🔴▪️🔻🔥سيد سلام جبار الفياض ممثل محاضري ذي قار :
رساله اريدها توصل للكل
قبل فترة قليلة جداً طالب تعدى بالضرب على مشرف تربوي العراق كله نخبص خبص ماضل واحد مانشر كله استنكرت الوزير دز عليه واستقبله
وقبلها صارت حالات وي معلمين او مدرسين ملاك ونفس الموقف صار
وقبل فترة هم إخوانه الملاك طلعوا مضاهرة ع مود قطع اراضي وتعدوا عليهم القوات الامنية
احنه المحاضرين سووينه ضجه مو طبيعيه بوقتها وتضامنا وياهم لان احنه وياهم جزء لايتجزأ والمديرية استنكرت وسووت وقفة احتجاجيه ع مودهم
القصد هذوله الي حجيت عليهم هم منه وبينه واحنه وياهم واحد
______
لكن قبل ايام قليلة المحاضرين تعدوا للقمع والضرب وسألت دمائهم
⭕ماشفنا وزير التربية علي حميد مخلف استنكر
⭕وماشفنا محافظ استنكر
⭕ولاشفنا مدراء عاميين استنكروا
⭕ولاشفنا شيخ عشيرة استنكر
⭕ولاشفنا مسؤولين استنكروا
شنو السبب
يخافون مثلا من الحكومة
لو ميعترفون بينه احنه منهم وبيهم
⛔تحتار بهيج حكومة
من تغيب ع الدوام يسوولك انقطاع ويطبقون عليك كل الضوابط
ومن تنقمع يغلسون يكولون انتم مو من عدنا

لكن وحقكم قبيلة المحاضرين باقية✌️🇮🇶
ومستمره بضغطها
ومحد يكدر يتلاعب بحقوقها
مادام اكو زلم عدنا تهز الكون هز

اذا لم تتم اضافتنا في هذا القانون
سنعلن ثورة جديده تزيل جميع المفسدين من مناصبهم

#تنسيقية محاضري وإداري تربية ذي قار العامة
#اللجنة التنسيقية لمحافظات العراق المنتفضة
#سيد_سلام_الفياض

🔴▫️🔻🇮🇶سيد سلام جبار الفياض ممثل محاضري ذي قار :
الشكر لله دائما وابدا
الامور تسير على مايرام
وتم التصويت على فقرتنا حسب كتاب وزير المالية
وبعد قليل ننشر الفقرة
#تكتمل فرحتنا يوم #غد بعون الله حين يتم التصويت على قانون الامن الغذائي
_____حكومتنا علمتنا مانثق بأي شخص____
#وباجر نريد نشوف كل النواب من تمر فقرتنا الكل يرفع ايده ويصوت
#أبطالنا شماحجي عنكم قليل بحقكم
#ممثلينا أبطال المحافظات المنتفضة انتم هيبتنا
#تنسيقيتنا انتم سندنا
#معتصمينا_ولبواتنا وكل الي شاركوا ويانه قليل بحقكم كلمات الشكر

#تنسيقية محاضري وإداري تربية ذي قار العامة
#سيد_سلام_الفياض

🔴▫️🔻سيد سلام جبار الفياض ممثل محاضري ذي قار :

