تابع المجاراة عن انتصارات الجيش واللجان الشعبية في جبهة حرض وانهيارات المنافقين ..

#أبوالكرار_المجنحي

ياحرض ياحزام الطارفه
يا دفئ الشعب ياسنح الكتوف

أصبح الحلف عندش سالفه
سقتي ارتال وفنيتي صفوف

#محمد_قارية

احــرقوا كل قوه زايفه
في حرض يامغاوير الزحوف

والسعودي قسم نتناتفه
نسحقه بـ البنادق والحروف

#الكرار_المشراقي

طاح جيش الملوك الــتالفه
في حرض كم دسعنامن انوف

شعبناكل الجبال الــنايفه
للميادين بايقبل صــــفوف

#ابوحضارة_السويدي

طال محنا رجال الطارفه
قل لسلمان وبنه لن نخوف

رغم انف القوىالمتحالفه
حول مكه قريبن بانطوف

#ابوحسين_العصري

لا ماعرفتي ولا امش عارفة
كيف طعم المنايا والحتوف

ذه حرض كل أبوها ناسفة
للجحيم تزغف الغازي زغوووف

#ابوفضل_المتوكل

ماسلم غير نصف الناصفه
من غضبنا وعاد النصف خوف

من هلع يوم حشر الراجفه
في حرض تلتهم جيشه الوف

#صالح_الدباء

عاصفة نجد قدهي خايفه
والمسير عل اجواها يطوف

حكم العقل دون العاطفه
قل لذي مادخل وسط الصفوف

#حافظ_الحماس

قـــال ياصـقر هـذا السالفة
قدعجز وصفها كل الحروف

في حرض تم طحن الناصفه
والربع مـات من بعد الزحوف

#فواز_ابوحسن

انـتـصـاراتـنـا مـتـضاعـفـه
من حرض لاحريب انظر وشوف

جيشناء واللجان متكاتفه
نحو الاقصى وفي مكه تطوف

#الشاعر_ابوحيدر_عامر

طاح حشد الوجيه ازايفه
في حرض انتها حلم الخروف

دقه البدر بعد الراجفه
صار جيش ادعي مثل النشوف

#الشاعر_ابو_رايد_النمري

عاصمة نجد قدهي تالفة
ربنا ساقها مثل الخروف

واليماني وكل ن عارفة
قد تعود على كل الضروف

#ابـومـازن_الـرازحـي

الهـزايـم أتت متـرادفـه
للتحـالـف بتغرفهم غروف

وين ما جا تجيه الرادفه
والمنايا على جيشه تطوف

#ابوحيدر_الراشدي

قاصفـــــــــــه راجفه مترادفه
تضرب الحلف تجعلهم نشوف

بلغي يا حـــــــرض بالسالفه
عاصفتهم سقيناها الحتوف

#ذوالفقار_سفيان

يارجالي حمات الطارفة
يامغاوير في كل الظروف

خبرو نجد ويش السالفة
واننا شعب نعتاد الحتوف

#ابوخارف_أبوشوصاء

في حرض جند ربي زاحفة
قوم قاموسهم مافية خوف

والتحالف ذيولة عاطفه
جالهم في حرض دعس الانوف

#ابوحسن_الشبطي

قوة الله فوق العاصفه
يبن سلمان تعصفها عصوف

مملكة نجد قدها تالفه
والإمارات في جوعن وخوف

#الشاعر_محمد_ابوالعز

في حرض قوة الله خاطفه
بعثرت جمعهم حد السيوف

سبعه ايام فيها القاصفه
ذاق منها الغزاه طعم الحتوف

#جميل_جعفر_ابوشامخ

عاصفة نجد صارت تالفه
واعلنت في حرض امر الوقوف

جـت لها الراجفه و الرادفـه
وعين سلمان للحاله تشوف

#ابو_ميثم_الزراع

في حرض خاب ضن العاصفة
والأعاصير تعصفهم عصوف

بعد الإعصار تأتي الراجفة
طعن الأنصار ماتأتي شتوف

#حسين_شرويد

ما نفع حزمهم والعاصفه
داخل الميدان في ذله وخوف

ما نفع قوات جيشه زاحفة
واحنا تعودنا على كسر الزحوف

#ابوقصي_العويري

السعودي خسر وتحالفه
خاب وانهار وعيونه تشوف

ما تفيد العلوم الزايفه
والأكاذيب ياحلف الهنوف

#ابوعيسى_هيسان

في حرض مثل يوم الراجفه
نار ذي تنسف الاعدى نسوف

والولايات قدهي عارفه
الخروف اين ماواجه خروف

#ابوبدر_ذيبان

مهلكه للجيوش الجارفه
من توهم وقال حربه خطوف

يابن سلمان ويش السالفه
ما يزعزع جبل نطح الخروف

#زاهر_الرصابي

في حرض ضربة الله ناســفه
تنسف الحلف واذنابه نسـوف

والعواصـف علــــيهم عــاصفه
صابت الحلف في ذله وخوف

#بسام_الحجاجي

مملكة سلمان ماهي عارفه؟
ان موعدها دنى حان القطوف

اجحفوها يالسيول الجارفه
واغرقوها بين انقاض الضروف

#إتحاد_الشعراء_والمنشدين

https://t.me/aboyahyaalshami

تابع المجاراة بعنوان اهمية الوحدة اليمنية .

