🏖 Գյուղ գնացիր, ծովում լողացիր, ընկերներիդ հետ լավ ժամանակ անցկացրիր ...

📝 Ամառվա ընթացքում հանգստանալուց բացի, կարող ես նաև ժամանակ տրամադրել ինքնակրթվելուն: Համաձա՞յն ես:

Մի շարք անվճար դասընթացների հղումներ ենք բերել, որպեսզի դու սեպտեմբերը սկսես նոր հմտություններով.

🏁 Goal Setting
Դասընթացի օգնությամբ կսովորես սահմանել նպատակներ ու ավելի առարկայական արդյունքի հասնել:

🔢 Excel Essential Training
Այս դասընթացի միջոցով զինվի՛ր Excel–ի գործիքներով ու դարձի՛ր դրա մասնագետը:

🗣 Interpersonal Communication
Այստեղ դու կարող ես ձեռք բերել գիտելիքներ միջանձնային հարաբերություններ կառուցելու մասին և դառնաս ավելի թիմային:

🤔 Using questions to Foster Critical Thinking and Curiosity
Քննադատական և կրեատիվ մտածողությունը հմտություն է, որը ևս հնարավոր է զարգացնել:

😎 Communicating with Confidence
Թիմայնությունն ու համագործակցելու կարողությունը լավ արդյունքի բաղադրիչներ են, զարգացրո՛ւ դրանք այս դասընթացի միջոցով:

📙 Coursera.org
Կարող ես ընտրել դասընթացի մակարդակը, տևողությունը ու դասից դաս անցնելով` զարգացնել նոր հմտություններ:

🎓 The Open University
Մկնիկը սեղմի՛ր ուզածդ դասընթացի վրա ու սկսի՛ր ինքնակրթվել:

🇬🇧 Oxford Online English
Անգլերենը քո երկրորդ լեզուն դարձնելուն կօգնի այս հարթակը:

😉 Դե անցի´ր գործի:

🤔 Մենք մտածում ենք, որ դու հենց նոր ես վերադարձել արձակուրդից ու բաց ես թողել այս կարևոր հայտարարությունը: 👇

😊 Արի պատմենք: Դու ունես 5 օր՝ Ամերիա Սերունդ ծրագրին մասնակցելու համար:
Եկել է Հայաստանի առաջատար ընկերություններից մեկում գործնական ուսուցում անցնելու և աշխատանք գտնելու քո ժամանակը: 😍

Ի՞նչ կտա քեզ Ամերիա Սերունդ ծրագիրը.
✅ հաղորդակցման և բանակցային հմտություններ,
✅ անգլերենի իմացության կատարելագործում,
✅ կոնֆլիկտների կառավարում և վաճառքի հմտություններ,
✅ ոչ ստանդարտ իրավիճակներում խնդիրները լուծելու կարողություն,
✅ լավ թիմ և նոր ընկերներ,
✅ աշխատանքի հնարավորություն Հայաստանի առաջատար բանկի սպասարկման թիմում:

🔗 Շտապի՛ր ուղարկել քո հայտը մինչև օգոստոսի 31-ը ներառյալ: Մենք քեզ սպասում ենք՝ https://ameria.me/3PRY4Xa

🤩 Դու այնքա՜ն տաղանդավոր ես ու հնարամիտ, որ քո կարողություններն օգտագործելով` կարող ես ստեղծել եկամուտի լրացուցիչ աղբյուրներ:👇🏻

🔗 Facebook-ում կա «Մասնագետ եմ» խումբ, որն օգնում է տարբեր ոլորտի մասնագետներին գտնել իրենց հետաքրքրող աշխատանքը: Տեղադրի՛ր հայտարարություն այս կամ այլ խմբերում կամ կայքերում` Dasa2.com, Course.am։

〽️ Սկսի՛ր բլոգ գրել կամ յութուբյան ալիք բացի՛ր, ուր կպատմես քո առօրյայի մասին: Եթե քո պատմությունները սիրում են ընկերներդ, գուցե սիրեն նաև մյուսները: Փորձը փորձանք չէ: Սկսի՛ր այսօր, գուցե մեկ տարի հետո մեծ լսարան ունենաս:

