🌺🍃🍃
🍃🍃
🍃
پنجره-م قوشا لایلی ... صاف شوشه لر اوز-اوزه،
آراسیندا پروانه، - آغ قانادلی مؤعجوزه.

دار قفسه گؤره سن هاردان دوشوب بو یازیق؟
قاباق شوشه، دال شوشه... ایره-لی ده بارماقلیق.

هئی دارتینیر یوخاری... قالخیر، قالخیر، سوروشور.
دوشور بیر ده آشاغی... قانادلاری بوزوشور.

پروانه چیخا بیلمیر بالاجا، دار قفس دن.
بو چیخیلماز گوشه ده دوشوب یازیق هَوَس دن.

نه-یه گلیر گومانیم؟ عادی آشیق ساپینا.
گؤتوردوم بیر آغ ساپی، توللادیم کمند اونا.

آنلادیمی؟ آغ ساپین آغ اوجوندان یاپیشدی.
بیر داها جهد ائله دی، غفیل دن قاناد آچدی.

اوچدو گؤزل پروانم بارماقلیق آراسیندان.
اوچدو، آغ شکلی قالدی گؤزومون قاراسیندا.

اوچ، سئویملی پروانم، عکسین گؤزومده قالدی.
دونیا دوستاقلاریندان بو گون بیری آزالدی.

#خلیل_رضا_اولوتورک

🌸 @dedekatib 🌸

پنجره-م قوشا لایلی ... صاف شوشه لر اوز-اوزه،
آراسیندا پروانه، - آغ قانادلی مؤعجوزه.

دار قفسه گؤره سن هاردان دوشوب بو یازیق؟
قاباق شوشه، دال شوشه... ایره-لی ده بارماقلیق.

هئی دارتینیر یوخاری... قالخیر، قالخیر، سوروشور.
دوشور بیر ده آشاغی... قانادلاری بوزوشور.

پروانه چیخا بیلمیر بالاجا، دار قفس دن.
بو چیخیلماز گوشه ده دوشوب یازیق هَوَس دن.

نه-یه گلیر گومانیم؟ عادی آشیق ساپینا.
گؤتوردوم بیر آغ ساپی، توللادیم کمند اونا.

آنلادیمی؟ آغ ساپین آغ اوجوندان یاپیشدی.
بیر داها جهد ائله دی، غفیل دن قاناد آچدی.

اوچدو گؤزل پروانم بارماقلیق آراسیندان.
اوچدو، آغ شکلی قالدی گؤزومون قاراسیندا.

اوچ، سئویملی پروانم، عکسین گؤزومده قالدی.
دونیا دوستاقلاریندان بو گون بیری آزالدی.

#خلیل_رضا_اولوتورک

🌸 @dedekatib 🌸

گؤزل‌لیک تیمثالی‌یدی
او قیز باشدان آیاغا
او قدر گؤزلدی کی،
اوتانیردیم باخماغا

هونرین وار، گؤزَلین-
گؤزلرینه باخاندا،
باری آزجا قیمیشما،
گولومسه‌مه بو آندا!

گولدوم... دوداغی قاچدی
آلیشدی گول یاناقلار
آمان...! بیر ده قیمیشدی
بلکه منه کؤنلو وار

--«سیزه هانسی مرتبه؟»
گولوب دئدی: «بئشینجی»
دوداقلار آراسیندان،
پارلادی دؤرد-بئش اینجی

--«نئجه؟ نئجه؟ بئشینجی؟
نییه بئله، نییه آز؟
گولوم! بیرینجی گؤزل،
بئشینجیده دایانماز.

گل من سنی قالدیریم
اولدوزلارا، آیلارا
آمان...گلیب چاتدیق کی
اولدوز هارا، بیز هارا؟»

سنه قاپی آچماغا،
ایندی منده گوج هانی
اووچو نئجه بوراخسین،
تورا دوشن جئیرانی؟

ایندی بیلدیم حیاتین،
نئجه دم‌لری وارمیش:
لیفتده گونش اولارمیش
لیفتده باهار اولارمیش...