البداية للشاعر #فارس_المعزبي

كما قامت الوحده في اول ظهورهــا
بــ الاثنين والعشرين من مايو العظيم

ستبقى كما كانت قويــه جذورهــا
بفضل الرجال الغـُـبر والقايد الحكيم

#عبدالواسع_صايل_الغولي

بلادي بلاد المجد والعز سورها
وعنوانها الايمان والموقف الحكيم

ومادام ابو جبريل حامي ثغورها
فقوم التفرق بايصروا الى الجحيم

#علي_العقاب

لوحدة يمنا من دمانا مهورها
ولا بانضيع شبر ياشعبنا العظيم

وللغازي المحتل نحفر قبورها
وللخاين الجرار نصليه فالججيم

#الشاعر_ابوحيدر_عامر

يمن راسخه وحده بواضح صدورها
معا السيد ابن البدر عبدالملك
حكيم

قمع راس واشنطن وأنها حضورها
بمشروع قرآني سكن داخل الصميم

#ابوالفتح_الجرادي

من النار والبارود تخُرج عطورها
يمن واحده تتنشق الحريه نسيم

علا انف امــريكا العينه وشورهــا
فبا تنهزم ونزيح شيطانها الرجيم

#عبدربه_الحداد_البيحاني

ويبقى اليمن واحد موحد بنورها
رجاله تنكل حلف واشنطن الغشيم

وتغزي طغاة الارض لاعقر دورها
وتكسر قوى امريكا وشيطانها الرجيم

#علي_درهم_المؤيد

على الصدق وحدتنا زرعنا بذورها
بعد ما قلعها البريطـ ـاني اللـئيـ ـم

وفي كل قلب اليوم حلت جذورها
وكل من يحاول قلعها لليمن غريم

#أبوالكرار_المجنحي

يمن واحده تثبت للعداء حضورها
معا وقتنا الحالي وفي وقتنا القديم

ونور العلم ضمد وعالج كسورها
وواجه تحالف نجد وابليسها الرجيم

#صالح_الدباء

ووحده لها تاريخ تشهد عصورها
من ايام تبع والملك سيف والرقيم

وصنعاء معالمها حضارة قصورها
براهين للجاحد وللناقد العقيم

#ابوحنشل_قاريه

يديم الله الوحده ودامت سرورهـا
على موطن الإيمان والقائد الحكيم

بـلــدنا بعــون اللــه تـسـبـر امـورها
وبا ندحـر امريكا وشيطانها الرجيم

#جميل_الجنيد

ألا يالنشامى عزنا في طَهورها
يمنّا الموحّد عَزّ تاريخه العظيم

نحافظ على الوحدة ونحمي جذورها
وإذا وجّه القائد نسلّم ونستقيم

#ابوهادي_صيفان

انا الشعب والوحده وغارس بذورها
وبقطف ثمرها حامي الارض والمقيم

ومن دمنا اتنمت وفتحة زهورها
وثابت عليها بعد الاجداد من قديم

#ابويحيى_القهدة

اتى عيد وحدتنا التي شعّ نورها
 وزدنا صلابه للتوحد على الغريم

حشود الممالك يدفع الله شرورها
متى ما اعتصمنا به على نهج مستقيم

#ابـومـازن_الـرازحـي

بلاد اليمن أصل الحضاره، وسورها
وكنز المبادئ ملكها وارثها القديم

نواة التسامح كامنه،في بذورها
على العز تتوحد مع الصاحب الحميم

