دده کاتب نه سؤیله یه نه دینه؟

کیم باخیر وجدانا کیم باخیر دینه؟

پول وِئرسه لَر جَهَنَّمه گِئدَنه

جنَّتین بازاری چوخ کَساد اولور



#دده_کاتب

@dedekatib

.......وطن ناله سی....


بو گون گئنه.
دانیشدیقیم سؤزده.
یازدیغیم شعيرده.
.......
غریب بیر قوخو وار..
. سانکی سؤزلریم .
توپراق قوخویور.
.............
شعریمده ...
سینه سیندن قان آخان.
یارالی قارا باغیمین.
یادلارین آیاغی آلتیندا ازیلمیش
ناله سینین سسی وار.
.......
بوگون قلمیم .
قاراباغی یازا بیلمیر.
بو گون دفتریم مندن .
... کوسوب.....
........
بوگون شعریمه الهام گلمیر.
بو گون شاعیر اولماقدان .
....اوسانمیشام...
بلکه ده عکسینه .
شعر مندن کوسوب.
.........
ایچیمده تانیمادیغیم بیری .
هایخیریر:
بسدی اوتان
قلمی قوی یئرینه
باريت قوخویان
سیلاحی آل الینه.
.......
نه زاماندی پار چالانمیش وطنیم .
های های باغیریب .
منی چاغیریر .
ایللردی سارالمیش قاراباغ.
منده کی غیرت دامارین سیناییر.
..........
سانیرام بسدی داها.
گرک قالخیب هایخیرام :

آاای.... قاراباغیم :

باغیشلا منی
یوبانمیشام آمما
گؤزله
...گلیرم
.......
#کاتب_اوغلو
#کؤنولدن_دیله

@dedekatib

بیز ایکیمیز بیر جان ایدیق؛
آیریلمیشام ، مین اولموشام.
آلله هیم سان، ایندی سنه_
چاتماق اوچون دین اولموشام.

اؤز یولومو بیلن ایدیم
سوکان ایدیم _ یئلکن ایدیم
بیر زامانلار من ، من ایدیم
ایندی دؤنوب سن اولموشام.

نه گئجم وار _ نه گوندوزوم
قیشقیریرام : نئجه دؤزوم؟!
چیغیردیقجا ایندی اؤزوم
سس اولموشام ؛ اون اولموشام.

دنیز کیمی چالخالاندیم
قایا کیمی لال دایاندیم
آیریلیغی علاج ساندیم_
گؤرورم کی یانیلمیشام...!

#بختیار_وهابزاده

🥀 @dedekatib 🥀

اولو واحید :
تسدیس

رحمتلیک "صمد منصور "ون ،

یانسین دیلیم آغزیمدا دئسم نازینی آز ائت!
ناز ائت منه ای سئوگیلی جانان منه ناز ائت!
غزل مطلعینه.


اوول باخیشیندا منی حئیران ائله دین سن
بیر اینجه گولوشله اوره ییم قان ائله دین سن
سونرا منی بیر لوطف ایله خندان ائله دین سن
کافر قیزی! آخیر منی صنعان ائله دین سن
" یانسین دیلیم آغزیمدا دئسم نازینی آز ائت!
ناز ائت منه ای سئوگیلی جانان منه ناز ائت!"

خلق ائیله میش اوءز کئیفی گلنده سنی تاری
اوءلدور! بو بلادن منی قورتار سنی تاری!
رحم ائت منه! بیگانه یه ناز ائیله مه باری
آلقیش ائله بیر عاشیقه ، وار سن کیمی یاری
اینصاف ائله اوءز عاشیقینی محرمی-راز ائت!
" ناز ائت منه ای سئوگیلی جانان منه ناز ائت!"

آیینه نی حئیرتده قویوب عکسی- جمالین
خورشیدی خجالتده قویوب عاریضی- آلین
عاشیقلری حسرتده قویوب زولف ایله خالین
بلکه اولا قیسمت بیزه گولزاری- وصالین
هردن بو سینیق کوءنلومو بیر لوطف ایله ساز ائت!
"ناز ائت منه ای سئوگیلی جانان منه ناز ائت!"

