【272P下星期一開始加班】
272P路線嘅需求一向都高，運輸署今年喺巴士路線計劃就提議增設回程班次，本身話下年年頭先落實；大家都覺得唔夠，經過大家熱烈反映之後，運輸署同九巴最後都同意早繁喺大埔加多一班車，並且提早落實加班。今日運輸署公佈，由下個禮拜一（23/8）起，272P將會總共增加四班，全段收費不變。
富亨開出時間：0710、0730、1745
葵興開出時間：0750、1805
提提大家，272P除咗途經荔枝角一帶之外，仲會停青沙公路轉車站，大家都可以考慮用272P轉乘其他青沙路線（例如249X往青衣、270B/286X往深水埗/長沙灣、280X前往尖沙咀、900前往港島北等等）。
#大埔交通 #白石角交通 #青沙轉乘 #272P加班 #社區消息
272P路線嘅需求一向都高，運輸署今年喺巴士路線計劃就提議增設回程班次，本身話下年年頭先落實；大家都覺得唔夠，經過大家熱烈反映之後，運輸署同九巴最後都同意早繁喺大埔加多一班車，並且提早落實加班。今日運輸署公佈，由下個禮拜一（23/8）起，272P將會總共增加四班，全段收費不變。
富亨開出時間：0710、0730、1745
葵興開出時間：0750、1805
提提大家，272P除咗途經荔枝角一帶之外，仲會停青沙公路轉車站，大家都可以考慮用272P轉乘其他青沙路線（例如249X往青衣、270B/286X往深水埗/長沙灣、280X前往尖沙咀、900前往港島北等等）。
#大埔交通 #白石角交通 #青沙轉乘 #272P加班 #社區消息
【18:30 圍封更新】
1. 四棟樓嘅進度或者有少少不同，但大部分居民都應該有白色保護衣人員拍門喇，如果有特別需要記得同佢地講。 有特殊需要/行動不便可以同白色保護衣人員講，或者聯絡管理處 26584430，可以安排上門檢測，但送飯服務就應該無喇。
（按：民政署：如果有人有特殊原因屋企煮唔到嘢食，要打電話去1833 019 抗疫熱線，由接線同事安排運送糧食）
2. 四棟嘅程序都係統一嘅，物資包（有乾糧，包括各類罐頭及通粉/米粉/米等等，應該會有埋檢測包）會喺落去做完檢測後派發。幅圖嘅係廣智樓嘅物資，每棟物資因為負責部門唔同未必完全一樣，但應該大同小異。
3. 如果放工夜返屋企，係咪仲可以檢測？如果你喺檢測人員收隊前返到，應該可以喺樓下檢測；否則政府應該會出一樣強檢令俾你，要你指定期限前去社區檢測站做檢測。
4. 有居民話佢哋按戶籍收到中成藥（例如蓮花清瘟膠囊），我哋再次提醒大家，藥唔好亂食，特別係蓮花清瘟膠囊好寒涼，大家唔好亂食，應該問咗中醫意見先。
如果我哋有新消息，會再Update大家，祝大家身體健康！
#圍封強檢 #廣福邨 #社區消息
1. 四棟樓嘅進度或者有少少不同，但大部分居民都應該有白色保護衣人員拍門喇，如果有特別需要記得同佢地講。 有特殊需要/行動不便可以同白色保護衣人員講，或者聯絡管理處 26584430，可以安排上門檢測，但送飯服務就應該無喇。
（按：民政署：如果有人有特殊原因屋企煮唔到嘢食，要打電話去1833 019 抗疫熱線，由接線同事安排運送糧食）
2. 四棟嘅程序都係統一嘅，物資包（有乾糧，包括各類罐頭及通粉/米粉/米等等，應該會有埋檢測包）會喺落去做完檢測後派發。幅圖嘅係廣智樓嘅物資，每棟物資因為負責部門唔同未必完全一樣，但應該大同小異。
3. 如果放工夜返屋企，係咪仲可以檢測？如果你喺檢測人員收隊前返到，應該可以喺樓下檢測；否則政府應該會出一樣強檢令俾你，要你指定期限前去社區檢測站做檢測。
4. 有居民話佢哋按戶籍收到中成藥（例如蓮花清瘟膠囊），我哋再次提醒大家，藥唔好亂食，特別係蓮花清瘟膠囊好寒涼，大家唔好亂食，應該問咗中醫意見先。
如果我哋有新消息，會再Update大家，祝大家身體健康！
#圍封強檢 #廣福邨 #社區消息
【樂悠卡供65歲以上長者申請】
政府公佈65歲以上長者申請樂悠卡嘅時間表，樂悠卡將會集長者八達通以及長者卡於一身；而政府亦宣布未來將會取消現時長者八達通兩蚊乘車優惠，如要繼續享有乘車優惠，就要麻煩大家申請樂悠卡喇。所需文件: 身份證副本、彩色證件相一張（白色或淺色背景）如果大家或者屋企嘅長者需要申請，可以自己用八達通App搞（要證件相嘅電子版同埋身份證掃描影印本），或者落嚟辦事處填實體表格。第一批換樂悠卡嘅係1956年出生嘅長者，申請時間係今年6月內，之後就到1955年出生嘅長者，申請時間係今年7月，如此類推，詳情可以睇返我哋海報，或者政府樂悠卡網頁。
提提大家：
- 如果3個月內年滿六十歲，就可以提交申請樂悠卡表格
- 60-64歲已申請樂悠卡嘅朋友，到年滿65歲無須再次申請
- 如果完成申請4個星期都未收到樂悠卡，可以致電樂悠咭申請服務熱線 3147 1388 直接與職員聯絡
- 樂悠卡同時係一張八達通，無須俾八達通手續費，但同其他八達通一樣會有50蚊按金，所以大家收到樂悠卡之後都要增值超過50蚊先用到
#社區消息 #樂悠卡 #長者福利 #其實係變相長者八達通實名制 #有好有唔好
政府公佈65歲以上長者申請樂悠卡嘅時間表，樂悠卡將會集長者八達通以及長者卡於一身；而政府亦宣布未來將會取消現時長者八達通兩蚊乘車優惠，如要繼續享有乘車優惠，就要麻煩大家申請樂悠卡喇。所需文件: 身份證副本、彩色證件相一張（白色或淺色背景）如果大家或者屋企嘅長者需要申請，可以自己用八達通App搞（要證件相嘅電子版同埋身份證掃描影印本），或者落嚟辦事處填實體表格。第一批換樂悠卡嘅係1956年出生嘅長者，申請時間係今年6月內，之後就到1955年出生嘅長者，申請時間係今年7月，如此類推，詳情可以睇返我哋海報，或者政府樂悠卡網頁。
提提大家：
- 如果3個月內年滿六十歲，就可以提交申請樂悠卡表格
- 60-64歲已申請樂悠卡嘅朋友，到年滿65歲無須再次申請
- 如果完成申請4個星期都未收到樂悠卡，可以致電樂悠咭申請服務熱線 3147 1388 直接與職員聯絡
- 樂悠卡同時係一張八達通，無須俾八達通手續費，但同其他八達通一樣會有50蚊按金，所以大家收到樂悠卡之後都要增值超過50蚊先用到
#社區消息 #樂悠卡 #長者福利 #其實係變相長者八達通實名制 #有好有唔好