⚫▪️🔻سيد سلام جبار الفياض :

#منشور مال واحد ميت تعب بس يهون كلشي لأخوته

صارلنه كم يوم ماكاعدين ولامرتاحين
وبالله الكريم مخلصينه من الصبح لليل ركضه بركضه
#والتأخير الي صار هواي اله اسباب وتعرفون الكل طلب بنشر الأسماء وإضافة الشهادة لاخوانك وكلشي يهون اهم شي حقوقكم محفوظه
بالله الكريم صارلنه يومين من ٨ الصبح اطلع من الشطرة اني واخوانك التنسيقية وارجع ب١٢ بالليل
واليوم هسه دخلت للبيت وي الاذان الصبح
#ع العموم الحمدلله صار خلل بسيط البارحه عدنا واتصلنه بالوزارة دزينه نموذج الهم كالوا الافضل تصححون الخلل
وتاخيرنه اليوم ع تصحيح الخلل وتمت المصادقة من قبل التربية وصارت تأخير ببعض الامور تعرفون ٥٧٠ ورقه مو شويه يحتاج وقت ع توقيعهن والرجال مدير التربية اخذهن وياه للبيت حتى يوقعهن والحمدلله كملهن بوقت متأخر
وباقين ع تواصل وي المحافظ لكن صارت الساعه ب٢ بالليل والمحافظ كال ماكدر اوقعهن هسه لان كلش تعبان وعندي موعد من الصبح كلش مهم واريد انام كم ساعه والصبح جيبوهم اصادق عليهن وان شاء الله من الصبح نصادقهن ونكملهن ويتم التوجه بيهن لبغداد حتى لو الضهر عادي المهم الخميس من الصبح كون متواجدين ب٨ونص بالوزارة حتى يتم تسليم الكلف واحالة الكتاب للمالية

#هوااي يكولون سيد سلام نايم لو مايحجي ومايدرون اركض من ٨ الصبح ارجع ب١٢ بالليل حتى مالحك افتح نت
اخواني انتم تعبتوا وانتم متعودين عليه انشر اذا اكو شي مهم ورسمي مال كلاوات ومبروك وبيه الخير وكملنه
هاي الامور ماعندي وماحب اصور يوميه وانشر لان انتم تردون نتيجه واني يوميه بالتربية متواجد اذا انشر يوميه واصور انتم بنفسكم تتعضون
#فمتعود اطلع الكم بالشي المهم وعملي خالص لوجه الله
لا ادور بيه منيه من احد ولا فلان يكلي عفيه
وهسه وكت الصدك وكت الشغل الي بيه فلوس كله راح تحط روحها
#ورادوا هواي امور تصير صرت ضدهم لان حقوقنا فوق كلشي
#لذلك ابتعدوا عن المنشورات السلبيه وابتعدوا عن الفتنة
والي مايعجبه شغل سيد سلام اني ماجبر واحد براحته يسوي الي يريده
الى اريده ان الناصرية ماعايزه فتنة وتفرقه
خلونه متعاونين وايد وحده
والى يريد يصور وينشر ويتحرك براحته هو حر بتصرفاته لكن من توصل لحقوق محاضرينا لا راح يشوفون وجهي الثاني ويلكوني سيف ممدود ع رگابهم....
#حمد_شابع_تفك_وحمود_شابع_صيت

#ان شاء الله كلشي سهل واليوم نكمل كلشي
ومن الخميس هجمتنا تصير ع اللجنة المشكلة
من قبل رئاسة الوزراء
والمهلة الي انطوها ممثلين #المحافظات المنتفضة
احنه ملتزمين بيه وجاهزين وياهم وبمركب واحد
وكدامهم تطيح ولد الناصرية

#تنسيقية محاضري وإداري تربية ذي قار العامة
#اللجنةالتنسيقية لمحافظات العراق المنتفضة
#سيد_سلام_الفياض

⚫▪️🔻سيد سلام جبار الفياض :


هاي الهوسة كله الي صارت مقصودة وجس نبض الشارع التربوي بهيج امور
اضاهر المالية هليام فارغه محد يمها
الاحد ريوكنا باب المالية
خل يجهزون الثواب سيادة وزير المالية
يريد نتعاقد من 1/1
ويريد ينطي فروقات من شهر ال6
خوش كلاوات عدهم الجماعة

أليس الأحد بقريب......
شدوا الهمة يا أبطال
#الحگوگ_تريد_حلوگ
واي تلاعب بحقوقنا سنكون ك البركان الثائر أمامكم
غداً نعلمكم بكافة التفاصيل ان شاء الله....

