@dedekatib


آنا دیلیمیزی قورویاق🌹🌹🌹

کیف »» چانتا
برکه. »» قوبا
آشبازخانا آویزی»»آسمالیق
آویز. »» آسقی
رخت آویز »» پالتار آسقی سی
روبرو. »» قانشار
نی »» قارغی،قامیش،قمیش
کیسه. »» توربا
هاون. »» دیبکdibək
هاون دسته سی»»دیبک داشی
کشک. »» قورود
شاخه. »» بوداق
ملاغه. »» چومچه
پیتی. »» بارداق
صافی. »» سوزگج
سقف. »» تاوان
کف. »» تابان
لبنیات. »» آغارتی
جو. »» آرپا
برابر،مساوی»» آربا
کاکل. »» تئل،جیغا
مقاومت. »» دیره نیش
تبر. »» بالتا
تیر. »» دیره ک
تیر ِ کمان »» اوخ
پرچم. »» بایراق
مشروب. »» چاخیر
حلاج. »» آتیجی
رقیق. »» دورو
غلیظ. »» قُویْ qoy
غار. »» کوهول،کاها،ماغارا
شمال. »» قوزئی
جنوب. »» گونئی
شرق. »» دوغو،گون دوغان
غرب. »» باتی،گون باتان
صخره. »» قایا
قوجا آرواد»» قاری
نوزاد. »» کؤرپه
لوبیا. »» ماش
بوسه. »» اوپوش
گونه. »» یاناق،یایاق،بنیز
رد. »» ایز
خط. »» جیزگی
خراش. »» جیزیق
بربری. »» کوکه،ال چؤره گی
زنگار. »» پاخیر
زنگ آهن»» پاس
لکنت زبان »» پلتکpəltək
کمین. »» پوسقو
حمله. »» آخین ،یوری
زندان. »» دوستاق،دوتساق
موسیقی»» چالغی
آهنگ. »» هاوا
راه راه. »» زولاقلی
چشمه. »» بولاق،پینار
محبت. »» سئوگی
خون گرم»» ایستی قانلی
تفت »» پورتله تمک
نرده. »» چَپَر
گله. »» سورو
نژاد. »» سوی
رنگ. »» بویا،بویاق
درشت. »» ایْری
خوانا. »» اوخوناقلی
نارسایی»» چاتیشمازلیق
احترام. »» حئورمت،سایغی

اوز دیلیمیزی دانیشیب دیریلتمه سینه اوتانمایاق
@dedekatib

🍂🍂🍂🍂🍂🍂🍂🍂🍂



دۆنیانین آغ باغرین قارالدار قلم، من دۆشۆنمه‌میشدیم اولماسام آدام!


محمد حسن نژاد "ایلقار"

@dedekatib

تانری بنده سین چاغیریر ....منم..... عشقه دستان یازان منم
حسرتیمه باتان سن اول
گؤنوللری چالان منم
غیری باشدان آتان سن اول

اویونلاری پوزان منم.
گؤنوللرده  گزن  منم.
عالمده کی دوزن منم
خیالیمله یاتان سن اول

سنه سندن یاخیندایام
هرآن دئسن یانیندایام
جسد دئییل جانیندایام
ویصالیمه چاتان سن اول

گؤزونده کی باخیشدایام
گوللرده کی ناخیشدایام
سولارداکی آخیشدایام
اووجوندا توتان سن اول

گؤرونمزم گورن منم
جیسمینه جان وئرن منم
 ویصاله ائردیرن منم
عقلین عشقه ساتان سن اول

گؤز ائویندن ایراقدایام
نور ایچینده چیراقدایام
سانما سندن اوزاقدایام
ال اتيه آتان سن اول.

