верш
#госць
#таямніца

~
ты песня, што ўзносіць думкі
надзея, спазнаная ў болю
ты сэрца, што б’ецца хутка,
што не спыніць ніколі

ты мора без межаў, без меры
свабода стаяць нерухома
ты ў словах паэта, што верыць
у золак, не бачны нікому

ты сіняга неба бясконцасць
чароўнае, крохкае слова
ты ў зорках, ярчэйшых за сонца
у натхненні, у шчырай размове

ты сказы, што ўсе разумеюць
і сэнс якіх свет не спазнае
пачуцці, якія мацнеюць
у час, калі слоў не хапае

ты цуд, што схавалі ў скрынцы
кахання сапраўднага чары
жыццё, што вісіць на галінцы
ты мужнасць, і мудрасць, і мара

#верш
#вікця_жытнік

выгібы зямлі
быццам коўдра змятая на ложку
мне б між гэтых узгоркаў
схавацца
сагрэцца
каб забрала ў абдоймы зямля
прытуліцца да кожнай травінкі
і самой стаць травінкай
усміхнуцца ўвосень
адцвісці
калісь так стане
а пакуль я чакаю той вечар
каб з галавой залезці пад коўдру

#проза #скатазаўра

Усім прывітанне! На сувязі скатазаўра. І я зноў прынесла вам крышачку шклянога фемслэшу.

Я аддам сябе да апошняга слова

"Чалавек, які не бачыў ніколі сапраўднага кахання, не здольны да спачування, сваімі рукамі разбурыў сусвет двух людзей, якія маглі б быць шчаслівымі, калі б не дурная выпадковасць у асобе гэтага чалавека"

Чытаць па спасылцы:
https://telegra.ph/YA-addam-syabe-da-aposhnyaga-slova-08-11