داها ...
🍁🍁🍁🍁🍁

دلی کؤنلوم هانی مجنون کیمی دیوانه داها.
شمعه طواف ائدیب ناره یانان پروانه داها.
کیم تانیر بیر فرهاد داغی چاپا عشقین گوجونه
وارمی مجنون اونا مسکن اولا ویرانه داها


قلمده جوهر بیتیدی یازمیر نامه نی یاره
شاعیر داها سؤز یاراتمیر نه غنچایا نه خاره.
عشقین ماهنیسی جور گلمیر نه قوپوزا نه تاره
یوخ تجنیس ائشیدن قولاق آسان هجرانه داها


کوهنه سسدی ساری گلین روحانی یانیق کرم
نئینیرم دیواردان آشام یار باغیندان گول درم
کوچه لر توز اولسا اولسون نئنیرم من سو سپم
کیمسه یوخدو قولاق وئره بئله داستانه داها


ایندی گرک عشقی یازان کاغاذا یئل آپارا
هامی گوزلرین یوموبدور سارانی سئل آپارا
سیندیرین کرمین سازین اصلینی ائل آپارا
یوخ ائله عاشیق بنزییه شیخ صنعانه داها



سیزی تاری اوخشاتمایین قاشی بیرده کمانه
ساری کؤینه گی آت گئتسین اویماییر بو زمانه
عبثدی داهی آختارما قارا گؤزدن نیشانه
آرشین مالی مشدی عیباد گلمیر میدانه داها


شعره قادر آللاه یازسان سنه ائللر گوله جک
کور اوغلو نیگاردان دئسه اونا دیللر گوله جک
قاچاق نبی ایندی گلسه اونا ایللر گوله جک
کاتيب اوغلو کوهنه لیبدی بئله افسانه داها
🍁🍁🍁🍁
#کاتب_اوغلو
#کؤنولدن_دیله

@dedekatib

حسرت باخیشیم
🍃🌸🍃
🍃
گؤزلرینه چاتمیر حسرت باخیشیم
گیله لر اویناییر باخیش چاتینجا
اوخونمور کدریم ایسلاق گؤزومدن
گؤزمدن یاناغا یاغیش چاتینجا

بیتیریر باخیشین قالان سوره یی
ایتیریر آرادا دوزو-چوره یی
چاتلاییر فلگین پاخیل اوره یی
گؤزوندن گؤزومه آخیش چاتینجا

اینان بیرجه باخیش کؤنلومو آلار
چکدیيیم آجیلار آرخادا قالار
یاخچینی یامانی اونوتماق اولار
کؤنولدن کؤنوله باغیش چاتینجا

کاتيب اوغلو دئییر دایان دور هله
سؤنموش آتشينده واردی قور هله
یئنیدن باشلاماق دئییل زور هله
گؤزده کی شیمشکدن چاخیش چاتینجا
🍃
🍃🌸🍃
#کاتب_اوغلو
#کؤنولدن_دیله

@dedekatib

...سرخوش....
🌺

سحر وقتی گیردیم دوستون باغینا .
غنچا سرخوش بوداق سرخوش گول سرخوش.
لاله بویون أییر صاباح یئلینده .
لاله سرخوش ، صبا سرخوش ، یئل سرخوش.
🌺

یار أیله نیب باده ألده خوش ها خوش .
گوموش کمر اینجه بئلده خوش ها خوش
شانه گزیر سیاه تئلده خوش ها خوش.
باده سرخوش ، شانه سرخوش ،تئل سرخوش
🌺

سمالاردا قاناد چالیر دورنالار .
یاشیل سونا ماوی گؤلده سولانار .
گؤز إئوینده حوری کیمی دولانار .
دورنا سرخوش ، سونا سرخوش ، گول سرخوش.
🌺

کاتيب اوغلو یاره مهمان قال ها قال .
بیرگون دئییل بیر آی دئییل سال ها سال.
یار صؤحبتی شکر دئییل بال ها بال .
دهان سرخوش ، دوداق سرخوش ، دیل سرخوش
🌺
#کاتب_اوغلو
#کؤنولدن_دیله