السلام عليكم
#اخواني واخواتي الزملاء المحاضرين والاداريين
اخواني انتم صرتوا اغلبكم فاهمين الوضع الآن واغلبكم يعرف بكل تفاصيل قضيتنا قانونيا واداريا
ممعقولة كل ماشفتوا كتاب نشرتوا وكلتوا ليش ذي قار نايمين هم وممثليهم
#اسمحلي اكلك ومع جل حترامي لكم لكن للبعض
انت النايم ياعزيزي
خليك واعي وفرق بين كتاب الكلف المالية وبين كتاب الرقابة المالية
الى انتشر قبل ايام هذا كتاب طلبته المالية من كل الوزارت ومن ضمنها التربية
#واحنه ك مديرية مكملين امورنا من خلال التقاطع الوضيفي ومن خلال كتاب الرقابة المالية
جهزنا كلشي قبل عدة اشهر
واذا تذكرون نشرنا بخصوص هذا الامر قبل ٤ اشهر تقريبا
اما
#كتاب الكلف المالية لحد الان #قانون_الامن_الغذائي
ممعمول بيه والكل ينتظر مجلس الوزراء يوافق عليه حتى يعملون بيه رسمي
ومن يطبق رسمي راح نعمل بيه بعد مايجي ايعاز من وزارة المالية لوزارة التربية
ووزارة التربية تعمم كتاب للمديريات بخصوص الكلف
احنه ك تنسيقية الان
#كل اخوانكم تواصلوا وي الأقسام بخصوص الكلف وجاي تعمل الأقسام من اجل الاسراع بتجهيز الكلف
وتنتظر ايعاز من المديرية لرفعها للمديرية باسرع وقت
لذلك اخواني اتركوا القال والقيل
#واتركوا يمته نستلم وليش لهسه ممستلمين
بعدنا تره كولوا يالله
جاي نشتغل وجاي نتابع الامور اول بأول
اذا شفنا اكو خلل اول النازلين قبلكم احنه
فلاتهتمون لهيج مواضيع ولاتهتمون لكل شخص يسولف من يمه غايته يسقط بكم نائب او بعض الكتل ويحاول ياجج الوضع
طول عمرنا نكول قضيتنا قضية خاصة ماتتعامل وي اي جهة معينه على حساب الاخرى

#بخصوص_قسم_تربية_الشطرة
اليوم اذا مانزلت المنحة
راح يكون النه موقف ثاني وي المعرقلين......

#تنسيقية محاضري وإداري تربية ذي قار العامة
اللجنة التنسيقية لمحافظات العراق المنتفضة
#سيد_سلام_الفياض

🔴▫️🔻ممثل محاضري ذي قار سيد سلام جبار الفياض :

#الى_محاضري_وإداري_قسم_تربية_الشطرة
بمتابعة من قبل تنسيقيتكم في هذا اليوم
#تم اللقاء بمدير قسم تربية الشطرة الاستاذ #كاظم حسين
وكذلك السيد قائمقام الشطرة المهندس #حيدر غالب
ومدير #مصرف الرافدين فرع الشطرة
#حول التأخير الحاصل في صرف منحة غلاء المعيشة
وكذلك التأخير المستمر في توزيع الرواتب في كل شهر اخر قسم يتم صرف الرواتب هو قسم تربية الشطرة
#وتم الاتفاق وبمعية مدير قسم تربية الشطرة الاستاذ كاظم حسين
على أن تتم متابعة الامور بنفسه وتعهد بأن تكون الأمور المستقبلية على أحسن حال
#ويوم غداً ان شاء الله تصرف منحة غلاء المعيشة
ونحن بدورنا نتابع الامور المستقبلية واذا تم توزيع الرواتب في نهاية الشهر
وكان قسم تربية الشطرة اخر الأقسام في توزيع الرواتب سيكون لنا موقف اخر حول هذا الامر
#نشكر الاستاذ مدير قسم تربية الشطرة على متابعة الامور بنفسه
وكذلك نتمنى له التوفيق في إدارة القسم وان شاء الله يكون من المساندين والداعمين في حلحلة جميع المعرقلات داخل القسم
اخواني نتمنى منكم الصبر ليوم غداً
وان شاء الله في قادم الأيام سنكون على اهبة الاستعداد ضد اي شخص أو جهة او مصرف يعرقل امورنا
في جميع الأقسام وليس فقط قسم تربية الشطرة
فنحن اصحاب حق وصاحب الحق اعمى

#تنسيقية_محاضري_وإداري_تربية_ذي_قار_العامة
#سيد_سلام_الفياض

🔴▫️🔻سيد سلام جبار الفياض :

بسم الله الرحمن الرحيم
( وَقِفُوهُمْ ۖ إِنَّهُم مَّسْـؤولُونَ )
صدق الله العلي العظيم

