Халқаро туркий маданият ташкилоти — TURKSOY Доимий кенгашининг 42-йиғилиши қарорига кўра, Andijon шаҳри 2026 йилда туркий дунёнинг маданият пойтахти деб эълон қилинди.

Мазкур муҳим қарорга мувофиқ, Anqara шаҳрида жойлашган TURKSOY бош қароргоҳида ушбу мақом доирасидаги дастлабки тадбир — Андижон тақдимотига бағишланган тантанали маросим ўтказилди.

Тадбир давомида Андижоннинг бой тарихий-маданий мероси, санъат ва анъаналари кенг намойиш этилди. Шунингдек, 2026 йил давомида амалга оширилиши режалаштирилган маданий дастурлар юзасидан маълумотлар тақдим этилди.

Andijan.uz|Facebook|Instagram|Youtube|X

Андижон тумани 39 умумий ўрта таълим мактабининг 3 синф ўқувчиси Зуҳриддинов Муҳаммадилёсбек инглиз тили фанидан халқаро миқёсда эътироф этиладиган B2 даражадаги сертификатни муваффақиятли қўлга киритди.

Мазкур юксак натижа — ўқувчининг тинимсиз меҳнати, билимга бўлган кучли интилиши, ота-онанинг муносиб тарбияси ҳамда устозларнинг фидокорона саъй-ҳаракатлари самараси ҳисобланади.

Бундай ютуқлар Андижонда таълим сифатини янада оширишга хизмат қилиши шубҳасиз.

Andijan.uz|Facebook|Instagram|Youtube|X

Афғонистонлик меҳмонлар Олтинкўл тумани ҳудудида жойлашган Андижон мебель марказига ташриф буюриб, унинг фаолияти билан яқиндан танишдилар.

Замонавий ишлаб чиқариш қувватлари, сифатли ва рақобатбардош маҳсулотлар ҳамда инновацион ёндашувлар меҳмонларда катта қизиқиш уйғотди. Мазкур марказ нафақат ҳудуд саноатининг муҳим қисми, балки экспорт салоҳиятига эга йирик лойиҳалардан бири сифатида эътироф этилди.

Ташриф давомида меҳмонларга мебель ишлаб чиқариш жараёнлари, технологиялар ва келгусидаги ҳамкорлик имкониятлари ҳақида батафсил маълумотлар берилди.

Andijan.uz|Facebook|Instagram|Youtube|X

Меҳмонларнинг навбатдаги манзили Андижон автомобиль бозори ҳамда Бобур шаҳри бўлди.

Ташриф доирасида меҳмонлар Андижон автомобиль бозори фаолияти билан яқиндан танишдилар. Ушбу замонавий бозор мажмуасида аҳоли учун яратилган қулай шарт-шароитлар, савдо жараёнларининг шаффофлиги ва хизмат кўрсатиш сифати алоҳида эътироф этилди.

Шундан сўнг меҳмонлар Бобур шаҳрига ташриф буюриб, ҳудудда амалга оширилаётган қурилиш ва ободонлаштириш ишлари билан танишдилар. Қайд этилганидек, мазкур шаҳар замонавий инфратузилмага эга бўлган йирик лойиҳалардан бири ҳисобланиб, келгусида ҳудуднинг ижтимоий-иқтисодий ривожида муҳим ўрин тутиши кутилмоқда.

Andijan.uz|Facebook|Instagram|Youtube|X

Афғонистонлик тадбиркорларнинг Андижонга ташрифи ҳақиқий тажриба ва мулоқотларга бой бўлди. Бир неча кун давомида меҳмонлар замонавий ишлаб чиқариш корхоналари, илғор технологиялар ва қишлоқ хўжалигида амалга оширилаётган янгича ёндашувлар билан яқиндан танишдилар.

Айниқса, юқори сифат ва рақобатбардошликни ўзида мужассам этган маҳсулотлар, инновацион ечимлар меҳмонларда катта таассурот қолдирди. Ҳар бир учрашув, ҳар бир мулоқот янги ғоялар ва келгуси ҳамкорлик учун мустаҳкам замин яратди.

Андижонда ўтган самарали кунлардан сўнг, бугун эрта тонгда меҳмонлар илиқ хотиралар ва янги режалар билан замонавий микроавтобусларда Тошкент шаҳри сари йўл олдилар. Бу ташриф нафақат тажриба алмашуви, балки дўстона алоқаларни янада мустаҳкамлашга хизмат қилди.

