سلام علیکم بەڕێزان

ئەمشەو کتێبی ( ناوبانگی پووچ) تیکتۆکچییەکان کاتژمێر 10 ی شەو بە Pdf بڵاودەکرێتەوە إِنْ ‌شَاءَ اللّٰه.
دەتوانن لەڕێگەی Pdf ی کتێبەکە خوێنەری بن
لەگەڵ ڕێزدا

#بەبیرهێناوە،
"ڕۆژی عەرەفە"
سبەینێ چی ڕوودەدات چۆن خۆمانی بۆ ئامادە بکەین!؟

خۆر لە ڕۆژێکی باشتر لە ڕۆژی عەرەفە هەڵنایەت وە لە شەوێکی باشتر لەشەوی قەدر ئاوانابێت، نزاکردن تیایاندا لەباشترین کردەوەکانن ، وە نزیکترینن بۆ وەڵامدانەوە و قبوڵبوون .

بۆ ئەوانەی لەحەج نین پێویستەکا لەگەڵ ڕۆژووی عەرەفەدا ڕۆژەکەیان پڕبکەن لە خوێندنی زیکر و قورئان و نزاکردن ، ابن عباس و عمرو بن حریث لەم ڕۆژەدا هانی خەڵکیان ئەدا بۆ مانەوەیان لەمزگەوتدا .

باشترین کردەوەی ڕۆژی عەرەفە دوای بەڕۆژووبوون خوێندنی زیکر و نزاکردنە ، نزاکردن زیاتر .. خۆ نەبەستنەوەش بە یەک نزاوە، بەڵکو کۆی چاکەی دونیا و دواڕۆژی داوابکات .

بێبەشترین کەسەکان ئەوانەن کە تاوان ئەکەن لەڕۆژێکدا کە خوای گەورە لای فریشتەکانی شانازی بە بەندەکانیەوە ئەکات ، پێغەمبەری خوا ﷺ ئەفەرموێ .. "خوای گەورە نزیک ئەبێتەوە و شانازی بە ئەهلی عەرەفەوە ئەکات لای فریشتەکانی "

خوای گەورە نایەتە ئاسمانی دونیا ئەگەر لە کاتێکی زۆر گەورەدا نەبێت ، وە هاتنەخوارەوەی لە ڕۆژدا نەسەلمێنراوە جگە لە ڕۆژی عەرەفە ، وە دەرگای ڕەحمەتی لەوە فراوانتر نابێت ، بێبەش ئەوکەسەیە کە دەرچەیەک بۆخۆی نادۆزێتەوە لەو ڕۆژەدا.

گەورەترین ڕۆژوو لەدوای ڕۆژووی ڕەمەزان ڕۆژووی عەرەفەیە ، خوای گەورە لەگوناهی دووساڵ خۆش ئەبێت ، باشترینی کردەوەکانیش - بۆئەوانەی لەحەج نین - ڕۆژوو گرتنە ، وە زیکری اللە اکبر و نزاکردن و داوای لێخۆشبوون .

باشترین ڕۆژی دە ڕۆژی کۆتایی ڕۆژی عەرەفە و قوربانیکردنە ، ئەوەی کە سەرەتاکەیی لەدەستداوە با فریای کۆتاییەکەی بکەوێت .. چونکە کردەوەکان بە کۆتاییەکانیان ئەناسرێن

لە ڕۆژی عەرەفەدا بەهەشت نزیکترینە و دۆزەخ دوورترینە ،بێبەشیش ئەو کەسەیە کە کردەوەیەک نادۆزێتەوە خۆیی بێ ڕزگار بکات ، پێغەمبەری خوا ﷺ فەرموویەتی " ڕۆژێک لە عەرەفە گەورەتر نییە کە خوای گەورە بەهۆیەوە لە ئاگری دۆزەخ لاتاندات "

وەڵامەکە لە علامه الحاضر الغائب عبدالعزیز الطریفی دراوەتەوە

#وەرگیراوە، بەسوپاسەوە🌹

🌹‌‌السَّلامُ‌ ‌عَلَيْكُمْ و ‌رَحْمَة‌ُ اللَّهِ‌ وَ ‌بَرْكَاتَة‌ ٌ
‌‌بەو هیوایەی هەموو لایەک باش و دوور لەگوناھ و تاوان و کات بەفێڕۆدان بن بەتایبەت لەم ڕۆژە گەورەیە کە هیچ کەس گەرەنتی ئەوەمان نییە دووبارە پێی ئەگەینەوە یان نا..
ڕۆژێکی زۆر گرنگ و بەنرخ و پڕ بەرەکەتە و یەکێکە لە دیارییە گەورەکانی خوای گەورە بۆ ئێمەی مرۆڤی گوناهبار و تاوانبار و بێ خەم لە دواڕۆژ.