بيان هام/ المحافظات المنتفضة

بعد ان تم التصويت على قانون الدعم الغذائي وتحديداً على فقرة المحاضرين والاداريين وشمولهم بالقرار ٣١٥ بكافة امتيازاته صُدمنا بسكوت ومماطلة وزارة التربية ولم يبدر من معالي وزير التربية حتى تهنئة لهذه الشريحة التي خدمت وزارته بالمجان لسنين عديدة بل تم استخدام سياسة التسويف والمماطلة بعدم ارسال كتاب الاعمام الخاص بالكلفة المالية الى مديريات التربية في المحافظات من قبل وزارة التربية ووزارة المالية
ماهذا الأهمال تجاه هذه الشريحة اعلينا النزول في كل مرة الى ساحات التظاهر ونصب خيم الاعتصام وإراقة دمائنا من اجل ان تستجيبوا الى ابسط حقوقنا
اهكذا يكافئ من خدمكم وعلم ابنائكم بالمجان
والله وتالله لقد بلغ السيلُ الزُّبَى ونفذ صبرنا
عليكم بالتنسيق مع وزارة المالية لأرسال كتاب الاعمام الخاص بحقوق المحاضرين والاداريين ضمن قانون الامن الغذائي والا سنعلن ثورة ثانية
وهذه المرة سنترك حقوقنا ونطالب بأمور اخرى تصعيدية
كفاكم استخفافاً بشريحة المحاضرين والاداريين
وكونوا حذرين فنحن كنا ولازلنا الرقم الاصعب لأجل حقوقنا

#ومن_هنا نود ان نبين للجميع
لايوجد شخص مخول بتمثيل العراق
فكل محافظة لديها ممثلها الخاص
ولانسمح لأي شخص استغلال حقوقنا ومصادرة اتعابنا
فنحن اصحاب حق وصاحب الحق اعمى لايرى الا قضاء حاجته

#تنسيقية_محاضري_وإداري_تربية_ذي_قار_العامة
{اللجنة التنسيقية لمحافظات العراق المنتفضة}

🔴▫️🔻سيد سلام جبار الفياض ممثل محاضري ذي قار :

#عمي محاضرينا ع كيفكم ويانه
#ادري شو وكت المضاهرات ماكو واحد يتصل لو يطلع لو ينشر بكد ما تنشرون هسه شو قبل على عدد الأصابع الي ينشرون
اخواني
اي قلق ماكو
#المديرية والأقسام جاي تشتغل بالكلف المالية وجاي تشوفون بين يوم ويوم ينزل اعمام جديد شلون بالله نضل يوميه نرفع كلف جديده غير نتاكد وهسه جاي نشتغل ع الاعمام الاخير الي غيروا حقل من الحقول
#وبنفس الوقت اخوانكم جاي نضيف شهادتهم ناس درسوا وتعبوا وهاي فرصتهم شنو خايفين ع فلوس الحكومة مثلا لو راح تدفعون من جيبكم
طيف وراحت للحج مال محافظة تستلم بهاي الفترة مستحيل والله منا لمن تجي طيف
قانون الامن الغذائي بعده ممصادق عليه رئيس الجمهورية
ولامنشور بالجريدة لحد اللحظة من يصادق عليه وينشر بالجريدة يله يصرفون فلوس
يعني كسر بجمع احنه ونهاية شهر ال٨
الفروقات تاخذوهن تاخذوهن

#بس سولفولي بالعقد
خل نسوي ضجه واعلام قوي على وزارة التربية والامانه العامة
#ضروري نبرم عقد او اصدار امر اداري على قرار ٣١٥
خو مو نضل هيج بامر اداري ع قرار ١٣٠ مقتنعين بيه
ركزتوا ع الفلوس مال سنه وماركزتوا ع عقد بيه ضمان مدى الحياة وتثبيت بيه
#الاسماء ان شاء الله ننشره ومابيه تخوف مادام جاي تستلمون راتب لاتخافون ماكو اي خلل وكل هذا وبس نكمل ننشر
الاستعجال مو من صالحه اي خلل او اي استعجال حقوقكم تروح خلونه نشتغل بدقه وتركيز وبنضام صحيح.....
مودتي لكم

