Радий Хәбиров Донбасста «Башҡортостан» полкы яугирҙары менән осрашты

Төбәк етәксеһе алғы һыҙыҡта ватан һаҡсыларының йәшәү шарттары, медицина пункты, ашхана эшмәкәрлеге һәм хәрби техника менән танышты. Радий Хәбиров ир-егеттәр менән аралашып, республиканан оҙатылған гуманитар ярҙам буйынса хәрбиҙәрҙең теләктәрен һорашты.

Радий Хәбиров Донбасстағы «Саур-могила» мемориалында Мәңгелек утҡа сәскә һалды

Донбасҡа эш сәфәре барышында Башҡортостан башлығы Радий Хәбиров Донецк халыҡ республикаһы башлығы Денис Пушилин менән бергә «Саур-могила» мемориаль комплексындағы Мәңгелек утҡа сәскә һалды.

Хәрби хеҙмәткә алыныусылар тәүге көндән уҡ атыу, һөжүм һәм разведка серҙәренә өйрәнә

Яңы хәрби хеҙмәткә алыныусы бер генә һалдат та әҙерлекһеҙ яуға инмәй. Оборона министрлығы менән килешеү төҙөүселәрҙе шундуҡ алғы һыҙыҡҡа ебәрәләр тигән хәбәр дөрөҫлөккә тап килмәй, ти махсус хәрби операция биләмәһендә эшләгән полигон инструкторҙары. Ул ғына ла түгел, күпте күреп өлгөргән яугирҙар ҙа даими күнекмәләр үтеп тора. Һуғыш алып барыу шарттары йылдам үҙгәргән мәлдә башҡаса мөмкин түгел.

Өфөлә «Һөт иле» ауыл хужалығы фестивале үтте

Ҡашҡаҙан майҙаҙында республика фермерҙары һәм һөт предприятиелары тиҫтәләгән төрлө продукция тәҡдим итте, һөт ризыҡтары күргәҙмәһе ойошторолдо. Фестивалдә ҡатнашыусы һәр кем һөт тәмләп ҡарап, туңдырма менән һыйланды. Сауҙа майҙансыҡтарында һөт продукцияһынан тыш, йәшелсә-емеш, ит, бал һәм башҡа ризыҡтар тәҡдим ителде. Фестивалдә 100 мең самаһы кеше ҡатнашты.

Салауат Юлаев һәйкәленең ҡурғаны киҫелмәйәсәк

Башҡортостандың мәҙәни мираҫ объекттарын дәүләт һаҡлауы буйынса идаралыҡта Салауат Юлаев һәйкәле реставрацияһы ваҡытында уның ҡурғанын киҫеп алалар тигән мәғлүмәтте иңҡар иттеләр. Постамент ҡуйылған ер участкаһын нығытыу ғына ҡаралған.

Шишмә районы Яңы Киевка ауылында йәшәүселәр тиҫтә йылдар дауамында юлһыҙ интегә

Ямғырлы йәйҙә, яҙын һәм көҙөн ауылға илткән юл аҡтарылып, тәрән кәлейә хасил була, еңел автомобилдәр, автобустар йөрөй алмай. Халыҡ ашығыс ярҙам каретаһы, янғын һүндереү хеҙмәттәре ваҡытында килеп өлгөрмәй, тип зарлана. Яңы Киевкаға илткән юлдарҙан беҙҙең ижади төркәм дә үтеп ҡараны.

Башҡортостанда киҫкен респиратор сирҙәр артасаҡ: табиптар прививка яһатырға саҡыра

Сентябрҙә республикала киҫкен респиратор вируслы инфекциялар менән ауырыусылар ике тапҡырға артып, 20 мең кешегә етеүе ихтимал. Эпидемиологтар һалҡын тейеү миҙгеленә әҙер булырға кәңәш итә. Тәү сиратта, профилактикаға иғтибарҙы арттырырға кәрәк. Әле поликлиникаларҙа прививка кампанияһы башланған. Гриптан вакцинаны өлкәндәр ҙә, балалар ҙа бушлай яһата ала. Табиптар билдәләүенсә, был сирҙән һаҡланыуҙың иң һөҙөмтәле ысулы.