🔴باشترین نزا نزای ڕۆژی عەرەفەیە:
قال رسول الله ﷺ : خَيْرُ الدُّعَاءِ دُعَاءُ يَوْمِ عَرَفَةَ، وَخَيْرُ مَا قُلْتُ أَنَا وَالنَّبِيُّونَ مِنْ قَبْلِي : لَا إِلَهَ إِلَّا اللَّهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ "
واتە : باشترین نزا نزای ڕۆژی عەرەفەیە ، وە باشترینی ئەوەی من و پێغەمبەرانی پێش من وتبێتمان بریتییە لە:
لَا إِلَهَ إِلَّا اللَّهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ.

🔴ئێوارەی ڕۆژۍ عەرەفە:-
▫️عُمَرَ بْنِ الْوَرْدِ دەفەرموێت: عَطَاءِ بْنِ أَبِي رَبَاحٍ پێی ووتم: «ئەگەر دەتوانیت ئێوارەی ڕۆژی عەرەفە بە تەنها بیت ئەوە وا بڪە».

⬅واتە تەنها بوونەوە بۆ نزا ڪردن و زیڪر وپاڕانەوە وبیرڪردنەوە و داوای لێخۆشبوون لە هەڵە وتاوان وڪەموڪوڕۍ وهەڵدانەوەی پەڕەیەڪی سپی ونەگەڕانەوە بۆ سەر تاوان.

🔴 نزاکردن بۆ ڕزگاربوون و سەرکەوتنی موسڵمانانیش لەبیر مەکەن.

و‌‌السَّلامُ‌ ‌عَلَيْكُمْ و ‌رَحْمَة‌ُ اللَّهِ‌ وَ ‌بَرْكَاتَة‌ ٌ🌹

#ئاگا_بۆ_بە_ئاگاهێنانەوەی_تاکەکان_وبنیادێکی_تەندروست
‌‌

#بەبیرهێناوە
نێوان نوێژی عەسر تا نوێژی ئێوارە لەم ڕۆژە پیرۆزەدا زۆر هەستیارە، ئاگاداری بن، داوای لێخۆشبوون و نزاکردن و زیکرکردنتان لەبیر نەچێت، ئەم کاتەو ئەم ڕۆژە تا ساڵێکی تر دووبارە نابێتەوەو هیچ کەسێکیش تەمەنی مسۆگەر نییە تا ئەو کاتە، بۆیە زۆر ئاگاداری بن.

عُمَرَ بْنِ الْوَرْدِ دەفەرموێت: عَطَاءِ بْنِ أَبِي رَبَاحٍ پێی ووتم: «ئەگەر دەتوانیت ئێوارەی ڕۆژی عەرەفە بە تەنها بیت ئەوە وا بڪە».

🔴 نزاکردن بۆ ڕزگاربوون و سەرکەوتنی موسڵمانانیش لەبیر مەکەن.

#ڕوونکردنەوە....
🌺 السَّلَاْمُ عَلَیْکُم وَرَحْمَةُ اللّٰهِ وَبَرَکَاْتُه

نوێژی جەژنەکان{ڕەمەزان و قوربان}:-
زانایان سێ ڕای جیاوازیان هەیە لەسەر حوکمی نوێژی جەژنەکان:-
🔺یەکەم دەڵێن(فرض عین)یە واتە فەرزە لەسەر هەموو موسڵمانێک کە لەسەری دانراوە.
ئەمەش مذهبي حنفيە، و لە گێرانەوەیەک لە احمدەوە هاتووە، و ابن تیمیە و ابن القیم و صنعاني و شوکاني و ابن باز و ابن عثیمینش ڕەحمەتی خوای گەورەیان لێبێت ڕایان لەگەڵ ئەمانە..

🔺دووەم دەڵێن(فرض کفایە)یە، واتە بە ئەنجامدانی لەلایەن کۆمەڵێکەوە لەسەر ئەوانی تر لادەچێت، ئەمەش مذهبي حَنبلیە.

