#Yoshlarforumi #Andijon2021

СПОРТ ТИНЧЛИК ВА БИРДАМЛИК ЭЛЧИСИ...

Хонобод сихатгоҳида жам бўлган фестиваль иштирокчилари учун турли тадбирлар ташкил этилмоқда. Спорт тинчлик ва бирдамлик элчиси. Ҳар бир вилоятнинг 1 нафардан ёш спортчилари иштирокида "Street workout" мусобақаси ўтказилди.
Жараёнда иштирокчилар ўзларнинг ноодатий ҳаракатлари билан йиғилганларни ҳайратини ошириб, олқишларга сазовор бўлдилар.

Facebook | Twitter | Instagram | YouTube | Telegram

#Yoshlarforumi #Andijon2021

ХОНОБОДДА ЁШЛАР ПАЛОВ ДАМЛАДИЛАР...

Андижонда бўлиб, палов танаввул қилмай кетган мехмон Андижонга келмаган ҳисобланади, деган гапни биз ўйлаб топмадик. Бу ҳақиқатни жаннат монанд диёрнинг нафақат ёши улуғлари, балки меҳмонлардан ҳам кўп бора эшитганмиз.
Шундай экан, мехмонларни “Палов сайли”га таклиф этилишида ҳам бир ҳикмат бор. Бу гал юртимизнинг турли ҳудудларидан келган ёш ошпазлар паловхонтўрани тайёрлаш учун қозон тагига ўт ёқдилар.
Ўзаро беллашув жараёнида улар Сурхондарё-ю, Қорақалпоқ диёри ҳамда бошқа вилоятларнинг палов тайёрлаш анъаналарини маҳорат билан намойиш этдилар.

Facebook | Twitter | Instagram | YouTube | Telegram

#Yoshlarforumi #Andijon2021

ГУЛХАН АТРОФИДА ДАВОМ ЭТГАН ТАНТАНА!

Оташ қалб ёшлар Хонобод қирларида кўтарилган гулхан атрофида янада жам бўлдилар. Ўзаро суҳбат жараёнида ёшлар бири-бири билан яқиндан танишдилар. Кун давомида ўтказилган спорт мусобақалари, ошпазлик беллашувлари ҳамда бошқа кўплаб тадбирлардан олган таассуротлари билан ўртоқлашдилар. Шунингдек, ташкил этилган шоу дастурларида санъаткорлар томонидан ижро этилган куй ва қўшиқлар даврага янада шукуҳ ва файиз киритди. Йигит-қизлар рақсга тушиб, дилдан яйрадилар!

Facebook | Twitter | Instagram | YouTube | Telegram

#Yoshlarforumi #Andijon2021

Ҳунардан ризқ унар...

Вилоятимиз аҳолиси, айниқса ёшларнинг касб-ҳунар эгаллашлари ҳамда уларни иш билан таъминлашга алоҳида эътибор қаратилмоқда. Андижон шаҳридаги Боғишамол даҳасида жойлашган Андижон ижтимоий-иқтисодиёт ва педагогика коллежи негизида ташкил этилган “Аҳолини касб-ҳунарга ўқитиш маркази"да бу борада тизимли ишлар йўлга қўйилган.
Ёшлар форуми иштирокчилари ушбу марказнинг фаолияти билан атрофлича танишдилар. Имтиёзли кредит олиб, тадбиркорликни йўлга қўйган уюшмаган ёшлар билан мулоқотда бўлдилар. Андижонлик ёшлар томонидан ишлаб чиқарилган маҳсулотлар намойишида меҳмонлар ўзларини қизиқтирган саволларига атрофлича жавоблар олдилар.

Facebook | Twitter | Instagram | YouTube | Telegram

#LIVE
ХОНОБОД ОҚШОМИ ШОУ КОНЦЕРТИ

Аввал хабар берганимиздек айни дақиқаларда Хонобод шаҳар марказида Андижон ёшлар форуми доирасида Эстрада юлдузи Сардор Таиров ҳамда водийимизнинг ёрқин қўшиқчилари иштирокида ГАЛАКОНЦEРТ дастури бўлиб ўтмоқда.

#yoshlarforumi #andijon2021

Telegram | Facebook | Instagram | YouTube | Вконтакте | Twitter | Ok

#yoshlarforumi #andijon2021

ЁШЛАР АНДИЖОНЛИК ЁШ ДАСТУРЧИЛАР МАСКАНИДА БЎЛДИЛАР

Бугунги тезкор давр ёшларни билимли, тезкор ахборот ва компьютер технологиялардан самарали фойдаланишни тақозо этмоқда. Вилоятимизда ташкил этилган “Digital city” IT park соҳага қизиқиши бор, иқтидорли ёшларнинг севимли масканига айланган.

Ёшлар фестивали иштирокчилари мазкур марказда бўлиб, андижонлик дастурчилар учун яратилган шароитлар ва уларнинг инновацион ғоялари билан яқиндан танишдилар. Шунингдек, ҳар бир ҳудуддан бир нафардан жами 14 нафар талабгор иштирокида робототехника танлови ташкил этилди. Унда ёшлар ўз иқтидорларини намойиш этдилар.

Facebook | Twitter | Instagram | YouTube | Telegram

#yoshlarforumi #andijon2021

"ЁШЛАР ФОРУМИ"НИНГ ЯКУНИГА БАҒИШЛАНГАН ГАЛАКОНЦЕРТ ДАСТУРИ БЎЛИБ ЎТДИ

Бугун вилоятимиз бўйлаб бўлиб ўтган "Ёшлар форуми" Асака туманида ҳам бўлиб ўтмоқда.

Ушбу форумнинг якунига бағшлаб туман марказида катта галаконцерт бўлиб ўтди.

Концертда эл суйган санъаткорлар йиғилганларга бир олам қувонч ва хуш кайфият улашдилар.

Анвар Санаев, Юсуфхон Нурматов, Иброхим Нурматов ҳамда Элёрбек Тўйчиевларниг шўх қўшиқ ва чиқишлари барчани рақсларга чорлади.

Концерт давомида турли совғали ўйинлар ҳам бўлиб ўтди. Ғолибларга туман ҳокимининг қимматбахо совғалари топширилди.

Туман ҳокимлиги
Матбуот хизмати

Facebook | Telegram | Instagram | Twitter | Youtube

#yoshlarforumi #andijon2021

ГАЛАКОНЦЕРТ ДАВОМИДА МУШАКЛАР ОТИЛИШИ НАМОЙИШ ЭТИЛДИ

Асака тумани осмон узра отилган мушаклар барча форум иштирокчилари ва йиғилганларга ўзгача қувонч ва хушкайфият улашди.

Туман ҳокимлиги
Матбуот хизмати

Facebook | Telegram | Instagram | Twitter | Youtube