*لیفت= آسانسور


#خلیل_رضا_اولوتورک
کؤچورمه:
#شعر_اوجاغی
🍃🍃🍃
@dedekatib
🍃🍃🍃

#بوقار_دنیزینده_ایلک_باهاریمسان

گؤروش یئرینده‌‌یم بایاقدان بری،
بیر گؤزوم ساعاتدا، بیری یولوندا.
واختیندا گلیرسن دیلیم ازبری،
ساعات یوخ، نبضین‌دیر ووران قولومدا.

گلیرسن بورونوب قار ایشیغینا،
آزجا قالدیرمیسان بویونلوغونو.
گئندن گؤز قویورام یاراشیغینا،
سنه آغ دون بیچیر قارین چووغونو.

اوزون کیپری‌یینده قار چیچک‌لری،
بو قار دنیزینده ایلک باهاریمسان.
گؤیدنمی گلیرسن آغ تاجلی پری،
بو آغ زنجیرلری نه جور قیرمیسان؟!

اوشویور دئیه‌‌سن ظریف اللرین،
وئر اؤپوم هووخوروم بارماقلارینی.
ایسیتسین نفه‌سین ایسلاق تئللری،
بیرآز رنگی قاچان یاناقلارینی...

بری وئر چانتانی، قارلی کورکونو،
وئر آسیم آسقی‌دان خیدمتچین کیمی.
آلمادان وئجینه بو سویوق گونو،
سن اوچوب گلمیسن گؤیرچین کیمی.

من سنین اوغروندا آند ایچمیشم کی
حؤکمومله سوسدوروب بو آغ طوفانی
جهاندا هئچ کسین نوش ائتمه‌دییی
باهارا چیخاریم آزربایجانی...

#خلیل_رضا_اولوتورک

🍃🍃🍃
@dedekatib
🍃🍃🍃

اوزاقدان آلیرام رایحه‌سینی،
گلیر، گؤزلرینه قوربان اولدوغوم.
هله اوغرون_اوغرون گؤزوندن گولور_
گولور، گؤزلرینه قوربان اولدوغوم!

قوپاردیب قلبیمی گرک سینه‌مدن،
اونا گول یئرینه باغیشلاییم من.
اؤزو ده بیلیر کی منیم دردیمدن _
اؤلور گؤزلرینه قوربان اولدوغوم!

نه خزره بنز‌ر، نه ده گؤی گؤله،
جانلی موسیقی‌دیر، قولاق آس_دینله
هر بیر سئوینجینی یالنیز منیمله _
بؤلور گؤزلرینه قوربان اولدوغوم!

یولومو کسسه ده یانار جهنم،
اینان اود _ آلووو یاریب گلرم
آخی اونون اوچون منده اؤلرم_
بیلیر گؤزلرینه قوربان اولدوغوم!

گلیر فیرنگیزیم، قارلی نرگیزیم
گؤزوم، گول بنیزیم، گونش بنیزیم
بوتون گؤزل‌لرین الیندن منی،
تکجه اؤزو اوچون قاپان عزیزیم!

گل _گل، کؤکسومه قوی مغرور باشینی
حیس ائله قلبیمین چیرپینیشینی
یاناشیر... گؤزومون سئوینج یاشینی _
سیلیر گؤزلرینه قوربان اولدوغوم!

✍#خلیل_رضا_اولوتورک

@dedekatib

ائشیتسم گلیرسن، دؤنه‌رم یئله
اؤپه‌رم مبارک قدم‌لرینی.
ایچه‌رم بنؤوشه کیرپیک‌لریندن،
آسیلان میرواری شبنم‌لرینی
اؤپه‌رم مبارک قدم‌لرینی.

ائشیتسم گلیرسن اوچارام، اینان
پنبه بولودلارلا قوجاقلاشارام.
آچارام کؤکسومو یئددی اقلیمه،
دلی چای‌لار کیمی آشیب-داشارام.
پنبه بولودلارلا قوجاق‌لاشارام.

ائله‌ بیر گۆلسن کی، عمر باغیمدا،
سنی نَفَسیم‌له بسله‌میشم من.
غونچه باغلاجی‌سان، گؤز قاباغیمدا
سنی دان یئریندن سسله‌میشم من،
سنی نفسیم‌له بسله‌میشم من.