گوءردوم گوءزلیم اوءزگه یه سن ناز ائله ینده
آز قالدی کی روحوم اوچا، جان قالمایا تنده
بو ناز و نزاکت وار ایکن بیر بئله سنده
درد اهلی اینان دوشمه یه بیلمز بو کمنده
دائیم بو گوءزل خیلقته سن راز و نیاز ائت!
" ناز ائت منه ای سئوگیلی جانان منه ناز ائت!"

تیفلیس شه هرین ائیله میش هر کیمسه کی ایجاد،
تانری ائله سین روحونو عالمده گوءروم شاد!
جننت کی دئییرلر ائدیب ایجاد اونو شدداد،
بوردان آپاریب حوری و قیلمان و پریزاد
یارب! بو پری چوءهره لری بنده نواز ائت!
" ناز ائت منه ای سئوگیلی جانان منه ناز ائت!"

دونیا اوزونه یاخشی گوءزللر گلیب هرچند،
اولماز سنه بیر اوءلکه ده نه میثل، نه مانند!
تبریز، باکی، تهران، شه کی، شیروان، قوبا، دربند
گنجه، قاراباغ، شهری- بوخارا و سمرقند
ایسترسن اگر عزمی-رهی- مولکی- حجاز ائت!
"ناز ائت منه ای سئوگیلی جانان منه ناز ائت!"

اولما گوءزلیم صورتینه بیر بئله مغرور!
من ائتمیشم، عشقینله سنی عالمه مشهور
هیجرینده منی ائیله مه قم چکمه یه مجبور!
بیردم حرمی- وصل ایله ائت قلبیمی مسرور!
درگاهه همین قول دئیه، مانندی- ایاز ائت!
"ناز ائت منه ای سئوگیلی جانان منه ناز ائت!"

واعیظ! ائله ظنن ائیله مه حققی دانیرام من
نه کعبه، نه بوتخانه، نه مسجید تانیرام من
لاکین اوءزومو حق سئوه ن اینسان سانیرام من
دونیادا فقط، بیرجه محببت قانیرام من
سن گئت هله اوءلموشلره، تکلیفی- نماز ائت !
" ناز ائت منه ای سئوگیلی جانان منه ناز ائت!"

" واحید!' دئمه من دائیمی یم ذوق و صفاده!
" منصور"ی ده یاد ائتمه لی ییک داری- فناده
بو مصرعی- نازی او دئمیش بیر بئله ساده
یارب! سن اونا رحمتینی ائیله زیاده!
قبر ایچره اونون روحونو لوطف ایله فراز ائت!
"ناز ائت منه ای سئوگیلی جانان منه ناز ائت!"

#عقیل_مرادی_ائلدار

#شعیر_کیریلجه_دن_اولدوغو_کیمی_کؤچورولدو.


🌼 @dedekatib 🌼

گؤزله‌ییرم یئنه سنی
اؤزگه‌نین اولساندا تانری
چوخ گؤرمه‌سین منه سنی

کۆسمه‌رم گلدین، گلمه‌دین
سن گئتدین من کی اؤلمه‌دیم
حئیف گتیره بیلمه‌دیم
سئوگی آدلی دینه سنی

دووارینا هؤرولوم کاش
یوللارینا سریلیم کاش
یۆز یول اؤلوم - دیریلیم کاش
سئویم دؤنه-دؤنه سنی

#رامیز_روشن
گئجه نیز اولدوزلو عزیز یول بیرلر 🌙🌟

@dedekatib

پیس گونلرده همیشه اومودوز اولسون!
چون همیشه گؤزل یاغیشلار قره بولودلاردان یاغار

سلام دوستلار ، خئیرلی جومعه لر

@dedekatib

بیرنی سئودیم
🍃🌼🍃
🍃
ازل گونو عاشق اولاندا کؤنلوم
بیرینه باغلاندیم بیرینی سئودیم
چوخ گؤزللر  گؤردوم ازلدن آما
بیرینه باغلاندیم بیرینی سئودیم

الست گونو وصال باده سین ایچدیم
یوز ییرمی دؤرد میندن بیرینی سئچدیم
جنتی ایستمه دیم دونیادان  گئچدیم
بیرینه باغلاندیم بیرینی سئودیم

بیر عارف ایستیرم سؤزمو قانا
اون ایکینی دؤردو آتدیم بیریانا
جان دئمیشم بیر تک گؤزل جانانا
بیرینه باغلاندیم بیرینی سئودیم

کاتيب اوغلو بیرده قالدی دایاندی
جهانی یاندیردی  بیرینده یاندی
دیل اقرار ائیله دی عقلیم اویاندی
بیرینه باغلاندیم بیرینی سئودیم
🍃
🍃🌼🍃
#کاتب_اوغلو
#کؤنولدن_دیله

@dedekatib

ائی خسته کؤنول، دردینه درمان طلب ائیله!
گر جان دیلر اینسان، یئری، جانان طلب ائیله!

