شب گذشته ، تابلوهایی که شبانه در اطراف کوه‌های مرزی اورمیه نصب می‌شوند. چه هدفی را دنبال می کنند!؟...

این تابلو باید به زودی برچیده شود همین که شب این تابلو نصب می‌شود نشان می‌دهد مهاجران کرد دنبال تغییر اسامی تورکی هستند. کردها در اورمیه هیچ پیشینه تاریخی ندارند

#بوز_سینه
#بوزلو_سینه
#اورمیه
#اورمیه_تورک

@dedekatib

....دونیانین ....
🍃🌺🍃
🍃
نه لقمان آنلادی نه آیری کیمسه
بیلمه دی ندیر ایشی دونیانین ؟!
گلن آغلار گئتدی گئدن دؤنمه دی
آخایدی گؤزونون یاشی دونیانین!

کیمینی مست ائدیر دایم گولدورور
کیمین باده سین قانا دولدورور
چیچه یی بورنوندا جوان اؤلدورور
سانکی چرخی اولوب ناشی دونیانین!

یار وصلینه حسرت قویور گؤزلی
چیرکینه خوش قیسمت وئریر ازلی
ویرانه دونیانی گزدیم گزلی
گؤرمه دیم ازیله باشی دونیانین.

کاتیب اوغلو وفا یوخدور دونیادا
گوونمه یالاندان شهرته-آدا
گدانی خان ائدر ، خانلاری گدا
نه یامان آجی ایمیش آشی دونیانین!
🍃
🍃🌺🍃

#کاتب_اوغلو
#کؤنولدن_دیله
#فارص_طیار_قولنجو
#اورمیه#قولنجو
#اورمیه_قلب_آذربایجان
#اورمو_شاعیرلری
#تورکجه_شعر
#شعر_توپلوسو
#اورمیه_تورک
#دده_کاتیب
https://www.instagram.com/p/CFmWD1yFb69/?igshid=bx4zbxmyho1

گؤزل
💖
تانرینین عالمه باخدیغی گؤزده
سئوگیلر باشلانان ازلسن گؤزل
کرمین اصلیه یازدیغی سؤزده
جیغایا بزنمیش غزلسن گؤزل
💖

دوداغین قوشدورور سؤزلری جوته
گؤزلرین گیله سی بنزه ییر سوته
قیزارمیش یاناغین لاله دن اؤته
سن گوللردن بئله گؤزلسن گؤزل
💖

گئجه نین گوندوزده باتدیغی زامان
شافاغی گونشه قاتدیغی زامان
دوعالار گؤیلره چاتدیغی زامان
دیلکلر ایچینده اوزلسن گؤزل
💖

کاتيب اوغلو سؤزون بیتدیيی زامان
دیلیم کوفور دئسه ایسته رم آمان
چیخ اورتایا بلکه او یاریم قالان
تانرینین پارچاسی دوزه لسین گؤزل

💖
#کاتب_اوغلو
#کؤنولدن_دیله

@dedekatib
@zeynablotfi.69 دیکلمه
#زینب_لطفی
#فارص_طیار_قولونجو
#کاتب_اوغلو #کؤنولدن_دیله
#دده_کاتب_قولونجو
#دده_کاتب #شعر_توپلوسو
#تورکجه_شعر #دیکلمه_ترکی
#اورمیه_را_باید_دید
#اورمیه_تورک
#اورمولو_شاعیرلر
https://www.instagram.com/tv/CGrWjF0puWf/?igshid=16whl79o5qyum

#من_تورکم

شاعیر کؤنلومدن سؤز آخار یاغ کیمی
نعره چکر دهانیمدا دیل منسیز
باغلاسالار بولبول کیمی دیلیمی
سولار بیر-بیر لاله منسیز گول منسیز

ائل-اوبانی‌ وصفه چکن سؤز منیم
بو یایلایا دوغرو گیرن ایز منیم
اورمو زنگان اردبیل تبریز منیم
چنلی بئله گذر سالماز یئل منسیز

هر زامان بیر آدیم واردی یادیگار
نیظامی هم خسته قاسیم شهریار
گاه "دده کاتیبام" گاهدا "بختیار"
یالقیز قالار اوبا منسیز ائل منسیز

آلتایلاردان قالخیب گلن منم من
داغ-دنیزی سؤکوب گلن منم من
دالغا-دالغا آخیب گلن منم من
گلمز اولسام وطن قالار چؤل منسیز