#إتحاد_الشعراء_والمنشدين

https://t.me/aboyahyaalshami

تابع المجاراة العاشرة عن الخروج الكبير المشرف يوم السبت المقبل ذكرى المولد النبوي الشريف وآثاره ونتائجه .

#أخت_شهداء_البكالي

في سبتنا لبيك ياسيد العرب
لبت لك الاكوان ترحيبا وطيب

نستعجل الدقات والوقت اقترب
نحييك في الوجدان ياعون الغريب

#أحـمـد_الاهـــدل

شعب اليمن كله الى الساحات هب
ياسيــد الســــادات لداعي مجيب

حشود تتقارح على إمـريكا غضب
لبيــك ثم لبيـــك (ياطه )الحبيب

#أبوأحمد_الوايلي

ايام سوداء مقبله يابو لهب
باتحترق فيها وباتلهب لهيب

جهنم الحمراء لمنهوه رسب
وجاحد القران له منها نصيب

#ابوراكان_السحاري

وبدايت النصر العضيم إلنا .أقترب
ونهاية الحلف أصبحت ضني قريب

بفضل ميلاد النبي جيشي غلب
قوات واشنطن..وداعمها الغريب

#عيسى_الهروجي

صحت ولآنــآ للرسول المنتجب
فوق الثرياء نجم صادع لن يغيب

والسبت موعدنا لتنفيذ الطلب
ياكل مؤمن لب للداعي وجيب

#عبدالله_القبلي

ياسيدي رهن الاشاره والطلب
نحضر في الفرحه وف الوقت الصعيب

مثل السيول الدافقه للمزن صب
في مولدك يتبلسم الجرح العطيب

#عبدالله_حسين_مسعود

الشعب في ذكرى النبي لاهب هب
والوعد يوم السبت والموعد قريب

با يوعد اهل الشرك ميعاد الغضب
ذي يجعل امريكا من الواقع تغيب

#أبوحسين_العصري

لبيك من صنعاء ومن وسط القتب
لبيك من صعدة ومن غولة عجيب

يا خير خلق الله شعبي قد وهب
في حبك الأرواح والغالي بطيب

#ابوغبري_الغبري

مثـل الذهب شعب اليمن مثل الذهب..
ما اتغير المبدى ولا الساس العريب..

يوم الحيا والـدين من غيــره ذهــب..
كان الي استمسك وكان المستجيب...

#علي_الشعيثي

يايوم لاقد شافك الكفر ارتهب
وجرح ال البيت لاشافك يطيب

ذي منع ابتكم ياسلاحي والجعب
هبو جماعه من بعيد ومن قريب

#ابوالكرار_المجنحي

ياشعب أمن باالرساله واستجب
وساند المختار في الوقت الصعيب

لي منعكم لا يعتذر حامل سلب
السبت موعدنا حذاري حد يغيب

#جمال_الماوري

لا قد ذكرتوا حادثة جمع الحطب
كي يحرقوا ابراهيم في نار اللهيب

شعبي تجمع واحتشد كله وهب
يصْلِي بني صهيون من مجرى القصيب

#فايز_الحمزي

قولوا جميعاً يارجال قولوا وجب
المؤمن الصادق لربه يستجيب

نفرح ونستبشر بما ربي وهب
وخصنا نحن اليمانين بالحبيب

#ابو_صماد_الفليتي

وجب علـــــــــــــينا يارجال الله وجب..
نفرح ونتـــــــــــــباها بـ سيدنا الحبيب..

