🔴▫️🔻ممثل محاضري ذي قار سلام جبار الفياض :

#الى_السيد_حسن_الكعبي
رئيس اللجنة المالية
من جانب دكول هذا القانون خاص بالامن الغذائي
وماكو فلوس
وهسه تضيفون 500 مليار لخدمة بغداد والمدينة الصدر خاصة
احنه مو ضد الأعمار بالعكس
بس سيادة النائب ٢٦٠ الف عائلة منتظرة قوته ومنتظرة تعيش بسعادة
وتطلب ابسط حقوقها هو قرار ٣١٥
وكل الي محتاجينه هو ٣٥٠ مليار تفرح بيه ٢٦٠ الف عائلة....
نتمنى منكم النظر الى هذه الشريحة
_________
#محاضرينا جاي تشوفون بعينكم بعد
الإضافات تشتغل ع الخاص
ومن تجي لقضيتنا يكولون مانكدر وماكو فلوس
الأربعاء ثورة زلم
الأربعاء راح يكون موقفنا يختلف
الأربعاء ثورة الحشد التربوي الكبرى في تاريخ العراق
نكون او لا نكون

🔴▫️🔻سيد سلام جبار الفياض ممثل محاضري ذي قار_قبل قليل :

#لحد يصير براسنا بطل قومي
ولحد يستغل قضيتنا بين الحين والآخر
بالأمس تم اتهامنا واتهمونا نحن المنتفضين في بغداد مدفوعين من قبل الاطاريين واتهموا ذهابنا الى بغداد هو من اجل إسقاط جهة معينه على حساب اخرى وليس من اجل حقوقنا
اليوم وغداً نقولها
#لن نقبل بتسيس قضيتنا لحساب جهة معينه على جهة اخرى
الكثير لهم مواقف معنا ولهم دور كبير في إنجاز اشياء بسيطة في قضيتنا
#لكن هذا لايعني ان نطبل لهم ونعبدهم
فلو كانوا فعلا يريدون الخير لهذه الشريحة لعملوا على تثبيتها وليس المماطلة الحاصلة حاليآ
(وكل سنة يأجلون امورنا ويخلونه للانتخابات قاعده جماهيرية مثل ماسوو البعض وصعدوا كم نائب براسنا وتالي ولاواحد بيهم شفنا ويانه)

#محاضرينا وادارينا في محافظتنا الحبيبة
هاي فتنة زرعوها السياسيين واذنابهم
ومانريد تصير فتنة بين أبناء ذي قار
عددنا معروف ومعروف بالأرقام
والمديرية جاي تشتغل حسب الكتب الرسمية وراح نكمل كلفنا ع قريب وننشر الأسماء وبعدها نرفعها ان شاء الله
يردون يضيفون بمكان الي طلعوا بالتقاطع الوظيفي هذا أمر راجع الهم ورزق ويجي للناس مالنه علاقة بيه
اما ك زيادة الكل يعرف مايصير وعدد ورقم واضح مابيه تغيير
#اما بقية المحافظات ماندخل بيهم كل محافظة اله ممثلها الخاص
زيادة الاعداد بعد شهر ال٥ بسنة ٢١ مايصير
اما يردون يخلوهم ع قرار ١٣٠ واحنه على قرار ٣١٥
هذا شي راجع للدولة ومانوكف ضد رزق شخص
احنه علينه نتابع قضيتنا فقط
وحقوقنا خط أحمر مانسمح ال جهة او اي نائب يمس حقوقنا
والي يحاول يتلاعب بحقوقنا يعرف شيصير بيه نجودر بابه ثاني يوم
#اتركوا القال والقيل
واتركوا الي يريد يدور طشه براسنا
واتركوا الي يريد يسيس قضيتنا لحساب جهة ع جهة ثانية
نحن احرار
#نحن اصحاب قضية خاصة وهي المحاضرين
لاننتمي لأي جهة سياسية
لانعترف بهم جميعاً
فقط من يقف معنا نقف معه
ومن يقف ضدنا سنكون ك البركان الثائر أمامه

#تنسيقية محاضري وإداري تربية ذي قار العامة
اللجنة التنسيقية لمحافظات العراق المنتفضة
#سيد_سلام_الفياض

🔴▪️🔻حيدر عبد الرضا :

#تنوييه_مهم
للاخوة معتمدي المديريات...
الغرض من تواجدك في وزارة المالية اي خطأ تعالجة هو داخل الوزارة دون الحاجة للمخاطبات كما حصل في العديد من المديريات وخير مثال اليوم صلاح الدين تمت مخاطبة وبالتالي إعادة روتين ممل يستغرق اكثر وقت ونحن نحارب الوقت حتى لا نقع في المحضور...
و #كربلاء اليوم تم إرجاع كتابهم كليآ وتحججت وزارة المالية بعدم استقبال الكتب من المحافظ بل من وزارة التربية..#طبعا بجهود ممثلية علي فاضل ونائبة كانت حاضرة

#اما كديوانية كما تم التنويه من الصباح هنالك أخطاء بسيطة اذا لم تتم معالجتها من قبل المعتمد سيرجع الكتاب ويدخل في دوامة الروتين الممل...وتم الاتصال بالأستاذ عقيل الجبوري ومدير الحسابات الأستاذ رياح جفات #وتم معالجة الموقف ان شاء الله.