چون خیضر حیاتی-ابدی بولماق اومورسان،
جان تنده‌ایکن، چشمه‌یی-حئیوان طلب ائیله!

ائی بولبولی-قودسی! نه گیریفتاری-قفس‌سن؟
سیندیر قفسی، تازه گولوستان طلب ائیله!

تحقیق خبردیر بو کی: «الجِنس مِن‌الجنس»
زینهار، گل ائی آدمی، اینسان طلب ائیله!

دیو ایله موصاحیب اولانین دینه خطادیر
اینسانه ایریش، صؤحبتی-رحمان طلب ائیله!

گر بنده یی-طالیب‌سن‌و مطلوب دیلرسن،
فرمانه بویون سون، اولو سولطان طلب ائیله!

ارکان‌سیز اولانلارلا رفیق اولما، «نسیمی!»
یول اهلی گؤزَت، سن ادب-ارکان طلب ائیله...!

#عمادالدین_نسیمی


🌸 @dedekatib 🌸

گؤروم سین سین آیریلیغین بوز الی
اؤتن گونلر مزه لیدی مزه لی!
یادیندادی بئش ایل بوندان ازلی_
بیر دفعه کوسموشدون نازینین اوسته؟!

بولاق اوسته بیر منیدیم بیرده سن،
بیزی باریشدیردی او شئه لی چمن،
بیر بوسه ایسته دیم گولومسه دین سن_
ساغ الینی قویدون گوزونون اوسته!

بولاق اوسته "اودا" دوشدوق آلیشدیق
ساعاتلارلا بیر _ بیریله ساریشدیق
بیز کی ایلقار وئریپ _ بیز کی باریشدیق
بس نییه دورمادین سؤزونون اوسته؟!

عجلین قیلینجی باشا سؤیکه نیب
طالعین قیلینجی یاشا سؤیکه نیب،
بختیم سن سؤیکه نن داشا سؤیکه نیب_
ائله بیل باش قویدوم دیزینین اوسته...!

#زیاد_صمداوغلو


🥀 @dedekatib 🥀

کپنک کیمی دیر عشق،
آنلامایانا عؤمرو گونلوک،
آنلایانا بیر عؤمورلوک...

#ناظیم_حیکمت

@dedekatib

اوزاقدان آلیرام رایحه‌سینی،
گلیر، گؤزلرینه قوربان اولدوغوم.
هله اوغرون_اوغرون گؤزوندن گولور_
گولور، گؤزلرینه قوربان اولدوغوم!

قوپاردیب قلبیمی گرک سینه‌مدن،
اونا گول یئرینه باغیشلاییم من.
اؤزو ده بیلیر کی منیم دردیمدن _
اؤلور گؤزلرینه قوربان اولدوغوم!

نه خزره بنز‌ر، نه ده گؤی گؤله،
جانلی موسیقی‌دیر، قولاق آس_دینله
هر بیر سئوینجینی یالنیز منیمله _
بؤلور گؤزلرینه قوربان اولدوغوم!

یولومو کسسه ده یانار جهنم،
اینان اود _ آلووو یاریب گلرم
آخی اونون اوچون منده اؤلرم_
بیلیر گؤزلرینه قوربان اولدوغوم!

گلیر فیرنگیزیم، قارلی نرگیزیم
گؤزوم، گول بنیزیم، گونش بنیزیم
بوتون گؤزل‌لرین الیندن منی،
تکجه اؤزو اوچون قاپان عزیزیم!

گل _گل، کؤکسومه قوی مغرور باشینی
حیس ائله قلبیمین چیرپینیشینی
یاناشیر... گؤزومون سئوینج یاشینی _
سیلیر گؤزلرینه قوربان اولدوغوم!