#تنسيقية محاضري وإداري تربية ذي قار العامة
اللجنة التنسيقية لمحافظات العراق المنتفضة
#سيد_سلام_الفياض

🔴▫️🔻سيد سلام جبار الفياض ممثل محاضري ذي قار _يوم امس الاثنين :


شارك بقوة
الى الامانة العامة لمجلس الوزراء
المتمثلة بالدكتور #حميد_الغزي
الى وكيل وزير التربية الدكتور #فلاح_القيسي
لماذا هذا الصمت القاتل من قبلكم
لماذا هذا الإهمال والسكوت حول الجواب على الية التعاقد وابرام العقد على قرار ٣١٥
#نتمنى منكم الإجابة باسرع وقت
وإصدار اعمام الى وزارة التربية بخصوص ابرام العقد
#وكذلك على وكيل وزارة التربية الدكتور #فلاح القيسي متابعة الامور مع الامانة العامة كوونه يعتبر احد اقطاب الوزارة وهو المسؤول الأول والأخير في قضية المحاضرين

لاتجعلونا نفقد صبرنا
لاتجعلونا نضطر الى النزول مرة أخرى
__
محاضرينا اتفاجأ من اشوفكم فرحانين والله شنو نزل كتاب ع اعمام الاخير ادري الوزارة يوميه اعمام جديد منزله شنو جديده عليكم
نريد اعلامكم يتوجه حول اليه التعاقد
والاعلام يتوجه على الامانة العامة لازم تجاوب باسرع وقت
خلال هذا الاسبوع اذا لم يتم اصدار اعمام حول الية التعاقد سنتوجه ك ممثلين الى الوزارة واذا لم نجد حلول جذرية ستتوجه قبيلة المحاضرين لحل الامور بنفسها....

#تنسيقية محاضري وإداري تربية ذي قار العامة
اللجنة التنسيقية لمحافظات العراق المنتفضة
#سيد_سلام_الفياض

🔴▫️🔻سيد سلام جبار الفياض ممثل محاضري ذي قار_قبل قليل :

#لحد يصير براسنا بطل قومي
ولحد يستغل قضيتنا بين الحين والآخر
بالأمس تم اتهامنا واتهمونا نحن المنتفضين في بغداد مدفوعين من قبل الاطاريين واتهموا ذهابنا الى بغداد هو من اجل إسقاط جهة معينه على حساب اخرى وليس من اجل حقوقنا
اليوم وغداً نقولها
#لن نقبل بتسيس قضيتنا لحساب جهة معينه على جهة اخرى
الكثير لهم مواقف معنا ولهم دور كبير في إنجاز اشياء بسيطة في قضيتنا
#لكن هذا لايعني ان نطبل لهم ونعبدهم
فلو كانوا فعلا يريدون الخير لهذه الشريحة لعملوا على تثبيتها وليس المماطلة الحاصلة حاليآ
(وكل سنة يأجلون امورنا ويخلونه للانتخابات قاعده جماهيرية مثل ماسوو البعض وصعدوا كم نائب براسنا وتالي ولاواحد بيهم شفنا ويانه)

#محاضرينا وادارينا في محافظتنا الحبيبة
هاي فتنة زرعوها السياسيين واذنابهم
ومانريد تصير فتنة بين أبناء ذي قار
عددنا معروف ومعروف بالأرقام
والمديرية جاي تشتغل حسب الكتب الرسمية وراح نكمل كلفنا ع قريب وننشر الأسماء وبعدها نرفعها ان شاء الله
يردون يضيفون بمكان الي طلعوا بالتقاطع الوظيفي هذا أمر راجع الهم ورزق ويجي للناس مالنه علاقة بيه
اما ك زيادة الكل يعرف مايصير وعدد ورقم واضح مابيه تغيير
#اما بقية المحافظات ماندخل بيهم كل محافظة اله ممثلها الخاص
زيادة الاعداد بعد شهر ال٥ بسنة ٢١ مايصير
اما يردون يخلوهم ع قرار ١٣٠ واحنه على قرار ٣١٥
هذا شي راجع للدولة ومانوكف ضد رزق شخص
احنه علينه نتابع قضيتنا فقط
وحقوقنا خط أحمر مانسمح ال جهة او اي نائب يمس حقوقنا
والي يحاول يتلاعب بحقوقنا يعرف شيصير بيه نجودر بابه ثاني يوم
#اتركوا القال والقيل
واتركوا الي يريد يدور طشه براسنا
واتركوا الي يريد يسيس قضيتنا لحساب جهة ع جهة ثانية
نحن احرار
#نحن اصحاب قضية خاصة وهي المحاضرين
لاننتمي لأي جهة سياسية
لانعترف بهم جميعاً
فقط من يقف معنا نقف معه
ومن يقف ضدنا سنكون ك البركان الثائر أمامه

