Bugun O‘zbekiston-Yaponiya xalqaro iqtisodiy hamkorlik assotsiatsiyasi, keksalar va nogironligi bo‘lgan shaxslar parvarishiga oid xizmatlar ko‘rsatish, turizm, o‘quv markazlari tashkil etish, mehmonxona xizmatlari yo‘nalishidagi Yaponiya kompaniyalari vakillaridan iborat delegatsiya viloyatimizga tashrif buyurib, qator ishlab chiqarish, xizmatlar va logistika markazlari hamda tarixiy va diqqatga sazovor joylar bilan tanishishdi.

Jumladan, mehmolar “Termiz xalqaro savdo markazi”, “Termez National Carpets” MChJning gilam ishlab chiqarish korxonasi, “Sulton Saodat” majmuasi hamda Surxondaryo tarixi va madaniyati muzeyida bo‘lishdi. Surxondaryo-Yaponiya biznes forumida vohamizning investitsiya va turizm salohiyati haqida axborotlar berildi. Forum doirasida o‘tkazilgan “B2B” va “B2G” uchrashuvlarida qator yo‘nalishlarda loyihalarni amalga oshirish bo‘yicha 3 ta shartnoma imzolandi.

Yaponiya delegatsiyasi uchun tashkil etilgan madaniy tadbirda vohaga xos milliy cholg‘ular, folklor jamoalarning chiqishlari hamda Surxoncha raqslar namoyish etildi.

Batafsil: surxondaryo.uz/blog/1812

#Surxondaryo #Yaponiya #delegatsiyatashrifi #Forum #kelishuvlar

Telegram | Facebook | Instagram | YouTube | Web-site | Twitter