Surxondaryo viloyati hokimi Ulug‘bek Qosimov Sho‘rchi tumaniga tashrif buyurib, tumandagi Jamoat salomatligi texnikumi faoliyati, “Ma’naviyat sektori” va hunarmandchilik ko‘rgazmasi hamda mahalla “yettiligi” faoliyati bilan tanishdi.

Umumiy qiymati 20 mln dollar bo‘lgan “Tibbiyot klasteri” tashkil etish loyihasi taqdimot qilindi. 500 ta yangi ish o‘rni yaratadigan loyiha 1 000 o‘rinli tibbiyot yo‘nalishidagi oliy ta’lim maskani, 150 o‘rinli davolanish va diagnostika markaziga ega klinika, yotoqxona uchun 50 o‘rinli “apart hotel” binolarini o‘z ichiga oladi.

Shuningdek, tashrif davomida ariqlarni betonlash va bo‘sh maydonlarni shudgorlash ishlarining borishi, yangi maktab quriladigan joy bilan tanishildi. Mas’ullar bilan og‘ir toifadagi mahallalar infratuzilmasini yaxshilash masalasi muhokama qilindi.

Batafsil: surxondaryo.uz/uz/blog/1803

#Surxondaryo #hududlargatashrif #tibbiyotklasteri #maktab

Telegram | Facebook | Instagram | YouTube | Web-site | Twitter

Surxondaryo viloyati hokimi Ulug‘bek Qosimov “San’at saroyi” majmuasida “Navro‘z” umumxalq bayramiga tayyorgarlik ko‘rish, Alisher Navoiy ko‘chasidagi avtomobil yo‘li, shahar Mudofaa ishlari bo‘limining yangi binosi, 300 o‘rinli “Tibbiyot klasteri” qurilishi bilan tanishdi.

Mutasaddilarga obodonlashtirish, daraxt ko‘chatlari ekish ishlarini jadallashtirish, bayramga puxta hozirlik ko‘rish vazifasi topshirildi. Shuningdek, “Tibbiyot klasteri”ga eng malakali, sohadagi ilg‘or tajribaga ega shifokor va o‘rta tibbiyot xodimlarini tanlov asosida ishga jalb qilish lozimligi qayd etildi.

O‘rganish ishlari so‘ngida Farovon massividagi “Bog‘i shamol” mahallasida infratuzilmani yaxshilash, obodonlashtirish ishlarining borishi ko‘zdan kechirilib, ishlarni jadallashtirish hamda “Navro‘z” bayramigacha yakunlash vazifasi qo‘yildi.

Batafsil: https://surxondaryo.uz/blog/1864

#Surxondaryo #Navruz #tibbiyotklasteri #qurilish

Telegram | Facebook | Instagram | YouTube | Web-site | Twitter