#تنسيقية محاضري وإداري تربية ذي قار العامة
#اللجنةالتنسيقية لمحافظات العراق المنتفضة
#سيد_سلام_الفياض

◼▪️🔻سيد سلام جبار الفياض_يوم امس الثلاثاء :
شارك بقوة
#رسالة إلى
#نواب_محافظة_ذي_قار_جميعاً
الى محافظ ذي قار #الدكتور محمد هادي
الى #مدير تربية ذي قار العامة
عليكم التكاتف جميعاً من اجل أرزاق ابنائكم المحاضرين والاداريين
وعليكم الاتصال بمدير دائرة الموازنة #طيف سامي للتواجد يوم غداً في وزارة المالية لأنها #اعتذرت يوم غد من الدوام
#لذا عليكم ان تكونوا يد واحده غداً والتواجد معنا في وزارة المالية لحسم الامور وانصاف المحافظات ال5 التي حاولوا المغرضين عدم انصافهم
#وعدم حضوركم غدا معنا هو استهانه بحقوق هذه الشريحة
فيوم الخميس لاتلومنا عن ثورتنا التي ستكون شرارة ضد مناصبكم.....
اانطي تاك للنواب والمحافظ ومدير التربية....

#تنسيقية محاضري وإداري تربية ذي قار العامة
#اللجنةالتنسيقية لمحافظات العراق المنتفضة
#سيد_سلام_الفياض

⚫▪️🔻سيد سلام جبار الفياض :

#الاخوة والاخوات الزملاء المحاضرين والاداريين
الكثير منكم يتسائل حول الفروقات ومتى يتم استلامها
الكل يعلم أن الإجراءات بدأت من اليوم لغرض التمويل
واليوم اكملنا كتاب التمويل من المحافظة والساعة ال١ ضهرا تم إكمال التمويل من المحافظة ويوم الأحد أن شاء الله يتم إرساله الى وزارة المالية
(مسؤول ملف المحاضرين في المديرية سيد محمد الرجال منتظر في الوزارة اليوم ومنتظر الكتاب يكمل ويوصله في يد اي شخص لكن تعرفون إجراءات الكتب وماكدرنه ندزلياه لان الساعة ب١ يلا كمل وان شاء الله الأحد يسلمه للمالية
والفروقات الكل يستلمها نهاية هذا الشهر بعون الله
واذا تم تسليم الكتاب يوم ١٥ فما فوق يتم الصرف مال ٨ اشهر لان وزارة المالية بعد يوم ١٥ يلا تبلش لتمويل الشهر الجديد
وان شاء الله تستلمون فروقات ٨ اشهر)

#بالنسبة لابرام العقد هذا يحتاجله ضغط اعلامي قوي ونركز عليه وكذلك تحركاتنه ك ممثلين ممقصربن وان شاء الله من الأسبوع القادم نحسم موضوع ابرام العقد....
الى نريده منكم هدوء شويه تره تعبتوا والكل تعب
والأمور نحسمت ميحتاج هيج مخبوصين والف رسالة لكيته ع الفروقات والله مالحك اجاوب....

#تنسيقية محاضري وإداري تربية ذي قار العامة
#اللجنةالتنسيقية لمحافظات العراق المنتفضة
#سيد_سلام_الفياض

⚫▪️🔻سيد سلام جبار الفياض :


#محاضرينا وادارينا الأحبة
الان تم #تسليم كتاب التمويل الى وزارة المالية
والجميع يعلم الان وزارة المالية في حالة تمويل الرواتب لكل المحافظات ولكل الوزارات
لذلك تم تسليم كتابنا للوزارة
#وان شاء الله الاسبوع القادم #استلام الفروقات
مع راتب الشهر ال٨ بعون الله تعالى
#نتمنى منكم جميعا التحلي بالصبر وترك امور الفروقات والتركيز على #ابرام العقد والضغط الاعلامي
على الأمانة العامة من اجل الاسراع في الإجابة حول الاستفسار الذي أرسلته وزارة التربية يوم أمس
لكي يتم الاعمام لجميع المديريات من اجل ابرام العقد
والعمل بضوابط قرار ٣١٥ بكافة امتيازاته
من( تنسيب_ ونقل _واجازات بشقيها.... )

