#қишга_тайёргарлик
#ҳоким_ҳудудларда
#Жондор_тумани

"Пахтакор" маҳалласида икки ярим мингга яқин аҳоли истиқомат қилади. Уларнинг 850 нафари 13 та икки қаватли уйларда яшайди.

Ботир Зарипов мазкур маҳаллада бўлиб, уй-жойларнинг қишга тайёргарлиги ҳолати, ободонлаштириш ишларининг боришини кўздан кечирди. Уйлар атрофида тозалик ишларининг етарли даражада олиб борилмаганлиги, ноқонуний қурилмалар бартараф этилмаганлиги, ёрдамчи хўжалик бинолари пала-партиш қурилганлиги юзасидан масъулларга ўз эътирозларини билдирди.

Қолаверса, якка тартибдаги уй-жойлардаги тартибсизликлар, аниқроғи, ҳовли-жойлар девор ва ҳавозаларининг бўёғи кўчиб кетганлиги, дарахтларга шакл берилмаганлиги, кўчалар хас-хашаклардан тозаланмаганлиги қаттиқ танқид қилинди.

Маълум бўлишича, маҳалла йўли уч йил аввал асфальтлаштирилган. Трансформатор пункти янгиланган. Бошқа муаммолар бирин-кетин ҳал этиляпти.

-Одамлар йўлни қилиб бер, электрни, сувни таъминлаб бер, дейди. Мана, бўляпти бу ишлар. Лекин одамлар ўзи яшаётган ҳовли-жойини тартибга келтирмаса, буни қандай тушуниш керак. Демак, маҳалладаги бешлик вакилларида, ҳудуд фаолларида ташаббус етишмаяпти, -деди Ботир Зарипов.

Шундан келиб чиқиб, маҳалладаги мавжуд камчиликларни бартараф этиш юзасидан муҳим вазифалар белгиланди. Вилоят раҳбари бу масалада вазиятни ўнглаш бўйича мутасаддиларни жиддий огоҳлантирди.

Buxoro.uz | Facebook | Instagram | YouTube

#Ҳоким_ҳудудларда
#Жондор_тумани
#Бешлик_билан_учрашув 

Ботир Зарипов Жондор туманида мавжуд 52 та маҳалла фуқаролар йиғинларида фаолият кўрсатаётган “бешлик” – раис, ҳоким ёрдамчиси, хотин-қизлар фаоли, ёшлар етакчиси ва профилактика инспекторлари билан навбатдаги маротаба учрашди. Учрашувда маҳаллалар инфратузилмасини янада яхшилаш, бу орқали одамларнинг турмуш даражасини ошириш, аҳолини ижтимоий муҳофаза қилишга доир таклиф ва мурожаатлар ўрганилди. Хусусан, “бешлик” вакиллари ички йўллар, мактаб, боғча, оилавий поликлиникаларни таъмирлаш, ичимлик ва оқова сув тармоқлари тортиш каби долзарб масалалар юзасидан вилоят раҳбарига юзланишди Уларни ҳал қилиш бўйича масъуллар ва муддатлар белгиланди.

Ботир Зарипов билдирилган ҳар бир таклиф ва мурожаат алоҳида назоратга олиниб, уларнинг ижроси таъминлашини таъкидлади.

— Бажарилган ишлардан қиладиганларимиз ниҳоятда кўп. Буниям биламиз. Яна бир масала шуки, маҳалладаги муаммоларни ҳал қилишда "бешлик" вакиллари ташаббускор бўлиши зарур. Яъни маҳаллада маънавий-маърифий муҳит барқарорлигини таьминлаш, жиноятчиликнинг олдини олиш, ишсизликни камайтиришда уларнинг роли муҳим. Ана шунда ҳаётимиз янаям ўзгаради, – деди Ботир Зарипов.

Шу билан бирга “бешлик” вакилларига маҳаллаларни ободонлаштириш, аҳолининг томорқадан фойдаланиш маданиятини ошириш, айниқса, шу кунларда тўқсонбости экинлар экиш, қиш мавсумида ёнғин хавфсизлиги талабларига риоя қилиш бўйича аҳоли ўртасида тарғибот ишларини кучайтириш ва бошқа бир қатор йўналишлар бўйича топшириқлар берилди.

