Өфөлә беренсе тапҡыр «Креатив индустриялар сәғәте» үтте

Башҡортостан башлығы Радий Хәбиров етәкселегендә уҙған сарала республикала креатив индустрияны үҫтереү фондын ойоштороу , уның ярҙамында яңы проекттарҙы асыу һәм үҫтереү һорауҙары ҡаралды . Креатив индустриялар - иҡтисадтың интеллектуаль йүнәлешендә үҫешкән яңы проект

Өфөлә «Башҡортостан Геройҙары» программаһының сираттағы этабы старт алды

Бөгөн Өфөлә «Башҡортостан Геройҙары» программаһының сираттағы этабы старт алды. Юғары уҡыу йорттары араһындағы кампуста онлайн-әңгәмәне уңышлы үткән махсус хәрби операция яугирҙары һәм ветерандары йыйылған. Һайлап алыуҙың бөтә этаптарын уңышлы үткән 70 кеше белем биреү программаһында ҡатнаша аласаҡ.

Иглин районынан траншея ипотекаһы алып тиҫтәнән ашыу ғаилә алданған

Аҡбирҙе ауыл биләмәһенә ҡараған Лесогорье коттедж ҡасабаһындағы йорттар быйыл тапшырылырға тейеш булған. Әммә, төҙөлөш нигеҙҙә килеш туҡтап ҡалған. Тулыраҡ киләһе яҙмала.

Дәүләт Йыйылышы - Ҡоролтайҙа һәләтле уҡыусылар тәбрикләнде

Тантанала Бөйөк Еңеүҙең 80 йыллығына арналған ижади эштәр конкурсына йомғаҡ яһалды. Бәйгелә республиканың төрлө мөйөштәренән уҡыусылар ҡатнашҡан. Улар үҙҙәренең рәсемдәре һәм иншаларын тәҡдим иткән. Бүләкләү тантанаһына балалар остаздары менән бергә килде.

«Быуаттарҙы бәйләүсе еп»: ауыл оҫтаһы милли кәсепкә икенсе ғүмер бирә

Уның ҡулында орсоҡ бейеп тора, теген машинаһы ла ватылмай, көйлө эшләй. Оҫта ханым хатта ҡағыҙҙан торбалар төрөп буяп, мөғжизә тыуҙыра. Һуңғы өйрәнгән шөғөлө -аҫалы балаҫтар һуғыу. Архангел районы Ҡыҙыл Еҙем ауылында халыҡ кәсептәре менән шөғөлләнеүсе Флүзә Бикташева хаҡында киләһе яҙмала.

Баймаҡ районы Үрге Яйыҡбай ауылында Көрәй батыр иҫтәлегенә «Мәргән уҡсы» ярышы үтте

Баймаҡ районы Үрге Яйыҡбай ауылының һабантуй яланында бишенсе тапҡыр Көрәй батыр иҫтәлегенә «Мәргән уҡсы» ярышы үтте. Майҙанға төрлө район-ҡалалар һәм күрше өлкәләләрҙән «Мәргән уҡсы» ойошмаһына ҡараған 70-тән ашыу уҡсы сыҡты.

Дуҫтар!
Һеҙҙе ихлас күңелдән балалар араһында үткән «Байыҡ» бәйгеһенең Гала-концертына саҡырабыҙ!

🕰️1 июнь, 18:00 сәғәттә
«Башҡортостан» дәүләт концерт залында.

Республиканың төрлө төбәктәренән килгән иң һәләтле, тәүәкәл, батыр кескәй бейеүселәр сәхнәгә сығасаҡ. Бейеү, моң, шатлыҡ һәм милли рух менән һуғарылған иҫтә ҡалырлыҡ кисәгә килегеҙ!

Ғаилә менән рәхим итегеҙ!

Башҡортостанда гастротуризм үҫешә

Беҙҙең республика Стратегик башланғыстар агентлығы программаһында ҡатнашыусы төбәктәрҙең береһе булыуы мөмкин. Төбәктәр араһында һайлап алыу һөҙөмтәләре июндә иғлан ителә, тип белдерҙе Сауҙа һәм хеҙмәттәр министры Азат Асҡаров. Программа гастрономия туризмын үҫтереүгә, урындағы аҙыҡ-түлек брендтарын танытыуға йүнәлтелгән. Беҙҙең республикала 3 мең ярымдан ашыу дөйөм туҡланыу урыны бар, 1 меңгә яҡын аҙыҡ-түлек сәнәғәте предприятиеһы эшләй.