🔺سێیەم دەڵێن سونەتی مؤکدەیە، ئەمەش مذهبي مالکي و شافعیە.
شێخ ابن عثیمین ڕەحمەتی خوای گەورەی لێبێت دەڵێت:-
_ئەوەی دەیبینم نوێژی جەژن(فرض عین)یە واتە لەسەر هەموو موسڵمانێک فەرزە، و نابێت پیاوان وازی لێ بهێنن بەڵکو پێویستە ئامادەی بن، چونکە پێغەمبەر️ ﷺ فەرمانی بە ئافرەتە پێگەشتووەکان و تازە پێگەشتووەکان کردووە دەرچن بۆ نوێژ جەژن، بەڵکو فرمانی بەو ئافرەتانەش کردووە کە لە سووڕی مانگانەن دەربچن بۆ نوێژی جەژن بەڵام لە شوێنی نوێژی ئافرەتەکان نەبن، و ئەمەش بەڵگەیە بۆ دڵنیابوونەوەی..

_و لە فەتوایەکی تر دەڵێت ئەوەی بەلامەوە ڕاست بێت لە بەڵگەکان ئەوەیە کە ئەرک بێت لەسەر هەموو موسڵمانێک، پێویستە لەسەر هەموو نێرێک ئامادەی نوێژی جەژن بێت مەگەر ڕێگرێکی شەرعی هەبێت (بۆ ئامادەنەبوونی).


و شێخ ابن باز لەسەر ئەوەی کە فەرزە لەسەر هەموو موسڵمانێک(فرض عین)، دەڵێت ئەم قسەیە ڕوونترە لە بەڵگەکان و نزیکترە لە ڕاستەوە.

🔴بۆ حوکمی ئافرەتان:-
سونەتە بۆ ئافرەتان ئامادە بن لە نوێژی جەژن، ئەمەش مذهبي مالکي و شافعي، و لە گێڕانەوەیەکی احمدەوە ابن حامد هەڵیبژاردووە، و مجد، و هەڵبژاردەی ابن باز و ابن عثیمینە ڕەحمەتی خوای گەورەیان لێبێت.

بە بەڵگەی ئەم فەرموودەیە:-
عَن أُم عَطيَّة رضيَ الله عَنْها قالت:
كنَّا نُؤمَر أن نَخرُجَ يوم ا، حتى تَخرُجَ البكرُ من خِدرهِا، وحتى يَخرجَ الحُيَّضُ فيكُنَّ خلفَ الناس، فيُكبِّرْنَ بتكبيرِهم، ويَدْعونَ بدعائِهم؛ يرجونَ بركةَ ذلك اليومِ وطُهرتَه)
لە دایکی عەطیەوە ڕەزای خوای گەورەی لێبێت دەفەرمێت{پێغەمبەر ﷺ فەرمانی پێمان کرد کە ڕۆژی جەژن دەربچین، هەتاکو کچی تازە پێگەشتووش دەربچێت لە ژوورەکەی، و تەنانەت ئەوانەشی لە سوڕی مانگانەن دەربچن و لە پشتەوەی خەڵکەکە دابنیشن، تەکبیرات بکەن لەگەڵ تەکبیراتەکانیان، و داوا بکەن بە داواکانیان(نزا) تکای بەرەکەتی ئەو ڕۆژە و لێخۆشبوون لە تاوانەکان بکەن}..

برای موسڵمانم بۆ ئەنجامدانی نوێژ جەژن لە مزگەوت:-
🟠 گەر لەگەڵ ئەوە ڕایە بیت کە فەرزی عەینەیە پێویستە بچیت بۆ نوێژی جەژن و کەم تەرخەمی لێ نەکەیت، چونکە بە نەکردنی تاوانبار ئەبیت.
🔵گەر لەگەڵ ئەو ڕایە بیت کە فەرزی کیفایە بچۆ بۆ مزگەوت با کەسێک بیت لەو کەسانەی بە ئەنجامدانی هەستاون و خۆت بێ بەش مەکە لە پاداشتەکەی.
🟤گەر لەگەڵ ئەو ڕایە بیت کە سونەتی موئەکەدەیە لەبەر خۆسەویستیت بۆ پێغەمبەری ئەزیزمان️ ﷺ و زیندوو کردنەوەی سوونەتێکی بچۆ بۆ مزگەوت و خۆت لە پاداشتەکەی بێ بەش مەکە..

🟥خوشکی موسڵمانم بەڕێزتانش تاکو پێتان دەکرێت بچنە مزگەوت و بە کۆمەڵ نوێژی جەژن ئەنجام بدەن لەگەڵ جێبەجێکردنی مەرجەکانی ڕۆشتن بۆ مزگەوت..
مەرجەکانی:
١_خۆ نەڕازاندنەوە بۆن خۆش نەکردن.
٢_گەر هاوسەرت هەیە پرسی پێ بکە.