ائشیتسم گلیرسن چیخارام یولا،
بۆتون یوللار بویو گۆللر اکه‌رم.
ایکیمیز بیر قلبده یاشایاق دئیه،
سنه قلبیم بویدا بیر ائو تیکه‌رم
بۆتون یوللار بویو گۆل‌لر اکه‌رم.

من ائوم، سن منیم اود،-اوجاغیمسان،
باغبانام سن منیم بارلی باغیمسان.
من داغ بولاغی‌یام، سن بولاق‌لی داغ،
دنیادان ان بؤیوک اوماجاغیم‌سان
باغبانام سن منیم بارلی باغیمسان

اۆره‌ییم او قدر یانیقلی‌دیر کی،
آز قالا قانادلی بیر قوشا دؤنم.
سنین تئل‌لرینه دۆزولمک اۆچون
یاغیشا، زومروده، داش-قاشا دؤنم،
آز قالا قانادلی بیر قوشا دؤنم.

گورشادلا، باهارلا، یا قاتارلا گل!
هر بیر قدمینی کؤنلوم ایزله‌ییر
یۆز-یۆز، میلیون-میلیون دالغالارلا گل!
سنی ساحلده بیر قایا گؤزله‌ییر
هر بیر قدمینی کؤنلوم ایزله‌ییر.


#خلیل_رضا_اولوتورک


💐 @dedekatib 💐

▫️هله، دونن

هله دونن یانیمدایدین.
هله دونن من بختوَر،
باشیم اوسته دوغان آی'دین،
یا آل گونش، قیزیل سحر.

نئچون بئله تئز آیریلدیق؟
سعادتیم بیرجه قیرپیم.
دیبسیز، سونسوز ظولمت‌لری،
سؤکوب تؤکن آغ ایلدیریم.

نئچون اؤپوب اوخشامادیم،
آخی نئچون اللرینی؟
سرت اووجومدا ساخلادیغیم،
آغ گؤیرچین اللرینی؟
بیر آز یورغون اللرینی،
بیر آز سولغون اللرینی،
کیچیک، یومرو اللرینی،
بولبول، قومرو اللرینی؟

قوجاقلاشدیق، سن هؤنکوردون،
گؤز یاشلارین آلماز-آلماز.
اولماز گولوم، بئله اولماز!
گؤز یاشلارین آلماز-آلماز.

آه، نه اوچون من ییغمادیم،
او موقدّس قطره‌لری؟
بیری گؤوهر، بیری یاقوت،
بیری لعل‌دی یا میرواری.

نئچون ییغیب ساخلامادیم
بیرجه-بیرجه او مرجانی؟
سنین ایسلاق کیپریگینده،
بیر شاعیرین یانیر جانی.

هیچ دویونجا باخدیم می من
او نیگاران گؤزلرینه؟
سئوینج یاشی، غم یاشی‌یلا،
ایشیقلانان گؤزلرینه؟

اوخشادیم‌می بیرجه-بیرجه
او ایسلانان کیپریک‌لری؟
یاش کیپریکده ووصال عطری،
سولغون اوزده بیر آی بدری.

آه، من دونن بختوَردیم!
بوگون تئزدن اویانمیشام.
من بوگون ده دونَنیمین،
ایشیغینا بویانمیشام.

#خلیل_رضا_اولوتورک
@dedekatib

▫️اوجاق ماهنیسی

اوشویورسن گولوم، سن،
آل، گئیین پئنجه‌ییمی!
ایسینَرسن ایندیجه،
کؤکسومده جانیم کیمی.

قورو چیرپی ییغمیشام،
اوجاق ایندی یاناجاق.
بیزیم عشقیمیز کیمی،
اوجاق آلوولاناجاق.

بیر باخ، نئجه گورلاییر،
شؤعله چکیر بوخاری!
آلووو بلکه قالخیر،
اولدوزلاردان یوخاری...

اوشومورسن دئیه‌سن،
ائی اودیاناق، گول‌نفس!
سنه دئمه‌دیم‌می بس:
ائو اوجاغی عزیزدیر،
عشق اوجاغی موقدّس؟

#خلیل_رضا_اولوتورک

@dedekatib