Шәхси спорт мәктәптәренең мәғариф лицензияһы булырға тейеш

Юғиһә, уларға спорт мәктәбе тип аталыу тыйыла. Республика парламенты Дума ҡарауына ошо турала закон проекты әҙерләп тапшырған. Документ авторҙары фекеренсә, күп физкультура-спорт ойошмалары лицензияһыҙ эшләй, улар килем алырға тырыша, тәрбиәләнеүселәр менән юғары һөҙөмтәләргә ирешеү маҡсаты ҡуйылмай. Шуға спорт мәктәбенең мотлаҡ мәғариф лицензияһы булырға тейеш.

“Әйҙә уйнарға” фестивалендә 150 компания ҡатнаша

Сара 5 июндә башлана. Башҡортостан Сәнәғәт, энергетика һәм инновациялар министрлығы белгесе Ольга Трофимова әйтеүенсә, форумға килергә теләгән ойошмалар былтырғы менән сағыштырғанда артҡан. Быйыл уйынсыҡтар байрамына 200-ҙән ашыу кәсепсе саҡырылған. Улар халыҡҡа ҡул эштәрен тәҡдим итә. Фестиваль Өфөнөң Совет майҙанында үтә. Бай программа әҙерләнгән. Конкурстар, оҫталыҡ дәрестәре, спорт турнирҙары ойошторола, танылған Рәсәй артистары сығыш яһай. Интерактив һәм күргәҙмә майҙансыҡтары булдырыла. Быйыл беренсе тапҡыр компьютер уйындары экспозицияһы була.

Башҡортостандың өс районында яҙғы культуралар сәсеү тамамлана

Ауырғазы, Дәүләкән һәм Ҡырмыҫҡалыла 10 проценттан әҙерәк майҙанда эштәрҙе теүәлләргә ҡалған. Республикала 1 миллион 300 мең гектарҙа яҙғы культуралар сәселгән. Ауыл хужалығы министрлығынан белдереүҙәренсә, 16 район хужалыҡтары сөгөлдөр сәсә башлаған.

Башҡортостанда «Ҡаршы һыҙат» операцияһы башланды

28 майға тиклем юл-патруль хеҙмәте инспекторҙары төбәк юлдарының авария хәлендәге участкаларында дежур итәсәк. Баш дәүләт автоинспектор Владимир Севастьянов хәбәр итеүенсә, республикала юл хәрәкәтендә ҡатнашыусы һәр дүртенсе кеше ҡаршы һыҙатҡа сығыу менән бәйле юл фажиғәһендә һәләк була. Тап ошондай ҡағиҙә боҙоу иң ауыр эҙемтәләргә килтерә, уларҙа водителдәр һәм пассажирҙар етди йәрәхәттәр ала. Шуға ла Владимир Севастьянов уйламайынса маневр яһарға ашыҡмаҫҡа, һәр ваҡыт иғтибарлы булырға, водитель тәжрибәһенә өмөт итмәҫкә саҡырҙы.

Алғы һыҙыҡтағы Ватан һаҡсыларына тыл ярҙамы

Ошо маҡсатта Архангел районы халҡы 2022 йылдың сентябренән алып ирекмәндәр штабына берләшкән. Тиҫтәнән ашыу ауылда халыҡ күмәк көс менән маскировка селтәрҙәре үрә, окоп шәмдәре етештерә, яу яланындағы хәрбиҙәргә кәрәкле материалдар һатып алыуҙа ярҙам ҡулы һуҙа.Әлеге ваҡытта 35-се гуманитар ылау оҙатылған.