و پیاوانش ناکرێت ڕێگری بکەن لە هاوسەرەکانیان بچنە مزگەوت مەگەر بزانێت بە چوونی هاوسەرەکەیان بۆ مزگەوت خۆیان یان کەسانی تر تووشی گوناهـــ دەبن ئەو کات دەتوانێت ڕێگریان لێ بکات{بۆ نموونە خۆی بڕازێنێتەوە یان قسە بێنێت و بەرێت و کێشە بنێتەوە...هتد}

بە بەڵگەی فەرموودەی نازدارمان️️ ﷺ {لا تَمنعوا إماءَ اللهِ مساجدَ اللهِ}.
إماء= بەندە، بەرامبەر وشەی (عبد)ە..
إماء بۆ ئافرەتە و عبد بۆ پیاوە.


گەر بە هۆکارێکی شەرعی نەتوانرا ئامادە ببیت لە مزگەوت إِنْ شَاءَ اللّٰه ئاساییە و دەتوانیت لە ماڵەوە نوێژەکەت بکەیت.

تێبینی//
_بۆ کاتی نوێژی جەژن بە ئەندازەی ڕمێک دوای خۆرهەڵاتن(واتە ١٥ تاکو ٢٠خولەک دوای خۆرهەڵاتن)، تاکو دابەزینی خۆر(واتە بەماوەیەک پێش بانگی نیوەڕۆ).


داواکارم لە پەروەردگاری بەخشندەمان تەواوی کار و پەرستنەکانمان وەربگرێت و جێگیری و بەردەوامییمان پێ ببەخشێت دوای مانگی ڕەمەزانی پیرۆز..

و السَّلَاْمُ عَلَیْکُم وَرَحْمَةُ اللّٰهِ وَبَرَکَاْتُه 🌺

#ئاگا_بۆ_بە_ئاگاهێنانەوەی_تاکەکان_وبنیادێکی_تەندروست

چۆنێتێ‌ نوێژی جەژن:-

نوێژی جەژن بەم شێوەیەی لای خوارەوەیە:

یەكەم: بریتیەلە دوو ڕكات، لەبەر ڕیوایەتی ئیمامی (عمر) رضي الله عنه: نوێژی سەفەر دوو ڕكاتە ونوێژی قوربان دوو ڕكاتە ونوێژی جەژنی ڕەمەزان دوو ڕكاتە، تەواون بە بێ‌ كورت كردنەوە لەسەر زمانی محمد ﷺ.

دووەم: یەكەم ڕكات دەست پێ‌ دەكرێت وەكو هەموو نوێژەكان بە الله اكبر (تكبیرة الإحرام) پاشان حەوت الله أكبر (تكبیرە) ی تێدا دەكرێت، لە ڕكاتی دووەمیشدا پێنچ (تكبیرە) ی تێدا دەكرێت جگە لە (تكبیرە)ی هەستانەوە لە کڕنۆش(سجدە)
لە خاتوو عائیشەوە (خوای لێ‌ ڕازی بێت) كە پێغەمبەرﷺ لەنوێژی جەژنی ڕەمەزان وقوربان حەوت (تكبیرە) ی كردووە لە ڕكاتی یەكەم، وە لە ڕكاتی دووەمدا پێنچ (تكبیرە) ی دەكرد جگە لە (تكبیرە) كانی تر.

تێبینی//
دەکرێت لەنێوان ٧ تەکبیرەکەو ٥ تەکبیرەکە چەند ویردێک بخوێنیت، وەکو سُبْحَانَ ‌اللّٰه‌‌‎ والْحَمْدُ لِلّٰه وأَسْتَغْفِرُ ‌اللّٰه‌ ولَاْ إِلٰهَ إِلَّاْ اللّٰه، و سەڵاوات....هتد، گەر نەشیکەیت ئاساییە.

سێیەم: بە(صەحیحی) نەهاتووە لە پێغەمبەرەوە ﷺ كەوا لەگەڵ (تەكبیرەكانی) نوێژی جەژن دەستی بەرز كردبێتەوە.

ئیمامی (البغوي) دەفەرمووێت: ئەمە ووتەی زۆربەی زانایانە لە صەحابەو پاش ئەوان رضي الله عنهم كە لە ڕكاتی یەكەم حەوت (تكبیرە) جگە لە (تكبیرە) ی دەست كردن بە نوێژ، وەلە ڕكاتی دووەم پێنچ (تكبیرە) جگە لە (تكبیرە) ی هەستانی پێش خوێندنی فاتحە.

