دده كاتب(dede katib)

مرداد آیینین 20_نجی گونو کاتیب اوغلونون دوغوم گونودور ، و رحمتلیک اللي یاشا وارینجا بو شعیری یازمیشدیر.
👇👇
....نه دردی وار....
🍃🌺🍃

بیلمیریم کؤنلومون نه دردی واردیر؟!
سیغینیب سینه ده یاسه باتیبدیر
یتیم اوشاق کیمی بوینونو بوکوب
غریب بولبول کیمی قیشا چاتیبدیر

آخیدیر گؤزومدن یاشی دالبادال .
گولمز اوزوم گونلر آیلار سال-با-سال.
ندیر باشیمداکی بو حال بو احوال؟
یامان چاغدا منی قاله قاتیبدیر

نه دینیر دیندیریم نه دیلدن آنلار
اینانمیر قوجالدیم گئچدی زامانلار
من اونو دانلارام او منی دانلار
قانمیر کی قاندیرام گونوم باتیبدیر

کاتيب اوغلو عومور اللینی گئچدی
تای توشلارین اجل باده سین ایچدی
فلک سنین بویان آغ دونو بیچدی
منیم غافیل کؤنلوم هله یاتیبدير

#کاتب_اوغلو
#کؤنولدن_دیله
#فارص_طیار_قولنجو
#اورمیه#قولنجو
https://www.instagram.com/p/CDtOBsWllN-/?igshid=1hgiuovwfmqzn

1.6K viewsMasuomeh_yekani, 11:56

....هجران گئجه سی .....
🍁🍁🍁

اوزون گئجه بیتمز سنسیز .
بیر سلام سال صاباح اولسون.
شیرین دانیش دوداقلاردان .
تؤکولسون بال صاباح اولسون.

قلم دردی منه یازمیش .
حسرت عقلی مندن آلمیش.
انصاف ائیله باغلی قالمیش .
قاپيمى چال صاباح اولسون.

چوخ چکیرم آجی محنت .
باشا یئتمیر شب-ى فرقت.
سنی تانری ائتمه منت.
بو گئجه قال صاباح اولسون.

کاتيب اوغلو سنی اؤزلر.
گئجه گوندوز یولون گؤزلر.
سنین اوچون آغلیر گؤزلر.
کؤنلومو آل صاباح اولسون.

( شکیلی حاضیرلایان : رعنا تورک )
@siyahsachlimavigozlukiz

#کاتب_اوغلو
#کؤنولدن_دیله
#فارص_طیار_قولونجو
#اورميه #قولنجو
https://www.instagram.com/p/CD0xVMhF7dB/?igshid=71b5mogrzqsi

354 viewsMasuomeh_yekani, 09:34

... وطن ....
🍃🌼🍃

یازیق خیال قوشوم قالدی قفسده.
دار یئرده بس داریخماسین نئیله سین.
بیر ایگیده میدان اؤلسا ساواشار.
باغلی قالسا یؤرولماسین نئیله سین

وطن ناموس اؤلار قیمت بیلئنه .
ناموسون اوغرونا جانین وئرنه.
وطنی تاپشیرسان آلچاق بیرینه.
گؤزل وطن آغلاماسین نئیله سین.

انسانلار قالماسین وطندن پایسیز.
آغاجلار تؤپراقدان دنیزده چایسیز.
ایللریمیز بوتون قیش اؤلسا یایسیز.
وطن باغی سارالماسین نئیله سین.

چنلی بئلده کوراوغلولار قالمیا.
بابک اؤله ستار خانلار قالمیا.
دده کاتیب شهریارلار قالمیا.
کاتب اوغلو قوجالماسین نئیله سین.