#تنسيقية محاضري وإداري تربية ذي قار العامة
#اللجنةالتنسيقية لمحافظات العراق المنتفضة
#سيد_سلام_الفياض

⚫▪️🔻سيد سلام جبار الفياض :

اولا /#مبارك لمحاضري وإداري واسط الحبيبة على استلام فروقاتهم ويارب يصرفونها بالعافية والفروقات والعقد قليل بحق كل محاضري العراق

ثانياً /#محاضرينا وادارينا اخواني احنه حجينا وسولفنه ووضحت بمنشورات وبث واكثر من تعليق واخوانكم وضحوا هم
#الفروقات ك محاضري ذي قار وي الراتب نستلمهن سوه
الاسبوع القادم ان شاء الله بنهايته يتم توزيع الرواتب واحنه نستلم فروقات وراتب بنفس اللحظه
فعادي من نصبر اسبوع
صبرنا هاي السنين كله اسبوع مانصبر
وشنو الي بادينه نسويه يعني دائرة الشؤون المالية والإدارية في ذي قار دكلك فروقاتكم صارت وي الراتب وعادي ماكو شكال تره
#اما اذا ختلف الوضع وماستلمنه وي الراتب اني قبلكم تلكوني نازل للشارع

#الي اريده منكم تعوفون الفروقات هسه والتركيز يكون ع #ابرام العقد وضروري اعلامكم مايبرد وتسوون ضجة إعلامية ع مود نتعاقد قانونيا الأوامر الي صدرت من المديريات هاي تحمي المديرية فقط اما ك محاضرين ماتاكل عدنا هيج أوامر
ان شاء الله يوم #الاحد راح نتوجه ك #ممثلين مع بعض #النواب لحسم ملف ابرام العقد
#لكن نحتاج ضغطكم الاعلامي حتى تسهل الامور بشكل رسمي

#من تشوفوني مامنزل منشور امس وضليتوا تسقطون
اخواني تره كل واحد عنده ضروف مو شرط يوميه نشرح الكم وهو نفس الكلام

يارب تستلمون الفروقات وتبرمون عقدكم وتثبتون وتخلصون من هاي الهوسه

#تنسيقية محاضري وإداري تربية ذي قار العامة
#اللجنةالتنسيقية لمحافظات العراق
#سيد_سلام_الفياض

⚫▪️🔻سيد سلام جبار الفياض :

#الاخوة والاخوات الزملاء المتعاقدين على مديرية تربية ذي قار العامة

#بسبب إغلاق المديرية العامة لتربية ذي قار من قبل الأخوة الموظفين للمطالبة بقطع الأراضي
تم تأجيل رفع الرواتب #ليوم غداً ان شاء الله
ويتم توزيع الرواتب لجميع الأقسام ملاك +محاضرين
يوم غداً بعون الله تعالى
#اما في مايخص الفروقات سيتم توزيعها بعد الراتب
وبداية الاسبوع المقبل (يوم الأحد) يتم صرف الفروقات لجميع المحاضرين والاداريين المتعاقدين على مديرية تربية ذي قار العامة

#اما في مايخص التعاقد
الان بدء #اجتماع مدير عام تربية ذي قار
مع جميع مدراء الأقسام لوضع خطة صحيحة لغرض ابرام العقد
#وسيتم اعلامكم عن #موعد التعاقد وماهي الاوليات التي يتطلب احضارها من قبلكم
سنوافيكم بالاخبار اليوم ان شاء الله
دمتم سالمين

#تنسيقية_عقود_تربية_ذي_قار_العامة
#اللجنةالتنسيقية لمحافظات العراق
#سيد_سلام_الفياض

⚫▪️🔻سلام جبار الفياض :


