Зӕронд Нана йӕ райста йӕ къухмӕ. Мад цӕстызулӕй кӕсы фӕсдуар къуымӕй, сусӕгӕй зыр-зыр кӕны. Дис кӕнынц, цы кодта, зӕгъгӕ, сывӕллон. Уалынмӕ йӕ хӕкъуырццӕй фӕцухи лӕппу, айвӕзта йӕхи ӕмӕ райдыдта мадырдӕм кӕуын:
— Дзыцца, кокойы хохо нӕ гӕуы!
Ратыдта йӕхи Нанайы хъӕбысӕй Гони, базгъордта уӕрыккмӕ ӕмӕ йыл ахӕцы йӕ мадырдӕм:
— Мӕн у Уӕрко. Нӕ гӕуы хохо. Нӕ гӕуы мын дзидза!..
Бинонты зӕрдӕтарст фенцой. Уӕрыччы бӕрзӕй ӕрцахста лӕппу, байхъус ис ӕмӕ хъахъхъӕны бинонтырдӕм...

#радзырд
#барахътыгино