✍#خلیل_رضا_اولوتورک

@dedekatib

پنجره نی کولک دؤیوب آغلاسا،
ائیوانینا قوشلار قونوب آغلاسا
اوره یینی ناله ن یونوب آغلاسا،
ایچینده یان، آغی دئییب آغلاما _
آغلاماغین یئری دئییل، آغلاما !

بو دؤیوشدو ، ازیلن وار _ ازن وار
اؤلوم حؤکمو قولتوغوندا گزن وار
بوردا بیزیک، نه من واردیر نه سن وار
یوخ آغلاما ، آنا میللت آغلاما _
قورخورام کی سینا میللت، آغلاما !

حایقیر کؤنول، بوندان بئتر چاغ هانی؟!
انسان یانیر، تورپاق یانیر، داغ یانیر
باجیم ! ایندی آغلاماغا واخت هانی؟!
قارداش دئییب_یوردداش دئییب آغلاما
آغلاماغین یئری دئییل آغلاما !

أییلمک دیر آغلاماغین ترس اوزو
دردی دارتیب ، اوزمه یه نی درد اوزور
آغلایانی تئز ده تاپیر درد_حوزور
بلکه تانری بئله یازیب ، آغلاما _
سسینی بوغ میللت قیزی، آغلاما .

بو تورپاغین سون قوربانی من اولسام،
اؤز اودومدا یانیب کوله تن اولسام،
ائلدن اؤتن گولله له ره دن اولسام
آتا میللت! اوغول دئییب آغلاما _
آغلاماغین یئری دئییل آغلاما...!!!


#ممد_آراز

🌺 @dedekatib 🌺

گونون يورقونلوغو
گئجه‌نين سكوتونا قوربان گئتسين
گؤزلرينيزه شيرين يوخو
اوره كلرينيزه دينجليك دولسون..
گئجه‌نيز اولدوزلو دیرلی یول بیرلر🌙⭐
@dedekatib

✨✨✨

🌼سلام یولداشلار🌼
🌼 سحريز خئیر 🌼
🌼ياشاميز ياشيل 🌼
🌼اوزونوز گولش 🌼
🌼گؤزونوز آيدين 🌼
🌼آغزینیز شیرین 🌼
🌼 سؤزنوز بال 🌼
🌼اورگینیز ایشیق 🌼
🌼اوجاغیز ایستی 🌼
🌼 کئفینیز ساز 🌼
🌼جانینیز ساغ 🌼
🌼گونلریز خوش 🌼


@dedekatib

#اورمو_گؤلو اول آللاه آد اولسون

کؤنلوموزده دائیم آللاه یاد اولسون

آزربایجان میللتیمیز شاد اولسون

خوش دوشونک،خوش چالیشاق،خوش بیلک

بیر-بیرایله خوش دانیشاق خوش گولک

🌺🌺🌺


#اورمو_گؤلو باهارلارین،یازلارین

گؤللرینده، اوردک،سونا ، قازلارین 
 
تورکوآشیقلارین تورکو ساز لارین

چالیب اوخوسونلار داغیلسین غم لر

آرامیزدان گئتسین کدر سیتم لر

🌺🌺🌺

#اورمو_گؤلو من باغلی یام ائللره

آزربایجانا هم تورکو دیللره

نیسان یاغمورونا آخان سئل لره

یاغمور وورسون پاسلاریمیز سیلینسین

چیرکین لیک،گؤزل لیک او وقت بیلینسین

🌺🌺🌺

#اورمو_گؤلو تورک اوغلیوق تورکوک بیز

یوردوموزون قوروقچوسو تورکوک بیز

باشماق اولمامیشیق هرواخت بؤرکوک بیز

تاریخ بویو اوجالمیشیق اوجاییق 

دوشمن لر سانماسین دوشگون قوجاییق

🌺🌺🌺

#اورمو_گؤلو "دده کاتیب "هله وار

زامان چرخی باشین قاتیب هله وار 

اویانماییر بختی یاتیب هله وار

بیرگون اولا یاتمیش بختی اویانا

غیرت آتی مینیب چاپارمیدانا

#دده_کاتب

@dedekatib

( قلم گونو مناسبتیله )

آماندیر!

آماندیر قویما شاختا ائلده دولانسین
سازاقلی آیازلار ساچ یولاجاقدیر
یاغمور کیمی یاغسا دویغو کؤنولدن
عؤمور دفترینه سؤز دولاجاقدیر.