قالما یوبانما دالدادا
قویما رقیبلر آلدادا
کاتيب اوغلو بوسئودادا
جانی جانا قاتان سن اول
https://www.instagram.com/p/CCBIjLLBJ_z/?igshid=8pyiz4l8hmhc

اوشاقلاریمیزا حئیوانلاری شعرله تانیتدیراق

سئرچه

سیزه دئییم سئرچه دن
یوواسیندا دی یای، قیش
آیریلماییر وطن دن
یا قار اولسون،یا یاغیش
قارا دؤشلو آتا دیر
بوز رنگی سی آنا دیر
یووالاری وار کیچیک
بالالاری وار جیک، جیک
یئم آختاریر گزیرلر
هئی تولانا —تولانا
گاه آغاجا قونورلار
گاه چیخیرلار ائیوانا
اوچان زامان پئر ها پئر
قانادلاری چیرپینیر


#آذربایجان بایاتی لاری کتابیندان
#آنادیلیمیزی_قوریاق

@dedekatib

Ana dilim
@dedekatib
🌸🌸🌸🌸🌸

🔹امروز ۱۰ تیر سالروز وفات شامی است.

محمود صادقپور "شامی" متولد ۱۳۲۷ بوده و در روستای بارجوق اورمیه پای بر عرصه حیاط گذاشت، به‌جرات می‌توان گفت که شامی از شاعران بزرگ سبک کلاسیک تورکی در آذربایجان است، سبکی که قبل‌تر از نسیمی و فضولی آغاز شده و تا به امروز ادامه داشته است، شامی و دده‌کاتیب توانستند در عصر معاصر آوازه قلم خود را به فراتر از مرز های تورکان ایران برسانند.
تاکنون دو اثر از هزاران بیت اشعار شامی با نام های طبیعتین قوینوندا و داشلی یول به زیر چاپ رفته است، شامی نهایتا در ۱۰ تیر ۱۳۹۵ پس از تحمل چند دوره بیماری به دعوت حق لبیک گفت.

برماست که نام و یاد چنین سرمایه‌های بزرگ را زنده نگه‌داریم.

✍ یاشار جوانبخت

@dedekatib

#دده_کاتب

@dedekatib

دهم تیر ماه زادروز بزرگ مرد تاریخ آذربایجان #اتابابک

کیم بو حقی ظالیمه قائل اولوب ایل لر بویی
او توکه جامه شرابی منده گؤزدن یاش توکم
قویمارام رنگیم سارالسین هر قدر قانیم آخا
معتصم دیر دشمنیم من شیر اورکلی بابکم

#بابک_خرمدین
#آتابابک
#آذربایجان

@dedekatib

🍃🌼🍃
🍃
قودرتیمی اؤز ائلیمدن آلمیشام
چیراغ اولوب قارانلیقدا یانمیشام
ظفر مارشی وطنیمده چالمیشام
بابکم من آذربایجان اوغلویام

توران بدن ، آذربایجان جانیمدیر
تورکو دیلی دامارلاردا قانیمدیر
بورا منه وطنیمدیر شانیمدیر
بابکم من آذربایجان اوغلویام

#دهم_تیر_زادروز_بابک_خرمدین
#بابک_خرمدین
#آتابابک
#آذربایجان

@dedekatib

🍃🌸🍃
🍃
سازیمی آلمیشام اله
قوشام سنه دستان اورمو

اودلار سولار دیاری سان
هر یانین باغ بوستان اورمو

گؤزلیگین وصفه گلمز
عالم سنه حیران اورمو

چای لارین شارهاشار آخار
یاشیل لانار هر یان اورمو

شاعر سنه ماهنی قوشار
گؤرمیه سن خزان اورمو

#محمود_صادقپور_شامی
#شامی

@dedekatib

"داریخمیشام"

داریخمیشام باهاردا کی،
شاختا وۇران غوْنچا کیمی!
داغ دالیندا يالقیز آخان
زینه‌لی بیر پێنار کیمی.
يۆرغون،
يۆرغون،
دوْيغولاریم
هی اۇچورلار اۇزاق‌لارا
توْزلو، توْپراق‌لی يوْللاردا
يانلیز،
يامان داریخمیشام.
ياشیل،
ياشیل باغلاریمدا
بالتا يامان سالیب سسین
چایلار دولوب آل قانیما
سن‌سیز،
یامان داریخمیشام.


