給有需要人士的緊急情緒支援

知道大家內心仍然充滿擔憂、恐懼、憤怒、難過和不安等等嘅心情。請大家暫停唔好再睇相關影片，好讓大家不安和複雜嘅心情得以舒緩。

或許今日發生嘅意外會令你訓得唔好甚至失眠，好多畫面喺腦海裏面不斷浮現，發惡夢或者好似身歷其境咁。如果你經歷緊類似上述嘅情況，請大家保持鎮定，明白自己情緒受影響係正常嘅事。

當覺得個心好翳悶、難以呼吸嘅時候，嘗試比自己搵一個安靜嘅地方慢慢深呼吸，嘗試比肌肉慢慢放鬆。

如果想搵人傾訴，建議可以向你信任嘅家人，朋友講述自己嘅感受同情緒。或者可以向不同機構提供嘅緊急情緒支援服務求助。— 英國港僑協會心理健康小組正為在英港人就演唱會意外一事提供緊急情緒支援服務，請透過Telegram: @hkb_mental_health_team 聯絡支援人員。詳情請參看以下海報。

在正常情況底下，你嘅心理狀態會隨着時間過去而好轉的，深刻畫面出現嘅頻率會愈來愈少，當時受驚嘅情緒亦得以淡化。如果有關是次事故嘅資訊會令你觸景傷情，請考慮暫時唔好睇演唱會影片或者聽mirror嘅歌曲。

如果發現兩個星期後情況冇大嘅改善，請向專業人士求助。

#英國 #港僑 #協會 #香港人 #香港 #情緒 #支援 #鏡 #鏡粉 #心理 #健康 #精神 #緊急 #求助 #協助 #幫我 #唔開心 #不開心 #傷心 #sad #upset #unhappy