📸 Եթե սիրում ես լուսանկարել, ապա քո ամենաստացված նկարները կարող ես ներբեռնել տարբեր կայքերում ու շահույթ ստանալ, այդպիսի կայքեր են՝ Alamy, iStock, Shutterstock։

💁🏻‍♀️ Եթե սիրում ես աշխատել երեխաների հետ ու կիսել գիտելիքներդ, ուրեմն ամառային դպրոցներն ու դասապատրաստման կենտրոնները սպասում են քեզ։

✍️ Քո ճարտար լեզուն ու ճկուն միտքը հոդվածներ գրելու կարևոր գործիքներն են: Wikipedia-ն առաջին քայլն անելու ամենաազատ հարթակն է։

🧐 Դու երբևէ լսե՞լ ես «բույսերի հոգեբանի» մասնագիտության մասին: Ո՞չ: Չէիր կարող լսել, քանի որ այն ապագայի մասնագիտություններից մեկն է: Աշխարհն արագ թափով առաջ է գնում, ու փոխվում է ապագա աշխատողի նկարագիրը:

👨🏻‍💻 Կիբերանվտանգության մասնագետ
Օրեցօր ամեն բան դառնում է թվային, ու անձնական տվյալները կարիք են ունենալու գերպաշտպանության: Գաղտնիության մասնագետները ապագայում դառնալու են ամենապահանջվածը:

💨 Այլընտրանքային էներգիայի մասնագետ
Քամու, արևային էներգիայի օգտագործման չափերի մեծացում կամ նոր էլեկտրական մեքենաների մշակում. այս ոլորտն արագ զարգանում է և ունենալու է մասնագետների մեծ պահանջարկ:

💻 Ծրագրավորող
Եթե քարանձավում չես ապրում, ուրեմն ամեն օր ծրագրավորողի թեթև ձեռքով ստեղծված տարբեր ծրագրերից ես օգտվում: Նրանք դեռ երկար մնալու են ամեամոդայիկ մասնագետները:

〽️ Թվային մարքեթոլոգ
Մեդիա գործիքներին տիրապետելը շարունակելու է մնալ աշխարհը կառավարող ամենաազդեցիկ եղանակներից մեկը:

📈 Կառավարման խորհրդատու
Կազմակերպությունների առավել արդյունավետ աշխատանքի համար նա վերլուծելու և մշակելու է տարբեր ծրագրեր։

🤖 Ռոբոտաշինության մասնագետ
Դու երբևէ լսե՞լ ես «բույսերի հոգեբանի» մասնագիտության մասին: Ո՞չ: Չէիր կարող լսել, քանի որ այն ապագայի մասնագիտություններից մեկն է: Աշխարհն արագ թափով առաջ է գնում, ու փոխվում է ապագա աշխատողի նկարագիրը:

🧑🏻‍🔬 Նանոբժիշկ
Նանոբժշկությունը հեղաշրջելու է բժշկության ավանդական մեթոդները, այն լուծելու է այնպիսի հիվանդություններ, որոնք այսօր անբուժելի են:

🏠 Խելացի տների դիզայներ
Շուտով քո տունը դառնալու է քեզնից խելացի, հասկանալու է քեզ և հոգ է տանելու քո մասին:

🌿 Բույսերի հոգեբան
Բույսերի հոգեբանը կզբաղվի բույսերի գենետիկ մուտացիաների բացասական հետևանքների վերացմամբ:

🚀 Տիեզերական էներգիայի ինժեներ
Երկիր մոլորակում բնական հանածոների սպառման արդյունքում էներգիայի նոր աղբյուրներ գտնելու համար «խուզարկուներ» են մեկնելու տիեզերք՝ նոր էներգիայի հետքերով:

🧠 Ուղեղը մարմնի ծավալի ընդամենը 2%-ն է կազմում, բայց կառավարում է մեր ամբողջ մարմինը: Նա ևս ծերանալու հակում ունի, բայց եթե անընդհատ մարզես ու նոր մարտահրավերներ նետես նրան, այն քեզ ավելի երկար կծառայի:

✅ Ուղղի՛ր մեջքդ
Մայրիկները մի բան գիտեն, որ միշտ հորդորում են ուղիղ պահել մեջքը. ուղղահայաց դիրքում էներգիան ավելի արագ է հասնում մեր գլխուղեղի բջիջներին, լավանում է տրամադրությունը ու բարձրանում ինքնավստահությունը:

👩🏻‍🍳 Լա՛վ սնվիր
Իսկ տատիկների համար դու միշտ քաղցած ես։ Սնվի՛ր առողջ ու չափավոր՝ չենթարկվելով տատիկի հարձակումներին: Շատ օգտագործի՛ր ընկուզեղեն, ձկնեղեն, հացահատիկեղեն, մրգեր ու բանջարեղեն:

🚴‍♂️ Պահպանի՛ր ֆիզիկական ակտիվությունը
Մարզվելիս քո սրտի ռիթմը մեծանում է, թթվածինը ուղեղ է հասնում շատ ավելի արագ, ու զարգանում են ուղեղի նոր բջիջներ: Դու դառնում ես ավելի արդյունավետ:

👩🏻‍🏫 Պահպանի՛ր մտավոր ակտիվությունը
Նոր բաներ փորձարկելը կօգնի մարզել ուղեղը. սովորի´ր նոր լեզու կամ կիթառ նվագել:

📱 Արա՛ «էլեկտրոնային դեթոքս»
Քնից 30-60 րոպե առաջ անջատի´ր բոլոր էկրանները:

🧘 Մեդիտացիա արա՛
Դի՛ր մեդիտացիոն երաժշտություն, խաղաղվի՛ր ու գրկի՛ր բարձդ։

📚Քեզ բերել ենք 5 գիրք աշխատանքի ու մոտիվացիայի մասին:

📗 What color is your parachute, հեղինակ՝ Ռիչարդ Բոլս
«Ամեն «Ոչ» քեզ մեկ քայլով ավելի է մոտեցնում «Այո»-ին»:
🪂 Սա գիրք է ինքդ քեզ, քո ցանկություններն ու հնարավորությունները ճանաչելու ու դրանց հավատալու մասին: Այն օգնում է ընթերցողին ներկել իր անկարգելը (պառաշյուտը) ցանկալի գույնով ու ճախրել:

📗 A life at work, հեղինակ՝ Թոմաս Մուր
«Աշխատանքը պարզապես աշխատանք չէ, այն խորապես կապված է կյանքի իմաստը գտնելու ընթացքի հետ»:
👨🏻‍💻 Մուրի կարծիքով` աշխատավայրը լաբորատորիա է, ուր բացահայտվում է մարդու հոգին:

📗 Rich Dad Poor Dad, հեղինակ՝ Ռոբերտ Կիյոսակի
«Անհաջողությունը հաջողության հասնելու մի մասն է. մարդիկ, որոնք վախենում են ձախողվելուց, չեն կարող նաև հաջողել»:
💁🏻‍♀️ Գիրքն ընթերցողին զարգացնում է ֆինանսական գրագիտություն, տալիս է բիզնես սկսելու հմտություններ ու օգնում է պայքարել ու դիմակայել դժվարություններին:

📗 Alchemist, հեղինակ՝ Պաուլո Կոելյո
«Երբ դու մի բան շատ ես ցանկանում, ողջ տիեզերքը նպաստում է դրա իրականացմանը»:
💫 Սա գիրք է երազանքներին հավատալու և դրանց հասնելու ճանապարհի՝ աշխատասիրության մասին:

📗 LifeKeys discovery workbook, հեղինակ՝ Ջեյն Կիս
Գիրքն օգնում է մարդկանց բացահայտել, որ իրենք բացառիկ անհատներ են, որոնք ունեն եզակի կարողություններ ու արժանի են բարեկեցիկ կյանք ունենալ: Գրքում կան բազմաթիվ թեստեր, առաջադրանքներ, որոնք կօգնեն ճանաչել ցանկություններդ:

😋 Երբ սիրտդ տաք սուրճ ու 12 կտոր պիցցա է ուզում, ու դու հիշում ես, որ քեշբեք ունես: 😍

💚 Պարզապես վճարի՛ր Ամերիաբանկի քո Visa Student քարտով:

🔗 Իմացի՛ր ավելին՝ https://ameria.me/3DUyLRM

Ապագայի մասին կանխատեսումներ շատերն են սիրում անել: Հավաքել ենք մի քանի այդպիսի կանխատեսումներ, որոնք շատ իրատեսական են թվում👇🏻

🧑🏻‍🔬 Bioprinting
3D տպիչներով մեր օրերում կատարվում են ոսկրային փոխպատվաստումներ: Ասում են, որ ապագայում այս եղանակով փոխպատվաստվելու են նաև ներքին օրգանները: Օրգանների առաջին փոխպատվաստումը նախատեսվում է 2024թ.:

🧠 AI
Տեսական ֆիզիկոս Սթիվեն Հոքինգի կանխատեսմամբ՝ Արհեստական ինտելեկտը (AI) կգերազանցի մարդու ուղեղը, ինչը կունենա և՛ դրական, և՛ բացասական հետևանքներ:

🏙 Smart City
Արհեստական ինտելեկտով կառավարվող առաջին քաղաքը կհայտնվի 2026թ., որը կունենա 50.000 բնակիչ:

🚙 Ինքնավար մեքենաներ
Սրանց ստեղծման վրա արդեն աշխատում են Tesla-ն, Toyota-ն, նաև Google-ը: Ինքնավար մեքենաները կլինեն անվտանգ ու չեն աղտոտի շրջակա միջավայրը:

🌍 Թռչող զբոսաշրջիկներ
Թռչող դռոններ ու թռչող զբոսաշրջիկներ. մարդիկ, իրենց տանը նստած, շրջելու են աշխարհի տեսարժան վայրերով՝ ծախսելով ավելի քիչ գումար, խնայելով ժամանակն ու ապահովագրելով իրենց հնարավոր ռիսկերից:

🧐 Անհետացող մասնագիտություններ
Լսե՞լ ես լապտերավառների մասին: Սա անցյալի մասնագիտություն է, որն անհետացավ, երբ լույս աշխարհ եկան առաջին էլեկտրական լամպերը: Ասում են՝ ապագայում նույն ճակատագրին են արժանանալու շատ այլ մասնագիտություններ, օրինակ՝ ժամագործները, կոշկակարները, հաստոցավարներն ու քարտուղարները:

Դու կանխատեսումներ ունե՞ս 🤔

🤔Ո՞վ է գնում «Մեծն Գեթսբի» ներկայացումը դիտելու

🥳Էլ ի՞նչ Ուսանողների միջազգային օր առանց նվերների:
Եկեք միասին ամփոփենք Ուսանողների միջազգային օրվան նվիրված գովազդային վիճակախաղը:

📌Ամերիաբանկի Visa Student ակտիվ քարտապանները, որոնք ս.թ. մայիսի 1-ից հոկտեմբերի 31-ն ընկած ժամանակահատվածում Ամերիաբանկի Visa Student քարտով ունեցել են 300.000 ՀՀ դրամի շրջանառություն, ստացել են վիճակախաղի մասնակցության իրենց անհատական կոդը:

Ասենք, որ վիճակահանությունն իրականացվել է պատահականության սկզբունքով Pretty Random ծրագրի միջոցով:

Ահա 5 հաղթող կոդերը👇
✅16164
✅15820
✅16021
✅16405
✅16195

🎉🎟️Դուք ստանում եք «Մեծն Գեթսբի» ներկայացման տոմս 2 անձի համար:

Ներկայացումը դիտելու եք նոյեմբերի 20-ին «Թատրոն տանիքում»-ի ալտերնատիվ միջավայրում: Մաղթում ենք հաճելի ժամանց ու հաճելի երեկո💚

