اوشاقلار گله‌جك سيزيندير
يازان: #صمد_بهرنگی
چئویرن: #رامين_جهانگيرزاده
#اوشاقلار! گله جک سيزينکی دير. اونون ياخشيسی دا، پيسي ده سيزيندير. سيز ايستر ايستمز بؤيويوب زامانلا آياق ـ آياغا گئدركن بابالارينيزين، بؤيوكلرينيزين دالينجا گليرسيز و اونلارين يئريني توتوب هر شئيي الهگتيرجكسينيز، ايجتيماعي ياشاييشين بوتون یاخشی پيس لری سيزين اولاجاق. آمانسيزليق… يوخسوللوق… باسقي… اينصاف… سئوينج و كدر… کیمسه سیزلیک … كؤتك … ايش و ايشسيزليك… زيندان و آزادليق… نوخوشلوق و درمانسيزليق… آجليق و آياق يالينليق و يوزلرله باشقا ايجتيماعي آجی شیرین لیک سيزين اولاجاق.
نوخوشلوقلارين درمانين تاپماق اوچون اوّّلجه اونون عيلّتيني تاپمالییق. مثلاً حكيملر نوخوشلاري درمان ائله مك اوچون اونون اوّّل ميكروبون تاپير؛ سونرا او ميكروبون درمانيني نوخوشلارينا يازير. بيزده ايجتيماعي نوخوشلوقلارين درمانيني تاپماق اوچون اولجه اونون علتینی تاپمالییق. ساغلام بدنده هئچ واخت نوخوشلوق اولمادیغی کیمی، ساغلام ايجتيماعدا دا نوخوشلوق اولمامالی دیر موفليس‌ليك… باسقين‌چيليق… يالان… اوغورلوق و موحاريبه‌ده ساغلامسيز ايجتيماعدا تاپيلان نوخوشلوقلاردان دیر. بو کیمی سایسیز نوخوشلوقدان یاخا قورتارماق اوچون اونلارين عيلّتلريني تاپماق لازیم دیر. هميشه اؤزوزدن سوروشون: نييه هم‌صينيف (هم كيلاس) يولداشيمي كارخانايا آپارديلار؟ نييه بعضي‌لري اوغورلوق ائديرلر؟ نييه اويان ـ بوياندا موحاريبه و قان تؤكمه وار؟ اؤلندن سونرا منيم باشيما نه گله‌جك؟ اؤلمه‌ميشدن قاباق نه ايديم؟ دونيانين سونو نه اولاجاق؟ موحاريبه، يوخسوللوق و آجليق هاچان قورتاراجاق؟ و داها مينلرجه آيري ـ آيري سورغو سؤال اؤزونوزدن سوروشمالی و نهایت ايجتيماع و اونون آغري و دردلريني تانيمالیسيز. بونودا بيلين كي ايجتيماع ائوينيزده اولان دؤرد ديواردا حاصارلانان اوتاق دئييل. ايجتيماع چرچیوه سینده بوتون وطنداشلاريميز ياشايير. اوزاق دوشموش كندلردن توتدو بؤيوك و كيچيك شهرلره‌جك . بوتون كندلرين پئيين و قارا پالچيق باسميش كوچه‌لريندن توتموش شهرلرين ترتميز خياوانلاريناجاق. يوخسول كتدي‌لرين كيچيك و قارانليق ميلچكلي داخمالاريندان توتدو زنگين (وارلي) شهرلرين پارلاق و گؤزل سارايلاريناجاق. موزدولو فرش توخويان و گئييم لری ييرتيق اولان اکینچی اوشاقلاريندان توتدو، او اوشاقلاراجاق كي اونلارين لاپ خيردا عذابلاري تويوق، هشترخان، موز و پرتقال يئمكدير. بونلار بوتونونه بیز ايجتيماع دئییریک. اونو سیز اؤز بابالاريزدان ايرث آپاراجاقسيز. سيز بابالارينيزين ميراثيني توخونمادان اوشاقلاريزا يئتيرمه‌يه‌سيز. سيز گرك پيسليكلري آزالديب يا كي اونلاري يئر اوزوندن محو ائده‌سينيز. ياخشي ليقلارا آرتيرین و چاليشين نوخوشلوقلارين درمانين تاپاسیز. ايجتيماع توخونولماز بیر امانت دئییل دیر.
