Forwarded from MET WARN 天氣預警
天文台更新九天天氣預報，表示一道低壓槽會在本週中後期於華南沿岸徘徊，預料星期四、五間中有大雨及狂風雷暴。而預料一股東北季候風在星期日抵達廣東沿岸，下週一最低或降至19度。
【單車徑元洲仔路口 改善工程諮詢】
吐露港元洲仔一帶向來都係單車遊勝地，假日特別係好天嘅時候，元洲仔公園近大王爺廟嘅路口經常都有大量單車遊客聚集，亦都發生過唔少意外，以及經常有人車爭路情況；加上有廣宏居民反映，如果要行過去元洲仔公園，就只可以行落元洲仔里嘅車路，要一眼關七咁睇曬有無汽車同埋單車駛過，險象環生。早前我哋同運輸署嘅官員反映過呢個問題，到近日運輸署提出一系列改善建議，我哋整咗幾張圖講解運輸署嘅方案，重點如下：
(1) 草叢位置加設行人路
(2) 加設過單車路設施及將鐵欄改為膠護柱
(3) 分叉口增設往大美督指示牌
(4) 擴寬部分行人路及更改路面標示
以上幾個改動大致上都滿足咗廣宏街坊安全行過去元洲仔公園嘅需求，以及避免人車爭路以及減少遊客盪失路嘅情況。唔知大家又點睇呢？如果你對上述幾個改動有意見，歡迎你喺星期五之前回覆！
#人車爭路 #元洲仔 #單車 #宏福苑 #廣福邨 #大埔 #工程諮詢 #運輸署
吐露港元洲仔一帶向來都係單車遊勝地，假日特別係好天嘅時候，元洲仔公園近大王爺廟嘅路口經常都有大量單車遊客聚集，亦都發生過唔少意外，以及經常有人車爭路情況；加上有廣宏居民反映，如果要行過去元洲仔公園，就只可以行落元洲仔里嘅車路，要一眼關七咁睇曬有無汽車同埋單車駛過，險象環生。早前我哋同運輸署嘅官員反映過呢個問題，到近日運輸署提出一系列改善建議，我哋整咗幾張圖講解運輸署嘅方案，重點如下：
(1) 草叢位置加設行人路
(2) 加設過單車路設施及將鐵欄改為膠護柱
(3) 分叉口增設往大美督指示牌
(4) 擴寬部分行人路及更改路面標示
以上幾個改動大致上都滿足咗廣宏街坊安全行過去元洲仔公園嘅需求，以及避免人車爭路以及減少遊客盪失路嘅情況。唔知大家又點睇呢？如果你對上述幾個改動有意見，歡迎你喺星期五之前回覆！
#人車爭路 #元洲仔 #單車 #宏福苑 #廣福邨 #大埔 #工程諮詢 #運輸署
【東鐵過海代表巴士應該減班？ 不如睇下問卷數據先】
東鐵過海真的很......咪住先，可以一程過海當然係好事，我早幾日都應邀去咗即將啟用嘅會展站同埋金鐘站東鐵線月台睇過，配套同展覽都幾唔錯，但一件事還一件事——運輸署近日講到明將會「檢討」所有過海巴士路線，放曬風會減班咁樣。一來東鐵轉用九卡車，實質運載量係咪能夠負荷過海龐大需求好值得觀察，二來大埔區嘅火車站一向同市鎮有一定距離，搭東鐵本身已經要轉K巴或者其他區內交通駁腳，因此大埔區直達港島嘅隧巴仍有其吸引力。我哋早前聯同 何偉霖議員、 大埔交通 等推出嘅交通問卷，當中問及往返港島區嘅通勤人士到底東鐵過海之後有幾大可能改搭。問卷結果顯示，廣宏居民入面只有10.87%受訪者話「一定會」轉搭東鐵，白石角居民入面都只係有13.7%，兩個數字都比起「不會考慮」嘅數字低。如果淨係計算現時利用巴士（如307、907、900等）直達港島嘅廣宏及白石角居民，數字就更加明顯，只有6.35%人話一定會轉搭。換言之，現時搭緊巴士直接過海嘅居民，其實大部分都唔會轉乘東鐵過海。
所以我哋都公開呼籲政府當局，唔應該因為東鐵過海就直接對區內過海路線減班！與此同時，我哋認為現有307、907系列路線可以利用東鐵過海嘅機會，修改部份行駛路段，更加精準、點對點地服務返工嘅大埔人，同埋考慮到現時繁忙時間東隧成日相當塞車，將班次分配俾行走西隧嘅907系列路線，俾一個更加合理嘅選擇居民乘搭。如果大家唔希望因為九卡車過海就Cut巴士，歡迎大家留言俾運輸署見到！
#大埔 #大埔交通 #廣福邨 #宏福苑 #白石角 #巴士唔可以亂Cut