✨Թող ձեր ուսանողական կյանքում ամենամեծ դժվարությունը միջանկյալների ժամանակ ընդամենը 2 ժամ քնելը լինի, ամենամեծ անհաջողությունը` մի քիչ ցածր գնահատականը, իսկ ամենամեծ հիասթափությունը` գրադարանում համապատասխան գիրքը չգտնելը😄

💚Բացահայտե՛ք, ուսումնասիրե՛ք, զարգացե՛ք, հուսահատվե՛ք ու ոգևորվե՛ք, փորձե՛ք բացել փակ դռները ու հավատացե՛ք ձեր երազանքներին:

🥳 Շնորհավո՜ր Ուսանողների միջազգային օրը։

Ուսումնական այս կիսամյակն ի՞նչ emoji-ներով կնկարագրեիր 📚🫣

Աաաաա, ես այնքան եմ սիրում ձեզ հետ շփվել, որ որոշեցի բաց չթողնել Ամերիայի բլոգը վարելու հիանալի հնարավորությունը: Եկեք պատմեմ, թե ոնց ես դարձա ուսանող ու ինչպես ընտրեցի մասնագիտությունս: 😍

Ուսանող դառնալու իմ պատմությունը սկսվում է ընդունելության 👩🏽‍🎓 քննությունների խառնաշփոթից: Ուզում էի ընդունվել ռեժիսուրայի բաժին, բայց չունեի ոչ բավականաչափ գումար մասնավոր պարապմունքների համար, ոչ էլ ծանոթներ, որոնք ինձ կուղղորդեին մասնագիտական ուղղությունը ճիշտ ընտրելու հարցում:

Նախ գտա ընդունելության քննություններին պատրաստվելու 📚 գրականության ցանկը: Հետո գնացի Թատերական ինստիտուտ, որ պարզեմ` ինչպես պետք է լրացնեմ դիմում-հայտը: Ինձ առաջարկեցին դիմումի մեջ նշել նաև կինոգիտության բաժինը, որի մասին մինչ այդ գաղափար անգամ չունեի: Մի քիչ հարցուփորձ անելուց հետո պարզեցի, որ քննություններն այնտեղ ավելի հեշտ են անցնում, ու ես որոշեցի նշել նաև այդ բաժինը։

Կինոգիտականի քննություններն ավելի շուտ եղան, ու վերջին քննության օրը մեզ հայտնեցին, որ բաժնի բոլոր դիմորդներն էլ ընդունվել են: Քանի որ մասնագիտական ավելի բազմազան հմտություններ պահանջող ռեժիսուրայի քննություններին ինքնուրույն, առանց մասնագետ էի պատրաստվել, որոշեցի էլ չփորձել բախտս ու չմասնակցել մրցույթին։
Մտածում էի, որ 2-րդ կուրսից կփոխեմ բաժինս, կարևորն արդեն ընդունվել եմ։ 💚

Այսպես ես հայտնվեցի 📽️ կինոգիտականի կուրսում: Զուգահեռ շփվում էի մյուս կուրսերի, այդ թվում` ռեժիսուրայի բաժնի ուսանողների հետ: Ասեմ, որ հետո էլ չփոխեցի բաժինս, քանի որ հասկացա` կինոգիտությունը ավելի ծավալուն և լայն գիտելիքներ էր տալիս:

Հիմա պատմեմ ուսանող Անիի առջև հայտնված մյուս գլուխկոտրուկների մասին։

Մտածեցի, որ ուսման վարձը չեմ կարող թողնել ծնողներիս ուսերին, պիտի լուծում գտնեմ ու անցա աշխատանք գտնելու բարդ գործին: Ընդունվեցի խմորեղենի 🧁 արտադրամաս։ Դա ծանր շրջան էր։ Դասերից անմիջապես հետո վազում էի աշխատանքի, ավարտում էի գործս գիշերը 11-ին, վերջին տրանսպորտով տուն է գալիս, հաջորդ առավոտ նորից գնում դասի:

Այդ ընթացքում չէի հասցնում նորմալ սովորել, իսկ 50.000 դրամ ամսական աշխատավարձս ոչ մի մեծ հարց չէր լուծում։ 1-ին կուրսի 2-րդ կիսամյակում ստացա սերիալում նկարահանվելու առաջարկ, որը 2 անգամ մերժեցի, քանի որ նկարահանող խմբի մոտեցումները չէի կիսում, որակը ինձ չէր բավարարում, ու դա այն նպատակակետը չէր, որին ձգտում էի։ Բայց իմ ընտրությունը մեծ չէր: Անհրաժեշտ էր վճարել ուսման վարձը` կամ խմորեղենի արտադրամասում աշխատելով ու դասերին անպատրաստ ներկայանալով, կամ նկարահանվել սերիալում, ունենալ աշխատանքային ավելի քիչ զբաղվածություն, ավելի շատ գումար ու ավելի մոտ լինել իմ մասնագիտական ճանապարհին։

Այս որոշումը եղավ առաջին քայլը, որն ինձ մոտեցրեց դերասանական գործունեությանը:
Հետո արդեն եղան մեկը մյուսին 🤗 հաջորդող առաջարկներ, սերիալներից կինո, կինոյից թատրոն, հեռուստատեսություն։ Ռեժիսոր դառնալու միտքը այս ճանապարհին ինչ-որ պահի զիջեց, քանի որ սիրեցի այն, ինչ անում եմ: Պարզապես գումար աշխատելուց այն վերածվեց մեծ սիրո, որի համար մինչ հիմա սովորում եմ ու հղկում մասնագիտական հմտություններս։

Ռեժիսոր դառնալու ձգտումն ինձ հասցրեց մինչև կինոգիտական բաժին, իսկ ուսման վարձի վճարման բարդությունները` դերասանությանը։ ☺️ Երբեք չես իմանա, թե կյանքն ինչ է պատրաստել քեզ համար: Կարևորն այն է, որ շարունակես համառորեն լուծումներ փնտրել ու շարժվել առաջ, եթե անգամ քեզ թվա, որ դա քո ընտրած ուղին չէ։

Աշխարհում ոչ ոք քեզ այնքան լավ չգիտի, որքան դու ինքդ: Խոստովանի´ր ինքդ քեզ, որ անում ես բաներ, որոնք խանգարում են քեզ: 🫣 Դրանցից ազատվելը հեշտ գործ չէ, բայց և ոչ անհնար:

Հասկացի´ր քո սովորության դրական և բացասական կողմերը
Վերլուծի´ր կարճաժամկետ սովորության երկարաժամկետ հետևանքները: 🧐 Ամեն օր ուշ քնելու պատճառով դու անտրամադիր ես ու սպառված ամբողջ օրվա ընթացքում:

Հասկացի´ր, թե երբ
Հետևի´ր, թե օրվա որ պահերին, որ իրավիճակներում է վատ սովորությունը ի հայտ գալիս: 🫢 Օրինակ` անընդհատ ուտելու ցանկություն ես ունենում, երբ անելիք չունես:

Փոխարինի´ր վատը լավով
Ամեն անգամ, երբ հեռախոսդ 🤳 ձեռքդ ես ուզում վերցնել, մի պահ դադար տու՛ր ու համոզի´ր քեզ մի օգտակար բան անել: Դրա փոխարեն հեծանիվ 🚲🚴‍♀️ քշիˊր, գիրք կարդաˊ կամ պահարանդ դասավորիˊր:

Ժամկետներ սահմանի´ր
Ասում են, որ եթե մի բան 21 օր շարունակ պարտաճանաչ կատարես, այն կդառնա սովորություն ու հակառակը...🤔

Պարգևատրի´ր ինքդ քեզ
Ընտանիքի անդամներից մեկին կամ մոտ ընկերոջդ տո´ւր մի կլորիկ գումար և խնդրի´ր, որ ամեն անգամ վատ սովորությանդ ոչ ասելիս պարգևատրի քեզ գումարով կամ մի համով բանով🤗🫠

Հաջողության հետևում փոքր, բայց հաստատուն քայլերն են:🫶🏻