Өфөлә «Йәш патриот» тип исемләнгән йәйге лагерь эшләй башланы

Тыуған илгә һөйөү балалар баҡсаһынан тәрбиәләнә. Өфөлә «Йәш патриот» тип исемләнгән йәйге лагерь эшләй башланы. Унда 350 сабый ҡатнаша, улар сменала маскировка селтәрҙәре үрергә, окоп шәмдәре эшләргә өйрәнә. Балалар баҡсаһы тәрбиәләнеүселәре әҙерләгән бөтә әйберҙәр махсус хәрби оперция биләмәһенә оҙатыла. Проект «Беренсе хәрәкәте» грантына ойошторола. Лагерҙа мәктәп уҡыусылары өсөн дә смена ҡаралған.

«Ҡаһармандар юлы»: яңы йыйынтыҡ батырлыҡты данлай

Ҡаһармандар юлы. Зәйнәб Биишева исемендәге Башҡортостан «Китап» нәшриәтендә донъя күргән сираттағы йыйынтыҡ донъя күрҙе. Ул 1812 йылғы Ватан һуғышынан махсус хәрби операцияға тиклемге ваҡиғаларҙы күҙ уңында тотҡан әҫәрҙәрҙе үҙ эсенә алған. Китап билдәле яҙыусы, Башҡортостандың атҡаҙанған мәҙәниәт хеҙмәткәре Гөлсирә Ғиззәтуллинаның баш һүҙенән асыла.

Өфөлә Рәшит Кәлимуллиндың «Һуңлаған үкенестәр» китабының исем туйы үтте

Башҡортостандың атҡаҙанған матбуғат һәм киң мәғлүмәт хеҙмәткәре Рәшит Кәлимуллиндың Һуңлаған үкенестәр» китабының исем туйы үтте. Осрашыуға Рәшит Шәрифулла улының бергә уҡыған һабаҡташтары, яҡташтары, хеҙмәттәштәре йыйылды. Баҫма Мәскәү нәшриәттәренең береһендә рус телендә донъя күргән.

Башҡортостанда иген етештереүгә иғтибар арта

Алдағы йылдарҙа 30 процентҡа күберәк уңыш алыу маҡсаты ҡуйыла. Бының өсөн бер нисә шарт үтәлеше мөһим - минераль ашламаны комплекслы ҡулланыу, элиталы орлоҡ сәсеү һәм уңайлы һауа шарттары. РБК агентлығы Ауыл хужалығы министрлығының доклад проектына һылтанып ошо турала хәбәр итә. Уҙған йылда республикала 3 миллион тонна иген уңышы алынды.

Рәсәйҙең Сит ил эштәре министрлығы Башҡортостандың тышҡы иҡтисади бәйләнештәрен юғары баһаланы

Был хаҡта Республика башлығы Радий Хәбиров менән осрашыуҙа Рәсәй сит ил эштәре министрлығының махсус йөкләмәләр буйынса илсеһе Эдуард Малаян белдерҙе. Федераль чиновник билдәләүенсә, Башҡортостан әүҙем үҫешкән алдынғы төбәктәрең береһе, халыҡ-ара кимәлдәге партнерҙарҙың киң даирәһе менән хеҙмәттәшлек итә. Һөйләшеү барышында Рәсәй Сит ил эштәре министрлығында Башҡортостандың былтыр сит ил илселәре өсөн ойошторған презентацияһы ла билдәләп үтелде.

Радий Хәбиров ауыл хужалығы һәм логистика проекттарын хупланы

Радий Хәбиров «Инвестиция сәғәте» форматында төбәктең инвестиция комитетының сираттағы ултырышын үткәрҙе. Унда ауыл хужалығында һәм хеҙмәтләндереү өлкәһендә яңы башланғыстар ҡаралды.

Әбйәлил районында радиация табылмаған

Тиҫтә йылдар элек Салауат баҡыр мәғдәне участкаһында радиоактив ҡалдыҡтар күмелгән тигән фараз бар. Урындағы халыҡ был ҡалдыҡтар баҡыр мәғдәнен эшкәртеү барышында тышҡа сығып, тирә-яҡ мөхиткә зыян килтерер тигән хафа белдерә. Өлкән быуын вәкилдәре уҙған быуаттың 60-сы йылдарында радиацияны иҫкәртеүсе махсус билдәләр булғанлығы хаҡында ла хәтерләй.