تالانسا دا عؤمرون ، قورخما تالاسین
سینه نده دردلرین دَیمه قالانسین
بوراخ صبرین جامی داشیب جالانسین
قوشدوغون نغمه لر اوج آلاجاقدیر

سن یاز اینجی کیمی دوزولسون سؤزون.
قوی ابدی اولسون عشقینده ایزین
تصویره چک حسرت باخیشلی گؤزون.
سنده کی باخیشلار قان سالاجاقدیر

هر غزلین باده دولو پیاله .
اوخویوب دالیرام مین طور خیاله.
شعرینده چاتیرام شیرین وصاله.
شاعیر كؤنلوم سندن پای اوماجاقدیر.

توت الده سن یئره قویما قلمین.
یاز هله محنتین دردین ألمین.
گرک اولسون آرتیق صبرین حلمین.
گنه ائللر سندن سؤز آلاجاقدیر.

اوره یینده قالان بوم بوش یئرینه
یاغیشلی سئوگینین گیزلی سیررینه
آنلاتسان دردینی سئودا پیرینه
کاغاذ ایله قلم یار اولاجاقدیر

کاتيب اوغلو دومان یوردا چؤکسه ده.
قلمی سیندیریب یاغین تؤکسه ده.
خسته لدیب قدین فلک بوکسه ده.
سانما کی شاعیریم تک قالاجاقدیر
( الده قلم آیدین لار یازاجاقدیر )
https://www.instagram.com/p/CCMSlENBeYU/?igshid=cecrrl3pea0x

بودا سون آیریلیق، سون دایاناجاق
قیسمتین الیندن بیز هارا قاچاق؟!
گوناه کیمده اولدو؟! بیلمیرم ، آنجاق
بیلیرم تک یانان من اولاجاغام !

بیلمیرم سئوینج دن یا غم دن اولدو
بیلمیرم دومان دان یا چن دن اولدو
بلکه ده آیریلیق تک سندن اولدو؟
بیلیرم تک یانان من اولاجاغام !

مین گوناه ائیله دین سن دؤنه-دؤنه
باغیشلادیم سنی، سینادیم یئنه
یئنه ده_یئنه ده سنین خطرینه
بیلیرم تک یانان من اولاجاغام

نییه آیریلیریق، هارا گئدیریک؟
ووروب قلبیمیزه یارا گئدیریک
بلکه ایکیمیزده گوناه ائدیریک؟
بیلیرم تک یانان من اولاجاغام

بلکه بیر یوخودان اویانمالیسان
بلکه گئری دؤنوب دایانمالیسان
جهنم اودوندا سن یانمالیسان
بیلیرم تک یانان من اولاجاغام

#بابا_وزیر_اوغلو


🌺 @dedekatib 🌺

اسماعیل اولکر:
"غزل"

آند اولسون قلم ایله قلمین یازدیغینا
آند اولسون قلمین ایلک جیزیق جیزدیغینا
آند اولسون جیزیغی، حرفه دؤنوشدورمه سینه
کلمه بیرلشدیریبن صایفایا دور دوزدویونه
آند، ایلکین سسه، ایلک اینقه یه، ایلک آغلاییشا
و بو سسلرله یاشام فلسفه سین یوزدوغونا
قامیشین جیررر... کاغاذ اوستونده ملک تک سوزه رک
قارا جؤوهرله قارانلیق دوزاغین پوزدوغونا
آند اولسون، آند اولسون، آند اولسون کتابا...
آند اولسون قلم ایله قلمین یازدیغینا... İsmayıl ÜLKƏR:
ĞƏZƏL

And olsun qələm ilə qələmin yazdığına
And olsun qələmin ilk cızıq cızdığına
And olsun cızığı hərfə dönüşdürməsinə
Kəlmə birləşdiribən səfhəyə dur düzdüyünə
And, ilkin səsə, ilk inqəyə, ilk ağlayışa
Və bu səslərlə yaşam fəlsəfəsin yozduğuna
Qamışın: Cırrrr... kağaz üstündə mələk tək süzərək
Qara cövhərlə qaranlıq düzənin pozduğuna
And olsun, and olsun, and olsun kitaba...
And olsun qələm ilə qələmin yazdığına...
https://www.instagram.com/p/Bnq_EqCljcu/?igshid=1drohxxktv8gc