#کاتب_اوغلو
#کؤنولدن_دیله
#فارص_طیار_قولنجو
#اورمیه#قولنجو
#دده_کاتیب#دده_کاتب
#دده_کاتب_قولنجو
https://www.instagram.com/p/CEOVerilVCM/?igshid=lx45820zzrl8

2.6K viewsMasuomeh_yekani, 08:05

.... آنا دیلیم ....
🍃🌼🍃

ایسته رم یوردومدا خوش باهار اولا.
سئومم ویرانه نی چؤلو نئینیرم.
بولبول کیمی تازه گوله عاشقم .
گولشاندا سارالمیش گولو نئینیرم.

(خون)دئمم داماردا دولانان قانا.
یئمم او چؤره یی بنزه سه (نانا).
خوشوم وار ساچیمدا داراخ دولانا.
(شانه)دئیمیش (سیاه)تئلی نئینیرم.

قوربان اولوم یوردوم آزربایجانا.
بیرتک سؤزوم وار جومله جهانا.
هرکس گرک آنا دیلین خوش قانا.
دیلینی قانمایان ائلی نئینیرم .

کاتبب اوغلو شیرین تورکی دیلیم وار.
اؤز دیلینه آرخا دوران ائلیم وار.
سینه ده سؤزوم وار سازدا تئلیم وار.
سؤز صؤحبته اؤزگه دیلی نئینیرم.

#کاتب_اوغلو
#کؤنولدن_دیله
#فارص_طیار_قولنجو
#اورمیه#قولنجو
https://www.instagram.com/p/CEwKPvulR2h/?igshid=1muwb75klghzk

457 viewsMasuomeh_yekani, 12:00

....دونیانین ....
🍃🌺🍃
🍃
نه لقمان آنلادی نه آیری کیمسه
بیلمه دی ندیر ایشی دونیانین ؟!
گلن آغلار گئتدی گئدن دؤنمه دی
آخایدی گؤزونون یاشی دونیانین!

کیمینی مست ائدیر دایم گولدورور
کیمین باده سین قانا دولدورور
چیچه یی بورنوندا جوان اؤلدورور
سانکی چرخی اولوب ناشی دونیانین!

یار وصلینه حسرت قویور گؤزلی
چیرکینه خوش قیسمت وئریر ازلی
ویرانه دونیانی گزدیم گزلی
گؤرمه دیم ازیله باشی دونیانین.

کاتیب اوغلو وفا یوخدور دونیادا
گوونمه یالاندان شهرته-آدا
گدانی خان ائدر ، خانلاری گدا
نه یامان آجی ایمیش آشی دونیانین!
🍃
🍃🌺🍃

#کاتب_اوغلو
#کؤنولدن_دیله
#فارص_طیار_قولنجو
#اورمیه#قولنجو
#اورمیه_قلب_آذربایجان
#اورمو_شاعیرلری
#تورکجه_شعر
#شعر_توپلوسو
#اورمیه_تورک
#دده_کاتیب
https://www.instagram.com/p/CFmWD1yFb69/?igshid=bx4zbxmyho1

357 viewsMasuomeh_yekani, 13:39

#من_تورکم

شاعیر کؤنلومدن سؤز آخار یاغ کیمی
نعره چکر دهانیمدا دیل منسیز
باغلاسالار بولبول کیمی دیلیمی
سولار بیر-بیر لاله منسیز گول منسیز

ائل-اوبانی‌ وصفه چکن سؤز منیم
بو یایلایا دوغرو گیرن ایز منیم
اورمو زنگان اردبیل تبریز منیم
چنلی بئله گذر سالماز یئل منسیز

هر زامان بیر آدیم واردی یادیگار
نیظامی هم خسته قاسیم شهریار
گاه "دده کاتیبام" گاهدا "بختیار"
یالقیز قالار اوبا منسیز ائل منسیز

آلتایلاردان قالخیب گلن منم من
داغ-دنیزی سؤکوب گلن منم من
دالغا-دالغا آخیب گلن منم من
گلمز اولسام وطن قالار چؤل منسیز