✍ #محمود_بنی_آدم



@dedekatib
🌼🌱🌼🌱🌼🌱

ســــــالاملار ، سایقــــــیلار حورمتلی ائلیمه

خــــــئییرلی صاباحلار☀️

برکـــــــتلی گونلر

بیردونیا سئوگی هامیــــــــنیزا

اوره کدن آرزیلیـــــــــرام

گون آیدین☀️
@dedekatib

دده کاتیبدن بیر گراییلی :
....صبر ائیله.....
🍁
دلی کونلوم درد حالیمی
قاتیب صبرائیله صبر ائیله
صبر ائـدنلـر مورادیــنا.
چاتیب صبرائیله صبرائیله
🍁

غوغایه قاتدیم باشیمی
آخیدیرام گؤز یاشیمی
قوهوم قارداش ائل داشیمی
آتیب صبرائیله صبرائیله
🍁

قیش چیخار باهار یاز اولو
پیس گونون عومرو آز اولو
گون چیخار گونلوم ساز اولو
باتیب صبرائیله صبرائیله
🍁

یامان گونده جوشوب اسمه
سن اومودون موولادان کسمه
کـام آلیـرسان سن تلسمـه
کاتیب صبرائیله صبرائیله
🍁

#دده_کاتب

@dedekatib

....يئتر....
🍃🌺🍃
🍃
یاندیرسان جانیمی ناره گرک یوخ.
دردلری گؤیلومه قالاسان یئتر .
دارا چکسن منی طناب ایسته مز.
ساچلارین بوینوما دولاسان یئتر .


چاغیرما جلادی جانیمی آلسین .
قوی سنین ووقارین یئرینده قالسین.
نه حاجت وار اجل قاپيمي چالسین؟
حسرتین جانیمه سالاسان یئتر .


یوکله مه بئلیمه هیجران وبالین .
منه قیسمت دئییل گوره م ووصالین.
کؤنلومده بسلنمیش عشقین نهالین.
ال آتیب بوتاقین یولاسان یئتر .


کاتیب اوغلو یاره لایق دئییلمیش .
بوش یئره قامتی بئلی أییلمیش .
دئدیم فلک منه پای نه یازیلمیش.؟
دئدی دیلده دستان اولاسان یئتر.
🍃
🍃🌺🍃
#کاتب_اوغلو
#کؤنولدن_دیله

@dedekatib

#آندلار

ائل ادبیاتیمیزین اَن اسکی ژانرلاریندان بیری ده آندلار دیر؛ اینسانلارین یاشاییشدا اولان اینانجلاری، اخلاق و دونیا گؤروشلری، میتولوژی و معنوی دوشونجه‌لرینی گؤسترن سؤزلر.
«آند» سؤزلوکلرده، ایلقار، بیر شئی حاققيندا وئریلن سوز، قسم و سوگند، عهد و پیمان آنلاملاريندا آچیقلانمیشدیر. «آند ایچمک» ایسه، «مقدس و عزیز ساییلان بیر شخصین یا شیئين آدینی چکمک‌له اؤز سؤزونو، وعديني یاخود عهده‌سینه آلدیغی وظيفه‌نی لاييقينجه يئرينه يتيره‌جگینه ایناندیرماق، سؤز وئرمک» کیمی ایضاح اولونموشدور.
آند سؤزجوگو، دیلیمیزده بیر چوخ سؤز بیرلشمه‌لرینده اؤزونو گؤسترمیشدیر:
«آند ایچمک، آند ایچدیرمک، آند وئرمک، آندا وئریک، آندلاشما، آندلاشماق، آندچی، آندای، آندداش، آند-امان ائله‌مک، آندسیز، آندیندان دؤنمک، آندیندان دونن، آندی پوزماق، آندی سیندیرماق و ...»
آندلار، بیر سؤزون دوز یا یالان اولدوغونو وورغولاماق، ایناندیرماق، آرخایین ائتمک، بیر ایستگین یئرینه یئتیریلمه‌سینی دیله‌مک، یالوارماق، بیر کیمسه‌نین سوچلو یوخسا سوچسوز اولدوغونا قول قویماق، دوعا ائتمک، ایلقار باغلاماق و ... غرض‌لر اوچون سؤیله‌نیرلر.