#تنسيقية محاضري وإداري تربية ذي قار العامة
اللجنة التنسيقية لمحافظات العراق المنتفضة
#سيد_سلام_الفياض

🔴▫️🔻سيد سلام جبار الفياض ممثل محاضري ذي قار :


#الى محاضري وإداري تربية ذي قار العامة
#غداً نعلن النفير العام أمام مديرية تربية ذي قار العامة
#وستغلق التربية بأمر المحاضرين
#كفاكم استخفافاً بحقوقنا
#كفاكم استهزاء بحقوقنا
#حقوقنا خط احمر
غدا اذا لم يتم #رفع الكلف المالية الى وزارة التربية
#سيكون نفير عام لمحاضري ذي قار
وسترفع #صور جميع المقصرين في المديرية
ولن نتهاون بحقوقنا مهما كلفنا الامر
#انتظرناكم كثيرا وكل يوم يتم تأجيل الكلف
بحجج هنالك أخطاء في أسماء المحاضرين
وهذه الأخطاء انتم من تتحملونها وليس المحاضرين
#غداً سترون منهم الجيش التربوي

#تنسيقية محاضري وإداري تربية ذي قار العامة

⚫▪️🔻سيد سلام جبار الفياض :

#منشور مال واحد ميت تعب بس يهون كلشي لأخوته

صارلنه كم يوم ماكاعدين ولامرتاحين
وبالله الكريم مخلصينه من الصبح لليل ركضه بركضه
#والتأخير الي صار هواي اله اسباب وتعرفون الكل طلب بنشر الأسماء وإضافة الشهادة لاخوانك وكلشي يهون اهم شي حقوقكم محفوظه
بالله الكريم صارلنه يومين من ٨ الصبح اطلع من الشطرة اني واخوانك التنسيقية وارجع ب١٢ بالليل
واليوم هسه دخلت للبيت وي الاذان الصبح
#ع العموم الحمدلله صار خلل بسيط البارحه عدنا واتصلنه بالوزارة دزينه نموذج الهم كالوا الافضل تصححون الخلل
وتاخيرنه اليوم ع تصحيح الخلل وتمت المصادقة من قبل التربية وصارت تأخير ببعض الامور تعرفون ٥٧٠ ورقه مو شويه يحتاج وقت ع توقيعهن والرجال مدير التربية اخذهن وياه للبيت حتى يوقعهن والحمدلله كملهن بوقت متأخر
وباقين ع تواصل وي المحافظ لكن صارت الساعه ب٢ بالليل والمحافظ كال ماكدر اوقعهن هسه لان كلش تعبان وعندي موعد من الصبح كلش مهم واريد انام كم ساعه والصبح جيبوهم اصادق عليهن وان شاء الله من الصبح نصادقهن ونكملهن ويتم التوجه بيهن لبغداد حتى لو الضهر عادي المهم الخميس من الصبح كون متواجدين ب٨ونص بالوزارة حتى يتم تسليم الكلف واحالة الكتاب للمالية