آراز اولدوم خزر یولون یورودوم
قیزیل اوزن فریادینا سس وئردیم
قار اولوبان ساوالاندا اریدیم
اریمزسم چایدا آخماز سئل منسیز

تاریخلرده صایفا-صایفا آدیم وار
اوغوز خاندان چوخلو یادیگاریم وار
بیرجه کور اوغلویا مین نیگاریم وار
قهرمانلار یئرده قالار شیل منسیز

دده قورقوت سازین اله آلمیشام
خان چوبانین افسانه سین یازمیشام
سارای قیزی ماهنی لاردا چالمیشام
دوغرو چالماز او ساز داکی تئل منسیز

بیر آغاجام ییرمی ایکی بوتاغیم
اوزبک ، قازاق ، قیرقیز ،تورکو دایاغیم
آلتایلاردان بالکانلارا یاتاغیم
جهان اولار باشدان باشا چول منسیز

اورمو آدی گلسه کاظیم خان منم
مشروطه چاغیندا ستارخان منم
غیرتلی داماردا آخان قان منم
من آخماسام ضعفه یئتر قول منسیز

کاتيب اوغلو باخین گئچمیش ایزینه
دوغرو یازان شاعیرلرین سؤزونه
تاریخ میدانیندا یولون دوزونه
پهلوانلار آچا بیلمز یول منسیز.

#کاتب_اوغلو
#کؤنولدن_دیله
#فارص_طیار_قولنجو
#اورمیه #قولنجو
#اورمیه_تورک
#اورمیه_را_باید_دید
#تورکجه_شعر#شعر_توپلسو
#اورمو_شاعیرلری#تورک_شاعیرلر
#دده_کاتیب#دده_کاتب
#دده_کاتب_قولنجو
https://www.instagram.com/p/CG9c3ZRlNA7/?igshid=1eu05hsu37znx

یا محمد(ص)
🍃🌸🍃

انبیالر درسین آلیب
سیرتیندن یا محمد
عالملر منور اولوب
صورتیندن یا محمد

عالمه دلیل-ی خلقت
سنه فخر ائدیر بو امت
محشرده ائدن شفاعت
امتیندن یا محمد

ذکرین ائیله دی فلکلر
سجده قیلدیلار ملکر
اجابت اولدو دیلکلر
حورمتیندن یا محمد

موسی وئرمیشدی بشارت
عیسی ائتمیشدی اشارت
عرض ائیله دیلر ارادت
رغبتیندن یا محمد

ملائک وئردیلر صلا
شوقا گلدی ارض و سما
تیتره دی ایوان-ی کسرا
هئیبتیندن یا محمد

ائدنده قرآن تلاوت
صلوات اولسا علاوت
کونلومه وئریر حلاوت
رحمتیندن یا محمد

اوره ییم شوق ایله دولا
شفاعتدن پاییم اولا
کاتیب اوغلو عطرین آلا
تربتیندن یا محمد

#کاتب_اوغلو
#کؤنولدن_دیله
@ashiq_gholamreza
@fares.katipoglu
@konulden_dile

#فارص_طیار_قولونجو
#آشیق_علیزاده
#اورمیه_تورک
#تورکجه_شعر
#آشیقلار_دونیاسی
#میلاد_پیامبر_اکرم
#یا_رسول_الله
#یا_محمد_رسول_الله
https://www.instagram.com/tv/CHFvZkGhM5U/?igshid=g72ytwccmqc3

....چیلله.....
🍉
گئچدی آیلار باهار دوندو قیش اولدو
 یاغدی قارلار توپراق دؤندو داش اولدو
گلدی گئنه  چیلله بیزه توش اولدو
اوزون گئجه کورسو قوران یاخچیدی
دؤره سینه ائلی ییغان یاخچیدی .
🍉

گتیرین مانقالی دولو کؤز اولسون .
قورولسون کورسولر ایشلر دوز اولسون
باجالاردان چیخان توسسو توز اولسون
ائودن چیخسا توستو دومان یاخچیدی
چیلله گونو  کورسو  یامان یاخچیدی

🍉
چاغیر گلسین بیزه ائلی اوبانی
جننته  بنزه دین  ائوی  ایوانی
آچین کورسو اوسته گوللو یورغانی
چیلله  پایین اول آلان  یاخچیدی
سؤز صؤحبته سونا قالان یاخچیدی
🍉