東鐵過海真的很......咪住先，可以一程過海當然係好事，我早幾日都應邀去咗即將啟用嘅會展站同埋金鐘站東鐵線月台睇過，配套同展覽都幾唔錯，但一件事還一件事——運輸署近日講到明將會「檢討」所有過海巴士路線，放曬風會減班咁樣。一來東鐵轉用九卡車，實質運載量係咪能夠負荷過海龐大需求好值得觀察，二來大埔區嘅火車站一向同市鎮有一定距離，搭東鐵本身已經要轉K巴或者其他區內交通駁腳，因此大埔區直達港島嘅隧巴仍有其吸引力。我哋早前聯同 何偉霖議員、 大埔交通 等推出嘅交通問卷，當中問及往返港島區嘅通勤人士到底東鐵過海之後有幾大可能改搭。問卷結果顯示，廣宏居民入面只有10.87%受訪者話「一定會」轉搭東鐵，白石角居民入面都只係有13.7%，兩個數字都比起「不會考慮」嘅數字低。如果淨係計算現時利用巴士（如307、907、900等）直達港島嘅廣宏及白石角居民，數字就更加明顯，只有6.35%人話一定會轉搭。換言之，現時搭緊巴士直接過海嘅居民，其實大部分都唔會轉乘東鐵過海。
所以我哋都公開呼籲政府當局，唔應該因為東鐵過海就直接對區內過海路線減班！與此同時，我哋認為現有307、907系列路線可以利用東鐵過海嘅機會，修改部份行駛路段，更加精準、點對點地服務返工嘅大埔人，同埋考慮到現時繁忙時間東隧成日相當塞車，將班次分配俾行走西隧嘅907系列路線，俾一個更加合理嘅選擇居民乘搭。如果大家唔希望因為九卡車過海就Cut巴士，歡迎大家留言俾運輸署見到！
#大埔 #大埔交通 #廣福邨 #宏福苑 #白石角 #巴士唔可以亂Cut
【樂悠卡供65歲以上長者申請】
政府公佈65歲以上長者申請樂悠卡嘅時間表，樂悠卡將會集長者八達通以及長者卡於一身；而政府亦宣布未來將會取消現時長者八達通兩蚊乘車優惠，如要繼續享有乘車優惠，就要麻煩大家申請樂悠卡喇。所需文件: 身份證副本、彩色證件相一張（白色或淺色背景）如果大家或者屋企嘅長者需要申請，可以自己用八達通App搞（要證件相嘅電子版同埋身份證掃描影印本），或者落嚟辦事處填實體表格。第一批換樂悠卡嘅係1956年出生嘅長者，申請時間係今年6月內，之後就到1955年出生嘅長者，申請時間係今年7月，如此類推，詳情可以睇返我哋海報，或者政府樂悠卡網頁。
提提大家：
- 如果3個月內年滿六十歲，就可以提交申請樂悠卡表格
- 60-64歲已申請樂悠卡嘅朋友，到年滿65歲無須再次申請
- 如果完成申請4個星期都未收到樂悠卡，可以致電樂悠咭申請服務熱線 3147 1388 直接與職員聯絡
- 樂悠卡同時係一張八達通，無須俾八達通手續費，但同其他八達通一樣會有50蚊按金，所以大家收到樂悠卡之後都要增值超過50蚊先用到
#社區消息 #樂悠卡 #長者福利 #其實係變相長者八達通實名制 #有好有唔好
政府公佈65歲以上長者申請樂悠卡嘅時間表，樂悠卡將會集長者八達通以及長者卡於一身；而政府亦宣布未來將會取消現時長者八達通兩蚊乘車優惠，如要繼續享有乘車優惠，就要麻煩大家申請樂悠卡喇。所需文件: 身份證副本、彩色證件相一張（白色或淺色背景）如果大家或者屋企嘅長者需要申請，可以自己用八達通App搞（要證件相嘅電子版同埋身份證掃描影印本），或者落嚟辦事處填實體表格。第一批換樂悠卡嘅係1956年出生嘅長者，申請時間係今年6月內，之後就到1955年出生嘅長者，申請時間係今年7月，如此類推，詳情可以睇返我哋海報，或者政府樂悠卡網頁。
提提大家：
- 如果3個月內年滿六十歲，就可以提交申請樂悠卡表格
- 60-64歲已申請樂悠卡嘅朋友，到年滿65歲無須再次申請
- 如果完成申請4個星期都未收到樂悠卡，可以致電樂悠咭申請服務熱線 3147 1388 直接與職員聯絡
- 樂悠卡同時係一張八達通，無須俾八達通手續費，但同其他八達通一樣會有50蚊按金，所以大家收到樂悠卡之後都要增值超過50蚊先用到
#社區消息 #樂悠卡 #長者福利 #其實係變相長者八達通實名制 #有好有唔好