والكل يوم الــــــــــــسبت لساحه ذهب..
في مولد المخــــــــــــتار لازمنا نجيب...

#الشاعر_بشير_الشامي

الكل هذا السبت خرجه قد وجب
من اجل مالاعداء ويشوفوا للعجيب

وتكون نهايه للعدو وابو لهب
والحشد عندي فاليمن ماهو غريب

#ابوقايد_عون

انضر لهـذا الشعب نضره عـــن كثب
تــلقى رســــول الله طِبه والطبيب

في عصرنا الحاضر وفي كل الحُقب
في حربنا القادم وفي حرب الصليب

#الشاعر_ابوعاقل_المنبهي

يوم السبت بايخرج احرار العرب
في حب طه الكل للداعي يجيب

شعب اليمن على جبينه قدكتب
لبيك يا طه ونصرالله قريب

#جواد_محمد

في يوم ميــلاد النبي شعبي يهب
ويحشد الساحات في مشهد مهيب

من عاصمة لانصار لا صعده وإب
(لبيك يا طب المواجع والطبيب )

#صالح_الدباء

سبت اليمن بايحضره كم من شنب
وانصار طه عند ظنه ماتخيب

حمى اللحى لاما عملنا ذي يجب
لابد نتجمل ونصرالله قريب

#ابوجبريل_شريف

بايحتشد شعبي ولبيناالطلب
يااطهربشراختارك الله الرقيب

احفاد من آووك من شربولهب
الاوس والخزرج وقالوالك لبيب

#مصطفى_محمد

حضورنا في السبت يجتاز العجب
ويذهلو منه بعيدة والقريب

ومنه العدوان بايحرق غضب
ويموت في غيضة بميلاد الحبيب

#ابوعمار_هاشم

يخساء تحالف نجد ويخساء بو لهب
واحنا ارتشفناء حب طه فل الحليب

ومن يحط النار في وصط الحطب
باتلهمه ذي يحسبنه شخص ذيب

#ابوهادي-الجامع

نهايت اعدا الله في يوم قد قرب
تمرض قلوب الشر ولاتلقا طبيب

في مولد الهادي نبادر ونحتسب
وياكيف مانخرج ونفرح بذا الحبيب

#ابوزكريا_المأخذي

الحمد لله حمد دايم ما كتب
له كل شاعر في اليمن ولا اديب

في حب طه من به اتجلت كُرب
والفرج زلزل عنى الوقت الصعيب

#الشاعر_ماجد_القادري

حبي النبي دائم على شعبي وجب
من وسط صنعاء لا تعز ثم حريب

وتحتفل صنعاء وبيروت او حلب
والكون في ذكرى محمد يستجيب

#الشاعر_ايمن_العصري

باالذات هاذا السبت بايلقو التعب
وبايشوفو يوم في المولد صعيب

هم هاكذا الكفار في الدنيا عجب
يشتو فقط نغلط ولامره نصيب

#ابتسام _شرف_المحطوري

هيا الى الساحات يااصل العرب
في مولد المختار هادينا الحبيب

نجــدد البيعـة ونأخـذ بـاالسبب
نعلن ولانا في زمن اصبح مريب

#ابورائد_السعدي

الوعد والميعاد والعهد اقترب
يامولد المختار ترحب بك نهيب

تبت يداسرائيل واذناب العرب
بايعرفوا قيمة محمد عن قريب

#ابوزايد

ياربعنا في حب طه قد وجب
نخرج نبيض وجهنا عند الحبيب

باخرج مع ربعي وللساحه نهب
ونترك المخذول بغيضه ما يطيب