Buxoro.uz | Facebook | Instagram | YouTube

#ҳоким_ҳудудларда
#Жондор_тумани
#қишки_агротехник_тадбир

Қишки мавсум олдидан вилоятда белгиланган ирригация-мелиорация тадбирлари қайта ҳисоб-китоб қилиниб, ерни шўр ювишга тайёрлаш, шўр ювиш, хўжаликлараро ва хўжалик ички ариқларини тозалаш, шарбат ҳовузлари ҳозирлаш, сув олиш қулоқларини жиҳозлаш, сув иншоотлари ва насос агрегатларини таъмирлаш ишлари олиб борилмоқда.

Масалан, Жондор туманидаги “Демун” маҳалласи ҳудудида фаолият кўрсатаётган Насилло Маърупов раҳбарлигидаги “Насилло Миржон Мирзо” фермер хўжалигида ҳам бугун иш қизғин. Хусусан, фермер хўжалиги аъзолари ва шу ерлик аҳоли томонидан Кўча қишлоғидан ўтувчи ички ирригация тармоғини тозалаш ишлари олиб борилмоқда. Вилоят ҳокими Ботир Зарипов мазкур манзилда бўлиб, иш жараёнларининг боришини кўздан кечирди.

Туман секторлари раҳбари ва бошқа дахлдор масъулларга ариқ ва зовурларни тозалаш, бетонлаштириш, ерларни шўр ювишга тайёрлаш, маҳаллий ўғит жамғариш ишларини жадаллаштириш юзасидан кўрсатмалар берди.

Қайд этилганидек, мавсумда белгиланган ирригация чора-тадбирларининг ўз вақтида ва сифатли ўтказилиши вегетация даврида сув исрофгарчилигининг олдини олиб, ички суғориш тармоқларининг фойдали иш коэффициентини оширади. Мелиоратив тадбирлар эса суғориладиган майдонларнинг шўрланиш даражасини камайтириб, ушбу тадбирлар ўтказилган майдонларда зарарли тузларнинг дренаж тармоқлари орқали коллектор тармоқларига чиқиб кетишига эришилади. Бу эса мўл ҳосил гарови демакдир.

Buxoro.uz | Facebook | Instagram | YouTube

#ҳоким_ҳудудларда
#Жондор_тумани

"Чорзона" маҳалла фуқаролар йиғинида ҳозирда 510 та хонадондаги 652 та оилада уч мингга яқин аҳоли истиқомат қилмоқда. Маҳалланинг асосий даромад манбаи деҳқончилик ва чорвачиликдан иборат.

Ботир Зарипов Жондор туманидаги ўрганишлар жараёнида мазкур маҳаллада ҳам бўлди.

Мутасаддиларнинг маълум қилишича, маҳаллада 1972 йилда қурилган маданият клуби узоқ йиллардан бери қаровсиз ва маънан эскирган ҳолда ётибди. Ҳудуддагилар шу клуб фаолиятини қайта тиклаш, бунинг учун аввало иншоотни реконструкция қилишда вилоят ҳокимидан ёрдам сўрашди.

Ботир Зарипов бу масала бугуннинг долзарб масалаларидан бири эканлигини таъкидлаб, бу борада зарур чора-тадбирлар белгиланишини билдирди.

— Маънавият ва маърифат масаласи кун тартибига чиққан бугунги даврда бундай масканлардан унумли фойдаланиш керак. Бунинг учун қандай кўмак зарур бўлса, беришга тайёрмиз. Фақат бу ишни узоқни ўйлаб қилиш керак. Яъни бинодан тадбиркорлик мақсадида ҳам фойдаланиш чораларини кўриш, унинг ҳудудидаги мавжуд ер майдонида аҳоли учун кичик дам олиш жойларини ташкил қилиш лозим, – деди вилоят раҳбари.

Ўз навбатида Ботир Зарипов маҳалла еттилиги билан мулоқот қилди. Шу ердаги бир хонадон мисолида томорқа ерларидан унумли фойдаланиш, хонадонларни тартибга келтириш, экин ва дарахт экиш бўйича қатъий топшириқлар берди. Якка-ёлғиз яшаётганлар, ногиронлар ҳолидан хабар олиш, уларга кўмаклашиш, оилавий келишмовчиликларни бартараф этиш, ажримларга йўл қўймаслик, жиноят ва ҳуқуқбузарликларнинг олдини олиш, ёшлар билан манзилли ишлаш, маҳаллада маънавий-маърифий тадбирларни кўпайтириш юзасидан ҳам вазифалар белгиланди.