Andijan.uz|Facebook|Instagram|Youtube|X

Андижон ёшларидан “яшил” келажак сари яна бир қадам

Бобур шаҳрида Андижон вилояти Ёшлар ишлари бошқармаси ташаббуси билан “Яшил макон” умуммиллий лойиҳаси доирасида навбатдаги экологик акция ўтказилди. Унда 200 нафарга яқин ёшлар етакчилари, волонтёрлар ҳамда сардорлар фаол иштирок этиб, ҳудудни янада яшил ва обод масканга айлантиришга ўз ҳиссасини қўшди.

Акция давомида Бобур шаҳри ҳудудида мингга яқин дарахт кўчатлари экилди. Бу каби ташаббуслар атроф-муҳитни муҳофаза қилиш, ёшлар орасида экологик маданиятни шакллантириш, табиатга меҳр ва масъулият ҳиссини кучайтириш, юртимизда яшил ҳудудларни кенгайтириш ва келажак авлод учун соғлом муҳит яратишда муҳим аҳамият касб этади.

Andijan.uz|Facebook|Instagram|Youtube|X

Халқобод — томорқачиликда илғор маҳалла

Бўстон туманидаги “Халқобод” маҳалласи бугунги кунда томорқачилик йўналишида тўлиқ ихтисослашган ҳудудга айланиб бормоқда. Маҳалла аҳолиси ўз томорқа ерларидан самарали фойдаланиб, замонавий иссиқхоналар ташкил этиш орқали қишлоқ хўжалиги маҳсулотлари етиштиришни йўлга қўйган.

Айни пайтда деярли ҳар бир хонадонда иссиқхона мавжуд бўлиб, уларда етиштирилаётган турли хил сабзавот ва полиз маҳсулотлари юртимиз бозорларига мунтазам етказиб берилмоқда. Бу эса нафақат аҳоли бандлигини таъминлаш, балки уларнинг даромад манбаларини оширишда ҳам муҳим аҳамият касб этмоқда.

Маҳаллада томорқадан унумли фойдаланиш, иссиқхона хўжаликларини ривожлантириш учун яратилган қулай шарт-шароитлар, берилган имтиёз ва имкониятлар аҳоли томонидан юксак баҳоланмоқда. Шунингдек, бу эътибор ва ғамхўрлик маҳалла аҳлида эртанги кунга ишончни мустаҳкамламоқда.

Andijan.uz|Facebook|Instagram|Youtube|X

Китобхон ёшлар — юрт келажаги

Андижонда ёшлар ўртасида китобхонлик маданиятини кенг тарғиб этиш, уларнинг билим ва тафаккурини мутолаа орқали юксалтиришга қаратилган “Ёш китобхон” танловининг ҳудудий босқичи кўтаринки руҳда ва юқори савияда ўтказилди.

Мазкур танловда вилоят бўйлаб 60 минг нафардан ортиқ ёшлар иштирок этгани эътиборга молик. Саралаш босқичларидан муваффақиятли ўтган 48 нафар энг иқтидорли иштирокчи ҳудудий босқичда ўзаро беллашиб, ўз билим ва салоҳиятларини намоён этди.

Иштирокчилар “Бадиий асарлар билимдони” ҳамда “Тезкор савол-жавоб” шартлари орқали нафақат ўқишга бўлган қизиқишини, балки кенг дунёқараш ва тезкор фикр юритиш қобилиятини ҳам кўрсатиб беришди. Беллашувлар жараёнида ёшларнинг адабиётга бўлган меҳри ва мутолаага интилиши яққол намоён бўлди.

Танлов натижаларига кўра, турли ёш тоифалари бўйича ғолиб ва совриндорлар аниқланди. Улар орасида Хўжаобод, Жалақудуқ, Қўрғонтепа, Булоқбоши, Шаҳрихон ва Андижон туманларидан келган иштирокчилар етакчилик қилди.

Эндиликда ғолиблар вилоят шарафини ҳимоя қилган ҳолда танловнинг республика босқичида иштирок этади. Улар Президент совғаси — электромобиль учун кураш олиб боришади.

Andijan.uz|Facebook|Instagram|Youtube|X