تربية البنت على اسمعي كلام اخوكي الكبير هو خايف عليكي، ولا تربية الابن على لو عندك اعتراض علي حاجة بخصوص اختك قولي أنا أو باباك واحنا نكلمها مين الصح فيهم ولا هما الاتنين غلط؟ بالذات بداية من السن الصغير لسه مش سن شباب

ج/ المزج بين الاثنين
لازم يبقى فيه احترام منها لأخيها الكبير وسماع كلام علشان يبقى هو في محل الأب ويحس إنه مسئول عنها في أي مشكلة ويقف جنبها ويدعمها دايما

وفي نفس الوقت لازم ميتسمحش بالتسلط من الأخ على أخته


س/ لو اتكلمنا عن معاملة الأخ لأخته طب هل يجب عليه توجيهها في كل صغيرة وكبيرة ولا دا دور الاب والاخ بينصح ساعات وشكرا كدا؟

ج/ التوجيه والنصح مهمين خصوصا أن خبرة الأخ أكبر بكثير غالبا من أخته وممكن يبقى مدرك حاجات ميدركهاش الأب بحكم السن وبحكم إنه أقرب لجيلها

لكن بلاش موضوع كل صغيرة وكبيرة خليها في الكبيرة بس وفي التوجهات العامة والمهمات والحاجات الصغيرة اللي هي تلجأ ليه فيها

الشيخ هيثم سمير

#التربية #الأخوة

هل واجب عليا خدمه اخواتى الولاد ؟ لأن بيطلبوا اقل حاجه واحنا بيتنا من النوع ان الرجاله متعملش حاجه ف البيت ولا تساعد فحتى اخويا ياكل ويسيب اطباقه واجى انا المها وحاجات تانيه كتير وانا بتعب انا بعمل كده واحتسبها لله ولما بقوله اعمل لنفسك بحس بالذنب بس هما بيزيدوا فيها وانا بعمل حاجات تانى ف البيت ؟

ج/ من ناحية فقهية لا لا يجب عليكي خدمة اخوانك الأولاد، لكن من ناحية سلوكية وتربوية ((كلامي من جهة اسلامية وعربية)) الأفضل في التربية إن البنت تخدم اخوانها الأولاد في امور البيت والأخ يخدم أخته البنت في ما تحتاجه خارج البيت من أمور يعملها مشاويرها ويروح معاها المشاوير اللي هي محتاجاها ويخلص لها أعمالها

تربية زي تربية أجدادنا وتربية العرب عمومًا أن البنات بتخدم اخوانها في البيت والولاد يخدموا اخواتهن فيما يخدم فيه الرجل النساء ويحمونهن

فلو حضرتك اخواتك الذكور فعلا بيقوموا بهذه الأدوار فلا تتكاسلي عن خدمتهم أما لو الموضوع عندهم مجرد استحقاق من غير شعور بالمسوئلية تجاهك فحاولي تقفي معاهم وقفة واضحة وتفهميهم المنظور ده

بارك الله فيكم وزادكم حرصا وهدانا وإياكم إلى ما يحبه ويرضاه

- الشيخ هيثم سمير

#الأخوة #فقه_العلاقات