دوزولسون سوفرایا شیرین یئمیشلر
آلمالار هئیوالار  بیرده کیشمیشلر
قدیمدن کیشیلر  دوغرو دئمیشلر
محببتی سؤزه قاتان یاخچیدی
کوسنلری باریشدیران یاخچیدی

🍉
گوندوز بوزدا قاردا  قالان اوشاغی
بوزلو سویا دوشموش سئرچه سایاغی
قیزدیرار جانینی  کورسو آیاغی
قیشدا سویوق هاوا بوران یاخچیدی
کورسو اوسته یئییب یاتان یاخچیدی

🍉
گؤزل آنام ماغیل ماغیل بیزلره
گئچمیشلردن دئییب ناغیل بیزلره
ناغیللاردا وئریب عاغیل بیزلره
ناغیللاردان عیبرت آلان یاخچیدی
عیبرتلری یادا سالان یاخچیدی
🍉

کاتیب اوغلو دیلده سؤز اولمایینجا
آشیغین  الینده ساز اولمایینجا
چیلله بیتمز کورسو کؤز اولمایینجا
شاعیر دئسه قوشما دیوان یاخچیدی
آشیق چالسا قوپوز کامان یاخچیدی

🌺🌺🌺🌺🌺🌺
#کاتب_اوغلو
#کؤنولدن_دیله
#فارص_طیار_قولونجو
#اسماعیل_مددی_اولکر
#اورمیه_تورک #اورمیه_قلب_آذربایجان_است
#اورمیه_را_باید_دید
#اورمولو_شاعیرلر
#تورکجه_شعر #تورکجه_ماهنیلار
#چیلله_گئجه_سی

حاضیرلایان : حسن عباسی
@hasan_abasi1367

@kuluncu_cty
@anayurdumquluncu
@quluncu_sasi
@urmiakhabarlary_ir
@ismail.ulker.m
@fuadteyyar1
@karanlik84dunya
@javad_menafoglu
@kral.1369
https://www.instagram.com/tv/CI-Bw11pbNL/?igshid=1b2qjwcf8n6u3

سس وسؤز : #کاتب_اوغلو

....هجران گئجه سی .....
🍁

اوزون گئجه بیتمز سنسیز .
بیر سلام سال صاباح اولسون.
شیرین دانیش دوداقلاردان .
تؤکولسون بال صاباح اولسون.
🍁
قلم دردی منه یازمیش .
حسرت عقلی مندن آلمیش.
انصاف ائیله باغلی قالمیش .
قاپيمى چال صاباح اولسون.
🍁
چوخ چکیرم آجی محنت .
باشا یئتمیر شب-ى فرقت.
سنی تانری ائتمه منت.
بو گئجه قال صاباح اولسون.
🍁
کاتيب اوغلو سنی اؤزلر.
گئجه گوندوز یولون گؤزلر.
سنین اوچون آغلیر گؤزلر.
کؤنلومو آل صاباح اولسون.
🍁

#کاتب_اوغلو
#کؤنولدن_دیله
#فارص_طیار_قولنجو
#دده_کاتیب_قولنجو
#دده_کاتب #تورکجه_ماهنیلار
#تورکجه_شعر #دیکلمه_ترکی
#اورمیه #قولنجی #قولنجو
#اورمیه_را_باید_دید
#اورمیه_قلب_آذربایجان_است
#اورمو_شاعیرلری #اورمیه_تورک
#اورمیه_تبریز_زنگان_اردبیل_همدان_قشقایی_ترکمن_سولدوز_قوشاچای_مرند
https://www.instagram.com/p/CKJWEkMpElz/?igshid=phbp13qic7ol

@fuadteyyar1
@fares.katipoglu
@javad_menafoglu
@quluncu_sasi
@anayurdumquluncu
@kuluncu_cty
@urmiakhabarlary_ir
@guzel_urum
@bizim.kandimiz
@yashilqushchu2_official

#دده_کاتیب
#دده_کاتب
#دده_کاتب_قولونجو
#کاتیب_اوغلو
#کاتب_اوغلو
#کؤنولدن_دیله
#فارص_طیار_قولونجو
#اورمیه_قلب_آذربایجان_است
#اورمولو_شاعیرلر
#تورکجه_شعر
#اورمیه_تورک
https://www.instagram.com/tv/CLb0XDHp6ZT/?igshid=1fe7xd2l4n04r