#هوااي يكولون سيد سلام نايم لو مايحجي ومايدرون اركض من ٨ الصبح ارجع ب١٢ بالليل حتى مالحك افتح نت
اخواني انتم تعبتوا وانتم متعودين عليه انشر اذا اكو شي مهم ورسمي مال كلاوات ومبروك وبيه الخير وكملنه
هاي الامور ماعندي وماحب اصور يوميه وانشر لان انتم تردون نتيجه واني يوميه بالتربية متواجد اذا انشر يوميه واصور انتم بنفسكم تتعضون
#فمتعود اطلع الكم بالشي المهم وعملي خالص لوجه الله
لا ادور بيه منيه من احد ولا فلان يكلي عفيه
وهسه وكت الصدك وكت الشغل الي بيه فلوس كله راح تحط روحها
#ورادوا هواي امور تصير صرت ضدهم لان حقوقنا فوق كلشي
#لذلك ابتعدوا عن المنشورات السلبيه وابتعدوا عن الفتنة
والي مايعجبه شغل سيد سلام اني ماجبر واحد براحته يسوي الي يريده
الى اريده ان الناصرية ماعايزه فتنة وتفرقه
خلونه متعاونين وايد وحده
والى يريد يصور وينشر ويتحرك براحته هو حر بتصرفاته لكن من توصل لحقوق محاضرينا لا راح يشوفون وجهي الثاني ويلكوني سيف ممدود ع رگابهم....
#حمد_شابع_تفك_وحمود_شابع_صيت

#ان شاء الله كلشي سهل واليوم نكمل كلشي
ومن الخميس هجمتنا تصير ع اللجنة المشكلة
من قبل رئاسة الوزراء
والمهلة الي انطوها ممثلين #المحافظات المنتفضة
احنه ملتزمين بيه وجاهزين وياهم وبمركب واحد
وكدامهم تطيح ولد الناصرية

#تنسيقية محاضري وإداري تربية ذي قار العامة
#اللجنةالتنسيقية لمحافظات العراق المنتفضة
#سيد_سلام_الفياض

⚫▪️🔻سيد سلام جبار الفياض :

يالله
حسب كلام النائب عدي عواد
السيد رئيس الوزراء صادق على محضر الامر الديواني رقم (٣٥)
ورغم كل الاقاويل نبقى على تصعيدنا حتى يتم ابرام العقد وصرف الفروقات
لذا عليكم الضغط اكثر واكثر
#وعلى وزارة المالية العمل على المباشرة بصرف الفروقات باسرع مايمكن
وسنكون متابعيين للامور بعون الله تعالى
لكن لاتتهاونوا في الضغط الاعلامي
ولن يهدا لنا بال حتى ابرام العقد....

#تنسيقية محاضري وإداري تربية ذي قار العامة

⚫▪️🔻سيد سلام جبار الفياض :


هاي الهوسة كله الي صارت مقصودة وجس نبض الشارع التربوي بهيج امور
اضاهر المالية هليام فارغه محد يمها
الاحد ريوكنا باب المالية
خل يجهزون الثواب سيادة وزير المالية
يريد نتعاقد من 1/1
ويريد ينطي فروقات من شهر ال6
خوش كلاوات عدهم الجماعة

أليس الأحد بقريب......
شدوا الهمة يا أبطال
#الحگوگ_تريد_حلوگ
واي تلاعب بحقوقنا سنكون ك البركان الثائر أمامكم
غداً نعلمكم بكافة التفاصيل ان شاء الله....

#تنسيقية محاضري وإداري تربية ذي قار العامة
#اللجنةالتنسيقية لمحافظات العراق المنتفضة
#سيد_سلام_الفياض

🔴▪️🔻سيد سلام جبار الفياض :

عظم الله لكم الأجر بأستشهاد سيد شباب اهل الجنة وأهل بيته الطيبين الطاهرين عليهم السلام

#رسالة إلى نواب ذي قار جميعاً بدون استثناء
هنالك حقوق ٢٧ الف عائلة في محافظة ذي قار من المحاضرين والاداريين
#وأنتم اليوم صوت الشعب وصوت هذه الشريحة
عليكم التوجه يوم الأربعاء إلى بغداد جميعاً وحسم الامور النهائية في وزارة المالية في مايخص التمويل وغيرها من الامور
#ونحن في هذا الليلة العظيمة مهلتنا لكم هي يوم الأربعاء فقط
#اذا لم تحسم الامور نهائياً
#سيكون لنا موقف اخر وسيكون للمحاضرين والإداريين صوتهم المرعب امام بيوتكم وسنكون مشروع استشهادي في القريب العاجل
وكذلك على #مديرية تربية ذي قار العامة
التوجه إلى بغداد يوم الأربعاء مع النواب وتجهيز كلشي واطلاق التمويل للمحافظة