آراز اولدوم خزر یولون یورودوم
قیزیل اوزن فریادینا سس وئردیم
قار اولوبان ساوالاندا اریدیم
اریمزسم چایدا آخماز سئل منسیز

تاریخلرده صایفا-صایفا آدیم وار
اوغوز خاندان چوخلو یادیگاریم وار
بیرجه کور اوغلویا مین نیگاریم وار
قهرمانلار یئرده قالار شیل منسیز

دده قورقوت سازین اله آلمیشام
خان چوبانین افسانه سین یازمیشام
سارای قیزی ماهنی لاردا چالمیشام
دوغرو چالماز او ساز داکی تئل منسیز

بیر آغاجام ییرمی ایکی بوتاغیم
اوزبک ، قازاق ، قیرقیز ،تورکو دایاغیم
آلتایلاردان بالکانلارا یاتاغیم
جهان اولار باشدان باشا چول منسیز

اورمو آدی گلسه کاظیم خان منم
مشروطه چاغیندا ستارخان منم
غیرتلی داماردا آخان قان منم
من آخماسام ضعفه یئتر قول منسیز

کاتيب اوغلو باخین گئچمیش ایزینه
دوغرو یازان شاعیرلرین سؤزونه
تاریخ میدانیندا یولون دوزونه
پهلوانلار آچا بیلمز یول منسیز.

#کاتب_اوغلو
#کؤنولدن_دیله
#فارص_طیار_قولنجو
#اورمیه #قولنجو
#اورمیه_تورک
#اورمیه_را_باید_دید
#تورکجه_شعر#شعر_توپلسو
#اورمو_شاعیرلری#تورک_شاعیرلر
#دده_کاتیب#دده_کاتب
#دده_کاتب_قولنجو
https://www.instagram.com/p/CG9c3ZRlNA7/?igshid=1eu05hsu37znx

669 viewsMasuomeh_yekani, 08:14

سس وسؤز : #کاتب_اوغلو

....هجران گئجه سی .....
🍁

اوزون گئجه بیتمز سنسیز .
بیر سلام سال صاباح اولسون.
شیرین دانیش دوداقلاردان .
تؤکولسون بال صاباح اولسون.
🍁
قلم دردی منه یازمیش .
حسرت عقلی مندن آلمیش.
انصاف ائیله باغلی قالمیش .
قاپيمى چال صاباح اولسون.
🍁
چوخ چکیرم آجی محنت .
باشا یئتمیر شب-ى فرقت.
سنی تانری ائتمه منت.
بو گئجه قال صاباح اولسون.
🍁
کاتيب اوغلو سنی اؤزلر.
گئجه گوندوز یولون گؤزلر.
سنین اوچون آغلیر گؤزلر.
کؤنلومو آل صاباح اولسون.
🍁

#کاتب_اوغلو
#کؤنولدن_دیله
#فارص_طیار_قولنجو
#دده_کاتیب_قولنجو
#دده_کاتب #تورکجه_ماهنیلار
#تورکجه_شعر #دیکلمه_ترکی
#اورمیه #قولنجی #قولنجو
#اورمیه_را_باید_دید
#اورمیه_قلب_آذربایجان_است
#اورمو_شاعیرلری #اورمیه_تورک
#اورمیه_تبریز_زنگان_اردبیل_همدان_قشقایی_ترکمن_سولدوز_قوشاچای_مرند
https://www.instagram.com/p/CKJWEkMpElz/?igshid=phbp13qic7ol

451 viewsMasuomeh_yekani, 12:38

شعر آخشامی

دده کاتیب آدی ایله قورولان بیر محفیل
اورمونون آدلیم شاعیرلر ، یازیچی لار و آشیقلاری ایله