#محاضرينا_واداريينا_أمانة

#ممثلية_عقود_تربية_الديوانية
#التنسيقية_المشتركة_للمحاضرين_والاداريين_في_العراق

#حيدرعبدالرضا

⚫▪️🔻سيد سلام جبار الفياض :


#محاضرينا وادارينا الأحبة
الان تم #تسليم كتاب التمويل الى وزارة المالية
والجميع يعلم الان وزارة المالية في حالة تمويل الرواتب لكل المحافظات ولكل الوزارات
لذلك تم تسليم كتابنا للوزارة
#وان شاء الله الاسبوع القادم #استلام الفروقات
مع راتب الشهر ال٨ بعون الله تعالى
#نتمنى منكم جميعا التحلي بالصبر وترك امور الفروقات والتركيز على #ابرام العقد والضغط الاعلامي
على الأمانة العامة من اجل الاسراع في الإجابة حول الاستفسار الذي أرسلته وزارة التربية يوم أمس
لكي يتم الاعمام لجميع المديريات من اجل ابرام العقد
والعمل بضوابط قرار ٣١٥ بكافة امتيازاته
من( تنسيب_ ونقل _واجازات بشقيها.... )

#تنسيقية محاضري وإداري تربية ذي قار العامة
#اللجنةالتنسيقية لمحافظات العراق المنتفضة
#سيد_سلام_الفياض

⚫▪️🔻سيد سلام جبار الفياض :

اولا /#مبارك لمحاضري وإداري واسط الحبيبة على استلام فروقاتهم ويارب يصرفونها بالعافية والفروقات والعقد قليل بحق كل محاضري العراق

ثانياً /#محاضرينا وادارينا اخواني احنه حجينا وسولفنه ووضحت بمنشورات وبث واكثر من تعليق واخوانكم وضحوا هم
#الفروقات ك محاضري ذي قار وي الراتب نستلمهن سوه
الاسبوع القادم ان شاء الله بنهايته يتم توزيع الرواتب واحنه نستلم فروقات وراتب بنفس اللحظه
فعادي من نصبر اسبوع
صبرنا هاي السنين كله اسبوع مانصبر
وشنو الي بادينه نسويه يعني دائرة الشؤون المالية والإدارية في ذي قار دكلك فروقاتكم صارت وي الراتب وعادي ماكو شكال تره
#اما اذا ختلف الوضع وماستلمنه وي الراتب اني قبلكم تلكوني نازل للشارع

#الي اريده منكم تعوفون الفروقات هسه والتركيز يكون ع #ابرام العقد وضروري اعلامكم مايبرد وتسوون ضجة إعلامية ع مود نتعاقد قانونيا الأوامر الي صدرت من المديريات هاي تحمي المديرية فقط اما ك محاضرين ماتاكل عدنا هيج أوامر
ان شاء الله يوم #الاحد راح نتوجه ك #ممثلين مع بعض #النواب لحسم ملف ابرام العقد
#لكن نحتاج ضغطكم الاعلامي حتى تسهل الامور بشكل رسمي

#من تشوفوني مامنزل منشور امس وضليتوا تسقطون
اخواني تره كل واحد عنده ضروف مو شرط يوميه نشرح الكم وهو نفس الكلام

يارب تستلمون الفروقات وتبرمون عقدكم وتثبتون وتخلصون من هاي الهوسه

#تنسيقية محاضري وإداري تربية ذي قار العامة
#اللجنةالتنسيقية لمحافظات العراق
#سيد_سلام_الفياض

🔴▪️🔻سلام جبار الفياض :

عزيزي المحاضر
اذا تراسلني الجمعة دكلي شنو الأخبار
وترجع السبت تراسلني دكلي ليش ماوزعتوا فروقات
شتريد اجاوبك!!!!!!

رسالتي هاي اريده توصل للاقسام جميعاً في ذي قار
الى وصلني هسه كم قسم ممكمل امور المحاضرين
ثقوا
الكم بس باجر اذا ماكملتوا كل امورنا باجر
الاثنين مايبقى قسم مفتوح
لان كلش انطينه مجال وكلش تساهلنه وياكم هاي الفترة

#باجر اني بالمديرية وراح اشوف الخلل وين
الأقسام الي مكملة باجر ضروري تراجع المديرية وتشوف وضعها وتكمل شغلها وتوزع فروقات محاضريهم وادارييهم
اما القسم الي ممكمل راح ينغلق عكبه
واذا الخلل يم المديرية راح باجر نشوف ونتأكد من الوضع
حتى الاثنين نقرر يم منو نطلع
لان كلش وصلت حدها وياكم
وكلش انطينه مجال وتحملنا هواي
لدكلي الفلوس موجوده وماطايره.
الناس ملت وباجر نريد تكملون كلشي
#محاضرينا مو بس تهوسون ع سيد سلام اضغطوا ع اقسامكم وهددوهم والاثنين نغلق كلشي كافي تطلع سباعيتك عليه وعايف قسمك

#باجر انتظرونا نوافيكم بالاخبار من داخل المديرية
ونشوف القصور وين حتى ننصب خيمنا يمه
أنتهى.......