@dedekatib

.... تؤکولور.....
🔶

حسرتینده چرپینان کؤنلومون غمی
بیر بیر یاشا دؤنور گؤزدن تؤکولور
صبریم جامی داشیر غم باشدان آشیر
طاقتیم طاق اولور دیزدن تؤکولور

🔶

زایا گئتدی پاییم آرزی-دیلکدن
یئر سالیب خیالین چیخمیر اورکدن
هئچ بیر شیکایتیم یوخدو فلکدن
باخسان قارا بختیم اوزدن تؤکولور

🔶

وصالین حسرتی دوشوبدور جانا
آیریلیق نه بیتیر، نه یئتیر سانا
هانسی دیلده دئییم وفاسیز قانا
کؤنلومده کی حسرت سؤزدن تؤکولور.

🔶

کاتيب اوغلو هله چکیر انتظار
محنتین کؤنلومو ائدیب تارمار
فرقتین اودونا یاندیم آی هاوار
کوللریم قیزارمیش کؤزدن تؤکولور
🔶
#کاتب_اوغلو
#کؤنولدن_دیله

@dedekatib

یازیق اورمو گؤلوم

گؤزلریمده باخیشلار
گؤینه دی،یاندی
کیرپیکلریم ..
سنی دوروخدو !.

سویون یوخ کی
دوزلارین یاندیران
توپراغی سؤندوره

سنده کی خاطیره لری
سو دئییل
دوز بوغور
الوان دویغوجیق لار !
دوز دومانیندا
بوغولماقجاسینا چیرپینیرلار

..
بورنوموزدان
سئوینجیمیز
فیتیل-فیتیل گلدی ،
آنا دؤشوندن امدیگیمیز سوت کیمی..
بوغازیمدا کی سؤزلر
قان کیمی لخته لندی
دوز کیمی سپه لندی
سنی قوروموش گؤرنده ـ
کوراوغلونون قیرآتی
کیشنه مه دن گئچدی ،
بابکین قلینجی
دوزو کسمه دی


اولونجه سینه سسیزیلیک !!
دانیشان دیللر دوستاغدا!
نه دئییم آخی
آی هاواااررررر
بو همان اورموگولودو؟؟؟؟؟؟!!!!!!!!


بو آغیر نیسگیلده
داغلارا یاندیم
سس سیز،سمیرسیز
سولان باغلارا یاندیم
دورنالار بیزیم یئریمیزه
اوتاندیلار
لئی لکلر
دیمدیکلرینی باغرینا تاخدیلار

آما بیز اوتانمازجاسینا
هله ده
دوزلاردا گومولموش
لئتگه لرین گلمه سینی
گوزه له ییریک
یالانجاسینا
اورموگؤلونو
اوزه له ییریک

#کاتب_اوغلو
#کؤنولدن_دیله

@dedekatib

....آغلادیم.... .
🍁

نازلی دلبر سندن اوزاق دۆشه‌لی
گؤزوم یولدا قالا - قالا آغلادیم
گؤزو یاشلی ائوین بوجاقلاریندا .
سنی یادا سالا - سالا آغلادیم .
🍁
فلک وئردی آیریلیغی پای منه
ماتم توتدو گۆنش منه آی منه
خزان اولدو باهار منه یای منه
کؤنول باغیم سوْلا - سوْلا آغلادیم
🍁

باهار بیتدی پاییز اولدو گلمه‌دین
بوجاقلاردا یالقیز قالدیم بیلمه‌دین
گؤز یاشلاریم آخار اولدو سیلمه‌دین
گؤیلومه قان دوْلا - دوْلا آغلادیم .
🍁

کاتيب اوغلو سنسیز اولدو پریشان
کیم بیلیر آیریلیق دردینه درمان .
ائو - ائشیگیم منه اولوبدو زندان
ائل ایچینده گۆله - گۆله آغلادیم