الأحبة عقود تربية ذي قار العامة
لمن يتسائل لماذا موعد ابرام العقد يوم الأحد المصادف ٩/٤
اخواني الكل يعرف من الاوليات المطلوبة للتعاقد كتاب استمرارية بالدوام من قبل مدير المدرسة
وبهذا الوقت اغلب المدراء ماموجودين او مسافرين
والكل يعرف يوم ٩/١ مباشرة الدوام الرسمي وبهذا الوقت الكل راح يتواجد
لذلك صار التعاقد يوم ٤ /٩
حتى كل المدراء متواجدين من اجل تسهيل امور المحاضرين
اما في خصوص يصادف التعاقد مع خدمة زوار الامام الحسين( المشاية)
اخواني التعاقد مفتوح وعادي اكيد يتوقف بوقت الزيارة والخدمة
والكل تتعاقد باي وقت لان الوقت مفتوح مو محدد فمستحيل يبقى واحد مامتعاقد والكل راح تتعاقد بعون الله

دمتم سالمين أحبتي....

#تنسيقية عقود تربية ذي قار العامة
#اللجنةالتنسيقية لمحافظات العراق
#سيد_سلام_الفياض

⚫▪️🔻سيد سلام جبار الفياض_ممثل محاضري ذي قار_قبل قليل  :


اخر منشور انشره قبل لا انام
اخواني
الأقسام الي ستلمت صك اليوم
استلموه بوقت متأخر وما اعتقد لحكوا ع المصرف
لذلك حتمال باجر يوزعون فروقاتكم وتنسيقيتكم باجر راح يتابع الامور وتوزيع الفروقات كل تنسيقية حسب قسمها

اما الأقسام الي ماستلمت صك اليوم
باجر منسقيتكم راح يتابعون وي الحسابات ويرحون للمديرية من اجل إكمال كافة الامور واستلام الصكوك
وان شاء الله منسقيتكم مايقصرون وراح نوافيكم بالاخبار باجر بعون الله
انطوهم مجال لباجر وخل نشوف الوضع لكن ضروري ضغطكم الاعلامي يبقى  مستمر حتى  مايصير برود بالقضية
وان شاء الله كل الأقسام باجر تكمل اله اللهم يبقى قسم من الأقسام لعكبه اللهم اعلم

#تنسيقية عقود تربية ذي قار العامة
#اللجنةالتنسيقية لمحافظات العراق
    #سيد_سلام_الفياض

🔴▪️🔻ممثل محاضري ذي قار سيد سلام جبار الفياض _قبل قليل :

اللهم لك الحمد والشكر يارب
#شكراً لله
#شكراً للشهداء
شكراً #لمحافظ ذي قار محمد هادي
ومستشاره القانوني #عايد البدري
وكذلك الاستاذ #احمد عبادي لمتابعتهم المستمرة معنا من اجل صرف الفروقات
كذلك كل الشكر لدائرة الشؤون المالية والإدارية المتمثلة بالاستاذ على #سماعيل سبتي
شكراً لكل من ساهم في إنجاز هذا الملف
من #مديرية التربية من #مديرها الاستاذ #محمد_لفته ومعاون مدير التربية #حجي_وصفي
وجميع الموظفين فيها وكل اقسامها
#شكراً لكل أقسام تربية ذي قار في جميع الاقضية والنواحي
#شكراً لكل نائب ساندنا في هذا الملف
#شكراً لكم يا أبطالنا المتعاقدين جميعاً
#شكراً لتنسيقيتنا الأبطال
#شكراً لممثلي العراق جميعاً ❤️
#شكراً لكل من ساندنا

#الان تم صرف فروقات قسم تربية الناصرية مصرف النخيل
وبعد قليل يتم الصرف من قبل مصرف الرافدين
وكذلك بعض الأقسام تستلم تباعا اليوم او غداً بعون الله تعالى
تصرفوهن بالعافية الغوالي
وهذا قليل بحقكم ان شاء الله ع قريب موعدنا للتثبيت ✌️

#تنسيقية عقود تربية ذي قار العامة
#اللجنةالتنسيقية لمحافظات العراق
#سيد_سلام_الفياض

🟥▫️🔻سيد سلام جبار الفياض _ ممثل محاضري ذي قار :