#اخواني واخواتي المحاضرين
صحيح ان الامور مطمئنه وطيبة حسب كل التدخلات من قبل الأمين العام #الدكتور حميد الغزي
ومحافظ ذي قار #محمد هادي
#وبعض النواب تعهدوا بحسم الامور
لكن هذا لايعني ان الامور #قد حسمت رسمي
لابد أن يكون #ضغطنا الاعلامي مستمر وتحشيدنا مستمر
ولايهدأ لنا بال حتى #استلام_الفروقات_وابرام_العقد
واذا لم نلتمس اي نتيجة من قبل الحكومة المركزية والمحلية خلال يوم الأربعاء
#سيكون يوم الخميس هو نفير عام والجميع يعلم من هم الحشد التربوي
وماذا يعمل حين يخرج
فحينها سيجتمع أبناء شعلان المثنى
مع أبناء الحبوبي في مكان موحد ويعلنون الاعتصام المشترك في القرب من #جسر_فهد مع إغلاق كل شيء

#حكومتنا لاتجعلونا نعمل هذه الامور
ونحن شريحة تربوية لكن حين نرى تهاون مقصود مع هذه الشريحة سترون الوجه الاخر لنا.....

#تنسيقية محاضري وإداري تربية ذي قار العامة
#سيد_سلام_الفياض

◼▪️🔻سيد سلام جبار الفياض_يوم امس الثلاثاء :
شارك بقوة
#رسالة إلى
#نواب_محافظة_ذي_قار_جميعاً
الى محافظ ذي قار #الدكتور محمد هادي
الى #مدير تربية ذي قار العامة
عليكم التكاتف جميعاً من اجل أرزاق ابنائكم المحاضرين والاداريين
وعليكم الاتصال بمدير دائرة الموازنة #طيف سامي للتواجد يوم غداً في وزارة المالية لأنها #اعتذرت يوم غد من الدوام
#لذا عليكم ان تكونوا يد واحده غداً والتواجد معنا في وزارة المالية لحسم الامور وانصاف المحافظات ال5 التي حاولوا المغرضين عدم انصافهم
#وعدم حضوركم غدا معنا هو استهانه بحقوق هذه الشريحة
فيوم الخميس لاتلومنا عن ثورتنا التي ستكون شرارة ضد مناصبكم.....
اانطي تاك للنواب والمحافظ ومدير التربية....

#تنسيقية محاضري وإداري تربية ذي قار العامة
#اللجنةالتنسيقية لمحافظات العراق المنتفضة
#سيد_سلام_الفياض

⚫▪️🔻سيد سلام جبار الفياض :

#الاخوة والاخوات الزملاء المحاضرين والاداريين
الكثير منكم يتسائل حول الفروقات ومتى يتم استلامها
الكل يعلم أن الإجراءات بدأت من اليوم لغرض التمويل
واليوم اكملنا كتاب التمويل من المحافظة والساعة ال١ ضهرا تم إكمال التمويل من المحافظة ويوم الأحد أن شاء الله يتم إرساله الى وزارة المالية
(مسؤول ملف المحاضرين في المديرية سيد محمد الرجال منتظر في الوزارة اليوم ومنتظر الكتاب يكمل ويوصله في يد اي شخص لكن تعرفون إجراءات الكتب وماكدرنه ندزلياه لان الساعة ب١ يلا كمل وان شاء الله الأحد يسلمه للمالية
والفروقات الكل يستلمها نهاية هذا الشهر بعون الله
واذا تم تسليم الكتاب يوم ١٥ فما فوق يتم الصرف مال ٨ اشهر لان وزارة المالية بعد يوم ١٥ يلا تبلش لتمويل الشهر الجديد
وان شاء الله تستلمون فروقات ٨ اشهر)

#بالنسبة لابرام العقد هذا يحتاجله ضغط اعلامي قوي ونركز عليه وكذلك تحركاتنه ك ممثلين ممقصربن وان شاء الله من الأسبوع القادم نحسم موضوع ابرام العقد....
الى نريده منكم هدوء شويه تره تعبتوا والكل تعب
والأمور نحسمت ميحتاج هيج مخبوصين والف رسالة لكيته ع الفروقات والله مالحك اجاوب....