چوارەم: كە(تكبیرە) كانی تەواو دەكرد دەستی بەخوێندنەوەی فاتیحە و پاشان [ق وَالْقُرْآنِ الْمَجِيدِ] ی لەڕكاتێكدا دەخوێندو لەڕكاتەكەی تردا [اقْتَرَبَتِ السَّاعَةُ وَانشَقَّ الْقَمَرُ] دەخوێند. وە هەندێ‌ جاریش [سَبِّحِ اسْمَ رَبِّكَ الْأَعْلَى] و [هَلْ أَتَاكَ حَدِيثُ الْغَاشِيَةِ] ی دەخوێند
واتە گەر لە ڕکاتی یەکەم[ق وَالْقُرْآنِ المجید] خوێنرا لە ڕکاتی دووەم[اقْتَرَبَتِ السَّاعَةُ وَانشَقَّ الْقَمَرُ]، بۆ دوو سورەتەکەی ترش بەهەمان شێوە.

سوننەت و ئادابەكانی جەژن:-

١ـ خۆ شۆردن بۆ جەژن.

٢ـ خواردنی چەن دەنكە خورمایەك بەرلە دەرچوون لەماڵ بۆ نوێژی جەژن: لە (أنس) رضي الله عنه دەفەرمووێت: پێغەمبەر ﷺ لە جەژنی ڕەمەزاندا دەرنەدەچوو هەتا چەند دەنكە خورمایەكی دەخوارد.

٣ـ خۆ جوان كردن و خۆ ڕازاندنەوە لە جەژندا (ابن القیم) دەفەرمووێت: پێغەمبەر ﷺ بۆ دەرچوون بۆ هەردوو جەژنەكان لە جوانترین جل و بەرگەكانی لەبەر دەكرد.
تێبینی// خۆڕازاندنەوە بە پێی ئەوە بێت لەشەرعدا دیاریکراوە.

٤ـ دەرچوون بۆ نوێژگە (المصلی).

٥ـ ڕۆیشتن وگەڕانەوە لە نوێژگە (المصلی): سوننەتە بە پێ بچیت بۆ نوێژی جەژن: لە (عەلی) ەوە رضي الله عنه بۆمان دەگێڕنەوە كە فەرموویەتی: (سوننەتە بە پێ بچیت بۆ نوێژی جەژن).

٦ـ ڕێگا گۆڕین:
لە (جابری كوڕی عبدالله) ەوە رضي الله عنه فەرموویەتی: پێغەمبەر ﷺ ئەگەر ڕۆژی جەژن بوایە ڕێگاكەی دەگۆڕی، واتە: لە ڕێگایەكەوە بڕۆیشتایە بۆ مزگەوت لە ڕێگایەكی ترەوە دەهاتەوە. (ئیمامی نەوەوی) (ڕەحمەتی خوای لێ بێت) ئەفەرموێ‌: ئەگەر هۆیەكەشی نەزانراو بێ سوننەتە شوێنی بكەوین بەیەك جاری.

٧ـ جەژنە پیرۆزە كردن لە یەكتر:
كە بەیەك گەیشتین سوننەتە بەم شێوەیە پیرۆز بایی لەیەكتر بكەین: تقبل الله منا و منكم.
(ابنُ الحَجَر) ئەفەرموێ‌ لە (جبیر بن نفیر) ەوە فەرموویەتی: هاوەڵانی پێغەمبەر ﷺ ئەگەر لە ڕۆژی جەژن بەیەك بگەیشتنایە بە یەكتریان دەوت: (تقبل الله منا ومنكم). واتە: خوا لە ئێمەو ئێوەیشی قەبوڵ بكات.

#ئاگا_بۆ_بە_ئاگاهێنانەوەی_تاکەکان_وبنیادێکی_تەندروست

سەرپێچیەكانی جەژن:-

١ـ نەكردنی نوێژی بەیانی،
پێیان وایە نوێژی بەیانی و جەژن یەك نوێژە، لەكاتێكدا دوو نوێژی جیاوازن و لە دوو كاتی جیاواز ئەنجام ئەدرێن.

٢ـ وازهێنان لە نوێژ كردن بەهۆی سەرقاڵ بون بە جەژن و سەردان كردنی خزم و كەس و كار بەتایبەتی وازهێنان لە نوێژی جەماعەت پەروەردگاریش دەفەموێت: [فَوَيْلٌ لِّلْمُصَلِّينَ * الَّذِينَ هُمْ عَن صَلَاتِهِمْ سَاهُونَ ]
واتە: ئینجا سزای سەخت بۆ نوێژ خوێنەكان ئەوانەی لە نوێژەكانیان غافڵ و بێ‌ ئاگان و لەكاتی خۆیدا نایكەن.