#أعزائي المتعاقدين في محافظتنا الحبيبه
الجميع يعلم أن في هذه الأيام المباركة
هي ايام ينتظرها الجميع
#منهم الذي يعمل من اجل #خدمة زوار ابي عبدالله الحسين عليه السلام
#والقسم الاخر يذهب سيراً على الأقدام
فيا اخواني اذا ماننشر اعذرونا هم عدنا مواكب نخدم بيه والان متجهين الى قبة ابا الاحرار سيراً على الأقدام
والان بضيافة اهل #عفك 😍
فإذا ماجاوبنه اعذرونا

#اما بخصوص الكتاب الي نتشر البارحه
أولا هذا الكتاب صدر قبل ايام مو البارحه وهذا مايمسنا لامن قريب ولا من بعيد
والكل يعلم الي يمس المتعاقدين راح يجيب آخرته بايده

#ثانياً لحد يتوقع التعاقد مالتنه يطول لشهر ١٢
ثقوا اقصى وقت ١٥/١٠ينتهي لذا ننوه للاخوه المسافرين والاخوه الذين لديهم امور اخرى عليهم بالاستعجال من اجل ابرام العقد
#حتى يتسنى لنا بعدها التوجه نحوا التثبيت والمرحلة القادمة مرحلة مصيرية من اجل حسم ملف( خدمة سنتين)
ورفع الكلف الخاصة بالتثبيت
ونتمنى من جميع الأخوة ان يكونوا سند لنا في المرحلة المقبلة ونكون يد واحده من اجل استحصال حقوقكم

#تنسيقية عقود تربية ذي قار العامة
#اللجنةالتنسيقية لمحافظات العراق
#سيد_سلام_الفياض

🟥▫️🔻سلام جبار الفياض :

#الأحبة_ملاكنا_التربوي
الكثير منكم يتسائل حول آخر الاخبار
في مايخص النزول في يوم ١/٥
فالكل جاهز بعون الله وخلال اليومين القادمين سيحدد مكان التظاهر ووقت التجمع بعون الله تعالى بعد أن نتفق مع جميع ممثلي الدوائر في ذي قار للنزول بقوة..

#في_مايخص المباشرة وإصدار الامر الديواني
اخواني الكل يعرف عددنا مو شويه يعني ٢٧٥١٠ يحتاج تدقيق للاضابير والتأكد من الباركودات وصحة صدورها خو مابيه خلل
والخدمة الفرعية تشتغل ع تثبيت عمر وتدقيق الوثيقة وهوااي امور
والاهم من هذا كله مباشرتنا باثر رجعي يعني كل تخوف ماكو والعام الدراسي اشبه ع الانتهاء والاسبوع المقبل يحددون اللجان لتوزيع الملاكات حسب ضوابط الوزارة في المناطق النائية او الريفية وبنفس الوقت نريد نتاكد من المباشرة اذا صدرت شنو وضعية رواتبنا المالية عدها تمويل تمشي بيه رواتبنا لو ننتظر موازنة
اذا توقف قرار ٣١٥ يعني يتوقف الراتب او يستمر هذني كلهن الوزارة جاي تشتغل عليهن وي المالية ولازم نطلع بقرار يحسم وضعنا خو موو تصدر مباشرة وتطلع صفح المالية دكلك ماعندي فلوس انتظر الموازنة لذلك جاي نعمل ع حسم الامور بصيغه نهائية وبضمان اقل شي تمويل راتب العقد يبقى اذا لاسامح الله المالية كالت ماكو فلوس وتبقون ع الموازنة لذلك ارتاحوا #وخلال_اسبوعين ينحسم كلشي بعون الله..

#الشهادات الي مانضافت
اصحاب الدراسات الحالية
اصحاب التوسعة متابعين اموركم جميعاً لكن تعرفون هاي حكومة مو بسهولة نحصل الي نريده بسرعه..

#بعض البيجات جاي تحرض ع الفتنة والتفرقة بينه وبين اخوتنا واساتذتنا الملاك القديم واليوم احنه وياهم أصبحنا واحد وكلنه ملاك ماكو فرق بينه اليصير عليهم يصير علينه

#الصورة خارج اطار الموضوع بس كلش احبه بوقتها اله طعم..

#تنسيقية_ملاك_تربية_ذي_قار_العامة
#اللجنةالتنسيقية_العليا_لمحافظات_العراق
#سيد_سلام_الفياض