ايجتيماعني تانيماق و اونون سورغولارينا جاواب تاپماق اوچون نئچه يوللار وار. بو يوللارين بيري بودوركي كندلره و شهرلره گئديب، جوربه‌جور آداملارلا تانيش اولاسيز. او بيري يول ايسه كيتاب اوخوماقدير. البتده الینیزه گلن هر بیر كيتابی دئمیرم. بعضي‌لري دئيير هر كيتاب بير دفعه اوخوماغينا ده‌ير. بو بوش سؤزدور. دونيادا او قده‌ر اوخومالی كيتابلار واردير كي بيزيم عؤمروموز اونلارين ياريسيني دا اوخوماغينا چاتيشمایاجاق.
بيز یالنیز بیزیم جوربه‌جور سورغو و سوؤاليميزا دوغرو دوزگون جاواب وئرن کیتابلاری اوخومالییق. بو کیمی کیتابلار نه اینکی بيزي اؤز ايجتيماعميز و اونون نوخوشلوقلاریلا، اوسته لیک آيري ـ آيري ميلّتلرله ده تانيش ائدير. بيزيم باشيميزي قاتان و یا آلدادان كيتابلاري جيريب يانديرمالییق.
اوشاقلار ناغيل و حئكايه‌لري ماراقلا اوخويورلار. ياخشي ناغيل لار سيزي ايجتيماع و ميلّتلرله تانيش ائدير و عيلّتلرينی آيدينلاشديریر. ناغيل اوخوماق تكجه باش قاتماق اوچون دئييل. بونا گؤره منيم‌ده اوره ييم ايسته‌مير كي قاناجاقلي اوشاقلار ناغيل لاريمي باش قاتماق اوچون اوخوسونلار.
قايناق: #قوشباز_كئچل ناغيلي نين باشلانغيجي
#یازی 1386 تاریخینده یاییلمیش #دوشرگه وئبلاغیندان گؤتورولوبدور
https://telegram.me/dusharge
يازان: #صمد_بهرنگی
چئویرن: #رامين_جهانگيرزاده
#اوشاقلار! گله جک سيزينکی دير. اونون ياخشيسی دا، پيسي ده سيزيندير. سيز ايستر ايستمز بؤيويوب زامانلا آياق ـ آياغا گئدركن بابالارينيزين، بؤيوكلرينيزين دالينجا گليرسيز و اونلارين يئريني توتوب هر شئيي الهگتيرجكسينيز، ايجتيماعي ياشاييشين بوتون یاخشی پيس لری سيزين اولاجاق. آمانسيزليق… يوخسوللوق… باسقي… اينصاف… سئوينج و كدر… کیمسه سیزلیک … كؤتك … ايش و ايشسيزليك… زيندان و آزادليق… نوخوشلوق و درمانسيزليق… آجليق و آياق يالينليق و يوزلرله باشقا ايجتيماعي آجی شیرین لیک سيزين اولاجاق.
