Bugun Surxondaryo viloyati hokimi Ulug‘bek Qosimov Boysun tumanida bo‘lib, “Boysun bahori” xalqaro festivaliga tayyorgarlik ko‘rish bo‘yicha belgilab berilgan vazifalar ijrosi, qurilish-ta’mirlash ishlarining borishi bilan tanishdi. Shuningdek, tuman markazidagi 10 ta mahallada infratuzilmani yaxshilash ishlarini ko‘zdan kechirdi.

Hozirda tuman markazidagi yo‘llarda piyodalar uchun qulayliklar yaratish, tumanning markaziy ko‘chasida 3 km avtomobil yo‘lini asfatlash, suv yo‘li ariqlari va mavjud savdo do‘konlarini ta’mirlash, shuningdek, avtoturargoh qurilishi amalga oshirilmoqda. Shuningdek, tuman markazi va unga yondosh 10 ta mahalladagi 24,4 km asosiy avtomobil yo‘llarida asfaltobeton qoplamasi yotqizish uchun tayyorgarlik ko‘rilmoqda.

Tashrif davomida viloyat hokimi mutasaddilar bilan “Gaza” mahallasida bo‘lib, aholi turmush sharoitlari hamda mahalla infratuzilmasi bilan tanishdi. Yangi maktab qurish uchun joy tanlanib, mas’ullarga tegishli vazifalar topshirildi. Viloyat rahbari tomorqadan samarali foydalanayotgan, yomg‘ir suvini jamlab, tomchilatib sug‘orish va energotejamkor usullarda issiqxonasida mahsulot etishtirayotgan dehqonlar faoliyati bilan tanishib, ularning tajribasini ommalashtirish topshirig‘ini berdi.

Batafsil: https://surxondaryo.uz/blog/1899

#Surxondaryo #Boysunbahori #Gaza #maktab #issiqxona

Telegram | Facebook | Instagram | YouTube | Web-site | Twitter