بو مراسیمده کی دونن گئجه ، سودگونو - دونداران آیین اون ایکیسینده (۹۹/۱۱/۱۲) اولکر اینتشاراتینین دفترینده قورولدو ، بویوک عاریف و شاعیر رحمتلیک دده کاتیبین شعرلری آشیقلاریمیزین ایفاسی ایله گؤزل شکیل ده اوخوندو
محفیلین داوامین دا شاعیرلریمیز اوز شعرلریندن اوخویوب و داها آرتیق شکوه یارادیلار و ایکی یازار و شاعیرین تزه چاپ اولونموش کیتابلاری معرفی اولوندو

تانرینین یاردیمی ایله بو محفیلین هر ایکی هفته دن بیر داوامی اولاجاق

آللاهدان ائلیمیزین بوتون شاعیرلر ، یازیچیلار و آشیق صنعتکارلارینا جان ساغلیغی و بویوک عاریف و شاعیر دده کاتیب و اونون خلف اولادی اوستاد کاتیب اوغلونا رحمت و مغفرت دیله ییریک ، یوللاری گئدرگی اولسون

#دده_کاتیب
#کاتب_اوغلو
#فواد_طیار
#اسماعیل_مددی_اولکر
#حمید_شافعی
#بهرام_اسدی_سینماز
#فریده_سلیمانی
#عادل_شاهوردی
#آشیق_بخشعلی_صالحی
#آشیق_عسگر_عبداللهی
#نسیم_کهنسال
#حسن_عباسی
#آیسل_طیار
#قولنجو_اورمیه
#اولکر_نشریاتی
#یاز_نشریاتی

@dedekatib

441 viewsMasuomeh_yekani, 07:38

...آی قیز... باشیمین بلاسی جانیمین ایچی
آدین اولوب دیلده تک سؤزوم آی قیز
منه قیسمت سنی یازیب یارادان
نئجه بو یازینی من پوزوم آی قیز

باهاریم سن اولدون یازیم دا سنسن
پای آلدیغیم چوخوم آزیم دا سنسن
آشیق کیمین الده سازیم دا سنسن
آغزیمداکی دادیم هم دوزوم آی قیز

سندن آلدیم گوندوز ایشیق پاییمی
گئجه اولدوزومو گؤیده آییمی
سن وئرمه دین زایا منیم ساییمی
سنه قوربان اوللام من اؤزوم آی قیز

کاتيب اوغلو چکه بیلمز هیجرانی
سنسیز نئیلير داهی باغی گولشانی
قالمادی حسرته تابی - توانی
سن گئدرسن نئجه من دؤزوم آی قیز؟

#کاتب_اوغلو
#کؤنولدن_دیله
#فارص_طیار_قولنجو
#اورمیه#قولنجو
https://www.instagram.com/p/CB00sjoBRvu/?utm_medium=share_sheet

365 viewsMasuomeh_yekani, 06:28

گؤزل
🍃🌼🍃

تانرینین عالمه باخدیغی گؤزده
سئوگیلر باشلانان ازلسن گؤزل
کرمین اصلیه یازدیغی سؤزده
جیغایا بزنمیش غزلسن گؤزل

دوداغین قوشدورور سؤزلری جوته
گؤزلرین گیله سی بنزه ییر سوته
قیزارمیش یاناغین لاله دن اؤته
سن گوللردن بئله گؤزلسن گؤزل

گئجه نین گوندوزده باتدیغی زامان
شافاغی گونشه قاتدیغی زامان
دوعالار گؤیلره چاتدیغی زامان
دیلکلر ایچینده اوزلسن گؤزل

کاتيب اوغلو سؤزون بیتدیييی زامان
دیلیم کوفور دئسه ایسته رم آمان
چیخ اورتایا بلکه او یاریم قالان
تانرینین پارچاسی دوزه لسین گوزل

#کاتب_اوغلو
#کؤنولدن_دیله
#فارص_طیار_قولنجو
#اورمیه#قولنجو
https://www.instagram.com/p/CC0GX9PllnQ/?igshid=1svhukqhc2lfw

373 viewsMasuomeh_yekani, 17:55

483 viewsMasuomeh_yekani, 05:16

669 viewsMasuomeh_yekani, 11:36