#تنسيقية محاضري وإداري تربية ذي قار العامة
#اللجنةالتنسيقية لمحافظات العراق المنتفضة
#سيد_سلام_الفياض

⚫▪️🔻سيد سلام جبار الفياض :


#محاضرينا وادارينا الأحبة
الان تم #تسليم كتاب التمويل الى وزارة المالية
والجميع يعلم الان وزارة المالية في حالة تمويل الرواتب لكل المحافظات ولكل الوزارات
لذلك تم تسليم كتابنا للوزارة
#وان شاء الله الاسبوع القادم #استلام الفروقات
مع راتب الشهر ال٨ بعون الله تعالى
#نتمنى منكم جميعا التحلي بالصبر وترك امور الفروقات والتركيز على #ابرام العقد والضغط الاعلامي
على الأمانة العامة من اجل الاسراع في الإجابة حول الاستفسار الذي أرسلته وزارة التربية يوم أمس
لكي يتم الاعمام لجميع المديريات من اجل ابرام العقد
والعمل بضوابط قرار ٣١٥ بكافة امتيازاته
من( تنسيب_ ونقل _واجازات بشقيها.... )

#تنسيقية محاضري وإداري تربية ذي قار العامة
#اللجنةالتنسيقية لمحافظات العراق المنتفضة
#سيد_سلام_الفياض

⚫▪️🔻سيد سلام جبار الفياض :

اولا /#مبارك لمحاضري وإداري واسط الحبيبة على استلام فروقاتهم ويارب يصرفونها بالعافية والفروقات والعقد قليل بحق كل محاضري العراق

ثانياً /#محاضرينا وادارينا اخواني احنه حجينا وسولفنه ووضحت بمنشورات وبث واكثر من تعليق واخوانكم وضحوا هم
#الفروقات ك محاضري ذي قار وي الراتب نستلمهن سوه
الاسبوع القادم ان شاء الله بنهايته يتم توزيع الرواتب واحنه نستلم فروقات وراتب بنفس اللحظه
فعادي من نصبر اسبوع
صبرنا هاي السنين كله اسبوع مانصبر
وشنو الي بادينه نسويه يعني دائرة الشؤون المالية والإدارية في ذي قار دكلك فروقاتكم صارت وي الراتب وعادي ماكو شكال تره
#اما اذا ختلف الوضع وماستلمنه وي الراتب اني قبلكم تلكوني نازل للشارع

#الي اريده منكم تعوفون الفروقات هسه والتركيز يكون ع #ابرام العقد وضروري اعلامكم مايبرد وتسوون ضجة إعلامية ع مود نتعاقد قانونيا الأوامر الي صدرت من المديريات هاي تحمي المديرية فقط اما ك محاضرين ماتاكل عدنا هيج أوامر
ان شاء الله يوم #الاحد راح نتوجه ك #ممثلين مع بعض #النواب لحسم ملف ابرام العقد
#لكن نحتاج ضغطكم الاعلامي حتى تسهل الامور بشكل رسمي

#من تشوفوني مامنزل منشور امس وضليتوا تسقطون
اخواني تره كل واحد عنده ضروف مو شرط يوميه نشرح الكم وهو نفس الكلام

يارب تستلمون الفروقات وتبرمون عقدكم وتثبتون وتخلصون من هاي الهوسه

#تنسيقية محاضري وإداري تربية ذي قار العامة
#اللجنةالتنسيقية لمحافظات العراق
#سيد_سلام_الفياض