🍁
#کاتب_اوغلو
#کؤنولدن_دیله

@dedekatib

...بو گونلر....
🍁

بیلمیرم باشیمین نه قضاسی وار ؟
هر نئینیرم اوزوم گولمور بوگونلر.
نه دوداق ترپنیر نه دیل دولانیر .
الیم گؤز یاشیمی سیلمیر بو گونلر.
🍁
اؤلو کیمی قالدیم ساغلار ایچینده.
گونوم باتدی قارا چاغلار ایچینده.
یاوان چوره ک کیمی یاغلار ایچینده
کیمسه چکدیيیمی بیلمیر بو گونلر .
🍁
گناه منده دیر یا یازیب سیلنده .؟
نئچه ایل آغلادیر بیرگون گولنده.
گؤزون یومور فلک دردی بؤلنده.
انصاف ایله دردی بؤلمور بوگونلر.
🍁
کاتيب اوغلو بلا دوشدی پاییما .
شاختا گلدی باهاریما یاییما .
یامان گونده کیمسه گلمز هاییما
قارا گئجم صاباح اولمور بو گونلر..
🍁
#کاتب_اوغلو
#کؤنولدن_دیله

@dedekatib

دوشمه سین
🍃🌺🍃
🍃
بيردیلگیم واردیر سندن آی آللاه
یئتیمین گؤزلری سولو  دوشمه سین
غیرتلی آجیندان اولسه ده اولسون
مننتلی سوفرایا یولو دوشمه سین

مردین سیرین سالما ائلین دیلینه
محنتی یوکله مه یوخسول بئلینه
شیادین تورونا    ظالیم  الینه
 آللاهین  چاره سیز قولو دوشمه سین
       

 داغلاسا کؤنلونو حسرت  داغلاسین
 آغلاسا محنتدن  قویون آغلاسین
باغلاسا گؤزلین بختین باغلاسیین
بوینونا چیرکینین قولو دوشمه سین


گزدیرمه سن باغدا چولده چیمنده
توتساق ائتسن قاردا دوماندا چنده
ایگیدی یاندیرسان  یاندیر وطنده
یادلار اوجاغینا کولو دوشمه سین

کاتيب اوغلو گؤزو  نم اولسا اولسون
فلگین باخیشی کم اولسا اولسون
جانلی جانلی قوردا یئم اولسا اولسون
کافتارین دیشینه اؤلو دوشمه سین
🍃
🍃🌺🍃
#کاتب_اوغلو
#کؤنولدن_دیله

@dedekatib

....آغلادیم.... .
🍁

نازلی دلبر سندن اوزاق دۆشه‌لی
گؤزوم یولدا قالا - قالا آغلادیم
گؤزو یاشلی ائوین بوجاقلاریندا .
سنی یادا سالا - سالا آغلادیم .
🍁
فلک وئردی آیریلیغی پای منه
ماتم توتدو گۆنش منه آی منه
خزان اولدو باهار منه یای منه
کؤنول باغیم سوْلا - سوْلا آغلادیم
🍁

باهار بیتدی پاییز اولدو گلمه‌دین
بوجاقلاردا یالقیز قالدیم بیلمه‌دین
گؤز یاشلاریم آخار اولدو سیلمه‌دین
گؤیلومه قان دوْلا - دوْلا آغلادیم .
🍁

کاتيب اوغلو سنسیز اولدو پریشان
کیم بیلیر آیریلیق دردینه درمان .
ائو - ائشیگیم منه اولوبدو زندان
ائل ایچینده گۆله - گۆله آغلادیم

🍁
#کاتب_اوغلو
#کؤنولدن_دیله

@dedekatib

.... گلسین


قاطار قاطار گویده اوچان دورنالار.
گئدیب یاره دییین ایمانه گلسین .
چوخدان اوزاق گزیر ائلدن اوبادان .
دانماسین ایلقاری پیمانه گلسین.


دیین یاده سالسین گولشانی باغی
یاندیرسین کونلومده سؤنن چیراغی
زیروه سی دومانلی او قارلی داغی
بولود کیمی آشیب بویانه گلسین.


توکمه سین عاشقین ناحاق قانینی
باغیشلاسین گوناهینی جانینی.
گونش باشلاداندا ایشیق دانینی
قوشولسون یولداکی کروانه گلسین.


کاتیب اوغلو دییر یالوارین یاره .
ائیله سین درمانسیز دردیمه چاره.
چاتاندا زیمستان گؤزل بهاره .
قاییتسین اوبایا گولشانه گلسین

#کاتب_اوغلو
#کؤنولدن_دیله

@dedekatib