سؤزلر : #کاتیب_اوغلو
سس : #رضا_تبریزلی

گؤردوم

مظلومو آغلادان  ظالیم انسانی
گؤزوندن یاشلاری آخاندا گؤردوم
نانجیب انسانی  مغرور آدامی
مزارین توپراغی سیخاندا گؤردوم
 
آرا قاتیب فساد  توخمون  اکنی
مغرورلانیب خلقین عیبین سؤکنی
یئتیمین مالیندان  سارای تیکنی
قوردوغونو فلک ییخاندا گؤردوم

  نفسینه اویانی  یولدان جایانی
منت ایله یئره قدم قویانی
اؤزونو ائلیندن اوستون سایانی
جسدی مزاردا قوخاندا گؤردوم

کاتيب اوغلو سؤزوم اوزمه سین سنی
قوهومدان صلله یی رحمی  کسنی
اؤزوندن ضعیفه  جوشوب اسنی
اجل باشی اوسته شاخاندا گؤردوم

#کاتیب_اوغلو
#کاتب_اوغلو
#کؤنولدن_دیله
#ریضاتبریزی
#رضا_تبریزلی
#تورکجه_شعر
#اورمولو_شاعیرلر
#تورکجه_ماهنیلار
#اورمیه_قلب_آذربایجان_است
#اورمو_گؤلو #اورمیه_تورک
#دده_کاتب #دده_کاتیب
https://www.instagram.com/p/CMFqzmLJsNd/?igshid=1pxjtc0ik33t3

رحمتلیک اوستاد کاتیب اوغلونون ، ایل دؤنومو مناسبتیله و مهندیس حمید شافعی جینابلاری و مهندیس فواد طیار ین مساعیده سی ایله دونن آخشام سودگونو بایرام آینین ۲۴ اینجی گونو ، اورمو شهرینین ده یرلی شاعیرلر ، یازیچیلار و آشیقلارین اشتراکی ایله بیر محفیل قورولدو و مراسیمین سونوندا اوستادین تکجه یادیگاری خانیم سلدا طیار بوتون قوناقلاردان تشککورلرین بیلدیریب.
اولو تانریدان اوستاد کاتیب اوغلونا رحمت و مغفرت دیله ییریک و آذربایجانیمیزا و تورک ادبیاتینا چالیشان اینسانلارا جان ساغلیغی آرزولوروک
#کاتیب_اوغلو #کاتب_اوغلو
#کؤنولدن_دیله #فارص_طیار_قولونجو
#دده_کاتب #دده_کاتیب #دده_کاتب_قولونجو
#اورمیه_تورک #اورمیه_انزل #اورمیه_قولونجو

@fares.katipoglu
@fuadteyyar1
@selda.tayyar
https://www.instagram.com/tv/CMcauKwp-gm/?igshid=9b170r61vtbf

سلام....

مژده گلدی بیتدی قیش اریدی قار
داغلار داشلار وئریر بهارا سلام
صاباح یئلی گزیر باغی گولشانی
 گولشانا گوندیریر قناری سلام

سلام اولسون آذربایجان ائلینه
شیرین سؤزلو قدیم تورکجه دیلینه
باهار  یاغمورونا  اسن  یئلینه
قونچاسی آچیلمیش گلزارا سلام

بزنسین یوردومون هربیر یانی
شهیدلرین شانلی یوردو مکانی
سئومیشم بو گؤزل ائلی اوبانی
وحدته باغلانان ایلقارا سلام

کاتیب اوغلو گولون عشوه سی نازی
داغدا کهلیک باغدا بولبول آوازی
گؤزلدی یوردومون باهاری یازی
 اورمو کیمن گؤزل دیاره سلام

#کاتب_اوغلو #کاتیب_اوغلو #کؤنولدن_دیله #فارص_طیار_قولونجو
#دده_کاتب #دده_کاتیب #قولونجو
#دده_کاتب_قولونجو #اورمیه_قولونجو
#اورمیه_قلب_آذربایجان_است
#اورمیه_تورک #اورمیه_انزل
#اورمولو_شاعیرلر #شعر_اوجاغی
#تورکجه_شعر #تورکجه_ماهنیلار
https://www.instagram.com/p/CMv_XWTFH98/?igshid=wsobhqrio2qa