Башҡорт дәүләт педагогия университетында беренсе курс студенттары өсөн адаптация сменаһы бара

Мифтахетдин Аҡмулла исемендәге Башҡорт дәүләт педагогия университетында беренсе курс студенттары өсөн адаптация сменаһы бара. Өс көн дауамында юғары уҡыу йортона ингән егет-ҡыҙҙар вуз менән таныша, студент тормошона әҙерләнә. Быйыл махсус смена 9-сы йыл рәттән ойошторола.

Радий Хәбиров эш сәфәре менән махсус хәрби операция биләмәһендә булды

Был республика етәксеһенең Донбасҡа алтынсы сәфәре. Радий Фәрит улы башҡорт һалдаттары менән осрашты. Төбәк башлығы билдәләүенсә, «Башҡортостан» полкы-иң һөҙөмтәле подразделениеларҙың береһе. Уның төп составында, башлыса, республикала тыуған ир-егеттәр хеҙмәт итә, әммә башҡа төбәктәрҙән дә яугирҙар бар. Ер аҫты позициялары ысын ҡаласыҡты хәтерләтә. Блиндаждарҙа командование пункты, ашхана, күнекмәләр залы ла бар. Радий Хәбиров яугирҙарға дәүләт наградалары тапшырҙы, шулай уҡ ғәҙәттәгесә, иҫән-һау тыуған яҡҡа әйләнеп ҡайтыуҙарын теләне.

Республикала 45 мең беренсе класс уҡыусыһы өсөн тәүге мәктәп ҡыңғырауы яңғыраясаҡ

Уларҙың 1 мең 200-ҙән ашыуы махсус хәрби операцияла ҡатнашыусыларҙың балалары. Йәмғеһе Башҡортостан мәктәптәре 519 мең 657 малай-ҡыҙҙы ҡаршы ала. Бөгөн төбәктең барлыҡ белем усаҡтарында уҡыу йылы башланыу уңайынан дәүләт флагтары күтәрелә, тантаналы линейкалар уҙа, асыҡ дәрестәр үтә.

Иглин районы Петрово-Федоровка ауылына нигеҙ һалыныуға 100 йыл тулды

Ошо уңайҙан ауыл эргәһендәге күркәм тәбиғәт ҡосағында байрам тантанаһы үтте. Сарала биләмә үҫешенә тос өлөш индергән ауылдаштарға рәхмәт хаттары һәм иҫтәлекле бүләктәр тапшырылды. Район мәҙәниәт йорто артистары байрамға йыйылыусыларға сағыу концерт программаһы тәҡдим итте. Ошонда уҡ балалар майҙансығы эшләне, хужабикәләр милли аш-һыуҙарын тәҡдим итте.

Өфөлә «ӘйҙәФест» урам театрҙарының юбилей фестивале уҙғарылды

Йәйҙең һуңғы 2 көнөндә «Арт-Квадрат»киңлеге асыҡ һауалағы ҙур сәхнәгә әүерелде Тамашасылар 13 ҡаланан килгән 140 артистың 30-ҙан ашыу спектаклен һәм шоуын йылы ҡабул итте. Программала-клоунада, пластик театр, документаль постановкалар һәм иммерсив акциялар. «ӘйҙәФест» бишенсе тапҡыр билдәләнде һәм башҡалабыҙ Өфөлә артистар ҡаланы сәхнәгә, ә тамашасыларҙы үҙҙәре менән бергә уйнарға саҡырҙы.

Өфөлә «Пигменты Урала» татуировка фестивале үтте

Йолаға әйләнгән сара татуировка сәнғәтен үҫтереү, тәжрибә уртаҡлашыу майҙансығына әйләнгән. Ҡатнашыусылар өсөн оҫталыҡ дәрестәре, лекциялар, күңел асыу программаһы әҙерләнгән. Фестиваль сиктәрендә татуировкалар конкурсы ла үтте. Жюри ағзалары «Юниор» һәм «Профессионал» номинацияларында эштәрҙе баһалап, яң яҡшыларын бүләкләне.

Башҡортостанда ярты миллион уҡыусы өсөн яңы уҡыу йылы башланды

Уларҙың 45 меңе мәктәпкә тәүгә аяҡ баҫыусы 1-се класс уҡыусылары. Башҡортостан башлығы Радий Хәбиров республикала йәшәүселәрҙе Белем көнө менән ҡотлап, мөктәп тормошоноң һәр кемдең ғүмерендә мөһим һәм яуаплы осор булыуын билдәләне.