نوخوشلوقلارين درمانين تاپماق اوچون اوّّلجه اونون عيلّتيني تاپمالییق. مثلاً حكيملر نوخوشلاري درمان ائله مك اوچون اونون اوّّل ميكروبون تاپير؛ سونرا او ميكروبون درمانيني نوخوشلارينا يازير. بيزده ايجتيماعي نوخوشلوقلارين درمانيني تاپماق اوچون اولجه اونون علتینی تاپمالییق. ساغلام بدنده هئچ واخت نوخوشلوق اولمادیغی کیمی، ساغلام ايجتيماعدا دا نوخوشلوق اولمامالی دیر موفليس‌ليك… باسقين‌چيليق… يالان… اوغورلوق و موحاريبه‌ده ساغلامسيز ايجتيماعدا تاپيلان نوخوشلوقلاردان دیر. بو کیمی سایسیز نوخوشلوقدان یاخا قورتارماق اوچون اونلارين عيلّتلريني تاپماق لازیم دیر. هميشه اؤزوزدن سوروشون: نييه هم‌صينيف (هم كيلاس) يولداشيمي كارخانايا آپارديلار؟ نييه بعضي‌لري اوغورلوق ائديرلر؟ نييه اويان ـ بوياندا موحاريبه و قان تؤكمه وار؟ اؤلندن سونرا منيم باشيما نه گله‌جك؟ اؤلمه‌ميشدن قاباق نه ايديم؟ دونيانين سونو نه اولاجاق؟ موحاريبه، يوخسوللوق و آجليق هاچان قورتاراجاق؟ و داها مينلرجه آيري ـ آيري سورغو سؤال اؤزونوزدن سوروشمالی و نهایت ايجتيماع و اونون آغري و دردلريني تانيمالیسيز. بونودا بيلين كي ايجتيماع ائوينيزده اولان دؤرد ديواردا حاصارلانان اوتاق دئييل. ايجتيماع چرچیوه سینده بوتون وطنداشلاريميز ياشايير. اوزاق دوشموش كندلردن توتدو بؤيوك و كيچيك شهرلره‌جك . بوتون كندلرين پئيين و قارا پالچيق باسميش كوچه‌لريندن توتموش شهرلرين ترتميز خياوانلاريناجاق. يوخسول كتدي‌لرين كيچيك و قارانليق ميلچكلي داخمالاريندان توتدو زنگين (وارلي) شهرلرين پارلاق و گؤزل سارايلاريناجاق. موزدولو فرش توخويان و گئييم لری ييرتيق اولان اکینچی اوشاقلاريندان توتدو، او اوشاقلاراجاق كي اونلارين لاپ خيردا عذابلاري تويوق، هشترخان، موز و پرتقال يئمكدير. بونلار بوتونونه بیز ايجتيماع دئییریک. اونو سیز اؤز بابالاريزدان ايرث آپاراجاقسيز. سيز بابالارينيزين ميراثيني توخونمادان اوشاقلاريزا يئتيرمه‌يه‌سيز. سيز گرك پيسليكلري آزالديب يا كي اونلاري يئر اوزوندن محو ائده‌سينيز. ياخشي ليقلارا آرتيرین و چاليشين نوخوشلوقلارين درمانين تاپاسیز. ايجتيماع توخونولماز بیر امانت دئییل دیر.
ايجتيماعني تانيماق و اونون سورغولارينا جاواب تاپماق اوچون نئچه يوللار وار. بو يوللارين بيري بودوركي كندلره و شهرلره گئديب، جوربه‌جور آداملارلا تانيش اولاسيز. او بيري يول ايسه كيتاب اوخوماقدير. البتده الینیزه گلن هر بیر كيتابی دئمیرم. بعضي‌لري دئيير هر كيتاب بير دفعه اوخوماغينا ده‌ير. بو بوش سؤزدور. دونيادا او قده‌ر اوخومالی كيتابلار واردير كي بيزيم عؤمروموز اونلارين ياريسيني دا اوخوماغينا چاتيشمایاجاق.
بيز یالنیز بیزیم جوربه‌جور سورغو و سوؤاليميزا دوغرو دوزگون جاواب وئرن کیتابلاری اوخومالییق. بو کیمی کیتابلار نه اینکی بيزي اؤز ايجتيماعميز و اونون نوخوشلوقلاریلا، اوسته لیک آيري ـ آيري ميلّتلرله ده تانيش ائدير. بيزيم باشيميزي قاتان و یا آلدادان كيتابلاري جيريب يانديرمالییق.
اوشاقلار ناغيل و حئكايه‌لري ماراقلا اوخويورلار. ياخشي ناغيل لار سيزي ايجتيماع و ميلّتلرله تانيش ائدير و عيلّتلرينی آيدينلاشديریر. ناغيل اوخوماق تكجه باش قاتماق اوچون دئييل. بونا گؤره منيم‌ده اوره ييم ايسته‌مير كي قاناجاقلي اوشاقلار ناغيل لاريمي باش قاتماق اوچون اوخوسونلار.
قايناق: #قوشباز_كئچل ناغيلي نين باشلانغيجي
#یازی 1386 تاریخینده یاییلمیش #دوشرگه وئبلاغیندان گؤتورولوبدور
https://telegram.me/dusharge
Telegram
@dusharge || همت شهبازی
@dusharge
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.