— Буларнинг барчаси маҳалла еттилиги зиммасидаги ишлар аслида.Шу боис сизларнинг ишга бўлган муносабатингиз кўп нарсани ҳал қилади. Ижтимоий-маънавий муҳитга таьсир кўрсатади, – деди Ботир Зарипов.

Шунингдек, вилоят ҳокими туман секторлари, туман ҳокимининг ўринбосарларига ҳам амалга оширилиши зарур бўлган ишлар юзасидан муҳим топшириқ ва кўрсатмалар берди.

Buxoro.uz | Facebook | Instagram | YouTube

#ҳоким_ҳудудларда
#Жондор_тумани

“Охших” маҳалла фуқаролар йиғинида бугунга келиб, 684 та хонадонда 4 мингга яқин аҳоли истиқомат қилади. Фаол меҳнат билан банд бўлганлар сони 1 435 нафарни ташкил этади. Ишсизлар сони эса 31 та. Вилоят ҳокими Ботир Зарипов туманга ташрифи чоғида дастлаб мазкур маҳаллада бўлиб, еттилик билан мулоқот қилди. Вилоят раҳбари мулоқот давомида одамлар турмуш даражасини янада яхшилаш, ишсизликка барҳам бериш, жиноят ва ҳуқуқбузарликлар, ажримларнинг олдини олиш ва маҳалла ҳаёти билан боғлиқ бошқа масалаларда амалга оширилаётган ишлар билан қизиқди. Бу борада уларнинг таклифларини ўрганди. Шунга кўра долзарб вазифалар белгиланди.

Шунингдек, вилоят раҳбари маҳаллада қурилиши тугалланмаган ва бўш ётган бино-иншоотларда ишлаб чиқаришларни ташкил этиш, аҳолининг томорқа ерларидан унумли фойдаланиш, ободонлаштириш ишларига жиддий эътибор қаратиш кераклигини қайд этди. Бу борада ҳудуд масъулларининг фаолиятига танқидий баҳо берди.

Қайд этиш жоизки, маҳаллада ўнлаб оилалар мебелсозлик, уста дурадгорлик билан шуғулланиб келишади. Нафақат маҳаллий аҳоли, балки қўшни Қоракўл, Олот, Ромитан, Пешку туманларидан мебель излаганлар бу ерда тайёрланаётган маҳсулот билан қизиқишади.

Бу ердаги “Абдул Боқи Раҳмон” хусусий корхонаси ҳам замонавий лойиҳада барпо қилинган хонадонлар учун турли кўринишдаги бежирим ва пишиқ мебель ишлаб чиқаришни йўлга қўйган. Бугунга келиб корхонада 20 нафардан ортиқ ишчи-мутахассис меҳнат қилаётган бўлса, уларнинг ҳар бири кунига ўзига юкланган вазифа — донабай буюртма ёки мебелнинг таркибий қисмини тўлиқ ясаб, битириб топширмоқда. Қолаверса, қишлоқда якка тартибда хонадонларда, кичик устахона ва цехларда тайёрланаётган пишиқ-пухта мебель маҳсулотлари реализацияси, буюртмалари ва хариди билан ҳам мазкур корхона ва турдош субъектлар изчил иш олиб бориб, умумий фаолият ривожлантирилмоқда.

Вилоят раҳбари мазкур корхона фаолияти билан ҳам танишди. Бу каби тадбиркорлик субъектлари фаолиятини кенгайтириш орқали ҳудуднинг иқтисодий фаоллиги, одамларнинг даромадини ошириш зарурлигини таъкидлади. Мутасаддиларга масаланинг айни шу жиҳатларини инобатга олиб, бу йўналишда корхона ташкил этиш истагида бўлган фуқаролар ва мавжуд тадбиркорлик субъектларини ҳар томонлама қўллаб-қувватлаш юзасидан чора-тадбирлар белгилаш бўйича топшириқ ва кўрсатмалар берди.

Buxoro.uz | Facebook | Instagram | YouTube