Комуз сасси
#юрӑ

Идиш юрринче чӑваш хӗрӗсен паттӑрлӑхӗ ҫинчен каласа панӑ. Идиш халӑхне ҫав хура саманара тӑшман вӑйлӑ сайратнӑ, вуҫех пӗтересшӗн пулнӑ.

https://youtu.be/zr0EsqnBWgI


#юрӑ

Юрӑ сӑмахӗсем
#юрӑ

Юрри тупӑнчӗ!
#юрӑ

Ыран чӑваш тӗрри кунӗ пулать.
Чӑваш тӗрри -- пирӗн халӑхӑн визитки, ак кунта пӑхса тӗлӗнме пултаратӑр:

http://www.nbchr.ru/virt_vyshivka/index.html

#юрӑ

Навигаци валли тег пуххи:

#опыт

#нумай_чӗлхелӗх

#longread

#рецепт

#сӑвӑ

#сӑмах

#юрӑ

#халлап

#юмах

#каларӑш

#уйăх

#кун

#пултаруллӑ_ҫынсем

#ачалӑх

#Путешествие в историю чуваш

Ҫамрӑк чикан хӗр Уйӑхран юрату тархасласа ыйтать, Уйӑх килӗшет, анчах ҫакӑншӑн "санӑн пӗрремӗш ывӑлна илетӗп" тет.
Вӑхӑт иртсен ҫав чикан арӑм пулать те ача ҫуратать: ашшӗпе амӑшӗ хура, ывӑлӗ вара уйӑх пек шурӑ.
Ашшӗ ҫиленет, арӑмне улталанӑ тесе шутлать те ҫӗҫӗпе чиксе вӗлерет. Ачине ту ҫине йӑтса кайса хӑварать.
Ача макӑрнине Уйӑх илтет те, анса ачине хӑйӗнпе пӗрле ҫӳле илсе хӑпарать.

Ачи макӑрсан уйӑх ҫурла пек - сӑпка пулса тӑрать, ачине йӑпатать. Ачи савӑнӑҫлӑ пулсан уйӑх та тулли, телейлӗ.

#юрӑ #халлап

Салтак юрри

Хире тухрӑм эп ҫывӑрма,
Пуҫма хутӑм эп тумхаха.
Алла чиксе кумӗр илтӗм *,
Ҫамрӑк пуҫма инкеке.

Приюмӑн ** крильцисем, тӑвӑр икӗ алӑкӗсем,
Приюмӑн ӑшӗнче чун илекен пур иккен,
Приюмӑн алӑкӗсем кӗленче иккен,
Хӗвел пӑхсан, ҫуталать,
Ҫуталманни вутпа ҫунтӑр,
Ҫамрӑк пуҫӑм манӑн ҫухалать.

Кӑҫал каснӑ пӗрмесем ***
Шурӑ Атӑлта сул пулать.
Ҫухалнӑ пуҫ ҫухалать,
Ман ылханӑм ҫав пултӑр.

Тӑваттӑлла явнӑ сӳс кутлӑх,
Мӗншӗн часах татӑлать-ши,
Сӳсӗ начартан-и-мӗн?
Ҫук, сӳсӗ те начартан мар,
Лаша ҫинчен пӗртех хывӑнманран.

Мӗншӗн та маттурах салтака кайнӑ ачасем
Тӳсӗмсӗр те халь пулаҫҫӗ,
Хуйхӑран-ши вӑл вара?
Ҫук, хуйхӑран мар, мӗн те мар,
Кунӗн-ҫӗрӗн ҫӗмӗрӗлсе ҫӳренӗрен.

#юрӑ #сӑвӑ

* Алла чиксе кумӗр илтӗм - шӑпа туртса (жеребьёвкӑра) салтака каймаллине туртса кӑларни (кумӗр = кӑмрӑк)

** Приюм - приём, "военкомат"

*** Пӗрме = пӗрене, сулӑ (плот) валли каснӑ йывӑҫ

Мир пурнӑҫа! Вилӗм вӑрҫа!

Вӑрҫӑ пире хӑратман, хӑратмасть,
Вӑйлӑ эпир вӑрҫӑран.
Вилӗме пурнӑҫ чӑтма пултармасть,
Тулӗ шӑпу сан, тӑшман!

Пӗтӗм тӗнче янратать, кӑшкӑрать:
Мир пурнӑҫа! Мир пурнӑҫа!
Пӗтӗм тӗнче кӑшкӑрать:
Вилӗм вӑрҫа! Вилӗм вӑрҫа!
Мир пурнӑҫа!

Мул хуҫисемшӗн тӑван ачине
Амӑш вӑрҫа парас ҫук,
Халӑх тӑхлан сапакан пӑшалне
Хӑй ҫинелле йӑтас ҫук.

Пӗтӗм тӗнче янратать, кӑшкӑрать:
Мир пурнӑҫа! Мир пурнӑҫа!
Пӗтӗм тӗнче кӑшкӑрать:
Вилӗм вӑрҫа! Вилӗм вӑрҫа!
Мир пурнӑҫа!

Сарӑ хӗвел выляса ҫӗкленет
Ылтӑн шевле сапалать.
Пирӗн тӑван ҫӗршыв ҫутӑ кӳрет,
Пӗр тӗрӗс ҫул кӑтартать.

Пӗтӗм тӗнче янратать, кӑшкӑрать:
Мир пурнӑҫа! Мир пурнӑҫа!
Пӗтӗм тӗнче кӑшкӑрать:
Вилӗм вӑрҫа! Вилӗм вӑрҫа!
Мир пурнӑҫа!
© Стихван Шавли

#сӑвӑ #юрӑ