٣ـ هەندێ‌ لە پیاوان بە مەبەست و بیانوی خۆ جوانكردنەوە ڕیشیان ئەتاشتن لەكاتێكدا زانایان فەرمویانە ڕیش تاشین لە تاوانە گەورەكانەو لاسایی كردنەوەیە بۆ بێباوەڕان، كارێكیش گەورە تاوان بێت ئیتر چ جوانیەكی هەیە ؟! پێغەمبەری خوایش ﷺ فەرموویەتی: پێچەوانەی هاوەڵ بڕیاردەران ببنەوە و شواربتان سوك بكەنەوە و ڕیشیشتان بهێڵنەوە.

٤ـ بەكارهێنانی بۆنی خۆش و عەتر و گوڵاو لەلایەن ئافرەتانەوە چ لەماڵ بەمەبەستی پێشوازی كردن لە میوان یان بە مەبەستی دەرچوون بۆ ماڵی خزم و دۆست و پیاسە كردنی باخچە و شوێنە گشتیەكان لەكاتێكدا پێغەمبەری خوا ﷺ فەرموویەتی: ئەگەر ئافرەت خۆی بۆن خۆش بكات و بەلای كۆمەڵە خەڵكێكدا تێپەڕ ببێت ئەوا وەك تاوانی زینا وایە.

٥ـ وازهێنانی ئافرەتان لە پۆشاكی شەرعی و گەڕانەوەیان بۆ سەر جلی ناشەرعی و تەسك نیوە ڕوت لەبەر كردن بەبیانوی خۆشی جەژن و پێشوازی كردن لە میوان یان دەرچونیان لەماڵ بەبێ‌ كارێكی پێویست خوای پەروەردگاریش ئەفەرموێ‌: [وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ ] واتە: جوانی و خشڵی خۆیان دەرنەخەن لە ئاست نامەحرەم جگە لەوەی لێی دەرئەكەوێ‌ (واتە: تەنها هەردوو دەست و دەم و چاویان) و با سەرپۆش و لەچكەكانیان بدەن بەسەر گەردن و سنگیانیشدا تا سنگ و بەرۆكیان دەر نەكەوێ‌. بۆیە دەبێ‌ ئافرەتان خۆیان بپارێزن لە خۆ ڕازاندنەوەی ناشەرعی و بەكارهێنانی مكیاج و كەرەستەی خۆ جوانكردنەوە و جلی ناشەرعی.

٦ـ تەوقە كردنی ئافەرتان و پیاوان لەگەڵ یەكتر بەهەمان شێوە كوڕان و كچانی باڵغ بوو بەمەبەستی جەژنە پیرۆزە و بەبیانوی دڵپاكی و خزمایەتی، پێغەمبەری خوایش ﷺ فەرموویەتی: ئەگەر مێخێكی ئاسنین لەسەر پیاوێك دابكوترێت باشترە بۆی لەوەی دەستی بەر دەستی ئافرەتێك بكەوێت كە بۆی حەڵاڵ نەبێت.

٧ـ چاو نەپاراستن لە ئاست نامەحرەم و تێڕوانینی حەرام، لەكاتێكدا خوای پەروەردگار ئەفەرموێ‌: [وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ ] واتە: بە ژنانی باوەڕدار بڵێ‌: با چاویان دابخەن لە تەماشاكردنی نامەحرەم. بە هەمان شێوە بۆ پیاوانیش ئەفەرموێ‌: [قُل لِّلْمُؤْمِنِينَ يَغُضُّوا مِنْ أَبْصَارِهِمْ ] واتە: بە پیاوانی باوەڕدار بڵێ‌: چاو دابخەن لە ئاست تەماشاكردنی ژنانی نامەحرەم. (نظر) كردنیش جۆرێكە لە جۆرەكانی زینا كردن هەروەك پێغەمبەری خوا فەرموویەتی: زینا كردنی چاوەكانیش بریتیە لە تەماشاكردنی نامەحرەم. وە هەندێك لە هاوڕێكانی (سفیان الثوري) یش فەرمویانە: ڕۆژی جەژن لەگەڵ سوفیان دەرچووین پێی وتین: یەكەم شتێك لەم ڕۆژەماندا لەسەرمانە ئەنجامی بدەین چاو داگرتنە لەئاست نامەحرەمدا.