آندلار، اسکی چاغلاردان بوگونه دک، اینسانلارین یاییش و اینام‌لاری دگیشدیكجه اینکیشاف ائتمیش و گئنیش‌ليكله دیلیمیزده دولاشیب و یئری گلمیش کن ایشلنميشن‌لر.
هله چوخ قدیم کئچمیشلرده اینسانلارا معجزه‌لی و مقدس آنلام داشیان‌لار ایچینده، اود، سو، یئل، تورپاق، گونش، آی، اولدوزلار، یئر و گؤی اؤزل یئر آلمیشلار. ائله بونا گؤره‌ده اونلارا آند ایچمیشلر:
آیین ایشیغی حاققی، سو حاققی و ...
سونرالار چؤرک، دوز، سود، آتا، آنا، اوشاق و داها سونرالار اوخ، یای، قیلینج، چیراق و اوجاق کیمی آنلام‌لار دا آندلارا قوشولموشلار:
دوز-چؤرگه آنداولسون، دوز حاققی و ...
بو آندلاردان چوخو زامان دولایلاریندان سوزوب، بو گونوموزه کیمی گلیب چاتمیشدیر. رحمتلیک «سهند» دئمیشکن:
«هله‌‌ده، هله‌ده بیزیم یئرلرده/ ساده اینسانلارین آندی چیراق دیر/ خالقین آراسیندا، کندده، شَهَرده/ مقدس یئرلرین آدی اوجاق دیر ».
بوگون ده آذربایجان دا، بو آندلاری تئز-تئز ائشیتمک اولار: «یئدیگیمیز دوز-چؤرگه آند اولسون، چیراق حاققی، برکت حاققی، آنامین سودونه آند اولسون، دده‌م جانی، آنامین قبرینه آند اولسون، بالامین جانینا آند اولسون و ...»
تورکلر مسلمان اولدوقدان سونرا، چوخلو دینی آنلاملار، اینانجلار و دوشونجه‌لر، مقدس ساییلان شخص‌لر و یئرلر آندلارا آرتیریلمیشدیر : «آللاه حاققی، پیغمبر حاققی، اون ایکی امام حاققی، قرآن مجیده آند اولسون، گونو گون اورتادان قایتاران علی‌یه آند اولسون. من بیلیم ابوالفضل، گئتدیگیم بیته آند اولسون، بو ماتم حسینه آند اولسون، جدّيمه آند اولسون (سیدلرین آندی) و ... »

آندلار، قورولوش و سؤیلنمک باخیمیندان ایکی قورپا بؤلونورلر:

۱- آندی گؤسترن سؤزجوکلر یا سؤز بیرلشمه‌لری ایله دئییلن آندلار:
بو آندلاردا آشاغیداکی سؤزلر جمله‌نین ایلكينده یا سونوندا آرتیریلیر:
آند السون ، آند اولا. آند وئریرم، حاققی، من بيلیم، سن بیل، اوچون، سن اول، سن اولاسان، سنی، ...ی، ...و.

اؤرنک‌لر: آند ایچمیش قیسیر قیسیراغا میندیگیم یوخ (دده قورقود کیتابیندان)، باشینا آند اولسون، تورپاق حاققی، اند اولا علی‌نین آدینا، آند وئریرم سنی آلتی گوشه قبره، اؤز جانیم اوچون، سن بیل آللاه، من بیلیم ابوالفضل، مچید حاققی، بو گونون صاباحینا آند اولسون، دده‌م قبری، ننه‌م جانی، سن اولاسان امام حسین، سن اول کیشیلیگین، آتامین روحو و ...