Башҡортостанда унынсы полилингваль мәктәп асылды

Башҡортостан башлығы Радий Хәбиров социаль селтәрҙәге сәхифәһендә республикала иҫәп буйынса унынсы полилингваль мәктәп асылыуы тураһында хәбәр итте. 2030 йылға тиклем тағы ла ошондай ике объект сафҡа индереү ҡаралған. Белем көнөндә, Тәтешле районының Яңы Тәтешле ауылында удмурт телен тәрән өйрәнеүгә нигеҙләнгән белем усағында тәүге ҡыңғырау яңғыраны. Полилингваль мәктәп урындағы мәғариф учреждениеһы базаһында ойошторолдо. Объекттың капиталь ремонты Рәсәй президенты иғлан иткән федераль программа буйынса башҡарылғайны. Тәтешле районында күләмле төҙөкләндереү эштәренән һуң мәҙәниәт учреждениелары ла асылды.

Республикала 45 мең беренсе класс уҡыусыһы өсөн тәүге мәктәп ҡыңғырауы яңғыраны

Бөгөн Белем көнө билдәләнә. Республикала 45 мең беренсе класс уҡыусыһы өсөн тәүге мәктәп ҡыңғырауы яңғыраны. Уларҙың 1 мең 200-ҙән ашыуы махсус хәрби операцияла ҡатнашыусыларҙың балалары. Йәмғеһе, Башҡортостан мәктәптәре 519 мең 657 малай-ҡыҙҙы ҡаршы алды. Бөгөн төбәктең барлыҡ белем усаҡтарында уҡыу йылы башланыу уңайынан дәүләт флагтары күтәрелде, тантаналы линейкалар һәм асыҡ дәрестәр үтте.

Өфө фән һәм технологиялар университеты Белем көнөн ректор менән осрашыуҙан башланы

«Асыҡ диалог» форматында үткән сараға юғары уҡыу йортона олимпиада һөҙөмтәләренә ярашлы, берҙәм дәүләт имтихандарында 100 балл йыйып, йәки«Ростех ҡанаттары«маҡсатлы программаһына ярашлы уҡырға ингән студенттар саҡырылды. Яңы уҡыу йылына Өфө фән һәм технологиялар университеты 14 мең 100 студентты ҡабул иткән. Уларҙың 40-ы төрлө кимәлдәге олимпиада еңеүсеһе булһа, 11 кеше Берҙәм дәүләт имтихандарында 100 балл йыйған.

Республикала МХО-ға ярҙам итеү буйынса ирекмәндәр төркөмдәре һәр ауыл һәм ҡалала ойошторола

Республикала махсус хәрби операцияға ярҙам итеү буйынса ирекмндәр төркөмдәреһәр ауыл һәм ҡалала ойошторола. Ошо көндәрҙә Туймазы районы Тимер ауылы ирекмәндәренең«Маскита» төркөмө ойошторолоуға бер йыл тулды.

Дәүләкән районы Суйынсы ауылында яңы фельдшер-акушерлыҡ пункты төҙөлә

Объект «Сәләмәтлек» милли проекты буйынса сафҡа индерелә. Ауылда 200-ҙән ашыу кеше йәшәй. Яңы фапта пациенттар ҡабул итеү һәм процедуралар бүлмәләре, шулай уҡ дарыуҙар һаҡлау өсөн айырым урын да буласаҡ. Фап электрокардиограф, ҡандағы шәкәр кимәлен үлсәү анализаторҙары, кислород ингаляторҙары һәм башҡа ҡорамалдар менән йыһазландырыласаҡ. Әлеге ваҡытта эшселәр медицина учреждениеһының тирә-яғын төҙөкләндереү менән шөғөлләнә.

Өфө еңел атлетика буйынса «Сәләмәт Ватан» ЗоБЕГпроектына ҡушылды

Марафонда теләгән һәр кем ҡатнаша алды. 3 һәм 5 километр арауыҡтағы дистанцияларға еңел атлетиканы үҙ иткән 1500 кеше сыҡты. Яңы проект Рәсәйҙең 4 төбәгендә уҙып өлгөргән. Унда ҡатнашыу бушлай. ЗОБЕГҡа ҡушылырға теләүселәр теркәү үтеп старт номерҙары алырға, спорт формаһын тикшерергә һәм хәленән килгән дистанцияны һайларға тейеш булған.