٨ـ یاری كردن بە تەرەقە و هاوشێوەكانی: ئەمەش ئەبێتە هۆی ترساندن و ڕاچەڵەكاندنی موسوڵمانان پێغەمبەری خوایش ﷺ فەرموویەتی: دروست و ڕەوا نیە بۆ هیچ موسڵمانێك موسوڵمانی تر بتۆقێنێت.

٩ـ تایبەت كردنی ڕۆژی جەژن لەلایەن هەندێ‌ خەڵكی بێ‌ ئاگا بەسەردان كردنی گۆڕستان و تازەكردنەوەی تەعزیە و یادكردنەوەی مردوو بە گریان بەشێوەیەكی ناشەرعی.

١٠.گوێگرتن لە گۆرانی بە بیانووی دەربڕینی خۆشحاڵی، لە کاتێکە پێویستە داوا لە خوای گەورە بکرێت پەرستنەکانمان وەربگرێت و سوپاسی بکات کە ڕێگەی پێیدا مانگی ڕەمەزانی پیرۆز تەواو بکات.


#ئاگا_بۆ_بە_ئاگاهێنانەوەی_تاکەکان_وبنیادێکی_تەندروست

السَّلَاْمُ عَلَیْکُم وَرَحْمَةُ اللّٰهِ وَبَرَکَاْتُه
تقبل اللە منا ومنکم صالح الاعمال🌹.
یاڕەبی جەژنی هەموو لایەک پیرۆز بێت و جەژنی وەرگرتنی تەوبە و پەرستن و نزاکانتان بێت، جەژنی خێر و خۆشی و سەرکەوتن و ڕزگاربوونی تەواوی موسڵمانان بێت لەهەموو جیهان.

داواکارم لە پەروەردگاری میهرەبانمان بەردەوامی و جێگیری ببەخشێت بە هەموو ئەندامانی ئێرە و هەموو تاکێکی موسڵمان.

و بەو هیوایەی هەر تاکێکی موسڵمان لەگەڵ هەر خوشک و برایەکی کێشەیەکی هەیە با لەم بۆنە پیرۆزەیە لەبیری بکەن و گەردنی یەکتر ئازاد بکەن، بەو هیوایەی لە تەرازووی کارە چاکەکانتان بێت.

لە ڕۆژی ئیمتیحانەکانمدا وا هەستم دەکرد بۆ ئاهەنگ دەچم نەک ئیمتیحان، بە دڵخۆشی و ورەبەرزییەوە دەڕۆیشتم.

کاتێک هەوڵی خۆمم داوە و خشتەی هەوڵدانەکەم هەمووی ڕەنگی سەوزە بۆچی لەخۆوە بترسم و خۆم بشڵەژێنم؟

ئاخر ترس و ڕەشبینی دوو شتی ناپێویستن و دوژمنی سەرکەوتنن.

لە کتێبی سەرکەوتنم لە پۆلی دوانزە

جارێک لە سەرەتا تا کۆتایی پرسیارەکانم دەخوێندەوە پرسیارێک کاتی زۆری بویستایە یان لێی تێنەگەیشتمایە، ژمارەکەیم دەکردە بازنەیەکەوە، پاشان بەسەریدا تێدەپەڕیم و دەمگووت وەڵامی پرسیارە ئاسانەکان دەدەمەوە ئەوسا دێمەوە سەر ئەو پرسیارانە.
خۆ کە دەهاتمەوە سەری گەر دڵنیابوومایە وەڵامەکەی نازانم و دەبێت لەخۆوە وەڵامێک هەڵبژێرم، توشی ڕەشبینی نەدەبووم. کەمێک دڵگران دەبووم، هەمووان دڵگران دەبن کاتێک لە بابەتێکی هێندە گرنگی ژیانیان هەڵە بکەن. بەڵام گرنگ ئەوەیە بێ هیوا نەبیت و بەردەوام بیت لە گەشبینی، تا هەنگاوەکانی دواترت باشتربێت.

یۆگا چییە

#ئاگاداری
پڕۆژەیەکی ناوازە بۆ منداڵە ئەزیزەکانمان...

‌ السَّلَاْمُ ‌‌عَلَیْکُم‌ ‌وَ ‌‌رَحْمَةُ‌‌ اللّٰهِ‌ وَ ‌‌بَرَکَاْتُه‌ 🌹
بەو هیوایەی هەموو لایەک باش و تەواو تەندروست بن...
لەم هاوینەدا لەگەڵ پڕۆژەی ئاگا :: Aga project دەستی منداڵەکەت بگرە بۆ پەروەردەیەکی جوانی ئیسلامی إِنْ ‌شَاءَ اللّٰه.