۲- آند آنلامینی داشيیان و اوزده قارغیش‌لارا اوخشایان آندلار:
بو آندلاردا یوخاریدا قیبد اولان آند سؤزجوکلری اولمادان، ظاهرده دوعا و قارغیش كیمی گؤرونن، آنجاق آند قورولوشوندا يئرله‌شن سؤزلر گلير.

اؤرنک‌لر: چؤرک منه قنیم اولسون. چؤرک گؤزومو توتسون، اؤلوموم اوسته سو تاپیلماسین، لال اؤلوم، بالامین اؤلو اوزونه باخیم، جوت بالامی قاباغیما اوزادیم، ایکی گیله‌مدن كور باخيم، على نین قیلینجینا گلیم، بو جان اؤلسون، سن اؤله‌سن، اؤزوم اؤلوم، اؤللو اؤزومه باخاسان، جدّیمین یانینا اوزو قارا گئدیم (سیدلرین آندی)، سحره چیخماییم و ...
دده قورقود کیتابیندا بئله آندلارا چوخ راست گلیریک: قیلینجیما دوغراناییم، اوخوما
سانجیلاییم، اوغلوم دوغماسين - دوغارسا اون
گونه وارناسین، تورپاق کیمی ساورولاييم و ...

قایناقلار:
۱. آذربایجان شيفاهی خالق ادبیاتی. پاشا افنديف.
۲. آذربایجان ایضاحلی لوغتی. اوروجوو. کؤچورن: بهزاد بهزادی.
٣. فرهنگ ترکی نوین. اسماعیل هادی.
۴. فرهنگ ترکی (سؤزلوک). ع.ح. داشقین.
۵. فولکلور توپلاما قيلاووز. حسين محمد خانی و عسگر علیانی.
۶.کتاب دده قور قود. به کوشش م.ع. فرزانه.


#خلیل_قربانی


@dedekatib

یوخودا گؤروشک


اوره‌ییم دوزمه‌ییب یولا چیخدی گل
نییه گلمه‌ییرسن یول آچیقدی گل
یوخوم داغ باشیندا آلاچیقدی گل
گئجه‌لر یوخودا گؤروشک باری

گؤینه‌تدی باغرینی ایزیم یوللارین
سارالدی آغیندا گؤزوم یوللارین
اولمادی قووشاغی بیزیم یوللارین
گئجه‌لر یوخودا گؤروشک باری

یوخولار دئییل‌کی دره قورخاسان
بیر ایت یوخ اوستونه هوره قورخاسان
آدام یوخ غفیلدن گؤره قورخاسان
گئجه‌لر یوخودا گؤروشک باری

بو گئجه یوخودا بیر آه چکمیشم
گل آهدان من سنه یولاق چکمیشم
کؤهنه خاطیره‌دن آراق چکمیشم
گئجه‌لر یوخودا گؤروشک باری

سئوگیلیم هر شئییی خئییره یوزاق:
دونیادا نه درد وار نه هیجران نه داغ
حیاتی آلداداق٬ حیاتدان اوزاق
گئجه‌لر یوخودا گؤروشک باری

گئجه‌لر یوخودا یوخو یاتمایاق
گئجه‌لر بیر داستان اوخو یاتمایاق
‌لر شهری یوخودا قویاق
گئجه‌لر یوخودا گؤروشک باری

✍#توحید_نامور «آدلیم»

@dedekatib

بیری آینا ، بیری پاس دیر
بیری آیدین ، بیری کاس دیر
گئجه تویدور ، گونوز یاس دیر
گول آچدیقجا ، سولان دونیا

سلام

گون آیدین سئوگلی دوستلار

سحرییز خئیر اولسون

@dedekatib