【#EC熱話】好多糖啊⋯⋯😲

俄羅斯入侵烏克蘭領土，烏克蘭軍隊奮勇迎戰，抵抗外敵。近日，有俄軍被烏軍擄獲，烏軍沒收俄軍嘅軍武設備及補給品。有一名烏克蘭士兵隨即拍片，開箱擄獲俄軍嘅即食口糧（MRE），並分享至網上，引嚟唔少網民熱議。

喺片中見到，一開頭烏兵拎住一包綠色嘅朱古力，指出呢個朱古力係俄羅斯軍隊中好出名，不過佢就話好懷疑呢個產品，原因係佢將呢個朱古力餵畀被俘虜嘅俄軍們，結果係大家都唔願意食。

跟住佢繼續喺背囊到拎出1包砂糖，表示「砂糖唔係唔好嘅嘢，不過如果你需要熱量，就食朱古力棒、能量棒等會較好，味道亦唔錯，我敢肯定歐洲、烏克蘭同世界各國正常嘅軍隊都係用呢個方法，但俄羅斯嘅高層就認為食20克嘅砂糖就夠，咁係好唔健康，亦唔好食，反而會令人感到攰，但俄方唔在意，佢哋用對待動物一樣嘅方法對待俄軍。」

然後，呢位士兵繼續喺背囊到拎出更多砂糖，總共有6包。睇見咁多糖，佢都一面驚訝又無奈嘆道「太多糖啦！遲早會有糖尿病」，仲講笑話「俄羅斯嘅婦女們，如果你哋買唔到糖嘅話，唔好去搶劫超市，應該去軍官辦公室搶，嗰到有好多糖。」

有網民睇完都留言表示「終於知道點解之前俄羅斯嘅市民鬧糖荒啦～」

⚠️提提大家，糖可以補充能量，但日常就唔好攝取過量糖分，以免增加患上糖尿病風險。

#ECLife #醫生活 #烏克蘭 #俄羅斯 #戰爭 #國際新聞 #俄烏戰爭 #Ukraine #Russia #士兵 #烏軍 #俄軍 #擄獲 #即食口糧 #MRE #軍糧 #砂糖 #糖 #朱古力 #健康 #飲食 #糖尿病 #Pet_Catmo

圖片來源：Marlen_Leroy@Twitter