1.خولی (کردارە جوانەکان) بۆ منداڵان و نەوجەوانان لە رێکەوتی( 1/7/2024) دەستپێدەکات.

2.خولەکە وانە وتنەوەو تاقیکردنەوەی تیانییە، تەنها ڕێنمایی و کردارییە.

3.خولەکە بۆ هەردوو ڕەگەزە.

4.لەتەمەنی ٥ ساڵی تا ١٥ ساڵییە.

5.بۆ تەواوی شارو شارۆچکەکانی هەرێمی کوردستانە.

6.بڕوانامەو دیاری دەبەخشرێتە بەشداربووان دوای ئەنجامدانی تیروپشک.

7.خولەکە بە ئۆنڵاین پێشکەش دەکرێت.

بۆ ناو نووسین نامە بنێرن بۆ:-
( @aga_kteb)

🌹جوانترین خول و جوانترین پەروەردە پێشکەش دەکەین إِنْ ‌شَاءَ اللّٰه🌹.

#ئاگا_بۆ_بە_ئاگاهێنانەوەی_تاکەکان_وبنیادێکی_تەندروست

#بەبیرهێنانەوە
🌹 ڪاتی گیرابوونی نزاتان بیر نەچێت...
🪻 ڕۆژی هەینییە.
🪻 ڕۆژێکە لەڕۆژە زۆر گەورەو پیرۆزەکان لەلای خوای گەورە.

بۆیە:-
بە ئومێدبە🙂_ وَإِذَا سَأَلَكَ عِبَادِي عَنِّي فَإِنِّي قَرِيب
بێترسبە🥰_ أَنَّ ٱلْقُوَّةَ لِلَّهِ جَمِيعًا
ئاسوودەبە😌_ قُل لَّن يُصِيبَنَآ إِلَّا مَا كَتَبَ ٱللَّهُ لَنَا هُوَ مَوْلَـٰنَا...
خوای گەورە ویستی لەسەر هەر شتێک بێت تەنها دەفەرمێ ببە، بۆیە بێهیوا مەبن.
🔴 یەکێک لەهۆکارەکان بۆ ئەوەی نزاکانمان وڵام بدرێنەوە پێویستە خۆمان لەحەرامکراوەکان بپارێزین...🌹


🪴🪴 ئەزیزانت و تەواوی موسڵمانان بێبەش مەکە لەنزاکانت، بەتایبەت موسڵمانە چەوساو ژێردەست و ستەملێکراوەکان...

#بەبیرهێنانەوە ...
‌ السَّلَاْمُ ‌‌عَلَیْکُم‌ ‌وَ ‌‌رَحْمَةُ‌‌ اللّٰهِ‌ وَ ‌‌بَرَکَاْتُه‌ 🪴
ناو نووسین بەردەوامە تا کۆتایی ئەم مانگەو لە١ی ٧ إِنْ ‌شَاءَ اللّٰه خولەکە دەستپێدەکات...
ئەم هاوینە ببنە چاو ڕاستی منداڵەکانتان ولەگەڵ پڕۆژەی ئاگا ڕایانبهێنن لەسەر پەروەردەیەکی جوانی ئیسلامی إِنْ ‌شَاءَ اللّٰه 🌹

بەرنامەی :#لەگەڵ_نووسەران
...
زنجیرە ڤیدیۆیەکی ناساندنە کە تێیدا ژیانی نووسەر و ناوەڕۆکی کتێبەکەی
دەخرێتە بەر چاوی خوێنەران تا زیاتر ئاشنای نووسەر و ئامانجی پشت وشەکانی ناو کتێبەکەی ببن.
.....
بەرهەمی: پڕۆژەی ئاگا :: Aga project
.....
بەسپۆنسەری:
کتێبخانەی حاجی قادری کۆیی
پڕۆژەی کتێب
ٳخلاص دیزاین
.....
پێشکەش دەکرێت

#بەبیرهێنانەوە
‌ السَّلَاْمُ ‌‌عَلَیْکُم‌ ‌وَ ‌‌رَحْمَةُ‌‌ اللّٰهِ‌ وَ ‌‌بَرَکَاْتُه‌ 🌹
إِنْ ‌شَاءَ اللّٰه ئەمڕۆ کۆتا ڕۆژە بۆ ناو تۆمارکردن...
بیرتان نەچێت پەروەردەی منداڵەکانتان ئەرکی دونیاو دواڕۆژتانە،
"چی بچنی ئەوە دەدرووێنیتەوە"